87 წლის ასაკში მწერალი თამაზ ჭილაძე გარდაიცვალა


Похожее изображение87 წლის ასაკში, ხანგრძლივი ავადმყოფობის შედეგად, ქართველი კლასიკოსი მწერალი და დრამატურგი თამაზ ჭილაძე გარდაიცვალა.

რუსთაველის, სახელმწიფო და კიდევ რამდენიმე სხვა პრემიის ლაურეატი არაერთი პოეტური კრებულის ავტორია, რომელიც თარგმნილია მსოფლიოს მრავალ ენაზე.

მის პიესებს სხვადასხვა თეატრში დგამდნენ რეჟისორები: რობერტ სტურუა, თემურ ჩხეიძე, გიზო ჟორდანია, გიგა ლორთქიფანიძე და სხვები.

თამაზ ჭილაძე წლების განმავლობაში ხელმძღვანელობდა სხვადასვხა ჟურნალს, იყო მწერალთა კავშირის მდივანი.




"პრემიერს მოუმზადებელი და არასწორი ხედვის გამოსვლა ჰქონდა"


Картинки по запросу giga bokeriaოპოზიციონერი დეპუტატის გიგა ბოკერიას შეფასებით, გაერო-ში საქართველოს პრემიერ-მინისტრს მამუკა ბახტაძეს მოუმზადებელი და არასწორი ხედვის გამოსვლა ჰქონდა.

როგორც ჟურნალისტებს ბოკერიამ განუცხადა, მრავალთვიანი კრიტიკის შემდეგ, პრემიერ-მინისტრმა „ოთხოზორია-ტატუნაშვილის სია“ როგორც იქნა ახსენა, მაგრამ სამწუხაროდ, საკუთარი გამოსვლა სწორ კონტექსტში არ ჩასვა.

„შედარებისთვის შეგვიძლია, ესტონეთისა და უკრაინის პრეზიდენტების გამოსვლები ავიღოთ. საქართველო ყოველთვის საერთაშორისო საფრთხის კონტექსტში უნდა ჩასვა, რადგან ეს მხოლოდ ჩვენი პრობლემა კი არ არის, არამედ მთელი თავისუფალი სამყაროს პრობლემაა და ეს მან არ გააკეთა, განსხვავებით, ესტონეთისა და უკრაინის პრეზიდენტებისგან.

პოზიტივის მიუხედავად, მაინც მოუმზადებელი და არასწორი ხედვის გამოსვლა იყო. პრემიერს არც საერთაშორისო თანამეგობრობის წინაშე კონკრეტული მოთხოვნები არ დაუყენებია, რაც საქართველოსთვის მნიშვნელოვანია. გამოსვლის სწორი ნაწილიც შეუთავსებელია „ქართული ოცნების“ გუნდის მიერ სალომე ზურაბიშვილის მხარდაჭერისთან.

ქართული საზოგადოება აქედან უნდა გამოვიდეს, როცა მას უსმენს. მას სანქციებზე და იმაზე უნდა ესაუბრა, რომ რუსეთი საქართველოს მიმართ ისევე არღვევს საერთაშორისო სამართლის ნორმებს და მის მიერ აღებულ ვალდებულებებს, როგორც უკრაინასთან მიმართებაში. ფუნდამენტურად არასწორია როცა ამბობ, რომ რუსეთი შენი პრობლემაა და არა – თავისუფალი სამყაროსა და მთელი მსოფლიოსი. “ოთხოზორია-ტატუნაშვილის სიის” ხსენება კარგია, მაგრამ პასუხისმგებლობა რუსეთზე უნდა დაეკისრებინა”, – განაცხადა ბოკერიამ.

1tv.ge




„ღვინობისთვე 2018“ 5-21 ოქტომბერს გაიმართება


Похожее изображение

ღვინის ეროვნული სააგენტოს ორგანიზებით, 5-21 ოქტომბრის ჩათვლით ქართული ღვინის დღეები – ღვინობისთვე 2018 გაიმართება.

ღონისძიებები საქართველოს რამდენიმე რეგიონსა და დედაქალაქს მოიცავს. ერთი თვის განმავლობაში ქართული ღვინის მოყვარულებს საშუალება ექნებათ, დააგემოვნონ სხვადასხვა რეგიონის ღვინოები და გაეცნონ ქართულ კულტურას. ღვინის დღეები ხუთ ოქტომბერს თელავში, „თელავინო 2018“-ით გაიხსნება და 21 ოქტომბერს ქართული ღვინის მეხუთე ეროვნული კონკურსით დასრულდება.

ღონისძიებების ჩამონათვალი:

5 ოქტომბერი – “თელავინო 2018″ 
თელავი/ძველი ბაღი
12:00 – 17:00

გაიმართება ქართული ღვინის დეგუსტაცია, ქართული ღვინის გამოფენა-გაყიდვა,თემატური ნამუშევრების (ფოტო, მხატვრული, მინა, კერამიკა, ტექსტილი) გამოფენა-გაყიდვა და ეთნოგრაფიული ექსპოზიციები.
მოეწყობა საშემოდგომო პავილიონები, წარმოდგენილი იქნება ფოლკლორული და მუსიკალური ნომრები.

მხარდამჭერია Kakheti Wine Guild / კახეთის მეღვინეთა გილდია

12 ოქტომბერი – “ღვინობისთვე მარნეულში”
მარნეულის კულტურის ცენტრის მიმდებარე ტერიტორია
12:00 – 17:00

გაიმართება ღვინის დეგუსტაცია, მოეწყობა ხელნაკეთი, თემატური ნამუშევრების გამოფენა თიხის დამუშავების მასტერკლასები, ჩატარდება კონკურსი მარნეულის მეღვინეებს შორის (წარმოდგენილ პროდუქციას სომელიეები შეაფასებენ და გამარჯვებულს გადაეცემა სიმბოლური საჩუქარი)გაიმართება ყურძნის დაწურვის ცერემონია.
მხარდამჭერია მარნეულის მუნიციპალიტეტის მერია / Marneuli Municipality City Hall

13 ოქტომბერი – “გურჯაანის საერთაშორისო ღვინის ფესტივალი 
გურჯაანი/ახტალის პარკი
12:00 – 17:00

გაიმართება კახური და ევროპული ღვინის დეგუსტაცია.მოეწყობა ხელნაკეთი და თემატური ნამუშევრების გამოფენა-გაყიდვა და ეთნოგრაფიული ექსპოზიციები, მოეწყობა სპეციალურად ფესტივალისთვის შექმნილი საშემოდგომო და კულინარიული პავილიონები, გაიმართება სადემონსტრაციო ყურძნის დაწურვა და თათარაობა. ღონისძიება დასრულდება კინოჩვენებით „საქართველო-ღვინის სამშობლო“, რომელიც გაიმართება გურჯაანის კულტურის ცენტრში.

13 ოქტომბერი – ქართული ღვინის ფესტივალი 2018
თბილისი/სიონის ქუჩა
12:00 – 19:00

ქართული ღვინის ფესტივალი • Georgian Wine Festival

15 ოქტომბერი – ,,Wine Feeling 2018’’ 
თბილისი/ბარ-რესტორანი ,,პოლიფონია’’

ღვინის ტურიზმის ასოციაციის ორგანიზებითა და ღვინის ეროვნული სააგენტოს მხარდაჭერით, Wine Feeling 2018 წელს მეორედ იმართება.ღონისძიების ფარგლებში, გაიმართება ლექციები  თემებზე: ვაზის ჯიშები, ღვინის სახეობები, ღვინის ტურისტების ინტერესები, მიკრო-ზონები და ნიადაგი, დეგუსტაცია და საკვებთან შეხამება.

17 ოქტომბერი – “მცირე მარნები დიდ ასპარეზზე”
თბილისი/ ღვინის ქარხანა №1
11:00 – 18:00

ღვინობისთვე 2018“-ის ფარგლებში, კომპანია ღვინის კლუბის ორგანიზებით, მოეწყობა საფესტივალო აქცია ,,მცირე მარნები დიდ ასპარეზზე’’ . ღონისძიება გაიმართება ღვინის ქარხანა N1-ის სარდაფებში (პეტრიაშვილის ქ.№1).

ფესტივალში მონაწილეობას მიიღებს დაახლოებით 40 მარანი. 20-21 ოქტომბერს კი, ქართული ღვინის ეროვნული კონკურსის დაჯილდოება გაიმართება.




"2008 წლის რუსეთის აგრესიას არ მიეცა ადეკვატური რეაგირება"


მამუკა ბახტაძე - მინდა, ამ ტრიბუნიდან მივმართო ჩვენს აფხაზ და ოს თანამოქალაქეებს, საქართველოს თითოეული წარმატება თქვენი წარმატებაა, მხოლოდ თქვენთან ერთად წარმოგვიდგენია ჩვენი მომავალიგენერალური ასამბლეის 73-ე სესიაზე სიტყვით გამოსვლისას პრემიერმა საუკუნოვან საერთო ისტორიულ წარსულზე გაამახვილა ყურადღება, რომელიც მომავალს საფუძვლად უნდა დაედოს და ეს მშვიდობასა და კეთილდღეობას მოიტანს.

„საქართველოს ხელისუფლებას აქვს ვალდებულება, დაიცვას და უზრუნველყოს თავისი ყველა მოქალაქის უფლება და ჩვენ ამას შეუქცევადად და მიზანმიმართულად ვახორციელებთ. თქვენ უნდა ისარგებლოთ ყველა იმ სიკეთით, რაც საქართველომ შექმნა, იქნება ეს ადამიანის უფლებები, განათლება, ჯანდაცვა, ევროპასთან უვიზო მიმოსვლა თუ სხვა.

მინდა მივმართო განსაკუთრებით ახალგაზრდებს: ჩვენ ერთად, ერთობლივი მონდომებით და შესაძლებლობებით მივაღწევთ წარმატებას და კეთილდღეობას. მინდა იცოდეთ, მხოლოდ თქვენთან ერთად წარმოგვიდგენია ჩვენი მომავალი. აქვე, მინდა, კიდევ ერთხელ მოვუწოდო რუსეთს, ნუ უშლის ხელს და ნუ აფერხებს ჩვენს სამშვიდობო ინიციატივებს, მისცეს ოკუპირებულ ტერიტორიებზე მცხოვრებ მოქალაქეებს ღირსეული ცხოვრების საშუალება”, – განაცხადა მამუკა ბახტაძემ.

მთავრობის მეთაურმა განსაკუთრებით გაუსვა ხაზი, რომ საქართველოს მთავრობამ დაძლია უმძიმესი გამოწვევა, რომელიც პენიტენციურ სისტემაში დახვდა და დღეს თვალსაჩინო პროგრესია ციხეებში პატიმართა უფლებების დაცვის მხრივ. მამუკა ბახტაძის განცხადებით, მნიშვნელოვანი რეფორმები გატარდა სასამართლო სისტემაში, რომელიც გრძელდება და დაგეგმილია რეფორმის შემდეგი ეტაპი.

მამუკა ბახტაძემ აღნიშნა, რომ მსოფლიოში მიმდინარეობს უსაფრთხოების სისტემის ეროზია და ბუნებრივია, ამაში ძალიან მნიშვნელოვანი წვლილი შეიტანა 2008 წელს რუსეთის ფედერაციის აგრესიამ საქართველოს წინააღმდეგ. პრემიერის შეფასებით, სამწუხაროდ მაშინ ამ აგრესიას არ მიეცა ადეკვატური რეაგირება და შესაბამისად, ეს ეროზია გაგრძელდა.

„ვფიქრობ, მსოფლიო თანამეგობრობას ძალიან კარგად ესმის უსაფრთხოების ფასი და ის, რომ საჭიროა ახალი ინიციატივები, პრინციპული ნაბიჯების გადადგმა, რომ უსაფრთხოება ყველგან იყოს უზრუნველყოფილი, განსაკუთრებით ისეთ სენსიტიურ რეგიონში, სადაც საქართველო მდებარეობს.

ჩვენ გვაქვს სრული მხარდაჭერა, მათ შორის არაღიარების ნაწილში, მიუხედავად იმისა, რომ ძალიან დიდი ზეწოლაა ბევრ ქვეყანაზე რომ მათ ეს ნაბიჯი გადადგან. თქვენ ხედავთ, რომ ჩვენ გვაქვს მსოფლიო თანამეგობრობის სრული მხარდაჭერა თუ  არც ჩავთვლით ისეთ რეჟიმებს, როგორიც არის სირიაში. აქედან გამომდინარე, ჩვენი საგარეო პოლიტიკა არის  ძალიან წარმატებული და კონკრეტულ მიზანზე ორიენტირებული”, – განაცხადა პრემიერმა.

 




სიღნაღი ფოტოგამოფენას „დიეგო და ფრიდა. ღიმილი შუა გზაზე“ მასპინძლობს


На данном изображении может находиться: 2 человека, люди улыбаются, текстსიღნაღის მუზეუმში დიეგო რივერასა და ფრიდა კალოს სტუდია-მუზეუმიდან (Museo Casa Estudio Diego Rivera y Frida Kahlo) ფოტოგამოფენა  „დიეგო და ფრიდა“. ღიმილი შუა გზაზე“ გაიხსნა. პროექტი  საქართველოს ეროვნული მუზეუმის, მექსიკის შეერთებული შტატების საელჩოს საქართველოში და საქართველოს საგარეო საქმეთა სამინისტროს მხარდაჭერით განხორციელდა.

სიღნაღის მუზეუმის ექსპოზიციაზე სტუმრები იხილავენ ფრიდასა და დიეგოს ყოველდღიური ცხოვრების ამსახველ 100-მდე ფოტონამუშევარს. მექსიკის ხელოვნების ისტორიაში გამორჩეული წყვილის ყოველდღიური ცხოვრება, ხელმეორედ ქორწინება, სახელოსნოში მუშაობის პროცესი მოექცა არაერთი ფოტოგრაფის ობიექტივში. მათ შორის არიან: გილერმო კალო, პიტერ ჯული, გილერმო ზამორა, ნიკოლა მიურეი, ედვარდ ვესტონი, მანუელ ალვარეს ბრავოსა და ხუან გუსმანი.

დიეგიოსა და ფრიდას ურთიერთობა 25 წელს გაგრძელდა – ქორწინებიდან (1929) ფრიდას გარდაცვალებამდე (1954). ქორწინება სავსე იყო სიყვარულით, სიძულვილითა და ბრძოლით. ისინი არაერთხელ გაშორდნენ და შერიგდნენ. უთანხმოებებისა და განშორებების მიუხედავად, ორივემ ისწავლა თუ როგორ უნდა ჰყვარებოდათ ერთმანეთი და შეენარჩუნებინათ ურთიერთობა.

გამოფენა საშუალებას გვაძლევს გავეცნოთ მე-20 საუკუნის ამ გამორჩეული წყვილის ცხოვრებას უნიკალური ფოტომასალის საშუალებით.მე-20 საუკუნის ამ ცნობილი წყვილის პირადი ცხოვრების ამსახველი გამოფენა პირველად 2002 წელს მოეწყო დიეგო რივერასა და ფრიდა კალოს სტუდია-მუზეუმში. მას შემდეგ გამოფენა მოგზაურობს სხვადასხვა ქვეყანაში.




პრეზიდენტმა 111 მსჯავრდებული შეიწყალა


giorgi_margvelashvili_4625საქართველოს პრეზიდენტმა დღეს 111 მსჯავრდებული შეიწყალა. კომისიამ სულ 866 მსჯავრდებულის საქმე განიხილა.

შეწყალების კომისიის თავმჯდომარის ზვიად ქორიძის ცნობით, პრეზიდენტის განკარგულება უკვე გადაეგზავნა საქართველოს იუსტიციის სამინისტროს სპეციალურ პენიტენციურ სამსახურს. შეწყალების კომისია შესაწყალებელ პირთა საქმეებზე 19-23 სექტემბრის პერიოდში მუშაობდა.

შეწყალების კომისიამ დეკანოზ გიორგი მამალაძის შეწყალების საკითხზეც იმსჯელა, მაგრამ ერთსულოვანი გადაწყვეტილება ვერ მიიღო.

„გიორგი მამალაძის საქმეს კომისია განიხილავდა განსაკუთრებული წესით, რადგან მას არ აქვს მოხდილი სასჯელის ნახევარი, ამას ითვალისწინებს შეწყალების პროცესის დებულება.ამ წესის თანახმად, კომისიას უნდა ესწრებოდეს სრული შემადგენლობის არანაკლებ სამი მეოთხედი და დადებითი რეკომენდაცია უნდა მიიღოს სრულმა შემადგენლობამ ანუ ყველამ, ვინც ესწრება კომისიის სხდომას. გიორგი მამალაძის საქმის განხილვისას კომისიის წევრთა სრული კონსენსუსი არ შედგა და პრეზიდენტს, შესაბამისად, დადებითი რეკომენდაცია კომისიამ ვერ მისცა. პრეზიდენტმა კომისიის პოზიცია გაიზიარა“, – აღნიშნა ზვიად ქორიძემ.

რაც შეეხება ივანე მერაბიშვილს, კომისიის თავმჯდომარის განცხადებით, კომისიას ივანე მერაბიშვილის საქმე არ განუხილავს, რადგანაც მას განცხადება შეწყალების თაობაზე, რომლის საფუძველზეც დაიწყებოდა შეწყალების პროცედურა, არ დაუწერია.

 




სოხუმის დაცემიდან 25 წელი გავიდა


Картинки по запросу სოხუმის დაცემასოხუმის დაცემიდან დღეს 25 წელი გავიდა. აფხაზეთის ომში დაღუპულთა ხსოვნის პატივსაცემად საქართველოს სახელმწიფო დროშები ქვეყნის მთელს ტერიტორიაზე დაშვებულია.

სოხუმის დაცემის 25-ე წლისთავთან დაკავშირებით გმირთა მემორიალს გვირგვინით შეამკეს მთავრობისა და პარლამენტის წარმომადგენლებმა, პრეზიდენტობის კანდიდატებმა, სხვადასხვა პოლიტიკური პარტიის ლიდერებმა.

სამხედრო დაპირისპირება აფხაზეთში 1992 წლის 14 აგვისტოს დაიწყო. კონფლიქტი ქართულ სამთავრობო ჯარებსა და აფხაზ სეპარატისტთა ძალებს შორის 13 თვესა და 13 დღეს გრძელდებოდა. „ცეცხლის შეწყვეტისა და ძალთა დაშორიშორების შესახებ” მიღწეული შეთანხმების დარღვევით მოწინააღმდეგემ სოხუმის აღება შეძლო.

რუსულმა, ჩრდილოკავკასიელთა და კაზაკთა შენაერთებმა აფხაზეთის მინისტრთა საბჭოს შენობაზე შტურმი 27 სექტემბერს დილიდანვე დაიწყეს და ტყვედ აიყვანეს აფხაზეთის მინისტრთა საბჭოს თავმჯდომარე ჟიული შარტავა, ქალაქ სოხუმის მერი და მინისტრთა საბჭოს 27 თანამშრომელი. ტყვედ აყვანილი ადამიანები, რომლებმაც სოხუმი არ დატოვეს, დახვრიტეს. ქართული მხარის მიერ ამ დრომდე დაუზუსტებელი მონაცემებით, 10 ათასზე მეტი ქართველი ჯარისკაცი და მშვიდობიანი მოქალაქე დაიღუპა. 300 ათასი აფხაზეთიდან დევნილი კი უსახლკაროდ დარჩა.

„დარწმუნებული ვარ, რომ დღეს მთელ საქართველოს, მათ შორის ჩვენს აფხაზ ძმებს, კარგად ესმით, რა მოხდა და ნაბიჯები, რომლებსაც დღეს ვდგამთ, არის ნაბიჯები უკეთესი მომავლისთვის. სწორედ ეს არის სწორი დასკვნა, სწორი ანალიზი იმ მოვლენების, რაც წლების წინ აფხაზეთში მოხდა. ვფიქრობ, ამით მთელი საქართველო, მთელი ჩვენი საზოგადოება, მათ შორის აფხაზეთში თანაბრად და ძალიან მძიმედ დაზარალდა. დღეს ჩვენ ვიხსენებთ იმ ადამიანებს, რომლებიც საქართველოს ტერიტორიული მთლიანობისთვის დაეცნენ. მთელი ჩვენი საზოგადოებიდან, მათ შორის აფხაზური საზოგადოებიდან კიდევ უფრო მეტია მზაობა, ჩვენ ერთად მოვძებნოთ გამოსავალი აქედან და აღვადგინოთ ჩვენი ქვეყნის ტერიტორიული მთლიანობა. დღეს არის ასევე ჟიული შარტავას გმირულად დაღუპვის დღე. ამ ადამიანმა მაგალითი მისცა ყველას, როგორ უნდა გიყვარდეს შენი სამშობლო”, – განაცხადა საპარლამენტო უმრავლესობის ლიდერმა არჩილ თალაკვაძემ.




შეცვლის თუ არა სემეკი ელექტროენერგიის ტარიფს?


Картинки по запросу электричествоსაქართველოს ენერგეტიკისა და წყალმომარაგების მარეგულირებელი ეროვნული კომისიის თავმჯდომარის ირინა მილორავას განმარტებით, თუ ელექტროენერგიის მსხვილი მომხმარებლების თავისუფალ ბაზარზე გასვლა არ გაგრძელდება, სემეკმა შესაძლოა, ტარიფები მიმდინარე წელს ისევ დაითვალოს. 

როგორც სემეკის თავმჯდომარე აღნიშნავს, როდესაც 2017 წელს კომისია ელექტრონერგეტიკის სექტორში სამომხმარებლო ტარიფებს ითვლიდა, იმ დროისთვის მოქმედი კანონმდებლობა ითვალისწინებდა, რომ 2018 წლის 1 მაისიდან გარკვეული რაოდენობის მომხმარებლების ბაზარზე გავიდოდნენ, შესაბამისად ახალი ტარიფები სემეკმა ამ მოცემულობის გათვალისწინებით დაიანგარიშა.

„შემდეგ ამ კანონპროექტის ერთგვარი ცვლილება მოხდა და ამ მომხმარებლების ბაზარზე გასვლა შეჩერდა, რის შედეგადაც ბაზარზე უფრო ნაკლები კომპანია გავიდა, ვიდრე ეს ჩვენ გავითვალისწინეთ ტარიფების გაანგარიშებისას. როგორც ახლა გაჟღერდა ინიციატივა, ბაზრის გახსნა გაგრძელდება და შემდეგი ტალღა განხორციელდება გარკვეული მომხმარებლების თავისუფალ ბაზარზე გასვლის მიმართულებით. ამ ეტაპზე საუბარია, წელიწადში 5 მლნ კვტ.სთ-ზე მეტი მოხმარების მქონე საწარმოებზე. ასეთია დაახლოებით, ათამდე საწარმო“, – განმარტა სემეკის თავმჯდომარემ და დასძინა, რომ თუ ეს პროცესი არ გაგრძელდება, შესაძლოა, ელექტროენერგიის ტარიფის გადახედვა საჭირო გახდეს.  „წინააღმდეგ შემთხვევაში, არ გამოვრიცხავ, რომ საჭირო გახდეს სამომხმარებლო ტარიფის კიდევ ერთხელ გადახედვა, ვინაიდან ის მოცემულობა, რომელზე დაყრდნობითაც ჩვენ მაშინ ტარიფები დავთვალეთ, აშკარად შეიცვალა და შესაბამისად, ახალი რეალობის გათვალისწინებით, ტარიფების გადახედვა მოგვიწევს“, – აღნიშნა მან.

ელექტროენერგიის მოქმედი ტარიფები სემეკს სამი წლის ვადით აქვს დადგენილი.

შეგახსნებთ, რომ მიმდინარე წლის პირველი მაისიდან ელექტროენერგიას სამი უმსხვილესი მომხმარებელი თავისუფალი ბაზრის პრინციპით ყიდულობს. ბაზარზე გავიდნენ ის კომპანიები, რომლებმა 2018 წლის პირველ სამ თვეში საშუალოდ, 15 მილიონი კილოვატისაათი ელექტროენერგია მოიხმარეს.

bm.ge




ქართულ სუნელებში ტყვიის შემცველობის მიზეზი ფალსიფიცირებაა


Похожее изображениеსოფლის მეურნეობის სამეცნიერო-კვლევითი ცენტრი აცხადებს, რომ 2017 წელს სუნელებში 2017 წელს, ტყვიის მაღალი შემცველობის მიზეზი ფალსიფიცირება იყო და ამ კუთხით უკვე ზომები მიღებულია.

ამის შესახებ ცენტრის რისკის შეფასების სამსახურის წარმომადგენლებმა ლეილა ტაბატაძემ და მამუკა კოტეტიშვილმა დღეს გამართულ პრესკონფერენციაზე განაცხადეს.

კვლევითი ცენტრის ინფორმაციით, სურსათში ტყვიის შემცველობაზე კვლევა 2017 წლის ნიმუშებზე დაყრდნობით ჩატარდა. ლეილა ტაბატაძის თქმით, ტყვიის ყველაზე დიდი შემცველობა სუნელებში დაფიქსირდა, ამის მიზეზი კი არა ნიადაგი, არამედ ფალსიფიცირება იყო.

“განსაკუთრებით ეს უკავშირდებოდა ყვითელი ყვავილის შემცველ სუნელებს. ჩვენი ანალიზით, სუნელებში ტყვიის ასეთი კატასტროფული შემცველობა გარემოდან არ უნდა იყოს განპირობებული, თუ გავითვალისწინებთ გარემოს დაცვის სამინისტროს მონაცემებს ნიადაგსა და ჰაერში ტყვიის შემცველობასთან დაკავშირებით, სადაც საშუალო მონაცემები ნორმას არ აჭარბებს. სამეცნიერო კვლევების შედეგების ანალიზით ირკვევა, რომ ნიადაგიდან მცენარეებში ტყვიის შეთვისების კოეფიციენტიც ძალიან დაბალია.

ჩვენი აზრით, ეს ნამდვილად დაკავშირებულია ფალსიფიცირებასთან. ეს დაადასტურა კიდეც სამხარაულის ექსპერტიზის ბიურომაც, რომ სუნელებში აღმონდა საღებავები და თანაც არასაკვები საღებავები. უკვე მიღებულია გარკვეული დროებითი ზომები სუნელების ფალსიფიცირებასთან დაკავშირებით და მონიტორინგის შედეგებიც საიმედოა. ასეთი დარღვევები დიდი რაოდენობით აღარ არის“, – განაცხადა ლეილა ტაბატაძემ.

ინტერპრესნიუსი




კატალონიის პოლიციამ „ქართული მაფიის“ წევრები დააკავა


Похожее изображениеკატალონიის პოლიციამ „ქართული მაფიის“ 15 წევრი დააკავა. მათ ბრალად ედებათ ბარსელონასა და ქალაქის შემოგარენში ათეულობით ბინისა და სახლის გაქურდვა.

გამომძიებლების ინფორმაციით, დაკავებული პირები ორი კრიმინალური დაჯგუფების წევრები არიან. 5 და 6 სექტემბერს ჩატარებული სპეცოპერაციის დროს ამოღებულია 130 000 ევრო, 2 კილოგრამი ოქროს ნაკეთობები, ელექტროტექნიკა და ბინის გაქურდვისთვის საჭირო ხელსაწყოები.

ესპანური პრესის ცნობით, კრიმინალური ჯგუფების წევრები ყოველთვის ერთნაირი ტაქტიკით მოქმედებდნენ. კერძოდ, პირველ ეტაპზე არჩევდნენ სახლებს, შემდეგ კარებზე სპეციალურ ნიშნებს ტოვებდნენ, რათა გაეგოთ, არიან თუ არა სახლში მეპატრონეები.

ესპანელი ჟურნალისტების ცნობით, დაკავებულებს შორის არის ე.წ. კანონიერი ქურდი, რომელიც სახლების გაქურდვაში ბრალდებულების ქმედებების კოორდინაციას უწევდა. ის 53 წლის მამაკაცია, რომელსაც რუსეთში სხვადასხვა დანაშაულში ედება ბრალი. სავარაუდოდ, ბრალდებული ესპანეთში ყალბი პასპორტით ჩავიდა და ხელმძღვანელობდა კრიმინალურ ჯგუფებს ალიკანტესა და სევილიაშიც.

გამომძიებლები ასევე ამბობენ, რომ ესპანეთში მოქმედი დამნაშავეები ხშირ შემთხვევაში ბრძანებებს საფრანგეთის ციხეებში მყოფი მეთაურებისგან იღებდნენ, სადაც „ქართული მაფიის“ ათეულობით წევრი იხდის სასჯელს.

სამართალდამცვები ამბობენ, რომ კრიმინალური დაჯგუფების ლიდერი, რომელიც ასევე დაკავებულია, ევროპაში ერთ-ერთი ყველაზე გავლენიანი „კანონიერი ქურდია“.

დაკავებულებს სულ 22 დანაშაულში ედებათ ბრალი. თუმცა, კატალონიის პოლიციაში აცხადებენ, რომ მათ ბრალი შესაძლოა კიდევ დაუმძიმდეთ. პოლიცია ასევე განაგრძობს დაპატიმრებული პირების თანამზრახველების ძებნას.

ვიდეომასალაში, რომელიც ესპანურმა პრესამ გაავრცელა, ჩანს გოჩა მაისურაძე, მეტსახელად „გოგიტა“, რომელიც ესპანური მედიის ცნობით, კატალონიაში ჟერარდ პიკესა და შაკირას სახლის გაქურდვაშია ბრალდებული.

1tv.ge