დიმიტრი ქუმსიშვილმა ოქროყანაში, ტექნოლოგიური პარკის მშენებლობა დაათვალიერა


   teqnologiuri_parkis_mshenebloba_22.09.15_1                საქართველოს პრემიერ-მინისტრის ინიციატივით, საქართველოს ეკონომიკისა და მდგრადი განვითარების სამინისტროს სსიპ ინოვაციების და ტექნოლოგიების სააგენტო ოქროყანაში მაღალი ტექნოლოგიებისა და ინოვაციების განვითარების ცენტრს, ტექნოლოგიურ პარკს აშენებს. ტექნოპარკი ინოვაციებისა და ტექნოლოგიების მიმართულებით ერთიან ეკოსისტემას  შექმნის და ხელს შეუწყობს ინოვაციური იდეების განვითარებას.

მშენებარე ტექნოლოგიური პარკი დღეს ეკონომიკისა და მდგრადი განვითარების მინისტრმა დიმიტრი ქუმსიშვილმა მოინახულა და მიმდინარე სამუშოებს ადგილზე გაეცნო. მინისტრის განცხადებით, ძალიან მალე საქართველოს პირველი ტექნოლოგიური პარკი ექნება.

“წლის ბოლოსთვის საქართველოში პირველი ტექნოპარკი გაიხსნება. ეს არის უნიკალური ადგილი, სადაც ინოვაციების განვითარების შესაძლებლობა იქნება. ჩვენ გვექნება, როგორც სამრეწველო, ისე ინოვაციის ლაბორატორიები. მნიშვნელოვანია ის, რომ ტექნოპარკი მისცემს დამწყებ ბიზნესებს, რომლებიც ინოვაციური მიმართულებით მუშაობენ, ტექნოპარკში ძალიან შეღავათიანი ფასით იქირაონ მათთვის სამუშო ადგილები. ასევე, ინდივიდებს საერთო სამუშაო სივრცეში შემოქმედებითი მუშაობის შესაძლებლობა ექნებათ. როგორც ნახეთ საკმაოდ ლამაზი შენობა გამოვიდა. ადგილიც ძალიან კარგია შერჩეული. საქართველოს პრემიერ-მინისტრის ინიციატივით, ჩვენ ადაპტირება გავუკეთეთ და მივიღეთ “ინოვაციური სტრატეგია 2020“. აღნიშნული ტექნოპარკიც ამ სტრატეგიის ნაწილია. მინდა აღვნიშნო, რომ 2020 წლისთვის ჩვენ გვაქვს საკმაოდ ამბიციური გეგმები, რომ ექსპორტზე ორიენტირებული პროგრამირებიდან და მომსახურებების გაყიდვიდან საზღვარგარეთ საქართველოს საგადამხდელო ბალანსში საკმაოდ მნიშვნელოვანი თანხა გაჩნდეს, დაახლოებით 500 მილიონი. შესაბამისად, ამას სჭირდება ძალიან ბევრი ადამიანის მომზადება. ინოვაციების და ტექნოლოგიების სააგენტო, რომელიც შეიქმნა 2014 წელს ეკონომიკისა და მდგრადი განვითარების სამინისტროში, მინდა მადლობა გადავუხადო მის ხელძღვანელებს იმისთვის, რომ ძალიან ბევრი და კარგი რეფორმა გაატარეს. ისინი არიან ამ პროცესის წარმმართველები. აქვე მინდა აღვნიშნო, რომ ჩვენ დავიწყეთ ახალი პროექტი. საყოველთაო ინტერნეტიზაციის პროექტი. მომავალი წლის განმავლობაში დავიწყებთ მშენებლობებს, რომლის მიხედვითაც ყველა დასახლებული პუნქტი, სადაც 200-ზე მეტი მოსახლეა დაიფარება ოპტიკურ ბოჭკოვანი კაბელით” – განაცხადა დიმიტრი ქუმსიშვილმა.

საქართველოში პირველი ტექნოლოგიური პარკის შექმნის მთავარი მიზანი არის ცოდნაზე დაფუძნებული მცირე და საშუალო საწარმოების რაოდენობის გაზრდა და მათი განვითარება. ტექნოლოგიური პარკი ასევე იძლევა უნიკალურ შესაძლებლობას, რომ საქართველოში დაფუძნდეს საერთაშორისო კომპანიების წარმომადგენლობები და მოვიზიდოთ უცხოური ინვესტიციები.

ტექნოლოგიური პარკი დამწყებ და პატარა კომპანიებს შესთავაზებს ისეთ რესურსებს, რომლებიც მათთვის აქამდე ძნელად ხელმისაწვდომი იყო. ის განსაკუთრებულ როლს ითამაშებს ახალი ბიზნესისა და ახალი კომპანიების შექმნაში, არსებული ბიზნესის განვითარებაში, ინოვაციების კომერციალიზაციასა და მაღალანაზღაურებადი სამუშაო ადგილების შექმნაში.

ტექნოლოგიურ პარკს დიდი წვლილი შეაქვს საზოგადოების ეკონომიკურ ცხოვრებაში. მას პარკს შეუძლია შესთავაზოს სტარტაპ და პატარა კომპანიებს ისეთი რესურსები, რომელიც მათთვის აქამდე ძნელად წარმოსადგენი იყო. ტექნოპარკი არის ერთი ფანჯრის პრინციპით მომუშავე სივრცე ინოვატორებისათვის, იდეების კონკრეტულ პროტოტიპებად ან პროდუქტებად გადასაქცევად.

ტექნოლოგიური პარკი დიდ როლს თამაშობს:
  • ახალი ბიზნესის შექმნაში
  • არსებული ბიზნესის განვითარებაში
  • ახალი კომპანიების შექმნაში
  • ინოვაციების კომერციალიზაციაში
  • მაღალანაზღაურებადი სამუშაო ადგილების შექმნაში
მაღალი ტექნოლოგიებისა და ინოვაციების განვითარების ცენტრი მოიცავს, როგორც მცირე ინკუბატორებს, სასწავლო ცენტრებსა და ლაბორატორიებს, ასევე დიდ ოფისებს კომპანიებისთვის, ერთობლივ სამუშაო ადგილებსა და რეკრეაციულ სივრცეს. პარკის ტერიტორიაზე იმუშავებს აქსელერატორი, მაღალტექნოლოგიური კომპანიების ტრენინგ-ცენტრები და შოუ-რუმები, იქნება მაღალტექნოლოგიური ინკუბატორი, სამრეწველო ინოვაციების უნივერსალური ლაბორატორია, co-working ცენტრი, საკონფერენციო დარბაზი და სხვა სერვისები, რომლებიც ხელს შეუწყობს მაღალტექნოლოგიური ინდუსტრიის განვითარებას.

აღსანიშნავია, რომ პირველი ტექნოლოგიური პარკი 1950 წელს ამერიკის შეერთებულ შტატებში, “სილიკონ ველში, სტენფორდის უნივერსიტეტში შეიქმნა, ხოლო დღესდღეობით ტექნოლოგიური პარკი მოწყობილია მსოფლიოს 70 ქვეყანაში და საერთო ჯამში,  დაახლოებით 200 000 კომპანიას ემსახურება.

საქართველოში პირველი ტექნოლოგიური პარკის მშენებლობაში 3 მილიონი ლარის ინვესტიცია განხორციელდება. მშენებლობა წლის ბოლომდე დასრულდება.




"2016 წლის ბიუჯეტი 3%-იან ეკონომიკურ ზრდასა და 4%-იან ინფლაციაზე იქნება გათვლილი"


163862                  2016 წლის ბიუჯეტი 3%-იან ეკონომიკურ ზრდასა და 4%-იან ინფლაციაზე იქნება გათვლილი, – განუცხადა ჟურნალისტებს ეკონომიკისა და მდგრადი განვითარების მინისტრმა, დიმიტრი ქუმსიშვილმა.

“2016 წლის ბიუჯეტის პარამეტრები ჩემთვის ცნობილია. ამ წუთში შემიძლია, გითხრათ მხოლოდ 2 ციფრი – 3%-იანი ზრდა და 4%-იანი ინფლაცია. თუმცა, მე ვფიქრობ, რომ ყველა დანარჩენი პარამეტრის გახმოვანება არის ფინანსთა მინისტრის პრეროგატივა”, – განაცხადა ქუმსიშვილმა.

 




"საშუალო ვადიან პერსპექტივაში კურსი დასტაბილურდება"


-qadagidze              ეროვნული ბანკის პრეზიდენტი იმედოვნებს, რომ საშუალო ვადიან პერსპექტივაში, კურსი მნიშვნელოვნად დასტაბილურდება.

აღნიშნული განცხადება ქადაგიძემ მთავრობის ადმინისტრაციაში, პრემიერთან და ეკონომიკური გუნდის მინისტრებთან შეხვედრის შემდეგ გააკეთა.

,,ეროვნული ბანკი და მთავრობა თანხმდება ძირითად მაკროეკონომიკურ პარამეტრებზე, ასევე ვთანხმდებით იმაზე, რომ კურსი დღეს არის თავის პიკში. სხვა თანაბარ პირობებში ჩვენ ზეწოლას არ ველოდებით. იმ შემთხვევაში თუ ზეწოლა გაძლიერდა, მზად ვართ უფრო აგრესიული მონეტარული პოლიტიკა განვახორციელოთ. თავის მხრივ, მთავრობა გამოხატავს მზადყოფნას საჭიროების შემთხვევაში ბიუჯეტის კორექტირების. ამასთან ერთად ვთანხმდებით სავალუტო ფონდის მიმოხილვის განახლების აუცილებლობაზე. ყველა ეს ღონისძიება გვაძლევს, იმის საშუალებას ვივარაუდოთ, რომ საშუალო ვადიან პერსპექტივაში კურსი მნიშვნელოვნად დასტაბილურდეს.




,,ლარზე მაკროეკონომიკური ფაქტორები ამოწურულია"


xadur
     
 ფინანსთა მინისტრის ნოდარ ხადურის განცხადებით ლარზე მოქმედი მაკროეკონომიკური ფაქტორები სრულად ამოწურულია.

„ჩვენ საშუალოვადიან პერიოდში ველოდებით გაცვლითი კურსის გამყარებას. რაც შეეხება დღევანდელ მდგომარეობას, უნდა აღინიშნოს, რომ არც სახელმწიფო ბიუჯეტის ოპერაციებს და არც ეროვნული ბანკის მიერ განხორციელებულ რეფინანსირების სესხებს, გაცვლით კურსზე უარყოფითი ზეგავლენა არ მოუხდენია,“ – აღნიშნა ნოდარ ხადურმა.

მისი თქმით, ფინანსთა სამინისტრო და ეროვნული ბანკი აქტიურად თანამშრომლობენ. „მუდმივად გვაქვს ინფორმაციის გაცვლის რეჟიმი და კოორდინირებულად ვმუშაობთ,“ – განაცხადა ფინანსთა მინისტრმა.




სავაჭრო ბრუნვა შემცირდა


Stoimost-lecheniya-v-Izraile-Statistika-1-300x269

სტატისტიკის ეროვნული დეპარტამენტის მონაცემთა მიხედვით, 2015 წლის იანვარ-აგვისტოში საქართველოში საქონლით საგარეო სავაჭრო ბრუნვამ $6395 მლნ შეადგინა, რაც წინა წლის  მაჩვენებელზე 14 % ნაკლებია. აქედან  ექსპორტმა $1459 მლნ. შეადგინა, ხოლო იმპორტმა $4937 მლნ.  შესაბამისად, გასულ ელთან დაკავშირებით ექსპორტი 24% შემცირდა, იმპორტი კი 10%.

საქართველოს უარყოფითმა სავაჭრო ბალანსმა 2015 წლის იანვარ-აგვისტოში $3478 მლნ  და საგარეო სავაჭრო ბრუნვის 54% შეადგინა. 2015 წლის იანვარ-აგვისტოში საქართველოს საგარეო სავაჭრო ბრუნვამ ევროკავშირის ქვეყნებთან $ 1982 მლნ. შეადგინა, რაც წინა წლის შესაბამის მაჩვენებელზე 2% მეტია.  საქართველოს საგარეო სავაჭრო ბრუნვაში ამ ქვეყნების წილმა 31 % შეადგინა, მათ შორის ექსპორტში 28 % და იმპორტში 32% .

დსთ-ის ქვეყნებთან საგარეო სავაჭრო ბრუნვამ  $1791 მლნ.  შეადგინა (გასული წლის პერიოდთან შედარებით 23% ნაკლები). აქედან ექსპორტი $556 მლნ, ხოლო იმპორტი $ 1235 მლნ. აშშ დოლარი იყო . საქართველოს საგარეო სავაჭრო ბრუნვაში დსთ-ის ქვეყნების წილმა 28 % შეადგინა.

2015 წლის იანვარ-აგვისტოში ათი უმსხვილესი სავაჭრო პარტნიორის წილმა საქართველოს მთლიან საგარეო სავაჭრო ბრუნვაში 64%  შეადგინა. უმსხვილესი სავაჭრო პარტნიორების სამეულში შევიდნენ თურქეთი (988 მლნ. აშშ დოლარი), აზერბაიჯანი (530 მლნ. აშშ დოლარი) და ჩინეთი (476 მლნ. აშშ დოლარი).

სასაქონლო ჯგუფებიდან საექსპორტო ათეულში პირველი ადგილი სპილენძის მადნებმა და კონცენტრატებმა დაიკავა, $172 მლნ.  და მთელი ექსპორტის 12%  შეადგინა. ფეროშენადნობების ექსპორტი $149 მლნ.  და შესაბამისად, მთლიანი ექსპორტის 10%  უდრიდა. მესამე ადგილზე მსუბუქი ავტომობილების ჯგუფი იმყოფებოდა. ამ სასაქონლო ჯგუფის ექსპორტმა $125 მლნ.  და მთელი ექსპორტის 9%  შეადგინა.

უმსხვილესი საიმპორტო სასაქონლო ჯგუფი  ნავთობი და ნავთობპროდუქტები იყო, რომლის იმპორტმა $443 მლნ.  და მთელი იმპორტის 9%  შეადგინა. მეორე ადგილზე იმყოფებოდა სამკურნალო საშუალებების სასაქონლო ჯგუფი $ 428 მლნ., რაც იმპორტის 9%  იყო. მესამე ადგილზე მსუბუქი ავტომობილების სასაქონლო ჯგუფი გავიდა $ 317 მლნ. და შესაბამისად იმპორტის 6% მაჩვენებლით.




საქართველო ღვინის ქვეყნის სტატუსს დაკარგავს?


„უფასო“ ტრაქტორების რეფორმიდან დაწყებული „სოფლის მეურნეობის განვითარების 1 მილიარდიანი ფონდით“ დამთავრებული რთველის კრიზისი

 c8a89a3d9ce7ჯერ კიდევ რთველი –2015  დაწყებამდე დაიწყო კამათი ყურძნის ჩაბარებასთან  დაკავშირებულ  პრობლემებზე და  სუბსიდიების არ გადახდაზე. კახეთში  ყურძნის კრეფის აქტიურ ფაზაში შევლასთან ერთად ღრმავდებოდა კონფლიქტი მევენახეებსა და ხელისუფლების წარმომადგენელებს შორის, რაც საბოლოოდ გურჯაანის მაჟორიტარი დეპუტატის ცემით დასრულდა.  ის ფაქტი, რომ ამ კონფლიქტს სათავისოსხვადასხვა ძალები იყენებენ, ცალკე საუბრის თემაა. .. აქ მთავრია  მევენახეების და ზოგადად მეღვინეობის დარგში არსებული პრობლემები, რომლებსაც წლეების მანძილზე სხვდასხვა პარტიული ხელისუფლება ვერ თუ არ გაუმკლავდა… მთავრობა ამტკიცებს, რომ ეს დრგი სუბსიდირებას მეტად არ საჭიროებს და თვად შეძლებს სრულყოფილად განვითარებას. ხოლო  მეღვინეობის მსოფლიო პრაქტიკა სულ სხვა რამეს ცხადყოფს.

   მსოფლიოში ღვინის წარმოების  ლიდერის სტატუსს იტალია იკავებს, მეორე ადგილზე საფრანგეთია, ხოლო მესამეზე  ესპანეთი, თუმცა ვენახების საერთო ფართობის მიხედვით პირველობას არავის უთმობს. საფრანგეთში,  რომელიც ამ მაჩვენებლის მიხედვითაც მეორე ადგილზეა, გაშენებული ვენახების საერთო ფართობი  2,8% მოიცავს. მეღვინეობისგან მიღებული ყოველწლიური შემოსავალი საშუალოდ 18 მილიარდ ევროს შეადგენს, მასში 120 000 ადამიანია დასაქმებული, ხოლო მსოფლიო ბაზარზე ფრანგული ღვინის  წილი 17,6% შეადგენს.

ბოლო წლეებში მსოფლიო ბაზარზე მნიშვნელოვანი წარმატება მოიპოვა არგენტინის ღვინომ, არგენტინელმა მეღვინეებმა საგრძნობლად შეცვალეს ამ სფეროს  რეიტინგის სურათი: დღეს არგენტინამ სამხრეთ ამერიკაში ღვინის წარმოებაში ჩილეს გაუსწრო და პირველ ადგილს იკავებს, ხოლო  მერვე ადგილს –მსოფლიოში  ღვინის ექსპორტიორი ქვეყნების სიაში. ღვინის დარგში 400 ათასი არგენტინელია დასაქმებული, გასული 100 წლის განმავლობაში ვენახების საერთო ფართობი 20–ჯერ გაიზარდა. არც ისე ძლიერად განვითარებულ  მოლდავეთში ღვინის ინდუსტრია საკმაოდ მაღალ საფეხურზე დგას  – აქ ვენახების საერთო ფართობი 147 ათას ჰეკტარს შეადგენს, საიდანაც 102 5000 ჰეკტარი კომერციულ ინტერესებში გამოიყენება, ხოლო  წარმოებული ღვინის უმეტესი წილი ექსპორტისთვისაა განკუთვნილი.

სახელმწიფოს მხრიდან სოფლის მეურნეობის მხარდაჭერის ერთ–ერთ ფორმას სუბსიდირება წარმოადგენს. მთელ რიგ  სამრეწველო ქვეყანაში სახელმწიფოს მიერ გამოყოფილ თანხიდან  აგროსექტორის სუბსიდირების წილი ყველაზე დიდია. მაგალითად, ნორვეგიაში ეს თანხა 57% შეადგენს. ევროკავშირის ქვეყნებში აგროსექტორში დაკავებულ ერთ ადამიანზე ბიუჯეტიდან $19,2 ათასი გამოიყოფა, კანადაში –$14,1 ათსი, აშშ–შ– $36,9 ათსი, იაპონიაში –$29,8 ათასი.   მხარდაჭერის მეორე ფორმა მომავალი მოსავლის უზრუნველყოფით სესხის გაცემის პროგრამაა.  კანადაში მოსავლის მოყვანის რისკების დაფარვის სამი პროგრამა მუშაობს: მოსავლის დაზღვევის პროგრამა (CI (Crop Insurance Program), შემოსავლის სტაბილიზაციის პირადი ფონდი (NISA (Net Income Stabilization Account) და სტიქიური უბედურებების შემთხვევაში დახმარების აღმოჩენის პროგრამა (AIDA (Agricultural Income Disaster Assistance). ამ პროგრამების ძირითადი მიზანია ფერმერების შემოსავლის სტაბილიზაციის უზრუნველყოფა. ამას გარდა, თოთოეულ რეგიონში, ადგილობრივი სფეციფიკის გათვალისწინებით შემოღებულია დამატებითი პროგრამები.

აგროპროდუქციის გასაღების გასაუმჯობედებლად და ფასების გამყარების მიზნით მრავალ ქვეყანაში, გერმანიაში, იტალიაში, საფრანგეთში, წლებია მოქმედებენ უნივერსალური თუ  ცალკეული სახის საბითუმო ბაზრები.  საქართველოში  აგროსექტორის გაუმჯობესების საკითხში, სამწუხაროდ, დაპირების გარდა არაფერი ხდება.  წლების მანძილზე ქართველმა გლეხებმა მწარე მოტყუების გარდა –სააკაშვილის „უფასო“ ტრაქტორების რეფორმიდან დაწყებული ივანიშვილის „სოფლის მეურნეობის განვითარების 1 მილიარდიანი ფონდით“ დამთავრებული – მთავრობისგან ვერაფერი მიიღო.  „გაიზრდება სასოფლო-სამეურნეო წარმოებიდან მიღებული შემოსავლები. აგრარული სექტორის განვითარება უშუალოდ აისახება მოსახლეობის შემოსავლების ზრდაზე. გაიზრდება კომერციალიზაციის დონე და ბრუნვა.“. – ეს მცირე ამონარიდია „ქართული ოცნების“ წინასაარჩევნო პროგრამიდან, წინა ხელისუფლების პროგრამაშიც მსგავსი დაპირებებია…

დღეს გლეხს, რომელიც  სასოფლო საქმიანობას საკუთარი სახსრებით ეწევა არ გააჩნია დაზღვევა და ხელმისაწვდომი კრედიტი, თითქმის არ გააჩნია ჩაბარების თუ გასაღების პუნქტები, ედავებიან და აყვედრიან თითოეულ გამოყოფილ თეთრს. არადა მაღალი რანგის  სტუმრების ღვინით გამასპინძლებისას როგორ უყვართ ჩვენს ჩინოსნებს წამოძახება, რომ საქართველო  ღვინის (ჩაის, ხორბლის და. შ)  ქვეყანააო…

წელს თუ მთავრობამ განაწყენებულ მევენახეებს  ახალგახსნილ ჩაის გადამამუშავბელ ქარხანას შეაფარა თავი, სავსებით მოსალოდნელია, რომ 1–2  წელიწდში ასევე განაწყენებულ მეჩაეებისგან მოუწიოს თავის დაღწევა.  თუ მთავრობა ახალმოდურ ჩვევას – გაცემული დაპირების გადაკეთებას – დროზე არ შეეშვება, სულ მალე ქვეყანაში თავის შესაფარებლად სამეურნეო დარგს ვერ მონახავს, რადგან ასეთი კურსით მიმავალ საქართველოს შესაძლოა არც სანაქებო მეღვინეობა და არც სხვა მნიშვნელოვანი დარგი შემორჩეს…

 

premiumi.ge




ეკონომიკისა და მდგრადი განვითარების მინისტრი ბიზნესასოციაციის წარმომადგენლებს შეხვდა


17.09.15_shekhvedra_beznesasociaciis_cevrebtanეკონომიკისა და მდგრადი განვითარების მინისტრი საქართველოს ბიზნესასოციაციის წარმომადგენლებს შეხვდა. დიმიტრი ქუმსიშვილის ბიზენსმენებთან შეხვედრა გაფართოებულ ფორმატში შედგა და მასზე განხილულ იქნა ბიზნესისთვის მნიშვნელოვანი და აქტუალური საკითხები.
ეკონომიკისა და მდგრადი განვითარების მინისტრმა ბიზნესასოციაციის წარმომადგენლებს მისი უწყების ხედვები და ეკონომიკის სხვადასხვა სექტორში, მათ შორის სახელმწიფო ქონების, ტურიზმის, ტრანსპორტის და ა.შ. არსებული მდგომარეობა გააცნო. დიმიტრი ქუმსიშვილმა შეხვედრაზე ასევე ისაუბრა გასულ კვირას ჩინეთში საქართველოს სამთავრობო დელეგაციის ვიზიტის მნიშვნელობასა და შედეგებზე.
შეხვედრა დიალოგის რეჟიმში წარიმართა – მინისტრი გაეცნო ბიზნესმენთა პოზიციას ეკონომიკის სფეროში არსებულ მნიშვნელოვან საკითხებთან დაკავშირებით. „ჩემთვის დიდი პატივია ამ რანგში ბიზნესმენებთან შეხვედრა. მე სხვადასხვა პოზიციებზე მუდმივი შეხვედრები მქონდა ბიზნესთან და მიმაჩნია, რომ ის ეკონომიკის მამოძრავებელი ძალაა და მხოლოდ გახსნოლობა და მათთან მუდმივი კომუნიკაცია იძლევა იმის შესაძლებლობას, რომ რაც შეიძლება სწრაფად მოვახერხოთ ჩვენი ეკონომიკის ზრდა“ – აღნიშნა დიმიტრი ქუმსიშვილმა.
მინისტრმა ასევე აღნიშნა, რომ ეკონომიკისა და მდგრადი განვითარების სამინისტრო შეეცდება, ყველაზე წარმოსაჩენი უწყება იყოს სწრაფი გადაწყვეტილებების მიღების კუთხით. ამასთან, მისი განცხადებით, ძალიან მნიშვნელოვანია ბიზნესსექტორში არსებული განწყობები. დიმიტრი ქუმსიშვილის ინფორმაციით, ციფრები ერთის მხრივ არის ძალიან დადებითი. „ჩვენ რამდენიმე დღის წინ დავაანონსეთ, რომ წინა წელთან შედარებით ჩვენ გვაქვს სამუშაო ადგილების ზრდა. მიუხედავად იმისა, რომ ჩვენს მეზობელ ქვეყნებში ღრმა კრიზისია, წლის ბოლოსთვის ჩვენ 2-დან 3 პროცენტამდე ეკონომიკური ზრდა გვექნება. პირდაპირი უცხოური ინვესტიციების ყველაზე დიდი წილი, 380 მილიონ დოლარზე მეტი განხორციელებულია წარმოებაში. ეს ყველაფერი იმაზე მიუთითებს, რომ ეკონომიკური პოლიტიკის ნაწილში ჩვენ სწორი მიმართულებით ვმუშაობთ. რა თქმა უნდა, გადაწყვეტილებები უნდა იყოს სწრაფი და რაც შეიძლება მეტად ეფექტური. მინდა, ყველას მოგიწოდოდთ რომ შეგრძნებები, რომლებზეც ეკონომიკა ძალიან მნიშვნელოვანწილად არის დამოკიდებული, სწორად ვმართოთ. სწორ ეკონომიკურ ტრენდზე ვართ და ამას სჭირდება სწორი მხარდაჭერა” – აღნიშნა დიმიტრი ქუმსიშვილმა.




,,საშუალოვადიან პერიოდში ლარის გამყარება აუცილებლად მოხდება"


კონომიკისა და მდგრადი განვითარების მინისტრის, დიმიტრი ქუმსიშვილის განცხადებით, upmf2oodva1s85lk5jlx.
„მაკროეკონომიკური პარამეტრებით, დღეს ჩვენ ლარის გადაფასებაში ვართ, ანუ კურსი არის უფრო გაუფასურებული, ვიდრე მაკროეკონომიკური პარამეტრები გვაჩვენებს. ეს რეალური ციფრებია, რომელიც ექსპორტის და იმპორტის ბალანსს გვიჩვენებს. ასევე, იმ შემოდინებებს გვიჩვენებს, რომელიც ქვეყანაშია. შესაბამისად, ყველა ამ ციფრიდან გამომდინარე, ჩვენს ვალუტაზე, წინა წელთან შედარებით, ზეწოლა 100-180 მილიონი დოლარით არის შემცირებული. შესაბამისად საშუალოვადიან პერიოდში ლარის გამყარება აუცილებლად მოხდება“,-განაცხადა ქუმსიშვილმა.
ქუმსიშვილის თმით, თუ საჭირო გახდება, ხელისუფლება ბიუჯეტის კორექტირებას მოახდენს.
„თუ კიდევ ერთხელ დასჭირდა ქვეყანას და ვალუტას, რომ ცენტრალური ხელისუფლებიდან ბიუჯეტის კორექტირება მოხდეს, ჩვენ ამის განხილვასაც დავიწყებთ, თუმცა დღეს არსებული პარამეტრებით, ამის საჭიროება არ არის“, – განაცხადა ქუმსიშვილმა.




ღარიბაშვილმა ახალი ჰიდროელექტროსადგურის მშენებლობას ჩაუყარა საფუძველი


10294979_652677234823356_2126022143188629841_o საქართველოს საპარტნიორო ფონდი და კორეული კომპანია „K Water“-ი ჰიდროელექტროსადგურის, „ნენსკრაჰესის“ მშენებლობას იწყებენ.
ჰიდროელექტროსადგურს საფუძველი დღეს საქართველოს პრემიერ–მინისტრმა ირაკლი ღარიბაშვილმა ჩაუყარა.
მთავრობის მეთაურმა ღონისძიების მონაწილეებს პროექტის დაწყება მიულოცა და “ნენსკრაჰესის” მნიშვნელობაზე ისაუბრა.
“ნენსკრაჰესი” არის დამოუკიდებელი საქართველოს ისტორიაში პირველი, ისეთი მასშტაბის ჰიდროელექტროსადგური, რომელიც ძალიან მნიშვნელოვანი დასაყრდენი იქნება ჩვენი ქვეყნის ენერგოუსაფრთხოებისთვის და ენერგოდამოუკიდებლობისთვის. ამ პროექტს ვახორციელებთ ერთ-ერთ ყველაზე დიდ კომპანიასთან, სამხრეთ კორეულ სახელმწიფო კომპანია K Water-თან ერთად, რომლის პარტნიორიც საქართველოს მხრიდან საპარტნიორო ფონდი იქნება. მშენებლობას ისეთი ცნობილი იტალიური კომპანია აწარმოებს, როგორიც არის Salini Impregilo. დღეს ჩვენ ვიწყებთ წინა მოსამზადებელ სამუშაოებს. ჩვენ აქ შევიკრიბეთ სიმბოლურად, რომ დავიწყოთ აღნიშნული სამუშაოები. პირველ რიგში ეს კომპანია ააშენებს და რეაბილიტაციას ჩაუტარებს სამშენებლო მოედანთან მისასვლელ გზებს და მობილიზებას გაუკეთებს სამშენებლო ტექნიკას”, – განაცხადა პრემიერმა.
მისივე თქმით, “ნენსკრაჰესის” პროექტის ჯამური ინვესტიცია 1 მილიარდი ამერიკული დოლარია, ხოლო სესხის კომპონენტში მონაწილეობენ ევროპის რეკონსტრუქციისა და განვითარების ბანკი, აზიის განვითარების ბანკი და კორეის ,,ექსიმ ბანკი“.
“ეს ჰესი ერთ-ერთი ყველაზე ძლიერი ჰესი იქნება, რომლის სიმძლავრე იქნება 280 მეგავატი და მისი პოტენციური წლიური გამომუშავება იქნება 1.2 მლრდ კვტ/სთ.
სადგური ელექტროენერგიის გამომუშავებას დაიწყებს 2019 წლიდან და 2021 წელს პროექტი საბოლოოდ დასრულდება. რაც ყველაზე მთავარია – ეს უზრუნველყოფს ზამთარში იმპორტირებული ელექტროენერგიის ჩანაცვლებას და ეს იქნება გარანტი იმისა, რომ ჩვენი ქვეყნის ენერგოსისტემა გახდება ბევრად უფრო მდგრადი და დამოუკიდებელი”, – განაცხადა პრემიერმა.
მისი განმარტებით, ინვესტორი ვალდებულია ააშენოს ჰესი, ოპერირება გაუწიოს მას 35 წლის განმავლობაში და მხოლოდ ამის შემდეგ, უსასყიდლოდ გადასცეს სახელმწიფოს.
“ჰესის მშენებლობა ემყარება Build-Operate-Transfer (BOT) მოდელს, რომლის თანახმადაც ინვესტორი ვალდებულია ააშენოს ჰიდროელექტროსადგური, ოპერირება გაუწიოს მას 35 წლის განმავლობაში და შემდეგ უსასყიდლოდ გადასცეს იგი საკუთრებაში საქართველოს სახელმწიფოს. „ნენსკრაჰესი“ იქნება საქართველოში პირველი პროექტი, რომელიც განხორციელდება ამ მოდელით და საბოლოოდ სახელმწიფოს საკუთრებაში დარჩება”-აღნიშნა ირაკლი ღარიბაშვილმა.




ეროვნული ვალუტა კვლავ გაუფასურდა


14DOLARI გუშინდელი ვარდნის შემდეგ ეროვნული ვალუტა დოლართან მიმართებაში კიდევ 0.0140 პუნქტით გაუფასურდა და შესაბამისად,ხვალინდელი ოფიციალური კურსით, ერთი დოლარის ღირებულება 2.4310 ლარი გახდა. დღევანდელი კურსით, დოლარი 2.4170 ლარი ღირს. ეროვნული ვალუტის გაუფასურებამ 0.0140 პუნქტი შეადგინა.
სებ-ის კურსით, 1 ევროს შეძენა 2.7295 ლარად იქნება შესაძლებელი. აქამდე მოქმედი კურსი კი 2.7315 ლარს შეადგენდა, ეროვნული ვალუტა ევროსთან მიმართებაში 0.0020 – ით გამყარდა.