1-23 დეკემბერს, შემოსავლების სამსახურის მიკროავტობუსი გადასახადის გადამხდელებს 25 ლოკაციაზე მოემსახურება


სტატისტიკა ფინანსები კალკულატორი საგადასახადო1-23 დეკემბერს, ფინანსთა სამინისტროს შემოსავლების სამსახურის მოძრავი სერვისცენტრი – RS CAR – გადასახადის გადამხდელებს 25 ლოკაციაზე, იმ რეგიონებში მოემსახურება, რომლებშიც შემოსავლების სამსახურის სერვისცენტრები არ არის განთავსებული.

RS CAR (მიკროავტობუსი) აღჭურვილია შემოსავლების სამსახურის სერვისცენტრებში არსებული ტექნიკური საშუალებებით. შესაბამისად, გადასახადების გადამხდელებს შესაძლებლობა აქვთ, მათთვის ხელსაყრელ დროსა და სივრცეში, დასახლებული პუნქტიდან გაუსვლელად, დროულად მიიღონ სასურველი მომსახურება.

კერძოდ: კონსულტაცია საქართველოს საგადასახადო კოდექსისა და შესაბამისი ნორმატიული აქტების გამოყენებასთან დაკავშირებით, შემოსავლების სამსახურის ელექტრონული გვერდის სარგებლობის მიზნით, ავტორიზაციის შემდგომ განცხადებების მიღება და რეაგირება, მიკრო/მცირე ბიზნესისა და ფიქსირებული გადასახადის გადამხდელის სტატუსის მინიჭება/გაუქმება. ასევე, მაღალმთიანი დასახლების საწარმოს სტატუსის მინიჭება/შეჩერება/შეწყვეტის განცხადებების მიღება. აგრეთვე, შესაძლებელია შემოსავლების სამსახურის კომპეტენციის ფარგლებში შესაბამისი ცნობების გაცემა (საგადასახადო დავალიანების, გადამხდელის რეგისტრაციის, დღგ-ის რეგისტრაციის, შემოსავლების შესახებ და სხვა) და ა.შ.




საქართველო 101 მილიონი ევროს სესხს მიიღებს


ევროაზიის განვითარების ბანკმა (ADB) დღეს 101 მილიონი ევროს (დაახლოებით 119.9 მილიონი აშშ დოლარი) ოდენობის სესხი დაამტკიცა საქართველოში ახალი ინფრასტრუქტურის მოსაწყობად და უკვე არსებულის რეაბილიტაციისთვის, ასევე ურბანულ ცენტრებში სერვისების გასაუმჯობესებლად ეკონომიკური შესაძლებლობებისა და ქვეყანაში ცხოვრების ხარისხის გაზრდის მიზნით.

„საქართველომ მნიშვნელოვანი ეკონომიკური პროგრესი აჩვენა ბოლო წლების განმავლობაში, თუმცა ეკონომიკური ზრდა არათანაბრად იყო განაწილებული და მასზე მძიმე ზეგავლენა იქონია „კოვიდ-19“-ის პანდემიამ. ეს პროექტი საქართველოს პანდემიის გავლენისგან გათავისუფლებაში დაეხმარება და ხელს შეუწყობს ქალაქების უფრო მდგრად, მრავალმხრივ და კლიმატის ცვლილებებისადმი მედეგ განვითარებას“, – განაცხადა ADB-ის ცენტრალური და დასავლეთ აზიის დეპარტამენტის გენერალურმა დირექტორმა, ევგენი ჟუკოვმა.

როგორც აზიის განვითარების ბანკში აღნიშნავენ, ADB-ის ქალაქების მდგრადი განვითარების საინვესტიციო პროექტი (Livable Cities Investment Project for Balanced Development) წინასწარი გათვლებით თბილისსა და რეგიონებში 1.5 მილიონ ადამიანს მოუტანს სარგებელს.

პროექტით გათვალისწინებული რესურსები მოხმარდება ქალაქების ცენტრების, საზოგადოებრივი ადგილებისა და პარკების რეაბილიტაციას და საზოგადოებრივი ტრანსპორტის გაუმჯობესებას უკეთესი მობილობისთვის. პროექტის ფარგლებში აშენდება ბიბლიოთეკები, ელექტრონული სწავლების ცენტრები, საბავშვო ბაღები, სპორტული კომპლექსები და სხვა საზოგადოებრივი მნიშვნელობის დაწესებულებები. პროექტი განხორციელდება ADB-ის მიერ შემუშავებული „ინკლუზიური ქალაქების გზამკვლევის“ მიხედვით საყოველთაო წვდომის უზრუნველსაყოფად და ადაპტირებული გარემოს შესაქმნელად ხანდაზმულებისთვის, შეზღუდული შესაძლებლობების მქონე პირებისთვის, ქალებისა და ბავშვებისთვის.

პროექტი ასევე ხელს შეუწყობს კულტურული ობიექტების, ქალაქების ისტორიული ცენტრებისა და სხვა ტურისტული ადგილების რეაბილიტაციას. ასევე, განახლდება ტრანსპორტის სისტემები, მათ შორის თბილისის მეტრო, გაუმჯობესებული წვდომისა და ტურიზმის ხელშეწყობისთვის, რაც საქართველოს ეკონომიკის მთავარი მამოძრავებელი ძალაა.

„ევროპასა და აზიას შორის მდებარე, მდიდარი ბუნებრივი რესურსებისა და უნიკალური კულტურული მემკვიდრეობის მქონე საქართველოს ხელსაყრელი პოზიცია აქვს „კოვიდ-19“-ის შემდგომ გლობალური ტურიზმის მიმართულებად იქცეს. ეს პროექტი დაეხმარება საქართველოს, იქცეს კიდევ უფრო მიმზიდველ ტურისტულ მიმართულებად და გააძლიეროს ტურისტული შესაძლებლობები ადგილობრივი თემებისთვის“, – განაცხადა ADB-ის ურბანული განვითარების მთავარმა სპეციალისტმა, რამოლა ნაიკ სინგრუმ.

როგორც აზიის განვითარების ბანკში აცხადებენ, პროექტი ასევე გააძლიერებს მთავრობის შესაძლებლობებს რეგიონული და ადგილობრივი ეკონომიკური ზრდის ხელშეწყობისთვის სასწავლო პროგრამების გზით.

„საქართველო ADB-ის წევრია 2007 წლიდან და ქვეყნის განვითარების ხელშემწყობი ერთ-ერთი ყველაზე დიდი მრავალმხრივი პარტნიორია. საქართველოსთვის გაცემული სესხების ჯამი 3.92 მილიარდ აშშ დოლარს შეადგენს, ხოლო ტექნიკური დახმარების პროექტები 28.9 მილიონი აშშ დოლარის ოდენობისაა. საქართველოში ADB-ის განვითარების მთავარ პრიორიტეტებს შორისაა ვაჭრობის გაფართოება, მეტი სამუშაო ადგილის შექმნა და სიღარიბის დამარცხება ეკონომიკური დერეფნების განვითარების გზით.

ADB-ის მიზანია, ხელი შეუწყოს აზიისა და წყნარი ოკეანის რეგიონის წარმატებულ,
მრავალმხრივ, მედეგ და მდგრად განვითარებას. ამავდროულად, ის კვლავაც აგრძელებს მუშაობას რეგიონში უკიდურესი სიღარიბის აღმოსაფხვრელად. 1966 წელს დაარსებული ორგანიზაცია აერთიანებს 68 ქვეყანას, მათ შორის 49 აზიის რეგიონიდანაა წარმოდგენილი“, – აღნიშნულია აზიის განვითარების ბანკის ინფორმაციაში.




"ამ ეტაპზე გამოვრიცხავთ საწვავის ბაზარზე ფასების ხელოვნურად ზრდას"


sawvavi, benzini,ბენზინისაავტომობილო საწვავის ბაზრის მიმდინარე მონიტორინგის ფარგლებში, საქართველოს კონკურენციის ეროვნულმა სააგენტომ საქართველოს პირველ არხს 2021 წლის იანვარ-სექტემბრის პერიოდის შუალედური ანგარიში გააცნო.

როგორც მიმოხილვიდან ირკვევა, 2021 წლის იანვარ-სექტემბრში ქვეყანაში 32 ეკონომიკური აგენტის მიერ 1 082 971 ათასი ლიტრი ბენზინისა და დიზელის იმპორტი განხორციელდა, რაც 3.6%-ით აღემატება 2020 წლის ანალოგიურ მაჩვენებელს.

როგორც სააგენტოში აცხადებენ, 2021 წელს მთავარი იმპორტიორი ქვეყანა საქართველოსთვის თურქმენეთი გახდა და იანვარ-სექტემბერში საწვავის ყველაზე დიდი მოცულობის იმპორტი, 23.6 პროცენტი სწორედ თურქმენეთიდან განხორციელდა. შემდეგ მოდის რუსეთი 19.3 პროცენტით და აზერბაიჯანი 18.1 პროცენტით. შუალედური ანგარიშიდან ირკვევა, რომ საერთო იმპორტის 44.6%-ს დიზელის ტიპის საწვავი შეადგენს, ხოლო 55.4% ბენზინის.

ბენზინის ტიპის საწვავიდან კი, ყველაზე მოთხოვნადი რეგულარის ტიპის საწვავია. ამასთან, კონკურენციის ეროვნულ სააგენტოში აცხადებენ, რომ 2021 წლის იანვარი-სექტემბრის პერიოდი, ნედლი ნავთობისა და შესაბამისად პლატსის ფასის ზრდის ტრენდით გამოირჩეოდა. პლატსის ფასმა 2021 წლის 4 იანვრის 452 დოლარიანი მაჩვენებლიდან, 30 ივნისის მდგომარეობით 62.6%-ით გაიზარდა და 735 აშშ დოლარი შეადგინა, ხოლო 30 სექტემბერს ფასის ნიშნული 805 დოლარს გაუტოლდა.

„ბაზარზე რეალურად კონკურენცია არსებობს და აქ რაიმე არასაბაზრო ფაქტორების გავლენა ფასების ცვლილებაში ნაკლებია და ძირითადად ფასების ზრდა უკავშირდება გლობალურ ფაქტორს. თუმცა, ჩვენ ვუყურებთ იმ ბაზრებსაც, რომლებიც ასევე არიან იმპორტიორები. მაგალითად: სომხეთი, უკრაინა და ა.შ. იმ ბაზრებსაც, საიდანაც საქართველოში შემოდის ძირითადად საწვავი – ეს არის ბულგარეთი, რუმინეთი და სხვათა შორის შეცვლილია მთავარი იმპორტიორი და ეს გახდა თურქმენეთი.

navtobiვხედავთ, რომ აბსოლუტურად იგივე დინამიკაა ამ ბაზრებზე. უბრალოდ ბულგარეთთან და რუმინეთთან შედარებით, შესაძლოა საქართველოში ოდნავ, 3-5 ცენტის ფარგლებში ზრდის ტემპი არის უფრო მეტი 2021 წელს, ვიდრე მაგალითად სხვა პერიოდებში, როდესაც ერთი ერთში ხდებოდა ამ პროცენტული სხვაობის დაბალანსება. თუმცა, აქაც ჩვენ ვამბობთ, რომ ეს შეიძლება იყოს გარკვეული სავალუტო რისკების გამო და არა იმის გამო, რომ პირობითად კონკურენციასთან შეუთავსებელი ქმედებაა რომელიმე კომპანიის მიმართ“, – განაცხადა საქართველოს პირველ არხთან ირაკლი ლექვინაძემ.

როგორც კონკურენციის სააგენტოში განმარტავენ, საწვავის ბაზრის შესწვალის შედეგად დადგინდა, რომ მსხვილი კომპანიების რეგულარის ტიპის საწვავის საშუალო საცალო ფასსა და მცირე ქსელების ანალოგიური ტიპის საწვავის საცალო ფასს შორის სხვაობა, განსახილველ პერიოდში, 12-43 თეთრის დიაპაზონის ფარგლებშია.

„ჩვენი 9 თვის შედეგების მიხედვით, ჩვენ გვაქვს შემდეგი სურათი, რომ ბაზარზე არსებობს 5 მსხვილი ქსელი, რომელთა ერთიბლივი წილი არის 60 პროცენტამდე, დანარჩენი მცირე ქსელებს უჭირავთ. დაახლოებით იმპორტიორების რაოდენობა, რომლებსაც საქართველოში საწვავი შემოაქვთ 50-მდეა. თუ შევადარებთ 2012 წლის პერიოდს, იმპორტიორების რაოდენობა 8-დან 50-მდეა გაზრდილი. გარდა ამისა, ერთი და იგივე ტიპის საწვავზე 2021 წელს ფიქსირდებოდა მცირე და მსხვილ ქსელებს შორის ფასთა დიაპაზონი 12-დან 40 თეთრის ფარგლებში. ანუ მოქალაქეს შეეძლო მსხვილ შედარებით, მცირე ქსელში იგივე საწვავზე ამ სხვაობით ჩაესხა იგივე ტიპის საწვავი. ეს ჩვენ გვაძლევს იმ შეფასების საფუძველს, რომ ამ ეტაპზე გამოვრიცხავთ საავტომობილო საწვავის ბაზარზე ფასების ხელოვნურად ზრდას“, – აღნიშნა ლექვინაძემ საქართველოს პირველ არხთან საუბარში.

საქართველოს კონკურენციის ეროვნული სააგენტო საავტომობილო საწვავის ბაზრის მონიტორინგს აგრძელებს და კონკურენტული გარემოს სიღრმისეულ შუალედურ ანგარიშს, მათ შორის – საბითუმო ბაზრის ანალიზს, შეფასებებს და რეკომენდაციებს 2021 წლის ბოლომდე გამოაქვეყნებს.




“მწვანე პასპორტი” – დაღი თუ საშვი ახალ ცხოვრებაში?


თბილისიისაქართველოს მთავრობის უწყებათშორისი საბჭოს გადაწყვეტილებით, პირველი დეკემბრიდან ე.წ „მწვანე პასპორტის“ კონცეფცია ამოქმეედდება. პირს მწვანე სტატუსი აქვს, თუ იგი ვაქცინირებულია სრულად, ჩატარებული აქვს 72-საათიანი ვალიდურობის PCR-ტესტი ან 24-საათიანი ვალიდურობის ანტიგენ-ტესტი, ან გადატანილი აქვს კორონავირუსი. „მწვანე პასპორტის“ მოთხოვნა იმოქმედებს 18 წლის ასაკის ზემოთ მოქალაქეებისთვის.

მოქალაქეები მხოლოდ და მხოლოდ „მწვანე პასპორტის“ პრინციპით შეძლებენ შესვლას: კვების ობიექტების, რესტორნების, კაფეების და ბარების ღია და დახურულ სივრცეებში, კინოთეატრებში, თეატრებში, ოპერაში, მუზეუმებში, საკონცერტო დარბაზებში, გასართობ ცენტრებში, სამორინეებსა და სათამაშო ბიზნესის ობიექტებზე, სპა-ცენტრებში, ფიტნეს-დარბაზებში, სასტუმროებში და ასევე სამთო კურორტების – საბაგირო გზებზე. 

აღნიშნული მოთხოვნა გავრცელდება ჩამოთვლილი ობიექტების სტუმრებზე.  რაც შეეხება საბავშვო-გასართობ ცენტრებს, „მწვანე პასპორტის“ მოთხოვნა იმოქმედებს მხოლოდ 18 წლის ასაკს ზემოთ მოქალაქეებისთვის.

ამ სიახლემ  შესაძლოა, განვითარების მაგივრად, უფრო შეაფერხოს ადგილობრივი ტურისტული სექტორი.  საქმე არა მხოლოდ “ანტივაქსერებშია”, ჩვენი საზოგადოება ზოგადად პოლარიზებულია – პოლიტიკურად, სოციალურად, მორალის თუ უფლებების პრინციპებით. და თუ ერთისთვის “კოვიდ პასპორტის” ქონა დადებითი მოვლენაა, სხვა ამას  დისკრიმინაციულ ქმედებად მიიჩნევს. ერთისთვის ესერთგვარი საშვია “ლამაზ ცხოვრებაში”, მეორესთვის სამარცხვინო დაღი, სეგრეგაციის ნიშანი და უფლებების შემლახველი საბუთი.  საზოგადოებაში ერთი აზრის დანერგვა შეუძლებელია,  გახლეჩვა შესაძლოა უფრო გაღრმავდეს, გამოიწვიოს პროტესტი და მიუღებლობა.

“მწვანე პასპორტის” საკითხმა არარერთგვაროვანი რეაქცია გამოიწვია ევროპის რიგ ქვეყნებში. საფრანგეთში დისკრიმინაციის  მოწინააღმდეგები კაფეებსა და რესტორნების წინ მასობრივად  აწყობდნენ პიკნიკებს; იტალიაში მოსახლეობა პროტესტით ქუჩებში გამოვიდა და მთავრობას “მწვანე პასპორტის” აუცილებლობის გაუქმება და საზოგადოებისთვის ბოდიშის მოხდა მოთხოვა.

რამდენად შეძლებს ჩვენი მთავრობა “მწვანე პასპორტის” ინტეგრაციას ქართულ საზოგადოებაში, დრო გვიჩვენებს. ამ ეტაპზე კი  იმედოვნებენ, რომ  “მწვანე პასპორტის” შემოღება მრავალი შეზღუდვის მოხსნას შეუწყობს ხელს.

“მოდით, ჯერ შემოვიღოთ უსაფრთხოების ეს სტანდარტი, გარკვეულწილად გავამკაცროთ კონტროლი – რომ ნამდვილად ჯანმრთელი ადამიანები სტუმრობენ ზამთრის კურორტებს, რესტორნებს თუ სასტუმროებს. შემდეგ კი, თუ დავრწმუნდებით, რომ ეს ყველაფერი კარგად მუშაობს, რასაკვირველია, გვექნება საფუძველი, რომ შეზღუდვები კიდევ უფრო შევამსუბუქოთ“, – განაცხადა ეკონომიკისა და მდგრადი განვითარების მინისტრმა ნათია თურნავამ.

რა თქმა უნდა, მთავრობა გათვლას არა მხოლოდ ადგილობრივ მოსახლეობაზე აკეთებს. გასართობი ინდუსტრიის ძირითადი მომხმარებელი უცხოელი ვიზიტორია. ტურიზმის ეროვნული ადმინისტრაციის მონაცემებით,  2021 წლის იანვარი-სექტემბრის შემოსავალი საერთაშორისო მოგზაურობიდან საქართველოში შეადგენს 865 654 831 დოლარს, რაც 366 579 535 მეტია 2021 წლის ანალოგიურ მაჩვენებელზე (ზრდა +73%). 2019 წლის ანალოგიურ პერიოდთან შედარებით კი 1 717 184 741 დოლარით ნაკლებია (კლება –66%).

რაც შეეხება მსოფლიო ტურისტული სფეროს მაჩვენებლებს,  ვაქცინირება და “მწვანე პასპორტის” შემოღება ტურისტულ ნაკადზე ახდენს მოვლენას. გაქირავების კომპანა Airbnb-ის მაგალითზე ჩანს, რომ მომავალ წელს ტურისტული ნაკადების ზრდაა მოსალოდნელი.  “კომერსანტის” ინფორმაციით,  Airbnb–ს  მთლიანი ჯავშნები მესამე კვარტალში 48,8%-ით გაიზარდა და 11,9 მლრდ დოლარს მიაღწია.

„საერთაშორისო მოგზაურობაზე ძიების მოცულობა იზრდება, რადგან ქვეყნები, მათ შორის შეერთებული შტატები, სრულად ვაქცინირებული ვიზიტორებისთვის პანდემიასთან დაკავშირებული შეზღუდვების შემსუბუქებას იწყებენ,“ – წერს Reuters.

სააგენტოს შეფასებით, ლოკდაუნების შემსუბუქება Airbnb-ს ბიზნესის გამოჯანმრთელებაში დაეხმარა, რაც გასული წლის დასაწყისში მკვეთრად დაეცა, როცა დასვენების მსურველები შიდა მოგზაურობებზე სახლებს დიდი ქალაქებიდან მოშორებით ჯავშნიდნენ. დღეს კომპანია მოელის, რომ მისი შემოსავლები კიდევ უფრო გაიზრდება. Airbnb-ის მონაცემებით, ბიზნესის აღდგენა უფრო ჩრდილოეთ ამერიკასა და ევროპაში დომინირებს, სადაც ყოველდღიური გაქირავების საშუალო ფასი მაღალია.

premiumi.ge




მანდარინის ექსპორტი 100%–ით, თხილის კი 39%–ით გაიზარდა


mandarin_2გარემოს დაცვის და სოფლის მეურნეობის სამინისტროს ცნობით, საქართველოდან მანდარინის ექსპორტი 100%-ით გაიზარდა.

უწყების ინფორმაციით, 2021 წლის 7 ნოემბრის მდგომარეობით, საქართველოდან 478 ტონა მანდარინის ექსპორტი განხორციელდა, რაც 100%-ით აღემატება წინა წლის ანალოგიური პერიოდის მაჩვენებელს.

ექსპორტის ღირებულებამ 171 ათასი აშშ დოლარი შეადგინა და 2020 წელთან შედარებით 54%-ით გაიზარდა. 2021 წელს წარმოებული მანდარინის ექსპორტი განხორციელდა სომხეთში (383 ტონა), რუსეთში (67 ტონა), უკრაინასა (18 ტონა) და სლოვენიაში (10 ტონა).

რაც შეეხება თხილის კულტურას, აგვისტოდან 7 ნოემბრის ჩათვლით, საქართველოდან 12.4 ათასი ტონა თხილის ექსპორტი განხორციელდა, რომლის ღირებულებამ 56.4 მლნ აშშ დოლარი შეადგინა.

გასული წლის ანალოგიურ პერიოდთან შედარებით, ექსპორტირებული თხილის მოცულობა 3.5 ათასი ტონით (39%), ხოლო ღირებულება – 7 მლნ აშშ დოლარით (14%) გაიზარდა.

ქართული თხილის ექსპორტი, ძირითადად, ევროკავშირის ბაზრებზე ხორციელდება, კერძოდ, იტალიაში (5.5 ტონა), გერმანიაში (2,090 ტონა), ესპანეთში (402 ტონა), ჩეხეთში (401 ტონა), პოლონეთში (311 ტონა), ლიეტუვაში (218 ტონა), საფრანგეთში (148 ტონა), ბულგარეთში (110 ტონა), ლატვიაში (70 ტონა), საბერძნეთში (49 ტონა), ბელგიაში (41 ტონა), ესტონეთში (38 ტონა), უნგრეთსა (22 ტონა) და ხორვატიაში (20 ტონა).

2021 წლის 9 თვეში თხილისა და კაკლის ექსპორტმა 14 ათასი ტონა შეადგინა, რომლის ღირებულება 70 მლნ აშშ დოლარია.




თბილისში საქართველო-სლოვაკეთის ბიზნეს ფორუმი გაიმართა


samit, konferenciaსავაჭრო პალატის ორგანიზებით, სასტუმრო ,,თბილისი მერიოტში” საქართველო-სლოვაკეთის ბიზნეს ფორუმი გაიმართა,  რომლის ფარგლებში  სლოვაკურ და ქართულ კომპანიებს შორის ორმხრივი ბიზნეს შეხვედრები შედგა. ფორუმზე სლოვაკეთის ბიზნესდელეგაცია წარადგინეს  მსხვილმა სლოვაკურმა  კომპანიებმა ენერგეტიკის, ტურიზმის (სათხილამურო კურორტები), ტელეკომუნიკაციების, საკვები პროდუქციის, სამედიცინო და ნანო ტექნოლოგიების სექტორებიდან.

ღონისძიება სლოვაკეთის საგარეო საქმეთა მინისტრის, ივან კორკოკის ვიზიტის ფარგლებში ჩატარდა.

” უკვე მესამედ ტარდება საქართველო-სლოვაკეთის ბიზნესფორუმი, რაც იმას ნიშნავს, რომ საკმაოდ მაღალი ინტერესია ზოგადად, ევროპული ბიზნესიდან და ინვესტორებიდან, მათ შორის, სლოვაკი ბიზნესმენებიდან ჩვენი ქვეყნის მიმართ.

დარწმუნებული ვარ, რომ ბევრი ერთობლივი პროექტი შედგება, განსაკუთრებული ინტერესი, ამ ეტაპზე, უკვე გამოითქვა უკვე IT სექტორის, ენერგეტიკის მიმართ, სლოვაკეთი ასევე ცნობილია თავისი მანქანათმშენებლობის მდიდარი ტრადიციებით და ვფიქრობთ, რომ აქაც შეიძლება თანამშრომლობა, ჩვენ მზად ვართ, რომ უფრო მეტი ინვესტიცია, მეტი ერთობლივი პროექტი იყოს საქართველოში სლოვაკ ბიზნესმენებთან ერთად და ამას მხარს დავუჭერთ, მათ შორის, ჩვენი სახელმწიფო პროგრამების მეშვეობით“ – აღნიშნა თურნავამ.

ეკონომიკის მინისტრმა სლოვაკეთის მთავრობას და დელეგაციის წარმომადგენლებს, ქვეყნის სახელით, განსაკუთრებული მადლობა გადაუხადა საქართველოს სუვერენიტეტის, ტერიტორიული მთლიანობის, საგარეო პოლიტიკური პრიორიტეტების მტკიცე მხარდაჭერისა და ხელშეწყობისთვის, ასევე კოვიდ-პანდემიასთან ბრძოლის კუთხით აღმოჩენილი მხარდაჭერისთვის, მათ შორის როგორც SlovakAid-ის ფონდიდან გამოყოფილი ფინანსური დახმარებისთვის, ასევე სლოვაკეთის საგარეო და ევროპულ საქმეთა სამინისტროს თანადგომისთვის.

ნათია თურნავამ ასევე ხაზი გაუსვა SlovakAid-ის მიერ მხარდაჭერილ არაერთ პროექტს, მათ შორის პანდემიის პერიოდში რაჭის რეგიონის განვითარებაზე ორიენტირებული პროექტებს, რომელიც პანდემიით გამოწვეულ რთულ პერიოდში, ონისა და ამბროლაურის მუნიციპალიტეტებში მოღვაწე მცირე და საშუალო მეწარმეთა თანადგომას გულისხმობდა, ასევე სლოვაკეთის დახმარებისა და განვითარების სააგენტოს SlovakAid-ს თანადგომას.




პანდემიის მიუხედავად, 2020 წელს აზარტული თამაშების კომპანიების ბრუნვამ 32 მილიარდი ლარი შეადგინა


flh-palace-casino-3სტატისტიკის ეროვნულმა სამსახურმა აზარტული თამაშებით დაკავებული საწარმოების 2020 წლის ბრუნვის მოცულობის შესახებ სტატისტიკა გამოაქვეყნა.

როგორც დოკუმენტიდან ირკვევა, პანდემიისა და მძიმე ეპიდემიოლოგიური მდგომარეობის მიუხედავად, რის გამოც ქვეყანაში არაერთი შეზღუდვა საკმაოდ ხანგრძლივი დროით იყო დაწესებული, გასულ წელს ამ სექტორის ბრუნვამ 32 მილიარდ ლარს გადააჭარბა, რაც 2019 წლის მაჩვენებელზე ექვსი მილიარდი ლარით მეტია.

ბოლო 10 წლის სტატისტიკას თუ გადავხედავთ, ამ ბიზნესის ბრუნვის მოცულობა ყოველწლიურად მზარდია, თუმცა მკვეთრი მატება 2018 წლიდან დაიწყო. 2020 წელს კი, რეკორდულ ნიშნულს მიაღწია.

აზარტული თამაშებით დაკავებული საწარმოების, იგივე სამორინეების ბრუნვის მოცულობის მკვეთრი ზრდა სავარაუდოდ იმ ფაქტს უკავშირდება, რომ გასულ წელს, როდესაც სამორინეებს, როგორც სხვა ბიზნესებს, მომხმარებლების მიღება აეკრძალათ, მოქალაქეებმა ინტერნეტსივრცეში გადაინაცვლეს და ონლაინ აზარტული თამაშების პლატფორმებს მიმართეს.

მიუხედავად გაზრდილი ბრუნვისა, 2020 წელს სექტორში დასაქმების მაჩვენებელი შემცირდა. კერძოდ – 2019 წელს აზარტული თამაშებით დაკავებული კომპანიები 10,816 ადამიანს ასაქმებდნენ, 2020 წელს კი, დასაქმებულთა რაოდენობა 9 864-მდე შემცირდა. ასევე, იკლო საშუალო ხელფასმაც. 2019 წელს სექტორში საშუალო ხელფასები 467 ლარით შემცირდა და 1 599 ლარი შეადგინა.




ინფლაცია და პანდემია – რა გამოწვევბის წინაშე დგას ქვეყნის ეკონომიკა?


1368115504_1354271615_erovnuli-bankiეროვნული ბანკის ვიცე – პრეზიდენტ პაპუნა ლეჟავას განცხადებით, ფინანსური სექტორისთვის ორ მთავარ გამოწვევად პანდემია და დოლარიზაცია შეიძლება ჩაითვალოს.

„ჯერჯერობით, შეიძლება ითქვას, რომ კოვიდ-19-ის ეფექტი სრულად არ არის ამოწურული. მიუხედავად იმისა, რომ აღდგენა დაწყებულია, კოვიდ-19 რჩება ერთ-ერთ მთავარ რისკად. მისი დასრულების ტემპებთან დაკავშირებით ვადების განსაზღვრა კვლავ რთულია, შესაბამისად, კოვიდ-ვითარების გაუარესების შემთხვევაში, ამან შეიძლება დამატებითი წნეხი მოახდინოს როგორც ჯამურად, ეკონომიკაზე, ისე მთლიანად ფინანსურ სექტორზე.

ამასთან, როგორც ყოველთვის აღვნიშნავთ, დღესაც დოლარიზაციის რისკი ფინანსური სექტორისთვის მნიშვნელოვან გამოწვევად რჩება“, – განაცხადა პაპუნა ლეჟავამ.

ცნობისთვის: საქართველოს ეროვნული ბანკის ფინანსური სტაბილურობის კომიტეტმა დღეს გამართულ სხდომაზე საბანკო სექტორისთვის კონტრციკლური ბუფერი უცვლელად, 0%-ზე, დატოვა. სებ-ის გადაწყვეტილებაში ნათქვამია, რომ ამ ეტაპზე კონტრციკლური ბუფერის გაზრდა მიზანშეწონილი არაა. ამასთანავე, ეროვნული ბანკი აღნიშნავს, რომ საბანკო სისტემისთვის 2020 წელს შემსუბუქებული ბუფერების აღდგენის პროცესი, რაც დაწყებულია თავისთავად ასრულებს კონტრციკლური ბუფერის როლს, შესაბამისად უშუალოდ ამ ბუფერის გაზრდა მიზანშეწონილი არაა.

„მაღალი ინფლაცია ჩვენი ეკონომიკის უმთავრესი გამოწვევაა“ – ამის შესახებ საქართველოს ეროვნული ბანკის ვიცე-პრეზიდენტმა პაპუნა ლეჟავამ ფინანსური სტაბილურობის კომიტეტის სხდომის შემდეგ გამართულ ონლაინ პრესკონფერენციაზე მედიასაშუალებების კითხვების საპასუხოდ განაცხადა.

„მაღალი ინფლაცია ჩვენი ეკონომიკის უმთავრესი გამოწვევაა“ - პაპუნა ლეჟავა
საქართველოს ეროვნული ბანკის ვიცე-პრეზიდენტი პაპუნა ლეჟავა

სებ-ის ვიცე-პრეზიდენტმა აღნიშნა, რომ საქართველომ ინფლაციის მოსათოკად მონეტარული პოლიტიკის განაკვეთის გამკაცრების სწრაფი და ამბიციური გზა არჩია. სებ-ის შეფასებით, ქვეყანაში სხვადასხვა პროდუქტზე ფასები საერთაშორისო ბაზრებზე ინფლაციის ტენდენციების გავლენით იზრდება.

„ინფლაციის დონის მოთოკვასთან დაკავშირებით არაერთი ნაბიჯი გადავდგით, რაც პირველ რიგში, მონეტარული პოლიტიკის ზრდით გამოიხატება. 2021 წლის განმავლობაში ჩვენ მონეტარული პოლიტიკის განაკვეთი, დაახლოებით, 2 პპ-ით გავზარდეთ და 10%-ია.

უნდა გავითვალისწინოთ ინფლაციის გამომწვევი ფაქტორები და რამდენად აქვს მონეტარული პოლიტიკის განაკვეთს მასზე გავლენა. ინფლაცია მნიშვნელოვანწილად გამოწვეულია საერთაშორისო ბაზრებზე ფასების ზრდით, სხვადასხვა სოფლის მეურნეობის პროდუქტებზე, ნავთობზე და ა.შ. სადაც მონეტარული პოლიტიკის განაკვეთის ეფექტი შედარებით ნაკლებია.

ჩვენ შედარებით გამკაცრებული მონეტარული პოლიტიკის მთავარ მიზნად ვისახავთ იმას, რომ ეს დროებითი ფაქტორები, როგორიც საერთაშორისო ბაზრებზე ფასების ზრდაა ინფლაციის გრძელვადიან მოლოდინებში არ გადაიზარდოს. ჩვენ სხვა ქვეყნებისგან განსხვავებით კოვიდ-19-ის კრიზისი შედარებით უფრო მაღალი ინფლაციით დავიწყეთ, რაც განპირობებული იყო 2019 წელს მიღებული შოკებით. შესაბამისად, დავინახეთ რისკი, რომ ეს ინფლაციის მოლოდინებში გადაიზრდებოდა, ამიტომ მონეტარული პოლიტიკის განაკვეთი შედარებით უფრო სწრაფად და ამბიციურად გავამკაცრეთ, ვიდრე ეს რეგიონის სხვა ქვეყნებმა გააკეთეს. დღეს ვხედავთ, რომ ინფლაცია სხვა, მათ შორის რეგიონის და განვითარებულ ქვეყნებში იზრდება, და თითქმის ყველგან გვაქვს საპროცენტო განაკვეთების გამკაცრებული პოლიტიკა ან სხვა ინსტრუმენტების გამკაცრება, რაც საბაზრო საპროცენტო განაკვეთებზე გავლენას ახდენს“, – განმარტა პაპუნა ლეჟავამ.

ეროვნულმა ბანკმა დღეს ფინანსური სტაბილურობის ანგარიში გამოაქვეყნა, რომლის მიხედვითაც ქვეყანაში საბანკო სესხების თანაფარდობამ მთლიან შიდა პროდუქტთან მიმართებით 80%-ს მიაღწია. ეს ქვეყანაში მკვეთრად გაზრდილ ვალის ტვირთზე მეტყველებს, რადგანაც პანდემიამდე ეს მაჩვენებელი მშპ-ის 70%-ზე დაბლა იყო. ამჟამად საბანკო სესხების მშპ-თან შეფარდებით საქართველო აღემატება ჩეხეთს, პოლონეთს, რუსეთს, ბულგარეთს, მოლდოვას, ლატვიას და სხვა ქვეყნებს.

https://bm.ge




„ღვინის გზის“ პროექტში 48 ახალი ობიექტი ჩაერთვება


vino ღვინოპანდემიის მიუხედავად, საქართველოს ეკონომიკისა და მდგრადი განვითარების სამინისტროს ტურიზმის ეროვნული ადმინისტრაცია ტურისტული პროდუქტების განვითარების მიზნით მცირე-ინფრასტრუქტურულ პროექტებს აგრძელებს. როგორც ტურიზმის ადმინისტრაციაში აცხადებენ, 2021 წელს გაფართოვდა „ღვინის გზის“ პროექტში მონაწილეთა არეალი.

„წელს ადმინისტრაციამ ქვეყნის მასშტაბით 28 ახალი ღვინის ტურიზმის მასპინძელი ობიექტისათვის საგზაო მანიშნებლები დაამონტაჟა. 20 ახალი ობიექტისათვის მიმდინარეობს საგზაო მანიშნებლების მონტაჟი. საბოლოო ჯამში, წელს პროექტში 48 ახალი ღვინის მასპინძელი ობიექტი ჩაერთვება შემდეგი რეგიონებიდან: კახეთი, მცხეთა-მთიანეთი, იმერეთი, სამეგრელო, ქვემო ქართლი, შიდა ქართლი, გურია და რაჭა-ლეჩხუმი.

ადმინისტრაციამ წელს სამეგრელო-ზემო სვანეთში ექვსი სალაშქრო ბილიკი მონიშნა. ბილიკების ჯამური სიგრძე 105 კმ-ს შეადგენს. ადმინისტრაციის ორგანიზებით მიმდინარეობს სამცხე-ჯავახეთის, იმერეთისა და გურიის რეგიონების სამთო-საფეხმავლო ბილიკების მონიშვნის სამუშაოები. ბილიკების ჯამური სიგრძე შეადგენს 120 კმ-ს და პროექტი ოქტომბერში სრულდება.

ადმინისტრაციის ორგანიზებით, 2021 წელს გორის ციხის მიმდებარე ტერიტორიაზე სოციალურ ქსელებში ქალაქისა და ადგილის პოპულარიზაციის მიზნით, სასურსათო ჩარჩო დამონტაჟდა. ატენის ხეობაში კი, მდინარე ტანას სანაპიროზე მოეწყო საპიკნიკე ინფრასტრუქტურა, რომელიც ხეობის სტუმრებს კეთილმოწყობილ სივრცეს სთავაზობს.

USAID-ის პროექტის ფარგლებში, მიზნობრივ რეგიონებში დამონტაჟდა ტურისტული საინფორმაციო ცენტრების ახალი აბრები“, – აღნიშნულია ტურიზმის ადმინისტრაციის ინფორმაციაში.




622 266 საარსებო შემწეობის მიმღები ადამიანი და მუშახელის დეფიციტი წარმოებაში


derevoსაქართველოში სოფლის მეურნეობის განვითარების დამაბრკოლებელ მთავარ მიზეზად ადამიანური რესურსები სახელდება. აგრობიზნესის მხრიდან განსაკუთრებული აქცენტი კეთდება კვალიფიციური კადრების დეფიციტზე. ამ პრობლემის ერთ-ერთ განმაპირობებელ გარემოებად სპეციალისტები სოციალურ შემწეობას მიიჩნევენ, რამდენადაც იოლი ფული და სტატუსთან დაკავშირებული შეღავათები ადამაინს შრომისადმი სწრაფვის სურვილს უკარგავს. 

აგრარული სფეროს სპეციალისტი, პროფესორი პაატა აროშიძე ,,კომერსანტთან“ აცხადებს, რომ სოციალური შემწეობების გამო ადამიანები როგორც სოფლად, ასევე ქალაქშიც,  ფიზიკური შრომისგან მაქსიმალურად იკავებენ თავს.

,,ქალაქში თუ ადამიანს აქვს შემწეობა, არ უღირს, რომ მუშაობა დაიწყოს რომელიმე სექტორში, თუ გაცილებით მეტს არ აიღებს. მაგალითად, ოჯახი თუ იღებს სოციალური შემწეობით 500 ლარს, 700 ლარიან ხელფასს არ დათანხმდება, რადგან სოციალურ შეღავათებს კარგავს. არაფრის კეთებით კი ფულს იღებს. მართალია, შეუძლია ერთჯერად სამუშაოზე დასაქმდეს, არც ფულად დახმარებას დაკარგავს, მაგრამ ესეც არ უნდათ. ჩვენ უნდა მივიდეთ იმ დასკვნამდე, რომ სოციალური დახმარება რაღაც ეტაპზე კარგია, მაგრამ ოჯახის უმცროსმა შვილმა გარკვეული პერიოდის შემდეგ შეიძლება თავი დამცირებულად იგრძნოს. ოჯახი თუ ცხოვრობს სოციალურ სახლში, შვილმა შეიძლება იქ დარჩენა არც მოინდომოს, მენტალიტეტი ხელს შეუშლის. მთლიანობაში, ჩვენი მოქალაქეების უდიდეს ნაწილი მთავრობის ხელის შემყურეა და არ ცდილობს, გაექცეს შემწეობას. არის სამუშაო, დასუფთავებაში და სხვა, სადაც 200-300 ლარით მეტი შეიძლება გააკეთო, მაგრამ ამ ფასად შეღავათის დაკარგვა არ უნდათ. საკმაოდ რთულად დგას ეს საკითხი საქართველოში. ვიღაცა თუ დაგწყვეტს, რომ შეურაცხმყოფელია სახელმწიფოს კმაყოფაზე ყოფნა და თავისი საქმე დაიწყოს, გადამზადების კურსი და სხვა შესაძლებლობებია, მონდომებულ ადამიანს წინ ვერაფერი აღუდგება და სწორედ ეს უნდა დაანახოს მათ სახელმწიფომ“, – აცხადებს პაატა აროშიძე ,,კომერსანტთან“ საუბარში.

მისივე თქმით, აგრონომები, დარგის ექსპერტები, ტექნოლოგები თუ სხვა მაღალი დონის სპეციალისტები ქვეყანაში ძალიან ცოტაა. რთულია მასშტაბური აგრო-პროექტების მენეჯერების, სპეც-ტექნიკის ოპერატორების, ტექნიკოსების თუ დამხმარე სპეციალისტების მოძიება. შესაბამისად, წარმოების ზრდა და ხარისხის გაუმჯობესება სერიოზული გამოწვევაა სოფლის მეურნეობაში.

შესაბამისად,  მსხვილი, საშუალო და მცირე მეწარმე, კომპანიები, ფერმერული მეურნეობები – ყველგან, სადაც კი პროდუქტი იქმნება, მუშახელის არნახულ დეფიციტს განიცდიან.

ერთ-ერთი მიზეზი, როგორც აროშიძე განმარტავს, მიგრაციული პროცესია, თუმცა ასევე დიდია მენტალური ფაქტორიც, შრომისადმი ქართველი ხალხის დამოკიდებულება.Минсельхоз Франции предложил поменять карантин на работу в поле | ROSNG.ru

,,ბოლო რამდენიმე წელია, სოფლად მუშახელის დიდი სიმცირეა, რაც მოსავლის აღების პერიოდს ახანგრძლივებს. არის სოფლები, სადაც შრომისუნარიანი ადამიანები ფაქტობრივად აღარც დარჩნენ. ვინც წასულია სოფლიდან, ურჩევნია მშენებლობაზე წავიდეს ან თუნდაც ტაქსაობით ირჩინოს თავი, ვიდრე სოფლად დასაქმდეს. ამას განაპირობებს ის გარემოებაც, რომ რეგიონებში მძიმე სოციალური ფონია, რეალურად განათლების დონე ქალაქში მეტია, ასევე ტექნოლოგიებზე ხელმისაწვდომობა, ინტერნეტიზაცია არ არის დასრულებული და ამ ყველაფრის გამო ადამიანს ურჩევნია დასაქმდეს ქალაქში, ვიდრე სოფელში ეძებოს სამუშაო. უმუშევარ ქალაქელ კაცს, როგორც არ უნდა უჭირდეს, არ მოუვა აზრად, რომ წავიდეს და სოფელში ეძებოს სამუშაო, მაგალითისთვის, სამეგრელოში თხილის მოსავლის აღებისას, ბათუმში – ციტრუსის და კახეთში რთველზე დაკავდეს. ამით დიდად არც დროებით ქალაქში მცხოვრებლები იკლავენ თავს, ვინც სოფლის პრობლემას გამოექცა, მას დაქირავებულ მუშად უკან დაბრუნება არ უნდა“, – ამბობს პაატა აროშიძე.

იგი მუშახელის დეფიციტთან ერთად, შრომის ანაზღაურების პრობლემაზეც საუბრობს.

,,მთავრობამ უნდა გაკეთოს ანალიზი, რა სამუშაოებზე საქმდებიან უცხოეთში ქართველები. ეს არის ძირითადადა თხილის ან ჩაის სეზონი, რა მხრივაც თურქეთში დასაქმების დიდი შესაძლებლობაა. მუშახელი რომ ჩავანაცვლოთ, აუცილებელია მაქსიმალურად დამუშავდეს მიწები და მოთხოვნა გაჩნდეს. მეორე მხარეა, შეძლებს თუ არა ქართველი ფერმერი ადგილობრივ მუშახელს გადაუხადოს იმდენი, რამდენსაც ჩვენი თანამემამულეები თურქეთში იღებენ. ძალიან კარგი იქნება, თუკი ქართველებს სხვა ქვეყნებში დასაქმება მონური პირობის ხარჯზე არ მოუწევთ, მაგრამ ამის რესურსს ჯერჯერობით ვერ ვხედავ“, – ამბობს აროშიძე.

სოციალური მომსახურების სააგენტოს ცნობით, მოქმედი მეთოდოლოგიით შეფასებულ (შესწავლილ) ოჯახებზე გათვალისწინებულია საარსებო შემწეობის ოდენობები ასე განისაზღვრება:

  • ოჯახი, რომლის სარეიტინგო ქულაც 30 001-ზე ნაკლებია – საარსებო შემწეობა განისაზღვრება 60 ლარით ოჯახის ყველა წევრზე;
  • ოჯახი, რომლის სარეიტინგო ქულაა 30 001 და მეტი, მაგრამ ნაკლებია 57 001 ქულაზე – საარსებო შემწეობა განისაზღვრება 50 ლარით ოჯახის ყველა წევრზე;
  • ოჯახი, რომლის სარეიტინგო ქულაა 57 001 და მეტი, მაგრამ ნაკლებია 60 001 ქულაზე – საარსებო შემწეობა განისაზღვრება 40 ლარით ოჯახის ყველა წევრზე;
  • ოჯახი, რომლის სარეიტინგო ქულაა 60 001 და მეტი, მაგრამ ნაკლებია 65 001 ქულაზე – საარსებო შემწეობა განისაზღვრება 30 ლარით ოჯახის ყველა წევრზე;
  • ოჯახი, რომლის სარეიტინგო ქულაც 120 001-ზენაკლებია: 120 001-ზე ნაკლები ქულის მქონე ოჯახი, ყოველ 16 წლამდე ასაკის წევრზე მიიღებს 100 ლარის ოდენობის შემწეობას.

აღსანიშნავია, რომ საქართველოში სიღარიბის მკვეთრი ზრდა სწორედ სამუშაო ადგილების შემცირებას უკავშირდება. მდგომარეობა ამ მხრივ საკმაოდ მძიმეა. სტატისტიკის სამსახურის მონაცემებით, მხოლოდ ივლისში საარსებო შემწეობის მიმღებთა რაოდენობა 66 609 ადამიანით გაიზარდა და 2021 წლის ივლისში 622 266 შეადგინა. გასული წლის ანალოგიურ პერიოდში კი საარსებო შემწეობას 487 790 ადამიანი იღებდა. ზრდა 27,5%-ია.

გაიზარდა სოციალური მომსახურების სააგენტოს ბაზაში რეგისტრირებულთა რაოდენობაც, ანუ მათი რიცხვი, ვინც თვლის, რომ ღარიბია და დახმარებას საჭიროებს. უფრო კონკრეტულად, 2021 წლის ივნისში ასეთი ადამიანების რიცხვი    1 054 567 იყო, ივლისში კი 1 059 422 შეადგინა.

commersant.ge