ირმა ინაშვილი: ჩვენს მუსლიმ ძმებს ყურბან– ბაირამის დღესასწაული მივულოცე


12038491_1066460540039313_4385215230984613362_n

საქართველოში მცხოვრებ მუსლიმებს ,,პატრიოტთა ალიანსის” ლიდერმა ირმა ინაშვილმა ყურბან –ბაირამის დღესასწაული მიულოცა.

ამის, შესახებ ინფორმაცია ინაშვილმა საკუთარ ფეისბუკზე გამოაქვეყნა.

,,2015 წლის 24 სექტემბერი. იორმუღანლო. ჩვენმა მუსლიმმა ძმებმა საქართველოს პატრიარქი დიდი სიყვარულით მოიკითხეს. მე კი, ყურბან- ბაირამის დღესასწაული მივულოცე”– წერს ინაშვილი სოციალურ ქსელში.

12032102_1066460633372637_5007093120673481807_n




ჰაკერებმა 5 მილიონზე მეტი მოქალაქის ანაბეჭდის ფაილი მოიპარეს


Fingerprint-light-blue-630x386აშშ–ში ჰაკერებმა  5,6 მილიონ მოქალაქის თითის ანაბეჭდის ფაილები მოიპარეს. ფედერალური ხელისუფლების წარმომადგნელთა თქმით, თაღლითურ სქემებში მოპარული ფაილების გამოყენების რისკი ამჟამდ მინუმუმადეა დაყვანილი. თუმცა, დროთა განმავლობაში ჰაკერებმა შესაძლოა არსებული  უსაფრთხოების სისტემაც დააზიანონ. აქედან გამომდინარე, იმ მოქალაქეებს, ვისი მონაცემებიც თაღლითების ხელში აღმოჩნდა, მთავრობა უფასო დაცვით მომსახურებას სთავაზობს.

ცოტა ხნით ადრე ჩინელი ჰაკერები აშშ–ს სახელმწიფო მოხელეების მონაცემებს დაეუფლნენ, გამოძიებით დადგინდა, რომ მათ აშშ–ს 21 მილიონიზე მეტი მოქალაქის პირადი მონაცემები ჩაიგდეს ხელში.

კიბერუსაფრთხოება ერთერთი მთავარი თემა იქნება აშშ–ს პრზიდენტის ბარაკ ობამას და ჩინეთის თავმჯდომარეს სი ცზინლინის ხვალინდელი შეხვედრის დროს.




აგროდაზღვევის პროგრამაში ჩართულ ბენეფიციარებს ჭარბი ნალექის შედეგად მიყენებული ზარალი აუნაზღაურდებათ


soflis meurneobis proektebis martvis saagento gantskhadebas avrtselebs 4036

კახეთის რეგიონში ,,აგროდაზღვევის პროგრამაში” ჩართული ბენეფიციარებისთვის მიმდინარე წლის ივნისში, სეტყვის შედეგად მიყენებული ზარალის აუნაზღაურება დაიწყო, – ამის შესახებ სოფლის მეურნეობის სამინისტროს განხხადებაშია ნათქვამი.

სოფლის მეურნეობის პროექტების მართვის სააგენტოს „აგროდაზღვევის პროგრამის“ მენეჯერი ლევან მაღრაძე, სადაზღვევო კომპანია ,,ალდაგის”  წარმომადგენელი ვახტანგ ებიტაშვილი და კახეთის რეგიონის გუბერნატორის მოადგილე გივი მეტრეველი გურჯაანის მუნიციპალიტეტში დაზარალებულ დავით ხუციშვილს შეხვდნენ და სეტყვის შედეგად განადგურებული ატმის ნაკვეთები დაათვალიერეს.
წყალდიდობის შედეგად, სოფელ კალაურის მკვიდრს, დავით ხუციშვილის ატმის ბაღის 72% მთლიანად გაუნადგურდა და მიყენებულმა ზარალმა 16,500 ლარი შეადგინა. აგროდაზღვევის პროექტის ფარგლებში, სადაზღვევო კომპანია ,,ალდაგი“ ფერმერს ზარალს სრულად აუნაზღაურებს. დავით ხუციშვილი სოფლის მეურნეობის პროექტების მართვის სააგენტოს ,,აგროდაზღვევის პროგრამაში” 2014 წლის 30 სექტემბერს ჩაერთო და 1,8 ჰა ფართობის ატმის ბაღი დააზღვია. სადაზღვევო პრემიამ შეადგინა 2,295 ლარი, საიდანაც სოფლის მეურნეობის პროექტების მართვის სააგენტომ 2,160 ლარი დაფარა.

სოფლის მეურნეობის პროექტების მართვის სააგენტოს  ,,აგროდაზღვევის პროგრამაში “კახეთის რეგიონში 4 ათასზე მეტი ბენეფიციარი ჩაერთო, აქედან 1656 გურჯაანის მუნიციპალიტეტში მცხოვრები ფერმერია. მიმდინარე წლის ზაფხულში ჭარბი ნალექის შედეგად აგროდაზღვევის პროგრამაში ჩართული 72 ბენეციარი დაზარალდა. სადაზღვევო კომპანიების მიერ თითოეული მათგანის დაზიანებული სავარგულები შემოწმებულია და ზარალი 331 178 ლარ-ზე მეტს შეადგენს. პროგრამის ბენეფიციარებს ზარალის თანხა სრულად აუნაზღაურდებათ.

საქართველოს მასშტაბით ,,აგროდაზღვევის პროგრამის” ფარგლებში გაცემულია 26,625 პოლისი. სახელმწიფოს მხრიდან სადაზღვევო პრემიის სუბსიდიის თანხამ შეადგინა 13,418,205 ლარი.

დაზღვეულია 22,844.3 ჰა ფართობი სასოფლო-სამეურნეო სავარგული, ხოლო დაზღვეული მოსავლის ღირებულებამ ჯამში 186,676,471 ლარი შეადგინა.

ჭარბი ნალექისა და სეტყვის შედეგად დაზარალდა 8,008 ბენეფიციარი, ასანაზღაურებელი თანხა პირველადი შეფასებით 9.5 მილიონ ლარს შეადგენს.




,,საჯარო სკოლებში ფულის შეგროვების შემთხვევები იშვიათია"


url

არასამთავრობო ორგანიზაცია ,,საერთაშორისო გამჭვირვალობა – საქართველო“ „კავკასიის კვლევითი რესურსების ცენტრის მიერ, 2015 წლის აპრილი-მაისის პერიოდში ჩატარებული საზოგადოებრივი აზრის გამოკითხვის შედეგებს აქვეყნებს საჯარო სკოლებში ფულის შეგროვებასთან დაკავშირებით. გამოკითხვის მიხედვით, იმ ადამიანების 14 პროცენტი, რომლის ოჯახის წევრიც სკოლაში დადის, აცხადებს, რომ უახლოესი 12 თვის განმავლობაში სკოლაში რაიმეს შესაძენად ან შესაკეთებლად ფული შეუგროვებიათ. არასამთავრობო ორგანიზაცია კვლევაზე დაყრდნობით აღნიშნავს, რომ ასეთი ფაქტები იშვიათია.

„საერთაშორისო გამჭვირვალობა – საქართველოს” საზოგადოებრივი აზრის გამოკითხვის შედეგების თანახმად, საჯარო სკოლებში ფულის შეგროვების შემთხვევები იშვიათია. იმ გამოკითხულთა 14%, რომელთა ოჯახის წევრიც საჯარო სკოლაში სწავლობს, აღნიშნავს, რომ უახლოესი 12 თვის განმავლობაში სკოლაში რაიმეს შესაძენად ან შესაკეთებლად ფული შეუგროვებია. 19% კი მიუთითებს, რომ ფული მასწავლებლებისთვის საჩუქრის შესაძენად შეუგროვებიათ. თუმცა, გამოკითხულთა უმეტესობა აღნიშნავს, რომ ასეთი ფაქტები იშვიათია. გამოკითხვის შედეგების თანახმად, საქართველოში კვლავ საკმაოდ ხშირია მოსაწავლეების რეპეტიტორებთან მომზადება. რეპეტიტორებთან საჯარო სკოლის მოსწავლეების მეოთხედზე მეტი ემზადება; ზოგ შემთხვევაში იგივე პედაგოგებთან, რომლებიც მათ საჯარო სკოლებში ასწავლიან“, – ნათქვამია ორგანიზაციის განცხადებაში.

გამოკითხვაში მონაწილეობა საქართველოს მასშტაბით 1,867 ზრდასრულმა ადამიანმა მიიღო.




ქობულეთის შემოვლითი გზის მშენებლობა გრძელდება


26983რეგიონული განვითარებისა და ინფრასტრუქტურის სამინისტროს საავტომობილო გზების დეპარტამენტის თავმჯდომარის მოადგილე ირაკლი ლითანიშვილი ქობულეთის შემოვლითი გზის 18 კილომეტრიან მონაკვეთზე მიმდინარე სამშენებლო სამუშაოებს გაეცნო.
აღნიშნულ მონაკვეთზე ორზოლიანი გზა, 15 ხიდი, 2 გვირაბი და სხვა ხელოვნური ნაგებობები შენდება.

ამ დროისათვის, 8 ხიდის მშენებლობის ძირითადი სამუშაოები უკვე დასრულებულია.

მიწების შესყიდვასთან დაკავშირებული პრობლემის გამო შეფერხებულია საქართველოში ყველაზე გრძელი, 1180 მეტრიანი ხიდი – ვიადუკის მშენებლობა.

როგორც ინფრასტრუქტურის სამინისტროში აცხადებენ, ქობულეთის შემოვლითი გზის მშენებლობა რეგიონისთვის და ზოგადად, ქვეყნის ეკონომიკისთვის მნიშვნელოვანი პროექტია. მშენებლობის დასრულების შემდეგ აჭარის ზღვისპირა ზოლიდან სატრანზიტო მოძრაობის ახალ გზაზე გადართვა კურორტების ეკოლოგიურად გაჯანსაღებასა და რეგიონში ტურიზმის სრულფასოვან განვითარებას შეუწყობს ხელს. მნიშვნელოვნად შემცირდება მგზავრობის დრო და შესაბამისად, ხარჯებიც.

პროექტი აზიის განვითარების ბანკის (ADB) დაფინანსებით ხორციელდება და მისი საერთო ღირებულება 210 მილიონამდე ლარს შეადგენს.




სოზარ სუბარმა ზუგდიდსა და ქუთაისში მიმდინარე მასშტაბური მშენებლობები მოინახულა


2015092411054144804
საქართველოს ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა მინისტრმა სოზარ სუბარმა და მინისტრის მოადგილემ მამუკა ცოტნიაშვილმა ზუგდიდსა და ქუთაისში კორპუსების მშენებლობის პროცესი მოინახულეს.

ზუგდიდში 2 016 დევნილი ოჯახისთვის 26 თორმეტსართულიანი კორპუსი აშენდება. 2 კორპუსის მშენებლობა უკვე მიმდინარეობს, სადაც ბინას 144 დევნილი ოჯახი მიიღებს. სამშენებლო სამუშაოებს ტენდერში გამარჯვებული კომპანია „ტრანსმშენი“ ახორციელებს.

ქუთაისში, 2 000 დევნილი ოჯახის განსახლების მიზნით, 25 თექვსმეტსართულიანი კორპუსი აშენდება. 2 კორპუსის მშენებლობა უკვე დაიწყო, სადაც ბინას 160 დევნილი ოჯახი მიიღებს. სამშენებლო სამუშაოებს ტენდერში გამარჯვებული კომპანია „საბა კონსტრაქშენი“ ახორციელებს.

ქუთაისსა და ზუგდიდში მიმდინარე სამუშაოების პარალელურად დაიწყება ახალი კორპუსების მშენებლობაც.
დევნილთა და განსახლების მინისტრი სოზარ სუბარი მშენებლებსა და იქ დასაქმებულ მუშებს გაესაუბრა. ზუგდიდში მიმდინარე მშენებლობაზე 10 დევნილია დასაქმებული, ხოლო ქუთაისში – 7. მშენებლობის მასშტაბებიდან გამომდინარე, ეს რიცხვები მომავალში კიდევ უფრო გაიზრდება.

ზუგდიდში მშენებლობის დასრულების ვადად განსაზღვრულია 2016 წლის 31 ნოემბერი, ხოლო ქუთაისში 1 ოქტომბერი. სამშენებლო კომპანიების წარმომადგენლების განცხადებით, სამუშაოები დაგეგმილზე ორი თვით ადრე დასრულდება.




საქართველოში ინოვაციური ეკოსისტემის ფორმირებას მსოფლიო ბანკი დააფინანსებს


shekhvedra_23.09.15ეკონომიკისა და მდგრადი განვითარების მინისტრი დიმიტრი ქუმსიშვილი მსოფლიო ბანკის წარმომადგენლებს შეხვდა. შეხვედრის მთავარი თემა ინოვაციებისა და ტექნოლოგიების კუთხით საქართველოში მიმდინარე რეფორმები იყო. შეხვედრაზე განხილულ იქნა პროექტი “საქართველოს ინოვაციური ეკოსისტემის განვითარება”, რომლის განსახორციელბლად მსოფლიო ბანკი საქართველოს მთავრობას 40 მილიონ დოლარს გამოუყოფს.

პროექტი რამდენიმე კომპონენტს მოიცავს და ქვეყანაში ინოვაციებისათვის ინფრასტრუქტურის განვითარებას უზრუნველყოფს. მათ შორის, რეგიონის მასშტაბით მომავლის სპეციალობების მიმართულებით კვალიფიციური კადრების გადამზადებას, ტრენერების მომზადებას, ასევე, დამწყები მაღალტექნოლოგიური კომპანიების კონკურენტუნარიანობის ამაღლებას. გარდა ამისა, პროექტის ფარგლებში განხორციელდება საგრანტო პროგრამები, რომლებიც ინოვაციური პროექტების სხვადასხვა ფაზებს დააფინანსებს.

პროექტის ფარგლებში გათვალისწინებულია ასევე ინტერნეტიზაციის პროცესის ხელშემწყობი ქმედებები, მათ შორის კომპიუტერული წიგნიერების, კომპიუტერიზაციის, მცირე და საშუალო ინტერნეტპროვაიდერული ბიზნესის ხელშეწყობა.

პროექტის უშუალო განმახორციელებელი ეკონომიკისა და მდგრადი განვითარების სამინისტროს სსიპ ინოვაციების და ტექნოლოგიების სააგენტო იქნება.




ეკომიგრანტებს ბინები გადაეცათ


img_7936
ქედაში 12 ეკომიგრანტ ოჯახს ბინები გადაეცა. ისინი 2001 წელს სტიქიის შედეგად დაზარალდნენ, თუმცა ამ დრომდე სოფელ ჯალაბაშვილებში ავარიულ სახლებში ცხოვრობდნენ.
ბინების გადაცემის პროცესს აჭარის მთავრობის თავმჯდომარე დაესწრო. არჩილ ხაბაძის განცხადებით, სტიქიის შედეგად დაზარალებული ოჯახების დახმარებას მთავრობა მომავალშიც გეგმავს.
2013-2015 წლებში კი აჭარაში ფართით 200-მდე დაზარალებული დაკმაყოფილდა. ეკომიგრანტი და სოციალურად დაუცველი ოჯახებისთვის საცხოვრებელი სახლების მშენებლობა მიმდინარეობს ხულოში, ხელვაჩაურსა და ბათუმში.




2016 წელს სამხედრო ძალების რაოდენობა უცვლელი დარჩება


ushishroeba_sabWo_irina_
უშიშროების საბჭოს მდივნის, ირინა იმერლიშვილის განცხადებით, პარლამენტს განსახილველად, სამხედრო ძალების იგივე რაოდენობის დოკუმენტი გადაეგზავნება.

როგორც იმერლიშვილმა უშიშროების საბჭოს სხდომის დასრულების შემდეგ განაცხადა, სხდომაზე დეტალურად იქნა განხილული საფრთხეების დოკუმენტი.

“სხდომაზე ძალიან დეტალურად განვიხილეთ საფრთხეების დოკუმენტი და ყველა სცენარი გავიარეთ. ხვალ, უკვე უსაფრთხეობისა და კრიზისების საბჭოზე შეიკრიბება უწყებებს შორის კომისია, რომელმაც აღნიშნულ საკითხებზე იმუშავა და მივცემთ თანხმობას, რომ საკითხი დასამტკიცებლად მთავრობაზე გადაიგზავნოს. მოგეხსენებათ, ეს დოკუმენტი საიდუმლო ხასიათისაა და ის სამი წლით არის განსაზღვრული, 2015-2018 წლის ვადით. უშიშროების საბჭოს გადაწყვეტილებით, სამხედრო ძალების იგივე რაოდენობა იქნება პარლამენტში გადაგზავნილი. დღევანდელ სხდომაზე ყველა დაეთანხმა აღნიშნულ დოკუმენტს, თუმცა მე როგორც უშიშროების საბჭოს მდივანს, ამ გადაწყვეტილების პროცედურულად გაფორმება დამევალა და როდესაც მას 8 წევრი მოაწერს ხელს, დოკუმენტი პარლამენტს მაშინ გადაეგზავნება”, – განაცხადა იმერლიშვილმა.




დედაქალაქის უბნები, რომლებსაც დღეს ელექტრომომარაგება შეეზღუდება


1441433066398541დაგეგმილი სხვადასხვა სამუშაოს ჩატარების გამო სამგორის, ჩუღურეთის, საბურთალოს, ნაძალადევის, გლდანის, კრწანისის, დიდგორის და ისნის რაიონების მოსახლეობის ნაწილს ხვალ ელექტრომომარაგება დროებით შეეზღუდება.

კომპანია „თელასის“ ინფორმაციით, 10 საათიდან 16 საათამდე შეზღუდვა ხეხილ-სანერგე მეურნეობის, აბესაძის, კოტე აფხაზის და დადიანის ქუჩების მაცხოვრებლებს შეეხება.

10 საათიდან 18 საათამდე შუქი ილორის, ზარზმის და სარაჯიშვილის ქუჩების, სამხედრო ქალაქის, წინანდლის, ბაბისხევის, ჟონეთის, მრევლიშვილის, ბუშის, ამირეჯიბის, ტოლენჯის, უშაკოვის, მთისძირის, რატილის, ტვიშის, ყვარლის, მესხეთის, ქვის სახლის და გეზათის ქუჩების მაცხოვრებლებს გაეთიშება.

ელექტროენერგია 11 საათიდან 14 საათამდე გლდანის მასივის VII მიკრორაიონის მაცხოვრებლებს არ მიეწოდება.

11 საათიდან 16 საათამდე ელექტრომომარაგება სოფელ დიღმის (ნაწილობრივ), დიდი დიღმის I მიკრორაიონის, აღმაშენებლის ხეივნის, აღმაშენებლის ხეივნის 11, 12 კილომეტრების და დავარის ქუჩის, ვარკეთილის მესამე მასივის VII, VIII, IX კვარტლების, ვარკეთილი-3, I და IIIა მიკრორაიონის, ჭიჭინაძის, კალოუბნის და შუამთის ქუჩების მაცხოვრებლებს შეეზღუდება.

შუქი 11 საათიდან 17 საათამდე ყაზბეგის გამზირის, პეკინის გამზირის, თამარაშვილის და ენგურის ქუჩების, თემქის დასახლების Xა და Xბ კვარტლების, გურამიშვილის გამზირის, ხევძმარის, ცოტნე დადიანის, ჩაქვის, ნიკო მარის, წიკლაურის, მანჯგალაძის, ჯანელიძის, ხევსურეთის, მეჯვრისხევის, სუმბათაშვილ-იუჯინის, გულრიფშის, კამალოვის, საჭილაოს, გომბორის და ლიკანის ქუჩების მაცხოვრებლებს გაეთიშება.

12 საათიდან 15 საათამდე კი, შეზღუდვა დაბა კოჯრის მაცხოვრებლებს შეეხება.