სეზონური ვირუსებიდან ცირკულირებს ადენოვირუსი, რინოვირუსი, მაგრამ ეპიდსიტუაცია მართვადია


Осторожно: простуда. Грипп и ОРВИ могут ухудшить мужское здоровьеდაავადებათა კონტროლის ეროვნული ცენტრის ხელმძღვანელ ამირან გამყრელიძის განცხადებით, საქართველოში როგორც ეპიდემიოლოგიური, ისე სამედიცინო დახმარების თვალსაზრისით, ვითარება მართვადია.

„ტესტირების მონაცემებით, რომელიც მილიონზე ან 100 000 მოსახლეზე ითვლება, დღეს მილიონზე გვაქვს 213  000 „პისიარ“ ტესტი, ამას თუ დაამატებთ 100 000 მოსახლეზე ანტიგენზე დამყარებულ ტესტს, არა გვიშავს. ანუ, ევროკავშირის ქვეყნებს შორის სადღაც შუა მაჩვენებელზე ვართ. ასე რომ, მიუხედავად იმისა, რომ ბოლო ერთი თვის განმავლობაში სერიოზულად რთულდება ეპიდსიტუაცია, ეპიდემიოლოგიურ სიტუაციასთან დაკავშირებით, ჯერჯერობით ეს ყველაფერი მართვადია. მართვადია როგორც ეპიდემიოლოგიური, ისე სამედიცინო დახმარების თვალსაზრისით“, – განაცხადა გამყრელიძემ.

დაავადებათა კონტროლის ეროვნული ცენტრის ხელმძღვანელის განმარტებით,  რამოდენიმე სეზონური ვირუსი უკვე ცირკულირებს  საქართველოში.

„უკვე ცირკულირებს ადენოვირუსი, რინოვირუსი. ჯერჯერობით გრიპის ვირუსი არ ჩანს, არც სხვა კორონავირუსები შეინიშნება“, – განაცხადა გამყრელიძემ.

სეზონურ ვაქცინასთან დაკავშირებით  შემოსულია ვაქცინის 25 000 დოზა, რომელიც განაწილებულია პოლიკლინიკებში და უპირველესად, რისკ-ჯგუფში შემავალი პირები აიცრებიან.




დღეს სურსათის საერთაშორისო დღეა


Всемирный день продовольствия переосмысливает возможности 2020 წლის შიმშილის გლობალური ინდექსის თანახმად, საქართველო 26-ე ადგილზეა 107 ქვეყანას შორის.   GHI-ს ახალ  კვლევის თანახმად,  ჩვენი ქვეყანა ჩამორჩება რუსეთს, ყაზახეთს, აზერბაიჯანსა და ბულგარეთს, თუმცა საქართველოზე უფრო მეტი ადამიანი შიმშილობს სერბეთში, სომხეთში, ირანსა და ყირგიზეთში.

საქართველოში დაახლოებით 77 ათასი ბავშვი უკიდურეს სიღარიბეში ცხოვრობს, ამ მონაცემების შესახებ „იუნისეფის“ მიერ ჩატარებული კვლევა ჯერ კიდევ 2012 წლის ივლისში იუწყებოდა.  ამავე კვლევის დასკვნაში წლიური მაჩვენებლის შესახებ ვკითხულობთ: „ყოველწლიურად 800 ბავშვი იღუპება 5 წლამდე ასაკის. აქედან 700 იღუპება პირველი 12 თვის განმავლობაში, ხოლო 400 ბავშვი ამ 700-დან იღუპება დაბადებიდან პირველი კვირის განმავლობაში, რომელიც არის ყველაზე კრიტიკული ბავშვის სიცოცხლის შენარჩუნებისათვის. აქედან 300 უკავშირდება ამა თუ იმ კვებასთან დაკავშირებულ დეფიციტს, როგორიცაა, მცირეწონიანობა, ანემიასთან დაკავშირებული პრობლემები და ასე შემდეგ“.

სიღარიბის დონე  საქართველოში კვლავ მაღალია, განსაკუთრებით  სოფლად, მიუხედავად იმისა, რომ ბოლო რამდენიმე წლის განმავლობაში  იგი მთლიანობაში კლებისკენ წავიდა.  მსოფლიო ბანკის მიხედვით, 2014 წელს,  საქართველოს  მოსახლეობის 32% , აქედან სოფლად 43% თავს ირჩენს დღეში 2.50 აშშ დოლარზე ნაკლები თანხით. 2009 წელს UNICEF-ის მიხედვით, საოჯახო მეურნეობების  40%–მა ვრ შეძლო თავისათვის საკმარისი რაოდენობის სურსათის მოყვანა ან შეძენა, და როგორც თვითონ აღნიშნეს, იკვებებოდნენ „ისე ცუდად, რომ მათი ჯანმრთელობა საფრთხის ქვეშ დადაგა“.

ზოგადად, საქართველოს მოსახლეობის მთლიანი შემოსავლის 54% სურსათზე იხარჯება.

მეტად საყურადღებოა სურსათზე ხელმისაწვდომობის პრობლემა მაღალმთიან რეგიონებში. სიღარიბე და სურსათზე ფასები, როგორც ყველგან, მთიანეთშიც აისახება ოჯახების კვებაზე.  მათი ზრდა იწვევს ოჯახის  კვების სტრუქტურისა და ხარისხის  გაუარესებას.   ხშირად ხდება არჩევანი  სურსათის ფასსა და ხარისხს შორის, რაც უმეტეს  შემთხვევაში  ფასის სასარგებლოდ წყდება. უფრო დაბალი ხარისხის პროდუქტს ფასის გამო უპირატესობას  გამოკითხულთა 84% ანიჭებს. გამოკითხულთა  72,5%–მა (oxfam) შეაფასა როგორც საშუალო, ხოლო 13,8%–მა როგორც ცუდი კვება.

მუნიციპალიტეტეტებში სოციალურ ეკონომიკური ცხოვრება ძლიერაა დამოკიდებული  ცენტრალური ბიუჯეტის სოციალურ ხარჯებზე. საოჯახო მეურნეობის შემოსავლებში შემავალი დახმარებებისა და შეღავათებიდან  ყველაზე დიდი წილი მოდის პენსიისა და სოციალურ დახმარებებზე. მთიან რეგიონებში სურსათზე ხელმისაწვდომობა გართულებულია მთაში მოსახლეობის შემოსავლების დაბალი დონის გამო, რაც განპირობებულია სიღარიბის  მაღალი დონით, სოფლის მეურნეობის დაბალრენტაბელობითა და დაბალშემოსავლიანობით  მის ნატურალურ ხასიათთან ერთად.

ახლა კი, COVID-19-ის აფეთქებამ თანმდევი კარანტინებით და გადაადგილების შეზღუდვით,  ფერმერებს ხელი შეუშალა ფერმერულ საქმიანობაში, ხოლო სურსათის გადამამუშავებელ საწარმოებს – სურსათის გადამუშავებაში.  რესტორნების დახურვამ  შეამცირა მოთხოვნას ახალ პროდუქტზე, გავლენა მოახდენა  მწარმოებლებზე და მომმარაგებლებზე, განსაკუთრებით მცირე ფერმერებზე, რასაც შესაძლოა მოჰყვეს გრძელვადიანი შედეგები.

არ ვიცი, რატომ მგონია,  ჩვენს  უხვმოსავლიან, მრავალფეროვან საქართველში სიტყვა “შიმშილი” არ უნდა ჟღერდეს;  სურსათის ნაკლებობა არ უნდა აწუხებდეს ბავშვებს და მოხუცებს; ჩვენ, ქართველებს, რომლებსაც სიტყვა “ბარაქის” ამდენი სინონიმი გაგვაჩნია, შიმშილზე საუბარიც კი არ უნდა გვეკადრებოდეს…მაგრამ რაღაც რიგზე არაა ჩვენ სახელმწიფო სისტემაში, სამეურნეო განრიგში და თითოეული ოჯახის საქმეში, რადგან მე დღეს ამ სტატიის დაწერა მომიწია…

ანა ბახტაძე

premiumi.ge

 




გამყრელიძე:"იქნება წერტილოვანი შეზღუდვები, ვაქცინამდე დაცვის ერთადერთი საშუალება პირბადე რჩება"


შევაჩერეთ ფართომასშტაბიანი ეპიდემიის განვითარება, ახლა ვართ მართვის  სტადიაში” – გამყრელიძე კორონავირუსზე – კვირა +დაავადებათა კონტროლის ეროვნული ცენტრის ხელმძღვანელმა ამირან გამყრელიძემ უწყებათაშორისი სხდომის დასრულების შემდეგ ქვეყანაში არსებულ ეპიდემიოლოგიურ მდგომარეობაზე ისაუბრა და აღნიშნა რომ  ბოლო ერთი თვის განმავლობაში ყველაზე ცხელი წერტილი ქვეყანაში იყო აჭარა, სადაც მუდმივად ფიქსირდებოდა მაღალი მაჩვენებელი, აჭარაში თანდათან არის ნიშნები სტაბილიზაციისკენ.

„დღევანდელი დილით 680 შემთხვევიდან, 189 არის აჭარაში, რომელმაც დაიკავა საერთო ინფიცირების 28 პროცენტი. მოგეხსენებათ, ბოლო ერთი თვის განმავლობაში აჭარაზე მოდიოდა ძირითადად 65-დან 70% პროცენტი ინფიცირებისა, მაგრამ ინფექცია გამოვიდა აჭარის გარეთ. დღეს ყველაზე მეტად საყურადღებოა სამი რეგიონი, მათ შორის დედაქალაქი, მთავარი სადაც დღეს ყველაზე მაღალი მაჩვენებელი დაფიქსირდა 297 შემთხვევა, რამაც მოიცვა 44 პროცენტი ახალი შემთხვევების. ასევე, მაღალი ინფიცირების მაჩვენებელია იმერეთში, რომელიც ძირითადად ქუთაისზე მოდის. აქ გვაქვს 150 ახალი შემთხვევა, ანუ საერთო ინფიცირების 22 პროცენტი“, – განაცხადა ამირან გამყრელიძემ.

მისი თქმით,  არ იქნება დიდი, გლობალური შემზღუდველი ღონისძიებები, მაგრამ იქნება სხვადასხვა სახის წერტილოვანი შეზღუდვები, რადგან  საქართველო ისევე, როგორც მსოფლიოს სხვა ქვეყნები, დიდ შეზღუდვებს ვეღარ გამოაცხადებენ.

„ჩვენ იმედი გვქონდა, რომ როგორც რესპირაციული ინფექცია, კორონავირუსი ზაფხულში შემცირდებოდა და შეიძლება გამქრალიყო. ამიტომ, დაავადების დასაწყისში ერთადერთი ბერკეტი მასთან ბრძოლის იყო მძიმე და მკაცრი შემზღუდველი ღონისძიებები, შემდეგ კაცობრიობამ გაიაზრა, რომ ეს არ არის მარტივი ინფექცია. მიუხედავად იმისა, რომ ინფექცია მსუბუქდება, არ გაქრა. ამიტომ, სლოგანი, რასაც ახლა ჩვენ ვიყენებთ არის, რომ ვისწავლოთ კორონავირუსთან თანაცხოვრება, რადგან ქვეყნები ვეღარ იქნებიან ჩაკეტილები. ყველაზე ბევრი შემთხვევაა ამერიკაში, მაგრამ ის ჩაკეტილი არ არის. არის შემთხვევების ზრდა, მაგრამ საბაზისო ეკონომიკური მიმართულებები ფუნქციონირებს, ანუ ვსწავლობთ თანაცხოვრებას. პოლიტიკა არის ასეთი, არ იქნება დიდი, გლობალური შემზღუდველი ღონისძიებები, მაგრამ იქნება სხვადასხვა სახის წერტილოვანი შეზღუდვები“, – განაცხადა გამყრელიძემ.

დაავადებათა კონტროლის ეროვნული ცენტრის ხელმძღვანელის თქმით,  კორონავირუსის დღეს დაფიქისრებული 680 შემთხვევიდან, 362 არის სიმპტომიანი პაციენტი და ახალი ინფიცირებულების ყველაზე დიდი ციფრი, 167 უკავშირდება ინიფიცირებულთან კონტაქტში მყოფ პირებს.

„ჩვენი მოწოდება მუდამ არის, რომ ვისაც უკვე აქვს პირველი სიმპტომები, ტემპერატურის მომატება, სუნთქვის გაძნელება, ხველა, დაუყოვნებლივ უნდა დარეკონ 112-ზე და შესაბამისად, ოჯახის ექიმებმა მართონ მათი შემდგომი ნაბიჯები. ისინი გადაიგზავნებიან ტესტირებაზე, თუ დასტურდება, არის პროტოკოლი, რა კეთდება, თუ არ დასტურდება, არის სხვა პროტოკოლიც.  ჩვენი მოწოდებაა, რომ ყველა ინფიცირებულთან კონტაქტში მყოფი ადამიანი, არ უნდა ეძებდეს საშუალებას, ტესტი იმ დღესვე ჩაიტაროს. აუცილებელია, დარჩეს იზოლაციაში 12 დღის განმავლობაში, თუ ეწყება კოვიდისთვის დამახასიათებელი სიმპტომი, მიმართოს 112-ს და გაიაროს დიაგნოსიტირების პროტოკოლი“, – განაცხადა ამირან გამყრელიძემ.

მისი თქმით, არსებული პროგნოზით, მსოფლიოში კორონავირუსს იმაზე მეტი ადამიანი შეეწირება, ვიდრე ოთხ დიდ ინფექციას – ტუბერკულიოზს, შიდსს, მალარიასა და ჰეპატიტს.

„გუშინ ახალი მონაცემები ამოვკრიბე ყველაზე უფრო მაღალრეიტინგული ჟურნალებიდან და დაცვის ყველაზე უკეთესი საშუალება არის პირბადე. მისი ტარება, როცა ინფექციის მატება გვაქვს, აუცილებელია დახურულ და ღია სივრცეებშიც, სადაც ვერ ვიცავთ დისტანციას. მოგიწოდებთ, უკვე ცივ პერიოდში, ღია სივრცეშიც ატარეთ პირბადე, რომელიც 50-დან 75 პროცენტამდე ამცირებს ინფექციის გავრცელების რისკს. ამიტომ, გთხოვთ, ყველამ დავიცვათ მარტივი წესი, თავი შევიკავოთ დიდი შეკრებებისგან.

ცოტა ხანს, ერთ წლამდე არ გვინდა დიდი ქორწილები, ჭირის დიდი სუფრები, დღეობები, მოვა ისევ ამის დრო, მაგრამ ჯერ ეს პერიოდი გასავლელი გვაქვს. გავრცელების ყველა წყარო, რაც გვქონდა ბოლო თვენახევარში, იწყებოდა ამ დიდი შეკრებებიდან. ამიტომ, ის მოარული აზრი, რომ არ არსებობს მსოფლიოში კორონავირუსი, სურდოსავითაა და მალე გაივლის, არ არის სწორი. კორონავირუსი სერიოზული დაავადებაა, მილიონი ადამიანი შეიწირა უკვე და პროგნოზია, რომ მომავალ გაზაფხულამდე, სამწუხაროდ, კიდევ ერთი მილიონი შეეწირება. ის იქნება უფრო მკვლელი, ვიდრე ტუბერკულოზი, შიდსი, მალარია, ჰეპატიტი. კორონა მათ გადაასწრებს. ამიტომ, დაცვის ერთადერთ საშუალებად, ვიდრე დამტკიცდება ვაქცინა, წამალი, რჩება მხოლოდ პირბადე“, – განაცხადა გამყრელიძემ.




დღეს სვეტიცხოვლობაა


სვეტიცხოველი, მცხეთა14 ოქტომბერს, მართლმადიდებელი ეკლესია სვეტიცხოვლობას აღნიშნავს. ამასთან დაკავშირებით  საქართველოს  ტაძრებში წირვა-ლოცვა შესრულდა.

მცხეთობა, სვეტიცხოვლობა, კვართის დღესასწაული არის ქრისტიანული დღესასწაული საქართველოში, რომელიც იმართება ქ. მცხეთის საკათედრო ტაძარში, სვეტიცხოველში. სვეტიცხოვლობა დაწესებულია საქართველოს მართლმადიდებელი ეკლესიის მიერ სადიდებლად “კვართისა საუფლოისა და სვეტისა ღმრთივბრწყინვალისა და მირონმდინარისა”. ამ დღეს აღინიშნება მეფე მირიანისა და დედოფალ ნანას, წმინდა სიდონიასა და აბიათარის ხსენებაც.

უფლის ჯვარცმის შემდეგ მისი კვართი წილად მცხეთაში მცხოვრებ ებრაელებს – ელიოზსა და ლონგინოზს ერგოთ, რომლებმაც სიწმინდე მცხეთაში ჩამოაბრძანეს. ელიოზის დამ, სიდონიამ კი უფლის კვართი გულში ჩაიკრა და სული განუტევა. იგი სიწმინდესთან ერთად დაკრძალეს. სიდონიას საფლავზე კი კვიპაროსის ხე ამოვიდა.

მე-4 საუკუნეში, წმინდა მეფის მირიანის და დედოფალ ნანას მეფობის ჟამს, კვიპაროსის ადგილზე ტაძრის მშენებლობა გადაწყვიტეს. კვიპაროსის ხისგან დამზადებული ერთ-ერთი სვეტი კი მშენებლებს არ ემორჩილებოდა. წმინდა მოციქულთა სწორ ნინოს ლოცვებით სვეტი ღვთის მიერ გაბრწყინდა და ჰაერში 12 წყრთის სიმაღლეზე გაჩერდა. ნათლის სვეტის თაყვანისსაცემად მთელი მცხეთა შეიკრიბა. ნათლის სვეტი სასწაულებს ახდენდა.

წმიდა ნინოს რჩევით აშენებული პირველი ხის ეკლესიის დანგრევის შემდეგ, V საუკუნის მე-2 ნახევარში, წმინდა მეფემ ვახტანგ გორგასალმა ბაზილიკის ტიპის ტაძარი აღმართა. XI სუკუნეში კი დაზიანებული ბაზილიკის ადგილზე ქართლის კათოლიკოსმა მელქისედეკმა ახალი ტაძარი – სვეტიცხოველი ააგო, რომლის ხუროთმოძღვარიც არსუკიძე იყო.

საქართველოს დამოუკიდებლობის აღდგენის (1991 წ.) შემდეგ მცხეთობის დღესასწაული აღდგა და ოფიციალურ უქმედ გამოცხადდა.




განათლების სამინისტრო - პოლიტიკური ნიშნით არც ერთი დირექტორი არ გაგვითავისუფლებია


განათლების სამინისტრო სკოლის მასწავლებლებსა და ადმინისტრაციას აფრთხილებს |  ყველაფერი განათლებისთვის და განათლებიდან | edu.aris.geგანათლების სამინისტროში ოპოზიციის მიერ გავრცელებულ ინფორმაციას პასუხობენ და  აცხადებენ, რომ საქართველოს მასშტაბით საჯარო სკოლებში სამეურვეო საბჭოების მიერ არჩეულ დირექტორებს 2020 წლის სექტემბრიდან ეტაპობრივად ეწურებათ შრომითი ხელშეკრულების 6-წლიანი ვადა, სამინისტროს მხრიდან არც ერთი დირექტორის გათავისუფლება არ მომხდარა.

„საქართველოს მასშტაბით საჯარო სკოლებში სამეურვეო საბჭოების მიერ არჩეულ დირექტორებს 2020 წლის სექტემბრიდან ეტაპობრივად ეწურებათ შრომითი ხელშეკრულების 6-წლიანი ვადა. ეს ინფორმაცია საჯარო სკოლის ყველა დირექტორისთვის კარგად არის ცნობილი.

სამინისტროს მხრიდან არც ერთი დირექტორის გათავისუფლება არ მომხდარა. ყველა მათგანს აქვს შესაძლებლობა, მიიღოს მონაწილეობა სამინისტროს მიერ გამოცხადებულ საჯარო სკოლების დირექტორთა შესარჩევ კონკურსში.  შესაბამისად, სამინისტრო გამორიცხავს პოლიტიკური ნიშნით ვინმეს გათავისუფლებას“, – განაცხადეს უწყებაში.

მანამდე მცხეთის მუნიციპალიტეტის სოფელ ქსნის საჯარო სკოლის დირექტორმა დოდო ჭოტოლაშვილმა განაცხადა, რომ ის თანამდებობიდან პოლიტიკური ნიშნით გაათავისუფლეს.




ლევილში ქართულ-ფრანგული კულტურის დღეები აღინიშნება


საფრანგეთში, ლევილის მუნიციპალურ ცენტრში, ქართულ-ფრანგული კულტურის დღეების ფარგლებში მუსიკალური საღამო გაიმართა.

საქართველოს საგარეო საქმეთა სამინისტროს ინფორმაციით, ტრადიციად ქცეულ ღონისძიებას საფუძველი18 წლის წინ ჩაეყარა და ის ყოველწლიურად ლევილის მერიისა და ამხანაგობა „ქართული კერას“ ორგანიზებით ტარდება.

წელს, ქართულ-ფრანგული კულტურის დღეების მთავარი თემა ტრადიციული ცეკვა და ლევილური ქართულ-ფრანგული ქრონიკები იყო, რომლის ფარგლებშიც შესრულდა როგორც ქართული, ასევე ფრანგული ტრადიციული ცეკვები. აღსანიშნავია, რომ ქართული ცეკვები წარმოდგენილ იყო XX საუკუნის ქართული წარმოშობის ფრანგული ბალეტის ვარსკვლავის, ეთერ ფაღავას ქორეოგრაფიული სტუდიის ფრანგი მოცეკვავეების მიერ. საღამოს ესწრებოდნენ საქართველოს საგანგებო და სრულუფლებიანი ელჩი საფრანგეთის რესპუბლიკაში, თეა კატუკია და ლევილის ყოფილი მერი.

ლევილში ქართულ-ფრანგული დღე და ქართული რთველი მოეწყო - ქართული კვირა

ქართულ-ფრანგული კულტურის დღეების ლევილში აღნიშვნა სიმბოლური დატვირთვის მატარებელია და ჩვენი დიდი წინაპრების მიერ დაბა ლევილში შეძენილი მამულის ისტორიასა და მის ახალ სიცოცხლეს უკავშირდება.

2016 წელს 25 წლიანი მოლაპარაკებების პროცესი ლევილის მამულის საქართველოსთვის გადმოცემის თაობაზე დასრულდა და მამული მის კანონიერ მემკვიდრეს, ქართველ ხალხს დაუბრუნდა. ლევილის ისტორიულ მამულში საფუძველი ჩაეყარა საქართველოს პირველი რესპუბლიკის ისტორიულ და კულტურულ ქართულ-ფრანგულ მემორიალურ ცენტრს, ლევილის ქართულ აკადემიას. ამით ლევილის მამულს დაეკისრა განსაკუთრებული როლი, საფრანგეთსა და საქართველოს შორის კულტურული, მეცნიერული და სხვა მიმართულებების განსავითარებლად.




Covid19 –ის გამო თბილისში შესაძლოა ზომები გამკაცრდეს


 Коррупция, которая убивает. Почему Молдова оказалась не готова к эпидемии -  NewsMakerთბილისის ინფექციური საავადმყოფოს ბოქსირებული განყოფილების ხელმძღვანელის მარინა ენდელაძის განაცხადებით, კორონავირუსით ინფიცირების შემთხვევების მატების გამო შესაძლოა, თბილისში ზომები გამკაცრდეს.

„ეს ჩემი გადასაწყვეტი არ არის, მაგრამ შესაძლებელია, თუ ასეთი მატება იქნება. ჩვენ ვხედავთ, რომ ზუსტად პირველ სექტემბრამდე გამკაცრებული ზომების პირობებში მატება თითქმის არ გვქონდა, ძალიან მცირე იყო, ახლა მატება არის. შესაბამისად, შეიძლება მთავრობამ გადაწყვიტოს ამის შესახებ. ეს ჩემი გადასაწყვეტი საკითხი არ არის“,- განაცხადა ენდელაძემ.

მისი თქმით , საქართველოში კორონავირუსით გარდაცვლილ პაციენტებს თანმხლები დაავადებები აღენიშნებოდათ, თუმცა თანმხლები დაავადების არსებობა არ ნიშნავს იმას, რომ ინფიცირების შემთხვევაში, შედეგი ყოველთვის ლეტალური იქნება. მარინა ენდელაძე განმარტავს, რომ საჭიროა სიფრთხილე, თუმცა ამ მხრივ განსაკუთრებული შიში არ უნდა იყოს. მარინა ენდელაძის თქმით, გააჩნია თანხმლები დაავადების სიმძიმეს და იმას, თუ როდის მიმართა პაციენტმა სტაციონარს.

„ჩვენ ყველა გარდაცვალების დროს ვამბობთ, რომ პაციენტს ჰქონდა თანმხლები დაავადებები. რა თქმა უნდა, მაგრამ 11 794 პაციენტიდან, გარდაცვლილების გარდა სხვებსაც ჰქონდათ თანხმლები დაავადებები. თანხმლები დაავადებები არ ნიშნავს, რომ აუცილებლად იქნება გარდაცვალება, გააჩნია თანხმლები დაავადების სიმძიმეს, მიმართვას, როდის მიმართა პაციენტმა სტაციონარს და ა.შ. ამდენად, ამ მხრივ არ უნდა იყოს განსაკუთრებული შიში, რომ თანმხლები დაავადება აქვს და ის აუცილებლად გარდაიცვლება, თუმცა ძალიან გვჭირდება სიფრთხილე“, – განაცხადა მარინა ენდელაძემ.

საქართველოში ბოლო 24 საათში კორონავირუსის 523 ახალი შემთხვევა გამოვლინდა, გამოჯანმრთელდა 208 პაციენტი, გარდაიცვალა შვიდი ადამიანი.

კორონავირუსის ახალი შემთხვევებიდან 194 თბილისში, 172 აჭარაში, 117 კი იმერეთში დაფიქსირდა.




16 მუნიციპალიტეტის 87 სოფელში მზის პანელები დამონტაჟდა


Here comes the sun: Taking the temperature of the Malaysian solar power  industry | The Starსაქართველოს რეგიონული განვითარებისა და ინფრასტრუქტურის მინისტრის მოადგილე, მზია გიორგობიანი, USAID საქართველოს მისიის დირექტორი პიტერ ვიბლერი, USAID ენერგეტიკის პროგრამისა და მცხეთის მუნიციპალიტეტის წარმომადგენლები, სოფელ ზემო ნიჩბისში დამონტაჟებული მზის პანელების მუშაობის სპეციფიკას გაეცნენ და საყოფაცხოვრებო პირობების შესახებ ინფორმაცია ადგილობრივი მცხოვრებლებისგან მოისმინეს.

მზის პანელები დამონტაჟდა საქართველოს შვიდი რეგიონის იმ სოფლებში, სადაც მუდმივი მცხოვრებლები არიან, კერძოდ: მცხეთა-მთიანეთის, შიდა ქართლის, სამცხე-ჯავახეთის, იმერეთის, რაჭა-ლეჩხუმი-ქვემო სვანეთის, კახეთისა და აჭარის 16 მუნიციპალიტეტის 87 სოფლის 207 ოჯახში.

რეგიონული განვითარებისა და ინფრასტრუქტურის მინისტრის მოადგილის თქმით, ეს არის USAID-თან არაჩვეულებრივი თანამშრომლობის შედეგი.

„ეს არის არაჩვეულებრივი თანამშრომლობის შედეგი, რომლის ფარგლებშიც პირველ ეტაპზე USAID-მა გააკეთა დასახლებებისა და ოჯახების მონახაზი, შემდეგ სახელმწიფომ მაღალმთიანი რეგიონების განვითარების ფონდის მეშვეობით შეიძინა მზის პანელები, ხოლო მუნიციპალიტეტის უშუალო ჩართულობით მოხდა აღჭურვილობის გადაცემა მოსახლეობისათვის, რაც მრავალი წლის განმავლობაში აპარატურის მოვლა-შენახვასაც გულისხმობს,“ – განაცხადა მზია გიორგობიანმა.

USAID-ის საქართველოს მისიის დირექტორის თქმით, ეს დახმარება არის ძალიან მნიშვნელოვანი აქ მცხოვრებთათვის.

„ეს დახმარება არის ძალიან მნიშვნელოვანი აქ მცხოვრებთათვის. ჩვენ დღეს მოვისმინეთ სხვადასხვა თაობის ადამიანების ისტორიები და გვიხარია, რომ მზის პანელების დამონტაჟების შემდეგ მათი ცხოვრება უკეთესობისკენ შეიცვალა. USAID-ისთვის ეს არის შესანიშნავი შესაძლებლობა ვითანამშრომლოთ სამინისტროსთან, რომელიც ჩვენი პარტნიორია არა მხოლოდ ამ ენერგო-პროექტში არამედ მრავალი სხვა მიმართულებით,“ – აღნიშნა პიტერ ვიბლერმა.

საქართველოს ენერგეტიკული უსაფრთხოების ამაღლებისა და ქვეყნის ყველა მოქალაქის ელექტროენერგიით უზრუნველყოფის მიზნით, USAID ენერგეტიკის პროგრამამ საქართველოს მთავრობას ტექნიკური დახმარება გაუწია, რაც ელექტროენერგიის ქსელის გარეშე დარჩენილ რეგიონებში, ელექტროფიკაციისთვის ყველაზე ეფექტიანი ტექნოლოგიის დანერგვას ითვალისწინებს

პროექტის მდგრადობის, მზის პანელების სწორად მოხმარებისა და სისტემის შეუსაბამო გამოყენების თავიდან აცილების მიზნით, USAID ენერგეტიკის პროგრამის მხარდაჭერით ადგილობრივ მოსახლეობას ტრენინგები ჩაუტარდა.




ეროვნული ბანკი: ინტერნეტ სივრცეში ფინანსური და პირადი მონაცემების მითითებისას სიფრთხილე გამოიჩინეთ


ეროვნული ბანკი erovnuli_banki_34939საქართველოს ეროვნული ბანკი კიდევ ერთხელ მოუწოდებს მოქალაქეებს, განსაკუთრებული ყურადღება და სიფრთხილე გამოიჩინონ ინტერნეტ სივრცეში ფინანსური და პირადი მონაცემების მითითებისას.

განცხადებას უცვლელად გთავაზობთ:

„გაცნობებთ, რომ მიმდინარე ეტაპზე, ისევ გრძელდება შემთხვევები, როდესაც მომხმარებლებს სხვადასხვა ვებგვერდზე შესვლისას გარკვეული ფულადი თუ სხვა პრიზების მოგების დაპირებით გათამაშებაში მონაწილეობის მიღების შეთავაზების შეტყობინება ხვდებათ. ამასთან, რამდენიმე შემთხვევაში, გათამაშების შესახებ ინფორმაცია საქართველოს ეროვნული ბანკის სახელითაც გავრცელდა. ხაზგასმით აღვნიშნავთ, რომ ეროვნული ბანკის მიერ არ ხდება მსგავსი სახის ონლაინ გათამაშების ორგანიზება. გასათვალისწინებელია, რომ გათამაშებაში მონაწილეობის მიღების ან შემდგომ პრიზების მიღებისთვის ითხოვენ პირადი მონაცემების, მათ შორის, ელექტრონული ფოსტის მისამართის, ტელეფონის ნომრისა და სხვა პერსონალური ინფორმაციის მიწოდებას. დამატებით, რიგ შემთხვევაში, შეტყობინებებში მითითებულია საქართველოს ეროვნული ბანკის მიერ საპრიზო თანხის მონაწილისთვის გადარიცხვის შესახებ, რაც ცალსახად არასწორი ინფორმაციაა. აქვე გასათვალისწინებელია, რომ ზემოაღნიშნული მონაცემების გამჟღავნების შემთხვევაში, არსებობს ამ ინფორმაციის მოპოვებით დაინტერესებული პირების მიერ სხვადასხვა თაღლითური ოპერაციის განხორციელების რისკი.

ნებისმიერ გათამაშებაში თუ სხვადასხვა ორგანიზაციის ვებგვერდის/ინტერნეტბანკის გამოყენებისას და ინტერნეტ-გადახდების განხორციელებისას მოგიწოდებთ დაიცვათ შემდეგი წესები:

1. არ გადასცეთ სხვა პირებს პირადი მონაცემები, რომლის მეშვეობითაც შესაძლებელია ფინანსური ოპერაციების უნებართვო განხორციელება. ასეთ მონაცემბს მიეკუთვნება: საგადახდო ბარათის მონაცემები, ინტერნეტ ბანკის მომხმარებლის სახელი და პაროლი, ერთჯერადი SMS კოდი, სატელეფონო აპლიკაციით გენერირებული ერთჯერადი კოდი და სხვა. განსაკუთრებული ყურადღებით გადაამოწმეთ ის ვებგვერდი, რომელიც პირადი მონაცემების შეყვანას გთხოვთ.

2. გადაამოწმეთ ვებმისამართი. ფინანსური მომსახურების გამოყენებამდე შეამოწმეთ ის ვებმისამართი, სადაც მონაცემების შეყვანას აპირებთ. იმისათვის, რომ დარწმუნდეთ, რომ უსაფრთხო ვებგვერდზე იმყოფებით, აუცილებლად შეამოწმეთ, რომ ვებმისამართი იწყებოდეს ‘https://’ ან ‘shttp://’-ით. ასევე, დარწმუნდით, რომ ვებმისამართის მარცხენა კუთხეში განთავსებულია ჩაკეტილი ბოქლომის სიმბოლო (იხ. ქვემოთ). დამატებით, შეგიძლიათ დააჭიროთ ბოქლომის ღილაკს, რომ შეამოწმოთ ვებგვერდის სანდოობა და უსაფრთხოების დამადასტურებელი სერტიფიკატი.

COVID-19/ Citizens turn to e-banking | Albanian Telegraphic Agency

3. შეაფასეთ ვებგვერდის შიგთავსი. ყალბი ვებგვერდის შექმნისას დიდი ყურადღება და რესურსი ეთმობა იმას, რომ ის ნამდვილი, ოფიციალური ვებგვერდის მსგავსი იყოს. ვებგვერდის ტექსტი, გრაფიკა, ორგანიზაციის ლოგოები და სხვა მონაცემები ხშირად ემთხვევა ლეგიტიმური ვებგვერდის შიგთავსს. მიუხედავად ამისა, არსებობს გარკვეული განმასხვავებელი ნიშნები, რომლის მეშვეობითაც შესაძლებელია ყალბი ვებგვერდის გამოვლენა და, ზოგადად, ყალბი ვებგვერდის ნამდვილი ვებგვერდისგან გარჩევა. მაგალითად, ზოგ შემთხვევაში, ყალბი გვერდის ვებმისამართი მცირედ განსხვავდება ორგანიზაციის ოფიციალური ვებგვერდის მისამართისგან. ამასთან, ყალბ ვებგვერდზე გამოყენებული შრიფტი შეიძლება მცირედით განსხვავდებოდეს ნამდვილი ვებგვერდის შრიფტისგან, ან ყალბ ვებგვერდზე დაშვებული იყოს მართლწერის შეცდომები.

4. უკიდურესი სიფრთხილით მოეკიდეთ სოციალურ ქსელებში არსებულ ფინანსურ შეთავაზებებს. ყურადღებით გადაამოწმეთ სოციალური ქსელებიდან მიღებული ფინანსური შეთავაზებები. სიფრთხილე გამოიჩინეთ აღნიშნულ შეთავაზებაზე თანხმობის განხილვისას და დარწმუნდით, რომ მიღებული შეთავაზება არის ლეგიტიმური და არ შეიცავს თაღლითობის ნიშნებს.

5. გადაამოწმეთ ვებგვერდის მფლობელი. WHOIS მომსახურების ვებგვერდზე -https://who.is/, მომხმარებელს კონკრეტული ვებმისამართის ნამდვილობის გადამოწმება შეუძლია. ვებგვერდის გადამოწმებისას, განსაკუთრებული ყურადღება მიაქციეთ ვებგვერდის შექმნის თარიღს. თუ იცით, რომ ოფიციალური ვებგვერდი, რომელზეც თქვენ უნდა შესულიყავით, დიდი ხნის მანძილზე არსებობს, მაგრამ თქვენ მიერ გადამოწმებული გვერდი ახალი შექმნილია, მოცემული გვერდი დიდი ალბათობით არ ეკუთვნის იმ ორგანიზაციას, რომლის ვებგვერდზეც თქვენ გსურდათ შესვლა.

6. გადახდის სანდო წყარო. ნამდვილი ან ოფიციალური ვებგვერდი მომხმარებელს ყოველთვის მოსთხოვს გადახდის განხორციელებას საგადახდო ბარათის ან ოფიციალური პორტალის (მაგ. PayPal) მეშვეობით. თუ ვებგვერდი, რომელზეც მომხმარებელი იმყოფება, იძლევა გადახდის მხოლოდ ერთ მეთოდს, ეს, დიდი ალბათობით, ყალბი ვებგვერდია.

საქართველოს ეროვნული ბანკი კიდევ ერთხელ მოგიწოდებთ, გამოიჩინოთ სიფრთხილე, განსაკუთრებით, როდესაც ეს საეჭვო ან გაურკვეველი რეპუტაციის ვებგვერდებზე პირადი და ფინანსური მონაცემების განთავსებას ეხება. დამატებითი შეკითხვების შემთხვევაში, გთხოვთ, დაგვიკავშირდეთ საქართველოს ეროვნული ბანკის ცხელ ხაზზე – 2 406 406.

საქართველოს ეროვნული ბანკის გაფრთხილებების შესახებ ინფორმაცია შეგიძლიათ იხილოთ შემდეგ ბმულზე – https://www.nbg.gov.ge/index.php?m=675

ფინანსურ თაღლითობასთან დაკავშირებით დამატებითი ინფორმაციის მიღება შეგიძლიათ ფინანსური განათლების ვებგვერდზე – https://finedu.gov.ge/ge/finansuri-usafrtkhoeba-1




1 ოქტომბრიდან 1–6 კლასელებისთვის სწავლა განახლდება


Coronavirus outbreaks are inevitable as Ontario plans to reopen schools1-ლი ოქტომბრიდან საქართველოს რამდენიმე ქალაქის 1-6 კლასების მოსწავლეები საკლასო ოთახებში დაბრუნდებიან.  თბილისში, ქუთაისში, რუსთავში, ზუგდიდში, ფოთსა და გორში სკოლებში სწავლის განახლების პარალელურად, მშობლებს დისტანციური მოდელის არჩევის შესაძლებლობაც ექნებათ.

„ყველა სკოლაში ჯერ კიდევ 15 სექტემბრისთვის მაქსიმალურად იყო დაცული ყველა რეკომენდაცია. ჩვენ და სხვა სამინისტროებმა უზარმაზარი სამუშაო ჩავატარეთ იმისთვის, რომ ყველა სკოლაში სამედიცინო პროტოკოლი ზედმიწევნით იყოს დაცული. ყველა სკოლაში, სადაც მოსწავლეები შევლენ, ამისთვის სრულიად ყველაფერი მზადაა“, – განაცხადა განათლების მინისტრმა, მიხეილ ჩხენკელმა საკოორდინაციო საბჭოს სხდომის შემდეგ გამართულ ბრიფინგზე.

განათლებისა და მეცნიერების მინისტრმა განმარტა, რომ დისტანციური სწავლების სურვილის შემთხვევაში პროცესს სკოლები უზრუნველყოფენ.

„საზოგადოებას ვთავაზობთ მაქსიმალურად მოქნილ სისტემას. თუ მშობელი, ოჯახი გადაწყვეტს, რომ ურჩევნიათ ბავშვა სწავლა გააგრძელოს დისტანციურ ფორმატში, მათ ამის საშუალება ექნებათ. იმ სკოლებში სადაც გადავდივართ საკლასო ოთახებში, თბილისში, ქუთაისში, რუსთავში, ზუგდიდში 1-დან მე-6 კლასის ჩათვლით, გორსა და ფოთში კი ყველა კლასში, ამ სკოლებშიც, ტუ მშობლები ჩათვლიან, რომ ურჩევნიათ ბავშვმა სწავლა გააგრძელოს დისტანციურად, სკოლები ამას უზრუნველყოფენ. დეტალური ინფორმაცია გამოქვეყნდება სამინისტროს ვებგვერდზე. სკოლები დაუკავშირდებიან მშობლებს და სურვილის შემთხვევაში დაარეგისტრირებენ“, – განაცხადა მიხეილ ჩხენკელმა.