საქართველოში 13 ათასი ტონა ამერიკული ხორბალი და 4 ათასი ტონა სოიო შემოვიდა


Пшеница Ячмень Горох Соя Шрот: 4.70 грн. - Сад / огород Запорожье на Olxსაქართველოში აშშ-ის საელჩოს მიერ გავრცელებული განცხადების თანახმად, ქვეყანაში 13 ათასი ტონა ამერიკული ხორბალი და 4 ათასი ტონა სოიო შემოვიდა.

საელჩოს თანახმად, ეს პროდუქტები ადგილობრივ ბაზარზე გაიყიდება, მათი რეალიზაციიდან მიღებულ თანხას კი აშშ საქართველოს სოფლის მეურნეობის სექტორის მხარდაჭერისთვის გამოიყენებს.

“საქართველოში მდგრადი და მრავალფეროვანი ეკონომიკის განვითარებისთვის აშშ აგრძელებს ქვეყნის მხარდაჭერას. აშშ-ის სოფლის მეურნეობის „საკვები პროგრესისთვის” პროგრამის ფარგლებში კიდევ ორმა გემმა: Ocean Gladiator და Babuza Wisdom-მა 13 000 ტონა ხორბალი და 4 000 ტონა სოიო 3 იანვარს ფოთის პორტში შემოიტანა.

სოიო და ხორბალი საქართველოს ბაზარზე გაიყიდება და შემოსულ თანხას აშშ-ის სოფლის მეურნეობის დეპარტამენტი ინვესტიციის სახით სოფლის მეურნეობის განვითარების პროგრამაში ჩადებს, რათა გაუმჯობესდეს საქართველოს ფერმერებისა და მწარმოებლების პროდუქტიულობა და ეფექტიანობა. ამასთანავე, გაუმჯობესდეს საკვების უსაფრთხოება და ხარისხი საქართველოს რძის პროდუქტისა და საქონლის ხორცის წარმოებაში,”- ნათქვამია აშშ-ის საელჩოს განცხადებაში.




სესხის პროცენტი 2200 სასტუმროს დაუსუბსიდირდა


Ресторан Масленица в Екатеринбурге – отзывы, фото, цены, меню, онлайн заказ  столика, телефон и адрес, официальный сайтეკონომიკისა და მდგრადი განვითარების მინისტრის მოვალეობის შემსრულებლის ნათია თურნავას განცხადებით, ბიზნესის მხარდაჭერით სამთავრობო პაკეტის ფარგლებში, სესხის პროცენტი 2200  სასტუმროს დაუსუბსიდირდა, ხოლო იმავე პროგრამაზე განაცხადი უკვე 1400-მა რესტორანმა გააკეთა.

ამის შესახებ თურნავამ სამინისტროს 2020 წლის საქმიანობის ანგარიშის პრეზენტაციაზე ჟურნალისტებს განუცხადა. მისი თქმით, მთავრობა ცდილობს, მაქსიმალურად შეუმსუბუქოს ბიზნესებს ყოველთვიური ტვირთი – იქნება ეს ბანკის სესხების პროცენტი თუ კონკრეტული გადასახადის სუბსიდირება.

“მოგეხსენებათ, სხვადასხვა ინდუსტრიას ვუსუბსიდირებთ ბანკის სესხის პროცენტს და ლიზინგის პროცენტს. 2200-მა სასტუმრომ ისარგებლა სესხის სუბსიდირების პროგრამით. რაც შეეხება რესტორნებს, მათთვის ეს პროგრამა ახლახანს ამოქმედდა და უკვე 1400-მა რესტორანმა მოგვმართა. პროგრამაში არიან ჩართული ივენთ-კომპანიებიც, რომლებსაც მართლა ძალიან უჭირთ და მათაც ვუსუბსიდირებთ სესხის პროცენტს; ასევე, არიან კინოთეატრებიც… კერძო ბაღებთანაც გვქონდა შეხება და ვმუშაობთ, რომ მსგავს პროგრამაში ჩავსვათ. ეს არ არის მიდგომა, რომელიც 100%-ით აღუდგენს ვინმეს შემოსავალს, ეს არის ფინანსური ტვირთის გაზიარება“, – განაცხადა ნათია თურნავამ.

მინისტრის მოვალეობის შემსრულებელი იმედოვნებს, რომ მთავრობის მიერ გადადგმული ნაბიჯები ბიზნესს ხელს შეუწყობს და მოამზადებს, რომ  თებერვლიდან აღდგენილი ძალებით შეუდგნენ საქმიანობას.

რაც შეეხება საგადასახადო ნაწილს, ნათია თურნავას თქმით, გადასახადების გადავადების თვალსაზრისითაც ბევრი რამ გაკეთდა, მათ შორის ტურისტული ინდუსტრიის და მასში შემავალი კომპანიებისთვის, მათ შორის ეს არის ქონების გადასახადისგან გათავისუფლება 2021 წლის განმავლობაში, საშემოსავლო გადასახადის 6 თვით გადავადება და ა.შ. მინისტრი ასევე  ბიზნესი დღგ-ის გადავადების  მოთხოვნას გამოეხმაურა:

“მესმის, რომ ვითარება რთულია. კომპანიები მაქსიმალურად ცდილობენ, აღიდგინონ ძალები, მაგრამ არის გარკვეული გადასახადები, რომელსაც ვერ და არ შევეხებით, რადგან მომავალი წლის ბიუჯეტი იქნება ისეთი, სადაც პენსიასაც გავზრდით, მასწავლებლის და ჯარისკაცის ხელფასსაც გავზრდით, პოლიციის ხელფასიც უნდა გაიზარდოს და ამ ყველაფრისთვის უნდა მოხდეს სახსრების აკუმულირება, ამიტომ ეს ყველაფერი დაბალანსებული უნდა იყოს“, – აღნიშნა ნათია თურნავამ.




აზიის განვითარების ბანკთან 59.4 მილიონი ევროს ოდენობის სასესხო შეთანხმებები გაფორმდა


ივანე მაჭავარიანიდღეს, საქართველოს ფინანსთა მინისტრმა ივანე მაჭავარიანმა და საქართველოში აზიის განვითარების ბანკის (ADB) ადგილობრივი მისიის რეგიონულმა ხელმძღვანელმა შეინ როზენტალმა, ხელი მოაწერეს შეთანხმებებს, რომლებიც საქართველოში ხარისხიან პროფესიულ განათლებასა და მომზადებაზე წვდომის გაუმჯობესებას ითვალისწინებს.

შეთანხმებების ფარგლებში, დასაქმების სექტორის განვითარების პროგრამისთვის საქართველო ჯამში მიიღებს 59.4 მილიონი ევროს (70 მლნ აშშ დოლარის ექვივალენტი) ოდენობის ფინანსური რესურსს, საიდანაც 42.4 მილიონი ევრო მიიმართება სახელმწიფო ბიუჯეტში, ხოლო 16.9 მილიონი ევრო საინვესტიციო პროექტის განხორციელებას მოხმარდება.

„პროგრამის მიზანია, პროფესიული განათლებისა და გადამზადების სექტორის მხარდაჭერა. იგი მოიცავს პროფესიული განათლების პრიორიტეტულ სექტორებში ხარისხის ამაღლებას, პროფესიული საგანმანათლებლო სისტემის ხელმისაწვდომობის გაზრდასა და ინკლუზიურობას, პროფესიული სწავლების პროცესში ინსტიტუციური ჩარჩოს გაძლიერებას.

რაც შეეხება საინვესტიციო პროექტს – იგი ითვალისწინებს ქუთაისსა და თელავში არსებულ პროფესიულ საგანმანათლებლო დაწესებულებებში პრიორიტეტულ ეკონომიკურ სექტორებში მაღალი ხარისხისა და შესაბამისი მომზადების მისაღებად ორი პროფესიული ჰაბის შექმნას. ასევე, პროფესიული პროგრამების დანერგვას, დაახლოებით, 20 ზოგადსაგანმანათლებლო სკოლაში, კარიერული სახელმძღვანელოსა და 1 იანვარს ევრო 20 წლის გახდებასაკონსულტაციო სისტემის ჩამოყალიბებას, პროფესიული საგანმანათლებლო პროგრამების კერძო მართვის პილოტირებას, ელექტრონული სწავლების დანერგვას, გარდა ამისა, დისტანციურ და შერეულ სწავლებას, ინფექციის საპრევენციო ღონისძიებების შესახებ ცნობიერების ამაღლების კამპანიის წარმოებას COVID-19-ის წინააღმდეგ ბრძოლის მიმართულებით.

აღნიშნული შეთანხმებების გაფორმება საქართველოსა და აზიის განვითარების ბანკს შორის არსებული წარმატებული თანამშრომლობის კიდევ ერთი დასტურია“, – ნათქვამია საქართველოს ფინანსთა სამინისტროს განცხადებაში.




ვის ეკუთვნის 300 ლარის ოდენობის ერთჯერადი დახმარება?


ლარი გამყარდა | BM.GE300 ლარის ოდენობით დაქირავებულთა ერთჯერად დახმარებასთან დაკავშირებით დასაქმების ხელშეწყობის სახელმწიფო სააგენტო კითხვებზე პასუხებს აქვეყნებს.

საუბარია იმ პირებზე, რომელთაც დაწესებული შეზღუდვებიდან გამომდინარე შეუჩერდათ საქმიანობის შესაძლებლობა.

1. რა შემთხვევაში ვითვლები კომპენსაციის მიმღებ პირად?

ა) თუ თქვენ ხართ დაქირავებით დასაქმებული და 2020 წლის 28 ნოემბრიდან 2020 წლის 24 დეკემბრამდე პერიოდში დაწესებული შეზღუდვების გამო თქვენს დამსაქმებელს შეჩერებული აქვს საქმიანობის განხორციელების უფლება.

ბ) თუ თქვენ ხართ თვითდასაქმებული და 2020 წლის 28 ნოემბრიდან 2020 წლის 24 დეკემბრამდე პერიოდში დაწესებული შეზღუდვების გამო შეჩერებული გაქვთ საქმიანობის განხორციელების უფლება.

2. დაქირავებით დასაქმებულმა როგორ უნდა გავაკეთო განაცხადი, რომ მივიღო კომპენსაცია?

თუ აკმაყოფილებთ ამ ტიპის კომპენსაციის მიმღების კრიტერიუმებს (იხ. კითხვა 1) განაცხადის გაკეთება თქვენს მიერ არ არის საჭირო. დამსაქმებლის მიერ შემოსავლების სამსახურში წარდგენილი ინფორმაციის საფუძველზე მიიღებთ კომპენსაციას.

3. თვითდასაქმებულმა როგორ უნდა გავაკეთო განაცხადი, რომ მივიღო კომპენსაცია?

ა) თუ აკმაყოფილებთ ამ ტიპის კომპენსაციის მიმღების კრიტერიუმებს (იხ. კითხვა 1) და რეგისტრირებული ხართ გადასახადის გადამხდელად, კომპენსაციის მოთხოვნის განაცხადი უნდა წარადგინოთ შემოსავლების სამსახურში.

ბ) თუ აკმაყოფილებთ ამ ტიპის კომპენსაციის მიმღების კრიტერიუმებს (იხ. კითხვა 1) და რეგისტრირებული არ ხართ გადასახადის გადამხდელად, მაგრამ ფაქტობრივად საქმიანობას ახორციელებდით იმ ობიექტის ტერიტორიაზე რომელსაც შეუჩერდა საქმიანობის უფლება, ობიექტის მფლობელი გადასახადის გადამხდელის მიერ შემოსავლების სამსახურში წარდგენილი ინფორმაციის საფუძველზე მიიღებთ კომპენსაციას.

4. არ ვიცი ვიყავი თუ არა ოფიციალურად დასაქმებული, როგორ უნდა გავიგო?

თქვენ დაქირავებით დასაქმებული იყავით იმ შემთხვევაში, თუ გქონდათ გაფორმებული შრომითი ხელშეკრულება კერძო კომპანიასთან, ან ინდ. მეწარმესთან, ან არასამთავრობო ორგანიზაციასთან და იღებდით შრომის ანაზღაურებას.

5. ვინ ითვლება ისეთ რეგისტრირებულ თვითდასაქმებულა

ფიზიკური პირები, რომლებიც რეგისტრირებული არიან შემოსავლების სამსახურში გადასახადის გადამხდელად და მინიჭებული აქვთ დაბეგვრის რომელიმე რეჟიმი (მცირე ბიზნესის მქონე მეწარმე ფიზიკური პირი, ფიქსირებული გადასახადით დასაბეგრი საქმიანობის განმახორციელებლი პირი, მიკრო ბიზნესის სტატუსის მქონე მეწარმე, ინდივიდუალური მეწარმე)

6. როგორ შეიძლება მიიღოს პირმა კომპენსაცია, თუ არ არის რეგისტრირებული გადასახადის გადამხდელად, არ არის დაქირავებით დასაქმებული, მაგრამ ფაქტობრივად ახორციელებს ეკონომიკურ საქმიანობას იმ ობიექტის ტერიტორიაზე, რომელსაც შეუჩერდა საქმიანობის უფლება?

გადასახადის გადამხდელად რეგისტრირებულმა პირმა, რომელსაც შეჩერებული აქვს საქმიანობის უფლება, შემოსავლების სამსახურში უნდა წარადგინოს ინფორმაცია მესამე პირების შესახებ, რომლებიც არ არიან რეგისტრირებული გადასახადის გადამხდელებად და საქმიანობას ფაქტობრივად ახორციელებდნენ უშუალოდ მათი ობიექტის ტერიტორიაზე. მაგალითად:

1. პირი რომელიც საქმიანობს ბაზრობის ტერიტორიაზე – პირი რომელიც საქმიანობს ბაზრობის ტერიტორიაზე და არ არის რეგისტრირებული გადასახადის გადამხდელად, ასეთი პირის შესახებ ინფორმაცია შემოსავლების სამსახურში უნდა წარადგინოს ბაზრობის ორგანიზატორმა და მიუთითოს საქმიანობის სახე.

2. პირი, რომელიც ახორციელებს მგზავრთა საქალაქთაშორისო გადაყვანას, და არ წარმოადგენს კომპანიის თანამშრომელს – ასეთი პირის შესახებ ინფორმაცია შემოსავლების სამსახურში უნდა წარადგინოს ავტოსადგურის ორგანიზატორმა.

3. გადასახადის გადამხდელად არარეგისტრირებული პირი, რომელიც ამზადებს პროდუქციას და აბარებს მაღაზიას, ან პირი რომელიც სოფლის მეურნეობის პროდუქტს აბარებს რესტორანს – ასეთი პირის შესახებ ინფორმაცია შემოსავლების სამსახურში უნდა წარადგინოს მაღაზიის/რესტორნის მფლობელმა გადასახადის გადამხდელმა.




სავაჭრო ცენტრების ხელმძღვანელები მთავრობისგან მუშაობის ნებართვას ითხოვენ


Galleria Tbilisi, Тбилиси: лучшие советы перед посещениемსავაჭრო ცენტრები „სითი მოლი“, „თბილისი მოლი“, „ისთ ფოინთი“, „თბილისი ცენტრალი“ და „ქარვასლა“ ერთობლივ მიმართვას ავრცელებენ.

როგორც მიმართვაშია აღნიშნული, კომერციული უძრავი ქონების და რითეილის (საცალო) სექტორი საქართველოში წარმოადგენს ერთ-ერთ ყველაზე დიდ დამსაქმებელს, ბიზნეს აქტივობის გენერატორს და ბიუჯეტის საგადასახადო შემოსავლების მნიშვნელოვან წყაროს.

„ტურისტული ბაზრის კოლაფსით, სასტუმროების და რესტრონების შემდეგ, სწორედ რითეილის და კომერციული უძრავი ქონების სეგმენტმა განიცადა ყველაზე დიდი ზარალი და ფაქტიურად ყველა სავაჭრო ცენტრს და რითეილერს უწევს ფორს-მაჟორში თვითგადარჩენის რეჟიმში ფუნქციონირება.

კერძოდ: შემცირებულია ეკონომიკა: შემცირებულია რითეილ ბაზარი, შეცვლილია ბაზრის სტრუქტურა და ხდება მისი კატეგორიების სწრაფი ცვლილება; მკვეთრადაა გაუარესებული მომხმარებლის მსყიდველუნარიანობა და შემცირებულია მომხმარებელთა რაოდენობა; ამოწურულია საინვესტიციო რესურსი.

ვალუტის კურსის სწრაფი დევალვაციისა და არასტაბილური, არაპროგნოზირებადი სავაჭრო გარემოს გამო, შეუძლებელია გრძელვადიანი პროგნოზების გაკეთება. შესაბამისად, შეუძლებელი ხდება ლიკვიდური სეზონური პროდუქციისა და მარაგების შევსების ოპტიმალური დაგეგმვა, იზრდება არარეალიზებული პროდუქციის მოცულობა, რაც დამატებით ფინანსურ ზიანთან არის დაკავშირებული;

სავაჭრო ცენტრების უმრავლესობას ფაქტიურად სრულად აქვს ამოწურული  ინვესტირებისთვის და უწყვეტი ოპერირებისთვის საჭირო ბიუჯეტი. ხდება ადამიანური რესურსის გაზრდილი მოცულობის ყოველდღიურად მობილიზება, რაც საჭიროა სავაჭრო ცენტრის შეუფერხებლად ოპერირებისთვის და ეს იწვევს მნიშვნელოვან დამატებით ხარჯებს. მოგეხსენებათ, საგანგებო მდგომარეობის შემდგომ, ჩვენ, ჩვენი ძალებით შევძელით შეგვენარჩუნებინა ფუნქციური ბიზნესი და ადამიანური რესურსის მნიშვნელოვანი ნაწილი. მაქსიმუმი გავაკეთეთ იმისათვის, რომ შეგვენარჩუნებინა მოიჯარეები სავაჭრო ცენტრებში. როგორც ჩვენ, ასევე მოიჯარეებს, სამი თვის დანაკლისის აღდგენის იმედი გვქონდა წლის ყველაზე დატვირთულ წინასაახალწლო პერიოდში, რაზეც ვაკეთებდით ოპტიმისტურ პროგნოზებს.

ჩვენს სავაჭრო ცენტრებში პირდაპირ დასაქმებულია 2000–მდე თანამშრომელი (მოლის ადმინისტრაცია, მომსახურება), ხოლო მაღაზიებში პირდაპირ არის დასაქმებული 15 000–მდე თანამშრომელი; სავაჭრო ცენტრში არაპირდაპირ დასაქმებულ თანამშრომელთა რაოდენობა გაცილებით მეტია. ჩვენ, ჩვენი რესურსებით მოვახერხეთ საგანგებო მდგომარეობის პირობებში თანამშრომელთა ამ რაოდენობის შენარჩუნება, თუმცა რესურსი სრულად, წინასწარ და გადაჭარბებით გახარჯულია. ასევე, ამოწურულია ყველა ის ლიმიტი, რაზე გათვლაც გვქონდა ოპერირების აღდგენიდან წლის ბოლომდე. ოპერირების შეზღუდვის პირობებში თანამშრომლების შენარჩუნებას ბიზნესი ვერ შეძლებს.

В Германии эвакуировали торговый центр из-за угрозы взрыва - MINVAL.AZ

ფაქტობრივად ყველა სავაჭრო ცენტრს ექმნება მიმდინარე საბანკო ვალდებულებების მომსახურების პრობლემა და დღის წესრიგში დგას სესხების შემდგომი რესტრუქტურიზაციის აუცილებლობა. სავაჭრო ცენტრის ოპერირების აღდგენას სჭირდება ბევრად მეტი ფინანსური რესურსი და დრო ჩაკეტვის პერიოდში მის მიერ გენერირებადი შესაძლო შემოსავლის ოდენობასთან შედარებით. მოგეხსენებათ, სავაჭრო ცენტრები იცავენ ვირუსთან ბრძოლისთვის საჭირო ყველა რეკომენდაციას. სავაჭრო ცენტრი ერთ-ერთი ყველაზე კარგად დაცული სავაჭრო გარემოა.

აღნიშნულს მოწმობს ის ფაქტიც, რომ პანდემიის პერიოდში სავაჭრო ცენტრი არ გამხდარა  მნიშვნელოვანი ვირუსის გავრცელების წყარო. კრიტიკულია, რომ დეკემბრის თვეში არ მოხდეს სავაჭრო ცენტრების დაკეტვა, რაც სრულად ჩამოშლის კომერციული უძრავი ქონების და საცალო ვაჭრობის სექტორს. ყოველივე ზემოაღნიშნული გამოწვევების გათვალისწინებით, მათ შორის ბაზარზე არსებული ეკონომიკური მდგომარეობის, მიმდინარე ფინანსური ვალდებულებების, რითეილერების მდგომარეობის, 2020 წელს სამ თვიანი ე.წ ლოკდაუნის პირობებში, ჩვენი თანამშრომლების მიმართ აღებული პასუხისმგებლობის და ყველა სხვა ფაქტორის გათვალისწინებით, მოგმართავთ თხოვნით – ტურისტული სექტორის მსგავსად, ჩვენთვისაც შემუშავდეს ანტი კრიზისული პაკეტი, რომელიც მოიცავს:

  • გაიხსნას და მიეცეთ სავაჭრო ცენტრებს ფუნქციონირების საშუალება 15 დეკემბრიდან  – 3 იანვრის ჩათვლით. დროის ამ მონაკვეთზე მომხმარებელთა გადანაწილება რეალურად შეამცირებს მასიური თავყრილობების რისკს და ინფექციის გავრცელების ალბათობას.
  • 2020 წლის ივლისში გადავადებული ქონების გადასახადის გაუქმება, რომლის გადახდის ვადაც იწურება 30 ნოემბერს. ეს საშუალებას მოგვცემს გამოთავისუფლებული თანხები მივმართოთ საოპერაციო სტაბილურობის შენარჩუნებაზე და ასევე მინიმუმ შემდგომი ოთხი თვის განმავლობაში შევინარჩუნოთ დასაქმებული პერსონალის 80%-ზე მეტი.
  • 750 ლარამდე ხელფასზე დაწესებული საშემოსავლო გადასახადის გადახდაზე არსებული შეღავათის გაგრძელება 2021 წლის პირველი კვარტლის ბოლომდე.
  • ბანკებთან საკრედიტო ვალდებულებების რესტრუქტურიზაციაზე მოლაპარაკებებში ეროვნული ბანკის ჩართვა და დახმარება, რომ მიღწეულ იქნას შეთანხმება სესხების 12-თვიანი საშეღავათო პერიოდით რეფინანსირებაზე და ამავე დროს მინიმუმ 6 თვის საპროცენტო ხარჯის სუბსიდირება. ამ პერიოდში საბანკო სექტორი მიიღებს საპროცენტო შემოსავალს, რაც მათთვისაც კრიტიკულია. ვაცხადებთ მზაობას, რომ ოპერატიულად გავაგრძელოთ მუშაობა სამთავრობო სტრუქტურებთან სამუშაო ჯგუფის ფარგლებში და განვიხილოთ ყველა ზემოთ ნახსენები საკითხი, რომ ერთად ვიპოვოთ შექმნილი კრიზისის მინიმალური დანაკარეგბით გადატანის გზები“, – აღნიშნულია განცხადებაში.



თურქეთმა საქართველოს თავდაცვის ძალებს მატერიალურ-ტექნიკური საშუალებები გადასცა


სამხედრო-საინჟინრო და ლოჯისტიკის მიმართულებების განვითარების მიზნით, საქართველოს თავდაცვის ძალებს 12 ერთეული მრავალფუნქციური, დაჯავშნული ექსკავატორ-დამტვირთავი (Backhoe loader) და 35 ავტობუსი (BMC-ს მარკის Neocity-ის ტიპის მოდელი) გადაეცა.

ტექნიკის შესყიდვა თავდაცვის სფეროში საქართველოსა და თურქეთს შორის ორმხრივი თანამშრომლობის ფარგლებში განხორციელდა.

მატერიალურ-ტექნიკური საშუალებების ოფიციალური გადაცემის ღონისძიებას საქართველოს თავდაცვის მინისტრი ირაკლი ღარიბაშვილი და საქართველოში თურქეთის რესპუბლიკის საგანგებო და სრულუფლებიანი ელჩი, ფატმა ჯერენ იაზგანი დაესწრნენ. მათ მეოთხე მექანიზებული ბრიგადის სამწყობრო მოედანზე გამოფენილი ტექნიკა დაათვალიერეს.

ირაკლი ღარიბაშვილმა თურქ დიპლომატს საქართველოს თავდაცვის ძალების მხარდაჭერისათვის მადლობა გადაუხადა. მიღება-ჩაბარების აქტზე ხელი საქართველოს მხრიდან თავდაცვის ძალების გენერალური შტაბის სტრატეგიული დაგეგმვის დეპარტამენტის უფროსმა, პოლკოვნიკმა იოსებ ნიკოლეიშვილმა, ხოლო თურქეთის მხრიდან – სამხედრო ატაშემ, პოლკოვნიკმა ბურაქ ალთინერმა მოაწერეს.

ექსკავატორ-დამტვირთავები სხვადასხვა დამატებითი კონფიგურაციით არის აღჭურვილი, რაც მათ მრავალფუნქციურობას უზრუნველყოფს. თავდაცვის სამინისტრომ დამატებით შეჯავშნული კაბინებიც მიიღო. Neocity-ის ტიპის 8.5-მეტრიანი მოდელის ავტობუსები კი, ჯარის სატრანსპორტო მოთხოვნებს სრულად აკმაყოფილებს. ტექნიკა საქართველოს თავდაცვის ძალებმა „საქართველოს მთავრობასა და თურქეთის რესპუბლიკის მთავრობას შორის სამხედრო ფინანსურ სფეროში თანამშრომლობის შეთანხმების“ ფარგლებში თურქეთის რესპუბლიკის მიერ 2015-2017 წლებში გამოყოფილი თანხით უმსხვილესი თურქული კომპანიების – Hidromek-ისა და BMC-სგან შეიძინა.

ახალი ტექნიკა საქართველოს თავდაცვის ძალების ქვედანაყოფებში გადანაწილდება და საინჟინრო-ლოჯისტიკური დავალებების შესრულებას უფრო ეფექტურს გახდის. საქართველო და თურქეთი თავდაცვის სფეროში სხვადასხვა მიმართულებით მრავალი წელია მჭიდროდ და წარმატებულად თანამშრომლობენ. საქართველოს თავდაცვის ძალების განვითარების პროცესში თურქულმა მხარემ მატერიალურ-ფინანსური დახმარებით მნიშვნელოვანი წვლილი შეიტანა.

https://youtu.be/bk20oZhljbE




bm.ge - 2020 წლის III კვარტალში 219 000 ადამიანი უმუშევარია


rabota, umushevroba,დასაქმება2020 წლის მესამე კვარტლის მდგომარეობით, ქვეყანაში 1,628 მლნ ადამიანია დასაქმებული, 219 ათასი მოქალაქე კი უმუშევარია. ის რომ ქვეყანაში უმუშევრობის დონე გაიზარდა, პანდემიის ნეგატიური შედეგებიდან გამომდინარე, ალბათ გასაკვირი არც არის.

სტატისტიკის ეროვნული სამსახურის მიერ გავრცელებული ოფიციალური მონაცემებიდან ირკვევა, რომ მესამე კვარტალში საქართველოში უმუშევრობის დონე წინა წლის შესაბამის პერიოდთან შედარებით 0.8 პროცენტული პუნქტით არის გაზრდილი და 11.9%-ს შეადგენს. საანგარიშო პერიოდში უმუშევრობის მაჩვენებელი განსაკუთრებით ქალაქებში, 2,2 პროცენტული პუნქტით გაიზარდა.

ეკონომიკურად აქტიური მოსახლეობის დონესთან ერთად, ქვეყნის მასშტაბით, 1.9 პროცენტული პუნქტით არის შემცირებული დასაქმების დონეც.

2020 წლის მესამე კვარტლის მდგომარეობით, 15 წლის და უფროსი ასაკის მოსახლეობა ეკონომიკური აქტივობის მიხედვით ასე ნაწილდება:

სამუშაო ძალა – 1,847 მილიონი ( -55 000 წინა წლის ანალოგიურ პერიოდთან შედარებით); 
დასაქმებული – 1,628 მილიონი (-63 000 წინა წლის ანალოგიურ პერიოდთან შედარებით);
დაქირავებული – 805 ათასი (50 000 წინა წლის ანალოგიურ პერიოდთან შედარებით);
თვითდასაქმებული – 822 ათასი (-13 000 წინა წლის ანალოგიურ პერიოდთან შედარებით);
უმუშევარი – 219 ათასი (-8 000 წინა წლის ანალოგიურ პერიოდთან შედარებით);
მოსახლეობა სამუშაო ძალის გარეთ – 1,189 მილიონი (-48 000 წინა წლის ანალოგიურ პერიოდთან შედარებით);

უმუშევრობის დონის ზრდის მთავარ მიზეზად ეკონომისტები პანდემიის გამო შექმნილ ეკონომიკურ კრიზისს ასახელებენ. ანალიტიკოსების ნაწილი არ გამორიცხავს, რომ რეალური რიცხვები გაცილებით მეტი იყოს, ვიდრე ამას საქსტატი აღრიცხავს.

“უმუშევრობის დონის ზრდაზე ზეგავლენა მოახდინა ეკონომიკურმა კრიზისმა, რომლის ფუნდამენტი პანდემიაა. რასაკვირველია, როცა ეკონომიკურ კრიზისს აქვს ადგილი, მაშინ სამუშაო ადგილები ქრება და შესაბამისად, ის პირდაპირ აისახება უმუშევრობის მაჩვენებელზე. ძირითადად, ამის გამოა მაჩვენებლები გაზრდილი. ასევე, ამ მაჩვენებელზე ზეგავლენა იქონია მათ შორის იმ პოლიტიკამ, რომელსაც მთავრობა ატარებდა უხელფასოდ დარჩენილებთან დაკავშირებით, რამაც გარკვეულწილად სტიმულირებაც მოახდინა გრძელვადიანად ყოფილიყო შენარჩუნებული ხელფასის არამღებთა რაოდენობა.

ძირითადად ეკონომიკურმა მდგომარეობამ განაპირობა არსებული მაჩვენებლების ფორმირება, ვინაიდან როცა ბიზნესი პაუზდება ან ჩერდება ან გადის ბაზრიდან, ეს დაკარგულ სამუშაო ადგილებს ნიშნავს. ბოლო მონაცემები, რაც არის, საეჭვოც კია, რადგან ვფიქრობ, გაცილებით მეტია უმუშევრობის დონე. მათ ალბათ სრულად ვერ გამოიყენეს პარამეტრები, თუნდაც იმიტომ, რომ ბევრი ემიგრაციაში წასული ადამიანი დაბრუნდა და შეემატა უმუშევართა რიგებს“, – აცხადებს რამაზ გერლიანი.

სუფრაკერძო სექტორი არ გამორიცხავს, რომ ქვეყანაში უმუშევრობის დონე კვლავ გაიზარდოს, რადგან ბიზნესი პანდემიის ნეგატიურ შედეგებს დღემდე იმკის და სამომავლო მოლოდინიც ოპტიმისტური არ აქვთ.

„სტუმარ-მასპინძლობის სექტორში 300 ათასი ადამიანი იყო დასაქმებული. პანდემიის დაწყებისას რესტორნების 10%-მდე დავკარგეთ. დღეს მისული ვართ 80%-მდე, როდესაც რესტორნები დახურულია. ამ სფეროში დასაქმებული ადამიანების ნახევარზე მეტი უმუშევარია. თუ ეს ტენდენცია გაგრძელდა, ამ სფეროს კოლაფსი ემუქრება. გადარჩება მხოლოდ თითზე ჩამოსათვლელი რესტორნები“, – აცხადებს რესტორატორთა ასოციაციის ხელმძღვანელი შოთა ბურჯანაძე.

გაზრდილი გაურკვევლობის ფონზე უმუშევრობის დონის ზრდას ელიან დამსაქმებელთა ასოციაციაშიც.

„როგორც მოსალოდნელი იყო, გაზაფხულიდან მოყოლებული ნეგატიური დინამიკა, რაც ასახავდა უმუშევრობის დონის ზრდას, დღემდე გრძელდება. გამომდინარე იქიდან, რომ პანდემია მთავარ გამოწვევად რჩება და არ ვიცით, მომდევნო ერთი წელი რა მოლოდინები შეიძლება ჰქონდეს ბიზნესს, აქტივობა არის შეფერხებული, კერძო სექტორს არ აჰყავს ახალი კადრები და უწევს ადამიანური რესურსების ოპტიმიზაცია, სამსახურიდან გაშვება ან უხელფასო შვებულების გაშვება.

ვაკეთებთ კვლევებს, დასაქმების მაჩვენებელთან დაკავშირებით, თუ რას გეგმავენ მომდევნო პერიოდის განმავლობაში. აქაც უმეტესი კომპანიისთვის მოლოდინი არის ნეგატიური, როცა ისინი ერიდებიან ბიზნესების გაფართოებას, რადგან ეს ყველაფრი უკავშირდება ინვესტიციებს, რომელიც შეფერხებულია და ეს ყველაფერი, საბოლოო ჯამში, აისახება დასაქმებაზეც. კვლევების საფუძველზე შეგვიძლია ვთქვათ, რომ უმუშევრობის დონის კიდევ უფრო გაზრდაა მოსალოდნელი. გამოკითხული კომპანიების 50%-60%-მდე მომდევნო ერთი წელი გაფართოებას და ახალი თანამშრომლების აყვანას არ გეგმავს. ეს არის საკმაოდ ნეგატიური შედეგი, რომელიც ისევ და ისევ უკავშირდება პანდემიას“, – აცხადებს დამსაქმებელთა ასოციაციის აღმასრულებელი დირექტორი ლაშა ლაბაძე.

bm.ge




9 238 გადამხდელს 73 მილიონი ლარი ავტომატურ რეჟიმში დაუბრუნდა


Налоги в США: платят бедные и глупые | ruherald.comეკონომიკის სტიმულირების, ასევე, ბიზნესისა და მოქალაქეების მხარდაჭერის მიზნით, მიმდინარე წლის ოქტომბრის დეკლარაციების შესაბამისად, 9 238 გადასახადის გადამხდელს კუთვნილი დღგ-ის ზედმეტობის თანხა ავტომატურ რეჟიმში, მოთხოვნის წარმოდგენის გარეშე უკვე დაუბრუნდა.

დაბრუნებული თანხის საერთო ოდენობამ 73 მილიონი ლარი შეადგინა.

„მთავრობის აღნიშნული ინიციატივით, საერთო ჯამში, 150 000-ზე მეტი გადასახადის გადამხდელი ისარგებლებს და ქვეყნის ეკონომიკაში ყოველწლიურად მილიარდ ლარზე მეტი თანხა ავტომატურად დაბრუნდება.

გადაწყვეტილება ეხება 2020 წლის 16 ნოემბრიდან წარმოშობილ ზედმეტად გადახდილ თანხებს (ე.წ. მწვანე ბარათზე, შესაბამის რისკზე დაფუძნებული მიდგომით მიღებული შესამცირებლად გაანგარიშებული დღგ-ის თანხას).

ზედმეტობის ავტომატურ რეჟიმში დაბრუნების რეფორმის ფარგლებში, გადასახადის გადამხდელთა ავტორიზებულ გვერდზე – eservices.rs.ge მოქმედი/აქტიური საბანკო ანგარიშის მოწოდების მიზნით, უკვე გაიგზავნა სავალდებულოდ გასაცნობი შეტყობინება, რათა საქართველოს საგადასახადო კოდექსის 63-ე მუხლში განხორციელებული ცვლილების თანახმად, კუთვნილი დღგ-ის ზედმეტობის თანხის დაბრუნება ავტომატურად განხორციელდეს.

შესაბამისად, ფინანსთა სამინისტროს შემოსავლების სამსახური კიდევ ერთხელ მოუწოდებს გადასახადის გადამხდელებს დროულად უზრუნველყონ აღნიშნული ინფორმაციის წარმოდგენა“, – აღნიშნულია შემოსავლების სამსახურის ინფორმაციაში.

რაც შეეხება 2020 წლის 16 ნოემბრამდე დეკლარირებულ ზედმეტად გადახდილ თანხებს, რაც ასახულია გადამხდელთა პირადი აღრიცხვის ბარათზე, შემოსავლების სამსახურის ცნობით, აღნიშნული თანხა პირს შეუძლია, დაიბრუნოს „გადასახადის გადამხდელის მოთხოვნის“ წარდგენის საფუძველზე ან მიმართოს საგადასახადო დავალიანების დასაფარავად.

„დღგ-ის ზედმეტობების სწრაფი, მარტივი და ყოველგვარი ბარიერების გარეშე დაბრუნება, განსაკუთრებით მნიშვნელოვანი იქნება მცირე და საშუალო ბიზნესის ხელშეწყობისთვის და სამუშაო ადგილების შენარჩუნებისთვის“, – აცხადებენ შემოსავლების სამსახურში.

დღგ-ის ავტომატური დაბრუნების შესახებ საქართველოს პრემიერ-მინისტრმა, გიორგი გახარიამ მთავრობის დღევანდელ სხდომაზე განაცხადა. მისი თქმით, ეს არის უაღრესად მნიშვნელოვანი რეფორმა, რომლის მსგავსიც ბოლო ათწლეულების განმავლობაში ქვეყანაში არ განხორციელებულა.

 




საყოველთაო ჯანდაცვის 802-მილიონიანი ბიუჯეტი ამოიწურა, მთავრობამ 95 მლნ ლარი დაამატა


Сегодня 15 февраля - профессиональный праздник операционной медицинской  сестры -საყოველთაო ჯანდაცვის პროგრამისთვის 2020 წლის ბიუჯეტიდან გამოყოფილი 802 მილიონი ლარი უკვე ამოიწურა. ფინანსთა სამინისტროს ხაზინის ოპერატიული ინფორმაციის თანახმად, წლის ბოლომდე პროგრამის შეუჩერებლად დასრულებისთვის, ჯანდაცვის სამინისტრომ ხარჯების გადაჯგუფების მეშვეობით, მას 95 მილიონი ლარი დაამატა, რის შედეგადაც პროგრამის მთლიანი ხარჯები 897 მილიონ ლარამდე გაიზარდა.

ხაზინის ინფორმაციითვე, 18 ნოემბრის მდგომარეობით, პროგრამის მთლიანი ათვისება 831 მილიონ ლარს შეადგენს. შესაბამისად, წლის ბოლომდე 66 მილიონი ლარი არის ასათვისებელი.

ეს პირველი შემთხვევა არაა, როდესაც საყოველთაო ჯანდაცვის პროგრამის ბიუჯეტი დადგენილზე ადრე ამოიწურა და მას სახსრების დამატება დასჭირდა. ანალოგიური მოხდა 2019, 2018, 2017, 2016 და 2015 წლებშიც, როდესაც სამედიცინო ხარჯები დაგეგმილზე სწრაფად გაიზარდა, რამაც თანხების გადახარჯვა გამოიწვია.

2019 წელს პროგრამისთვის 754 მილიონი ლარი იყო განკუთვნილი, თუმცა ფაქტობრივმა ხარჯებმა 828 მილიონი ლარი შეადგინა.

მთლიანობაში 2020 წლისთვის დევნილთა, შრომის, ჯანდაცვისა და სოციალური დაცვის სამინისტროს ბიუჯეტი 5.6 მილიარდი ლარით არის განსაზღვრული, საიდანაც 4.9 მილიარდი ლარი უკვე ათვისებულია.




აგროქულებით დარიცხულმა სუბსიდიამ 28,9 მლნ ლარს გადააჭარბა


DEUTZ-FAHR Agrofarm 430 Specs, Price, Review & Featuresსოფლის მეურნეობის სამინისტრო ანტიკრიზისული გეგმის პროგრამების მიმდინარეობის შესახებ სტატისტიკურ ინფორმაციას აქვეყნებს. 

სასოფლო-სამეურნეო მიწის მესაკუთრეთა სტიმულირების სახელმწიფო პროგრამის ფარგლებში, 165,000-მდე ფერმერს უკვე დაერიცხა აგროქულები. დარიცხული სუბსიდიის ოდენობა 28.9 მლნ ლარს აჭარბებს. აგროქულების დარიცხვა კი გრძელდება.

ამასთან აგროდიზელით ხელშეწყობის პროგრამით, 122,000-მდე ბენეფიციარმა 32,000 ტონამდე მოცულობის აგროდიზელის ფასდაკლების ბარათები მიიღო. იმ ფერმერებმა კი, რომლებმაც უკვე გაანაღდეს ფასდაკლების ბარათები ჯამურად, 4,3 მლნ ლარამდე თანხა დაზოგეს.

“აგროდაზღვევის პროგრამის ფარგლებში 2020 წლის 30 სექტემბრის მონაცემებით, ფარგლებში გაცემულია 17,000-ზე მეტი პოლისი, დაზღვეულია 18,000 ჰექტარზე მიწის ფართობი, რაც გასული წლის ანალოგიურ პერიოდთან შედარებით 32 %-ით მეტია. დაზღვეული მოსავლის ღირებულება 160 მლნ ლარს აღემატება.

მერძევეობის დარგის მოდერნიზაციის და ბაზარზე წვდომის სახელმწიფო პროგრამის ფარგლებში, იმერეთის, კახეთის, სამეგრელო და ზემო სვანეთის, სამცხე-ჯავახეთისა და ქვემო ქართლის რეგიონიდან დამტკიცებულია 255 განაცხადი, სახელმწიფოს თანადაფინანსებამ შეადგინა 12,4 მლნ ლარი.

შეღავათიანი აგროკრედიტის პროგრამით, ერთწლოვანი კულტურების მოყვანის მიმდინარე ხარჯების დაფინანსების უზრუნველყოფისათვის, სახელმწიფო 6 თვის საპროცენტო განაკვეთს სრულად ფარავს. გაცემულია 2215 აგროსესხი, სესხის თანხა, ჯამურად, 40 მლნ ლარს აჭარბებს, მათ შორის, სააგენტოს მიერ პროცენტის გასაცემი თანადაფინანსება 3.3 მლნ ლარს აჭარბებს.

აგროწარმოების ხელშეწყობის პროგრამაში ჩართულია 387 ბენეფიციარი, მათ შორის სასოფლო-სამეურნე ტექნიკის ღირებულების 50-% დაუფინანსდა 252 ბენეფიციარს, ხოლო სასათბურე მეურნეობის მოწყობისთვის და მოდერნიზებისთვის შესასყიდი ძირითადი საშუალებების შეძენის და მათი სამონტაჟო სამუშაოების, ასევე, ერთწლოვანი სასოფლო-სამეურნეო კულტურებისთვის სარწყავი სისტემის შესყიდვასა და მონტაჟისათვისათვის 135 ბენეფიციარის განაცხადი დაკმაყოფილდა”-ნათქვამია სამინისტროს განცხადებაში.