ზოოპარკის ადგილას სარეკრეაციო ზონა მოეწყობა


თბილისის მერია ზოოპარკის თბილისის ზღვის ტერიტორიაზე გადატანას გეგმავს, ძველ ადგილას კი – ხეების დარგვას.

„ჩვენ გვაქვს ასეთი მონახაზი, რომ ზოოპარკი გადავიტანოთ თბილისის ზღვის მიმდებარე ტერიტორიაზე, ზოოპარკის ტერიტორიაზე დამატებით რეკრეაციული ზონა შევქმნათ, გავაფართოვოთ და დავრგოთ ხეები.

ასევე პრობლემები შეიქმნა მზრიუთან დაკავშირებით, ის მთლიანად მშენებლობებშია მოქცეული და გვინდა, რომ ზოოპარკი და მზიური ერთმანეთთან დაკავშიროთ გადასასვლელი საფეხმავლო ესტაკადით და დამატებით ხეები დაირგოს, რათა ერთიანი სივრცე გაკეთდეს და ამით ხელს შევუწყობთ რეკრეაციული ზონის განვითარებას“, – განაცხადა ნარმანიამ ტელეკომპანია “მაესტროს” გადაცემა „ბიზნესკონტაქტის“ ეთერში.




მარიხუანის მოხმარების დეკრიმინალიზაციის კანონპროექტი ჩავარდა


გოგა ხაჩიძის  საკანონმდებლო ინიციატივა მარიხუანის მოხმარების დეკრიმინალიზაციის შესახებ პარლამენტის ჯანდაცვის კომიტეტის სხდომაზე კენჭისყრაზე ორჯერ დადგა. მიუხედავად ამისა  პარლამენტის ჯანდაცვის კომიტეტმა კანონპროექტს მხარი არ დაუჭირა.

თავდაპირველ კენჭისყრისას პროექტს მხარი ხუთმა დეპუტატმა დაუჭირა, რაც იმას ნიშნავდა, რომ საკითხი კომიტეტის მხრიდან მხარდაჭერილი იყო. ხუთივე დეპუტატი პარლამენტის ოპოზიციონერი წევრები იყვნენ. ამის შემდეგ კენჭისყრა განმეორებით ჩატარდა, რა დროსაც კანონპროექტის მოწინააღდეგეთა რაოდენობა უფრო მეტი აღმოჩნდა, რადგან კენჭისყრის პროცესში უმრავლესობის ის წარმომადგენლები ჩაერთვნენ, რომლებიც ხაჩიძის პროექტის წინააღმდეგ გამოდიან.

კანონპროექტის განხილვა ჯანდაცვის კომიტეტის სხდომაზე დღეს ცხარე კამათის და სიტყვიერი დაპირისპირების ფონზე წარიმართა.




რუსეთში გაგარინის “ჯვარცმული” გამოსახულებიანი ტატუირება პოპულარული ხდება


სულ უფრო და უფრო პოპულარული ხდება “ჯვარცმული” იური გაგარინის გამოსახულება რუსეთის ქ. პერმში. გარდა იმისა, რომ ამ ნახატებს წააწყდებით ქალაქის ქუჩებში, ზოგიერთმა მისი გამოსახვა სხეულზეც გადაწყვიტა. მართლმადიდებელი აქტივისტები მოუწოდებენ მთავრობას კანონის შესაბამისად დაისაჯოს, როგორც ამ იდეის ავტორი, ქუჩის მხატვარი ალექსანდრე ჟუნევი, ასევე ამ ნახატის თაყვანისმცემლები. ისინი კი, თავის მხრივ ამტკიცებენ, რომ აღნიშნული ნახატი მეცნიერებისა და რელიგიოუს წინააღმდეგობის სიმბოლოს წარმოადგენს.




ანგელა მერკელი: პირადად ჩემთვის ქორწინება არის კაცისა და ქალის თანაცხოვრება. ეს არის ჩემი კონცეფცია, თუმცა...


გერმანიის კანცლერის ანგელა მერკელის განცხადებით, ქორწინება მხოლოდ ქალსა და მამაკაცს შორის ერთობაა. ინფორმაციას ამის შესახებ ბრიტანული გამოცემა The Independent ავრცელებს.

 

გამოცემის ცნობით, გერმანიის კანცლერი მხარს უჭერს ერთი სქესის წყვილთათვის თანაბარ შეღავათებს, როგორებიც გადასახადების შემსუბუქებაა. მისივე თქმით, აუცილებელია დისკრიმინაციის “აღმოფხვრა”, მაგრამ ამავე დროს “განასხვავებს” სამოქალაქო პარტნიორიობას ქორწინებისგან.

“მე ურყევ მხარდაჭერას ვუცხადებ დისკრიმინაციის ყველა ფორმის აღმოფხვრას. ჩვენ დიდი გზა გამოვიარეთ: მახსოვს 25 წლის წინ, ხალხი ვერც კი ბედავდა იმის თქმას, რომ გეი ან ლესბოსელი იყო. პირადად ჩემთვის ქორწინება არის კაცისა და ქალის თანაცხოვრება. ეს არის ჩემი კონცეფცია, თუმცა მე სამოქალაქო პარტნიორობასაც ვუჭერ მხარს”, – განუცხადა მერკელმა გამოცემა Huffington Post-ს.

გარდა ამისა, ანგელა მერკელმა ხაზგასმით აღნიშნა, რომ ქორწინება ზედმიწევნით უნდა განიმარტოს, როგორც ურთიერთობა კაცსა და ქალს შორის.

“მე ვემხრობი სამოქალაქო პარტნიორობის რეგისტრირებას. მე ვეწინააღმდეგები საგადასახადო კანონმდებლობაში დისკრიმინაციის ყველა სახეს, სადაც კი შევამჩნევთ დისკრიმინაციის გამოხატულებას, კვლავაც აღმოვფხვრით მას”, – აღნიშნა გერმანიის კანცლერმა.

ანგელა მერკელმა ასევე განმარტა, რომ არ სურს დისკრიმინაცია.

“მე მსურს თანასწორობა, მაგრამ გარკვეულ მომენტში ზღვარს ვავლებ”, – დასძინა გერმანიის




თბილისში სპორტის სასახლე გაიხსნა


1436801016362149 უნივერსიტეტის მაღლივ კორპუსთან მდებარე ახალი სპორტის სასახლე ოფიციალურად გაიხსნა. ოლიმპიური ობიექტი პრემიერ-მინისტრმა ირაკლი ღარიბაშვილმა, თბილისის მერმა დავით ნარმანიამ, ვიცე-პრემიერმა კახა კალაძემ, სპორტისა და ახალგაზრდობის საქმეთა მინისტრმა ტარიელ ხეჩიკაშვილმა, ოლიმპიური კომიტეტის პრეზიდენტმა ლერი ხაბელოვმა და ახალგაზრდული ოლიმპიური ფესტივალი “თბილისი 2015”-ის საორგანიზაციო კომიტეტის თავმჯდომარე ალექსი ახვლედიანმა გახსნეს.
ახალი სპორტის სასახლე ევროპის ახალგაზრდული ოლიმპიური ფესტივალის “თბილისი 2015”-ის ფარგლებში 26 ივლისიდან 1 აგვისტომდე ჭაბუკებსა და გოგონებს შორის სახელბურთო ტურნირს უმასპინძლებს.
დავით ნარმანიას თქმით, ობიექტი მრავალფუნქციურია და ამ სივრცეში, ოლიმპიადის დასრულების შემდეგ, როგორც ადგილობრივი, ასევე საერთაშორისო მნიშვნელობის ღონისძიებები გაიმართება. ახალ სპორტის სასახლეში სპორტსმენებს ვარჯიშის შესაძლებლობაც ექნებათ.
თანამედროვე სტანდარტების დაცვით აშენებულ სპორტის სასახლეში ორი დარბაზი მოეწყო, სადაც ერთდროულად შესაძლებელი იქნება სპორტის სხვადასხვა სახეობების ტურნირების ჩატარება, როგორც სათამაშო, ასევე ინდივიდუალურ სახეობებში – ხელბურთში, კალათბურთში, ფრენბურთში, ძიუდოში, ჭიდობაში, მინი-ფეხბურთში, ფარიკაობაში და ა. შ. დიდი დარბაზი 3600 გულშემატკივარს, მცირე არენა კი 600 გულშემატკივარს იტევს.
ახალი სპორტის სასახლის სამშენებლო სამუშაოები 2014 წლის შემოდგომაზე დაიწყო. ობიექტი შ.პ.ს. “სპორტმშენსერვისის” დაკვეთით კომპანია “ლაინკუბმა” დააპროექტა, სამუშაოები კი კომპანია “ელექტრომონტაჟსერვისმა” შეასრულა.




დღეს პეტრე-პავლობაა


მართლმადიდებელი სამყარო დღეს პეტრე-პავლობას, წმინდა თავთა მოციქულთა პეტრესა და პავლეს ხსენების დღეს აღნიშნავს. ამ დღესთან დაკავშირებით ტაძრებში წირვა-ლოცვა აღევლინება.

წმინდა პეტრე და წმინდა პავლე მოციქულებს მართლმადიდებელი ეკლესია ქრისტეს მოწაფეთა შორის განსაკუთრებულ პატივს მიაგებს. მათ თავმოციქულები ეწოდებათ. უფლის ხმობამდე ისინი გალილეის ტბასთან მდებარე პატარა ქალაქ ბეთსაიდის მეთევზეები იყვნენ. პეტრეს სახელად ადრე სვიმონი ეწოდებოდა. მისი რწმენის გამო უფალმა მას პეტრე უწოდა, რაც კლდეს ნიშნავს.წმინდა პეტრე მოციქული ჯვარზე აღესრულა. მისი სურვილით იგი თავდაყირა დაკიდეს, რათა ჯვარზე ისე არ ყოფილიყო გაკრული, როგორც ქრისტე.

წმინდა მოციქული პავლე წარმოშობით ბენიამენიდან იყო. მოციქულებრივ მსახურებამდე მას სავლე ერქვა. იგი მღვდელთმთავართა დავალებით მართლმადიდებლებს სდევნიდა. ღვთის განგებით იგი უეცრად დროებით დაბრმავდა, რა დროსაც ღმერთმა მას თავისკენ მოუწოდა. წმინდა მოციქულს თავი მოკვეთეს. ზოგიერთი ცნობით, პეტრე და პავლე მოციქულები ერთ დღეს აღესრულნენ, სხვა გადმოცემით კი პავლეს, პეტრეს ჯვარცმის წლისთავზე მოკვეთეს თავი.

წმინდა თავთა მოციქულთა პეტრესა და პავლეს სახელზე, პირველი ტაძრები რომსა და კონსტანტინოპოლში, IV საუკუნეში წმინდა მოციქულთასწორმა კონსტანტინე დიდმა აღმართა.

 




საქართველოს პირველი ლედი ძეგვის თავშესაფარს ესტუმრა


“სასწავლო ცენტრი პირველ ლედისთან ერთად დავათვალიერეთ, რომელიც პრეზიდენტის სარეზერვო ფონდის მხარადაჭერით ხორციელდება. პროექტის ფარგლებში ადამიანები ეუფლებიან სხვადასხვა ხელობას, რომელიც მათ მომავალში დასაქმების პერსპექტივას უქმნის. ბუნებრივია ასეთ ინიციატივას პრეზიდენტი მხარს უჭერს და მიესალმება სამომავლოდ მის კიდევ უფრო გაფართოებას “- განაცხადა საქართველოს პრეზიდენტის ადმინისტრაციის უფროსის მოადგილემ გიორგი აბაშიშვილმა წმ. გიორგი მთაწმინდელის სახელობის დედათა მონასტერთან არსებულ ძეგვის თავშესაფარის სტუმრობისას.  სასწავლო ცენტრი მოინახულეს. ცენტრი, პროექტის – „გაძლიერდი და შეცვალე” – ფარგლებში, პრეზიდენტის სარეზერვო ფონდის დაფინანსებით, თავშესაფრის ტერიტორიაზე ფუნქციონირებს.

217050

საქართველოს პირველი ლედი მაკა ჩიჩუა და გიორგი აბაშიშვილი   სასწავლო პროცესს დაესწრნენ და თავშესაფრის მცხოვრებთა მიერ შექმნილი ნივთები დაათვალიერეს. პირველი ლედი გაესაუბრა მოწაფეებს და მოისმინა თუ რა მნიშვნელობა აქვს მათთვის ამ სასწავლო ცენტრს.

„მე ვფიქრობ, რომ ყველა უნდა იყოს ჩართული ასეთ პროექტებში, როგორც სახელმწიფო ასევე თითოეული ჩვენგანი. რადგან არიან ადამიანები ვინც საჭიროებს ჩვენს დახმარებას. ეს არის საუკეთესო საშუალება იმ ადამიანების გამოვლენისათვის, ვისაც აქვს უნარი იმუშაოს და თავისი შრომით არჩინოს ოჯახი. ჩემთვის ძალიან მნიშვნელოვანია მსგავსი პროექტების განხორციელება. ჩვენ დავინახეთ, რომ ეს ოცი ადამიანი, რომელიც მომავალში დასაქმდება, ახლა სწავლის პროცესშია და მათ აქვთ ყველა საჭირო ინვენტარი ტირხრული მინანქრის ხელობის შესასწავლად. იმედი მაქვს მომავალში მსგავსი ტიპის პროექტების განხროციელებას უფრო მეტი ადამიანი დაუჭერს მხარს ,”- განაცხადა მაკა ჩიჩუამ.

ცენტრში მოწაფეები ჭრა-კერვისა და ტიხრული მინანქრის ხელობას ეუფლებიან. სასწავლო ცენტრი მიზნად ისახავს კურსდამთავრებულთა შემდგომ დასაქმებასაც.

 




გერმანიაში ადამიანებისა და ცხოველებისთვის საერთო სასაფლაო გაიხსნა


cms-image-000007817გერმანიაში გაიხსნა პირველი სასაფლაო, სადაც ადამიანებსა და შინაურ ცხოველებს ერთად დამარხავენ.

ამ პროექტის სარეკლამო ლოზუნგი ასე ჟღერს: ,,სიკვდილის შემდეგაც ერთად დავრჩებით.” სასაფლაოს სამმართველოს “ინსერ ჰაფენ”- ის ხელმძღვანელი იუდიტ ქსიონგენი შემდეგნაირად განმარტავს ამ წამოწყებას:

,,დღესდღეობით მოხუცებისთვის შინაური ცხოველი ხშირად ერთადერთი უახლოესი და ერთგული მეგობარი ხდება და საბოლო გზაზე ერთად განსვენების პერსპექტივა ჩვენ ძალზე მანუგეშებლად მიგვაჩნია.”

აღნიშნულ სასაფლაოზე ცალკეულ ურნებში მოთავსებული პატრონის და ცხოველის კრემირებული ნეშტები საერთო საფლავში ჩაიმარხება; კრემაცია ცალცალკე ჩაუტარდებათ. მსგავსი სასაფლაო ქ. ესენშიც გაიხნა და ის პროტესტანტმა პასტორმა აკურთხა. სასაფლაოს მფლობელი ესენ-ფრინტროპის პროტესტანტული თემია, სასაფლაოს ფართი კი 1 ათას კვადარატულ მეტრს შეადგენს.




შენობის დემონტაჟს 4 ადამიანის სიცოცხლე ემსხვერპლა


შენობის დემონტაჟს 4 ადამიანის სიცოცხლე ემსხვერპლა

ruhnulo-e1436178093462-500x334

თბილისში, აფაქიძის ქუჩაზე მდებარე გამოთვლითი მათემატიკის და ფიზიკის ყოფილი ინსტიტუტის შენობის დემონტაჟის დროს მეოთხე და მესამე სართულები ჩამოიშალა და პირველ სართულზე მომუშავე მუშები მოიყოლა. მაშველები სამი საათის განმავლობაში ცდილობდნენ ნანგრევებიდან დაშავებულების გამოყვანას. ტრაგედიის შედეგად გარდაცვლილია 3 მუშა, ერთი დაშავებული კი მრავალი ტრავმითა და მოტეხილობით საავადმყოფოში მოათავსეს, მაგრამ ექიმების მცდელობის მიუხედავად მისი გადარჩენა ვერ მოხერხდა.
შენობის ადგილზე სასტუმროს  აშენება იგეგემებოდა, სამუშაოებს “ტიფლის ბიზნეს ცენტრი” აწარმოებდა. საგანგებო სიტუაციების მართვის სააგენტოს უფროსის დავით გელაშვილის განცხადებით, ჩამოშლის საშიშროება კვლავ არსებობს, რის გამოც მაშველები ჯერჯერობით ადგილზე რჩებიან. მომხდართან დაკავშირებით გამოძიება დაიწყო.

 

 

 




უკრაინაში სექსუალური უმცირესობის წევრებს ბავშვებთან მუშაობის ნებას დართავენ


rada(2)
უკრაინის პრეზიდენტმა პეტრე პოროშენკომ მხარი დაუჭირა წინადადებას, რის შემდეგადაც გეებსა და ლესბოსელებს განათლების სისტემაში მუშაობის უფლება მიეცემათ. ქვეყნის შრომის კოდექსში შესაბამისი ცვლილებების შეტანას წელს აპირებენ.
ამის შესახებ ცნობილი რადაში გამართული სხდომის დროს გახდა, სადაც ევროპული ინტეგრაციის პერსპექტივებს განიხილავდნენ. სოციალური პოლიტიკის მინისტრის მოადგილის სერგეი უსტიმენკოს თქმით, ცვლილებები ევროპის პარალმენტის, ევროსაბჭოსა და ევროპული კომისიების დირექტივების თანახმად განხორციელდება. ერთერთი დირექტივის თანახმად, ქვეყანამ თავი უნდა აარიდოს სექსუალური ორიენტაციის ნიშნით დისკრიმინაციას. კანონპროექტი უკვე შეტანილია უმაღლესი