დედაქალაქის მწვანე საფარს მერია და კერძო მესაკუთრეები ერთობლივად მოუვლიან


Картинки по запросу თბილისის მერიათბილისში და მიმდებარე ტერიტორიებზე, მწვანე საფარის ფიტოსანიტარული მდგომარეობის გაუმჯობესების მიზნით, დედაქალაქის მერიასა და კერძო მესაკუთრეებს შორის მემორანდუმი გაფორმდა.

მუნიციპალიტეტის საზღვრებში, კერძო საკუთრებაში არსებულ ტერიტორიებზე გამხმარი და დაავადებული ხეების სანიტარული ჭრა როგორც მუნიციპალიტეტის, ასევე კერძო მესაკუთრის ვალდებულებაა. აქედან გამომდინარე, მემორანდუმის თანახმად, მხარეები ერთობლივი ძალებით უზრუნველყოფენ გამხმარი და დაავდებული ხეების მოვლას.

მემორანდუმის მიზანია თბილისსა და მის მიმდებარე ტერიტორიებზე არსებული მწვანე საფარის ფიტოსანიტარული მდგომარეობის გაუმჯობესება, დაავადებული და გამხმარი ხეების ბუნებრივი გარემოდან ამოღება და დაავადების გავრცელების პრევენცია. ასევე, დაავდებული ხეების ნაცვლად, ახალი ნერგების დარგვა თბილისსა და მიმდებარე ტერიტორიებზე ეკოლოგიური მდგომარეობის გაუმჯობესება.

მემორანდუმს ხელი დედაქალაქის მერის მოადგილემ, მაია ბითაძემ და სხვადასხვა კერო მესაკუთრეებმა მოაწერეს.




ნაძვის ხეებისა და ჩიჩილაკების ჩაბარება დედაქალაქის პარკებშია შესაძლებელი


Похожее изображениеგამოყენებული ნაძვის ხეებისა და ჩიჩილაკების ჩაბარება ვერის, ვაკის, კიკვიძისა და რიყის პარკებში იქნება შესაძლებელი, – ამის შესახებ გამწვანების საქალაქო სამსახურის უფროსმა გიგა გიგაშვილმა განაცხადა.

მისი თქმით, ჩაბარების შემდეგ ისინი დამუშავდება და სხვადასხვა მიმართულებით გამოიყენება.

„კომპანია „გაუფრთხილდი ქალაქის“ ფარგლებში დავიწყეთ გამოყენებული ნაძვის ხეებისა და ჩიჩილაკების მიღება. კონკრეტული ადგილები უკვე განსაზღვრულია, ვერის, ვაკის, კიკვიძისა და ასევე რიყის პარკი, სადაც უკვე განთავსებულია სპეციალური აღნიშვნები, სად მოხდება ჩაბარება და შემდგომ ჩვენი თანამშრომლები უზრუნველყოფენ დასაწყობებას და გადამუშავებას“, – განაცხადა გიგაშვილმა.

როგორც გიგა გიგაშვილმა აღნიშნა, ნარჩენების მართვის კუთხით ეს არის კიდევ ერთი წინ გადადგმული ნაბიჯი, როდესაც ხდება არსებული ნარჩენების გადამუშავება და მეორად რესურსად გამოყენება.

„მწვანე ნარჩენი არის ერთ-ერთი მნიშვნელოვანი, რომლისგანაც შეგვიძლია ძალიან ბევრი მეორადი პროდუქტი მივიღოთ. შესაბამისად, მნიშვნელოვანია, ეს ნარჩენი არ მოხდეს იმ კონტეინერში, რომელიც ჩვეულებრივი ნარჩენისთვის არის გათვალისწინებული და არ მოხდეს საერთო ნაგავსაყრელზე. მინდა, მოვუწოდო დედაქალაქის მოსახლეობას, ვისაც სახლებში ჰქონდათ ბუნებრივი ნაძვის ხე და ჩიჩილაკები, ჩააბარონ მითითებულ ადგილებზე, რათა შემდეგ გადამუშავდეს“, – განაცხადა გიგა გიგაშვილმა.




მყარი ნარჩენების მართვის მიზნით EBRD 15 მლნ ევროს გამოყოფს


a26529საქართველოს ფინანსთა მინისტრმა, ივანე მაჭავარიანმა და  კავკასიაში, მოლდოვასა და ბელარუსშიევროპის რეკონსტრუქციისა და განვითარების ბანკის (EBRD) რეგიონულმა დირექტორმა, ბრუნო ბალვანერამ „თბილისის მყარი ნარჩენების პროექტის“ სასესხო შეთანხმება გააფორმეს.

ფინანსთა სამინისტროს ინფორმაციით, დოკუმენტი ითვალისწინებს 15 მლნ ევროს ოდენობის ფინანსური რესურსის გამოყოფას  თბილისის მყარი ნარჩენების მართვის მიზნით. აღნიშნული თანხა  შპს „თბილსერვის ჯგუფის“ ინფრასტრუქტურის გაუმჯობესებასა და სათანადო ტექნიკის შესყიდვას მოხმარდება.

სამინისტროში განმარტავენ, რომ პროექტს ექნება მნიშვნელოვანი გარემოსდაცვითი ეფექტი და  ეკოლოგიური და სოციალური გარემოს გაუმჯობესებას მოემსახურება.

დღესვე, პროექტის ფარგლებში, გაფორმდა საპროექტო და მხარდამჭერი ხელშეკრულებები, რომელსაც ხელი მოაწერეს თბილისის მუნიციპალიტეტის მერის მოადგილე მაია ბითაძემ, შპს „თბილსერვის ჯგუფის“ დირექტორმა, ლევან ჯღარკავამ და კავკასიაში, მოლდოვასა და ბელარუსში ევროპის რეკონსტრუქციისა და განვითარების ბანკის რეგიონულმა დირექტორმა, ბრუნო ბალვანერამ.

ფინანსთა სამინისტროს ინფორმაციით, დღეისთვის, EBRD-ის მხრიდან საქართველოსთვის გამოყოფილი დაფინანსების ოდენობა 200-ზე მეტი პროექტის განსახორციელებლად, დაახლოებით 3 მილიარდი ევროა, საიდანაც 90 პროცენტი მიმართულია კერძო სექტორში.




ნოემბრიდან ბენზინგასამართი სადგურების მასშტაბური შემოწმება დაიწყება


sawvavi, benzini,ბენზინისაწვავის ხარისხის გასაკონტროლებლად, მთელი ქვეყნის მასშტაბით 80 ბენზინგასამართი სადგური, წინასწარი გაფრთხილების გარეშე, შემოწმდება. 

„ჰაერის დაბინძურებასთან დაკავშირებით, მოსახლეობაში მუდმივად მუსირებს აზრი, რომ ატმოსფერული ჰაერის ხარისხის გაუარესება უკავშირდება საავტომობილო საწვავის მოხმარებას. იმისთვის, რომ ვაკონტროლოთ, რამდენად შესაბამისობაშია საწვავი იმ ნორმებთან, რაც დადგენილია ქვეყანაში, წელს უკვე მეორედ ვახორციელებთ საწვავის კვლევას. არსებობს გარკვეული ნორმები შემადგენლობასთან დაკავშირებით, გადავწყვიტეთ, ნოემბრის დასაწყისიდან დავიწყოთ მასშტაბური შემოწმება“, – განაცხადა„კვირას“ პრესკლუბში გამართულ პრესკონფერენციაზე გარემოსდაცვითი ზედამხედველობის დეპარტამენტის უფროსის მოადგილემ, ნელი კორკოტაძემ.

მისი თქმით, მთელი ქვეყნის მასშტაბით, დაახლოებით 80 ბენზინგასამართ სადგურს შეამოწმებენ და 240 სინჯს აიღებენ.

„სინჯების ლაბორატორიულ კვლევას განახორციელებს ტენდერში გამარჯვებული კომპანია. შემოწმებები განხორციელდება გაუფრთხილებლად, მივალთ კონკრეტულ სადგურთან და საწვავის სინჯებს ავიღებთ. 10 დღე დასჭირდება ლაბორატორიული კვლევების ჩატარებას და ცხადია, ამ ინფორმაციას გავასაჯაროებთ. ეს იქნება საჯარო და ხელმისაწვდომი ყველა დაინტერესებული მხარისთვის.

კვლევის შედეგად, გვეცოდინება მთელი საქართველოს მასშტაბით რა ხარისხის საწვავი მიეწოდება მანქანებს. თუ აღმოვაჩენთ, რომ საწვავის ხარისხი არ არის შესაბამისი ნორმებთან, ამისთვის ადმინისტრაციულ სამართალდარღვევათა კოდექსში არსებობს შესაბამისი სანქცია. თუ რეალიზაციის პროცესში შეუსაბამობას აღმოვაჩენთ, კომპანია 8 000 ლარით დაჯარიმდება“, – აღნიშნა კორკოტაძემ.

მიმდინარე წელს პირველი კვლევისას 10 სადგური შემოწმდა.

„პირველი კვლევის შედეგებმა აჩვენა, რომ ყველა დამაბინძურებელი ნივთიერება, რომელიც საწვავშია, დღეს მოქმედ რეგულაციებთან ნორმაში იყო. საწვავს ვამოწმებთ გოგირდის, ტყვიის შემცველობაზე, ასევე დგინდება ოქტანობა რამდენია. შარშან იყო რამდენიმე შემთხვევა, როცა გოგირდის შემცველობა დიზელის საწვავში გადამეტებული იყო. სამი კომპანია დაჯარიმდა ამის გამო. 2014 წლიდან ვახორციელებთ კვლევებს და ტყვია არც ერთხელ აღმოჩენილა საწვავში. ვამოწმებთ როგორც ბრენდულ, ისე არაბრენდულ სადგურებს, როგორც თბილისის, ასევე საქართველოს მასშტაბით“, – განაცხადა ნელი კორკოტაძემ.




ეროვნული სატყეო სააგენტოს თანამშრომლებმა წითელი ნუსხით დაცული არჩვი მოკლეს


Картинки по запросу არჩვიეროვნული სატყეო სააგენტოს თანამშრომლებმა წითელი ნუსხით დაცული არჩვი მოკლეს. ინფორმაციას გარემოსდაცვითი ზედამხედველობის დეპარტამენტი ავრცელებს. მათივე ცნობით, ფაქტის გამოვლენის შემდეგ მათ დაკავებული თანამდებობები, პირადი განცხადების საფუძველზე დატოვეს.

ამასთან, არჩვის მოკვლის შემთხვევაში, გარემოსთვის მიყენებული ზიანის ოდენობა 30 000 ლარს შეადგენს.

„პანკისის ხეობაში, ხადორჰესის მიმდებარე ტერიტორიაზე, გარემოს დაცვისა და სოფლის მეურნეობის სამინისტროს გარემოსდაცვითი ზედამხედველობის დეპარტამენტის თანამშრომლებისა და შსს კახეთის პოლიციის დეპარტამენტის ახმეტის რაიონული სამმართველოს თანამშრომლებმა გადამოწმების მიზნით, გააჩერეს მოქალაქეები, რომლებსაც აღმოაჩნდათ რეგისტრირებული ცეცხლსასროლი იარაღი, ჩეზეს მარკის 3 ცალი შაშხანა, სავარაუდოდ საბრძოლო ვაზნებით და ასევე მოკლული და დანაწევრებული მამალი არჩვი.

შემდგომი გადამოწმებით დადგინდა, რომ მოქალაქეები ბ.ქ., ა.ბ. და ვ.ნ. ეროვნული სატყეო სააგენტოს თანამშრომლები იყვნენ. ფაქტის გამოვლენის შემდგომ, მათ დაკავებული თანამდებობები, პირადი განცხადების საფუძველზე დატოვეს. არჩვი საქართველოს წითელი ნუსხით დაცული სახეობაა და მისი მოკვლის შემთხვევაში, გარემოსთვის მიყენებული ზიანის ოდენობა 30 000 ლარს შეადგენს. საქმის მასალები შემდგომი რეაგირების მიზნით, გადაეგზავნება შინაგან საქმეთა სამინისტროს“, – აღნიშნულია გარემოსდაცვითი ზედამხედველობის დეპარტამენტის მიერ გავრცელებულ ინფორმაციაში.




საქართველოს პრეზიდენტმა დასუფთავების აქციაში მიიღო მონაწილეობა


На данном изображении может находиться: один или несколько человек, люди стоят, на улице и природаყოველწლიური საერთაშორისო კამპანიის  „დავასუფთაოთ მსოფლიო“ ფარგლებში, თბილისში გამართულ დასუფთავების აქციაში საქართველოს პრეზიდენტი გიორგი მარგველაშვილიც ჩაერთო.

დასუფთავების კამპანიაში ჩართვის შესახებ საქართველოს პრეზიდენტმა ესტონელ კოლეგასთან რამდენიმე დღის წინ გამართულ შეხვედრაზე ისაუბრა. კერსტი კალიულაიდი მიესალმა საქართველოს ჩართვას დასუფთავების დღის კამპანიაში.

პრეზიდენტმა თბილისის ზღვის მიმდებარე ტერიტორიის დასუფთავებაში მიიღო მონაწილეობა. აქციაში ასევე, საქართველოში სხვადასხვა ქვეყნის საელჩოებისა და არასამთავრობო ორგანიზაციების წარმომადგენლები, უცხოელი სამხედროები, მოქალაქეები მონაწილეობდნენ.

„მადლობა მინდა ვუთხრა საქართველოს ყველა მოქალაქეს, რადგან მთელი ქვეყნის მასშტაბით ტარდება ეს ძალიან მნიშვნელოვანი აქცია.  მადლობა ესტონელებს, რომლებმაც 10 წლის წინ დაიწყეს ინიციატივა მთელი მსოფლიოს მასშტაბით. მადლობა მინდა ვუთხრა უცხო ქვეყნის მოქალაქეებს, რომლებიც ჩვენი ქვეყნის მიმართ ასეთი პატრიოტიზმით დღეს ჩვენთან ერთად ალაგებენ და ასუფთავებენ გარემოს. მოვუწოდებ ყველას, ჯერ კიდევ დღის დასაწყისია, ბუნებრივია შეიძლება ასეთ აქციას ვერ შეუერთდეთ, მაგრამ საკუთარი სახლის წინ, საკუთარ ეზოს იქნებ ხელი შევავლოთ და ამით გავხადოთ უკეთესი ჩვენი გარემო. მიხარია, რომ ასეთ აქციაში ბევრი ადამიანი მონაწილეობს, განსაკუთრებით ახალგაზრდობის აქტიურობა მახარებს“, – განაცხადა საქართველოს პრეზიდენტმა.

15-16 სექტემბერს მსოფლიოს 140-ზე მეტ ქვეყანაში დასუფთავების ყოველწლიური საერთაშორისო კამპანია  – „დავასუფთაოთ მსოფლიო“  (Clean Up the World) ტარდება, რომელიც 1992 წელს დაფუძნდა გაერო-ს გარემოსდაცვითი პროგრამის (UNEP) ინიციატივით და  ადგილობრივი გარემოს გაუმჯობესებას ემსახურება.  საქართველო, აღნიშნულ კამპანიაში აქტიურად 2010 წლიდან ჩაერთო და ის რიგით 121-ე ქყვეყანა იყო, რომელიც მსოფლიო გარემოსდაცვით რუკაზე აღინიშნა.




საქართველოში ატმოსფერული ჰაერის ხარისხის კვლევის შედეგები


Похожее изображениеსაქართველოს გარემოს დაცვისა და სოფლის მეურნეობის სამინისტროს სსიპ გარემოს ეროვნული სააგენტო აგრძელებს ატმოსფერული ჰაერის ხარისხის უწყვეტ მონიტორინგს ავტომატური სადგურების საშუალებით.

სააგენტოს ინფორმაციით, თბილისში, ბათუმსა და ქუთაისში რვა დამაბინძურებელი ნივთიერების კონცენტრაციები გაიზომა. გაზომვების შედეგად ატმოსფერულ ჰაერში განსაზღვრული ნივთიერებების შემცველობები ნორმის ფარგლებში დაფიქსირდა, გარდა მყარი ნაწილაკებისა (PM10) და აზოტის დიოქსიდის კონცენტრაციებისა.

კერძოდ, 7 სექტემბერს მყარი ნაწილაკების PM10-ის კონცენტრაციების ნორმაზე გადაჭარბება აღინიშნა დედაქალაქში განთავსებულ ოთხივე ავტომატურ სადგურზე. 8 და 9 სექტემბერს საქართველოს მთელ ტერიტორიაზე PM10-ის მომატებული კონცენტრაციები არ დაფიქსირებულა, ხოლო რაც შეეხება 10 სექტემბერს საქართველოს ტერიტორიაზე სამხრეთ-აღმოსავლეთიდან გავრცელებული უდაბნოს მტვრის ნაწილაკების შემცველი ჰაერის მასების გავრცელების გამო თბილისის ოთხივე ავტომატურ სადგურზე კვლავ დაფიქსირდა PM10-ის კონცენტრაციების ნორმაზე გადაჭარბება და მისი ყველაზე მაღალი მაჩვენებელი წერეთლის გამზირზე აღინიშნა, რაც ნორმას 1,6-ჯერ აღემატებოდა.

11 სექტემბრის 15 საათის მდგომარეობით მყარი ნაწილაკების PM10-ის კონცენტრაციებმა საქართველოს მთელ ტერიტორიაზე მნიშვნელოვნად დაიკლო და ამჟამად ნორმის ფარგლებშია. ამ დღეებში ასევე, ფიქსირდებოდა აზოტის დიოქსიდის კონცენტრაციების საშუალოწლიურ ნორმაზე გადაჭარბება ქალაქ თბილისში წერეთლის გამზირზე 1.4-ჯერ და ბათუმში აბუსერიძის ქუჩაზე 1.5-ჯერ, რაც არასრული წვის შედეგად არის გამოწვეული.

ჰაერის ხარისხის მონიტორინგი უწყვეტ რეჟიმში გრძელდება. გარემოს ეროვნული სააგენტო მონაცემებს ატმოსფერულ ჰაერში დამაბინძურებელი ნივთიერებების კონცენტრაციების შესახებ ყოველდღიურად აქვეყნებს სააგენტოს ვებგვერდზე www.nea.gov.ge.




ქუთაისში აქცია-მსვლელობა „იმოქმედე კლიმატისთვის“ გაიმართა


ქუთაისში სახელწოდებით „იმოქმედე კლიმატისთვის“ აქცია-მსვლელობა გაიმართაქუთაისში სახელწოდებით – „იმოქმედეკლიმატისთვის“ აქცია-მსვლელობა გაიმართა.

პარლამენტის შენობასთან აქციის ორგანიზატორებმა მიმართვა გაავრცელეს და ხელისუფლებას მოუწოდეს, კლიმატის ცვლილებების წინააღმდეგ ბრძოლა ადგილობრივი პოლიტიკის პრიორიტეტი გახდეს, ქალაქებმა 2050 წლისთვის 100 %-იან განახლებად ენერგიის წყაროებზე გადასვლა დაიწყონ და უარი თქვან წიაღისეული საწვავის მოპოვებაზე.

მსვლელობის მონაწილეთა განცხადებით, მსოფლიო მასშტაბით სულ უფრო მეტი ბუნებრივი კატასტროფა ფიქსირდება. მეცნიერები კი, ამტკიცებენ, რომ ამინდების მკვეთრი გაუარესება კლიმატის ცვლილებების შედეგია, რაც უფრო მეტ წიაღისეულს და საწვავს ხარჯავს კაცობრიობა, მით უფრო ცხელდება დედამიწა.

კანონპროექტის თანახმად, 2029 წლიდან ყველა ახალი შენობა უნდა აკმაყოფილებდეს თითქმის ნულოვანი ენერგომოხმარების შენობის მოთხოვნებს.

აქცია არასამთავრობო ორგანიზაცია „თაობათა დიალოგი“-სა და „350.org-საქართველოს“ ინიციატივით გაიმართა.




ნინო ჩხობაძე:"ტყეების ჭრას სვანეთში კატასტროფული შედეგები მოაქვს"


Картинки по запросу ნინო ჩხობაძეგარემოს დაცვის საკითხებში ექსპერტის  ნინო ჩხობაძის შეფასებით, ტყეების გაჩეხვას სვანეთში კატასტროფული შედეგები მოაქვს, შესაბამისად, მთიან რეგიონებში ხე-ტყის მსგავსი ჭრა მაქსიმალურად უნდა შემცირდეს.

ნინო ჩხობაძე ხე-ტყის ჭრასთან დაკავშირებით სვანეთში გუშინ განვითარებულ მოვლენებს გამოეხმაურა.

„მე პირადად არ ვარ მომხრე ძალოვანი უწყებებით სიტუაციის მოგვარებისა. მიმაჩნია, რომ ცოტა გადავაჭარბეთ კიდეც და შეიძლება, დიალოგით გაგვერკვია მოსახლეობასთან საკითხები, რაც ხე-ტყესთან არის დაკავშირებული. ზოგადად კი, სვანეთში შექმნილია საკმაოდ რთული სიტუაცია, რადგან ჭუბერისა და ნენსკრას საკითხთან მიმართებაში, წყლის ადიდების ერთ-ერთი მთავარი მიზეზი ნამდვილად იყო გაჩეხილი ხეები“, – განაცხადა ჩხობაძემ.

მისი თქმით, დასახლებულ პუნქტში წყლის შესვლა ნიშნავდა იმას, რომ ტყეებმა, რომელიც ნაპირებზე გაჩეხილი იყო, წყლის ნაკადი არ შეაჩერა.

„ეს რომ საღი ხეები ყოფილიყო, პროცესს შეანელებდა და ასეთი ტრაგედიები, რაც ჭუბერში დატრიალდა, არ მოხდებოდა. ტყეების ჭრას სვანეთში კატასტროფული შედეგები მოაქვს. აქედან გამომდინარე მიგვაჩნია, რომ მაქსიმალურად უნდა შენელდეს და შემცირდეს ტყის ჭრა ასეთ მთიან რეგიონებში“, – განაცხადა ჩხობაძემ.

როგორც ექსპერტი აცხადებს, მისი ინფორმაცით, სვანეთში ძალიან ბევრს ლეგალურად ჰქონდა მოპოვებული ხე-ტყის დამზადების ლიცენზია, შესაბამისად,  მნიშვნელოვანია, გადაიხედოს ბოლო 2-3 წლის განმავლობაში სვანეთის მოსახლეობაზე გაცემული ყველა ნებართვა, სად და ვის მიეცა ხის მოჭრის უფლება.

Похожее изображение

„გრძელვადიანი ლიცენზიების გაცემის არგუმენტი ის იყო, რომ ხეებს მოუვლიდნენ და ტყეებს დარგავდნენ. თუ სადმე ნახეთ, გრძელვადიანი ლიცენზიანტის მიერ დარგული ხე, აღფრთოვანებული ვიქნები. მე პირადად, ასეთი რამ ჯერ არც მინახავს და არც გამიგია. ჩვენს მეტყევეებს ყოველთვის ჰქონდათ იმედი, რომ თვითაღდგენა ტყეებს საკმაოდ კარგი აქვთ, მაგრამ როცა მასიური, პირწმინდა ჭრა მიდის, იქ რამის აღდგენა შეუძლებელია“, – განაცხადა ექსპერტმა.

მისი თქმით, მთაში ხეებს უფრო ნაკლები აღმოცენების უნარი აქვთ, ვიდრე ბარში, ამიტომ ექსპერტი აცხადებს, რომ მთაში პირწმინდა ჭრა საერთოდ აკრძალული უნდა იყოს.

„ყველაზე დიდი პრობლემა არის ის, რომ ჩვენ განვიხილავთ ტყეებს  კომერციული დანიშნულების მხრივ. ეს არ არის კომერციული დანიშნულების ტყე, ჩვენ რესურსის გაყიდვით ვერაფერს მივიღებთ, თუ არ დავანგრევთ. ჩვენი ტყეებისთვის დამახასიათებელი და პირველადი დაცვითი ფუნქციაა, ის არის წყალმარეგულირებელი, წყალშემკრები, რეალურად ნაპირების გამაგრების საშუალება, მეწყერების საწინააღმდეგო ღონისძიებების საშუალება, ღვარცოფების წინააღმდეგ ბრძოლის საშუალება და განსაკუთრებით წყალდიდობების წინააღმდეგ ბრძოლის საშუალება“, – განაცხადა ნინო ჩხობაძემ.

მისი თქმით, აუცილებელია ტყე იქნეს მიღებული, როგორც დაცვითი ფუნქციის მატარებელი და არა, როგორც კომერციული რესურსი. წინააღმდეგ შემთხვევაში, განსაკუთრებით კლიმატის ცვლილებების პერიოდში, სტიქიური მოვლენები მეტად გაძლიერდება.

1tv.ge




თბილისში ძლიერი დამტვერიანება შეინიშნება


 დილიდან თბილისში ძლიერი ნისლი და დამტვერიანება შეინიშნება.

გარემოს ეროვნულ სააგენტოში აცხადებენ, რომ სამხრეთიდან მოქმედი ცხელი ჰაერის მასებისა და ამიერკავკასიის ჩრდილოეთით  შედარებით გრილი ჰაერის მასების ურთიერთქმედების გამო, აღმოსავლეთ საქართველოს უმეტეს ნაწილში, მათ შორის თბილისში ადგილი აქვს ქვეყნის სამხრეთ რეგიონებიდან მტვრის მასების გავრცელებას.

სპეციალისტების განმარტებით, მსგავსი სინოპტიკური პროცესების დროს საქართველოს ტერიტორიაზე სამხრეთიდან მტვრის მასების გავრცელება დამახასიათებელია.

“ნიუპოსტის” ინფორმაციით, მსგავსი ნისლი გუშინ აზერბაიჯანის დედაქალაქშიც შეიმჩნეოდა. აზერბაიჯანის ეკოლოგიის უწყების განმარტებით ჰაერის ფერის ცვლილება თურქმენეთის უდაბნოდან წამოღებული მტვრის ჰაერში შერევამ გამოიწვია. მათი ინფორმაციით აზერბაიჯანში ჰაერი 27 ივლისს გაიწმინდება.

თბილისი

ბაქო