მოსახლეობას პურის მიწოდების კუთხით პრობლემები არ ექნება


Почему нельзя покупать хлеб в магазинах? | LIFE-IS-LIFE | Яндекс Дзенგარემოს დაცვისა და სოფლის მეურნეობის მინისტრი ლევან დავითაშვილი პურის მწარმოებელი მსხვილი კომპანიების – შპს ,,პურის“ (იფქლი დიღომი) და „იფქლის“ საწარმოო სიმძლავრეებსა და არსებული მარაგების შესახებ ინფორმაციას ადგილზე გაეცნო.

დღეისათვის კომპანიებში საკმარისი მარაგებია, წარმოების პროცესები შეუფერხებლად მიმდინარეობს და მოსახლეობას პურის მიწოდების კუთხით პრობლემები არ ექნება.

პროდუქციის მიწოდების უწყვეტად განხორციელებისთვის, პურის მწარმოებელი საწარმოები 24-საათიან რეჟიმში მუშაობენ. პროდუქციის რეალიზაცია მთელი ქვეყნის მასშტაბით ხორციელდება.

საწარმოებში მაქსიმალურადაა დაცული დაავადებათა კონტროლის ცენტრისა და სურსათის ეროვნული სააგენტოს რეკომენდაციები და სანიტარიულ-ჰიგიენური ნორმები.

გარემოს დაცვისა და სოფლის მეურნეობის სამინისტრო მუდმივ კომუნიკაციაშია სასურსათო ჯაჭვის ყველა რგოლთან, ყველა მწარმოებელთან, იმისთვის, რომ მომარაგების კუთხით ქვეყანაში პრობლემები არ შეიქმნას და ძირითადი მოხმარების სასურსათო პროდუქტებზე, მათ შორის პურზე, ფასი შენარჩუნდეს.




ქართული წარმოების ნიღბები სასურსათო მაღაზიების თანამშრომლებს დაურიგეს


საქართველოს ეკონომიკისა და მდგრადი განვითარების მინისტრი ნათია თურნავა სასურსათო მაღაზიების თანამშრომლებისთვის ქართული წარმოების პირბადეების დარიგების პროცესს დაესწრო.

„ქართული წარმოების პირბადეების დარიგება დაიწყო იმ პრიორიტეტების მიხედვით, სადაც განსაკუთრებით მნიშვნელოვანია უსაფრთხოების დაცვა, სხვადასხვა რისკებიდან გამომდინარე – ამ კატეგორიაში არიან 70 წელს გადაცილებული ადამიანები, ასევე ის საჯარო მოხელეები, რომლებიც საკარანტინო ზონებთან არიან შეხებაში, პოლიციელები, სხვადასხვა კატეგორია, რომლებიც არსებული საფრთხეების მიუხედავად, ემსახურებიან მოსახლეობას. დღეს კომერციულ სექტორშიც, პრიორიტეტების მიხედვით  დავიწყეთ პირბადეების მიწოდება, პირველ რიგში, სასურსათო მაღაზიების თანამშრომლებისთვის,“ – განაცხადა ნათია თურნავამ ჰიპერმარკეტ „გუდვილში“ ვიზიტისას, სადაც ქართული წარმოების პირბადეების დარიგების პროცესს დაესწრო.

როგორც ნათია თურნავამ ჟურნალისტებთან საუბარში აღნიშნა, ქართული წარმოების პირბადეები, რომლებიც მზადდება რამდენიმე საწარმოში, დარიგდება პრიორიტეტების მიხედვით იქამდე, ვიდრე არ აეწყობა მასობრივი წარმოება, რომელიც, დამოკიდებულია ნედლეულზე და სავარაუდოდ, მალე იქნება.

„ამ ეტაპზე პირბადეების მიწოდების პრიორიტეტები არიან ის ადამიანები, რომლებიც ყველაზე მეტ შეხებაში არიან სხვა ადამიანებთან და ყველაზე მეტად საჭიროებენ დაცვას ვირუსის გავრცელებისგან. მათ შორის არიან სასურსათო მაღაზიების თანამშრომლები –  მოლარეები, კონსულტანტები და ასე შემდეგ, რომლებსაც გადავცემთ მრავალჯერადი გამოყენების ქართული წარმოების პირბადეებს თავისი ინსტრუქციით და ყველას ვუსურვებთ ჯანმრთელობას“ – განაცხადა ეკონომიკის მინისტრმა.

ნათია თურნავას ინფორმაციით, ქართული წარმოების პირბადეები დაურიგდებათ არამხოლოდ დიდ სასურსათო მაღაზიებს, არამედ მცირე საუბნო მარკეტებსაც, რაშიც  სამინისტროს დახმარებას უწევს  მცირე და საშუალო მაღაზიათა ასოციაცია.

„ეს ორგანიზაცია აერთიანებს 780 პატარა სასურსათო მაღაზიას, ეს არის 2000-ზე მეტი დასაქმებული ადამიანი ამ სექტორში, ჩვენ უნდა ვიზრუნოთ მათ ჯანმრთელობაზე და რა თქმა უნდა, მათი მომხმარებლების ჯანმრთელობაზე,“ – აღნიშნა ნათია თურნავამ.




სპორტსმენთა კომისიის განცხადება ტოკიოს ოლიმპიური თამაშების გადავადების შესახებ


Картинки по запросу "საქართველოს ეროვნული ოლიმპიური კომიტეტი"

 სეოკ-ის სპორტსმენთა კომისიის წევრები მხარს ვუჭერთ საერთაშორისო ოლიმპიური კომიტეტის გადაწყვეტილებას ტოკიოს ოლიმპიური თამაშების ერთი წლით გადავადების შესახებ.

მსოფლიოში შექმნილი რთული ვითარების გათვალისწინებით, ეს იყო სწორი და დროული ნაბიჯი, რომელიც, პირველ რიგში, გადადგმულია სწორედ სპორტსმენთა უსაფრთხოებისთვის. ამით დასრულდა ერთგვარი გაურკვევლობის პერიოდი, როცა არ გვქონდა პასუხი ძირითად კითხვაზე, არ ვიცოდით, რა ბედი ეწეოდა ოლიმპიურ თამაშებს – ყველაზე მნიშვნელოვან, თითოეული ჩვენგანისთვის საოცნებო შეჯიბრებას, რომლისთვისაც ვემზადებოდით მთელი ჩვენი სპორტული კარიერის განმავლობაში.

დღეისათვის მთავარი ამბავი გარკვეულია – ოლიმპიური თამაშები აუცილებლად ჩატარდება და ეს მოხდება გაისად, არაუგვიანეს ზაფხულისა. როგორც კი ამის საშუალება მოგვეცემა, მთელი ძალით და შემართებით უნდა გავაგრძელოთ ვარჯიში უკვე სპორტულ დარბაზებში და მოედნებზე, ვეცადოთ მაქსიმალურად გამოვიყენოთ ეს ახალი შესაძლებლობა, რათა უფრო მეტი ოლიმპიური ლიცენზია მოვიპოვოთ, შემდეგ კი წარმატებით გამოვიდეთ ტოკიოში.

ჩვენ გვჯერა, რომ საქართველო, მთელ მსოფლიოსთან ერთად, დაძლევს ამ უპრეცედენტო კრიზისს და დაუბრუნდება ცხოვრების ჩვეულ რიტმს, მათ შორის – სპორტის სფეროში. ჩვენ დიდად ვაფასებთ ჯანდაცვის ორგანიზაციების, ჩვენი მამაცი ექიმების და მთელი სამედიცინო პერსონალის გმირულ თავდადებას კორონავირუსთან ბრძოლაში.

ჩვენ ასევე ვაცნობიერებთ, რომ ბევრი რამ არის დამოკიდებული თითოეული ჩვენგანის კეთილგონიერებაზე და მაღალ სამოქალაქო პასუხისმგებლობაზე. მოგიწოდებთ, ზედმიწევნით დავიცვათ დღეს მოქმედი საგანგებო რეგულაციები და მოთხოვნები, პიროვნული მაგალითი მივცეთ ჩვენს ახალგაზრდებს და მთელ საზოგადოებას.

გისურვებთ მტკიცე ჯანმრთელობას, სიმხნევეს და ოპტიმიზმს.

სეოკ-ის სპორტსმენთა კომისიის წევრების სახელით –

ვარლამ ლიპარტელიანი (კომისიის თავმჯდომარე).




საქართველოში საგანგებო მდგომარეობა გამოცხადდება


mtavrobis-administracia-კანცელარიაახალი კორონავირუსის გამო შექმნილი ვითარებიდან გამომდინარე, საქართველოში 21 აპრილამდე საგანგებო მდგომარეობა ცხადდება. ამის შესახებ საქართველოს პრემიერ-მინისტრმა, გიორგი გახარიამ განაცხადა.

საგანგებო მდგომარეობის გამოცხადებასთან დაკავშირებით პრემიერ-მინისტრმა უკვე მიმართა საქართველოს პრეზიდენტს, სალომე ზურაბიშვილს. საქართველოში საგანგებო მდგომარეობის გამოცხადებას პარლამენტის მხარდაჭერა სჭირდება. პარლამენტი საგანგებო სხდომას დღესვე გამართავს.

სხვა შეზღუდვებთან ერთად, იკრძალება 10 კაცზე მეტი ადამიანის შეკრება. გიორგი გახარიას თქმით, შეკრების შეზღუდვა 10 კაცამდე ეხება ყველას და ყველაფერს.

„მოგეხსენებათ, რომ საგანგებო მდგომარეობა განსაზღვრავს და განისაზღვრება ქვეყნის მასშტაბით, შეკრების შეზღუდვა 10 კაცამდე ეხება ყველას და ყველაფერს და ამის მიზანი გახლავთ პირველ რიგში, ჩვენი მოქალაქეების ჯანმრთელობაზე ზრუნვა.  საქართველოს მთავრობის ძირითადი ამოცანა და მიზანი გახლავთ, ვიზრუნოთ ჩვენი მოქალაქეების ჯანმრთელობაზე მიუხედავად მათი რელიგიური მრწამსისა“, – განაცხადა გიორგი გახარიამ.




ტურიზმის სექტორი გადასახდებს გადავადების საშეღავათო პირობებით გადაიხდის


თბილისიიდღეიდან, ტურიზმის სექტორში დასაქმებული პირებისთვის საშემოსავლო და ქონების გადასახადის გადახდის გადავადებით სარგებლობა შემოსავლების სამსახურის ვებგვერდზე შესაბამისი განაცხადის (ელექტრონული ფორმით) წარდგენით იქნება შესაძლებელი. ინფორმაციას ფინანსთა სამინისტროს შემოსავლების სამსახური ავრცელებს.

საქართველოს მთავრობის მიერ მიღებული გადაწყვეტილების შესაბამისად, ტურიზმის სექტორში დასაქმებულ პირებს, შესაძლებლობა ეძლევათ დეკლარირებული ვალდებულების გადახდა გადაავადონ 4 თვით მიმდინარე წლის პირველ ნოემბრამდე. კერძოდ, განთავსების ობიექტებზე (სასტუმრო, ჰოსტელი, გესტჰაუსი და სხვა განთავსების ადგილები) ტუროპერატორებზე, ტურისტების სატრანსპორტო მომსახურებაზე, ტურისტების კვებაზე, ტურისტების გართობის ობიექტებზე და სხვა.

შეღავათი შეეხება საშემოსავლო და ქონების გადასახადის დეკლარაციებს, რომელთა წარმოდგენაც განხორციელდება მარტის, აპრილის, მაისის და ივნისის თვეებში. აღნიშნულ ნაწილში წარმოდგენილ დეკლარირებულ დავალიანებაზე არანაირი იძულების ღონისძიება არ გატარდება, ხოლო შესაბამის ნაწილში დარიცხული საურავი დაექვემდებარება ჩამოწერას, საშეღავათო პერიოდის დასრულებისთანავე.

დამატებითი ინფორმაციის მისაღებად მსურველები უნდა ეწვიონ ფინანსთა სამინისტროს შემოსავლების სამსახურის ვებგვერდს (www.rs.ge) , ასევე, მისწერონ შემოსავლების სამსახურის ელექტრონულ მეილზე (info@rs.ge) ან ისარგებლოთ სატელეფონო ცენტრის მომსახურებით (2 299 299).




კორონავირუსის გავრცელების პრევენციისთვის მთავრობამ ახალი გადაწყვეტილებები მიიღო


"მთავრობამსაქართველოში კორონავირუსის გავრცელების საპრევენციო  ღონისძიებების ფარგლებში, უწყებათაშორისი საკოორდინაციო საბჭოს მორიგ სხდომაზე, რომელიც დღეს პრემიერ-მინისტრ გიორგი გახარიას ხელმძღვანელობით მთავრობის ადმინისტრაციაში გაიმართა, ახალი გადაწყვეტილებები მიიღეს.

მთავრობის გადაწყვეტილებით, 18 მარტიდან, ორი კვირით იკრძალება საქართველოს სახელმწიფო საზღვარზე შემოსვლა უცხო ქვეყნის მოქალაქეებისთვის.

ასევე, დროებით იკეტება საქართველოს სამთო-სათხილამურო კურორტები.

საკოორდინაციო საბჭოზე მიიღეს გადაწყვეტილება, რომ კაფეებს, რესტორნებსა და ბარებს ეძლევათ რეკომენდაცია, დროებით შეიზღუდოს მოქალაქეების უშუალო მომსახურება და იმოქმედოს მხოლოდ ე.წ გატანის სერვისებმა.

ანასთან, მთავრობის ადმინისტრაციაში იქმნება უწყებათაშორისი საკოორდინაციო საბჭოს სხდომაზე მიღებული გადაწყვეტილებების შესრულების მონიტორინგის მექანიზმი.

გარდა ამისა, 70 წელს გადაცილებულ მოქალაქეებს მიეცათ რეკომენდაცია, მაქსიმალურად მოერიდონ საზოგადოებრივი თავშეყრის ადგილებს და შეძლებისდაგვარად იმყოფებოდნენ იზოლაციაში, რათა თავიდან იყოს აცილებული პოტენციური საფრთხე მათი ჯანმრთელობისთვის.

როგორც პრემიერმა აღნიშნა, არსებობს კრიტიკულად მნიშვნელოვანი ოთხი განზომილება, რომლის ეფექტიანი მართვაც საბოლოო ჯამში არსებულ გამოწვევასთან გამკლავებაზე აისახება. ესენია – ჯანდაცვა; ეკონომიკა; ლოგისტიკა და მარაგების მართვა; საზოგადოებრივი წესრიგი. თითოეულ მიმართულებაზე პასუხისმგებელია შესაბამისი პროფილის მინისტრი.

სხდომაზე აღინიშნა, რომ დღეის მდგომარეობით ინფიცირებულია 33 ადამიანი. უმეტესობა მათგანის ჯანმრთელობაის მდგომარეობა კი, დამაკმაყოფილებელია. ყველა პაციენტის მდგომარეობა სტაბილურია და მათ შესაბამისი მკურნალობა უტარდებათ.

საკოორდინაციო საბჭოს მიეწოდა ინფორმაცია, რომ ამ ეტაპზე, კარანტინში იმყოფება 637 ადამიანი, ხოლო სტაციონარში, მეთვალყურეობის ქვეშ რჩება – 54 პირი.

პრემიერ-მინისტრმა კიდევ ერთხელ მოუწოდა მოქალაქეებს, შეასრულონ ჯანდაცვის სამინისტროსა და ჯანმრთელობის მსოფლიო ორგანიზაციის რეკომენდაციები, ხშირად დაიბანონ ხელი, მოერიდონ ხალხმრავალ ადგილებს, არ იმოგზაურონ საზღვარგარეთ და რისკის ზონაში მოხვედრის შემთხვევაში, მკაცრად დაიცვან თვითიზოლაციის წესები.

„უწყებათაშორისი საკოორდინაციო საბჭო კოორდინირებული ნაბიჯების გადადგმის მიზნით სხდომებს პრემიერ-მინისტრის ხელმძღვანელობით სისტემატურ რეჟიმში განაგრძობს“, – აღნიშნულია პრემიერის პრესსამსახურის ინფორმაციაში და ასევე მითითებულია, რომ საბჭოს მუშაობაში აქტიურად არის ჩართული საქართველოს პრეზიდენტის ადმინისტრაცია და პარლამენტის შესაბამისი კომიტეტი.




ვლადიმერ პუტინს პრეზიდენტობის მეხუთე შანსი ეძლევა


Картинки по запросу "putin"როგორც ვლადიმერ პუტინმა სახელმწიფო დუმაში გამოსვლის დროს  განაცხადა, მომდევნო  არჩევნებისთვის საპრეზიდენტო ვადების განულება შესაძლებელია, თუმცა შესაბამის ცვლილებას საკონსტიტუციო სასმართლომ უნდა დაუჭიროს მხარი. დაწესებული შეზღუდვის მოხსნას უკვე დაუჭირა მხარი რუსეთის სახელმწიფო სათათბირომ. 

შესაბამისად, ვლადიმერ პუტინს, რომლის საპრეზიდენტო ვადას უფლებამოსილება 2024 წელს ეწურება, ამ პოსტზე  მეხუთედ კენჭისყრის უფლება ექნება.

პუტინის თქმით, რუსეთს ძლიერი საპრეზიდენტო ვერტიკალი სჭირდება, რათა ქვეყნის სტაბილურობა უზურნველყოფილი იყოს. ამიტომ  „ალტერნატიული სახელმწიფოებრივი მოწყობის დანერგვა, ისეთის, როგორიცაა საპარლამენტო რესპუბლიკა, განვითარების ამ ეტაპზე რუსეთში დაუშვებელია“.

ცვლილებების ინიციატორი „ედინაია როსიას“ დეპუტატი ვალენტინა ტერეშკოვა გახდა. მან კონსტიტუციაში საპრეზიდენტო ვადებზე დაწესებული შეზღუდვის მოხსნა მოითხოვა, რაც მოქმედი პრეზიდენტის, ვლადიმერ პუტინის ვადებს გაანულებს. ინიციატივის მხარდაჭერის შესახებ ფრაქცია „ედიანაია როსიას“ დეპუტატებმა განაცხადეს, ინიციატივის გაჟღერების შემდეგ კი სათათბიროში მათ განსახილველად თავად პუტინი მივიდა.

თავად ვლადიმერ პუტინიც  2024 წლის არჩევნებისთვის საპრეზიდენტო ვადებისგანულების ინიციატივის მომხრეა.

rbc.ru




კიბერდანაშაულის და თანხის მითვისების ბრალდებით დაკავებულია 4 პირი


Картинки по запросу "internet bank"შინაგან საქმეთა სამინისტროს თბილისის პოლიციის დეპარტამენტის საგამოძიებო და დეტექტივების სამმართველოების თანამშრომლებმა, ჩატარებული ოპერატიულ-სამძებრო და საგამოძიებო მოქმედებების შედეგად, თბილისსა და ბათუმში, კიბერდანაშაულისთვის ოთხი პირი დააკავეს.

შსს-ს ინფორმაციით, ბრალდებულებმა 13 სხვადასხვა მოქალაქის პერსონალური მონაცემების უკანონო გამოყენებით, უნებართვოდ შეაღწიეს მათ კუთვნილ ინტერნეტ-ბანკისა და ონლაინ-აზარტული თამაშების ელექტრონულ ანგარიშებზე, რის შემდეგაც, ამ სისტემის მეშვეობით, სხვადასხვა ხერხით დაეუფლნენ, ჯამში, 42 000 ლარს.

„სამართალდამცველებმა 1989 წელს დაბადებული ორი პირი – ე.ვ. და დ.ჭ., მოსამართლის განჩინების საფუძველზე, თბილისში დააკავეს. გამოძიებით დადგინდა, რომ ბრალდებულებმა ორ მოქალაქეს მოტყუებით გამოართვეს პერსონალური მონაცემები და საბანკო პლასტიკური ბარათების ნომრები, რომელთა გამოყენებითაც მათ სახელზე ერთ-ერთი ბანკიდან სესხები აიღეს, შემდეგ აღნიშნული თანხები სხვა ანგარიშებზე გადარიცხეს და ფულს უკანონოდ დაეუფლნენ. დაკავებულების მიერ თაღლითური გზით, მართლსაწინააღმდეგოდ მოპოვებული თანხა, ჯამში, 20 000 ლარს შეადგენს.

გარდა ამისა, თბილისის პოლიციის დეპარტამენტის თანამშრომლებმა, ქურდობისა და კომპიუტერულ სისტემაში უნებართვო შეღწევის ბრალდებით, კიდევ ორი პირი – 1999 წელს დაბადებული – გ.ბ. მოსამართლის განჩინების საფუძველზე, ხოლო 1996 წელს დაბადებული რ.კ. – ოპერატიულ-სამძებრო და საგამოძიებო მოქმედებების შედეგად დააკავეს“, – აცხადებენ შსს-ში.

გამოძიების ამ ეტაპზე დადგენილია, რომ ერთ-ერთმა ბრალდებულმა – რ.კ-მ, 2019 წლის 4 დეკემბრიდან 2020 წლის 21 იანვრის ჩათვლით, ბათუმში მდებარე ინტერნეტ-კაფეებში არსებული კომპიუტერული ტექნიკით ისარგებლა, სხვადასხვა დროს მოპოვებული, 11 მოქალაქის კუთვნილი, ონლაინ ტოტალიზატორების მომხმარებლის სახელებისა და პაროლების გამოყენებით, ონლაინ-ტოტალიზატორების ანგარიშებზე დაფიქსირებული პლასტიკური ბარათების ანგარიშებიდან ფული აზარტული თამაშების ინტერნეტსაიტების ანგარიშებზე გადმოიტანა, შემდეგ აღნიშნული თანხები გ.ბ.-ს მიერ მიწოდებული პლასტიკური ბარათების ანგარიშებზე ჩარიცხა. ბრალდებულებმა ჩარიცხული თანხები ბანკომატებიდან გაანაღდეს და ნაქურდალი ფული გაინაწილეს.

„დაკავებულებმა დანაშაულებრივი გზით, ჯამში, 22 000 ლარს დაეუფლნენ. სამართალდამცველებმა რ.კ.-ს საცხოვრებელი სახლის ჩხრეკისას, მის მიერ უკანონოდ მოპოვებული ონლაინ ტოტალიზატორების 1000-მდე მომხმარებლის სახელი და პაროლი, ასევე, სხვადასხვა სახის პერსონალური მონაცემები ნივთმტკიცებად ამოიღეს.

გრძელდება ინტენსიური საგამოძიებო მოქმედებები ბრალდებულების მიერ ჩადენილი დანაშაულებრივი ქმედებების შედეგად სხვა შესაძლო დაზარალებული პირების გამოკვეთა-დადგენის მიზნით.

გამოძიება ანგარებით ჩადენილ პერსონალური მონაცემების ხელყოფის, ქურდობის, თაღლითობისა და კომპიუტერულ სისტემაში უნებართვოდ შეღწევის ფაქტებზე, საქართველოს სსკ-ის 284-ე მუხლის მე-2 ნაწილის “დ” ქვეპუნქტით, 177-ე მუხლის მე-2 ნაწილის „ა“ ქვეპუნქტით, 180-ე მუხლის მე-2 ნაწილის “ა” და “ბ” ქვეპუნქტებით, ასევე, ამავე მუხლის მე-3 ნაწილის “ბ” ქვეპუნქტით და 157-ე მუხლის მე-3 ნაწილის “ა” ქვეპუნქტით მიმდინარეობს.

სამინისტრო მომავალშიც აქტიურად განაგრძობს ბრძოლას მსგავსი სახის დანაშაულების წინააღმდეგ, რათა მოქალაქეების კუთვნილი სხვადასხვა სახის პერსონალური მონაცემები, ასევე, ქვეყნის საბანკო სექტორი და მისი მომხმარებელ მაქსიმალურად იყოს დაცული“, – აცხადებენ შსს-ში.




განცხადება იტალიაში მყოფი საქართველოს მოქალაქეების საყურადღებოდ


Картинки по запросу "sagareo saqmeta saministro"საქართველოს საგარეო საქმეთა სამინისტრო იტალიის რესპუბლიკაში მყოფი საქართველოს მოქალაქეების საყურადღებოდ განცხადებას ავრცელებს.

უწყების ცნობით, 2020 წლის 6 მარტს საქართველოს მთავრობამ მიიღო გადაწყვეტილება იტალიის რესპუბლიკასთან პირდაპირი ფრენების დროებით შეჩერების შესახებ.

„მთავრობისვე გადაწყვეტილებით, სახელმწიფო უზრუნველყოფს საქართველოს იმ მოქალაქეების გამომგზავრებას საქართველოში, რომლებსაც უახლოესი ორი კვირის განმავლობაში შეძენილი ჰქონდათ დასაბრუნებელი ბილეთი და ფრენების გაუქმების გამო ვერ შეძლეს საქართველოში დაბრუნება.

კიდევ ერთხელ ვაზუსტებთ, რომ ეს გადაწყვეტილება არ ეხებათ იტალიაში მუდმივად საცხოვრებლად მყოფ, ხანგრძლივი სამსახურებრივი ან სასწავლო მიზნით მყოფ საქართველოს სხვა მოქალაქეებს, თუ ისინი არ გეგმავდნენ საქართველოში დაბრუნებას ფრენების გაუქმებიდან მომდევნო ორი კვირის პერიოდში.

საქართველოს მოქალაქეებმა, რომლებიც რჩებიან იტალიის რესპუბლიკაში, მაქსიმალურად დაიცვან ვირუსის გავრცელების პრევენციის მიზნით იტალიის მთავრობის მიერ შემუშავებული პროტოკოლი, იყვნენ თვითიზოლაციაში, მოერიდონ მასობრივი თავშეყრის ადგილებს და დაიცვან ჰიგიენის დადგენილი წესები.

საქართველოს იმ მოქალაქეებს, რომლებიც ბრუნდებიან, როგორც იტალიის, ასევე სხვა მაღალი რისკის ზონის ქვეყნებიდან (ჩინეთი, ირანი, სამხრეთ კორეა) და ასევე ყველა იმ ქვეყნიდან, სადაც მსოფლიო ჯანდაცვის ორგანიზაციის მონაცემებით, მაღალია დაინფიცირების შემთხვევები, მოვუწოდებთ, დაიცვან დადგენილი პროცედურები“, – აცხადებენ საქართველოს საგარეო საქმეთა სამინისტროში.




"საჭიროა მაღალი მოქალაქეობრივი შეგნებით მივუდგეთ საკითხს, რათა ვირუსი არ გავრცელდეს“


Картинки по запросу "სალომე ზურაბიშვილი"საქართველოს პრეზიდენტი სალომე ზურაბიშვილი სამეგრელოს რეგიონში ადგილობრივი ხელისუფლების წარმომადგენლებს შეხვდა და მათგან რეგიონში განხორციელებულ სამუშაოებთან, კორონავისურის პრევეციულ ღონისძებებთან დაკავშირებით დეტალური ინფორმაცია მოისმინა.

შეხვედრაზე, რომელსაც რეგიონის რვა ქალაქის მერები და ვიცე-მერები ესწრებოდნენ, სახელმწიფო რწმუნებულმა სამეგრელო-ზემო სვანეთის მხარეში ალექსანდრე მოწერელიამ, პრეზიდენტს რეგიონული ინფრასტრუქტურული სამუშაოების შესახებ მიაწოდა ინფორმაცია და აღნიშნა, რომ კორონავისურის მიუხედავად, სამხარეო ადმინისტრაცია ჩვეულ რეჟიმში განაგრძობს მუშაობს, მიმდინარეობს ბაგა-ბაღების, სკოლებისა და საზოგადოებრივ ტრანსპორტის სადეზინფექციო სამუშაოები და ცენტრალური ხელისუფლების ყველა რეკომენდაციის გათვალისწინება.

ალექსანდრე მოწერელიას ინფორმაციით, სამეგრელოში კორონავირუსის არც ერთი დადასტურებული შემთხვევა არ არის, თუმცა თვითიზოლაციაში იმყოფება იტალიიიდან ჩამოსული საქართველოს რამდენიმე მოქალაქე, მესტიაში კი, იტალიის ოთხი მოქალაქე.

საქართველოს პრეზიდენტის განცხადებით, კორონავირუსთან დაკავშირებით პანიკის საფუძველი არ არსებობს, თუმცა საჭიროა ყველა რეკომენდაციის დაცვა, სახელმწიფოს მხრიდან დროულად მიღებულია საჭირო ზომები.

„მინდა, საქართველოს მოქალაქეებს გადავცეთ განწყობა, რომ ვირუსთან დაკავშირებით საჭიროა საკითხისადმი პასუხისმგებლიანი მიდგომა და სიფრთხილე, საჭიროა რეგულაციების გათვალისწინება, რაც უნდა მკაცრი იყოს ის, საჭიროა მაღალი მოქალაქეობრივი შეგნებით მივუდგეთ საკითხს, რათა არ გავრცელდეს ვირუსი“, – განაცხადა საქართველოს პრეზიდენტმა.

როგორც პრეზიდენტმა აღნიშნა, დღეს უკვე პრეზიდენტის ადმინისტრაციის უფროსის მოვალეობის შემსრულებელი უწყებათაშორისი საბჭოს წევრია, თუმცა იგი პირველივე დღეებიდან დეტალურ ინფორმაციას ფლობს ქვეყანაში კორონავირუსთან დაკავშირებით არსებული ვითარების შესახებ.

პრეზიდენტი ასევე დაინტერესდა, რა მდგომარეობაა რეგიონში ქალთა ძალადობის პრევენციის მიმართულებით და რა ღონისძიებები ტარდება ამ მიმართულებით სამეგრელო-ზემო სვანეთის მხარეში.

რაც შეეხება ინფრასტრუქტურულ სამუშაოებს, სახელმწიფო რწმუნებულის განცხადებით, ამ მიმართულებით რეგიონში მაღალი აქტივობაა.

კერძოდ, მისი განმარტებით, მიმდინარეობს რამდენიმე მსხვილი პროექტი, მათ შორის თანამდეროვე გამწმენდი ნაგებობის მშენელბლობა, უკვე დასრულებულია ზუგდიდის ბოტანიკური ბაღის რეაბილიტაციის პროექტი, 300-ზე მეტი შიდა გზის რეაბილიტაცია, ზუგდიდს შეემატა ახალი საჭადრაკო სკოლა, მიმდინარეობს 700 კაცზე გათვლილი თეატრის მშენებლობა, ასევე იგეგმება ზვიად გამსახურდიას სახელობის ბიბლიოთეკის მშენებლობა დადიანების სასახლის სივრცეში, სადაც ახალგაზრდებს საკუთარი შესაძლებლობების გამოვლენის საშუალება ექნებათ.

საქართველოს პრეზიდენტს ზუგდიდში აქციით დახვდნენ. სამხარეო ადმინისტრაციის წინ მოძრაობა „შეცვალეს“ წევრები მივიდნენ, რომლებმაც ადგილზე სიმბოლურად ლობიო, ხახვი და კარტოფილი მიიტანეს.