წელს უცხოეთიდან ფულადი გზავნილების მოცულობამ $1,25 მილიარდი შეადგინა


Картинки по запросу money2019 წლის იანვარ-სექტემბერში საქართველოში უცხოეთიდან ფულადი გზავნილების სახით $1.25 მილიარდი დოლარი შემოვიდა, რაც ლარებში $3.7 მილიარდს აღემატება. ფულადი გზავნილების ეს მოცულობა 2018 წლის ანალოგიურ პერიოდთან მიმართებით 8.5%-ით მეტია. 

სხვა წლებთან შედარებით, გზავნილების ეს მოცულობა რეკორდულია. ეროვნული ბანკის სტატისტიკის მიხედვით, ცალკეული ქვეყნებიდან – გერმანიიდან, საბერძნეთიდან, საფრანგეთიდან, უკრაინიდან და სხვა ქვეყნებიდან ნაკადები 10%-ზე მეტად გაიზარდა.

ფულადი გზავნილების ყველაზე დიდი კლება კი რუსეთის ფედერაციიდან ფიქსირდება, საიდანაც წლის 9 თვეში $309.3 მილიონი დოლარი შემოვიდა (თითქმის 1 მლრდ ლარი), ეს 2018 წლის ანალოგიურ პერიოდთან შედარებით 8%-ით ანუ $26.6 მილიონით ნაკლებია.

ფულადი გზავნილების უმთავრესი წყარო საქართველოდან უცხოეთში ემიგრირებული ქართველი მოსახლეობის მიერ გამოგზავნილი თანხებია; შესაბამისად, გზავნილების რეიტინგში ის ქვეყნები ლიდერობენ, სადაც მეტი ემიგრანტი ცხოვრობს.

1 რუსეთის ფედერაცია – $309.3 მილიონი, კლება წინა წელთან 8%
2 იტალია – $174.5 მილიონი, ზრდა წინა წელთან 25%
3 საბერძნეთი – $141.2 მილიონი, ზრდა წინა წელთან 14%
4 აშშ – $132.2 მილიონი, ზრდა წინა წელთან 13%
5 ისრაელი – $120.7 მილიონი, ზრდა წინა წელთან 6%
6 თურქეთი – $70.7 მილიონი, კლება წინა წელთან 15%
7 გერმანია – $35.6 მილიონი, ზრდა წინა წელთან 18%
8 ესპანეთი – $29.4 მილიონი, ზრდა წინა წელთან 42%
9 უკრაინა – $35.2 მილიონი, ზრდა წინა წელთან 14%
10 პოლონეთი – $16.9 მილიონი, ზრდა წინა წელთან 44%
11 საფრანგეთი – $23.4 მილიონი, ზრდა წინა წელთან 98%
12 ყაზახეთი – $16.1 მილიონი, ზრდა წინა წელთან 161%
13 ყირგიზეთი – $19.8 მილიონი, ზრდა წინა წელთან 42%
14 აზერბაიჯანი – $16.0 მილიონი, ზრდა წინა წელთან 11%
15 გაერთიანებული სამეფო – $12.3 მილიონი, ზრდა წინა წელთან 5%
16 კვიპროსი – $10.9 მილიონი, ზრდა წინა წელთან 34%
17 კანადა – $10.4 მილიონი, ზრდა წინა წელთან 11%
18 სომხეთი – $8.6 მილიონი, ზრდა წინა წელთან 31%
19 ერაყი – $6.7 მილიონი, კლება წინა წელთან 15%
20 ირლანდია – $6.5 მილიონი, კლება წინა წელთან 13%

bm.ge




კობახიძე: "საპარლამენტო არჩევნებში "ქართული ოცნება" 60%–ს აიღებს"


 ÐšÐ°Ñ€Ñ‚инки по запросу ირაკლი კობახიძეირაკლი კობახიძემ 2020 წლის არჩევნების შედეგების  პროგნოზი გაჟღერა. მას  ეჭვი არ ეპარება, რომ არჩევნებში გამარჯვებას „ქართული ოცნება“ მოიპოვებს, თუმცა კოალიცის შექმნის აუცილებლობის თეორიულ წინაპირობებზეც ისაუბრა. 

„ვფიქრობ, რეალური სურათი, რაც შეიქმნება საპარლამენტო არჩევნების შემდეგ არის: „ქართული ოცნება” – 60%; „ნაციონალური მოძრაობა” თავისი „ევროპული საქართველოთი” – 20 %; დანარჩენი ოპოზიცია – 20 %. „ქართული ოცნებისთვის” ეს მიღწევადი შედეგია.

რაც შეეხება 45%-ს, ეს მარტივი არითმეტიკა იყო და არის მარტივი არითმეტიკა. საუბარია მარტივ კალკულაციაზე, რომელიც გვაძლევს პროგნოზირების საშუალებას, თუ რა შემთხვევაში გახდება შესაძლებელი კოალიციის ფორმირება. ჩვენ ვიცით, როგორია სპექტრი და ჩვენი ვარაუდით, დიდად არ შეიცვლება 2020 წლის საპარლამენტო არჩევნებამდე.

არსებული სპექტრის პირობებში, გამარჯვებულმა პარტიამ დაახლოებით 45 % მაინც უნდა აიღოს, რომ შედგეს კოალიცია. გამარჯვებულ პარტიას რაც შეეხება, არავის ეპარება ეჭვი, რომ „ქართული ოცნება“ 2020 წლის არჩევნებში იქნება გამარჯვებული პარტია, თუმცა 45 % არ არის ჩვენი მიზანი და ამოცანა“, – განაცხადა კობახიძემ.

 




“ორივე ქვეყნის ტერიტორიაზე უნდა გავუფრთხილდეთ კულტურულ მემკვიდრეობას”


გიორგი გახარია ნიკოლ ფაშინიანისაქართველოს პრემიერ–მინისტრი ოფიციალური ვიზიტით სომხეთის რესპუბლიკაში იმყოფება.

სომხეთის პრემიერ–მინისტრთან შეხვედრის შემდეგ გიორგი გახარიამ აღნიშნა, რომ ტერიტორიული მთლიანობა, რომელსაც სომხეთი მხარს უჭერს, ჩვენთვის კრიტიკულად მნიშვნელოვანია.

„შევთანხმდით, რომ ტერიტორიული მთლიანობა, რომელსაც სომხეთი მხარს უჭერს, ჩვენთვის კრიტიკულად მნიშვნელოვანია და ამისთვის მადლობაც მოვახსენეთ. ის პოზიტიური ცვლილებები, რაც გვაქვს საერთაშორისო პლატფორმებზე ბოლო პერიოდში ერთმანეთის მხარდაჭერის კუთხით, უნდა გავაძლიეროთ და გავაღრმავოთ“, – განაცხადა გიორგი გახარიამ.

პრემიერ–მინისტრის თქმით, საქართველოსა და სომხეთს შორის მეგობრულ ურთიერთობას მრავალსაუკუნოვანი ისტორია აქვს და ეს მეგობრობა კიდევ უფრო უნდა გაღრმავდეს და ეფექტური გახდეს.

შეხვედრისას განიხილულ იქნა სავაჭრო და ეკონომიკური ურთიერთობები, ასევე ტრანსპორტის და ენერგომატარებლების სფეროში თანამშრომლობის მნიშვნელობა.

„რა თქმა უნდა, ერთ-ერთი ყველაზე მნიშვნელოვანი განზომილებაა ეკონომიკა. აქ ჩვენ კარგი შედეგები გვაქვს, ჩვენს შორის ვაჭრობა ვითარდება. ვისაუბრეთ ტრანსპორტის და ენერგომატარებლების ნაწილში თანამშრომლობის მნიშვნელობაზე. განვიხილეთ კულტურული განზომილებაც და აღვნიშნეთ, რომ ჩვენი პოზიტიური ვალდებულებაა, გავუფრთხილდეთ კულტურულ მემკვიდრეობას, ორივე ქვეყნის ტერიტორიაზე“, – განაცხადა გიორგი გახარიამ.




დღეს სვეტიცხოვლობაა


Картинки по запросу სვეტიცხოვლობა14 ოქტომბერს მართლმადიდებელი ეკლესია უფლის კვართისა და სვეტიცხოვლის დღესასწაულს აღნიშნავს. დღეს ასევე მცხეთობა აღნიშნეს, ძველი დედაქალაქი  მთელი დღის მანძილზე მასპინძლობდა სტუმრებს.

ქუჩებში ტრადიციულად შემოდგომის ხილი და ჩურჩხელები, ასევე ხალხური რეწვის ნიმუშები გამოიფინა.

დღესასწაულთან დაკავშირებით საქართველოს პრეზიდენტი  მცხეთაში იმყოფებოდა და სვეტიცხოვლის საკათედრო ტაძარში საზეიმო ლიტურგიას დაესწრო.

„მინდა, სრულიად საქართველოს მივულოცო დღევანდელი დღე, სვეტიცხოვლობა. ეს არის ერთ-ერთი ნამდვილად და ჭეშმარიტად ქართული ქრისტიანული დღესასწაული. მინდა, მოგილოცოთ ყველას. ამავე დროს, ეს არის სრულიად ქრისტიანული დღესასწაული. ასეთი არსად არ არის და ჩვენ გვაქვს ეს დიდი მადლი, რომ აქ ვიყოთ დღეს“,- განაცხადა სალომე ზურაბიშვილმა.




საქართველოში კომპიუტერთან მომუშავე პერსონალს უსაფრთხო პირობებს შეუქმნიან


Похожее изображениеოქტომბრის ბოლოს მთავრობა  ევროდირექტივას მიიღებს, რომელიც მონიტორიან მოწყობილობებთან მუშაობის პროცესში უსაფრთხოების საკითხებს დაარეგულირებს, მათ შორის იგულისხმება ჩვეულებრივი კომპიუტერი, რომელთანაც დღეს მოქალაქეების უმრავლესობას უწევს მუშაობა. ამის შესახებ რადიო „პალიტრის“ ეთერში შრომის პირობების ინსპექტირების დეპარტამენტის წარმომადგენელმა მაია მიქაიამ განაცხადა.

მაია მიქაიას თქმით, დოკუმენტში გაიწერება მოთხოვნები, რომლითაც განისაზღვრება თუ როგორ უნდა იყოს აღჭურვილი სამუშაო ოთახი; რამდენი კვადრატული უნდა იყოს სამუშაო სივრცე/ოთახი; ასევე გაწერილია, რომ სპეციალურად იყოს სამუშაო კუთხე განათებული; სავარძელი იყოს ისეთი, რომელიც დასაქმებულზე იქნება მორგებული.

„გარდა ამისა, დირექტივაში განსაზღვრულია თუ როგორ უნდა განთავსდეს დასაქმებული მონიტორიან მოწყობილობასთან; რამდენი ხანი უნდა გაატაროს ეკრანთან შეუსვენებლად, დასაქმებულმა უნდა იცოდეს რომ მაგალითად, 3 საათის შემდეგ ადგეს, 10 წუთი გაიაროს და თვალი დაასვენოს; ამასთან, საუბარია, ფეხისა და მაჯის დასადებზე.

რაც შეეხება თავად, მონიტორიანი მოწყობილობის ხარისხს, დირექტივის მიხედვით, უზრუნველყოფილი უნდა იყოს, რომ გამოსხივებამ დასაქმებულის ჯანმრთელობას, მის თვალებს საფრთხე არ შეუქმნას. იმ შემთხვევაში თუ დასაქმებული აღმოაჩენს, რომ მას თვალების მდგომარეობა შეეცვალა, მას უფლება ექნება, დამსაქმებელს მოსთხოვოს და მხედველობასთან დაკავშირებით, შესაბამისი სამედიცინო შემოწმება გაიაროს“, – განაცხადა მიქაიამ.

მაია მიქაიას განმარტებით, დამსაქმებლებისთვის გარდამავალი პერიოდი იქნება, რათა გაეცნონ დოკუმენტს და მოთხოვნების დაკმაყოფილება შეძლონ. ამის შემდეგ კი ზედამხედველობა დაიწყება.

ამასთან, მიქაიას თქმით, ევროკავშირთან ასოცირების ხელშეკრულებით 23 ევროდირექტივის მიღების ვალდებულება გვაქვს, რომელიც შრომის უსაფრთხოებას ეხება. მათი მიღება ეტაპობრივად, 2022 წლამდე უნდა მოხდეს.




"რაც უფრო სწრაფად აღდგება ფრენები, მით უკეთესი საქართველოსთვის, რუსეთისთვის"


Картинки по запросу ზალკალიანისაქართველოს საგარეო საქმეთა მინისტრმა, დავით ზალკალიანის განცხადებით,  რაც უფრო სწრაფად აღდგება ფრენები, მით უკეთესი საქართველოსთვის, რუსეთისთვის და იმ ურთიერთობებისთვის, რომელიც არსებობს ხალხთა შორის.

 

„მე ვფიქრობ, რაც უფრო სწრაფად აღდგება მით უკეთესი საქართველოსთვის, რუსეთისთვის და იმ ურთიერთობებისთვის, რომელიც არსებობს ხალხთა შორის. მე ეს პოზიცია დავაფიქსირე ნიუ-იორკში შეხვედრის დროს და მინდა, კიდევ ერთხელ გავიმეორო, რომ მიუხედავად შექმნილი ვითარებისა, ივნისის შემდეგ პერიოდში არც ერთი რუსი მოქალაქის მიმართ არ ყოფილა არანაირი არც ძალადობის, არც შეურაცხყოფის არანაირი ფაქტი.

ამიტომ ვფიქრობ, უნდა აღდგეს, რადგანაც ხალხთა შორის ურთიერთობა, განვითარება ჰუმანიტარული ურთიერთობების, ტურიზმის განვითარება ეს არის ორმხრივად ხელსაყრელი და ვფიქრობ, ეს არ უნდა იყოს ბარიერი ურთიერთობებში. სადაც ადვილად შეიძლება ამ ბარიერის მოხსნა, უნდა იყოს მოხსნილი“ – განაცხადა საქართველოს საგარეო საქმეთა მინისტრმა.




“დავით გარეჯში ეკლესიების გახსნა კიდევ ერთი ნაბიჯია საზღვრის დაზუსტების საკითხების მოსაგვარებლად”


Картинки по запросу salome zurabishviliსაქართველოს პრეზიდენტი სალომე ზურაბიშვილი მიესალმება შედეგს, რომელიც პრემიერ-მინისტრ გიორგი გახარიას აზერბაიჯანში ვიზიტს მოჰყვა.

„ორი ქვეყნის ნაციონალური ინტერესებისა და ისტორიის გათვალისწინებით, ქართული საზოგადოებისათვის დავით გარეჯის სამონასტრო კომპლექსში არსებული ეკლესიების გახსნა კიდევ ერთი ნაბიჯია გარეჯის კომპლექსისა და მთლიანად საზღვრის დაზუსტების საკითხების მოსაგვარებლად.

აზერბაიჯანი ჩვენი სტრატეგიული პარტნიორია და დარწმუნებული ვარ, რომ ერთობლივი ძალისხმევის შედეგად, აუცილებლად მოიძებნება ორი მეგობარი ქვეყნის ინტერესების შესაბამისი გადაწყვეტილებები,”- აღნიშნულია საქართველოს პრეზიდენტის განცხადებაში.

საქართველოს პრემიერ-მინისტრი გიორგი გახარია პრემიერის რანგში პირველი ოფიციალური ვიზიტით გუშინ აზერბაიჯანში იმყოფებოდა. გიორგი გახარიამ აზერბაიჯანში ვიზიტი დღეს მთავრობის სხდომაზე შეაფასა და განაცხადა, რომ ქართული სამღვდელოებისთვის დავით გარეჯის კომპლექსის ფარგლებში არსებული ეკლესიები ხვალიდან გაიხსნება.




ილჰამ ალიევი:"ჩვენთვის საქართველო ყველაზე ახლო მეგობარს, მეზობელს და პარტნიორს წარმოადგენს"


ილჰამ ალიევი - ჩვენთვის საქართველო ყველაზე ახლო მეგობარს, მეზობელს და პარტნიორს წარმოადგენს საქართველოს პრემიე– მინისტრი პირველი ოფიციალური ვიზიტით აზერბაიჯანს ეწვია და ქვეყნის პრეზიდენტს ოლჰამ ალიევმა შეხვდა. 

შეხვედრაზე აზერბაიჯანის პრეზიდენტმა ორი ქვეყნის პარტნიორობაზე ისაუბრა.

„ბატონო პრემიერ-მინისტრო, თქვენ ბევრჯერ ყოფილხართ აზერბაიჯანში და სიამოვნებით ვიხსენებ თქვენთან გამართულ შეხვედრებს. მოხარული ვარ, რომ პრემიერ-მინისტრის თანამდებობაზე პირველი საგარეო ვიზიტით აზერბაიჯანს ესტუმრეთ. ეს მოწმობს იმას, რომ საქართველო და აზერბაიჯანი ახლო მეგობრები და პარტნიორები არიან. ჩვენთვის საქართველო ყველაზე ახლო მეგობარს, მეზობელს და პარტნიორს წარმოადგენს. ჩვენ გვაკავშირებს ისტორია, გეოგრაფია და ჩვენი ურთიერთობების განვითარებისთვის ეს მნიშვნელოვანი ფაქტორებია.

დამოუკიდებლობის მოპოვების შემდეგ ჩვენი ურთიერთობები ვითარდება და მრავალ სფეროს მოიცავს. ჩვენ მხარს ვუჭერთ ერთმანეთის ტერიტორიულ მთლიანობას და წარმატებით ვთანამშრომლობთ საერთაშორისო ორგანიზაციების ფარგლებში. მოხარული ვარ, რომ ჩვენი ეკონომიკური ურთიერთობები წარმატებით ვითარდება და აზერბაიჯანი საქართველოსთვის სიდიდით ერთ-ერთი პირველი ინვესტორია. ჩვენს ქვეყნებს შორის არსებული თანამშრომლობა, განსაკუთრებით ნავთობის, გაზის, ტრანსპორტის სფეროში, გასცდა რეგიონულ ფარგლებს და საერთაშორისო დონეზე ავიდა“, – აღნიშნა ილჰამ ალიევმა.

ამასთან, აზერბაიჯანის პრეზიდენტმა ხალხთაშორის კავშირებზეც გაამახვილა ყურადღება.

„განსაკუთრებული მნიშვნელობა აქვს ხალხთაშორის ურთიერთობებს. საქართველოში მცხოვრები აზერბაიჯანელები და აზერბაიჯანში მცხოვრები ქართველები დიდ როლს ასრულებენ ამ ურთიერთობების განვითარებაში”, – განაცხადა ილჰამ ალიევმა.

 




ISUZU-ს ახალი ავტობუსები რამოდენიმე მარშრუტზე ძველ ავტობუსებს ჩაანაცვლებენ


Нет описания фото.თბილისში ISUZU-ს მარკის 8-მეტრიანი, დიზელის ძრავზე მომუშავე, euro 6 ემისიის სტანდარტის  ავტობუსები შემოვიდა. თბილისის მერიის ინფორმაციით, ძველი ავტობუსების ახალი ავტობუსებით ჩანაცვლება უახლოეს დღეებში დაიწყება და წლის ბოლომდე დასრულდება.

უკვე ცნობილია მარშრუტები, რომლებზეც ISUZU-ს მარკის 36 ერთეული ავტობუსი გადანაწილდება: 12 ძველი „ბოგდანი“, პირველად, წყნეთი – სადგურის მოედნის N34  მარშრუტზე ჩანაცვლდება. რამდენიმე დღის ინტერვალით კი ახალი ავტობუსები შემდეგ მარშრუტებზე გავლენ: N28 – სვანეთის უბანი – მარჯანიშვილის მოედანი – 4 ერთეული; N42 – იყალთოს გორა – ბარათაშვილის ქუჩა – 4 ერთეული; N56 – ორხევი – მეტროსადგური „ისანი“ – 5 ერთეული; N66 – სადგურის მოედანი – შატბერაშვილის ქუჩა (ზემო ვაკე) – 3 ერთეული; N78 – სადგურის მოედანი – ჯაფარიძის ქუჩა (ზემო ვერა) – 4 ერთეული; N108 – სოფელი გლდანი – მეტროსადგური „ახმეტელის თეატრი“ – 4 ერთეული.

220 ერთეული ISUZU-ს მარკის ავტობუსი, რომელიც 53 მგზავრზეა გათვლილი, აქვს 21 დასაჯდომი ადგილი და სრულად ადაპტირებულია შშმ პირებისთვის, მუნიციპალური  ავტოპარკის განახლების მიზნით,  თბილისის სატრანსპორტო კომპანიამ შეისყიდა.

ავტობუსში განთავსებულია როგორც wifi მოდემი, რომელიც უზრუნველყოფს მთლიანი ავტობუსის wifi-ს სიგნალით დაფარვას, ასევე თანამედროვე სტანდარტის, ინტეგრირებული გათბობის, კონდიცირებისა და ვენტილაციის საინფორმაციო ხმოვანი სისტემები. ავტობუსის სალონში დამონტაჟებულია ანტივანდალური ვიდეომონიტორინგის სისტემა და usb-დამტენები. პროექტის მთლიანი ღირებულება 64 790 000 ლარს შეადგენს




130 000 ადამიანს  საარსებო მინიმუმზე ნაკლები ხელფასი აქვს


Картинки по запросу საფულე ლარი130 000 ადამიანს ამ ქვეყანაში სახელმწიფოს მიერ დაწესებულ საარსებო მინიმუმზე ნაკლები ხელფასი აქვს, – ამის შესახებ პროფესიული კავშირების გაერთიანების თავმჯდომარემ, ირაკლი პეტრიაშვილმა საქართველოში მინიმალური ხელფასის თემაზე კონფერენციის დაწყებამდე ჟურნალისტებს განუცხადა

მისი თქმით, სოციალურ-ეკონომიკური პოლიტიკის თვალსაზრისით, სახელმწიფოს მთავარი ფუნქცია ეკონომიკური დოვლათის შექმნისთვის და ზოგადად, ეკონომიკის განვითარებისთვის ხელის შეწყობაა.

„სიცოცხლის უზრუნველყოფა გახლავთ სახელმწიფოს ფუნქცია. 130 000 ადამიანს ამ ქვეყანაში აქვს სახელმწიფოს მიერვე დაწესებულ საარსებო მინიმუმზე, ანუ რაც ადამიანს სჭირდება თვიდან თვემდე რომ იცოცხლოს, ამაზე ნაკლები ხელფასი. 100 ლარზე ნაკლები ხელფასი აქვს 23 500 ადამიანს, რაც ბუნებრივია, ქმნის უამრავ გამოწვევას და საფრთხეს ქვეყნისთვის. ფაქტია ის, რომ ქვეყანას აქვს ამბიცია იმასთან დაკავშირებით, რომ სამართლიანი გარემო იყოს და სამართლიანი გარემო მანამდე ვერ იქნება, ვიდრე ბიზნესს ეძლევა საშუალება, რომ ბიუჯეტს ფული მოპაროს.

ფულის მოპარვა გამოისახება სწორედ დღეს არსებულ მინიმალურ ხელფასში. ვერ დამანახებთ ვერც ერთ დასაქმებულს, რომელიც 20 ლარად თანახმაა, რომ დასაქმდეს, რაც ნიშნავს იმას, რომ კონვერტით ხდება ხელფასების გადახდა. კონვერტით ხელფასების გადახდა კი ნიშნავს იმას, რომ სახელმწიფო ბიუჯეტში საშემოსავლო გადასახადი ადეკვატურად არ შედის.

აქედან გამომდინარე, ბიუჯეტს უჩნდება პრობლემები იმ სოციალურ გამოწვევებთან დაკავშირებით, სადაც იგივე საარსებო შემწეობა გახლავთ 40-დან 60 ლარამდე, რაც ასევე ბევრად ნაკლებია, ვიდრე სახელმწიფო სტატისტიკის სამსახურის მიერ დაწესებული საარსებო მინიმუმი. ეს არის კოლოსალური პრობლემები. არ ვამბობ, რომ ყველაფერს მოაგვარებს მინიმალური ხელფასი და მხოლოდ 1 კომპონენტი, იგივე პროგრესული გადასახადები და ა.შ., მაგრამ ბევრი ჩვენი მოქალაქისთვის ადეკვატური მინიმალური ხელფასის არსებობა ქვეყანაში სასიცოცხლოდ მნიშვნელოვანია”, – განაცხადა ირაკლი პეტრიაშვილმა.

მისივე თქმით, მინიმალური ხელფასის კუთხით, მთელ მსოფლიოში საქართველო 111-ე, ხოლო ევროპულ ქვეყნებში ბოლო ადგილზეა.

commersant.ge