გიორგი კვირიკაშვილმა თანამდებობა დატოვა


Картинки по запросу კვირიკაშვილისაქართველოს პრემიერ მინისტრმა გიორგი კვირიკაშვილმა თანამდებობა დატოვა.  გადაწყვეტილება ამის შესახებ მან მთავრობის ადმინისტრაციაში გააჟღერა.

კვირიკაშვილმა გადადგომის მიზეზად მასსა და მმართველ გუნდს შორის არსებული აზრთა სხვადასხვაობა დაასახელა.

“ჩემსა და მმართველ გუნდს შორის გამოიკვეთა გარკვეული მიმართულებებით აზრთა სხვადასხვაობა, კონკრეტულად ჩემი მეთაურობით მთავრობის მიერ გატარებულ ეკონომიკურ პოლიტიკასთან დაკავშირებით. მინდა აუცილებლად აღვნიშნო, რომ ბოლო თვეების განმავლობაში განსაკუთრებულად იყო რიგი ფუნდამენტური საკითხებისა, რომელშიც პარტიის თავმჯდომარესთან მქონდა განსხვავებული მოსაზრებები. ვფიქრობ, დღეს არის მომენტი, როცა პარტიის თავმჯდომარეს უნდა მიეცეს საშუალება, რომ გუნდი დააკომპლექტოს იმ შეხედულებებიდან გამომდინარე, რომელიც მას გააჩნია”- განაცხადა გიორგი კვირიკაშვილმა.

გუშინ „ქართული ოცნების“ ცენტრალურ ოფისში მმართველი გუნდის საგანგებო სხდომა გაიმართა. სხდომას პარტია „ქართული ოცნების“ თავმჯდომარე ბიძინა ივანიშვილი დაესწრო. შეხვედრის დაწყებამდე ვრცელდებოდა ინფორმაცია სამთავრობო ცვლილებების შესახებ, თუმცა შეხვედრის დასრულების შემდეგ მმართველი პარტიის წევრებმა გააკეთეს განცხადება, რომ მათ მხოლოდ გაეროს კვლევის შედეგებთან დაკავშირებით იმსჯელეს.

https://youtu.be/lgaGzXyV7Cg




პროკურატურის განცხადება სკანდალურ ვიდეოზე და მარნეულის მერის დაკავებაზე


Похожее изображениеსაქართველოს  პროკურატურა ქ. მარნეულის მერის დაკავებაზე და გუშინ გავრცელებულ ვიდოზე განცხადებას ავრცელებს:

“საქართველოს პროკურატურისა და შინაგან საქმეთა სამინისტროს თანამშრომლების მიერ ქ.მარნეულში მოქალაქე ელჩინ ალახვერდიევის მიმართ განხორციელებული დამამცირებელი და არაადამიანური მოპყრობის ფაქტზე ბრალდებულად იქნა დაკავებული მარნეულის მუნიციპალიტეტის მერი თემურ აბაზოვი, ხოლო ამავე მოქალაქის ცემის ფაქტზე, სისხლის სამართლებრივი დევნა დაიწყო საქართველოს პარლამენტის წევრის, პარტია „ერთიანი ნაციონალური მოძრაობიდან“ – აზერ სულეიმანოვის, მარნეულის მუნიციპალიტეტის საკრებულოს წევრის, პარტია „ქართული ოცნებიდან“ – რამინ ალახვერდიევის და მარნეულის მერის ნათესავის, მოქალაქე ე.გ-ს მიმართ.

საქმეზე ჩატარებული გამოძიებით დადგინდა, რომ 2018 წლის 10 ივნისს, ელჩინ ალახვერდიევი იმყოფებოდა ქ. თბილისში, რუსთაველის გამზირზე გამართულ საპროტესტო აქციაზე, სადაც მარნეულის მუნიციპალიტეტის მერზე, თემურ აბაზოვზე განაწყენებულმა, სოციალურ ქსელ „ფეისბუქის“ მეშვეობით განახორციელა პირდაპირი ვიდეოჩართვა, რა დროსაც, თემურ აბაზოვის მეუღლეს მიაყენა სიტყვიერი შეურაცხყოფა. იმავე დღეს, ღამის საათებში, მას დაუკავშირდა პარტია „ერთიანი ნაციონალური მოძრაობის“ წევრი რაგიმ ასკეროვი, რომელმაც სთხოვა შეხვედრა. რ.ასკეროვის მოთხოვნით ისინი შეხვდნენ ერთმანეთს პარტია „ერთიანი ნაციონალური მოძრაობის“ მარნეულის ოფისში, რომელიც მდებარეობს ქ. მარნეულში, რუსთაველის ქუჩაზე. ოფისში ასევე იმყოფებოდნენ საქართველოს პარლამენტის წევრი „ერთიანი ნაციონალური მოძრაობიდან“ აზერ სულეიმანოვი, მარნეულის მუნიციპალიტეტის საკრებულოს წევრი, პარტია „ქართული ოცნებიდან“ რამინ ალახვერდიევი, მარნეულის მუნიციპალიტეტის მერის ნათესავი ე.გ და სხვა პირები. პარლამენტის წევრმა აზერ სულეიმანოვმა ელჩინ ალახვერდიევს მოსთხოვა აეხსნა, ვისი დავალებით განახორციელა სოციალური ქსელის პირდაპირ ეთერში ზემოაღნიშნული ვიდეოჩართვა, რის შემდეგაც აზერ სულეიმანოვმა, რამინ ალახვერდიევმა და მოქალაქე ე.გ-მ ელჩინ ალახვერდიევს მიაყენეს ფიზიკური შეურაცხყოფა.

აღნიშნულის შემდეგ, ელჩინ ალახვერდიევი მარნეულის საკრებულოს წევრებმა ჯეიხუნ ჩოიდაროვმა და რამინ ალახვერდიევმა წაიყვანეს ქ.მარნეულში, ე.წ. “ჟეჟებეს” რესტორნის მიმდებარე ტერიტორიაზე, სადაც მათ ელოდებოდა მარნეულის მუნიციპალიტეტის მერი თემურ აბაზოვი. მისვლისთანავე თემურ აბაზოვმა ელჩინ ალახვერდიევს შეაფურთხა სახეში და მიაყენა ფიზიკური შეურაცხყოფა, შემდეგ აიძულა ჩართულიყო ფეისბუქის პირდაპირ ეთერში, მოეხადა ბოდიში და სიტყვიერი შეურაცხყოფა მიეყენებინა საკუთარი ცოლისთვის, ბოლოს კი მარნეულის მუნიციპალიტეტის მერმა თემურ აბაზოვმა ძალადობით, ღირსების შელახვის მუქარით, ელჩინ ალახვერდიევი აიძულა მოეშარდა ჭიქაში და შარდით მოებანა სახე.თემურ აბაზოვი დაკავებულია საქართველოს სსკ-ს 1443 მუხლის მე-2 ნაწილის „ა“ და „ე“ ქვეპუნქტებით, რაც ისჯება თავისუფლების აღკვეთით 5-დან 10 წლამდე ვადით;რამინ ალახვერდიევის და მოქალაქე ე.გ-ს მიმართ საქართველოს სსკ-ს 126-ე მუხლის 11 ნაწილის „ბ“ ქვეპუნქტით წარდგენილი ბრალდება სასჯელის სახით ითვალისწინებს თავისუფლების აღკვეთას 2 წლამდე ვადით.საქართველოს პარლამენტის წევრის აზერ სულეიმანოვის მიმართ გამოტანილი იქნა დადგენილება საქართველოს სსკ-ს 126-ე მუხლის 11 ნაწილის „ბ“ ქვეპუნქტით სისხლის სამართლის პასუხისგებაში მიცემის შესახებ, რომელიც წარედგინება საპროცესო კოდექსით გათვალისწინებული წესებისა და ვადების დაცვით. აღნიშნული დანაშაული სასჯელის სახით ითვალისწინებს თავისუფლების აღკვეთას 2 წლამდე ვადით.საქმეზე ტარდება ინტენსიური საგამოძიებო მოქმედებები დანაშაულში მონაწილე სხვა შესაძლო პირთა დადგენა – მხილების მიზნით.”– ნათქვამია განცხადებაში.




13 ივნისის ტრაგედიიდან 3 წელი გავიდა


“დღეს არის 13 ივნისი. ყველას გვახსოვს ტრაგიკული დღე, როდესაც ჩვენი თანამოქალაქეების სიცოცხლე სტიქიურმა უბედურებამ შეიწირა“, – განაცხადა პარლამენტის თავმჯდომარემ ირაკლი კობახიძემ.

მაშინ სტიქიქას 21 ადამიანი ემსხვერპლა, ასობით მოქალაქე კი დაზარალდა. სტიქიამ გაანადგურა საცხოვრებელი სახლები, გზები, ხიდები, გვირაბები, საყრდენი კედლები, საკომუნიკაციო სისტემები. მთლიანად დაიტბორა „მზიურისა“ და ზოოპარკის ტერიტორია. სტიქიას ემსხვერპლა ზოოპარკის ბინადართა ნაწილი. დაზარალდა ქალაქის ინფრასტრუქტურა, მათ შორის ვაკე-საბურთალოს დამაკავშირებელი ესტაკადა, კოჯორი-სამადლოს დამაკავშირებელი გზა, ახალდაბა-წყნეთის გზის მონაკვეთი.




40 წლამდე პირებისთვის საპენსიო ფონდში შენატანების გაკეთება სავალდებულო იქნება?


Картинки по запросу монетки кластьდღეს პარლამენტის ჯანდაცვის კომიტეტზე  „დაგროვებითი პენსიის შესახებ” კანონპროექტს განიხილავენ, რომლის მიხედვით  40 წლამდე პირებისთვის საპენსიო ფონდში შენატანების გაკეთება სავალდებულო იქნება.

ფონდში ხელფასის 2 პროცენტს დასაქმებული შეიტანს, 2 პროცენტს – დამსაქმებელი, ხოლო 2 პროცენტს – სახელმწიფო.კანონპროექტს ფინანსთა და ეკონომიკის სამინისტროები წარადგენენ.

კანონპროექტის ალტერნატიულ ვერსიას წარადგენს ფრაქცია „ქართული ოცნება-სოციალ-დემოკრატები”. დეპუტატ ბექა ნაცვლიშვილის თქმით, მათი ვერსია განსხვავებულია და უკეთ პასუხობს იმ გამოწვევებს, რომელიც საპენსიო მიმართულებით ქვეყანაში არსებობს.

„პირველი ძირითადი განსხვავება არის ის, რომ ჩვენი საპენსიო რეფორმის მიხედვით, პირველივე წელს, ამოქმედდება თუ არა სისტემა, მოქალაქეები მიიღებენ გაზრდილ პენსიას. მეორე განსხვავება ეფუძნება სოლიდარობის პრინციპს, ანუ ვინც დაბალშემოსავლიანია, ის მიიღებს შესაბამისად პროპორციულად უფრო მაღალ პენსიას, გამომდინარე იქედან, რომ უთანასწორობა რაც ქვეყანაშია, საპენსიო ასაკში მაინც შემცირდეს.  მესამე განსხვავება არის, რომ აღნიშნული ფონდი ჩვენი ვარიანტით არის ბევრად მდგრადი და უფრო მეტი ფული გროვდება. შესაბამისად, საინვესტიციოდაც ბევრად უფრო მეტი რესურსია“, – განაცხადა ნაცვლიშვილმა.

ალტერნატიული ვერსიით, პენსიის დაგროვების კოეფიციენტი გაცილებით მაღალია.

კანონპროექტს ჯანდაცვის კომიტეტზე დღეს პირველად განიხილავენ.




კიმ ჩენ ინის და დონალდ ტრამპის შეხვედრა (ვიდეო)


Встреча Дональда Трампа и Ким Чен Ынаდღეს, 12 ივნისს, სინგაპურში აშშ-ის პრეზიდენტს დონალდ ტრამპსა და ჩრდილოეთ კორეის ლიდერ კიმ ჩენ ინს შორის ისტორიული შეხვედრა გაიმართა.

პირადი შეხვედრა დაახლოებით 35 წუთს გაგრძელდა, ხოლო ოფიციალური  მოლაპარაკება დაახლოებით 2 საათი გრძელდებოდა. მოლაპარაკებების შემდეგ, ლიდერებმა ერთობლივ დოკუმენტს მოაწერეს ხელი.

 

Встреча Дональда Трампа и Ким Чен Ына

შეხვედრის დასრულების შემდეგ დონალდ ტრამპმა მოლაპარაკებებს „ძალიან კარგი“ უწოდა, ხოლო კიმ ჩენ ინის თქმით, მათ “წარსული უკან დატოვეს”.

https://youtu.be/Ej9hAywm8GM




ძლიერი წვიმა და უამინდობა საქართველოში


Похожее изображениеძლიერმა წვიმამ ქვეყნის მასშტაბით პრობლემები შექმნა.  რუსთავში ქალაქის შესასვლელი ისევ დაიტბორა. მოძრაობა შეფერხებულია ავტობაზრობის მიმდებარე ტერიტორიაზე. 

ძლიერი წვიმა იყო გორშიც, დაზარალდა სოფელი მეჯვრისხევი.

უხვი ნალექის გამო დედაქალაქში, ამაშუკელის ქუჩაზე მდებარე ერთ-ერთი საცხოვრებელი კორპუსიდან მოსხლეობა გაიყვანეს. სანიაღვრე არხი წყლის დიდი ნაკადის გამო ჩაიხერგა, წყალი კი საცხოვრებელი კორპუსის მიწისქვეშა ავტოსადგომში შევარდა. ადგილზე მთელი ღამის განმავლობაში მუშაობდნენ საგანგებო სიტუაციების მართვისა და სამაშველო დახმარების სამსახურები. მათ შენობისკენ მიმავალ წყალს მიმართულება შეუცვალეს, დაგროვილი წყალი ამოტუმბეს და სანიაღვრე არხი გაწმინდეს.

პირველადი დათვალიერებით, კორპუსის საძირკველს საფრთხე არ ემუქრება. შემთხვევის შედეგად არავინ დაშავებულა.

“ნიუპოსტის” ინფორმაციით, მეტეხის ქუჩაზე ჩამოინგრა კედელი, რომელმაც ქვეშ ავტომობილი მოიყოლა. სააგენტო  ფეისბუკ–მომხმარებელ გვანცა ჯობავას პოსტს ეყრდნობა, რომლელმაც  სოციალურ ქსელში ფოტოც გამოაქვეყნა.   “კედელი გუშინ მოსული ძლიერი წვიმის შედეგად ჩამოინგრა, შემთხვევას მსხვერპლი არ მოჰყოლია,” –წერს ჯობავა.

 

წვიმის გამო დაიტბორა თბილისის რამდენიმე უბნის ქუჩაც, ასევე გართულებული იყო ავტოტრანსპორტის მოძრაობა. უხვი ნალექსი  გამო გმირთა მოედანი – თამარაშვილის ქუჩის მიმართულებით მოძრაობის დროებითი შეზღუდვის რეჟიმი მოქმედებდა.  თბილისის მერი უნივერსიტეტის ქუჩაზე იყო, სადაც წყლით ავტომობილები დაიტბორა.

წვიმის გამო დაიტბორა გლდანში, ახმეტელის მეტროს მიმდებარე ტერიტორიაზე მიწისქვეშა გადასასვლელი და იქ განთავსებული მაღაზიებიც, სადაც წყლის დონე 40 სანტიმეტრს აღწევდა. ღამით  წყლის ძლიერმა ნაკადმა ასევე დააზიანა გლდანი-სოფელი გიორგიწმინდის დამაკავშირებელი გზა.

საერთო ჯამში  საგანგებო სიტუაციების მართვის სამსახურში 153 შეტყობინება შევიდა. უწყების განცხადებით, შეტყობინებების ნაწილი ფიქტიური აღმოჩნდა.




ბესელია – გოცირიძეს:"კობა დავითაშვილი და ვალერი გელაშვილი სასიკვდილოდ გაიმეტეთ"


ბესელია 4დღეს პარლამენტის ბიუროს დღევანდელი სხდომა ურთიერთბრალდებების ფონზე მიმდინარეობდა.

პარლამენტის იურიდიულ საკითხთა კომიტეტის თავმჯდომარემ, ეკა ბესელიამ სხდომაზე ფრაქცია „ნაციონალური მოძრაობის“ თავმჯდომარეს, რომან გოცირიძეს უპასუხა, რომელმაც რუსთაველის გამზირზე და დეპუტატ ნიკა მელიასთან დაკავშირებით განვითარებულ მოვლენებს უპრეცედენტო შემთხვევა უწოდა. ბესელიამ გოცირიძეს დეპუტატ კობა დავითაშვილის შესახებ ჰკითხა, რომელიც 2007 წლის 7 ნოემბერს დაშავდა და ასევე, დეპუტატ ვალერი გელაშვილის ცემის ფაქტი შეახსენა.

„ გასაგებად არის ახსნილი სამართლებრივად, რა მოცემულობასთანაც გვაქვს საქმე.  უფლება ვალდებულების გარეშე არ არსებობს და ვფიქრობ, ცოტა ბალანსი უნდა დავინახოთ უფლებასა და ვალდებულებას შორის, როცა ვსაუბრობთ, მათ შორის პარლამენტის წევრზე. რომან გოცირიძემ გააკეთა შეფასება, რომ თითქოს, მომხდარი უპრეცედენტო შემთხვევაა და მსგავსი არ ახსოვს ქვეყნის ისტორიას.

ბევრი ადამიანი უსმენს ბიუროს სხდომას და ალბათ, ვიღაცას მართლაც გაუჩნდებოდა განცდა, რომ იქნებ თქვენი გუნდის მხრიდან პარლამენტის წევრების მიერ განხორციელებული უპრეცედენტო მაგალითები  ვინმემ  შეგახსენოთ და იმ ვიღაცის მაგივრად მინდა შეგახსენოთ – რა უქენით კობა დავითაშვილს, პარლამენტის წევრი არ იყო 7 ნოემბერს? რა უქენით ვალერ გელაშვილს?“, – მიმართა ეკა ბესელიამ გოცირიძეს ბიუროს სხდომაზე, რომელმაც თავის მხრივ უმარვლესობის დეპუტატს თემირლან მაჩალიკაშვილის საქმე შეახსენა და იგივე შინაარსის კითხვა დაუსვა.

ბესელიას განცხადებით, რომან გოცირიძის შეფასება საღ აზრთან ახლოს არ არის, ხოლო რუსთაველის გამზირზე ხალხის გამოსვლის მოტივაცია „ცალკე თემაა“.

1tv.ge




სოფიო კილაძე:"მელია დაკავებული არაა, სიტუაციას განარიდეს"


Похожее изображение
თბილისის საკრებულოს წევრი “ნაციონალური მოძრაობიდან” ირაკლი ნადირაძე, რომელიც დღეს პარლამენტთან შსს-მ დააკავა, ხელწერილის საფუძველზე გათავისუფლდა. 

“თუ დამიდებენ ფაქტს, რომ პოლიციელების მიმართ ერთი სიტყვა მაინც მაქვს ცუდად ნათქვამი, საჯაროდ მოვიხდი ბოდიშს, თუ არა და ამ ადამიანებმა, ვინც ეს დამაბრალეს, აუცილებლად უნდა აგონ პასუხი”, – ამბობს ნადირაძე.

“ნაციონალური მოძრაობის” წევრის ზაალ უდუმაშვილის თქმით, სამართალმდაცველებმა პარლამენტის წინ აქციაზე 10-მდე ადამიანი დააკავეს, მათ შორის ერთი არასრულწლოვანია. როგორც უდუმაშვილმა “იმედს” განუცხადა, დაკავებულები არიან ნიკა მელია, ირაკლი ნადირაძე, ლევან ხაბეიშვილი და სხვები.

პარლამენტის ადამიანის უფლებათა დაცვის კომიტეტის თავმჯდომარე სოფიო კილაძე ამბობს, რომ ნაციონალური მოძრაობის წევრი და დეპუტატი ნიკა მელია დაკავებული არ არის, არამედ ის დაძაბულ სიტუაციას გაარიდეს. ამის შესახებ კილაძემ “ქრონიკის” ეთერში თქვა.

Картинки по запросу სოფიო კილაძე

“სრული პასუხისმგებლობით შემიძლიათ გითხრათ, რომ ბატონი მელია არ არის დაკავებული, არც არავის დაუკავებია, უბრალოდ ადგილი ჰქონდა რამდენიმე პირის მხრიდან, მათ შორის მელიას მხრიდან, პოლიციელებისთვის შეურაცხყოფის მიყენების ფაქტს და მათი კანონიერი მოთხოვნისადმი დაუმორჩილებლობას. აქედან გამომდინარე, ბატონი მელია, განარიდეს სიტუაციას. ბატონ მელიას, როგორც პარლამენტარს, მას ბუნებრივია იმუნიტეტი იცავს”, – განაცხადა სოფიო კილაძემ.

პარლამენტის წინ დაკავებული ზვიად კუპრავასა და კიდევ სამ პირს მოსამართლემ 14-დღიანი პატიმრობა მიუსაჯა. ზვიად კუპრავა, ლაშა ცუცქირიძე და კიდევ 2 პირი დღეს დილით წვრილმანი ხულიგნობისა და პოლიციელის კანონიერი მოთხოვნისადმი დაუმორჩილებლობის ფაქტზე დააკავეს.




სარალიძე:”მეც ყოფილი პოლიციელი ვარ და არასდროს მივაყენებ ფორმიანს შეურაცხყოფას”


Картинки по запросу ზაზა სარალიძე აქციაზაზა სარალიძე ზვიად კუპრავს დაკავებას ეხმიანება და აცხადებს, რომ ს  შსს-ს მეირ გავრცელებული ინფორმაციის არ სჯერა.

„ყოფილი პოლიციელი არასდროს მიაყენებს პოლიციელს შეურაცხყოფას. მეც ყოფილი პოლიციელი ვარ და არასდროს მივაყენებ ფორმიანს შეურაცხყოფას, რაც არ უნდა მოხდეს”, – განაცხადა ზაზა სარალიძემ.

ზვიად კუპრავა და აქციის კიდევ სამი მონაწილე დღეს დილით დააკავეს. შსს-ს ინფორმაციით, ისინი წვრილმანი ხულიგნობისა და პოლიციელის განკარგულების დაუმორჩილებლობის ფაქტზე არიან დაკავებული. პარლამენტთან ზვიად კუპრავას, ლაშა ცუცქირიძისა და კიდევ 2 პირის დაკავებასთან დაკავშირებით  შინაგან საქმეთა სამინისტრიომ განცხადება უწყების ვებგვერდზე გამაქვეყნა.

“შინაგან საქმეთა სამინისტროს თანამშრომლების მიერ 11 ივნისს, თბილისში, რუსთაველის გამზირზე პარლამენტის შენობის წინ წვრილმანი ხულიგნობისა და პოლიციელის კანონიერი მოთხოვნისადმი დაუმორჩილებლობის ფაქტზე ადმინისტრაციულ სამართალდარღვევათა კოდექსის 166-ე და 173-ე მუხლებით დაკავებულია 4 პირი: 1983 წელს დაბადებული ლ.ც.; 1983 წელს დაბადებული ზ.კ.; 1995 წელს დაბადებული დ.ჭ. და 1993 წელს დაბადებული ნ.გ.

შინაგან საქმეთა სამინისტროსთვის, როგორც მართლწესრიგის დაცვაზე პასუხისმგებელი უწყებისთვის, მნიშვნელოვანია, რომ გამოხატვის თავისუფლება იქნეს უზრუნველყოფილი. ამავე დროს სამინისტრო პასუხისმგებელია, რომ შეკრებისა და მანიფესტაციის დროს დაცული იქნეს კანონი, არ შეილახოს მოქალაქეების უფლებები და საფრთხე არ შეექმნას საზოგადოებრივ წესრიგს,”- წერია განცხადებაში.

როგორც სარალიძემ აღნიშნა, კარვების საავტომობილო გზიდან აღებას არ აპირებს და  დღეს 14:00 საათზე მთელ საქართველოს აქციაზე მისვლისკენ მოუწოდებს.




აქციის გამო რუსთაველზე ტრანსპორტის მოძრაობის სქემა დაწესდა


„შინაგან საქმეთა სამინისტროს საპატრულო პოლიციის დეპარტამენტი გაცნობებთ, რომ თბილისში, რუსთაველის გამზირზე, პარლამენტის შენობის წინ მიმდინარე აქციის გამო, N 1 საჯარო სკოლიდან 9 აპრილის ქუჩის და რუსთაველის გამზრის კვეთამდე ავტოსატრანსპორტო საშუალებებისთვის მოძრაობა დაკეტილია, შესაბამისად ავტომანქანები იმოძრავებენ შემდეგი მიმართულებებით:

შოთა რუსთაველის გამზირიდან თავისუფლების მოედნის მიმართულებით მოძრავი ავტომანქანები ისარგებლებენ ჭიჭინაძის ქუჩით (N 1 საჯარო სკოლასთან), ძმები ზუბალაშვილების ქუჩის გავლით და 9 აპრილის ქუჩით დაბრუნდებიან რუსთაველის გამზირზე.

ასევე, რუსთაველის გამზირიდან (N 1 საჯარო სკოლასთან)  მარჯვენა სანაპიროს მიმართულებით მოძრავი ავტომანქანები ჩავლენ ჯორჯაძის ქუჩაზე, საიდანაც თაბუკაშვილის ქუჩის გავლით გააგრძელებენ მოძრაობას.
ხოლო, თავისუფლების მოედნიდან ვარდების მოედნის მიმართულებით მოძრავი ავტომანქანები რუსთაველის გამზრიდან (კინოთტრ „რუსთაველთან“) ჩავლენ ანტონ ფურცელაძის ქუჩაზე და მოძრაობას თაბუკაშვილის ქუჩაზე გააგრძელებენ. საიდანაც ჭანტურიას ქუჩის გავლით ავტომანქანების ნაკადი მოხვდება რუსთაველის გამზირზე და გააგრძელებს მოძრაობას პირველი რესპუბლიკის (ყოფილი ვარდების) მოედნის მიმართულებით“- ნათქვამია შსს-ს მიერ გავრცელებულ განცხადებაში.

წუხელ პარლამენტთან აქციის მონაწილეებმა კარვები გზის სავალ ნაწილზე გადაიტანეს. ზაზა სარალიძის თქმით, მათი მოთხოვნების დაკმაყოფილებამდე აქციები პერმანენტულ ხასიათს მიიღებს. ამჟამად  რუსთაველის გამზირი პარლამენტის შენობის წინ კლავ გადაკეტილია. ადგილზე სამი კარავია გაშლილი.