არასწორი ურბანული დაგეგმარების გამო, თბილისი შესაძლოა ტუბერკულოზით დაავადებულთა კერად იქცეს


  27_big  ბოლო მონაცემების თანახმად , ტუბერკულიოზით დაავადებულთა ყველაზე მაღალი მაჩვენებელი თბილისსში და აჭარაში დაფიქსირდა.  ცნობილია, რომ ამ საშიში დაავადბის გავრცელების ერთერთი მიზეზი ცუდი ვენტილაცია და მოსახლეობის შიდა მიგრაციაა.  სხვადასხვა მიზეზის გამო ქვეყნის მოსახლეობის კონცენტრაცია ძირითადად თბილისს და ბათუმში ხდება.  ამვე  ქალაქებში ყველაზე  აქტიურად მიმდინარეობს სამშენებლო  ბუმი, ყოველგავრი ურბანული დაგეგმარების დარღვევით. სავალალო შედეგიც სახეზეა…

ნინო ჩხობაძე,  საქართველოს მწვანეთა მოძრაობისდედამიწის მეგობრები“–ის  თანათავმჯდომარე:

– არასწორი დაგეგმარება და განაშენიანება საბოლოო ჯამში გავლენას ახდენს მოსახლეობის ჯანმრთელობაზე. ჰაერის მაღალი ტემპერატურის დროს ხდება ძლიერი აორთქლება, და თავისთავდ იზრდება ტენიანობა. ასეთ პირობებში კი ნაკლებად ხდება ვენტილაცია. ქალაქში მოსახლეობის დიდი კონცენტრაცია ჰაერზე  ახდენს თავისებურ გავლენას. ქალაქის ხელმძღვანელობამ  უნდა გათვალოს, რომ როცა ადამიანების და ტრანსპორტის რაოდენობა იზრდება,  პირობები შეიცვალოს. აუცილებლად უნდა არსებობდეს განაშენიანების  გენერალური გეგმა,  ზონირების გეგმა, რაც  ნებისმიერ თანამედროვე ქალაქში უნდა არსებობდეს. ჩვენთან ეს ყველაფერი არ არის  გათვალისწინებული, სავაჭრო ობიექტები და ,  საცხოვრებელი კორპუსები ერთად მდებარეობს და იქვეა  იქვეა საქმიანი ცენტრიც მოწყობილი. ანუ ქალაქი ზონებად არ იყოფა   – ადმინისტრაციული ცენტრი, საქმიანი ცენტრი, სამრეწველო ზონა, საცხოვრებელი სექტორი და ა.შ. ასეთი რამ ჩვენთან არ ხდება!  ყველაფერი არეულია, ყველა სამრეწველო ზონასთან აშენებულია საცხოვრებელი კორპუსები, რაც ყოვლად დაუშვებელია.  არასწორი განაშენიანების გამო ასევე შეფერხებულია ტრანსპორტის მოძრაობა,  ახლადშექმნილი სექტორები პრაქტიკულად გაუვალია. კორპუსებს შორის ვინტილაცია არ ხდება, სადაც საკმაოდ მაღალი ტენიანობაა და ჯანმრთელობისთვის არახელსაყრელი პირობები. ფაქტობრივად, ეს  უბნები ,,გეტოდ” იქცა – ყოფილი იპოდრომის ტერიტორია, სპორტის სასახლის უკან ახალაშენებული დასახლება, ვაკე–საბურთალო. და ა.შ.

დედაქალაქის ურბანული გენდაგეგმარება მერობის კანდიდატების უსაყვარლესი თემაა, თუმცა სასურველი პოსტის მიღწევის შემდეგ ეს თემა სრულ იგნორირებას ეძლევა…

მარინა გიორგობიანი, თბილისის სახელმწიფო სამედიცინო უნივერსიტეტის პროფესორი, სამედიცინო ეკოლოგიის ასოციაციის პრეზიდენტი:

– რა თქმა უნდა, მჭიდრო განაშენიანება ხელს უწყობს ეპიდემიოლოგიური ფონის გართულებას; არასწორი დაგეგმარების გამო ბინებში დარღვეულია იზოლაციის რეჟიმი, არ არსებობს სრულყოფილი ვენტილაცია.  ეს ხდება როგორც თბილისში, ასევე ბათუმში. ხომ ხედავთ,  რანაირად არის აშენებული ე.წ.  თანამედროვე  ცათაბჯენები?!   მოგეხსენებათ, რომ გარემო არის დაბინძურებული, რაც ასევე  იმუნობიოლოგიური ფონის დაქვეითების მიზეზია. ის ფაქტი, რომ ტუბერკულიოზი  გადამდები დაავადებაა,  ეპიდემიოლოგიურ სიტუაციას  უფრო ძაბავს  და ამ  სიტუაციის გაუარესების ერთ–ერთი მიზეზი ზუსტად არასწორი ურბანული დაგეგმარებაა. შიდა მიგრაციაც არანაკლებ პოზიციას იკავებს ამ „რეიტინგში“.  როგორც წესი, მიგრანტები სახლდებიან   მჭიდრო პირობებში, სადაც არის მაღალი ტენიანობა, მაღალი დამტვერიანება, რაც თავისთავად ართულებს არსებულ მდგომარეობას.

ადამიანის ჯანმრთელობის მდგომარეობა 20% გენეტიკითაა განპირობებული, 20% გარემოთი და 50% ცხოვრების წესით.  შედეგად,  ეს 70% არის ჩვენ ხელში და სწორი მენეჯმენტის პირობებში სავსებით შესაძლებელია მისი მართვა. ჯანმოს ფორმულირებით, ჯანმრთელობა ეს არ არის დაავადების არარსებობა, ეს არის ფიზიკური, სულიერი და სოციალური კეთილდღეობა. თუ ეს ტრიადა არ შედგა, მაშინ არა მარტო ტუბერკულიოზი, სხვა დაავადებებიც ძალიან სწრაფად გავრცელდება.

საქართველოში ტუბერკულიოზის პროფილაქტიკის საქმეში ერთერთ პრობლემას წარმოადგენს მაკონტროლირებელი ორგანოს არარსებობა. მოგიყვანთ მარტივ მაგალითს: გააჩერეთ ქალაქში ნებისმიერი ტაქსი და გამოაღეთ კარი – რა დაბინძურებული სალონები აქვთ მძღოლებს, თქვენ  გგონიათ ეს  არ არის სხვადსხვა დაავადების, მათ შორის ტუბერკულიოზის გავრცელების წყარო?  ბევრს  დაავიწყდა, რომ ვენერიული დაავადებები, მათ შორის ურთულესი სიფილისიც, გადადის საყოფაცხოვრებო ნივთებთან შეხების გზითაც. ტუბერკულიოზი მოგონებაა იმასთან შედარებით  რა დაავადებების გავრცელებცაა შესაძლებელი ამ დაბინძურებულ  სალონებთან კონტაქტის გამო!  ხოლო ტუბერკულიოზი  არა მხოლოდ საქართველოში,  მთელ მსოფლიოშიც საკმაოდ საშიში  ხდება. მიუხედავად იმისა, რომ ცნობილია მისი გამომწვევი მიზეზები  და მკურნალობის მეთოდები, კოხის ჩხირი დღეს  მუტანტი ჩხირია, მის წინააღმდეგ პრეპარატები უკვე  რთულად მოქმედებენ, რაც ამძიმებს  მასთან ბრძოლას. მოკლედ, რომ ვთქვათ, გარემოს დაბინძურება, ცხოვრების არაჯანსაღი წესი, არაჯანსაღი კვება, არასწორი დასვენება, არასათანადო სოციალური პირობები და მრავალი სხვა მიზეზი ხელს უწყობს ქვეყანაში ეპიდემიოლოგიური ფონის დამძიმებას, რაც არასახარბიელოა ჩვენი საზოგადოებისთვის.

www.premiumi.ge




მედიასაშუალებებით გავრცელებული ინფორმაცია სასკოლო სახელმძღვანელოების პროექტის დისკრედიტაციისკენ არის მიმართული – განათლების სამინისტრო


1351067324_94193cignebi საქართველოს განათლებისა და მეცნერების სამინისტრო მედიასაშუალებებით გავრცელებულ ინფორმაციას უფასო სასკოლო სახელმძღვანელოების პროექტის დისკრედიტაციისკენ მიმართულ მოქმედებად აცხადებს.
სამინისტრო მედიასაშუალებებს მოუწოდებს ყურადღებით მოეკიდონ მსგავს თემებს, რადგან მოსწავლეებთან დაკავშირებული ყველა საკითხი მეტად სენსიტიურია
,,სამწუხაროა, რომ წილკნის ახლადგახსნილ საჯარო სკოლაში პრემიერის ვიზიტისას, რამდენიმე ინტერნეტგამოცემამ არასწორი ინტერპრეტაცია მისცა საქართველოს განათლებისა და მეცნიერების მინისტრის ფრაზას.
პრემიერთან საუბარში მინისტრმა ყუარდღება გაამახვილა იმაზე, რომ განსაკუთრებით ხელმოკლე ოჯახებისთვის უფასო სასკოლო სახელმძღვანელოების დარიგება უმნიშვნელოვანესია, რადგან სახელმძღვანელოების შეძენა არცთუ მცირე თანხებს უკავშირდება. შესაბამისად, მან პრემიერს განუმარტა, რომ მართალია, სახელმძღვანელოების ნაწილი ახალი, ნაწილი კი, მაღალი ქულებით არის შეფასებული, მაგრამ მთავარი ბავშვების წიგნებით უზრუნველყოფაა” – ნათქვამია სამინისტროს განცხადებაში.




თბილისის უბნები, რომლებსაც 17 სექტემბერს ელექტროენერგია შეეზღუდებათ


images დაგეგმილი სხვადასხვა სამუშაოს ჩატარების გამო ელექტრომომარაგება 17 სექტემბერს დროებით შეიზღუდება.
გლდანის რაიონი
გეგმიური სამუშაოების გამო 11 საათიდან 14 საათამდე შეზღუდვა შეეხება: მუხიანის I და II მიკრორაონების მაცხოვრებლებლებს.
ნაძალადევის რაიონი
გეგმიური სამუშაოების გამო 11 საათიდან 15 საათამდე შეზღუდვა შეეხება: თემქის დასახლების XI მიკრორაიონის II კვარტლის და გვაზაურის ქუჩის მაცხოვრებლებს.
საბურთალოს რაიონი
გეგმიური სამუშაოების გამო 11 საათიდან 18 საათამდე შეზღუდვა შეეხება: დიღმის სასწავლო მეურნეობის და სოფელ დიღმის მაცხოვრებლებლებს.
ისნის რაიონი
გეგმიური სამუშაოების გამო 11 საათიდან 17 საათამდე შეზღუდვა შეეხება: მოსკოვის გამზირის (ნაწილობრივ), ქაიროს, ბოგდან ხმელნიცკის, სამგორის და ნადარეიშვილის ქუჩების მაცხოვრებლებლებს.
მთაწმინდის და კრწანისის რაიონები
გეგმიური სამუშაოების გამო 09 საათიდან 18 საათამდე შეზღუდვა შეეხება: აბესაძის, დადიანის, პუშკინის, ლერმონტოვის, ლესელიძის, კოტე აფხაზის, ჩახრუხაძის, შავთელის, ავლევის, ბარათაშვილის, ნაკაშიძის, კუფტინის, საიათნოვას, ბერიძის და ხანძთელის ქუჩების მაცხოვრებლებლებს.
გეგმიური სამუშაოების გამო 11 საათიდან 17 საათამდე შეზღუდვა შეეხება: რუსთაველის გამზირის (ნაწილობრივ), ძმები ზუბალაშვილების, ლაღიძის და ალექსანდრე ჭავჭავაძის ქუჩების მაცხოვრებლებლებს.
კომპანია ბოდიშს უხდის მომხმარებლებს შექმნილი დისკომფორტის გამო. სამუშაოების დასრულების შემდეგ აბონენტებს ელექტრომომარაგება აღუდგება.




კაბალში საცხოვრებელ სახლს სეტყვის საწინააღმდეგო ჭურვი დაეცა


thumb ლაგოდეხის რაიონის სოფელ კაბალში ასლანოვების საცხოვრებელ სახლს სეტყვის საწინააღმდეგო ჭურვი დაეცა. შემთხვევა მაშინ მოხდა, როცა კომპანია “დელტამ” სპეციალური დანადგარიდან გასროლა განახორციელა.
ოჯახში არავინ დაშავებულა, თუმცა, დაზიანდა სახლის სახურავი და კედელი. ჭურვის დაცემის შედეგად გაჩენილმა ხანძარმა რამდენიმე საყოფაცხოვრებო ნივთი დააზიანა.
კრიმინალისტებმა ჭურვი ექსპერტიზაზე გადაიტანეს. მომხდარ ფაქტზე სისხლის სამართლის საქმე ნივთის გაუფრთხილებლობით დაზიანების მუხლით აღიძრა.




ჩილეს სანაპიროებთან ძლიერი მიწისძვრა მოხდა


cartina-del-cile რამდენიმე საათის წინ ჩილეს სანაპიროებთან ძლიერი მიწისძვრა მოხდა. მიწისქვეშა ბიძგებმა 8.3 სიმძლავრის მაგნიტუდას მიაღწია. ეპიცენტრი წყნარ ოკეანეში იყო. დაიღუპა ერთი ადამიანი – დაშავდა 15.
სანაპირო ზოლზე ცუნამის გამაფრთხილებელი სიგნალი ამოქმედდა – განხორციელდა მოსახლეობის ევაკუაცია. ცუნამის დაკვირვების ცენტრში 3 მეტრამდე ტალღებს ვარაუდობენ.
ბიძგები ეპიცენტრში იმდენად ძლიერი იყო, რომ არგენტინის დედაქალაქშიც იგრძნობოდა.




სურსათის სააგენტო ბიზნესოპერატორებს მოუწოდებს, საეჭვო წარმომავლობის კომპანიებთან თანამშრომლობისაგან თავი შეიკავონ


sursatiserovnulisaagento სურსათის ეროვნული სააგენტოს განცხადებით, საეჭვო წარმომავლობის კომპანიები და პირები, ბიზნესოპერატორებს გარკვეული საფასურის სანაცვლოდ სხვადასხვა სახის მომსახურებას სთავაზობენ და თავს სურსათის სააგენტოსთან ასოცირებულ პირებად ასაღებენ.
როგორც უწყებაში აცხადებენ, აღნიშნული სიმართლეს არ შეესაბამება.
სურსათის ეროვნული სააგენტო ბიზნესოპერატორებს მოუწოდებს, მათთან თანამშრომლობისაგან თავი შეიკავონ და სურსათის ეროვნულ სააგენტოს დაუკავშირდნენ.
„ბოლო პერიოდში სხვადასხვა ჯგუფის მიერ სურსათის ეროვნული სააგენტოს სახელით მანიპულირება გახშირდა.
საეჭვო წარმომავლობის კომპანიები და პირები ბიზნესოპერატორებს გარკვეული საფასურის სანაცვლოდ სხვადასხვა სახის მომსახურებას სთავაზობენ და თავს სააგენტოსთან ასოცირებულ პირებად ასაღებენ.
სურსათის ეროვნული სააგენტო ბიზნესოპერატორებს მოუწოდებს, მათთან თანამშრომლობისაგან თავი შეიკავონ და ნებისმიერი პირის ვიზიტის შემთხვევაში, იდენტურობის დამადასტურებელი დოკუმენტი მოითხოვონ ან სურსათის ეროვნულ სააგენტოს დაუკავშირდნენ.
სურსათის ეროვნული სააგენტო სოფლის მეურნეობის სამინისტროს მმართველობის სფეროში შემავალი საჯარო სამართლის იურიდიული პირია, რომელიც სურსათის/ცხოველის საკვების უვნებლობის, ჰიგიენური და ვეტერინარულ-სანიტარიული მოთხოვნებისა და წესების დაცვაზე სახელმწიფო კონტროლ ახორციელებს.
ნებისმიერი სხვა პირისა თუ ორგანიზაციის მიერ შეთავაზებული სერვისები მხოლოდ პირადი ინიციატივაა და არა სურსათის ეროვნული სააგენტოს მოთხოვნა.
სურსათის ეროვნული სააგენტო ბიზნესოპერატორებს კიდევ ერთხელ მოუწოდებს, ნებისმიერი საეჭვო შეთავაზების შემთხვევაში, სააგენტოს ცხელ ხაზზე – 291 91 68 დარეკონ“,-ნათქვამია სურსათის ეროვნული სააგენტოს მიერ გავრცელებულ განცხადებაში.




თბილისის გენერალური გეგმის შემუშავებაზე კონკურსის გამარჯვებულები გამოვლინდნენ


1442387009612123 თბილისის ვიცე-მერმა, ლაშა აბაშიძემ მიწათსარგებლობის გენერალური გეგმის შემუშავება-განახლებაზე გამოცხადებული კონკურსის სამი გამარჯვებული კომპანია დაასახელა.
პირველი ადგილი შპს „თბილისი ჯგუფის“, „სითი ინსტიტუტი საქართველოს“, „Albert Speer & Partner GmbH“-ის (AS&P), ნიკოლოზ ჭეიშვილის და მამუკა სალუქვაძის მიერ წარმოდგენილმა ერთობლივმა პროექტმა დაიკავა;
მეორე ადგილი – შპს „არტსტუდიო პროექტის“, „Metrogramma Mobility in Chain“-ის, „Aecom“-ისა და გიორგი სულაბერიძის ერთობლივმა ნამუშევარმა დაიკავა;
ხოლო მესამე ადგილზე შპს „გეოგრაფიკის“, „KCAP“-ის, „Burohappold Engineering“-ის, „Studio 21“-ის და გიორგი გოცირიძის ერთობლივი პროექტი გავიდა.
პირველ ადგილზე გასულ კომპანიასთან თბილისის მერია ხელშეკრულებას გააფორმებს, რომლის საფუძველზეც, არაუგვიანეს 18 თვეში, კომპანიამ სრულყოფილი მიწათსარგებლობის გენერალური გეგმა უნდა წარმოადგინოს.
თბილისის მერიის არქიტექტურის სამსახურმა მოქმედი მიწათსარგებლობის გენერალური გეგმის ანალიზი 2015 წლის იანვარში დაასრულა, რის შედეგადაც შეიქმნა გადაუდებელი აუცილებლობა მომხდარიყო ქალაქის ტერიტორიულ-სივრცითი განვითარების ახალ გამოწვევებსა და პრიორიტეტებზე ორიენტირებული გენგეგმის შემუშავება-განახლება.
გენგეგმის შემუშავება-განახლების პროცესში ჩართულია საერთაშორისო საკონსულტაციო კომპანია PWC (PricewaterhouseCoopers), რომელიც მსოფლიოს მასშტაბით 1000 დარგობრივი სპეციალისტით არის წარმოდგენილი და 20 ქალაქის, მათ შორის, ლიონის, ნიუ ორლეანის და რიჰარდის გენერალური გეგმების შემუშავებაში აქვს მონაწილეობა მიღებული. ამასთან, ამ დროისთვის PWC ბერლინის ქალაქგეგმარების პროექტზე მუშაობს.
აღნიშნული მომსახურების საფასური შეადგენს 400 000 ამერიკულ დოლარს.
კონკურსი 2015 წლის 19 მაისს გამოაცხადდა და საკონკურსო წინადადებების მიღება პირველ აგვისტოს დასრულდა. შემოსული 11 განაცხადიდან მეორე ტურში გადასვლა ექვსმა კონკურსანტმა შეძლო. საბოლოოდ, საკონკურსო კომისიამ ექვსივე პრეზენტაციის განხილვის შედეგად 3 გამარჯვებული გამოავლინა.
წინასაპროექტო მოსაზრების (ხედვის) შესყიდვის ღირებულება კანონმდებლობით გათვალისწინებული გადასახადების ჩათვლით I ადგილისათვის – 50 000 ლარს, II ადგილისათვის – 30 000 ლარს, ხოლო III ადგილისათვის – 20 000 ლარს შეადგენს.




Facebook – ი ცვლილებებს დაეთანხმა


სოციალური ქსელი “ფეისბუკის”დამფუძნებელიმა მარკ ცუკერბერგმა შეისმინა მომხმარებლების თხოვნა და ქსელში სულ მალე ახალი ღილაკი “არ მომწონს” (Dislike) გამოჩნდება.

“მომხმარებლები გამუდმებით ითხოვდნენ ამ ფუნქციის შემოღებას, თუმცა ჩვენ მიგვაჩნდა, რომ ამგვარaდ  ქსელურ ურთიერთობაში ნეგატივი შეიპარებოდა. ამჟამად ამ ფუნქციას განვიხილავთ მხოლოდ როგორც თანაგრძნობის გამოხატვას ამა თუ მ ინფორმაციის მიმართ.” – განაცხადეა ცუკერბერგმა.

საბოლოო გამოკვლევის თანახმად, მომხმარებლები ღილაკს “არ მომწონს” ძრითადად გამოიყენებდნენ სხვა ადამიანების მატერიალური ან ფიზიკური მიღწევების მოსანიშნად.




მოსახლეობის ნაწილს დღეს გაზმომარაგება შუწყდება


pur_gaz_ თბილისის მოსახლეობის ნაწილს დღეს გაზმომარაგება დროებით შეუწყდება.
“ყაზტრანსგაზ-თბილისის” ინფორმაციით, აღნიშნულის მიზეზი დაგეგმილი სამუშაოებია.
კერძოდ, 16 სექტემბერს, 11.00 საათიდან 17.00 საათამდე, საბურთალოს რაიონში გაზის მიწოდება გაეთიშება ასათიანის ქ. 10ა, 12, 14, ვ. ფშაველას 1 შეს. 7, 9, ზაქარიაძის ქ. 3, 5, 7, 9, 11, 13, 15, ნუცუბიძის ქ. 32, 34, 36-1, 36-2, 38, 40, 42, 44, 46, 48, 50 კორპუსებისა და ნუცუბიძის ქ. 49-დან 59-ის ჩათვლით კერძო სექტორის მოსახლეობას, ასევე აღნიშნულ ტერიტორიაზე არსებულ კომერციულ ობიექტებს (1000 აბონენტი).
გლდანის რაიონში, 11.00 საათიდან 14.00 საათამდე შეზღუდვა შეეხება სარაჯიშვილის გამზ. 3, 5, 7, ილორის ქ. 2, 4, 6, 8 საცხ. კორპუსების მოსახლეობას (210 აბონენტი).
რაც შეეხება ნაძალადევის რაიონს, ასევე ხვალ, 16 სექტემბერს, 11.00 საათიდან 17.00 საათამდე, გაზი შესაძლოა დაბალი წნევით მიეწოდოს
კავთისხევის, ლეჩხუმის, მანჯგალაძის, სვანეთის, ხევსურეთის ქუჩების კერძო სექტორის ნაწილს, ასევე ც. დადიანის ქ. 34-ის კორპუსების მოსახლეობასა და მიმდებარედ არსებულ კომერციულ ობიექტებს (1230 აბონენტი).,,გაზმომარაგება აღდგება სამუშაოს დასრულებისთანავე”, – აცხადებენ კომპანიაში.




რას ითვალისწინებს მასწავლებელთა პროფესიული განვითარებისა და კარიერული წინსვლის ახალი სისტემა


მასწავლებელთა პროფესიული განვითარების ეროვნულ ცენტრში მასწავლებლის საქმიანობის დაწყების, პროფესიული განვითარებისა და კარიერული წინსვლის სქემის ამოქმედებასთან დაკავშირებით პრესკონფერენცია გაიმართა.
ცენტრის დირექტორმა გიორგი მაჩაბელმა მედიას სქემის დანერგვის პროცესში განხორციელებული და დაგეგმილი ღონისძიებების შესახებ ინფორმაცია გააცნო.
„მიუხედავად იმისა, რომ სქემის შესახებ შექმნილი დოკუმენტი ნათლად წარმოგვიდგენს მიზნებსა და ამოცანებს, ჩვენ ვეცადეთ იმპლემენტაციის პროცესის თითეულ ეტაპზე მასწავლებლებისა და სკოლის ადმინისტრაციისთვის მაქსიმალურად გაგვემარტივებინა სქემაში ჩართვა. ამისათვის, განხორციელდა სკოლის დირექტორების კონსულტირება ქვეყნის მასშტაბით; მომზადდა სქემის გზამკვლევის ელექტრონული და ბეჭდური ვერსიები და შეიქმნა უკუკავშირის ეფექტიანი მექანიზმი, რათა ცხელი ხაზისა და სოციალური ქსელების მეშვეობით მუდმივ რეჟიმში ვუპასუხოთ ყველა შეკითხვას; გარდა ამისა, მზადდება სპეციალური ვიდეო-ინსტრუქცია, რომელიც მასწავლებლებს განუმარტავს სქემაში განაწილების, სტატუსის მოპოვებისა და შენარჩუნების წესებს” – განაცხადა გიორგი მაჩაბელმა.
ცენტრის წარმომადგენლების განცხადებით, უკვე განხორციელდა მასწავლებელთა გამოცდის შედეგების, ასევე მათი განათლებისა და სტაჟის შესახებ ინფორმაციის ასახვა eSchool-ში, რის საფუძველზეც, თვის ბოლომდე პედაგოგები განაწილდებიან სქემით განსაზღვრულ საფეხურებზე და მიენიჭებათ სტატუსის დამადასტურებელი სერტიფიკატი. სისტემაში განაწილების შემდეგ, თითეული მასწავლებელი სკოლის ადმინისტრაციის მეშვეობით მიიღებს მომხმარებლის სახელსა და პაროლს სქემის რეგისტრაციის გასააქტიურებლად და ელექტრონულ სისტემაში სამუშაოდ.
სქემაში მასწავლებელთა განაწილების შემდეგ მასწავლებელთა პროფესიული განვითარების ეროვნული ცენტრი დაიწყებს ტრენინგების სერიას მასწავლებლებისთვის.
pedagog„ყველა პრაქტიკოს მასწავლებელს, რომელსაც წარმატებით აქვს საგნის გამოცდა ჩაბარებული, საშუალება ექნება გაიაროს პროფესიული განვითარების კურსი, რაც მათ 5 კრედიტქულას მიანიჭებს; სპეციალურ ტრენინგებს გაივლიან ფასილიტატორები, რათა ეფექტიანი დახმარება გაუწიონ კოლეგებს სქემით გათვალისწინებული აქტივობების განხორციელებაში; წლის ბოლომდე კი განხორციელდება თვითშეფასებისთვის მოსამზადებელი ტრენინგები, რომელიც მასწავლებლებს დაეხმარება თვითშეფასების კითხვარის მაქსიმალურად ობიექტურად შევსებაში” – განაცხადეს პრესკონფერენციაზე.