დატბორილი სახლები და დაზიანებული გზები – სტიქია დასავლეთ საქართველოში


დასავლეთ საქართველოში მთელი ღამის განმავლობაში გადაუღებლად წვიმდა. ძლიერ წვიმას  ქარი მოჰყვა. სტიქიამ საცხოვრებელი სახლები და საკარმიდამო ნაკვეთები დააზიანა.

ქობულეთში ძლიერი ქარის შედეგად საცხოვრებელი კორპუსების სახურავები დაზიანდა. ქარმა აღმაშენებლის გამზირზე ხეები მოგლიჯა, რის გამოც შეფერხებული იყო საავტომობილო მოძრაობა. ძლიერი წვიმის გამო მოსახლეობის ნაწილს ელექტროენერგიის მიწოდებაც შეუწყდა.

სტიქიას ებრძოდნენ ჩაქვშიც, სადაც სურმანიძეების სახლი მთლიანად დაიშალა. შემთხვევის შედეგად დაშავდა რამდენიმე ადამიანი. ისინი საავადმყოფოში არიან გადაყვანილი.

მახინჯაურში, რკინიგზის სადგურზე ძლიერმა ქარმა ხე წააქცია, რის გამო   ბათუმი-ქობულეთის ცენტრალურ ავტომაგისტრალზე რამოდენიმე საათით მოძრაობა შეუძლებელი იყო.

სტიქიას ებრძოდნენ მთელი ღამის განმავლობაში გურიაშიც. ძლიერი წვიმის გამო ჩოხატაურში რამდენიმე ოჯახს წყალი საცხოვრებელ სახლში შეუვარდა. ნალექის გამო დაზიანებულია ქუჩები. კოხნარი-საჭამიასერის საავტომობილო გზაზე საავტომობილო მოძრაობა რამდენიმე საათის  შეფერხებული იყო.

ოზურგეთში ძლიერმა ქარმა  ხეები მოგლიჯა, რის გამო ბათუმისკენ მიმავალი გზა გადაიკეტა. ხეებმა დააზაიანა გაზის მილებიც. ლანჩხუთში ადიდებულმა მდინარე სუფსამ სოფელი აკეთი დააზარალა. მოსახლეობას წყალი სახლებში შეუვარდა. დაზიანებულია საკარმიდამო ნაკვეთები. გურიის რამდენიმე სოფელს მთელი ღამის განმავლობაში ელექტროენერგია არ მიეწოდებოდათ. ადგილზე მთელი ღამის განმავლობაში სამაშველო ჯგუფები მუშაობდნენ.

გადაუღებელი წვიმის გამო ქედის რაიონის სოფელ მახუნცეთსი მეწყერი ჩამოწვა. მომხდარის გამო საცხოვრებელი სახლები რამდენიმე ოჯახს დაატოვებინეს. მეწყერის ჩამოწოლის გამო ბათუმი-ახალციხის საავტომობილო გზაზე მოძრაობა რამდენიმე საათის განმავლობაში პარალიზებული იყო. წვიმის შედეგაც ადგილობრივებს სახლების პირველი სართულები დაეტბორათ. ასევე განადგურებულია საკამიდამო ნაკვეთები.

ადგილზე გვიანობამდე მუშაობდნენ საგანგებო სიტუაციების მართვის სააგენტოს თანამშრომლები.




"უმეტესობამ არც იცის, რომ ზებრა – გადასასვლელზე გზის არდათმობა 20 ლარით ჯარიმდება"


traffic-jam

ქალაქში მოძრაობის წესები ჯერ კიდევ ძველ რომში, იულიუს ცეზარმა დააწესა. მისი ბრძანების თანახმად, რომის ზოგიერთ ქუჩაში ცალმხრივი მოძრაობა შემოიღეს. სამუშაო დღის დამთავრებამდე  აკრძალული იყო კერძო ეტლების და ეკიპაჟების გავლა. ქალაქში ჩამოსულებს ტრანსპორტი ქალქგარეთ უნდა დაეტოვებინათ და რომში ფეხით ევლოთ ან პალანკინი დაექირავებინათ.  რომის იმპერიის გზებზე მარცხენამხრიანი მოძრაობა იყო მიღებული, რათა მარჯვენა (შეიარაღებული) ხელი თავისუფალი ყოფილიყო. წესრიგის დასაცავად საგანგებო სამსახურიც შეიქმნა, რომელშიც ძირითადად ყოფილი მონები მსახურობდნენ. მათ ძრითად მოვალეობას სატრანსპორტო საშუალებების  მეპატრონეთა  შორის კონფლიქტების და ჩხუბის თავიდან აცილება წარმოადგენდა . თუმცა მრავალი გზაჯვარედინი რომში მაინც უკონტროლო რჩებოდა. ხოლო დიდებულებს ქალაქში შეუფერხებელი გაადგილების უზრუნველყოფა შეეძლოთ – ეტლის წინ შიკრიკს აგზავნიდნენ, რომელიც ბატონისთვის გზას ანთავისუფლებდა.

ძველ რომთან შედარებით დღევანდელ თბილისში სატრანსპორტო მოძრაობა მეტად გადატვირთულია, თუმცა მაინც მოუწესრიგებელი. ყოველწლიურად საქართველოში ავტოსაგზაო შემთხვევის შედეგად მრავალი ადამიანი  სხვადასხვა სახის  ტრავმას იღებს. საგზაო მოძრაობის წესრიგის დაცვა და შესაბამისი რეგულაციების შემოღება ქვეყანაში  არა მხოლოდ ავტოსაგზაო შემთხვევით გამოწვეული სიკვდილიანობის მაჩვენებელს, არამედ მგზავრთა და ქვეითთა ტრავმირების რიცხვს და შემდგომი მკურნალობის ხარჯებს შეამცირებს.

გელა კვაშილავა

გზების და სატრანსპორტო მოძრაობის მოწესრიგების გარდა პრევენციის ერთერთი ზომა  სიჩქარის შეზღუდვა და ჯარიმის ოდენობის გაზრდაა, მიაჩნია ფონდი „პარტნიორობა საგზაო უსაფრთხოებისთვის“ დამფუძნებელს, ექსპერტს  გელა კვაშილვას.

„ავტოსაგზაო შემთხვევის პრევენცია მეტად ეკონომიურია, ვიდრე შემდგომი ხარჯები. სამწუხაროდ, 2014 წელს შეამცირეს სიჩქარის დარღვევისთვის ჯარიმის ოდენობა, არადა ძირითდად ამ წესის დარღვევის გამო იღუპება უამრავი ახალგაზრდა ადამიანი.

რატომღაც ყველას ჰგონია, რომ საგზაო მოძრაობის მოწესრიგება მხოლოდ ერთი რომელიმე ინსტიტუტის მოსაგვარებელი საქმეა. საჭიროა სამთავრობო და არასამთავრობო სექტორის ერთობლივი, კოორდინირებული  მუშაობა. გამართული უნდა იყოს გზების და მოძრაობის სისტემა, უნდა დაწესდეს შეზღუდვები  სიჩქარეზე, დროული უნდა იყოს სამედიცინო დახმარება და ოპერატიულად უნდა მუშაობდეს საპატრულო პოლიცია. უნდა შეიცვალოს მიდგომა ქალაქის დაგეგმარების,  ქვეითის  გადაადგილებისა და მოძრაობის წესრიგის დაცვის მიმართ. მაგალითად, სომხეთში მოახერხეს ამ პრობლემის მოგვარება. მათ ჩაატარეს შესაბამისი საგანმანათლებლო პროგრამა  ყველა ინსტანციურ დონეზე – როგორც წესების დამრღვევ მძღოლებში,  ასევე ქვეითებში.“ – განმარტავს გელა კვაშილავა.

მისი თქმით, საგზაო მოძრაობის წესრიგი მხოლოდ ერთი რომელიმე ბერკეტით, მაგალითად, დაჯარიმებით ვერ მოგვარდება.  პერიოდულად უნდა ტარდებოდეს  საგანმანათლებლო  კამპანიები საზოგადოებაში მოძრაობის წესების დაცვის შესახებ  ცოდნის ასამაღლებლად.

„ყველაზე დიდი პრობლემა ჩვენთან არსი გზის არდათმობა – როგორც მძღოლებში, ასევე ქვეითებში. უმეტესად  ეს ზებრა –გადასავლელებზე გზის გადაკვეთისას  გამოიხატება. სხვათაშორის, მძღოლების უმეტესობამ არც კი იცის, რომ ზებრა – გადასასვლელზე  ქვეითისთვის გზის არდათმობა ჯარიმდება 20 ლარით. ასევე  ქვეითიც ჯარიმდება, თუ გზას არასწორ ადგილზე გადადის. გზა ყველას ეკუთვნის, მაგრამ მასზე მოძრაობის კანონებიც ყველამ უნდა დაიცვას.“ – ამბობს გელა კვაშლავა – „საჯარიმო სანქციებს რაც შეეეხება, საზოგადოებამ უნდა მკაფიოდ გააცნობიეროს, რომ ჯარიმა  არა მხოლოდ სახელმწიფო ბიუჯეტის შევსების ზომაა, არამედ – უპირველეს ყოვლისა – დასჯის და პრევენციის ზომა, რადგან საკითხი  ადამიანის სიცოცხლეს ეხება. ქალაქის პირობებში ქვეითი ყველაზე დაუცველ მდგომარეობაშია, ამიტომ მას უპირატესობა უნდა მიენიჭოს. ქალაქის მოძრაობას არ უნდა ვუყურებდეთ მხოლოდ მძღოლის გადასახედიდან. ქვეითებისთვის  უსაფრთხო გადაადგილება  უნდა იყოს უზრუნველყოფილი. საუბარი არა მხოლოდ შუქნიშნებზეა. როგორც  საერთაშორისო პრაქტიკა გვიჩვენებს,  ყველაზე გამართლებული ვარიანტი ურბანულ პირობებში მიწისქვეშა გადასავლელები და  ე.წ. უსფრთხოების  კუნძულებია.„

1d9i7

ექსპერტის განმარტებით, სატრანსპორტო მოძრაობას ქალაქში ასევე მომრავლებული ავტომანქანების, მათ შორის მარცხენასაჭიანი მანქანების რაოდენობაც ართულებს. ამას   გადაჭარბებული სიჩქარით მოძრაობაც ემატება. ავტოსაგზაო შემთხვის შედეგად საქართველოში ყოველწლიურად უამრავი ადამიანი იღუპება ან მძიმე დაზიანებებს იღებს. როდესაც მანქანა 30 კმ/ს სიჩქარით ეჯახება ქვეითს, მისი  გადარჩენის შანსი დიდია, ხოლო 50 კმ/ს მეტი სიჩქარით მომხდარი ავტოავარიაში მოყოლილთა  80% გადარჩნა ვერ ხერხდება.

„მიუხედავად იმისა, რომ საგზაო მოძროაბის მოსაწესრიგებლად და საზოგადოებაში ცოდნის დონის ასამაღლებლად ბევრი ნაბიჯია გადადგმული; მიუხედავად იმისა, რომ ჩვენთან  რამოდენიმე სხვა ორგანიაცია თანამშრომლობს და სულ ახლახანს შინაგან საქმეთა სამინისტროშიც  გვქონდა შეხვედრა, სადაც გარკვეული  სტრატეგიები განვიხილეთ,  კიდევ ბევრი საქმეა გასაკეთებელი. ეს უკვე სახელმწიფოს  პრეროგატივაა და იმედს გამოვთქვამთ, რომ აღნიშნული პრობლემის მოგვარებას მთავრობა სათანადო ყურადღებას მიაქცევს.“ – აცხადებს გელა კვაშილავა.

www.premiumi.ge




სასამართლომ "Facebook"–ს მომხმარებლების თვალთვალი აუკრძალა


ბრიუსელის სამოქალაქო სასამართლომ სოციალურ ქსელფეისბუკსმომხმარებლების თვალთვალის და მათი მონაცემების დამუშავების შეწყვეტა დააკისრა. სასამართლო გადაწყვეტილების შეუსრულებლობის შემთხვევაშიფეისბუკს”  ყოველდღიურად 250 ათასი ევროს გადახდა დაეკოსრაბა, აღნიშნული თანხა პირადი ცხოვრების ხელშეუხებლობის დაცვის ბელგიურ კომისიას გადაერიცხება.

ზუსტად ამ კომისიამ შეიტანა სარჩელი სასამრთლოში კომპანია “ფეისბუკის” წინააღმდეგ.  საგანგებოდ ჩატარებული კვლევის შედეგად კომისიამ დაადგინა, რომ სოციალური ქსელის ახალი სამომხმარებლო პირობები პირადი ცხოვრების დაცვის სფეროში ევროპულ და ბელგიურ კანონმდებლობას   არღვევენ.

კომისიის თავმჯდომარე ვილემ დებეკელარე აცხადებს, რომ “ფეისბუკი”  არა მხოლოდ თავის მომხმარელებს  უთვალთვალებს და მათ მონაცემებს ამუშავებს.   კომპანია თვალყურს  იმ  მომხმარებლებსაც ადევნებს, რომლებსაც გათიშული აქვთ ტრეკინგის ფუნქცია, ასევე მათ, ვისაც საერთოდ არ გააჩნია საკუთარი პროფილი. “ფეისბუკი” ამას სოციალური პლაგინების, მეტწილად სხვა საიტებზე განთავსებული ღილაკი “მოწონება”–ს მეშვეობით ახერხებს. ინტერნეტ–მომხმარებლების აქტივობის მონიტორინგი  ასევე  cookies დახმარებით ხორციელდება.

ევროკავშირის კანონმდებლობის თანახმად, ნებისმიერმა საიტმა თავდაპირველად  მომხმარებლისგან უნდა მიიღოს თანხმობა მის კომპიუტერზე cookies განთავსებაზე.

“ფეისბუკმა”  ბელგიურ კომისიას  კვლევის შედეგებში “უზუსტობების გარკვევის” წინადადებით მიმართა, თუმცა უარი მიიღო.

 Le Soir




"მაკდონალდსის" ჰამბურგერში ვირთხის თავი აღმოაჩინეს


 

მაკდონალდსი

მექსიკის გენერალურმა პროკურატურამ ტლალნეპანტლეს გარეუბანში მდებარე “მაკდონალდსის” საწრაფი კვების რესტორანი დალუქა. ამის მიზეზი  კი  ჰამბურგერში აღმოჩენილი ვირთხის თავია გახდა. უჩვეულო “სიურპრიზი” დაწესებულების ერთერთმა კლიენტმა საკუთარ შეკვეთაში აღმოაჩინა. მოგვიანებით ქალბატონი მოწამვლის ნიშნებით საავადმყოფოში მოათავსეს. დაზარალებულმა პოლიციას მიამრთა  და დამნაშავეების დასჯა მოითხოვა.

“ვირთხიანი”  ბურგერის ფოტოსურათები სწრაფად გავრცელდა სოციალურ ქსელებში. თავის მხრივ, “მაკდონალდსი” ყველა ბრალდებას უარყოფს და ამტკიცებს,  რომ ქსელის მთავარ მიზანს კლიენტებისთვის “ხარისხიანი და უსაფრთხო საკვების” მირთმევა წარმოადგენს.

მექსიკის გენერალური პროკურატურა “მაკდონალდსის” მიმართ სისხლის სამართლის საქმის აღძვრას აპირებს.

 

 La Jornada.

 

 




ავღანეთში დაჭრილი სამხედრო სამშობლოში დაბრუნდა


ავღანეთში „მტკიცე მხარდაჭერის“ მისიის დროს დაჭრილი სერჟანტი პაატა როსტობაია დღეს სამშობლოში დაბრუნდა. სერჟანტ როსტობაიას აეროპორტში საქართველოს თავდაცვის მინისტრი თინათინ ხიდაშელი და ოჯახის წევრები დახვდნენ.

ფარვანის პროვინციაში დაჭრილი სერჟანტი მკურნალობას გერმანიაში, ლანდშტულის ამერიკულ სამხედრო ჰოსპიტალში გადიოდა. ინტენსიური თერაპიის კურსის გავლის შემდეგ პაატა როსტობაია რეაბილიტაციას ამერიკელი სამხედრო ექიმების ზედამხედველობის ქვეშ გადიოდა.

ავღანეთში „მტკიცე მხარდაჭერის“ მისიის ფარგლებში პატრულირებისას ქართველ სამხედროებზე ჩასაფრება განხორციელდა. სროლების დროს IV მექანიზირებული ბრიგადის 43-ე ბატალიონის სერჟანტი პაატა როსტობაია დაიჭრა, პირველი კლასის რიგითი ვასილ ყულჯანიშვილმა კი თავის არეში სასიკვდილო ჭრილობა მიიღო და ადგილზევე დაიღუპა.




ფინეთში მუსლიმი მიგრანტები მეღორეობის ცენტრში განათვსეს


ფინეთის ქ. ხიუვინკაში მდებარე მეღორეობის ყოფილ კველვით ინსტიტუის შენობაში მიგრანტების მიღებსი ცენტრი  გახსნეს.  ადმინისტრაციის განმარტებით, ამჟამად თავშესაფარში უკვე 100 ლტოლვილია განთავსბული. იმის გამო, რომ მიგრანტთა უმრავლესობა მუსლიმია, ქალაქის ადმინსტრაცია შიშობდა, რომ ამ შენობაში მათი განთავსება შესაძლოა შეურაცხყოფას მიაყენებდა მათ. ღორის ხორცი ისლამში აკრძალული პროდუქტია – მუსლიმები ღორს უწმინდურ ცხოველს უწოდებენ.

ცენტრის აღმასრულებელი დირექტორის თქმით, არანაირი კონფლიქტი რელიგიურ ნიადაგზე  ჯერ არ ყოფილა. ლტოლვილების განთავსებამდე ადმინისტრაციამ ადგილობრივ იმამთან ჩაატარა კონსულტაცია. იმამის  დაასკვნის მიხდვით  პრობლემები არ უნდა შეიქმნას, რადგან საუბარი მხოლოდ სამეცნიერო–კვლევით ცენტრზეა და არა უშუალოდ ღორის ფერმაზე.

“ამ კვლევითმა ცენტრმა ორი წლის წინ შეწყვიტა ფუნქციონირება და იქ ღორების კვალიც არ არის დარჩენილი. ჯერ არ ვიცით, ვუთხრათ თუ არა ლტოლვილებს ამ შენობის წარსულის შესახებ, თუმცა არც დასამალი გვაქვს რამე.” – განაცხადა ადმინისტრაციის წარმომადგენელმა და დასძინა, რომ მიგრანტები დაასახლეს იმ ოთახებში, სადაც ღორებთან შეხება საერთოდ არც ყოფილა.

 

 




პოლონელებს არ სურთ მიგრანტების მიღება


პოლონეთის მოსახლეობას არს სურს თავის ქვეყანაში მიგრანტების განთავსება, რადგან მიაჩნიათ, რომ ისინი არ სცემენ პატივს პოლონეთის საერო და რელიგიურ დღსასწაულებს და ქვეყანაში ისლამის დამკვიდრებას შეეცდებიან. ასეთი შედეგბი მიიღო პოლონეთის საზოგადოებრივი აზრის კვლევის ცენტრმა (CBOS) ჩატარებული გამოკითხვის შედეგად.

გამოკითხულთა 51%   ახლო აღმოსავლეთიდან და აფრიკიდან  ჩამოსული მიგრანტების განთავსების წინააღმდეგია. სოციოლოგებმა ასვე სოციალურ ქსელებში დაწერილი კომენტარები შეისწავლს და დაასკვნეს, რომ მიგრაციული კრიზის თემაზე პოლონელთა მიერ დაწერილი კომენტარების 81 % ნეგატიური ხასიათისაა. მიგრანტების მიმართ უარყოფითი   განწყობის მიზეზი, ძირითადად, სხვა კულტურა და რელიგია სახელდება. პოლონეთის ინტერნეტ–მომხმარებლები ისლამს ხშირად “სიძულვილის რელიგიასაც” უწოდებენ.

 




ირაკლი ღარიბაშვილი ხვალ ილიაობის დღესასწაულისადმი მიძღვნილ ღონისძიებას დაესწრება


ხვალ, 8 ნოემბერს საქართველოს პრემიერ-მინისტრი საგურამოს ეწვევა.  ირაკლი ღარიბაშვილი ილია ჭავჭავაძის საგურამოს სახელმწიფო მუზეუმში დაესწრება ილიაობის დღესასწაულისადმი მიძღვნილ ღონისძიებას და ილიას პრემიის გადაცემის ცერემონიას.
ილიაობის დღესასწაულის შემდეგ, საქართველოს პრემიერ-მინისტრი თადეოს გურამიშვილის რესტავრირებულ მარანს გახსნის. პროექტი მცხეთის რაიონში, საგურამოში კომპანია „კახური ტრადიციული მეღვინეობმა“ განხორციელა.
ახალ ტურისტულ ობიექტში ტურისტებს საშუალება ექნებათ იხილონ საქართველოს კულტურული მემკვიდრეობის უძველესი ძეგლი – თადეოზ გურამიშვილის მარანი, ასევე გაეცნონ ქართულ კულტურას და დააგემოვნონ ქართული ღვინო. პროექტი ასევე მოიცავს მიმდებარე ტერიტორიაზე თანამედროვე ტექნოლოგიით აღჭურვილ ღვინის გადამამუშავებელ საცავს, სადეგუსტაციო დარბაზს და სხვა ინფრასტრუქტურას. გურამიშვილებისა და წმ. ილია მართლის ობიექტი, საგურამოში, საქართველოს მასშტაბით ერთ-ერთი უმნიშვნელოვანესი ტურისტული ობიექტი იქნება.




ტატუირებული მოხუცი ქალები – ალჟირის უძველესი ტრადიცია


            ალჟირში, ორესის მთებთან მდებარე დასახლება ჩაოუიაში ოდესღაც ქალის სილამაზეს სახესა და სხეულზე დატანილი ტატუირების რაოდენობით აფასებდნენ. რაც  უფრო მეტი ნახატი იყო, მით უფრო დიდი ინტერესით შეჰყურებდნენ ქალს ბერბერი მამაკაცები. ბოლო წლებში აღნიშნულ ტერიტორიაზე მორწმუნე მუსლიმები დასახლდნენ, რომლებმაც  ქალებს აუხსნეს, რომ ტატუირება მძიმე ცოდვაა, ხოლო მის გამოსასყიდად ქველმოქმედებაა საჭირო. ამიტომ მოხუცი ქალბატონები საკუთარ ვერცხლის სამკაულებს სოფლის ღარიბ ოჯახებს ურიგებენ. თუმცა ყველა როდი ნანობს  ტატუირების გაკეთებას. ფოტოგრაფმა ზოხრა ბენზომერამ მათ სურათები გადაუღო და  საკუთარი ისტორიების მოყოლა სთხოვა.

ტატუ, ალჟირი, რელიგია         106 წლის ფატმა ტარნუნს პირველი ტატუირება 10 წლის ასაკში გაუკეთეს. “ეს მოდური იყო, ყველა გოგონას ჰქონდა ტატუირება. ლამაზმანად რომ ჩაეთვალე, აუცილებლად უნდა გაგეკეთებინა. მეც გავიკეთე.” რელიგიურმა მუსლიმებმა უთხრეს, რომ მან ცოდვა ჩაიდინა და ახლა გარდაცვალების შემდეგ მას გველი შეჭამს. “რა თქმა უნდა, რომ მცოდნოდა,  ისლამი ამას კრძალავს, არ გავიკეთებდი.” – ამბობს ფატმა.

preview_26baf01289f3469345a1c6df95900861         68 წლის ხამსა ხუგალიმ ტატუირება მას შემდეგ გაიკეთა, რაც ზედიზედ სამი ჩვილი გარდაეცვალა. დედინაცვალმა იღბლის მოსაწვევად ტატუირების გაკეთება შესთვაზა. ” მიუღებელი იყო ყოფილიყავი მეუღლე და არ ყოფილიყავი დედა. მე მწამდა, რომ ღმერთი შვილებს მაჩუქებდა და ოჯახს შემანარჩუნებდა. გინდ დაიჯერეთ გინდ არა, მაგრამ ტატუირების შემდეგ 6 ბავშვი მეყოლა და ყველა ცოცხალია. მხოლოდ წინაპრების ტრადიციებს ვასრულებდი, ეს კეთილი განზრახვით გავაკეთე” – ამბობს ხამსა ხუგალი.

preview_bb28224d2f062f04f62777e902f50e73            ფატიმა ბადრედინი 94 წლისაა, აქედან 81 წელი ტატუირებას ატარებს: “საშინელი ტკვილი მოვითმინე, რათა უფრო ლამაზი ვყოფილიყავი. ახლა ტატუირების მოცილება გადავწყვიტე, მაგრამ ექიმმა ასაკის გამო ამიკრძალა.”

ტატუ         80  წლის ფატმა ხადადი  როდესაც  18 წლის იყო, ტატუირება თანასოფლელმა ქალმა გაუკეთა. “ჩემი ასაკის ყველა გოგონა ტატუირებას იკეთებდა. ახალგაზრდები ვიყავით, რელიგიის შესახებ არაფერი ვიცოდით, მაგრამ ცუდი განზრახვა ნამდვილად არ გვქონია” – ამბობს ფატმა.

ალჟირი, რელიგია         აიშა დელალი ახლა 73 წლისაა, როდესაც ტატუირება გაიკეთა, 25 წლის იყო. “ყველა ვერცხლის სამკაული ღარიბებს დავურიგე, ახლა ვგრძნობ, თითქოს ცრემლებმა ეს ტატუირება ჩამომრეცხეს” – აცხადებს აიშა.

preview_648b403b1fd9f0edabed5fb450fbae56           დენა ბენზახირას ტატუირება დედამ იძულიბით თავად გაუკეთა. მაშინ ის 9 წლის იყო, ახლა კი  – 74 წლისაა.

preview_c6a9831aadf3d1b2854acad75f8088f7           დემაია დაუდი ახლა 90 წლისაა. მის ახალგაზრდობაში ტატუირება ძალზე მოდური იყო, ასე რომ მან ნახატები უკვე 15 წლის ასაკში  ტანსა და სახეზე დაიტანა. ცოდვის მოსანანიებლად ქალი ვერცხლის სამკაულებს და შალის ნივთებს არიგებს.

preview_150d78887e580297a7e1699dabb7da50

75 წლის ფატმა ბეიანდირმა ტატუირება მშობლების ნებართვის გარეშე, 12 წლის ასაკში გაიკეთა.

preview_d3b585d509efb5279a308352b8613db1           კადრა კაბასი ახლა 74 წლისაა, ტატუირება მას 21 წლიდან აქვს – ამგვარად მან ალჟირის საფრანგეთისაგან დამოუკიდებლობა აღნიშნა. ტატუირებაზე კადრა არ ნანობს, მიუხედავად იმისა, რომ მასაც განუმარტეს ამ ცოდვის სიმძიმე: ,,ახალგაზრდები ვიყავით, მინდოდა მომხიბვლელი ვყოფილიყავი. რასაც მეუბნებიან, არ მწამს. თუ რომელიმე გველს ჩემი შეჭმა უნდა გარდაცვალების შემდეგ – შემჭამოს, მე ხომ მკვდარი ვიქნები და ვერაფერს ვიგრძნობ”.

Zohra Bensemra / Reuters




შურისძიების მიზნით მოხუცმა 1 მილიონი ევრო დაჭრა


Million-evro

85 წლის ავსტრიელმა ქალბატონმა, სავარუდოდ შურისძიების მიზნით, თითქმის 1 მილიონი ევრო (950 ათსი) ოდენობის ბანკნოტები მაკრატლით დაჭრა და ოჯახი მემკვიდრეობის გარეშე დატოვა. თავის დროზე ეს თანხა მას შვილებისა და შვილიშვილებისთვის უნდა ეანდერძა, თუმცა რითი გაანაწყენეს ასე მოხუცი, უცნობია.  გარდაცვლილის  ოჯახი  ძალზე გაოგნებულია და მოხუცის მხრიდან ასეთი მოპყრობის მიზეზს ვერ ასახელებს.

მომხდარის შესახებ ახლობლებმა ქალის გარდაცვალების შემდეგ გაიგეს – მოხუცებულთა სახლში, სადაც ის ბოლო დროს ცხოვრობდა, მისი პირადი ნივთების შორის წვრილად დაჭრილი 100 და 500 ევროს ბანკნოტები იპოვეს. იქვე ნახეს საბანკო ანგარიშების დოკუმენტაცია, ასევე დაქუცმაცებული.

დამწუხრებულ მემკვიდრეებს განადგურებული ბანკნოტების გაცვლა ავსტრიის ბანკმა შესთავაზა იმ პირობით, თუ ისინი შეძლებენ ფულის ნაფლეთების შეგროვებას და იმის დამტკიცებას, რომ ეს მართლაც ფულია.

 

The Local