სურსათის სააგენტო ბიზნესოპერატორებს მოუწოდებს, საეჭვო წარმომავლობის კომპანიებთან თანამშრომლობისაგან თავი შეიკავონ


sursatiserovnulisaagento სურსათის ეროვნული სააგენტოს განცხადებით, საეჭვო წარმომავლობის კომპანიები და პირები, ბიზნესოპერატორებს გარკვეული საფასურის სანაცვლოდ სხვადასხვა სახის მომსახურებას სთავაზობენ და თავს სურსათის სააგენტოსთან ასოცირებულ პირებად ასაღებენ.
როგორც უწყებაში აცხადებენ, აღნიშნული სიმართლეს არ შეესაბამება.
სურსათის ეროვნული სააგენტო ბიზნესოპერატორებს მოუწოდებს, მათთან თანამშრომლობისაგან თავი შეიკავონ და სურსათის ეროვნულ სააგენტოს დაუკავშირდნენ.
„ბოლო პერიოდში სხვადასხვა ჯგუფის მიერ სურსათის ეროვნული სააგენტოს სახელით მანიპულირება გახშირდა.
საეჭვო წარმომავლობის კომპანიები და პირები ბიზნესოპერატორებს გარკვეული საფასურის სანაცვლოდ სხვადასხვა სახის მომსახურებას სთავაზობენ და თავს სააგენტოსთან ასოცირებულ პირებად ასაღებენ.
სურსათის ეროვნული სააგენტო ბიზნესოპერატორებს მოუწოდებს, მათთან თანამშრომლობისაგან თავი შეიკავონ და ნებისმიერი პირის ვიზიტის შემთხვევაში, იდენტურობის დამადასტურებელი დოკუმენტი მოითხოვონ ან სურსათის ეროვნულ სააგენტოს დაუკავშირდნენ.
სურსათის ეროვნული სააგენტო სოფლის მეურნეობის სამინისტროს მმართველობის სფეროში შემავალი საჯარო სამართლის იურიდიული პირია, რომელიც სურსათის/ცხოველის საკვების უვნებლობის, ჰიგიენური და ვეტერინარულ-სანიტარიული მოთხოვნებისა და წესების დაცვაზე სახელმწიფო კონტროლ ახორციელებს.
ნებისმიერი სხვა პირისა თუ ორგანიზაციის მიერ შეთავაზებული სერვისები მხოლოდ პირადი ინიციატივაა და არა სურსათის ეროვნული სააგენტოს მოთხოვნა.
სურსათის ეროვნული სააგენტო ბიზნესოპერატორებს კიდევ ერთხელ მოუწოდებს, ნებისმიერი საეჭვო შეთავაზების შემთხვევაში, სააგენტოს ცხელ ხაზზე – 291 91 68 დარეკონ“,-ნათქვამია სურსათის ეროვნული სააგენტოს მიერ გავრცელებულ განცხადებაში.




თბილისის გენერალური გეგმის შემუშავებაზე კონკურსის გამარჯვებულები გამოვლინდნენ


1442387009612123 თბილისის ვიცე-მერმა, ლაშა აბაშიძემ მიწათსარგებლობის გენერალური გეგმის შემუშავება-განახლებაზე გამოცხადებული კონკურსის სამი გამარჯვებული კომპანია დაასახელა.
პირველი ადგილი შპს „თბილისი ჯგუფის“, „სითი ინსტიტუტი საქართველოს“, „Albert Speer & Partner GmbH“-ის (AS&P), ნიკოლოზ ჭეიშვილის და მამუკა სალუქვაძის მიერ წარმოდგენილმა ერთობლივმა პროექტმა დაიკავა;
მეორე ადგილი – შპს „არტსტუდიო პროექტის“, „Metrogramma Mobility in Chain“-ის, „Aecom“-ისა და გიორგი სულაბერიძის ერთობლივმა ნამუშევარმა დაიკავა;
ხოლო მესამე ადგილზე შპს „გეოგრაფიკის“, „KCAP“-ის, „Burohappold Engineering“-ის, „Studio 21“-ის და გიორგი გოცირიძის ერთობლივი პროექტი გავიდა.
პირველ ადგილზე გასულ კომპანიასთან თბილისის მერია ხელშეკრულებას გააფორმებს, რომლის საფუძველზეც, არაუგვიანეს 18 თვეში, კომპანიამ სრულყოფილი მიწათსარგებლობის გენერალური გეგმა უნდა წარმოადგინოს.
თბილისის მერიის არქიტექტურის სამსახურმა მოქმედი მიწათსარგებლობის გენერალური გეგმის ანალიზი 2015 წლის იანვარში დაასრულა, რის შედეგადაც შეიქმნა გადაუდებელი აუცილებლობა მომხდარიყო ქალაქის ტერიტორიულ-სივრცითი განვითარების ახალ გამოწვევებსა და პრიორიტეტებზე ორიენტირებული გენგეგმის შემუშავება-განახლება.
გენგეგმის შემუშავება-განახლების პროცესში ჩართულია საერთაშორისო საკონსულტაციო კომპანია PWC (PricewaterhouseCoopers), რომელიც მსოფლიოს მასშტაბით 1000 დარგობრივი სპეციალისტით არის წარმოდგენილი და 20 ქალაქის, მათ შორის, ლიონის, ნიუ ორლეანის და რიჰარდის გენერალური გეგმების შემუშავებაში აქვს მონაწილეობა მიღებული. ამასთან, ამ დროისთვის PWC ბერლინის ქალაქგეგმარების პროექტზე მუშაობს.
აღნიშნული მომსახურების საფასური შეადგენს 400 000 ამერიკულ დოლარს.
კონკურსი 2015 წლის 19 მაისს გამოაცხადდა და საკონკურსო წინადადებების მიღება პირველ აგვისტოს დასრულდა. შემოსული 11 განაცხადიდან მეორე ტურში გადასვლა ექვსმა კონკურსანტმა შეძლო. საბოლოოდ, საკონკურსო კომისიამ ექვსივე პრეზენტაციის განხილვის შედეგად 3 გამარჯვებული გამოავლინა.
წინასაპროექტო მოსაზრების (ხედვის) შესყიდვის ღირებულება კანონმდებლობით გათვალისწინებული გადასახადების ჩათვლით I ადგილისათვის – 50 000 ლარს, II ადგილისათვის – 30 000 ლარს, ხოლო III ადგილისათვის – 20 000 ლარს შეადგენს.




Facebook – ი ცვლილებებს დაეთანხმა


სოციალური ქსელი “ფეისბუკის”დამფუძნებელიმა მარკ ცუკერბერგმა შეისმინა მომხმარებლების თხოვნა და ქსელში სულ მალე ახალი ღილაკი “არ მომწონს” (Dislike) გამოჩნდება.

“მომხმარებლები გამუდმებით ითხოვდნენ ამ ფუნქციის შემოღებას, თუმცა ჩვენ მიგვაჩნდა, რომ ამგვარaდ  ქსელურ ურთიერთობაში ნეგატივი შეიპარებოდა. ამჟამად ამ ფუნქციას განვიხილავთ მხოლოდ როგორც თანაგრძნობის გამოხატვას ამა თუ მ ინფორმაციის მიმართ.” – განაცხადეა ცუკერბერგმა.

საბოლოო გამოკვლევის თანახმად, მომხმარებლები ღილაკს “არ მომწონს” ძრითადად გამოიყენებდნენ სხვა ადამიანების მატერიალური ან ფიზიკური მიღწევების მოსანიშნად.




მოსახლეობის ნაწილს დღეს გაზმომარაგება შუწყდება


pur_gaz_ თბილისის მოსახლეობის ნაწილს დღეს გაზმომარაგება დროებით შეუწყდება.
“ყაზტრანსგაზ-თბილისის” ინფორმაციით, აღნიშნულის მიზეზი დაგეგმილი სამუშაოებია.
კერძოდ, 16 სექტემბერს, 11.00 საათიდან 17.00 საათამდე, საბურთალოს რაიონში გაზის მიწოდება გაეთიშება ასათიანის ქ. 10ა, 12, 14, ვ. ფშაველას 1 შეს. 7, 9, ზაქარიაძის ქ. 3, 5, 7, 9, 11, 13, 15, ნუცუბიძის ქ. 32, 34, 36-1, 36-2, 38, 40, 42, 44, 46, 48, 50 კორპუსებისა და ნუცუბიძის ქ. 49-დან 59-ის ჩათვლით კერძო სექტორის მოსახლეობას, ასევე აღნიშნულ ტერიტორიაზე არსებულ კომერციულ ობიექტებს (1000 აბონენტი).
გლდანის რაიონში, 11.00 საათიდან 14.00 საათამდე შეზღუდვა შეეხება სარაჯიშვილის გამზ. 3, 5, 7, ილორის ქ. 2, 4, 6, 8 საცხ. კორპუსების მოსახლეობას (210 აბონენტი).
რაც შეეხება ნაძალადევის რაიონს, ასევე ხვალ, 16 სექტემბერს, 11.00 საათიდან 17.00 საათამდე, გაზი შესაძლოა დაბალი წნევით მიეწოდოს
კავთისხევის, ლეჩხუმის, მანჯგალაძის, სვანეთის, ხევსურეთის ქუჩების კერძო სექტორის ნაწილს, ასევე ც. დადიანის ქ. 34-ის კორპუსების მოსახლეობასა და მიმდებარედ არსებულ კომერციულ ობიექტებს (1230 აბონენტი).,,გაზმომარაგება აღდგება სამუშაოს დასრულებისთანავე”, – აცხადებენ კომპანიაში.




რას ითვალისწინებს მასწავლებელთა პროფესიული განვითარებისა და კარიერული წინსვლის ახალი სისტემა


მასწავლებელთა პროფესიული განვითარების ეროვნულ ცენტრში მასწავლებლის საქმიანობის დაწყების, პროფესიული განვითარებისა და კარიერული წინსვლის სქემის ამოქმედებასთან დაკავშირებით პრესკონფერენცია გაიმართა.
ცენტრის დირექტორმა გიორგი მაჩაბელმა მედიას სქემის დანერგვის პროცესში განხორციელებული და დაგეგმილი ღონისძიებების შესახებ ინფორმაცია გააცნო.
„მიუხედავად იმისა, რომ სქემის შესახებ შექმნილი დოკუმენტი ნათლად წარმოგვიდგენს მიზნებსა და ამოცანებს, ჩვენ ვეცადეთ იმპლემენტაციის პროცესის თითეულ ეტაპზე მასწავლებლებისა და სკოლის ადმინისტრაციისთვის მაქსიმალურად გაგვემარტივებინა სქემაში ჩართვა. ამისათვის, განხორციელდა სკოლის დირექტორების კონსულტირება ქვეყნის მასშტაბით; მომზადდა სქემის გზამკვლევის ელექტრონული და ბეჭდური ვერსიები და შეიქმნა უკუკავშირის ეფექტიანი მექანიზმი, რათა ცხელი ხაზისა და სოციალური ქსელების მეშვეობით მუდმივ რეჟიმში ვუპასუხოთ ყველა შეკითხვას; გარდა ამისა, მზადდება სპეციალური ვიდეო-ინსტრუქცია, რომელიც მასწავლებლებს განუმარტავს სქემაში განაწილების, სტატუსის მოპოვებისა და შენარჩუნების წესებს” – განაცხადა გიორგი მაჩაბელმა.
ცენტრის წარმომადგენლების განცხადებით, უკვე განხორციელდა მასწავლებელთა გამოცდის შედეგების, ასევე მათი განათლებისა და სტაჟის შესახებ ინფორმაციის ასახვა eSchool-ში, რის საფუძველზეც, თვის ბოლომდე პედაგოგები განაწილდებიან სქემით განსაზღვრულ საფეხურებზე და მიენიჭებათ სტატუსის დამადასტურებელი სერტიფიკატი. სისტემაში განაწილების შემდეგ, თითეული მასწავლებელი სკოლის ადმინისტრაციის მეშვეობით მიიღებს მომხმარებლის სახელსა და პაროლს სქემის რეგისტრაციის გასააქტიურებლად და ელექტრონულ სისტემაში სამუშაოდ.
სქემაში მასწავლებელთა განაწილების შემდეგ მასწავლებელთა პროფესიული განვითარების ეროვნული ცენტრი დაიწყებს ტრენინგების სერიას მასწავლებლებისთვის.
pedagog„ყველა პრაქტიკოს მასწავლებელს, რომელსაც წარმატებით აქვს საგნის გამოცდა ჩაბარებული, საშუალება ექნება გაიაროს პროფესიული განვითარების კურსი, რაც მათ 5 კრედიტქულას მიანიჭებს; სპეციალურ ტრენინგებს გაივლიან ფასილიტატორები, რათა ეფექტიანი დახმარება გაუწიონ კოლეგებს სქემით გათვალისწინებული აქტივობების განხორციელებაში; წლის ბოლომდე კი განხორციელდება თვითშეფასებისთვის მოსამზადებელი ტრენინგები, რომელიც მასწავლებლებს დაეხმარება თვითშეფასების კითხვარის მაქსიმალურად ობიექტურად შევსებაში” – განაცხადეს პრესკონფერენციაზე.




ევროკავშირი მხოლოდ 160 ათას მიგრანტს მიიღებს


4077050   
 160 ათასი ლტოლვილის გადანაწილების საკითხი ევროსაბჭოში საბოლოდ 8 ოქტომბერს გადაწყდება. ევროკომისიამ  ზუსტად ამ რაოდენობის მიგრანტების მიღება  შესთავაზა  ევროსაბჭოს წევრ ქვენებს. ლტოლვილები 2 წლის განმავლობაში გადანაწილდებიან სპეციალურად მოწყობილ ბანაკებში. გერმანიის შსს –ს მინისტრმა ტომას დე მეზიერმა განაცხადა, რომ ბრიუსელში ჩატარებულ საგანგებო შეხვედრაზე ევროსაბჭოს შსს მინისტრებმა უკვე მიაღწიეს პოლიტიკურ შეთანხმებას ახლო აღმოსავლეთიდან და აფრიკიდან შემოსული მიგრანტების გადანაწილების პრინციპის თაობაზე.
ევროკომისიის წინადადებას ძირითადად ეწინააღმდეგებოდნენ უნგრეთი, ჩეხეთი, პოლონეთი, სლოვაკეთი და რუმინეთი.
2015 წლიდან მოყოლებული დღემდე ევროსაბჭოს ტერიტორიას 500 ათასსზე მეტი იძულებით გადაადგილებული პირი შეემატა და მათი რიცხვი ყოველდღიურად  მატულობს. ევროკომისიის განცხადებით, აღნიშნული მიგრაციული კრიზისი ყველაზე მსხვილია მეორე მსოფლიო ომის შედეგად წარმოქმნილი მიგრაციის  შემდეგ.

 

 

 

 

 




თბილისს მიწათსარგებლობის გენერალური გეგმა ექნება


1288652944 მიწათსარგებლობის გენერალური გეგმის კონკურსში გამარჯვებული მომდევნო კვირას გამოვლინდება
თბილისის მერიაში მიწათსარგებლობის გენერალური გეგმის შემუშავება-განახლების საკონკურსო კომისიის მორიგი შეხვედრა გაიმართა. შეხვედრაზე განიხილეს დარჩენილი ექვსი კონკურსანტის ნამუშევრები, რომელთა პრეზენტაცია რამდენიმე კვირის წინ გაიმართა.
კონკურსანტების ნამუშევრების შესახებ ექსპერტებმა თავიანთი მოსაზრებები წარმოადგინეს. მიწათსარგებლობის გენერალური გეგმის კონკურსში გამარჯვებული მომდევნო კვირას გამოვლინდება.
თბილისის მერიის არქიტექტურის სამსახურმა მოქმედი მიწათსარგებლობის გენერალური გეგმის ანალიზი 2015 წლის იანვარში დაასრულა, რის შედეგადაც შეიქმნა გადაუდებელი აუცილებლობა მომხდარიყო ქალაქის ტერიტორიულ-სივრცითი განვითარების ახალ გამოწვევებსა და პრიორიტეტებზე ორიენტირებული გენგეგმის შემუშავება-განახლება.
გენგეგმის შემუშავება-განახლების პროცესში ჩართულია საერთაშორისო საკონსულტაციო კომპანია PWC (PricewaterhouseCoopers), რომელიც მსოფლიოს მასშტაბით 1000 დარგობრივი სპეციალისტით არის წარმოდგენილი და 20 ქალაქის, მათ შორის, ლიონის, ნიუ ორლეანის და რიჰარდის გენერალური გეგმების შემუშავებაში აქვს მონაწილეობა მიღებული. ამასთან, ამ დროისთვის PWC ბერლინის ქალაქგეგმარების პროექტზე მუშაობს. აღნიშნული მომსახურების საფასური შეადგენს 400 000 ამერიკულ დოლარს.
საკონკურსო წინადადებების მიღება 2015 წლის 01 აგვისტოს დასრულდა. შემოსული 11 განაცხადიდან კი მეორე ტურში გადასვლა ექვსმა კონკურსანტმა შეძლო. საკონკურსო კომისია უფლებამოსილია წინადადებების შეფასების შედეგად 3 გამარჯვებული გამოავლინოს. წინასაპროექტო მოსაზრების (ხედვის) შესყიდვის ღირებულება კანონმდებლობით გათვალისწინებული გადასახადების ჩათვლით I ადგილისათვის – 50 000 ლარს, II ადგილისათვის – 30 000 ლარს, ხოლო III ადგილისათვის – 20 000 ლარს შეადგენს.




,,შარლი ებდომ" ახალი სკანდალური კარიკატურები გამოაქვეყნა


,,შარლი ებდომ” ახალი სკანდალური კარიკატურები გამოაქვეყნა.
ჟურნალის გარეკანზე თურქეთის სანაპიროზე ნაპოვნი სირიელი ბიჭია გამოსახული, მის გვერდით კი სწრაფი კვების რესტორანია აღბეჭდილი. კარიკატურას ასეთი შინაარსის მინაწერი აქვს ,,ასე ახლოს მიზანთან,” რესტორანს, კი მენიუზე აწერია ,,ორი საბავშვო მენიუ ერთის ფასად.” მეორე კარიკატურაზე წყალში ბიჭის ცხედარი ტივტივებს, ზღვაზე, კი იესო დადის ფეხით, წარწერით– “ქრისტისნი ბავშვები წყალზე ფეხით დადიან, მუსლიმანები, კი იძირებიან.”be44bedc8a2f068e6343d56452fd4574_XL
თავად ჟურნალის მესვეურთა თქმით, არ არსებობს აკრძალული თემები, რაზეც ხუმრობა არ შეიძლება.
შეგახსენებთ, რომ მიმდინარე წლის იანვარში მუჰამედის კარიკატურების გაშარჯებას, ამავე გაზეთის 12 თანამშრომლის სიცოცხლე ემსხვერპლა.




თბილისის უბნები, რომლებსაც დღეს ელექტროენერგია შეეზღუდებათ


დაგეგმილი სხვადასხვა სამუშაოს ჩატარების გამო დღეს თბილისის რამდენიმე ქუჩას ელექტრომომარაგება დროებით შეეზღუდება:

გლდანის რაიონი1442235273248285
გეგმიური სამუშაოების გამო 11 საათიდან 14 საათამდე შეზღუდვა შეეხება: გლდანის მასივის I მიკრორაონის მაცხოვრებლებლებს.

ნაძალადევის რაიონი
გეგმიური სამუშაოების გამო 11 საათიდან 15 საათამდე შეზღუდვა შეეხება: გურამიშვილის გამზირის, ერწოს, ქვიშხეთის და მიმდებარე ქუჩების მაცხოვრებლებს.

დიდუბის რაიონი
გეგმიური სამუშაოების გამო 11 საათიდან 16 საათამდე შეზღუდვა შეეხება: სამტრედიის ქუჩის მაცხოვრებლებს.

საბურთალოს რაიონი
გეგმიური სამუშაოების გამო 11 საათიდან 16 საათამდე შეზღუდვა შეეხება: სოფელ დიღმის მაცხოვრებლებლებს.

სამგორის რაიონი
გეგმიური სამუშაოების გამო 11 საათიდან 15 საათამდე შეზღუდვა შეეხება: გარდაბნის გზატკეცილის და ქინძმარაულის ქუჩის მაცხოვრებლებლებს.

კომპანია ბოდიშს უხდის მომხმარებლებს შექმნილი დისკომფორტის გამო. სამუშაოების დასრულების შემდეგ აბონენტებს ელექტრომომარაგება აღუდგება.




თბილისის ცენტრალურ ქუჩებში მოძრაობა ფასიანი არ გახდება – სუდაძე


თბილისის კეთილმოწყობის სამსახურის ხელმძღვანელი ავთანდილ სუდაძე უარყოფს ინფორმაციას იმის შესახებ, რომ თბილისის ცენტრალურ ქუჩებში ავტომობილით მოძრაობა ფასიანი ხდება. სუდაძის თქმით ეს სქემა, სხვადასხვა ქალაქებში საცობებისგან განმუხვტის აპრობირებული მეთოდია, თუმცა თბილისის მერიაში აღნიშნული სქემა არ განხილულა.avtandil_sudadze_34774
შეგახსენებთ, თბილისის მერიის კეთილმოწყობის საქალაქო სამსახურის უფროსმა ავთანდილ სუდაძემ გუშინ „ფორტუნას“ ეთერში განაცხადა, რომ საცობების პრობლემის გადაჭრისას დიდი ქალაქები რამდენიმე ხერხს მიმართავენ, მათ შორის არის ქუჩებზე ფასიანი გადაადგილების დაწესება, ზოგ მონაკვეთზე კი მოძრაობა სრულად იზღუდება.