რონალდ რეიგანის ძეგლი თეთრად შეღებეს


^6BEFC51CEA014F32FA46CE9FB7A03E0C0F142C0922D2D922A5^pimgpsh_fullsize_distr

 

 

 

 

 

 

 

 

 

 

საპატრულო პოლიციის თანამშრომლებმა სხვისი ნივთის დაზიანების ფაქტზე ერთი პირი გამოავლინა. 59 წლის დავით დ-მ თბილისში, რიყის პარკში რონალდ რეიგანის ძეგლი თეთრად შეღება. ფაქტის ამსახველი ფოტო “თავისუფალი თაობის” ხელმძღვანელმა ლადო სადღობელაშვილმა გამოაქვეყნა.

აღნიშნულ ფაქტზე გამოძიება საქართველოს სსკ-ის 187-ე მუხლით დაიწყო. დანიშნულია ექსპერტიზა, რომელიც ზარალის ოდენობას დაადგენს.




საკითხის წამოწევა, ასეთი სიმწვავით, ჩემთვის გაუგებარია – გიორგაძე


news_35258

 

 

 

 

 

 

 

 

,,ამ საკითხის წამოწევა ჩემთვის პირადად გაუგებარია”– ეს განცხადება, კულურის მინისტრმა პროექტ ,,პანორამათბილისის” შესახებ, მთავრობის სხდომის დაწყებამდე გააკეთა.

მისი თქმით, შენიშვნის დაფიქსირების საშულება თავის დროზე ყველას ჰქონდა.

,,ამ რეკომენდაციების და შენიშვნების შემდეგ, რომელიც გამოთქმული იყო ექსპერტების მიერ, მათ შორის დამოუკიდებელი ექსპერტების მიერ, იყო მიღებული გადაწყვეტილება ამ პროექტის დამტკიცებასთან დაკავშირებით. ყველას ჰქონდა საშუალება, რომ თავისი შენიშვნა ან კორექტირება დაეფიქსირებინა პროექტთან დაკავშირებით, რაც თავის დროზე გაკეთდა. ახლა თავიდან ამ საკითხის წამოწევა, თანაც ასეთი სიმწვავით, ჩემთვის პირადად გაუგებარია,” – აცხადებს მიხეილ გიორგაძემ.

შეგახსენებთ, რომ 13-მა საერთაშორისო ორგანიზაციამ წერილი გაავრცელა, სადაც მთავრობას პროექტ “პანორამათბილისის” მშენებლობისგან თავის შეკავება ურჩია.




ავღანეთში ქართველი სამხედრო მოსამსახურე დაიღუპა


timthumb               ავღანეთში ,,მტკიცე მხარდაჭერის” მისიის შესრულების დროს ქართველი სამხედრო მოსამსახურე, საქართველოს შეიარაღებული ძალების IV მექანიზირებული ბრიგადის 43-ე ბატალიონის პირველი კლასის რიგითი ვასილ გელას ძე ყულიჯანიშვილი დაიღუპა. საქართველოს თავდაცვის სამინისტრო მწუხარებას გამოთქვამს და უსამძიმრებს ვასილ ყულიჯანიშვილის ოჯახს. ამ მძიმე წუთებში თავდაცვის სამინისტრო დაღუპული სამხედრო მოსამსახურის ოჯახის გვერდში დგას და ღირსეულად მიაგებს პატივს ჯარისკაცის ხსოვნას.

პირველი კლასის რიგითი ვასილ ყულიჯანიშვილის გარდაცვალების გამო სახელმწიფო დროშები დაუშვეს თავდაცვის სამინისტროს ადმინისტრაციულ შენობებსა და მეოთხე მექანიზირებული ბრიგადის ბაზაზე.

პატრულირების დროს დაიჭრა საქართველოს შეიარაღებული ძალების IV მექანიზირებული ბრიგადის 43-ე ბატალიონის სერჟანტი პაატა ზაურის ძე როსტობაია. 43-ე ბატალიონის მთავარი სამხედრო ექიმის განცხადებით, სერჟანტ პაატა როსტობაიას მდგომარეობა სტაბილურია. დაჭრილი მკურნალობას ბაგრამის საავიაციო ბაზაზე არსებულ აშშ-ს არმიის მთავარ სამხედრო ჰოსპიტალში გადის. დაშავებული ქართველი სამხედრო მოსამსახურის სიცოცხლეს საფრთხე არ ემუქრება.




დიმიტრი ხუნდაძე: სახელმწიფომ ფართომასშტაბიანი დემოგრაფიული პოლიტიკის გატარება დაიწყო


XUNDAzE             საქართველოს პარლამენტში, ჯანდაცვისა და სოციალურ საკითხთა კომიტეტის თავმჯდომარის დიმიტრი ხუნდაძის ინიციატივით ცნობილ ქართველ დემოგრაფებთან შეხვედრა გაიმართა. შეხვედრის თემა ქვეყნის დემოგრაფიული პოლიტიკის დოკუმენტის შემუშავება იყო, რასაც პარლამენტის ჯანდაცვის კომიტეტი უხელმძღვანელებს.

,,სამი წლის წინ ჩვენ ერთ-ერთ მთავარ პრიორიტეტად ქვეყნის დემოგრაფიული მდგომარეობის გაუმჯობესება გამოვაცხადეთ და ამ მიმართულებით უკვე გადავდგით სერიოზული ნაბიჯები. მიღებული გვაქვს რამდენიმე კანონი და განხორციელებულია არაერთი სამთავრობო ინიციატივა, მათ შორის ერთ-ერთი მთავარია პრემიერის გადაწყვეტილება, ყოველ მესამე და შემდგომ ახალშობილზე ფულადი დახმარება ორი წლის მანძილზე ბარში 150, ხოლო მთიან რეგიონებში 200 ლარის ოდენობით. ეს ინიციატივა ხორციელდება 2014 წლიდან რეგიონალური პრინციპით. გვაქვს მნიშვნელოვანი ინიციატივები განხორციელებული ფეხმძიმე ქალების მედიკამენტებით უზრუნველყოფაზე, აბორტებზე, დეკრეტულ შვებულებაზე და სხვა. ამ ყველაფერმა შედეგი უკვე მოგვცა: 2014 წლის მონაცემებით, გაზრდილია შობადობა, შემცირებულია სიკვდილიანობა და საგრძნობლად დაწეულია აბორტების რაოდენობა.
მიუხედავად იმისა, რომ შედეგი უკვე გვაქვს, პრობლემა იმდენად მწვავეა, რომ ეს საქმე კიდევ უფრო დატვირთულ და სერიოზულ მუშაობას ითხოვს. სწორედ ამიტომ გადავწყვიტეთ შევიმუშაოთ სახელმწიფო დემოგრაფიული პოლიტიკის დოკუმენტი, რომელიც თავმოყრას გააკეთებს უკვე განხორციელებული ინიციატივების და შეიმუშავებს ახალ საკითხებს ყველა მიმართულებით. დემოგრაფია არ ეხება მხოლოდ ჯანდაცვას და სოციალურ თემას, ეს არის განათლება, ეკონომიკა, რეგიონალური განვითარება, მიგრაცია და ა.შ. ამიტომ შეიქმნება მულტისექტორული ჯგუფი, რომელიც იმუშავებს კონკრეტულ მიმართულებებზე კონკრეტულ სფეროში.
დღეს გვქონდა პირველი შეხვედრა ცნობილ ქართველ დემოგრაფებთან, რომლებსაც აქვთ დიდი გამოცდილება და ცოდნა ამ სფეროში. პირველ რიგში, დავიწყეთ მუშაობა სტრატეგიის ჩამოყალიბებაზე და კონცეფციაზე, რაშიც ჩაერთვებიან საერთაშორისო ორგანიზაციებიც. შემდგომ უკვე მოვამზადებთ სახელმწიფო დემოგრაფიული პოლიტიკის დოკუმენტს. თუ რა სახის იქნება ეს დოკუმენტი, ამას მუშაობის პროცესი გვაჩვენებს. მთავარია, ოცდაათწლიანი მძიმე დემოგრაფიული პრობლემების შემდეგ, სახელმწიფომ პირველად დაიწყო ფართომასშტაბიანი დემოგრაფიული პოლიტიკის გატარება“, – განაცხადა დიმიტრი ხუნდაძემ.




ქართულმა მხარემ თურქეთის ელჩთან, თურქეთის ტერიტორიაზე ღვთისმსახურთა სამოსის ტარებისა და კოლექტიური ლოცვების შესრულების აკრძალვის საკითხი დააყენა


 7d6b3d0ddf20c9809d6c0f4889f586b8                    საქართველოს მთავრობის ადმინისტრაციაში, რელიგიის საკითხთა სახელმწიფო სააგენტოს თავმჯდომარე ზაზა ვაშაყმაძე, თურქეთის რესპუბლიკის საგანგებო და სრულუფლებიან ელჩს საქართველოში, ზექი ლევენთ გუმრუქჩუს შეხვდა.
შეხვედრის მონაწილეებმა რელიგიის სფეროში საქართველოსა და თურქეთს შორის არსებულ თანამშრომლობაზე იმსჯელეს და კმაყოფილება გამოთქვეს, რომ ამ თვალსაზრისით, ქვეყნებს შორის სადავო საკითხების ოპერატიულად გადაჭრის პრაქტიკა მკვიდრდება.
რელიგიის საკითხთა სახელმწიფო სააგენტომ დასვა საკითხი თურქეთის ტერიტორიაზე არსებულ რეგულაციებთან დაკავშირებით, რაც გამოიხატება ქართველი სასულიერო პირების და მომლოცველთა ჯგუფების მიმართ გარკვეულ დაბრკოლებებში –  ისტორიული ტაო-კლარჯეთის ტერიტორიაზე არსებული ქრისტიანული ტაძრების მოლოცვისას ღვთისმსახურთა სამოსის ტარებისა და კოლექტიური ლოცვების შესრულების აკრძალვაში, რაც ხელს უშლის მათი რელიგიური უფლებების განხორციელებას.
საპასუხოდ, თურქეთის ელჩმა განაცხადა, რომ იგი დაინტერესდება არსებული ვითარებით.
შეხვედრის ფარგლებში ასევე განიხილეს რელიგიური განათლების საკითხები. სააგენტომ რელიგიის სფეროში თურქეთის კანონმდებლობის გაცნობის სურვილი გამოთქვა. ელჩის თქმით, იგი მზადაა სააგენტოს საჭირო ინფორმაცია მიაწოდოს.



თბილისის ბინების განაწილების კომისიამ მუშაობა დაიწყო


10989489_977123982333487_7777035340560377662_n            თბილისის ბინების განაწილების კომისიამ მუშაობა დაიწყო. თბილისში „ჰუალინგ ჯგუფისა“ და მენაშენეებისგან გამოსყიდულ ობიექტებზე ბინების მიღების მოთხოვნით განაცხადი 13 000 დევნილმა ოჯახმა შეავსო.
,,სიების დაზუსტების პროცესში აღმოჩნდა, რომ ბევრმა განაცხადი ორჯერ ან მეტჯერ შეავსო, ან ოჯახების გაერთიანება განაცხადის შევსების შემდეგ გადაწყვიტეს, რამაც გამოიწვია აპლიკანტების რაოდენობის შემცირება.
საბოლოო მონაცემებით, თბილისში, ახალაშენებულ კორპუსებში 10 010 დევნილი ოჯახი ელოდება ბინის მიღებას. დევნილთა საკითხების შემსწავლელი კომისიის გადაწყვეტილებით, მინიჭებული ქულების საფუძველზე, შეირჩა ყველაზე მაღალი ქულების მქონე ის დევნილი ოჯახები, რომლებიც მონიტორინგის ჯგუფებმა ადგილზე შეისწავლეს. მონიტორინგის სამსახური 18 აგვისტოდან 15 სექტემბრამდე მუშაობდა, რის შემდეგაც მოკვლეული მასალები, განსახილველად, დევნილთა საკითხების შემსწავლელ კომისიას გადაეცა. ამ კომისიის მუშაობა 21 სექტემბერს იწყება და ის 28 სექტემბრამდე გაგრძელდება“, – აღნიშნულია განცხადებაში.
დევნილთა გრძელვადიანი განსახლების პროცესი სამი მიმართულებით მიმდინარეობს:
1. ნგრევად და სიცოცხლისათვის ან ჯანმრთელობისათვის მომეტებული საფრთხის შემცველი ობიექტებიდან დევნილი ოჯახების გაყვანა;
2. სასამართლოს ან ზემდგომი ადმინისტრაციული ორგანოს გადაწყვეტილებისა და სამინისტროს მიერ გაცემული ადმინისტრაციული დაპირების საფუძველზე დევნილი ოჯახების უზრუნველყოფა საცხოვრებელი ფართით;
3. კრიტერიუმების შესაბამისად დევნილთა გრძელვადიანი განსახლება. დევნილთა გრძელვადიანი განსახლების პროცესის პირველი ეტაპი სააპლიკაციო ფორმის შევსებაა, რის საფუძველზეც დევნილ ოჯახებს წინასწარი ქულები ენიჭებათ.
გაფართოებული კომისიის შემადგენლობაში სამინისტროს ხელმძღვანელობასა და თანამშრომლებთან ერთად, შედიან სახალხო დამცველის აპარატის, დანიის ლტოლვილთა საბჭოს (DRC), გაეროს ლტოლვილთა უმაღლესი კომისარიატის (UNHCR), კონსორციუმი სამართლებრივი დახმარება საქართველოს (LAG), რომელიც 4 ორგანიზაციას აერთიანებს, ასოციაცია „თანხმობა“, ვეტერანთა დეპარტამენტისა და აფხაზეთის მთავრობის წარმომადგენლები. კომისიის მუშაობის პროცესი გამჭვირვალედ მიმდინარეობს და ის ღიაა ნებისმიერი მედია საშუალებისთვის. მუშაობის პროცესში კომისიის წევრები ინდივიდუალურად განიხილავენ თითოეული დევნილი ოჯახის მონაცემებსა და მონიტორინგის შედეგებს. გადაწყვეტილება კი ხმათა უმრავლესობით მიიღება, თუ კონკრეტულად, რომელ დევნილ ოჯახებს გადაეცემათ ბინები. გადასაცები ბინის ოთახების რაოდენობა სულადობის მიხედვით განისაზღვრება.
იქიდან გამომდინარე, რომ ერთი და ოროთახიანი ბინების რაოდენობა უფრო ნაკლებია, ვიდრე მოთხოვნა, შესაბამისად, ასეთი ტიპის ბინებზე გამსვლელი ქულების რაოდენობაც გაცილებით მაღალია სამ და ოთხოთახიან ბინებთან შედარებით.
დევნილთა საკითხების შემსწავლელი კომისიის გადაწყვეტილებით, მონიტორინგს დაექვემდებარნენ: 1. ერთოთახიანი და ოროთახიანი ბინის კანდიდატები – 8 და მეტი ქულა; 2. სამოთახიანი ბინის კანდიდატები – 6,5 და მეტი ქულა; 3. ოთხოთახიანი ბინის კანდიდატები – 1 და მეტი ქულა. კომისიის მუშაობის შედეგად გამოვლინდება 537 დევნილი ოჯახი, რომლებსაც ბინები გადაეცემათ.




,,მშვიდობის საერთაშორისო დღე მუზეუმში”


UNdayofpease-388x22022 სექტემბერს 16:00 საათზე მსოფლიო მშვიდობის საერთაშორისო დღესთან დაკავშირებით, საქართველოს ეროვნულ მუზეუმში ჩაატარდება აქცია  ომის შედეგად დაზარალებული  ბავშვებისთვის, ასევე  საგანმანათლებლო-შემეცნებითი პროგრამა  ,,მშვიდობის  საერთაშორისო დღე მუზეუმში”.

21 სექტემბერს მთელი მსოფლიო აღნიშნავს მშვიდობის საერთაშორისო დღეს, გაერთიანებული ერების ორგანიზაცია მოუწოდებს  მსოფლიოს საომარი მოქმედებებისა და ძალადობის შეწყვეტისაკენ.

პროგრამის მონაწილეებს საშუალება მიეცემა  დაათვალიერონ სიმონ ჯანაშიას სახელობის საქართველოს  მუზეუმის ექსპოზიციები, ვიზუალური მასალის საშუალებით გაეცნობიან გაეროს მიერ   დაარსებული მშვიდობის საერთაშორისო დღის ძირითად მიმართულებებს, მშვიდობის სიმბოლიკასა და მათ ისტორიას.

მუზეუმის ეზოში ჩატარდება შემეცნებით-სახალისო აქტივობები.




საავტომობილო გზების დეპარტამენტი განცხადებას ავრცელებს


5576c9ce0cf220d7cf533521               საავტომობილო გზების დეპარტამენტი ტენდერში მონაწილე პირებსა და ორგანიზაციებს მოუწოდებს, კანონის შესაბამისად იმოქმედონ, რათა სამშენებლო და სარეაბილიტაციო პროექტები შეფერხებების გარეშე განხორციელდეს.
საავტომობილო გზების დეპარტამენტის გავრცელებულ განცხადებას ,,პრემიუმი” უცვლელად გთავაზობთ:

„საავტომობილო გზების დეპარტამენტის მიერ გამოცხადებულ საგზაო ინფრასტრუქტურის მშენებლობის, პერიოდული შეკეთებისა და რეაბლიტაციის ტენდერებში მონაწილე კომპანიების მხრიდან, ხელშეკრულების მოპოვების მიზნით, გახშირდა: სატენდერო დოკუმენტაციის მოთხოვნების შესაბამისი გამოცდილების დამადასტურებელი, ფინანსური შესაძლებლობების ამსახველი და პერსონალის კვალიფიკაციის დამადასტურებელი დოკუმენტაციის ან სხვა ინფორმაციის გაყალბების; სახელმწიფო შესყიდვების პროცესში მონაწილეობისას, არაკონკურენტული გარემოს ხელოვნურად შექმნის; შემსყიდველის შეცდომაში შეყვანის გზით უპირატესობის მდგომარეობის მოპოვების მცდელობის ფაქტები.

საავტომობილო გზების დეპარტამენტი პრევენციის მიზნით, საგზაო სამუშაოების შესყიდვის მსურველ ორგანიზაციებს შეახსენებს, რომ აღნიშნული სახის ნებისმიერი მცდელობა გამიზნული მართლსაწინააღმდეგო ქმედებაა.

ასევე, აფრთხილებს, რომ მსგავს შემთხვევებში არაკეთილსინდისიერი პრეტენდენტი დარეგისტრირდება შესყიდვებში მონაწილე არაკეთილსინდისიერ პირთა რეესტრში – „შავ საიში“, 1 წლით ჩამოერთმევა სახელმწიფო შესყიდვებში მონაწილეობის უფლება და არ დაუბრუნდება სატენდერო წინადადების უზრუნველყოფის გარანტიის სახით დაკავებული თანხა – ტენდერის სავარაუდო ღირებულების 1% (საერთაშორისო ტენდერების შემთხვევაში ამოქმედდება დონორი ორგანიზაციის პოლიტიკით გათვალისწინებული სანქციები) და დაეკისრება კანონსაწინააღმდეგო ქმედების სიმძიმის შესაბამისი პასუხისმგებლობა.

საავტომობილო გზების დეპარტამენტი ტენდერში მონაწილე პირებსა და ორგანიზაციებს მოუწოდებს, იმოქმედონ კანონის შესაბამისად და კეთილსინდისიერად, რათა სამშენებლო თუ სარეაბილიტაციო პროექტები განხორციელდეს შეფერხებების გარეშე და ხარისხიანად, ხოლო სამშენებლო კომპანიებს არ შეექმნათ სამართლებრივი პასუხისმგებლობის პრობლემები”,-ნათქვამია განცხადებაში.




თბილისის გარკვეულ უბნებს ელექტრომომარაგება შეეზღუდებათ


imagesკომპანია “თელასის” ინფორმაციით, დაგეგმილი სხვადასხვა სამუშაოს ჩატარების გამო, დღეს დედაქალაქის რამდენიმე ქუჩას ელექტრომომარაგება დროებით შეეზღუდება.

კრწანისის რაიონში 10:00 საათიდან 16:00 საათამდე შეზღუდვა შეეხება: გორგასლის და გრიშაშვილის ქუჩების მაცხოვრებლებლებს.

მთაწმინდის რაიონში 10:00 საათიდან 18:00 საათამდე შეზღუდვა შეეხება: ლეონიძის, მაჩაბლის, ბაქრაძის, კოსტავას და ჭოველიძის ქუჩების მაცხოვრებლებს.

გლდანის რაიონში 11:00 საათიდან 14:00 საათამდე შეზღუდვა შეეხება: იპოლიტოვ-ივანოვის ქუჩის მაცხოვრებლებს.

ნაძალადევის რაიონში 11:00 საათიდან 15:00 საათამდე შეზღუდვა შეეხება: თემქის დასახლების XI მიკრორაიონის II და III კვარტლების მაცხოვრებლებს.

საბურთალოს რაიონში გეგმიური სამუშაოების გამო 11:00 საათიდან 17:00 საათამდე შეზღუდვა შეეხება: სოფელ დიღმის, სოფელ ზურგოვანის, სოფელ მუხათგვერდის, აღმაშენებლის ხეივნის 12 კმ-ის, ვაჟა-ფშაველას გამზირის, საბურთალოს, ბუდაპეშტის, კანდელაკის, ოთარ ჭილაძის, ბახტრიონის, ყაზბეგის და ქავთარაძის ქუჩების მაცხოვრებლებს.

ჩუღურეთის რაიონში 10:00 საათიდან 17:00 საათამდე შეზღუდვა შეეხება: ხეთაგუროვის ქუჩის მაცხოვრებლებს.

დიდუბის რაიონში 10:00 საათიდან 18:00 საათამდე შეზღუდვა შეეხება: თევდორე მღვდლის, ბორჯომის და უზნაძის ქუჩების მაცხოვრებლებს.

ისნის რაიონში 11:00 საათიდან 18:00 საათამდე შეზღუდვა შეეხება: სახალხოს, დოდაშვილის, ჩკალოვის და ბერი გაბრიელ სალოსის ქუჩების მაცხოვრებლებს.

სამგორის რაიონში გეგმიური სამუშაოების გამო 11:00 საათიდან 16:00 საათამდე შეზღუდვა შეეხება: ბერიაშვილის და ჭირნახულის ქუჩების მაცხოვრებლებს.

კომპანია ბოდიშს უხდის მომხმარებლებს შექმნილი დისკომფორტის გამო. სამუშაოების დასრულების შემდეგ აბონენტებს ელექტრომომარაგება აღუდგება.




პროექტი კანონიდან სექსუალური ორიენტაციის ამოღების შესახებ პარლამენტმა დაარეგისტრირა


parlamenti-1                      საქართველოს პარლამენტის ბიუროს წარედგინა საკანონმდებლო ცვლილებების პაკეტი, რომელიც სექსუალური ორიენტაციისა და გენდერული იდენტობის ნიშნით ადამიანის დისკრიმინაციის ამკრძალავი ჩანაწერების გაუქმებას ითვალისწინებს.

საუბარია დისკრიმინაციის ყველა ფორმის აღმოფხვრის შესახებ კანონში, სისხლის სამართლის კოდექსსა და შრომის კოდექსში შესატან ცვლილებებზე.

პროექტის ავტორია დემოგრაფიული განვითარების ფონდის დირექტორი ზვიად ტომარაძე, ხოლო საკანონმდებლო ცვლილებების პარლამენტში ინიცირება დეპუტატმა სოსო ჯაჭვლიანმა განახორციელა.

დისკრიმინაციის ყველა ფორმის აღმოფხვრის შესახებ კანონში შესატანი ცვლილებების პროექტის მიხედვით, კანონის იმ ჩამონათვლიდან, რომელიც სხვადასხვა ნიშნით დისკრიმინაციას კრძალავს, სექსუალურ ორიენტაციას, გენდერულ იდენტობასა და გამოხატვას ამოიღებენ.

სისხლის სამართლის კოდექსში დაგეგმილი ცვლილებებით, დანაშაულის დამამძიმებელი გარემოება არ იქნება სექსუალური ორიენტაციის და გენდერული იდენტობის შეუწყნარებლობის მოტივით ჩადენილი დანაშაული. პროექტის ავტორი კოდექსის იმ ჩანაწერის გაუქმების ინიციატივითაც გამოდის, რომელიც აღნიშნული ნიშნით ადამიანის თანასწორობის დარღვევაზე პასუხისმგებლობას აწესებს.

შრომის კოდექსის იმ ნორმიდან კი, რომელიც შრომით და წინასახელშეკრულებო ურთიერთობებში ნებისმიერი სახის დისკიმინაციის აკრძალვას ეხება, სექსუალურ ორიენტაციას, როგორც დისკრიმინაციის ერთ-ერთ ფორმას ამოიღებენ