"ჭკვიანი" ტექნიკა, ეკო–ტარნსპორტი, საბაგირო – თბილისის მერიის ახალი პროექტები


WAP.NewPosts.geდედაქალაქის მერმა, კახა კალაძემ პრეზენტაცია – „მდგრადი მობილობა თბილისისთვის“ გამართა. თბილისის მერმა სატრანსპორტო პოლიტიკის მიზნებსა და სამომავლოდ დაგეგმილ პროექტებზე ისაუბრა.

როგორც მან აღნიშნა, ქალაქში არსებული ეკოლოგიური მდგომარეობის გასაუმჯობესებლად, მთელი რიგი ღონისძიებებია დაგეგმილი. მათ შორის, სკვერების განახლება-რეაბილიტაცია, ახალი საქალაქო პარკების მშენებლობა და სამშენებლო მიმართულებით რეგულაციების დაწესება, რათა ჰაერის დაბინძურების მაჩვენებელი მაქსიმალურად გამოსწორდეს.

„მნიშვნელოვანია, რომ ხელმისაწვდომი იყოს საავტობუსე ქსელი და ავტობუსების პარკის განახლება. ამ მიმართულებით, უკვე კონკრეტული ნაბიჯებია გადადგმული, დაწყებული გვაქვს ავტობუსების პარკის განახლება და წლის ბოლოს არსებულ ე.წ. ყვითელ ავტობუსებს სრულად ჩავანაცვლებთ. ასევე, ჩვენი სატრანსპორტო პოლიტიკის ნაწილია საცობებისა და ჰაერის დაბინძურების მაჩვენებლის შემცირება, რომელიც ქალაქისთვის სერიოზულ პრობლემას წარმოადგენს. რა თქმა უნდა, შესაძლებელია, ეს ყველაფერი საზოგადოებრივი ტრანსპორტის განახლებით მოწესრიგდეს, თუმცა არსებულ ეკოლოგიურ მდგომარეობას მხოლოდ ეს კომპონენტი ვერ მოაგვარებს“, – აღნიშნა კახა კალაძემ.

მერის განცხადებით, თბილისის სატრანსპორტო პოლიტიკა ასევე, მოიცავს ინკლუზიური საფეხმავლო, შესაბამისი ველოინფრასტრუქტურის მოწყობასა და განვითარებას. კერძოდ, სხვადასხვა რაიონში მიმდინარე სამუშაოების დროს, სადაც ამის შესაძლებლობა არსებობს, ყველგან გათვალისწინებულია ველობილიკები და ყველგან ფართოვდება ტროტუარები.

„ელექტრო და ეკო-მეგობრული ტრანსპორტის წახალისების მიმართულებით, ქალაქის ქუჩებში ელექტროდამტენების მონტაჟი დავიწყეთ. ელექტრომობილების მფლობელებს სრულიად უფასოდ ვაძლევთ შესაძლებლობას, რომ დამტენებით ისარგებლონ. იცით, რომ ელექტრომობილების მფლობელები საბაჟო გადასახადისგან სრულად არიან გათავისუფლებული, მათთვის პარკირებაც უფასოა. ვფიქრობ, რომ ეს კონკრეტული ღონისძიებები ელექტრომობილების მფლობელებს წაახალისებს“, – განაცხადა კახა კალაძემ.

დედაქალაქის მერია მუშაობს სხვადასხვა სატრანსპორტო საშუალებების განვითარებისა და ინტეგრაციის მიმართულებითაც. თბილისში ორი ახალი საბაგირო გზა მოეწყობა –  სამგორისა და ნაძალადევის რაიონებში.

„ჩვენ ამ მიმართულებით, მთელი რიგი კვლევები გვაქვს ჩატარებული და გამოკვეთილი გვაქვს ორი კონკრეტული ხაზი, სადაც შეიძლება საბაგიროს პროექტის განხორციელება. ესენია: ისნისა და ნაძალადევის რაიონები. ვფიქრობთ, რომ პირველი პროექტის განხორციელებას ისნის რაიონში მომავალი წლის დასაწყისში შევძლებთ და უკვე შემდეგი წლის ბოლოსთვის სამუშაოები ნაძალადევის რაიონში დაიწყება. პროექტების განხორციელება მნიშვნელოვანია იმ თვალსაზრისით, რომ ინტეგრირება მოხდეს, როგორც ავტობუსის მეტროსთან, ასევე, მეტროს – საბაგიროსთან და პირიქით, რაც ხელს შეუწყობს მოქალაქეების სწრაფ და კომფორტულ გადაადგილებას“, – აღნიშნა თბილისის მერმა.

კახა კალაძის განცხადებით, გარდა ამისა, ქალაქში ხორციელდება გონიერი („ჭკვიანი“) სატრანსპორტო სისტემის დანერგვა და ნაკადების ავტომატიზებული მართვა.  წარმატებით მიმდინარეობს ზონალურ-საათობრივი პარკირების სისტემის დანერგვა, რომელიც 10 სექტემბრიდან საბურთალოს რაიონს მოიცავს. ასევე, დაწყებულია ტაქსის რეფორმა.

რაც შეეხება მეტროს ინფრასტრუქტურის მოწესრიგებასა და მოძრავი შემადგენლობების განახლებას,  ამ მიმართულებითაც კონკრეტული ნაბიჯებია გადადგმული. კერძოდ, დაწყებულია მეტროს იმ ვაგონების რეაბილიტაცია, რომელიც განახლებას ექვემდებარება. ასევე, გამოცხადებულია ტენდერი მეტროს ახალი შემადგენლობების შესყიდვასთან დაკავშირებით.

სატრანსპორტო პოლიტიკის პრეზენტაციას მერის მოადგილეები, საკრებულოსა და პარლამენტის დეპუტატები, დარგის ექსპერტები და არასამთავრობო ორგანიზაციების წარმომადგენლები ესწრებოდნენ.

 

 




აია სოფიაში ფრესკებს დაჩრდილავენ ან ფარდით დაფარავენ


Храм святой Софии в Стамбулеაია სოფიას საკითხთან დაკავშირებით თურქეთს სანქციები ემუქრება. საბერძნეთის მთავრობის წარმომადგენლის სტეცოს პესასის განცხადებით, შესაბამისი საკითხი დაყენებული იქნება ევროსაბჭოს უახლოეს სამიტზე. თურქეთის გადაწყვეტილება, ტაძარში მეჩეთის გახსნის თაობაზე კვიპროსის პრეზიდენტმა ” მსოფლიო მემკვიდრეობის ობიექტის შებილწვად” შეაფასა.

სხვათაშორის, ბრიუსელში ბოლო მომენტამდე არ სჯეროდათ, რომ თურქეთი ამ ნაბიჯს გადაგამდა.

“წმ. სოფიას ტაძარი რელიგიებისა და კულტურების მშვიდობიანი თანაარსებობის გლობალური სიმბოლოა. ეს იონესკოს მულტიკულტურული მემკვიდრეობის ნაწილია, ეს მუზეუმია, სიმბოლო. ასევე სტამბოლის სიმბოლოა, იმ ქალაქის, რომელმაც ევროპული კულტურის ჩამოყალიბებაში წვლილი შეიატანა”–  ასე განაცხადა ერდოგანმა 2010 წელს.  ახლაც ამის გაგონება გვსურს მისგან, ასეთ მიდგომას ველით ერდოგანისგან ათი წლის შემდეგ. “– განაცხადა ევროკომისიის ვიცე–პრეზიდენტმა მარგარიტის შოინასმა.

არსებულ   ვალდებულებებზე ანკარას “იუნესკომაც”  შეახსენა:

“წმიდა სოფია როგორც “სტამბოლის ისტორიული უბნების ” ნაწილი მსოფლიო მემკვიდრეობის სიაში მუზეუმის სახით შედის.  ამ სტატუს  მთელი რიგი სამართლებრივი  ვალდებულებები მოყვება, რაც  ნიშნავს, რომ  მთვარობა ვალდებულია უზრუნველყოს აღნიშნულ ტერიტორიაზე ობიქტის საყოველთაო ფასეულობის სტატუსის ხელშეუხებლობა.”– აღნიშნეს “იუნესკოში”.

Афиша

ჯერჯერობით უცნობია რა ბედი ეწევა ძველებურ ფრესკებს, ტაძარში დაცულია უფლის და ღვთისმშობლის, მოციქულების, წმინდანების და მართლმადიდებელი იმპერატორების ხატები. თავიდანვე,  როდესაც  ოსმალეთმა აია სოფიას ტაძარი მეჩეთად აქცია, ხატები გადაათეთრეს.  მსგავსი საშიაროება ახლაც არსებობს.  იმ შემთხვევაში, თუ თურქეთი მაინც გადაწყვეტს ფრესკების ბათქაშით დაფარვას,  კულტურული და ისტორიული თვალსაზრისით ტაძრაში შესვლას აზრი დაეკარგება.

თურქეთის წარმომადგენლები  ამბობენ, რომ ბათქაშის გამოყენებას არ აპირებენ, ლოცვის დროს ფრესკებს სპეციალური ტექნოლოგიის მეშვეობით დაჩრდილავენ. ტექნოლოგიის ტესტირება უკვე მიმდინარეობას და თუ არ გაამართლებს, ფრესკებს უბრალოდ ფარდებით დაფარავენ.

წმ. სოფიას ტაძარი მუზეუმის სტატუსს 86 წლის განმავლობაში ატარებდა. ორიოდე დღის წინ, თურქეთის მთავრობის გადაწყვეტილებით, ტაძარმა  ეს სტატუსი დაკარგა. ახლა იქ მეჩეთი გაიხსნება.




ფინანსთა მინისტრმა განმარტა რა რისკებთან არის დაკავშირებული საერთაშორისო ტურიზმის აღდგენა


WAP.NewPosts.geსაერთაშორისო ტურიზმის დაუფიქრებელი გახსნა და მასთან დაკავშირებული ეპიდემიოლოგიური რისკები საქართველოში შიდაეკონომიკური აქტივობას დააგდებს. ამის შესახებ ფინანსთა მინისტრმა „იმედის“ გადაცემაში „არენა“ განაცხადა. ივანე მაჭავარიანის თქმით, უცხოელი ტურისტების ქვეყანაში დაბრუნების საკითხში ქვეყანამ ბალანსი უნდა დაიცვას, რადგან ეპიდსიტუაციის გაუარესების შემთხვევაში შეზღუდვები კვლავ დაწესდება.

„როგორც კი გახსნას დაიწყებ და მინიმალური გავრცელებაც იქნება, ეს მსხვილი რისკის მატარებელი ადგილები ისევ უნდა შეზღუდო. და ეს შეზღუდვა უნდა გიღირდეს. შეიძლება სამ თვეში წავიდეთ ამაზე – ისევ შევზღუდოთ მსხვილი რისკის მატარებელი (ღონისძიებები).მაგალითად, კონცერტები არ იყოს, კინო არ იყოს. სამაგიეროდ, სიიდან პირველ ათეულს რომ გავუხსნით ან პირველ ოცეულს, გვეღირება. გვეცოდინება, რომ ვიზღუდებით, შიდაეკონომიკური აქტივობა ნელდება, მაგრამ კომპენსირდება საკმაოდ დიდი რაოდენობა ტურიზმის“, – განმარტა მაჭავარიანმა.

მინისტრის თქმით, რეალური რისკი და პოტენციური სარგებელი არ ბალანსდება. ზოგიერთი ამბობს, რომ ეს რისკი 2-3 თვის შემდეგაც იქნება და ამიტომ საზღვრების გარდაუვალია, მაგრამ რისკი უნდა ავიღოთ იმ მიმართულებებზე, საიდანაც კორონავირუსის გავრცელების ალბათობა დაბალია, მაგრამ ტრადიციულად მაღალია ტურისტების ნაკადი და, შესაბამისად, შემოსავლები. ეს არის დაბალანსებული და სწორი რისკი.

„მთავარი ის არის, თუ ზოგადად რატო ვართ ფრთხილები საზღვრების გახსნასთან დაკავშირებით. იქ, საიდანაც ტურისტების ლომის წილი შემოდიოდა, ეს ქვეყნები, სამწუხაროდ, დღეს ან ეპიდემიის პიკში არიან, ან ეპიდემია ჯერ არ დაუმარცხებიათ. მიუხედავად იმისა, რომ ევროკავშირში ჩვენს მეზობელ ქვეყნებთან შედარებით უფრო დაბალი გავრცელებაა, რისკი მაინც არსებობს. შეიძლება ჩვენ ასეთი რეალური სურათი მივიღოთ, რომ ეკონომიკურად ძალიან მცირე შედეგს მივიღებთ, მაგრამ ტურისტების რაოდენობა საკმარისი იქნება იმისთვის, რომ საქართველოში ვირუსი გაავრცელონ.

რეალური რისკი და პოტენციური სარგებელი არ ბალანსდება. ზოგიერთი ამბობს, რომ ეს რისკი 2-3 თვის შემდეგაც იქნება და ამიტომ საზღვრების გარდაუვალია, მაგრამ რისკი უნდა ავიღოთ იმ მიმართულებებზე, საიდანაც კორონავირუსის გავრცელების ალბათობა დაბალია, მაგრამ ტრადიციულად მაღალია ტურისტების ნაკადი და, შესაბამისად, შემოსავლები. ეს არის დაბალანსებული და სწორი რისკი. არასწორი იქნება რისკი, თუ ჩვენ გავუხსნით საზღვარს ქვეყანას, საიდანაც ბევრი ტურისტი შემოდის და ვირუსის გავრცელების რისკიც დიდია.

ევროკავშირის ქვეყნებს ჩვენ შემდეგნაირად ვუდგებოდით – იქ, საიდანაც ჩამომსვლელების რაოდენობა ასე თუ ისე მატერიალურად საინტერესოა, მაგალითად, აღმოსავლეთ ევროპის ან ბალტიის ქვეყნები, და, ამავდროულად, რისკი დაბალია, ეს უკვე ნიშანია, რომ მოლაპარაკებების დაწყება და საზღვრის გახსნა შეიძლება. მაგალითად, იტალიამ საქართველოს საზღვარი არ გაუხსნა საზღვარი. რატომ, საქართველო ხომ უსაფრთხოა? თუმცა მათ შეხედეს, რომ მატერიალური თვალსაზრისით ეს არაა საინტერესო მიმართულება და ის მინიმალური, ნოლთან მიახლოებული რისკიც კი არ აიღო, თუმცა დიდ ბრიტანეთს გაუხსნეს საზღვარი, საიდანაც გავრცელების რისკი უფრო დიდია, მაგრამ ამ რისკზე წასვლა იტალიას უღირს, იმიტომ რომ ბევრი ადამიანი ჩავა და შემოსავალს მოუტანს ქვეყანას. ჩვენც ამ ლოგიკით უნდა ვიხელმძღვანელოთ“, – განაცხადა მაჭავარიანმა.

როგორც მინისტრმა  აღნიშნა,  ჩვენ ტრადიციულ ტურისტულ ბაზრებთან  საზღვრები მხოლოდ მაშინ გაიხსნება, როდესაც ისინი დაამარცხებენ ეპიდემიას და მიაღწევენ მეტ-ნაკლებად უსაფრთხო მაჩვენებელს. რისკი უნდა დაბალანსდეს პოტენციურ სარგებელთან, თორემ ხელში მხოლოდ რისკი შეგვრჩება.

„ხშირად ამბობენ, რომ ტურიზმს ჩვენს ეკონომიკაში 20%-იანი წილი ჰქონდა, ეს ასე არაა. ტურიზმის წმინდა კონტრიბუცია არის 10-12 პროცენტის ფარგლებში. ეს ძალიან დიდი მაჩვენებელია, ამიტომაც დიდია დარტყმა. მოკლე ვადაში ამ სექტორს შეუმსუბუქდა საგადასახადო ტვირთი, თუმცა ეს დახმარებაც ძალიან მცირედია. ტურიზმის ჩანაცვლება იოლად ვერ მოხდება. წელს ჩვენ გვექნება საკმაოდ დიდი ხარჯები, რათა ნაწილობრივ მაინც მოვახდინოთ ამ 12%-ის კომპენსაცია და, რაც მთავარია, სისულელეები არ უნდა ვაკეთოთ. დროზე ადრე არ უნდა შევწიროთ საქართველოში ეპიდემიოლოგიური სიტუაცია და არ უნდა გამოვეკიდოთ დღესვე ტურიზმს, რომელიც ამ ნეგატიურ მოვლენას ვერ დააკომპენსირებს, და 2-3 თვეში მივაღწიოთ ტურიზმის მდგრად ზრდას.

როდესაც ჩვენი ტრადიციული ტურისტული ბაზრები დაამარცხებენ ეპიდემიას და მიაღწევენ მეტ-ნაკლებად უსაფრთხო მაჩვენებელს, საზღვრები მათთან მხოლოდ მაშინ გაიხსნება. რისკი უნდა დაბალანსდეს პოტენციურ სარგებელთან, თორემ ხელში მხოლოდ რისკი შეგვრჩება. ჩვენ ტურისტი გვინდა თუ კორონავირუსი? თუ გვინდა, რომ მხოლოდ კორონავირუსი შეგვრჩეს, ამით ადგილობრივ ტურიზმსაც დავაფრთხობთ. ციფრები თვითონ მეტყველებენ ყველაფერზე და თითოეულმა მეწარმემ თუ ტურიზმში დასაქმებულმა ადამიანმა, რომელიც ამ ციფრებს შეხედავს, თვითონვე გავა ლოგიკურ დასკვნამდე, როდის და ვის უნდა გავუხსნათ საზღვრები“, – განაცხადა მაჭავარიანმა.




გაერო-ს ადამიანის უფლებათა საბჭომ საქართველოს ოკუპირებული ტერიტორიების შესახებ რეზოლუცია მიიღო


ჟენსაქართველო გაეროს ადამიანის უფლებების საბჭოს წევრად აირჩიესევაში, გაერო-ს ადამიანის უფლებათა საბჭომ 43-ე სესიის ფარგლებში, საქართველოს ოკუპირებული ტერიტორიების შესახებ რეზოლუცია – „თანამშრომლობა საქართველოსთან“ მიიღო. რეზოლუცია 20 ხმით ორის წინააღმდეგ დაამტკიცეს. კენჭისყრაში მონაწილეობისგან თავი შეიკავა 24-მა ქვეყანამ.

საქართველოს საგარეო უწყების ინფორმაციით, რეზოლუციაში ადამიანის უფლებათა საბჭო კიდევ ერთხელ ადასტურებს საერთაშორისოდ აღიარებულ საზღვრებში საქართველოს სუვერენიტეტისა და ტერიტორიული მთლიანობის მხარდაჭერას. დოკუმენტში აღიარებულია საქართველოს მთავრობის ძალისხმევა ქვეყანაში დემოკრატიის, კანონის უზენაესობისა და ადამიანის უფლებათა განმტკიცების კუთხით.

ამასთან, საბჭო მიესალმება საქართველოს მთავრობის თანამშრომლობას გაერო-ს ადამიანის უფლებათა უმაღლესი კომისრის ოფისთან და ადამიანის უფლებათა დაცვის სხვა, რეგიონულ თუ საერთაშორისო მექანიზმებთან.

რეზოლუციაში ადამიანის უფლებათა საბჭო გამოთქვამს სერიოზულ შეშფოთებას საქართველოს აფხაზეთისა და ცხინვალის რეგიონებში ეთნიკური ქართველი მოსახლეობის წინააღმდეგ დაფიქსირებული სხვადასხვა სახის დისკრიმინაციის, სიცოცხლის უფლების დარღვევის, თავისუფლების აღკვეთის, უკანონო დაკავებებისა და გატაცებების, საკუთრების უფლებისა და ჯანდაცვის უფლების დარღვევის, ასევე  მშობლიურ ენაზე განათლების მიღების შეზღუდვისა და იძულებით გადაადგილებულ პირთა საკუთრების მიზანმიმართული ნგრევის პრაქტიკის განახლებასთან დაკავშირებით და ეთნიკური ქართველების სიცოცხლის უფლების დარღვევის ფაქტებზე დაუსჯელობის გამო.

რეზოლუცია გამოხატავს სერიოზულ შეშფოთებას საოკუპაციო ხაზის გასწვრივ და მის მიღმა მავთულხლართებისა და სხვა ხელოვნური ბარიერების აღმართვის განგრძობითი პროცესის გამო და ხაზს უსვამს, რომ ორივე რეგიონში ადამიანის უფლებათა მდგომარეობა განსაკუთრებით გაუარესდა გადაადგილების თავისუფლებაზე მზარდი შეზღუდვების შემოღებით.

რეზოლუცია ასევე საუბრობს იმ ნეგატიურ შედეგებზე, რასაც ე.წ. გადასასვლელების ჩაკეტვა იწვევს აფხაზეთისა და ცხინვალის რეგიონების მოსახლეობაზე, რაც კიდევ უფრო ამძიმებს იქ არსებულ სოციალურ და ეკონომიკურ მდგომარეობასა და მოსახლეობის იზოლაციას.

რეზოლუციაში ადამიანის უფლებათა საბჭო ოკუპირებულ ტერიტორიებზე უსაფრთხოების, სტაბილურობის, ადამიანის უფლებათა და ჰუმანიტარული საკითხების მიმართულებით, ხაზს უსვამს ჟენევის საერთაშორისო მოლაპარაკებების მნიშვნელობას, რომელიც 2008 წლის 12 აგვისტოს ცეცხლის შეწყვეტის შესახებ შეთანხმების საფუძველზე შეიქმნა. ამასთანავე, დოკუმენტში გამოთქმულია შეშფოთება, რომ იძულებით გადაადგილებული პირები  და ლტოლვილები, კვლავაც ვერ ახერხებენ თავიანთ საცხოვრებელ სახლებში უსაფრთხოდ და ღირსეულად დაბრუნებას.

რეზოლუციაში გამოთქმულია აგრეთვე შეშფოთება, რომ რეგიონულ და საერთაშორისო მონიტორინგის მექანიზმებს არ ეძლევათ აფხაზეთისა და ცხინვალის რეგიონებში შესვლის საშუალება. აღნიშნულიდან გამომდინარე, დოკუმენტში არის მოწოდება – მოხდეს უმაღლესი კომისრის ოფისისა და მონიტორინგის სხვა მექანიზმების საქართველოს ოკუპირებულ ტერიტორიებზე დაუყოვნებლივი შეღწევის უზრუნველყოფა.

ადამიანის უფლებათა საბჭო, მიღებული რეზოლუციით ავალებს გაერო-ს ადამიანის უფლებათა უმაღლეს კომისარს, საბჭოს მომდევნო, 44-ე და 45-ე სესიებზე, რეზოლუციაში ასახულ საკითხებთან დაკავშირებით წარმოადგინოს ზეპირი და წერილობითი ანგარიშები.

საქართველოს რეზოლუცია გაერო-ს ადამიანის უფლებათა საბჭოს სხდომაზე  საგარეო საქმეთა მინისტრის მოადგილემ, ლაშა დარსალიამ წარადგინა ვიდეომიმართვის საშუალებით.

თავის გამოსვლაში მინისტრის მოადგილემ ასევე დეტალურად მიმოიხილა ადამიანის უფლებათა უმაღლესი კომისრის შესაბამისი ანგარიშები, რომლებშიც ასახულია რუსეთის მიერ აფხაზეთისა და ცხინვალის ოკუპირებულ რეგიონებში არსებული მძიმე ჰუმანიტარული მდგომარეობა და ადამიანის უფლებების ის უხეში დარღვევები. მინისტრის მოადგილემ განსაკუთრებით ხაზი გაუსვა, რომ მიუხედავად COVID-19 პანდემიისა, რუსეთის ფედერაცია განაგრძობს დესტრუქციულ ქმედებებს საქართველოს წინააღმდეგ ჰიბრიდული ინსტრუმენტების გამოყენებით, მათ შორის, საოკუპაციო ხაზის გასწვრივ მავთულხლართების აღმართვის უკანონო პროცესის ინტენსიფიკაციით. რუსეთის საოკუპაციო ხაზის გასწვრივ ე.წ. „გადასასვლელების“ ჩაკეტვამ და სასწრაფო სამედიცინო ევაკუაციაზე უარის თქმამ, გამოიწვია ადგილზე მძიმე ჰუმანიტარული სიტუაციის კიდევ უფრო გაუარესება, მათ შორის უდანაშაულო ადამიანების სიკვდილის ფაქტები.

მინისტრის მოადგილემ ისაუბრა ცხინვალის რეგიონის მკვიდრის ჯუმბერ მილაძეს გარდაცვალების ფაქტზე, როდესაც საოკუპაციო რეჟიმის მხრიდან მას არ მისცა სამედიცინო ევაკუაციის საშუალება, (გასული წლის სექტემბერში საოკუპაციო ხაზის დახურვის დღიდან, ეთნიკურად ქართველი მოსახლეობის სიკვდილიანობის რაოდენობა 14-მდე გაიზარდა).

ქართული მხარის მიერ ინიცირებული რეზოლუციის განხილვისას, მხარდამჭერი განცხადებები გაკეთდა პარტნიორების, მათ საბჭოს წევრებს რეზოლუციის მხარდაჭერისკენ მოუწოდეს.

 




"ქართულმა ოცნებამ" 20 ივნისის მოვლენებთან დაკავშირებით განცხადება გაავრცელა


ქართული ოცნება' მაჟორიტარი ...პოლიტიკური გაერთიანება „ქართული ოცნება – დემოკრატიული საქართველო“ 20 ივნისის მოვლენებთან დაკავშირებით განცხადებას ავრცელებს.

როგორც განცხადებაშია აღნიშნული, დღეს, ერთი წელი შესრულდა 20 ივნისის მოვლენებიდან და მნიშვნელოვანია, რომ შედარებით მშვიდ ემოციურ ფონზე, კიდევ ერთხელ შეფასდეს/სახელი დაერქვას გასულ წელს განვითარებულ მოვლენებს.

„საქართველომ ბევრი იბრძოლა თავისუფლებისთვის და დღეს ყველამ ვიცით, რომ თავისუფლება პირველ რიგში დიდი პასუხისმგებლობაა. ასეთ დროს, განსაკუთრებულ მნიშვნელობას იძენს საზოგადოებრივი კონტროლი ხელისუფლებაზე, თუნდაც ჯანსაღი ფორმით გამოხატული მკაცრი პროტესტი, რომელიც ხელისუფლებას შეცდომაზე მიუთითებს, გამოაფხიზლებს და არც მომავალში მისცემს მოდუნების საშუალებას.

დემოკრატიული მმართველობის პირობებში, ეს, ხელისუფლების პრობლემა კი არა, ქვეყნის სიმდიდრეა. სამწუხაროდ, არცთუ იშვიათად, ჯანსაღი, აქტიური პროტესტი ქაოსსა და ძალადობაში იზრდება და ამის მაგალითს, ჩვენ, არამხოლოდ საქართველოში ვხედავთ. რასაკვირველია, ასეთ დროს, ნებისმიერი პასუხისმგებლიანი ხელისუფლების პირდაპირი ვალდებულებაა, დაიცვას კანონი, სახელმწიფო და საზოგადოება პროცესების კონსტიტუციური წესრიგიდან გასვლისგან, განუკითხაობისა და ძალადობისგან. ეს გახლავთ სწორედ ზემოთხსენებული „თავისუფლების პასუხისმგებლობით“ ნაკარნახევი ვალდებულება. დღეს, როცა 20 ივნისის მოვლენებს ვაფასებთ, მომხდარის გაანალიზება სწორედ ამ რაკურსიდან უნდა ვცადოთ, რათა მომავალში მინიმუმადე დავიყვანოთ უკიდურესად დამაზიანებელი პროცესების რეციდივის შანსი.”– ნათქვამია განცხადებაში.

“ქართულ ოცნებაში” აღნიშნავენ, რომ გასულ წელს სამწუხარო შეცდომა დუშვეს, ხოლო ოპოზიცია შეეცადა  საზოგადოების პროტესტი საკუთარი პოლიტიკური მიზნებისთვის გამოეყენებინა.

 “შარშან, ხელისუფლების მიერ დაშვებულ სამწუხარო შეცდომას, საზოგადოების პროტესტი მოჰყვა; ხელისუფლებამ აღიარა დაშვებული შეცდომა და პოლიტიკური პასუხისმგებლობაც აიღო. სამწუხაროდ, დესტრუქციული ოპოზიცია შეეცადა, ეს პროტესტი საკუთარი პოლიტიკური მიზნებისთვის გამოეყენებინა და საპროტესტო ტალღა ძალადობრივ აქციაში გადაზარდა. პარლამენტის შენობასა და საპოლიციო ძალებზე მათ ინტენსიური შტურმი მიიტანეს და ფაქტიურად, ხელისუფლების ძალადობრივი გზით დამხობა სცადეს. მიუხედავად იმისა, რომ პარლამენტის შენობაში ძალადობრივი შეჭრის მცდელობა, პრაქტიკულად, ყველა ტელევიზიის პირდაპირ ეთერში ხორციელდებოდა და შტურმის ორგანიზატორთა თუ აქტიურ მონაწილეთა მიმართ უტყუარი მტკიცებულებები დაგროვდა, ოპოზიცია, კარგა ხანი, მისთვის ჩვეული უტიფრობით უარყოფდა ფაქტებს, რომლებიც მთელმა საქართველომ საკუთარი თვალით იხილა. თუმცა, გასული ერთი წლის განმავლობაში, ოპონენტებმა არაერთხელ, პირდაპირ თუ ირიბად, დაადასტურეს, რომ 2019 წლის 20-21 ივნისს, მშვიდობიანი საპროტესტო აქციის პარლამენტის შენობაზე მიტანილ შტურმში გადაზრდა, მათ მიერ სპეციალურად დაგეგმილი ოპერაცია იყო, რომლის მიზანს პოლიციის მხრიდან ძალის გამოყენების პროვოცირება წარმოადგენდა, რათა ხელოვნურად შექმნილიყო ხელისუფლების დამხობის საბაბი”.– აღნიშნულია განცხადებაში.

პარტიაში მიაჩნიათ, რომ სამართებლივი და პოლიტიკური პასუხისმგებლობა  20 ივნისის დანაშაულებრივი ავანტიურის ორგანიზატორებს ეკისრებათ, რადგან დაზიანება მიიღეეს როგორც საპროტესტო აქციის  მონაწილეებმა, ასევე პოლიციელებმა და მედიის წარმომადგენლებმა.

“2007 წლის 7 ნოემბრის და 2011 წლის 26 მაისის სისხლიანი დარბევების ავტორთა გათვლა ცინიკური და ამორალური იყო – მათ კარგად უწყოდნენ, რომ ქართული საზოგადოება უკიდურესად მტკივნეულად რეაგირებს პოლიციის მიერ თუნდაც ლეგიტიმურად გამოყენებულ ძალაზე. ეჭვგარეშეა, რომ მთავარ სახელმწიფო ინსტიტუტზე მიტანილი იერიშის აღკვეთის დროს, აუცილებელი მოგერიების სამართლებრივ რეჟიმში მყოფი საპოლიციო ძალები მოქმედებდნენ საქართველოს კანონმდებლობით დადგენილი უფლებამოსილების ფარგლებში. სამწუხაროდ, კანონის ფარგლებიდან გასული აქციის შეწყვეტის მიზნით ჩატარებული ლეგიტიმური ოპერაციის დროს მძიმე ფიზიკური დაზიანება მიიღეს როგორც საპროტესტო აქციის მონაწილეებმა, ასევე პოლიციელებმა; დაზარალდნენ მედიის წარმომადგენლები. მათი ჯანმრთელობის დაზიანება ამ მოვლენების ყველაზე მძიმე შედეგი იყო და სამართლებრივის გარდა, პოლიტიკური პასუხისმგებლობაც, ამ შედეგებზე, 20 ივნისის დანაშაულებრივი ავანტიურის ორგანიზატორებს ეკისრებათ. ამ მოვლენების შედეგად, ხელისუფლებამ დემოკრატიის ტესტი წარმატებით ჩააბარა და სამართლებრივი რეაგირების გარეშე არ დატოვა პოლიციელთა მხრიდან ძალის გადამეტების შემთხვევები და იმავდროულად, ყველაფერი გააკეთა დაზარალებულთა ჯანმრთელობის რეაბილიტაციისთვის.

ამასთან, უნდა აღინიშნოს, რომ შტურმის მონაწილეთა მხრიდან დანაშაულის ჩადენა დაადასტურა სასამართლომ და შტურმში მონაწილე აბსოლუტურმა უმრავლესობამ თავადვე აღიარა ჩადენილი დანაშაული. დღეს, ამ მძიმე მოვლენებიდან 1 წლის შემდეგ, როდესაც ემოციები დალექილია და ცივ გონებაზე შეგვიძლია ფაქტების განსჯა, კიდევ უფრო თვალსაჩინოა განსხვავება დემოკრატიული ღირებულებების ერთგულ, ეფექტურ და საკუთარ ხალხზე მზრუნველ ხელისუფლებასა და დესტრუქციაზე ორიენტირებულ და ძალაუფლების დაბრუნებისთვის ყველაფერზე წამსვლელ ძალებს შორის.

“ქართულ ოცნებაში” ხაზს უსვამენს  პარტიის ერთიანი სახელისუფლებო გუნდის ეფექტიან ნაბიჯებს პანდემიასთან ბრძოლის წინააღმდეგ.

“პანდემიის წინააღმდეგ ჩვენი ხალხის და სახელმწიფოს წარმატებულმა ბრძოლამ ეს განსხვავება კიდევ უფრო მკაფიო გახადა: „ქართული ოცნების“ ერთიანი სახელისუფლებო გუნდის ეფექტიანმა ნაბიჯებმა და საზოგადოების კონსოლიდაციამ საბოლოოდ დაუსვა წერტილი ოპოზიციის დესტრუქციულ დღის წესრიგს, რომელიც, ამ პირობებშიც საკუთარი ხალხის, საკუთარი სახელმწიფოსა და მისი ხელისუფლების დაზიანებაზე იყო ორიენტირებული, რაც ცხადია, არ გამოუვიდათ ისევე, როგორც არ გამოუვიდათ და არასდროს გამოუვათ არეულობის ნებისმიერი მცდელობა. ნდობადაკარგული და სრულიად გაკოტრებული ძალები ვეღარასდროს ჩაიგდებენ ხელში ძალაუფლებას და ვეღარ იძალადებენ ხალხზე.

ჩვენ ვგრძნობთ საზოგადოების მხარდაჭერას, ჩვენ ვგრძნობთ პასუხისმგებლობას ჩვენი ქვეყნის ისტორიისა და მომავლის წინაშე, ამიტომ, „ქართული ოცნება“, ქართველ ხალხთან ერთად, ყოველ ჯერზე წარმატებით დაძლევს ყველა გამოწვევას, წინ აღუდგება ოპოზიციის დესტრუქციულ დღის წესრიგს და ისევე დამაჯერებლად გაიმარჯვებს მომავალ საპარლამენტო არჩევნებზე, როგორ დამაჯერებლადაც ყველა ერთად დავუპირისპირდით გლობალურ პანდემიას. ჩვენ, ყველა ერთად, ქვეყანას საბოლოოდ გავიყვანთ გამარჯვების გზაზე და ღირსეულ ადგილს დავუმკვიდრებთ თავისუფალ, ევროპულ, დემოკრატიულ ოჯახში“, – აღნიშნულია განცხადებაში.




“ასეთი დოკუმენტები ხელში აქვს ხელისუფლებას და ასე ლაჩრულად იქცევა, აქეთ გვემუქრება ციხეში დაჭერით”


შალვა ნათელაშვილი: შსს-მ ...პირველად, 14 საუკუნის განმავლობაში, წელს ვერ შევძელით, აღგვენიშნა გარეჯობა და ჩავსულიყავით აღდგომის მონასტერში, ამ უდიდესი ძეგლის მთავარ მონაკვეთებზე. ეს იურიდიულად შეთანხმებული სივრცე წაიღეს პრეზიდენტმა ალიევმა და მისმა შეიარაღებულმა ძალებმა. სახეზეა ანექსია, ოკუპაცია, აგრესია, – ამის შესახებ „ლეიბორისტული პარტიის“ ლიდერმა, შალვა ნათელაშვილმა დღეს გამართულ ბრიფინგზე განაცხადა.

როგორც შალვა ნათელაშვილმა დღეს გამართულ ბრიფინგზე  აღნიშნა, საქართველოს ხელისუფლებამ, ნაცვლად იმისა, რომ დაეწყო ორმხრივი მოლაპარაკებები, ფეხზე დაეყენებინა საერთაშორისო ორგანიზაციები, მოეხდინა ალიევის ტვირთების სანქცირება საქართველოს ტერიტორიაზე, აღძრა საქმე უშიშროების სამსახურში, რომლის თანახმადაც, თუ ვინმე ხმას ამოიღებს შექმნილ რეალობაზე, რასობრივი შუღლის გაღვივების გამო, ყველას ემუქრება ციხე.

„ქართველი და აზერბაიჯანელი ხალხი ერთად ცხოვრობდნენ, ცხოვრობენ და იცხოვრებენ. აქ საუბარია დანაშაულებრივ მთავრობათა პოლიტიკაზე, რითაც ორივე ხალხი ზარალდება, ამიტომ რამდენიმე თვეში ივანიშვილის რეჟიმის შეცვლისთანავე, აღძრული იქნება სისხლის სამართლის საქმე საქართველოს ტერიტორიული ხელყოფისთვის, რომელიც ითვალისწინებს უვადო პატიმრობას. ივანიშვილის მთელი ხროვა პასუხს აგებს საქართველოს ტერიტორიათა გაცემა-გასხვისებისათვის. თუ ახლა ამ სიმართლის თქმა რასობრივი შუღლის გაღვივებაა, მაშინ უნდა გავჩერდეთ ჩვენ რუსეთის ოკუპაციაზე. ესეც შეიძლება ჩაგვითვალონ რასობრივი შუღლის გაღვივებად. უნდა გავჩერდეთ ჩვენ აფხაზურ და ოსურ სეპარატიზმზეც – ესეც შეიძლება ჩაითვალოს რასობრივი შუღლის გაღვივებად. საბოლოო ჯამში, ყველა ქვეყანა, როცა მეზობელი წაართმევს მიწას, სივრცეს, სალოცავს, უნდა გაჩუმდეს, რათა მას ეს არ ჩაეთვალოს რასობრივი შუღლის გაღვივებად. ხომ წარმოგიდგენიათ, სად მივიდა სამშობლოს ღალატის კოეფიციენტი ოლიგარქის შემოქმედებაში“, – განაცხადა შალვა ნათელაშვილმა.

მისივე თქმით, პრეზიდენტმა ალიევმა, ნაცვლად იმისა, რომ ოკუპირებული მთიანი ყარაბახის საკითხზე იბრძოლოს, ამის საკომპენსაციოდ ქართველებს წაგვართვა სალოცავები, რათა ამომრჩევლებში იტრაბახოს, ის ვერ დაგიბრუნეთ, მაგრამ საქართველო დავჩაგრეო.

„ეს გახდა უკვე წესი, ჩვენ გადავიქეცით ალიევის კოლონიად. შუა თბილისში ჟურნალისტი ალიევის სპეცსამსახურებმა გაიტაცეს, ჩაიყვანეს, მობარებული კაცი გაასამართლეს და ამაზე ხმა არავის ამოუღია. ამაზე ერთი საპროტესტო განცხადება არ ყოფილა. „სოკარი“ – ეს მაფიოზი სტრუქტურა, ივანიშვილი-ალიევის ერთობლივი სპეცსამსახურია, რომელიც აწარმოებს სხვა ანტისახელმწიფოებრივ საქმიანობასაც, გარდა მამასისხლად მოწოდებული გაზისა და ბინძური საწვავისა, რომელიც ტყვიით აბინძურებს ჩვენს ჰაერს. ახლა ამას დაემატა დავით გარეჯის წართმევა და ვერ გავივე, რა არის კოლონია ახლა. ესღა გვაკლდა, დიდი იმპერიების კოლონია მაინც ვიყავით, თავი მოგვქონდა, ახლა ალიევის და მეჰრიბანას კოლონია გავხდით. ეს არ არის სამარცხვინო? მარტო ამის გამო იქნება ივანიშვილი და მისი ხროვა ძალიან მწარედ გასასამართლებელი“, – განაცხადა შალვა ნათელაშვილმა.

მისივე თქმით, საქართველოს გარეშე ვერცერთი მეზობელი სახელმწიფო ვერ იარსებებს – ვერც გეოპოლიტიკურად, ვერც მორალურად, ვერც ზნეობრივად.

„ჩვენ ასეთ ოკუპანტ ხალხთან მეგობრობას არ ვცნობთ, ვცნობთ ისეთ მეგობრობას, როგორიც ტრადიციულად გვქონდა ჩვენ და ჩვენს მოძმე აზერბაიჯანელებს, სომხებს, რუსებს, ებრაელებს, უკრაინელებს და ყველას, ვინც გარს გვახვევია, ან ვინც აქ, ჩვენთან ცხოვრობს. ჩვენ მოვიპოვეთ შეთანხმება, ხელმოწერილი საქართველოს საგარეო საქმეთა და აზერბაიჯანის საგარეო საქმეთა მინისტრების მიერ, 13 ივნისს, 1996 წელს, რომლის თანახმად, აზერბაიჯანი აღიარებს, რომ ჩიჩხიტური, აღდგომის მონასტერი და ეს მონაკვეთები, რაც ახლა წაიღეს, არის საქართველოს ტერიტორია. ასეთი დოკუმენტები ხელში აქვს ხელისუფლებას, აი ასეთი ურყევი იურიდიული ფაქტები და ასე ლაჩრულად, ასე ჩუმად, ასე სამარცხვინოდ იქცევა. კიდევ აქეთ გვემუქრება ციხეში დაჭერით“, – განაცხადა შალვა ნათელაშვილმა.




ერთჯერადი მენიუ, ჭურჭლის 2–ჯერ რეცხვა – რეკომენდაციები საზოგადოებრივი კვების ობიექტებისთვის


10 лучших ресторанов Тбилиси – где вкусно поесть?საზოგადოებრივი კვების ობიექტებისთვის ახალი კორონავირუსით (SARS-CoV-2) გამოწვეულ ინფექციასთან (COVID-19) დაკავშირებული ზოგადი რეკომენდაციები გამოქვეყნდა, რომელიც უნდა დაიცვან.

რეკომენდაციები რამდენიმე ნაწილისგან შედგება. მათ შორის ძირითადი რეკომენდაციებია:

ადამიანთა თავშეყრის თავიდან აცილების მიზნით, მომხმარებელთა მიღება უზრუნველყოფილი უნდა იყოს წინასწარი დაჯავშნის სისტემის გამოყენებით (წინასწარი ჩაწერით მომსახურება), ხოლო იმ შემთხვევაში თუ: მომსახურებას იღებს ადგილზე მიტანის სერვისის წარმომადგენელი (იურიდიული პირის წარმომადგენელი), მოცდის პროცესი უნდა განხორციელდეს შენობის გარეთ, შესაბამისი უსაფრთხო დისტანციის დაცვით; იმ შემთხვევაში კი, თუ მომსახურებას იღებს ფიზიკური პირი, ნებადართულია მოცდა დახურულ სივრცეში პირბადის გამოყენებით და სოციალური დისტანციის შესაბამისი ნორმების დაცვით.

ამასთან, წინასწარ უნდა განისაზღვროს სტუმართათვის ადგილი, (იატაკის მონიშვნით და დისტანციის დაცვით); ასევე მიეწოდოს ინფორმაცია დასაქმებულებსა და მომხმარებლებს ვირუსთან დაკავშირებული პრევენციული ღონისძიებების შესახებ; უზრუნველყოფილი იყოს დასაქმებულთა და მომხმარებელთა ყოველდღიური ვიდეოსკრინინგი ან თერმოსკრინინგი;

ასევე, ობიექტებმა უნდა აკონტროლონ დასაქმებულთა და მომხმარებელთა რაოდენობა; განათავსონ დეზობარიერი შესასვლელში, შესაბამისი სავალდებულო ნიშნის მითითებით; სალაროსთან დაამონტაჟებული უნდა იყოს დამცავი გამჭვირვალე ბარიერი – მომხმარებელთან პირდაპირი კონტაქტის თავიდან არიდების მიზნით.

„სამუშაო ადგილზე უზრუნველყავით ხელის პერიოდული დეზინფექციისთვის საჭირო სულ მცირე, 70% ალკოჰოლის შემცველი ხელის დასამუშავებელი ხსნარის ან ანალოგიური ეფექტის მქონე სხვა სადეზინფექციო ხსნარის განთავსება; უპირატესობა მიანიჭეთ უნაღდო ანგარიშსწორებას“, – აღნიშნულია ჯანდაცვის სამინისტროს რეკომენდაციებში.

რეკომენდაციებში ცალკე არის მოცემული მოთხოვნები ღია სივრცის (ტერასა/ვერანდა/ღია რესტორანი) მქონე საზოგადოებრივი კვების ობიექტებისთვის:

  • მომხმარებელთა მაგიდებს შორის დაიცავით უსაფრთხო მანძილი, არანაკლებ ორი მეტრისა;
  • სკამების საზურგეებს შორის – მანძილი არანაკლებ ერთი მეტრისა;
  • ერთ მაგიდასთან მოათავსეთ არა უმეტეს ექვსი მომხმარებლისა;
  • დამატებით, გამონაკლისის სახით შესაძლებელია 12 წლამდე მოზარდის ერთ მაგიდასთან განთავსება;
  • იმ შემთხვევაში, თუ ვერ ხერხდება ორ მეტრიანი უსაფრთხო დისტანციის დაცვა, შესაძლებელია, გამოყენებულ იქნას დროებითი დამცავი ბარიერი. გამოიყენეთ ინდივიდუალური გამასპინძლების მეთოდი;
  • სასმელებით მომსახურების სივრცეში (ბარი), ბარმენებთან მომხმარებლების პირდაპირი კონტაქტის თავიდან აცილების მიზნით, სასმელით მომსახურება უზრუნველყავით ინდივიდუალურად, მაგიდასთან მიტანის სერვისით;
  • უზრუნველყავით შენობების გარეთ მაგიდებსა და საფეხმავლო სივრცეს შორის უსაფრთხო დისტანციის დაცვა.

შემდეგი მოთხოვნებია დაწესებული დახურული სივრცის მქონე საზოგადოებრივი კვების ობიექტებისთვის:

Рестораны и бары в Тбилиси: рейтинг лучших

დარბაზში უზრუნველყოფილი უნდა იყოს მაგიდების და დასაჯდომი ადგილების განლაგება შემდეგი მოთხოვნების გათვალისწინებით:

  • მაგიდებს შორის დაიცავით უსაფრთხო მანძილი, არანაკლებ ორი მეტრისა;
  • ერთ მაგიდასთან განთავსებულ მომხმარებლებს შორის უზრუნველყოფილი უნდა იყოს
    არანაკლებ ერთ მეტრიანი დისტანცია;
  • ერთი ადამიანის განთავსებისთვის საჭირო ფართობი უნდა შეადგენდეს არანაკლებ 2,25მ2-ს;
  • სკამის საზურგეებს შორის მანძილი არანაკლებ ერთი მეტრი;
  • ერთ მაგიდასთან მოათავსეთ არა უმეტეს ექვსი მომხმარებლისა;
  • გამონაკლისი სახით შესაძლებელია, ოჯახის წევრებისა და 12 წლამდე მოზარდის ერთ მაგიდასთან განთავსება;
  • იმ შემთხვევაში, თუ ვერ ხერხდება ორ მეტრიანი უსაფრთხო დისტანციის დაცვა, შესაძლებელია, გამოყენებულ იქნას დროებითი დამცავი ბარიერი. ამასთან: 30 მ2-მდე საერთო სასადილო ფართში დაუშვებელია დამცავი ბარიერების გამოყენება; 31 მ2-დან ზემოთ შესაძლებელია დამცავი ბარიერების გამოყენება საერთო სასადილო ფართის არაუმეტეს 50%-ში (ამ შემთხვევაში, ერთი ადამიანის განთავსების ფართობი უნდა იყოს არანაკლებ 1,8მ2).
  • დახურული სივრცეები უზრუნველყავით ბუნებრივი ვენტილაციით. თუ ამის შესაძლებლობა არ არის, გამოიყენეთ ხელოვნური ვენტილაცია, გარედან შემოსული ჰაერის მომატებული კონცენტრაციით, ცირკულაციითა და გარეთ გატანით. დააწესეთ საინჟინრო კონტროლი მის გამართულ მუშაობაზე;
  • გამოიყენეთ ინდივიდუალური გამასპინძლების მეთოდი;
  • უზრუნველყავით სტუმრებისთვის ბეჭდური (ერთჯერადი) მენიუს შეთავაზება. ელექტრონული მენიუს შეთავაზების შეთხვევაში, მენიუს დაფასთან ხელების ჰიგიენური დამუშავებისთვის განათავსეთ სადეზინფექციო საშუალებები, სათანადო სავალდებულო ნიშნის მითითებით;
  • სასმელებით მომსახურების სივრცეში (ბარი), ბარმენებთან მომხმარებლების პირდაპირი კონტაქტის თავიდან აცილების მიზნით, სასმელით მომსახურება უზრუნველყავით ინდივიდუალურად, მაგიდასთან მიტანის სერვისით;
  • ამ წესის მოთხოვნების საილუსტრაციოდ, სავალდებულოა მაგიდების განლაგებისა და დისტანციის მარკირება, შესაბამისი აღნიშვნებით.

ჭურჭლის ხელით რეცხვისას დაცული უნდა იყოს შემდეგი პროცედურები:

  • სამზარეულოს ჭურჭლის რეცხვა და შრობა უნდა ხორციელდებოდეს სპეციალურად გამოყოფილ ზონაში:
  • ჭურჭელი მექანიკურად უნდა გათავისუფლდეს საჭმლის ნარჩენებისგან;
  • გაირეცხოს არანაკლებ 400 C ტემპერატურის წყლითა და სარეცხი საშუალებების გამოყენებით პირველ სამზარეულოს ნიჟარაში;
  • გაირეცხოს ხელმეორედ არანაკლებ 400 C ტემპერატურის წყლითა და უფრო ნაკლები რაოდენობის სარეცხი საშუალების გამოყენებით მეორე სამზარეულოს ნიჟარაში;
  • გაივლოს არანაკლებ 650 C ტემპერატურის ცხელი გამდინარე წყლით;
  • დაიწრიტოს და გაშრეს საწრეტზე;Деньги на мойку
  • წვრილმანი ინვენტარი – დაფები, ნიჩბები, სათქვეფები და სხვა, ცხელი წყლით გარეცხვის შემდეგ უნდა გაშრეს. სამზარეულოს ჭურჭელი ირეცხება ცხელ წყალში სარეცხი საშუალებებით. ჭურჭელი უნდა გაივლოს არანაკლებ 650 C-იან ცხელ წყალში და დაიწრიტოს;
  • ხელით რეცხვისას გათვალისწინებულ უნდა იქნეს სამგანყოფილებიანი ნიჟარები სასადილო
    ჭურჭლისათვის და ორგანყოფილებიანი შუშის ჭურჭლისა და სასადილო მოწყობილობებისათვის. დასაშვებია, შეზღუდული ასორტიმენტის ორგანიზაციებში სასადილო ჭურჭლისა და მოწყობილობების რეცხვა ორგანყოფილებიან სამზარეულოს ნიჟარებში;
  • ლუდის ბარებში ჭიქები და ბოკალები ირეცხება არანაკლებ 45-500 C ტემპერატურის ცხელი წყლითა და სარეცხი და სადეზინფექციო საშუალებების გამოყენებით;
  • სარეცხ განყოფილებებში კედელზე უნდა გაიკრას ინსტრუქცია ჭურჭლისა და ინვენტარის რეცხვის წესების შესახებ, გამოყენებული სარეცხი და სადეზინფექციო საშუალებების კონცენტრაციების მითითებით.

მაგიდის გადასაფარებლებისა და ხელსახოცების ჰიგიენური რეჟიმის დაცვის წესი კი, შემდეგნაირია:

  • გამოიყენეთ მაგიდის ერთჯერადი გადასაფარებლები, ან მაქსიმალურად შეზღუდეთ მათი გამოყენება, რადგან სასადილო მაგიდების წმენდა და დეზინფექცია ყოველი მოხმარების შემდგომ უფრო მოსახერხებელი და ჰიგიენურად კეთილსაიმედოა;
  • გამოყენებული ხელსახოცების შეგროვება მოხდეს სპეციალურად ამ მიზნისთვის განკუთვნილ ტომარაში ან სხვა თავდახურულ მოცულობაში.

დასუფთავება და დეზინფექცია:

  • გაამკაცრეთ დასუფთავების და დეზინფექციის ზომები საერთო სივრცეებში (საპირფარეშოები, დერეფნები, დარბაზები, ლიფტები და ა. შ.). დასუფთავებისთვის დააწესეთ პერიოდული ორ საათიანი რეჟიმი;
  • დასუფთავებისას განსაკუთრებული ყურადღება მიაქციეთ იმ საგნებს, რომლებსაც ხშირად ეხებიან ხელით, როგორიცაა: სახელურები, ლიფტის ღილაკები, ჩამრთველები, კარის ღილაკები და ა.შ.;
  • დასუფთავებაზე პასუხისმგებელ პერსონალს დამატებით ჩაუტარდეთ შესაბამისი ინსტრუქტაჟი;
  • ნებისმიერი დასუფთავების საშუალება (მაგ. იატაკის საწმენდი ტილო), რომელიც დამზადებულია მატერიისგან, გამოყენების შემდეგ გარეცხეთ სადეზინფექციო საშუალებებით;
  • არაფოროვან საწმენდ მასალებს გაუკეთეთ დეზინფექცია 0.5% ნატრიუმ ჰიპოქლორიტის ხსნარით ან სხვა ქლორის შემცველი ხსნარით, კანონმდებლობის შესაბამისად;
  • საერთო სარგებლობის სივრცეების დალაგება/დეზინფექცია უნდა მოხდეს სველი წესით, ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრის No 01-123/ო ბრძანების ახალი კორონავირუსით (SARS-CoV-2) გამოწვეული ინფექციის (COVID-19) გავრცელების პრევენციისა და მართვის უზრუნველყოფის მიზნით გასატარებელ ღონისძიებათა შესახებ სათანადო დანართის შესაბამისად.

გაიდლაინში ასევე გაწერილია ის ვალდებულებები, რომლებიც დამსაქმებლმა უნდა შეასრულოს:

  • განათავსეთ თვალსაჩინო ადგილას განცხადებები COVID-19-ის პრევენციული ღონისძიებების შესახებ;Роскачество: чем заменить антисептики? – Новости ритейла и ...
  • ობიექტის შესასვლელში, დასაქმებულებისა და სტუმრებისთვის, განათავსეთ ხელის ანტისეპტიკური საშუალებები;
  • უზრუნველყავით დასაქმებულთა და სტუმართა ხელის ჰიგიენა: წყლითა და თხევადი საპნით;
  • უზრუნველყავით სამუშაო ადგილებზე ერთჯერადი ხელსახოცების განთავსება;
  • დასაქმებულები უზრუნველყავით, სამუშაოს სპეციფიკიდან გამომდინარე, აუცილებელი ინდივიდუალური დაცვის საშუალებებით (ხელთათმანები, პირბადეები, დამცავი ფარები/
    სათვალეები, წინსაფრებისპეცფეხსაცმელი);
  • ყოველი მომხმარებლის გამასპინძლების შემდგომ, მოახდინეთ მაგიდების წმენდა სადეზინფექციო ხსნარის გამოყენებით;
  • მიაწოდეთ ინფორმაცია დასაქმებულებს ინდივიდუალური დაცვისა და ჰიგიენური საშუალებების სწორად გამოყენებასა და შემდგომში მათ შენახვა/მოცილებაზე;
  • პერიოდულად, დღეში რამდენჯერმე (არანაკლებ ორ საათიანი ინტერვალები), გაანიავეთ სამუშაო სივრცეები;
  • უზრუნველყავით ხშირად შეხებადი ზედაპირების (მათ შორის კარების სახელურების, ჩამრთველ/გამომრთველი ღილაკების) დასუფთავება რამდენჯერმე დღეში (ორ საათიანი ინტერვალებით) შესაბამისი კონცენტრაციის სადეზინფექციო ხსნარით;
  • უზრუნველყავით დასაქმებულთა/მომხმარებელთა მიერ გამოყენებული ერთჯერადი ხელსახოცებისა თუ სხვა გამოყენებული ჰიგიენური ნარჩენებისთვის დახურული კონტეინერების განთავსება, რომელშიც ჩაფენილი იქნება ერთჯერადი პლასტიკური პარკი. ნარჩენების პარკის ამოღება და განკარგვა მოახდინეთ ერთჯერადი ხელთათმანების გამოყენებით. უზრუნველყავით ასეთი ნარჩენების დროული გატანა შესაბამისი პირის/სამსახურის მიერ;
  • ყოველი სამუშაო დღის შემდგომ უზრუნველყავით სამუშაო სივრცის სველი წესით დალაგება სადეზინფექციო საშუალებების გამოყენებით;
  • უზრუნველყავით სპეც.ტანსაცმლის ცენტრალიზებული რეცხვის შესაძლებლობა;
  • გაზრდილი სიხშირით განახორციელეთ ყველა იმ ზედაპირის და ინვენტარის რეცხვა-დეზინფექცია, რომელსაც შეხება აქვს სურსათთან; გამოიყენეთ ყველა სადეზინფექციო და სარეცხი საშუალებებისათვის დაშვებული მაქსიმალური კონცენტრაცია;
  • დამსაქმებელი ვალდებულია, განახორციელოს მონიტორინგი ამ წესით განსაზღვრული რეკომენდაციების შესრულებაზე.

ამასთან, გაწერილია დასაქმებულთა ვალდებულებებიც:

  • დაიცავით ჰიგიენის წესები თქვენს სამუშაო ადგილზე;
  • სამუშაოების შესრულებისას გამოიყენეთ სრულად ის ინდივიდუალური დაცვის საშუალებები, რომლებიც დამსაქმებელმა მოგაწოდათ;
  • სამუშაოს დამთავრებისას სადეზინფექციო საშუალებებით დაასუფთავეთ სამუშაო ადგილები და ის ხელსაწყოები, რომელსაც იყენებთ სამუშაო პროცესის მიმდინარეობისას;
  • ხელის ჰიგიენა ჩაიტარეთ ხშირად;
  • გამოიყენეთ სპირტის შემცველი ხელის საწმენდი საშუალებები იმ შემთხვევაში, თუ ვერ ახერხებთ ხელების დაბანას და გაშრობას. გახსოვდეთ, რომ ხელების დაბანა საპნითა და წყლით არის უპირატესი;
  • მოერიდეთ ხელებით თვალებზე, ცხვირზე და პირზე შეხებას. მუშაობის პერიოდში უზრუნველყავით თმის შეკვრა/მჭიდროდ დამაგრება, რათა მაქსიმალურად შეიზღუდოს თმების სახის ზედაპირთან
    შეხება (შესაძლებელია ჩაჩის, ან სპეციალური თავსაბურავის გამოყენება);
  • ხელთათმანების შეცვლა მოახდინეთ ხშირად. შეცვლისას აუცილებელია ხელების დაბანა.
    ხელთათმანები არ განიხილოთ როგორც ხელების დაბანის შემცვლელი საშუალება. ხელების დაბანა უფრო ეფექტური დამცავი ბარიერია ინფექციისთვის, ვიდრე ერთჯერადი ხელთათმანი;
  • ხელთათმანები შეცვალეთ არასასურსათო პროდუქტთან დაკავშირებული სამუშაოების ჩატარების შემდეგ, მაგალითად ხელით კარების გახსნა / დახურვა და ყუთების დაცლა.

1tv.ge




"მძიმე ეკონომიკური კრიზისის მიუხედავად, ივლისიდან პენსიის ზრდა გაგრძელდება"


პარლამენტმა მინისტრის საათის ...საქართველოს პრემიერ-მინისტრი  დღეს  პარლამენტში  ინტერპელაციის წესით იმყოფებოდა.  მან ვრცალად ისაუბრა კარანტინის გამო ქვეყანაში შექმნილი სიტუაციის შესახებ და ოპოზიციის ბრალდებებსაც გასცა პასუხი.  როგორც  გიორგი გახარიამ აღნიშნა, 2012 წლის შემდგომ  დღემდე  საქართველოს ბიუჯეტის 1/3 არის მიმართული სოციალური ხარჯებისთვის და მძიმე ეკონომიკური კრიზისის მიუხედავად, პირველი ივლისიდან პენსიის ზრდა  გაგრძელდება. 

„ბოლო წლების განმავლობაში, განსაკუთებით წელს გაიზარდა პენსია პენსიონერებისთვის 20 ლარით. მიუხედავად მძიმე ეკონომიკური კრიზისისა, პირველი ივლისიდან პენსიის ზრდა გაგრძელდება. გარდა ამისა, მოგეხსენებათ, ჩვენ მივმართეთ ინიციატივით პარლამენტს, რომ პენსიის მუდმივი ინდექსირება მოხდეს ინფლაციის მიმართებით და 70 წელს გადაცილებული პენსიონერებისთვის ამას კიდევ უნდა დაემატოს ეკონომიკური ზრდის პროცენტის 80 პროცენტი.

ჩემთვის უკიდურესად მძიმეა ამ თემებზე საუბარი მარტივი მიზეზის გამო –  ჩვენ ყველას კარგად გვესმის, რომ ეს არის საკმარისზე ბევრად ნაკლები, განსაკუთრებით დღეს, როდესაც ჩვენ კრიზისში ვართ. ძალიან კარგად მესმის, რომ ყველა ამ ციფრის უკან დგას ჩვენი მოქალაქეების ყოველდღიური ცხოვრება, მძიმე ცხოვრება. ხშირ შემთხვევაში და ზოგ შემთხვევაში ეს ცხოვრება უმძიმესი ტრაგიზმით არის გამსჭვალული, მაგრამ ყველას კარგად უნდა გვესმოდეს, რომ ჩვენ ბოლო 7-8 წლის განმავლობაში გადავდგით უმნიშვნელოვანესი ნაბიჯები იმასთან მიმართებაში, რომ დინამიკა სიღარიბის შემცირების თვალსაზრისით, ქვეყანაში თითოეული მოქალაქისთვის იმედისმომცემი მაინც ყოფილიყო“,- განაცხადა გახარიამ.

მთავრობის მეთაურის თქმით  რომ 2012 წელს ჯანდაცვის სისტემის დაფინანსება გახლდათ 332 მლნ ლარი, დღეს კი ეს არის 1 მლრდ 76 მლნ ლარი.

„2013 წელს საქართველოში საბავშვო ბაღები გახდა უფასო, მას შემდეგ მთავრობამ იზრუნა, რომ  მშობლებს ყოველწლიურად ბავშვების სკოლაში გაშვებისთვის წიგნებში ფული არ ეხადათ, საქართველოს მთავრობამ იზრუნა, რომ ბავშვები, განსაკუთრებით მთიან და აგრარულ რაიონებში, სკოლებში მიგვეყვანა, ეს ყოველდღიურად მშობლების ჯიბიდან ამოღებული ფული იყო და ეს არის 100 მლნ მხოლოდ და მხოლოდ ბავშვების ნაწილში. არავის ახსოვს ის ცვლილებები, რომელიც ჯანდაცვის სისტემაში განხორციელდა, 2012 წელს ჯანდაცვის დაფინანსება გახლდათ 332 მლნ ლარი, დღეს ეს არის 1 მლრდ 76 მლნ ლარი და მაშინ, როდესაც ჯანდაცვის სისტემა, როგორც სტრუქტურული ერთეული, საერთოდ არ არსებობდა. გაჭირვებული ადამიანი, შვილისთვის ან ოჯახის წევრისთვის ოპერაცია რომ გაეკეთებინა, სახლს ყიდდა და უკიდურესი სიღატაკისთვის იყო სამუდამოდ განწირული,“ – აღნიშნა პრემიერმა.

მთავრობის მეთაურმა დეტალურად ისაუბრა იმ დახმარებების შესახებ, რომლებიც მოქალაქეებმა აღნიშნულ პერიოდში მიიღეს.

„დღეის მდგომარეობით, 25 მაისის შემდგომ 72 175-მა ჩვენმა მოქალაქემ მიიღო 1200 ლარის სოციალური დახმარება, კრიზისთან დაკავშირებით, კიდევ ერთხელ ვიმეორებ, დღეის მდგომარეობით, 72 175 მოქალაქეს, უკვე, 1200 ლარის სოციალური დახმარების გაცემა სახელმწიფოს მხრიდან დაეწყო. აგრეთვე, 52 151 თვითდასაქმებულმა დღეს მიიღო 300 ლარის კომპენსაცია. 194 796 თანამოქალაქეს, ეს ის ხალხია, ვისაც სარეიტინგო ქულა აქვს 75 000 – დან 100 000-მდე სოციალური დახმარების პირველი ნაწილი ჩაერიცხა. 22 644-მა მოქალაქემ, მრავალშვილიანმა ოჯახმა სახელმწიფოს მხრიდან დახმარება, დღეის მდგომარეობით, პირველი ტრანში უკვე მიიღო. 40 440 შშმ პირს, მათ შორის ბავშვებს, უკვე ჩაერიცხა, დღეის მდგომარეობით, ეს დახმარება. 18 000-მა ფერმერმა უკვე შეიძინა აგროდიზელი შეღავათიან ფასად და 27 000 ფერმერს აგროქულები დაერიცხა, რომლის გამოყენებაც მათ უკვე დაიწყეს. ეს არის 427 206 ადამიანი, რომლებმაც სახელმწიფოს მხრიდან სოციალური დახმარება ნაღდი ფულის სახით პირდაპირ ანგარიშებზე მიიღეს,“ – აღნიშნა პრემიერმა.




“საზოგადოებრივი ტრანსპორტი ჯერ არ ამუშავდება, რამდენიმე თვის განმავლობაში ახალ რეალობაში მოგვიწევს ცხოვრება”


კვირის პალიტრა - "საზოგადოებრივი ...საქართველოში საგანგებო მდგომარეობის რეჟიმი 23 მაისს სრულდება. პრეზიდენტის დეკრეტი საგანგებო მდგომარეობის გამოცხადების შესახებ 22 მაისის ჩათვლით მოქმედებს. შესაბამისად, საგანგებო მდგომარეობის ფარგლებში დაწესებული შეზღუდვები, მათ შორის, კომენდანტის საათი ხვალ, 22 მაისსაც იმოქმედებს და 23 მაისიდან მოიხსნება.

როგორც საქართველოს პრემიერ-მინისტრმა, გიორგი გახარიამ მთავრობის დღევანდელ სხდომაზე განაცხადა, მთავრობამ მიიღო გადაწყვეტილება, აღარ გაგრძელდეს საგანგებო მდგომარეობა და შესაბამისად, კომენდანტის საათი.

მისივე თქმით, საგანგებო მდგომარეობის გაუქმების მიუხედავად, საჭიროა ელემენტარულ წესების დაცვა, რომლებიც „მოგვცემს შესაძლებლობას, შევაფერხოთ და ვმართოთ ვირუსის განვითარების ტემპი“. პრემიერ-მინისტრის განმარტებით, შესაბამისი საკანონმდებლო ჩარჩოს შესამუშავებლად, მთავრობამ პარლამენტს უკვე მიმართა.

„ჩვენ ამ თხოვნით მივმართეთ პარლამენტს, ეს მუშაობა ახლა მიმდინარეობს და იმედია, გარკვეული შეზღუდვები, რომლებიც აუცილებელია ჯანდაცვის სფეროსთვის, იქნება შენარჩუნებული“, – დასძინა გიორგი გახარიამ.

რაც შეეხება საზოგადოებრივი ტრანსპორტის ამუშავებას, ეს საკითხი დაკავშირებულია ეპიდმდგომარეობასთან.

„საზოგადოებრივი ტრანსპორტის ამუშავებაზე ჯერ საუბარი არ არის. ეს ყველაფერი, რაზეც ჩვენ ახლა ვსაუბრობთ, არ უნდა წარმოვიდგინოთ, როგორც შეზღუდვა. ეს არის ის რეალობა, რა რეალობაშიც ჩვენ შემდეგი რამდენიმე თვის განმავლობაში მოგვიწევს ცხოვრება. ეს არ არის მხოლოდ საქართველოში. ეს არის მთელს მსოფლიოში.

გვაქვს ახალი რეალობა, რომელიც არის კონცენტრირებული და ორიენტირებული COVID 19-ის კონტროლზე და მექანიზმებზე. ეს არ უნდა წარმოვიდგინოთ როგორც შეზღუდვა, ეს არის ხელშეწყობა იმისა, რომ ქვეყანაში არ გვქონდეს ეპიდაფეთქება ხელახალი და ქვეყანაში რაც შეიძლება დაბალი იყოს დაავადებულთა რაოდენობა.

შესაბამისად, ამის მენეჯმენტიც იყოს ადეკვატური. ეს არის ყველა ნაბიჯი, რომელიც ქმნის საშუალებას, რომ როგორც სწრაფად, ოპერატიულად და შედეგიანად შევძელით COVID 19-ის მართვა, ასევე სწრაფად და ეფექტურად შევძლოთ ჩვენი ეკონომიკის გახსნა და ჩვეულ რეჟიმში დაბრუნება. მაგრამ ეს ჩვეულებრივი რეჟიმი იქნება განსხვავებული რეჟიმი, რომლის გათვალისწინებაც ყველას მოუწევს“, – განაცხადა პრემიერ-მინისტრის მრჩეველმა ირაკლი ჩიქოვანმა.




პირველკლასელთა რეგისტრაციის ახალი ვადები დადგინდა


სასკოლო წიგნებიგანათლების სამინისტროს ინფორმაციით, კორონავირუსის პანდემიის გავრცელების პრევენციის მიზნით ქვეყნის მასშტაბით გამოცხადებული საგანგებო მდგომარეობის გამო, პირველკლასელთა და მათი მშობლების ინტერესების გათვალისწინებით, 2020-2021 სასწავლო წლისთვის პირველკლასელთა რეგისტრაციის ახალი ვადები დადგინდა.

„პირველკლასელთა რეგისტრაციის პირველი ეტაპი, რომელიც სპეციალური საგანმანათლებლო საჭიროების მქონე პირებს ეხებოდა, 2 მარტიდან 16 მარტის ჩათვლით უკვე წარმატებით განხორციელდა, თუმცა, პირველ ეტაპზე დარეგისტრირებული სპეციალური საგანმანათლებლო საჭიროების მქონე მოსწავლეების ინტერესების გათვალისწინებით, გახანგრძლივდა სკოლაში დოკუმენტაციის წარდგენის ვადა.

კერძოდ: სპეციალური საგანმანათლებლო საჭიროების მქონე მოსწავლეებისთვის დოკუმენტაციის წარდგენის საბოლოო ვადად 24 აპრილის ნაცვლად 5 ივლისი განისაზღვრა.

ხაზგასმით უნდა აღინიშნოს, რომ წარსადგენ დოკუმენტებში არ იგულისხმება მულტიდისციპლინური გუნდის დასკვნა, რომელიც საქართველოს განათლების, მეცნიერების, კულტურისა და სპორტის მინისტრის, მიხეილ ჩხენკელის ბრძანებით შეიცვალა. აღნიშნული ბრძანების თანახმად, მოსწავლეების ჩარიცხვა განხორციელდება მულტიდისციპლინური გუნდის დასკვნისა და სპეციალური საგანმანათლებლო საჭიროების მქონე მოსწავლის სტატუსის მინიჭების გარეშე. გახანგრძლივებულ ვადებში დოკუმენტაციის წარუდგენლობის შემთხვევაში, მოსწავლის რეგისტრაცია გაუქმდება“, – აცხადებენ განათლების სამინისტროში.

უწყების ცნობით, პირველკლასელთა რეგისტრაციის მეორე ეტაპზე იცვლება როგორც რეგისტრაციის, ასევე დოკუმენტების წარდგენის თარიღი:

რეგისტრაციის მეორე ეტაპი განხორციელდება 11 მაისიდან პირველი ივნისის ჩათვლით, ხოლო დოკუმენტების წარდგენა შესაძლებელი იქნება 11 მაისიდან 5 ივლისის ჩათვლით.

ამ ეტაპზე სკოლაში დარეგისტრირდებიან ბავშვები:

  • რომელთა და-ძმა სწავლობს სასურველ სკოლაში;
  • მშობელი არის კონკრეტული სკოლის თანამშრომელი;
  • ოჯახიდან ერთდროულად ორი ან მეტი ბავშვი შედის პირველ კლასში.

რეგისტრაცია განხორციელდება საჯარო სკოლებში მშობლის/კანონიერი წარმომადგენლის განცხადების საფუძველზე. დადგენილ ვადებში დოკუმენტაციის წარუდგენლობის შემთხვევაში, რეგისტრაცია ავტომატურად გაუქმდება.

რეგისტრაციის მესამე ეტაპზეც იცვლება როგორც რეგისტრაციის, ასევე დოკუმენტების წარდგენის ვადები:

მესამე ეტაპი – საყოველთაო რეგისტრაცია – 2 ივნისს დაიწყება და 25 ივნისის ჩათვლით გაგრძელდება, ხოლო დოკუმენტაციის წარდგენა 2 ივნისიდან 5 ივლისის ჩათვლით გაგრძელდება.

  • რეგისტრაცია განხორციელდება განათლების მართვის საინფორმაციო სისტემის ოფიციალურ ვებგვერდზე registration.emis.ge ელექტრონულ რეგისტრაციას უზრუნველყოფს მშობელი/კანონიერი წარმომადგენელი. დადგენილ ვადებში ჩასარიცხად აუცილებელი დოკუმენტაციის წარუდგენლობის შემთხვევაში, რეგისტრაცია ავტომატურად გაუქმდება.

რეგისტრაციის ბოლო IV ეტაპზეც ასევე იცვლება რეგისტრაციის და დოკუმენტების წარდგენის თარიღი:

IV ეტაპზე პირველკლასელთა რეგისტრაცია და დოკუმენტაციის წარდგენა 20 აგვისტოს დაიწყება და10 სექტემბრის ჩათვლით გაგრძელდება.

ამ ეტაპზე გამოთავისუფლებულ/ვაკანტურ ან დარჩენილ თავისუფალ ადგილებზე მოხდება იმ მოსწავლეთა რეგისტრაცია, რომლებიც I, II და III ეტაპებზე ვერ დარეგისტრირდნენ ან სურთ რეგისტრაციის შეცვლა.

მოსწავლის რეგისტრაციას მეოთხე ეტაპზე უზრუნველყოფს საჯარო სკოლა მშობლის/კანონიერი წარმომადგენლის მიერ წარდგენილი აუცილებელი დოკუმენტაციის საფუძველზე.

ყოველივე ზემოაღნიშნულიდან გამომდინარე:

საგანგებო მდგომარეობის პერიოდში სკოლები დაამტკიცებენ საქმისწარმოების ახალ წესს, რომელიც საშუალებას მისცემს მშობლებს ელექტრონულად გადააგზავნონ განცხადებები თანდართულ დოკუმენტებთან ერთად, ან სკოლის მიერ დადგენილი წესით უსაფრთხოების ნორმების დაცვით, მატერიალურად ჩააბარონ სკოლის ადმინისტრაციას; სკოლა 2 დღის ვადაში დაუდასტურებს მშობელს ელექტრონულ ფოსტაზე განცხადებისა და დოკუმენტაციის მიღებას.

ყველა მოთხოვნილი დოკუმენტის ელექტრონულად წარდგენის შემთხვევაში, სკოლა არ მოითხოვს დოკუმენტებს მატერიალური სახით და კანონმდებლობით დადგენილ ვადებში დაადასტურებს მოსწავლის ჩარიცხვას.

ზოგადსაგანმანათლებლო დაწესებულებებმა უნდა იხელმძღვანელონ, „საქართველოს ზოგადსაგანმანათლებლო დაწესებულებაში მოსწავლის ჩასარიცხად წარსადგენი აუცილებელი დოკუმენტების ნუსხის დამტკიცების შესახებ“ საქართველოს განათლებისა და მეცნიერების მინისტრის 2007 წლის 16 აგვისტოს N675 ბრძანებით და მოსწავლის პირველ კლასში ჩასარიცხად არ მოითხოვონ დამატებით სხვა დოკუმენტები, რაც არ არის განსაზღვრული აღნიშნული ბრძანებით.

საქართველოს ზოგადსაგანმანათლებლო დაწესებულებაში მოსწავლის პირველ კლასში ჩასარიცხად წარსადგენი აუცილებელი დოკუმენტების ნუსხა:

მოსწავლის კანონიერი წარმომადგენლის განცხადება, რომელიც უნდა შეიცავდეს კანონიერი წარმომადგენლის საცხოვრებელი ადგილისა და ტელეფონის ნომრის თაობაზე ინფორმაციას და უნდა აკმაყოფილებდეს საქართველოს ზოგადი ადმინისტრაციული კოდექსის 78-ე მუხლით დადგენილ სხვა მოთხოვნებს, კანონიერი წარმომადგენლის პირადობის დამადასტურებელი მოწმობის ასლი და საქართველოში ბინადრობის დამადასტურებელი დოკუმენტის ასლი (ასეთის არსებობის შემთხვევაში). დოკუმენტების უცხოურ ენაზე წარდგენის შემთხვევაში, მათ უნდა დაერთოს საქართველოს კანონმდებლობით დადგენილი წესით შესრულებული თარგმანი ქართულ ენაზე).

მოსწავლის დაბადების მოწმობის ან პირადობის დამადასტურებელი დოკუმენტის ასლი და საქართველოში ბინადრობის დამადასტურებელი დოკუმენტის ასლი (ასეთის არსებობის შემთხვევაში). დოკუმენტების უცხოურ ენაზე წარდგენის შემთხვევაში, მათ უნდა დაერთოს საქართველოს კანონმდებლობით დადგენილი წესით შესრულებული თარგმანი ქართულ ენაზე).