"ნინო ბურჯანაძის ვიზიტი პასუხისმგებლიანი პოლიტიკოსის პოზიციაა"


Похожее изображениеრუსეთსა და საქართველოს შორის სავიზო რეჟიმის შემსუბუქების, შემდეგ კი მისი გაუქმების, ასევე ავიამიმოსვლის აღდგენის საკითხი სასწრაფოდ უნდა მოგვარდეს, – ეს განცხადება რუსეთის ფედერაციის საბჭოს საგარეო ურთიერთობათა კომიტეტის ხელმძღვანელმა, კონსტანტინ კოსაჩოვმა „დემოკრატიული მოძრაობის“ ლიდერ ნინო ბურჯანაძესთან შეხვედრის შემდეგ გააკეთა.

ინფორმაციას რუსული მედი ავრცელებს.

„არსებობს რამდენიმე პრაქტიკული საკითხი, რომელიც ჩვენს ყურადღებას და სწრაფ მოგვარებას საჭიროებს. ეს არის სავიზო პროცედურების შემსუბუქება და შემდგომ გაუქმება, ავიამიმოსვლის აღდგენა, საქონლის გარკვეულ სახეობებზე დაწესებული ტარიფების საკითხი. საერთო ჯამში, არსებობს კონკრეტული დღის წესრიგი, რომელზეც მსჯელობა მიმდინარეობს სხვადასხვა დონეზე და სხვადასხვა ფორმატში“, – განაცხადა კოსაჩოვმა.

რუსული მედიის ინფორმაციით, შეხვედრის დროს კოსაჩოვმა აღნიშნა, რომ საქართველო-რუსეთის ურთიერთობა ახლა ცუდ მდგომარეობაშია.

„თუმცა ჩვენ ყოველთვის ვთანხმდებით, რომ ჩვენი ერები აბსოლუტურად სხვა რამეს ელოდებიან. მთავრობამ, პარტიებმა და პოლიტიკოსებმა, რა თქმა უნდა, უნდა გაითვალისწინონ ეს საყოველთაო აზრი და ყველაფერი გააკეთონ, რომ ჩვენ ქვეყნებს შორის ურთიერთობა კვლავ ნორმალურ კურსს დაუბრუნდეს“, – განაცხადა კოსაჩოვმა.

მან მადლობა გადაუხადა ბურჯანაძეს პოლიტიკური და სამოქალაქო პოზიციისთვის.

„გვესმის ის ფაქტი, რომ ჩამოდიხართ რუსეთში და საქართველოში ხშირად ადეკვატურად არ აღიქმება, მაგრამ ეს არის პასუხისმგებლიანი პოლიტიკოსის პოზიცია, რომელიც საკუთარი ქვეყნის ინტერესებით მოქმედებს. ჩვენ ამას ძალიან ვაფასებთ“,- განაცხადა კოსაჩოვმა.

1tv.ge




“შეგვპირდნენ, რომ ვაჟა გაფრინდაშვილს გამოუშვებენ, ელოდებიან სასამართლოს გადაწყვეტილებას”


gomelauriშინაგან საქმეთა მინისტრი ვახტანგ გომელაური აცხადებს, რომ ოკუპირებული ცხინვალის სასამართლოს გადაწყვეტილებით, უკანონოდ დაკავებულ ექიმს, ვაჟა გაფრინდაშვილს გაათავისუფლებენ.

მისი თქმით, სიტუაციას შედარებით ამარტივებს ვაჟა გაფრინდაშვილის პროფესია, რადგან საერთაშორისო სამართლის ნორმებით, ექიმის დაკავება მიღებული არ არის.

“ჩვენ გვაქვს კონტაქტი. ჩართულია ყველა საერთაშორისო ორგანიზაცია. ხაზგასასმელია, რომ ეს ადამიანი არის ექიმი და არა მებრძოლი ან ყოფილი ძალოვანი სტრუქტურის წარმომადგენელი. მე ვფიქრობ, რომ ამ ადამიანს გამოუშვებენ. თვითონაც უხერხულად არიან, დარწმუნებულები ვართ. რაც უნდა ცხელი ომი იყოს, ექიმის დაკავება მსოფლიოში არსად არ შეიძლება და უშვებენ. აქედან გამომდინარე, შეგვპირდნენ და გამოუშვებენ, ელოდებიან სასამართლოს გადაწყვეტილებას“, – განაცხადა ვახტანგ გომელაურმა.

15 ნოემბერს ვაჟა გაფრინდაშვილს ოკუპანტებმა ორთვიანი წინასწარი პატიმრობა შეუფარდეს. მას ე.წ. საზღვრის უკანონო გადაკვეთას ედავებიან.




ვაშაძე:"შეხვედრა უშედეგოდ დასრულდა... საპროტესტო აქციები გაგრძელდება"


Картинки по запросу გრიგოლ ვაშაძეიმის მიუხედავად, რომ შეხვედრა უშედეგოდ დასრულდა, ოპოზიცია მოლაპარაკებების გასაგრძელებლად მზად არის.  როგორც „ნაციონალური მოძრაობის“ წევრმა გრიგოლ ვაშაძემ განაცხადა, მართველი გუნდი შეხვედრაზე მხოლოდ იმიტომ მივიდა, რომ მოქალაქეების, ოპოზიციის და სტრატეგიული მოკავშირეების მხრიდან სტრესს გრძნობდა, თუმცა კატეგორიული უარი თქვა იმ კომპრომისული შეთავაზების, რომელმაც ოპოზიციამ მოამზადა და 150-მა პარტიამ მოაწერა ხელი. 

„ჩვენ დავადასტურეთ, რომ მიუხედავად იმისა, რომ ეს შეხვედრა უშედეგოდ დასრულდა, თუ ამას მოინდომებენ ჩვენი მედიატორები და სტრატეგიული პარტნიორები, ჩვენ მეორე რაუნდსაც დავესწრებით. არ მივცემთ არასოდეს ე.წ. „ქართულ ოცნებას“ და მართველ გუნდს იმის თქმის საშუალებას, რომ ოპოზიცია არ არის მზად საუბრისთვის.

ჩვენი სტრატეგიული მოკავშირეები არიან შუამავლები, ამიტომ მათ არ შეიძლება, ჰქონდეთ რამე შემოთავაზება გარდა იმისა, რომ ყველას სურს, საქართველოში იქნებ დამკვიდრდეს ნორმალური პოლიტიკური კულტურა, როდესაც იდეოლოგიური განსხვავებები არ არის სამკვდრო-სასიცოცხლო მტრობის მიზეზი.

რაც შეეხება სამართლებრივ არგუმენტებს, ეს არგუმენტები მოსმენილი გაქვთ არაერთხელ ირაკლი კობახიძისგან ტელევიზიის მეშვეობით, სადაც მთავარი არგუმენტია, რომ არ მომწონს და ეს არ არის კონსტიტუციური. ის, რომ მორალური და პოლიტიკური ვალდებულება ჰქონდათ აღებული პროპორციული არჩევნების ჩატარების, რასაც ახალგაზრდების ჯანმრთელობა და კინაღამ სიცოცხლე შეეწირა, ამაზე არ საუბრობენ; ის, რომ ოპოზიციამ წინმსწრებად გადადგა კომპრომისული ნაბიჯი – ვთქვით, რომ კარგი, ვერ გაიტანეთ ან თქვენ თვითონვე ჩააგდეთ კონსტიტუციის შესწორება და არ იქნება პროპორციული არჩევნები, აგერ გთავაზობთ კომპრომისულ წინადადებას, რომელსაც არ სჭირდება კონსტიტუციის გადახედვა და გადასწორება“, – განაცხადა ვაშაძემ.

ამასთან, მისი თქმით, საპროტესტო აქციები გაგრძელდება.

სასტუმრო „ბილტმორში“ „ქართული ოცნების“ და ოპოზიციური პარტიების წარმომადგენლების შეხვედრა დაახლოებით 6 საათს გაგრძელდა, რომელსაც ასევე  დიპლომატიური მისიების წარმომადგენლებიც ესწრებოდნენ.




რუსეთი აბაშიძე-კარასინის შეხვედრის შესახებ განცხადებას ავრცელებს


Картинки по запросу Москваრუსეთის საგარეო საქმეთა სამინისტრო აბაშიძე-კარასინის შეხვედრის შესახებ განცხადებას ავრცელებს. როგორც მოსკოვში განმარტავენ, „შეხვედრაზე მხარეებმა ორი ქვეყნის ურთიერთობებში წარმოქმნილი რთული სიტუაციის გადასალახად გზების მოძიების განწყობა დაადასტურეს“.

„კონტაქტებმა დაადასტურა ორმხრივი განწყობა, რომ მოიძებნოს გზები იმ რთული სიტუაციის გადასალახად, რომელიც რუსეთ-საქართველოს ურთიერთობებში, თბილისში ივნის-ივლისში მომხდარი ცნობილი მოვლენების შედეგად, წარმოიქმნა“, – ნათქვამია განცხადებაში.

ამასთან, რუსეთის საგარეო საქმეთა სამინისტროს ცნობით, ცხრა თვეში რუსეთ-საქართველოს სავაჭრო ბრუნვა 12 პროცენტით შემცირდა.

„მიუხედავად ამისა, რუსეთი რჩება საქართველოსთვის სიდიდით მეორე სავაჭრო პარტნიორად და ქართული პროდუქციის უმსხვილეს იმპორტიორად, განსაკუთრებით, ღვინის. მას შემდეგ, რაც რუსეთი იძულებული გახდა, მიეღო ზომები რუსეთის მოქალაქეების უსაფრთხოების უზრუნველსაყოფად, ტურისტული ნაკადი რუსეთიდან საქართველოში კვლავ ყოველთვიურად მცირდება“, – ნათქვამია განცხადებაში.

მოსკოვში აცხადებენ, რომ შეხვედრაზე რუსულმა მხარემ ხაზი გაუსვა იმის მნიშვნელობას, რომ თბილისმა მომხდარიდან შესაბამის დასკვნები გამოიტანა და რუსეთთან ურთიერთობებისას უფრო პასუხისმგებლიან მიდგომებს ინარჩუნებდა.

„ეს გახსნის გზას ნორმალიზაციის პროცესის გასაგრძელებლად, ორ ქვეყანას შორის ავიამიმოსვლის აღდგენის შესაძლებლობის ჩათვლით“, – ნათქვამია რუსეთის საგარეო უწყების განცხადებაში.

რუსეთი საგარეო საქმეთა სამინისტროში ასევე აცხადებენ, რომ შეხვედრის დროს ქართული მხარეს მიაწოდეს ინფორმაცია საავტომობილო გამშვები პუნქტის „ზემო ლარსის“ მოდერნიზაციის სამუშაოების შესახებ, რომელთა დასრულების შემდეგაც, 2021 წლის ნოემბრისთვის, ამ პუნქტზე 24 საათის განმავლობაში 2560 მანქანის გატარება იქნება შესაძლებელი.

„განხილული იყო 2011 წლის რუსეთ-საქართველოს სახელმწიფოთაშორისო შეთანხმების შესრულების პერსპექტივა. ეს შეთანხმება შეეხება საბაჟო ადმინისტრირების მექანიზმსა და პროდუქტებით ვაჭრობის მონიტორინგს. მხარეები შეთანხმდნენ გაგრძელდეს აპოლიტიკური განხილვა, რისი ამოცანაც არის არსებული სადავო საკითხების დარეგულირება და შეთანხმების პრაქტიკული რეალიზაციის დაწყება, მისი პირობების მკაცრი დაცვით“, – აცხადებენ რუსეთის საგარეო უწყებაში.

რუსეთი საგარეო საქმეთა სამინისტროს განცხადებაში აღნიშნულია, რომ „ზურაბ აბაშიძემ შეხვედრაზე სამხრეთ ოსეთში დაკავებული საქართველოს მოქალაქე ვაჟა გაფრინდაშვილის საკითხი დააყენა“.

„რუსულმა მხარემ მას მიაწოდა ინფორმაცია, რომ მოქმედებს ამ საკითხის პოზიტიურად გადასაჭრელად“ – ნათქვამია განცხადებაში.

ამასთან, განცხადებაში აღნიშნულია, რომ „საქართველოს სამხედრო თანამშრომლობა ნატოსა და აშშ-თან, რჩება რუსეთსა და საქართველოს ორმხრივ ურთიერთობებში სერიოზულ გამაღიზიანებელ ფაქტორად“.

„კარასინმა მოუწოდა აბაშიძეს, რომ ქართულმა მხარემ ევროპის საბჭოს მინისტრთა კომიტეტში თავმჯდომარეობა გამოიყენოს რუსეთთან კონსტრუქციული ურთიერთქმედების გასავითარებლად“, – აცხადებენ რუსეთის საგარეო უწყებაში.

რუსეთის საგარეო უწყების ცნობით, აბაშიძე-კარასინის შემდეგი შეხვედრა 2020 წლის მარტში გაიმართება.




პრეზიდენტის მიერ პატიმრების შეწყალების კრიტერიუმები განისაზღვრა


Картинки по запросу პრეზიდენტი სალომე ზურაბიშვილიპრეზიდენტის ადმინისტრაციამ შეწყალების ახალ წესზე მუშაობა დაასრულა. სალომე ზურაბიშვილის პრესსამსახურის ინფორმაციით, ახალი წესის შემუშავების პროცესში კონსულტაციები გაიმართა სახელმწიფო უწყებებთან და ექსპერტებთან.  2021 წლის 1 იანვრამდე ადმინისტრაციაში დაინერგება შეწყალების საქმისწარმოების სპეციალური ელექტრონული პროგრამა.

ახალი წესით დადგინდა მძიმე და განსაკუთრებით მძიმე კატეგორიის დანაშაულისათვის მსჯავრდებულ პირთა შეწყალების საქმეების განხილვის კრიტერიუმები, გამარტივდა ნაკლებად მძიმე დანაშაულისათვის მსჯავრდებულ პირთა საქმეების განხილვის პირობები.

„შეწყალების წესის არსიდან გამომდინარე, პრეზიდენტი უფლებამოსილებას გამოიყენებს განსაკუთრებული და გამორჩეული ინდივიდუალური საქმეების შემთხვევაში, რაც შეწყალების აქტების რაოდენობას საგრძნობლად შეამცირებს.

შეწყალების აქტი დაფუძნებულია როგორც ჰუმანიზმის პრინციპზე, ასევე სახელმწიფო ინტერესზე და ის არ არის სასამართლოს ხარვეზების გამოსწორების მექანიზმი.

შეწყალებაზე საბოლოო გადაწყვეტილების მიღებამდე, პრეზიდენტი კიდევ ერთხელ თითოეულ საქმეზე  გაივლის კონსულტაციას შესაბამის სახელმწიფო უწყებებთან და დარგის სპეციალისტებთან. შეწყალების საქმეების განხილვა შეწყალების ახალი წესის გამოქვეყნებისთანავე დაიწყება”- აცხადებენ ადმინისტრაციაში.

პრეზიდენტმა პატიმრების შეწყალებაზე 18 სექტემბერს მორატორიუმი გამოაცხადა. ამას წინ  უძღვოდა რამდენიმე სკანდალური შეწყალება. 2019 წლის მარტში ცნობილი გახდა, რომ შეწყალების კომისია იუსტიციის სამინისტროში გადავა.




"საუკეთესო გამოსავალი იქნება, თუ შემდეგ პარლამენტში არც ერთი „ნაციონალი“ აღარ იქნება"


Картинки по запросу ირაკლი კობახიძესაპარლამენტო უმრავლესობის წარმომადგენელის ირაკლი კობახიძის არით, ქვეყნისთვის საუკეთესო გამოსავალი იქნება, თუ შემდეგ პარლამენტში არც ერთი „ნაციონალი“ აღარ იქნება.

მან ასევე შეაფასა საქართველოს პარლამენტის თავმჯდომარის, არჩილ თალაკვაძის მოწოდება, რომ საპარლამენტო ოპოზიცია ნორმალურ პოლიტიკურ პროცესსა და საპარლამენტო ფორმატებს დაუბრუნდეს.

„არჩილ თალაკვაძის მოწოდება სწორი იყო. ვინმეს პასუხისმგებლობა თუ აქვს, იმ პროცესში უნდა ჩაერთოს, რომელიც დაკავშირებულია პოლიტიკის კეთებასთან და ეს პროცესი არსებითად დაკავშირებულია პარლამენტთან.

ოპოზიცია კრიზისშია, საიდანაც ვერ გამოდის. ოპოზიციამ უნდა დაადასტუროს, რომ არ არის დესტრუქციული, არიან პასუხისმგებლიანი. თუ დაადასტურებენ, რომ პროცესების წინაშე პოლიტიკური პასუხისმგებლობა აქვთ, მოვიდნენ, მაგრამ კრიზისშია არიან და ვერ ამტკიცებენ. ქვეყნისთვის საუკეთესო გამოსავალი იქნება, თუ შემდეგ პარლამენტში არც ერთი „ნაციონალი“ აღარ იქნება. თუ მათ ადგილებს კონსტრუქციული ოპოზიცია და ისეთი პოლიტიკური ძალა დაიკავებს, ვისაც უყვარს ქვეყანა, ეკლესია.

ასეთ პოლიტიკურ ძალას ვერ შევქმნით, თავისთავად უნდა შეიქმნას. როცა დაიმსხვრევა ორპარტიული არასწორი რეჟიმი, მაშინვე გაჩნდება სივრცე კონსტრუქციული პოლიტიკური ძალებისთვის, რომლებიც ეფუძნება დასავლურ და ეროვნულ ღირებულებებს. დღეს კრიზისია ოპოზიციაში და არა ხელისუფლებაში“, – განაცხადა ირაკლი კობახიძემ.




"ოპოზიციამ დროის დაკარგვა გააგრძელოს, ჩვენ საარჩევნო სამზადისს გავაგრძელებთ"


Картинки по запросу ირაკლი კობახიძესაპარლამენტო უმრავლესობის წევრის ირაკლი კობახიძის განცხადებით, „აიპიემის”და „სიარარსის” მიერ ჩატარებული კვლევები არჩევნების შედეგს ყოველთვის აცდენილია.

„ჩვენ ვაკეთებთ ხოლმე კომენტარებს „აიპიემის“ და „სიარარსის“ კვლევებთან დაკავშირებით. ეს კვლევები ყოველთვის აცდენილია რეალობას. საბოლოო ჯამში არის ხოლმე აცდენილი იმ შედეგებს, რომელიც იდება არჩევნებში. აქედან გამომდინარე, ჩვენი ოპონენტებიც კი, მიუხედავად იმისა, რომ აწყობთ ამის გაკეთება, ვერ ახერხებენ, სიხარულით შეხვდნენ ამ რეიტინგებს. კარგად იციან, რომ ეს რეიტინგი არის აცდენილი სინამდვილეს და შესაბამისად, არ აძლევს მათ ოპტიმიზმის საფუძველს“ ,- განაცხადა ირაკლი კობახიძემ.

მისივე თქმით, აღნიშნულ კვლევებზე მომუშავე კონკრეტული კომპანიები, პირდაპირ არიან დაკავშირებული პოლიტიკურ პარტიებთან – „აიპიემი“ არის ერთ განშტოებასთან დაკავშირებული, „სიარარსი“ – მეორე განშტოებასთან. შესაბამისად, გასაკვირი არ არის, რომ მათი შედეგები ხან ერთი განშტოების და ხან მეორე განშტოების სასარგებლოდ იხრება ხოლმე.

„რაც შეეხება გადაუწყვეტელ ამომრჩეველს და რესპონდენტს, ძალიან მარტივად კეთდება ხოლმე ალოკაცია. ალოკაციის საფუძველზე როცა ტარდება კვლევა, კარგად ვხედავთ, როგორ დასრულდება შემდეგი საპარლამენტო არჩევნები. სწორედ ეს გვაძლევს იმის თქმის საფუძველს, რომ მნიშვნელოვნად ავცდებით 50 პროცენტიან მაჩვენებელს. მითუმეტეს, ჩვენ გვაქვს ერთი წელიწადი, რომ კარგად მოვემზადოთ საპარლამენტო არჩევნებისთვის.

ვიდრე ოპოზიცია დროს კარგავს დესტრუქციული ნაბიჯების დაგეგმვაზე, ჩვენ ვემზადებით არჩევნებისთვის და გვაქვს კომუნიკაცია საზოგადოებასთან. გააგრძელოს ოპოზიციამ დროის დაკარგვა, ჩვენ გავაგრძელებთ საარჩევნო სამზადისს, რაც გახდება საფუძველი იმისა, რომ შემდეგ საპარლამენტო არჩევნებზე დამაჯერებლად გავიმარჯვებთ“ ,- განაცხადა ირაკლი კობახიძემ.

საერთაშორისო რესპუბლიკური ინსტიტუტის [IRI] კვლევის მიხედვით, მიმდინარე კვირას რომ არჩევნები იყოს, გამოკითხულთა 23%  ხმას მისცემდა „ქართულ ოცნებას“, „ერთიან ნაციონალურ მოძრაობა – გაერთიანებულ ოპოზიციას“ 15 %, „ევროპულ საქართველოს“ 5 %.

„ლეიბორისტულ პარტიას“ ხმას მისცემდა 5%,  „პატრიოტთა ალიანსს“ – 4% , „სამოქალაქო მოძრაობას“ – 3 %, „ახალი საქართველოსთვის“- 2% , „დემოკრატიულ მოძრაობა-გაერთიანებული საქართველოსთვის“ ასევე 2%.  „ლელოს“ გამოკითხულთა 2 %  მისცემდა ხმას, „გირჩს“ – 1 % , „შენების მოძრაობა“ – 1 %.

გამოკითხულთა 32- %–მა  უპასუხა, რომ არ იცის, ან არ სურს პასუხის გაცემა.

კვლევის საველე სამუშაოები ჩაატარა კვლევისა და მარკეტინგის ინსტიტუტმა (IPM), 2019 წლის 11 სექტემბრიდან 14 ოქტომბრის ჩათვლით. კვლევაში მონაწილეობა მიიღო საარჩევნო ხმის უფლების მქონე საქართველოს 1500-მა მცხოვრებმა. კვლევის ცდომილება არ აღემატება პლუს-მინუს 2.5 %–ს.




რუსული მედია –"ადრე თუ გვიან ქართველებს უკან დახევა მოუწევთ"


Похожее изображениеრუსული გამოცემა “კომსომოლსკაია პრავდა”ჟენევის დისკუსიებს ეხმიანება და აღნიშნავს, რომ შეხვედრა კვლავ უშედეგოდ დასრულდა.  ერთერთ მთავარ საკითხად კი  წნელისში ქართველების საუშაგოს ასახელებს.

გაზეთის ინფორმაციით, ცხინვალში მკაცრად აკრიტიკებენ  ამჟამინდელ დე–ფაქტო ლიდერს ანატოლი ბიბილოვს,   დრო  დაკარგა და “საზღვრებზე” ბლოკპოსტები არ განათავსაო. არადა ყველა პრეტენზია მის წინამორბედს, ედუარდ კოკოითის ეკუთვნის, რომლის დაშვებულმა შეცდომებმა დღეს საქართველოსთან ურთიერთობების გაამწვავა.

როგორც გამოცემა აღნიშნავს, კოკოითიმ  საზღვრის დელიმიტაციის კომისია მხოლოდ 2009 წელს შექმნა, ხოლო სამუშაოს რეალურად  2010 –ში შეუდგა.

“ეს დრო კი საქართველომ მოიგო, დასავლეთის მხარდაჭერა მოიპოვა და კვლავინდებურად  თავდაჯერებულად იგრძნო თავი.  დაბნეულობა სულ გაუქრა და შედეგად  სასაზღვრო ზონაში არსებული მთელი რიგი ოსური სოფლები საქართველოს ტერიტორიაზე მოხვდა,  პროტესტის  მიუხედავად,  მოსახლეობა  ნათესავებთან და ისტორიულ სამშობლოსთან კავშირს მოწყვეტილი აღმოჩნდა.

კომისიის თავამჯდომარემ ბორის ჩოჩიევმა თავიდანვე განაცხადა, რომ საზღვრების დადგენისას  1984 წლის რუკებით ისარგებლებდა, თუმცა მეტად გამართლებული იქნებოდა 1922 წლის დეკრეტში მონიშნული საზღვრებით ხელმძღვანელობა, მაშინ, როდესაც შეიქმნა სამხრეთ–ოსეთის ავტონომიური ოლქი. თუმცა მთავრობაში მისთვის   შენიშვნა არავის მიუცია, ასეც წავაო.

უაზროა იმედის ქონა, რომ საქართველო წნელისის სასაზღვრო მონაკვეთს დათმობს. მომავალი საპარლამენტო არჩევნების წინ საქართველოს პოლიტიკოსები პატრიოტობაში ეჯიბრებიან ერთმანეთს, და არავინ წავა პოლიტიკურ თვითმკვლელობაზე.  თუმცა სიტუაცია არც ისე კატასტროფულია, როგორც მას ბიბილოვის მოწინააღმდეგები გვიჩვენებენ.  სამხრეთ ოსეთის მესაზღვრეებმა ახლომდებარე სტრატეგიული სიმაღლეები დაიკავეს და ქართველ ძალოვნებს   უპირატესობათა დიდი ნაწილი წაართვეს.  ადრე თუ გვიან ქართველებს უკან დახევა მოუწევთ. ხოლო სამხრეთ–ოსეთის ყოფილი მთავრობის  რიგებში მყოფ პროვოკატორებს  – საკუთარ ქმედებესა თუ უმოქმედობაზე პასუხის გაცემა.”– წერს “კომსომოლსკაია პრავდა”.

kp.ru




"23 ნოემბერი მოდის და ქართველი ხალხი უნდა დაირაზმოს"


Картинки по запросу სააკაშვილისაქართველოს ექს–პრეზიდენტი მიხეილ სააკაშვილი „ფეისბუქლაივში“ პროპორციულ საარჩევნო სისტემაზე გადასვლასთან დაკავშირებით საპარლამენტო უმრავლესობის მიერ მომზადებული საკონსტიტუციო ცვლილებების კენჭისყრაზე ჩავარდნას გამოეხმაურა.

„როგორც მოსალოდნელი იყო, ივანიშვილმა ყველა გადააგდო და გააცუცურაკა. ერთი რამე ვიცი, მოდის გიორგობის დღესასწაული, 23 ნოემბერი და ქართველი ხალხი უნდა დაირაზმოს, გააკეთოს მშვიდობიანი მობილიზაცია. ამ რეჟიმს აღარანაირი ლეგიტიმაცია არ აქვს, ასე რომ, ყველაფერი ჩვენზეა დამოკიდებული. ძალა ერთობაშია, ყველაფერი გამოგვივა“, – აღნიშნა სააკაშვილმა.

 




2020 წლის არჩევნები 3%-იანი ბარიერით, ბლოკებითა და შერეული სისტემით ჩტარდება


Картинки по запросу თალაკვაძე არჩილპარლამენტის თავმჯდომარის  არჩილ თალაკვაძის  განაცხადებით 2020 წლის არჩევნები ჩატარდება 3%-იანი ბარიერით, ბლოკებითა და შერეული სისტემით.

არჩევნების პროპორციული წესით ჩატარებაზე დეპუტატების ხმები არ აღმოჩნდა საკმარისი.

„2020 წლის არჩევნების პროპორციული წესით ჩატარებაზე დღეს შედგა პარლამენტში კენჭისყრა და მიუხედავად იმისა, რომ უმრავლესობის ბევრმა დეპუტატმა მხარი დავუჭირეთ, ასევე ოპოზიციის წევრებმა მხარი დაუჭირეს, ხმები არ აღმოჩნდა საკმარისი. შესაბამისად, ეს გადაწყვეტილება პარლამენტის მიერ არ არის მიღებული რაც ნიშნავს იმას, რომ 2020 წლის არჩევნები ჩატარდება 3%-იანი ბარიერით, ბლოკებითა და შერეული სისტემით, რაც ნიშნავს პროპორციულ და მაჟორიტარული მექანიზმის გამოყენებას 2020 წლის არჩევნებში. ეს გადაწყვეტილება მიიღო პარლამენტმა, კენჭისყრის შედეგები არის ხელმისაწვდომი საზოგადოებისთვის“,- განაცხადა თალკვაძემ.

პარლამენტის თავმჯდომარის თქმით, მიუხედავად იმისა, რომ მმართველი პარტიის თავმჯდომარემ ორი სხდომა გამართა და მოუწოდა დეპუტატებს, მხარი დაეჭირათ პროპორციული სისტემის გადაწყვეტილებისთვის, საკმარის ხმების მობილიზება სხდომაზე ვერ მოხერხდა.

„ბიძინა ივანიშვილი გამოვიდა ამ ინიციატივით. მან ყველაფერი გააკეთა, რომ ყოფილიყო ხმების მობილიზება უმრავლესობაში, როდესაც ჩვენ გვქონდა საკონსტიტუციო უმრავლესობა, ამ გადაწყვეტილებას მხარი დავუჭირეთ და შევძელით ამის მიღება. ამჯერად, მიუხედავად იმისა, რომ პარტიის თავმჯდომარემ უმრავლესობის ორი სხდომა ჩაატარა და მოუწოდა დეპუტატებს, მხარი დაეჭირათ პროპორციული სისტემის გადაწყვეტილებისთვის, საკმარის ხმების მობილიზება სხდომაზე ვერ მოხერხდა. ეს ხმები არ აღმოჩნდა საკმარისი გადაწყვეტილების მისაღებად“,- აღნიშნა არჩილ თალაკვაძემ.

პროპორციულ საარჩევნო სისტემაზე გადასვლასთან დაკავშირებით საპარლამენტო უმრავლესობის მიერ მომზადებულმა საკონსტიტუციო ცვლილებებმა პარლამენტში პირველი მოსმენით კენჭისყრაზე ხმების საკმარისი რაოდენობა ვერ მიიღო. საკითხზე თავისუფალი კენჭისყრა ჩატარდა. საკონსტიტუციო ცვლილების მისაღებად 113 დეპუტატის მხარდაჭერა იყო საჭირო. მმართველი გუნდის მიერ მომზადებულ კონსტიტუციურ პროექტს კი, 101 დეპუტატმა დაუჭირა მხარი, სამი წინააღმდეგი იყო.