წულუკიანი: არასრულწლოვანი გოგონების ქორწინება უფრო მკაცრად უნდა ისჯებოდეს


wQ6mMybბათუმში გამართულ საერთაშორისო კონფერენციაში  ”საქართველოს ევროპული გზა'”, საქართველოს იუსტიციის მინისტრი თეა წულუკიანიც მონაწილეობს.   იუსტიციის მინისტრმა ჟურნალისტებთან კონფერენციის მნიშვნელობაზე ისაუბრა და აღნიშნა, რომ ყველა ის რეფორმა, რაც საქართველოში ორი წლის განმავლობაში სამართლის სფეროში მიმდინარეობს ახალ თაობებს უკეთეს საქართველოში საცხოვრებლად სჭირდება.

თეა წულუკიანმა კომენტარი გააკეთა ქალთა წინააღმდეგ ძალადობის პრევენციის მიზნით 20-მდე კანონში ცვლილებების შესვლის შესახებაც და განაცხადა, რომ ცვლილებების მიზანია გამკაცრდეს ზოგიერთი კანონი ისე, რომ მათ გადამარწმუნებელი ეფექტი ჰქონდეთ:

“ჩვენ შარშან ხელი მოვაწერეთ სტამბულის კონვენციას, რომელიც მიმართულია ოჯახში ძალადობისა და ქალის წინააღმდეგ ძალადობის პრევენციისა და აღმოფხვრისაკენ. ახლა საჭიროა ამ კონვენციის რატიფიკაცია, მაგრამ ეს ვერ მოხდება, თუ ჩვენ არ შევიტანეთ ცვლილებები და სადაც საჭიროა იქ არ გავამკაცრეთ კანონი.

პრაქტიკულად შემუშავებულია ქალებისთვის, მათი უფლებების დასაცავად ძალიან მასშტაბური და მე ვიტყოდი, რევოლუციურ ცვლილებათა პაკეტი, რომელზეც საჯარო დისკუსია ჩვენ ორი დღის წინ დავიწყეთ, მათ შორის რაიონებშიც გავმართავთ შეხვედრებს იმისთვის, რომ ჩვენმა ქალებმა გაიგონ, თუ რა ახალი უფლებები ექნებათ.   მაგალითად ის, რომ უფრო მკაცრად უნდა ისჯებოდეს არასრულწლოვანი გოგონების ქორწინება, იმიტომ, რომ ეს დაუშვებელია. დღეს ეს ისჯება, მაგრამ არასათანადოდ. სანქცია უნდა იყოს ალბათ უფრო მკაცრი, რომ გადამარწმუნებელი ეფექტი ჰქონდეს. ჩვენ გვინდა, რომ ფსევდოტრადიციები, რომლებიც ბავშვზე, 10-11-13 წლის გოგონაზე ძალადობას გულისხმობს და რომლებიც ზოგიერთ თემებში დღემდე ხორციელდება – აღარ იყოს. გვინდა, რომ პატარა გოგონები დავიცვათ ზრდასრული კაცების მხრიდან ძალადობისგან.  ჩვენ ასევე გვინდა, რომ არსებობდეს მონიტორინგის კარგი მექანიზმი, იმიტომ, რომ ერთია შემოვიტანოთ კარგი ნორმები, მაგრამ მეორეა ამ კარგი ნორმების იმპლემენტაცია. ჩვენ როდესაც ამ კონვენციის რატიფიკაციას მოვახდენთ, მინდა ყველა ქალს საქართველოში სჯეროდეს, რომ მისი უფლებები დაცულია” – განაცხადა წულუკიანმა.




უკრაინაში მობილიზაციის მეექვსე ტალღა გამოცხადდა


18121902.050559.290
უკრაინაში მობილიზაციის მეექვსე,საბოლოო ტალღა დაიწყო. მოპილიზაცია უკრაინაში ჯერ კიდევ 2014 წლის მარტში გამოცხადდა, გასულ წელს სამი ტალღა ჩატარდა, წელსაც დაგეგმილი სამი ტალღის საბოლოო ეტაპი სრულდება.

2014  წლის მონაცემებით უკრაინის არმიაში ჯარისკაცთა რაოდენობა 150 ათას შეადგნდა, წელს კი საერთო ჯამში 104 ათასი ჯარისკაცის მობილიზაცია  არის დაგეგმილი, რითაც საერთო რაოდენობა 250 ათასამდე გაიზრდება. ამგვარად უკრაინის ხელისუფლება გაწვეული ძალების როტაციასა და სამხედრო რეზერვის შექმნას აპირებს.




ეკლესიას თავს დაესხნენ


4031536აშშ–ს ქ. მემფისში(ტენესის შტატი) ეკლესიაში მგალობელთა გუნდის რეპეტიციის დროს სროლა ატყდა, საბედნიეროდ არავინ დაშავებულა. ადგილზე პოლიცია იქნა გამოძახებული.  შეგახსენებთ, რომ იმავე დღეს ქ.ჩარლსტონის (სამხრთ კაროლინას შტატი) ეკლესიაში უცნობმა მამაკაცმა ცეცხლი გახსნა, რის შედეგად 8 ადამიანი დაიღუპა – 6 ქალი და 3 მამაკაცი, მათ შორის სამხრეთ კაროლინას სენატორი კლემენტა ლიკინი.  ეჭვმიტანილი ჯერჯერობით არ დაუკავებიათ.




ზურა გურიელიძე: რაც მოხდა ჩემი ბრალია


თბილისის ზოოპარკის დირექტორის ზურაბ გურიელიძის განცხადებით, მტაცებელი ცხოველების შესახებ სახელმწიფო უწყებების მიერ გავრცელებული ინფორმაცია მისი ბრალია.
გურიელიძის განმარტებით, მისი ინფორმაციის საფუძველზე, სახელმწიფო სტრუქტურებმა განაცხადეს, რომ მტაცებელი ცხოველების მხრიდან მოსახლეობას საფრთხე აღარ ემუქრებოდა.
“ძალიან მძიმე შემთხვევა მოხდა. ვაცნობიერებთ ამ მძიმე შემთხვევას, მიუხედავად ამისა, მოსახლეობას სიმშვიდისკენ მინდა მოვუწოდო. ზოოპარკის ადმინისტრაცია სამართალდამცავ სტრუქტურებთან ძალიან აქტიურად მუშაობს ინფორმაციის გაცვლის მიზნით და ჩვენს მიერ მოპოვებული ინფორმაცია ყველა შესაბამის სამსახურს მიეწოდება.
სტიქიის ღამეს მიმდინარეობდა დაღუპული და დაკარგული ცხოველების რაოდენობის მონიტორინგი. ყველა ინფორმაციით, რაც გუშინ საღამოს გვქონდა, ეს საფრთხე აღარ არსებობდა. ამის შესახებ გუშინაც განვაცხადე, რომ, როდესაც ეს ინფორმაცია შევაჯამეთ მივიღეთ ასეთი შედეგი.
ამის მიუხედავად, შსს მაინც პატრულირებდა პერიმეტრზე, მაგრამ შიგნით შენობებში ძებნა არ ხორციელდებოდა.  სამწუხაროდ, მოხდა ისე, რომ ვეფხვი, რომელიც ჩათვლილი იყო როგორც მოკლული, აღმოჩნდა ცოცხალი და დამალული ერთ-ერთ შენობაში და შესაბამისად მოხდა ის, რაც მოხდა.
ვაცნობიერებ იმას, რომ ჩემი ინფორმაციის მიწოდებით, სახელმწიფო სტრუქტურებმა გაავრცელეს ეს ინფორმაცია და ჩემი შეტყობინების შედეგად ჩაითვალა, რომ საფრთხე აღარ არსებობდა. რა თქმა უნდა, ეს ყველაფერი ჩემი ბრალია. გარწმუნებთ, ყველაფერს ვაკეთებთ, რომ მსგავსი შემთხვევა არ განმეორდეს.
სხვადასხვა მხრიდან სხვადასხვა ინფორმაცია შემოდიოდა. უამრავი ორგანიზაცია და უწყება მუშაობს. ეს უწყებები ინფორმაციას მაწვდიდნენ. შესაბამისად, ერთი და იგივე ვეფხვის მოკვლის შესახებ ინფორმაცია ორჯერ იყო მიღებული”,-განაცხადა გურიელიძემ.




"შევევედით, თუ არა მოულოდნელად გადმოხტა რაღაც"... რას ჰყვება თვითმხილველი


ვეფხვი ლაგუნა ვერეს ტერიტორიაზე ადამიანს თავს დაესხვა, რის გამოც 40 წლამდე მამაკაცი შემთხვევის ადგილზე გარდაიცვალა.

ერთ–ერთი მუშა, რომელიც უბედურ შემთხვევას შესწრო აცხადებს, რომ ვეფხვი მუშას თავს მოულოდნელად დაესხა.  სამაშველო სამსახური, კი შემთხვევის ადგილას არ იმყოფებოდა და შემთვევიდან 10 წუთში გამოცხადდა.

„ეს დღეები გასაგები მიზეზების გამო არ გვიმუშავია, დღეს გaმოვედით სამუშაოდ.  შევედით თუ არა საწყობის ტერიტორიაზე მოულოდნელად გადმოხტა რაღაც და წინ მიმავალს დაეცა, უცებ ვერც მივხვდი რა იყო… მე რომ წავსულიყავი წინ, მე გავხდებოდი ვეფხვის მსხვერპლი.
გული მიკვდება, გონზე არ ვარ, ამას რას მოვესწარი. დახმარებას ითხოვდა, მაგრამ შიშველი ხელით რას გავაკეთებდით. დავრეკეთ სასწრაფოში, სამაშველო სამსახურში, სადღაც 10 წუთში მოვიდნენ, რატომ არ უნდა ყოფილიყო იმ ტერიტორიაზე ეს სამსახურები მობილიზებული?! რატომ ამბობდნენ, რომ მატაცებლები გარეთ აღარ არიანო?! ან ეს ტერიტორია აქამდე არ უნდა შეემოწმებინათ?! – ვინ გასცემს დაღუპულის ცოლ-შვილს პასუხს?! თვალებიდან არ ამომდის, როგორ ეჯდა ადამიანს ვეფხვი ზედ“…




ზოოპარკის ბინადართა 50%-ზე მეტი დამხრჩვალია – ზოოპარკის ადმინისტრაციის განცხადება


თბილისის ზოოპარკი განცხადებას ავრცელებს, რომელშიც ნათქვამია რომ 13 ივნისის სტიქიის შედეგად ზოოპარკის ბინადართა 50%-ზე მეტი დაიხრჩო.
“13 ივნისს საქართველოს დედაქალაქ თბილისში ტრაგედია დატრიალდა. ძლიერი წვიმის გამო ადიდებულმა მდინარე ვერემ კალაპოტი გადმოლახა და მიმდებარე ხეობა დატბორა. მდინარე ზოოპარკში თბილისის დროით დაახლოებით 23:30 საათზე შეიჭრა. წყალმა მთლიანად დაფარა ცხოველების ვოლიერები. შემთხვევის ადგილზე იმყოფებოდნენ ზოოპარკის თანამშრომლები, მობილიზებული იყო სამაშველო სამსახური და სპეცდანიშნულების რაზმი. სამაშველო ოპერაცია მთელი ღამე გრძელდებოდა. ცხოველების ნაწილი დაიხრჩო, ნაწილმა მოახერხა ვოლიერებიდან გამოსვლა. ზოოპარკის თანამშრომლები მთელი ღამის განმავლობაში ცდილობდნენ საიმობილიზაციო საშუალებებით ცხოველების დაძინებას და უსაფრთხო ტერიტორიაზე გამოყვანას. სპეცდანიშნულების რაზმი იძულებული გახდა მოეხდინა იმ რამდენიმე მტაცებლის ლიკვიდაცია, რომელმაც მიაღწია ავტომაგისტრალს, სადაც საცობის გამო უამრავი ადამიანი იმყოფებოდა.
სამწუხაროდ სტიქიამ ზოოპარკის 3 თანამშრომელი იმსხვერპლა: გულიკო ჭიტაძე, თბილისის ზოოპარკის მთავარი ძიძა-მომვლელი, მისი მეუღლე მალხაზ ჭიტაძე, მომვლელი და გივი დვალი, ასევე მომვლელი. მათი ცხედრები 14 ივნისს, მომვლელებისთვის განკუთვნილ შენობაში იქნა აღმოჩენილი.
სამაშველო და საძიებო სამუშაოები ამ წუთებშიც მიმდინარეობს. ამჟამად მობილიზებულია მძიმე ტექნიკა და გრძელდება ტერიტორიის გასუფთავება. წყალდიდობის შედეგად ჩახერგილია ზოოპარკის ქვედა ნაწილი. ჯერჯერობით შეუძლებელია დაღუპული ცხოველების ზუსტი რაოდენობის დადგენა, რადგან ვოლიერები ჯერ კიდევ დატბორილია. თბილისის ზოოპარკის ბინადრების 50%-ზე მეტი დაიხრჩო. ნაწილმა ტერიტორიიდან გასვლა შეძლო. მათ შორის იყო ჰიპოპოტამი, რომლის იმობილიზაცია და ზოოპარკში დაბრუნება გუშინვე მოხერხდა. სტიქიას გადაურჩნენ მხოლოდ ის ცხოველები, რომელთა ვოლიერებიც შემაღლებულ ადგილასაა განთავსებული. მათ შორის არიან სპილოები, თეთრი ლომები, ლეოპარდები, ირმები, ზებრები, ლამები, ტაპირი, მარტორქა, ცივეტა, სერვალი, ჯიხვი, ცხენები, აზავერები და სხვადასხვა სახეობის ფრინველები. წყალდიდობას გადაურჩა ეგზოტარიუმიც. საძიებო სამუშაოების შედეგად ნაპოვნ და გადარჩენილ ცხოველებს შორისაა 2 დათვი, 2 ნიანგი, 2 მგელი, 6 პინგვინი, გარეული ტახის გოჭი და რამდენიმე ფრინველი. სოციალურ ქსელებში გავრცელებული სხვადასხვა ინფორმაცია და ფოტოები თბილისის უბნებში გამოჩენილ ცხოველებთან დაკავშირებით სიმართლეს არ შეესაბამება. სტიქიის ღამიდან დღემდე ქალაქში არც ერთი ცხოველი არ იქნა აღმოჩენილი. ამჟამად ზოოპარკში იმყოფება ყველა თანამშრომელი და აგრძელებენ როგორც გადარჩენილი ცხოველების მოვლა-პატრონობასა და რეაბილიტაციას, ასევე ჩართულნი არიან გაწმენდით სამუშაოებში. ზოოპარკში მობილიზებულია ასობით მოხალისე, რომლებიც თავდაუზოგავად შრომობენ ტერიტორიის გასაწმენდად”- ნათქვამია განცხადებაში.




ნინო ჩხობაძე: ესტაკადის მშენებლობისას არ მოხდა მისი გარემოზე შესაძლო ზემოქმედების შესწავლა


8234A852-3A51-44F0-AAF4-59B3F5166BDC_w640_r1_s თბილისში მომხდარი სტიქიური უბედურების მიზეზებზე და შედეგებზე კომენტარს გარემოს დამცველები აკეთებენ. არასამთავრობო ორგანიზაცია “დედამიწის მეგობრების” თავმჯდომარის ნინო ჩხობაძის თქმით, ესტაკადის მშენებლობისას არ მოხდა მისი გარემოზე შესაძლო ზემოქმედების შესწავლა.
“არ მომხდარა გარემოს ზემოქმედების შეფასება. როდესაც მშენებლობა დაიწყო შესწავლა ბოლომდე არ იყო დასრულებული. ჩვენ ვითხოვდით, რომ მომხდარიყო შესწავლა და მხოლოდ ამის შემდეგ დასრულებულიყო მშენებლობა, მაგრამ ვადებში არ ეტეოდნენ. დღეს რა მდგომარეობაცაა, ყველა ეს შედეგი პროგნოზირებასთან მიმართებაში არსებობდა,”- განაცხადა ნინო ჩხობაძემ.




ზოოპარკის დირექტორის განცხადებით მტაცებელი ცხოველების ლიკვიდაციის ბრძანება გაცემული არ ყოფილა


თბილისის ზოოპარკის გენერალური დირექტორი ზურაბ გურიელიძე მტაცებელი ცხოველების ლიკვიდაციის ფაქტს გამოეხმაურა. გურიელიძის თქმით, იმ შემთხვევაში თუ ცხოველები თავს ესხმოდენ ადამიანებს, მაშინ მათი ლიკვიდაცია გამართლებული იქნებოდა. გურიელიძე არ გამორიცხავს, რომ შექმნილი მდგომარეობით ვინმეს ბოროტად ესარგებლა.”იმ შემთხვევაში თუ მტაცებელი თავს ესხმოდა ადამიანს, მაშინ ეს გასაგებია, თუმცა, ძალიან ბევრი რამ გარკვევას მოითხოვს. მე არ მინდა ნაჩქარევი კომენტარი გავაკეთო. ზუსტად ვიცი, რომ ასეთი ბრძანება გაცემული არ ყოფილა. შეიძლება ზოგიერთმა ადამიანმა ბოროტად ისარგებლა,”-განაცხადა ზოოპარკის დირექტორმა.




სტიქიის შედეგების აღმოსაფხვრელად მთავრობის საგანგებო სხდომა გაიმართა


შინაგან საქმეთა მინისტრი ვახტანგ გომელაური მთავრობის რიგგარეშე საგანგებო სხდომას დაესწრო, რომელსაც პრემიერ-მინისტრი ირაკლი ღარიბაშვილი ხელმძღვანელობდა. პრემიერ-მინისტრმა სტიქიის შედეგად შექმნილი ვითარება განიხილა და მთავრობის წევრებისგან შესრულებული სამუშაოების შესახებ ინფორმაცია მოისმინა.
ირაკლი ღარიბაშვილმა მადლობა გადაუხადა ყველა უწყებას კოორდინირებული და ეფექტიანი მუშაობისთვის:
“ძალიან კარგად მუშაობს საგანგებო სამსახური და მაშველები, ძალიან გმირულ საქმიანობას ეწევიან და მინდა მადლობა გადავუხადო მათ: საპატრულო პოლიცია, პოლიცია, სპეზრაზმი, გდდ, სახანძრო, ყველანი, მერიის სამსახური. მე მინდა ყველას გულწრფელი მადლობა გადავუხადო მთავრობის სახელით, იმიტომ რომ მართლა გმირულ საქმიანობას ეწევიან.”
შინაგან საქმეთა მინისტრი ვახტანგ გომელაური მთავრობის მეთაურს და კაბინეტის წევრებს შსს-ს დანაყოფების მიერ განხორციელებული სამაშველო ღონისძიებების შესახებ მიაწოდა ინფორმაცია: “პირველივე წუთიდან იყო ჩართული შინაგან საქმეთა სამინისტრო, სამაშველო, საპატრულო, სხვადასხვა დანაყოფები. ათეულობით ადამიანი გადაარჩინეს, გამოიყვანეს, ყველა ჩართული იყო, ვერ გამოვყოფ რომელიმე დანაყოფს. ვერტმფრენმა გადმოიყვანმა ასობით ადამიანი ახალდაბიდან, რომლებიც ჩარჩენილები იყო და მოწყვეტილი იყო. გზა არ იყო, დაკეტილია გზა. სამწუხაროა, და მინდა მივუსამძიმრო ოჯახებს, 12 ადამიანი დღესდღეობით ჩვენი მონაცემებით დაღუპული. 24 ადამიანზეა შემოსული, ოჯახებიდან დარეკილი, დაკარგულები არიან და ვეძებთ. მაქსიმალურად ჩართულები არიან. ზედაპირულად რაც მოხდა, რისი საშუალებაც იყო, რომ დაეთვალიერებინათ მანქანები, ეს არის ზედაპირზე, არც ერთი ადამიანი იქ არ აღმოჩნდა. გვირაბებშია ჩატანილი მანქანები, არის გადაფარული სილით, და არის კიდევ შესაძლებლობა, რომ მტკვარში გადაგდებული იყოს, ჯებირი გადანგრეულია და იქ იყოს ჩაძირული მანქანები“.
მთავრობის წევრებმა საკუთარი უწყებების მიერ გაწეული სამუშაოების შესახებ ისაუბრეს. ყველა უწყება 24-საათიან რეჟიმში მაქსიმალურად მობილიზებულია რათა სტიქიის შედეგები უახლოეს დროში აღმოიფხვრას და დაზარალებულ მოსახლეობას დახმარება გაეწიოს. პრემიერ-მინისტრის განცხადებით, თბილისშში მომხდარი სტიქიის შედეგად დაღუპულთა ხსოვნის პატივსაცემად 15 ივნისი გლოვის დღედ გამოცხადდა.




ადიდებულმა მდინარე ვერემ თბილისის ქუჩები და ზოოპარკი გაანადგურა


კვირა ღამეს საქართველოს დედაქალქს ძლიერი წვიმა ქარით და სეტყვით დაატყდა თავს. კალაპოტიდან გადმოსულმა მდინარე ვერემ მიმდებარე ტერიტორიაზე მდებარე ასობით სახლი და ეზო დატბორა. წვიმამ ელექტროგადამცემი ხაზები დააზიანა. სტიქიის შედეგად დაღუპულია 12 ადამიანი,მათ შორის ზოოპარკის 3 თანამშრომელი. ათამდე ადამიანის სამძებრო ოპერაცია მიმდინარეობს, ათობით ადამიანი დაზარალდა და მკურნალობას სამედიცინო დაწესებულებებში გადიან.
preview_9132ab3b0d782ca00e286631f755a17b
დიდი ზარალი მიადგა ქალაქის ინფრასტრუქტურას:დანგრეულია ცენტრალური გზები, ზოგიერთ შენობაში კედლები ჩამოიშალა, დაიტბორა ზოოპარკი, სრულიად განადგურებულია ძაღლთა თავშესაფარი. ადიდებულმა მდინარემ ზოოპარკის უმეტესი ნაწილი დატბორა და მის ტერიტორიაზე ლოდები და მანქანები შეყარა.

preview_6a41ad886ebeb85353375d647ab0b65b

ქვედა ტერასაზე მყოფმა ცხოველების უმეტესობამ აბობოქრებულ სტიქიას თავი ვერ დააღწია, გადარჩნენ მხოლოდ ზედა ნაწილზე მყოფი ცხოველები, ეკზოტარიუმიც არ დაზიანებულა. მაგრამ ცხოველების ნაწილმა ზოოპარკის ტერიტორია დატოვა და ახლა მთელი ქალაქის მასშტაბით მათი ძებნა მიმდინარეობს. ცხოველებს საძილე საშუალების გამოყენებით აძინებენ და ზოოპარკში აბრუნებენ, ხოლო ზოგიერთი ცხოველის განადგურება გახდა საჭირო, რადგან მათი აგრესიული ქცევა მოსახლეობას საფრთხეს უქმნიდა. კერძოდ დაკარგულია 13 მგელი, 6 ლომი, 6 ვეფხვი, 7 დათვი.
preview_73d157b6f62ec14c55cd53b768fa18bc

პრემიერ მინისტრის ირაკლი ღარიბაშვილის ბრძანებით შეიქმნა საგანგებო შტაბი, რომლის კოორდინაციას საქართველოს მთავრობის სახელმწიფო უშიშროების და კრიზისების მართვის საბჭო ახორციელებს. “შტაბი 24–საათიან რეჟიმში იმუშავებს და ინფორმაციას საგანგებო რეჟიმში მოვაწვდით მოსახლეობას.” – განაცხადეს მთავრობის პრეს–სამსახურში. 15 ივნისი საქართველოში გლოვის დღედ გამოცხადდა.

preview_760426a59a7efc5cb6379e355539cd3f