„ტელესკოლა“ შესაძლოა განათლების სფეროსთვის ბევრი თვალსაზრისით აღმოჩნდეს მნიშვნელოვანი


მოსწავლეებისთვის ,,ტელესკოლა ...საქართველოს პირველი არხის პროექტი „ტელესკოლა“ შესაძლოა, განათლების სფეროსთვის ბევრი თვალსაზრისით აღმოჩნდეს მნიშვნელოვანი, – ამის შესახებ საქართველოს პირველი არხის გენერალურმა დირექტორმა, ვასილ მაღლაფერიძემ განცხადა.

მაღლაფერიძემ კომენტარი გააკეთა ეკონომიკური განვითარებისა და თანამშრომლობის ავტორიტეტული ორგანიზაციის (OECD) შეფასებაზე, სადაც „ტელესკოლა“ ერთ-ერთ ყველაზე წარმატებულ პროექტად არის დასახელებული.

„კარგი შეფასება ყოველთვის სასიხარულოა. ჩვენ ძალიან საინტერესოდ და ბევრს ვმუშაობდით განათლების სამინისტროსთან ერთად. მათ შორის ვმუშაობთ იმ პერიოდზეც, როდესაც ვირუსი ჩაივლის. ბევრი ახალი რესურსი გამოჩნდა ამ ტიპის სწავლებაზე“, – განაცხადა მაღლაფერიძემ.

მისივე თქმით, „ტელესკოლა“ არ არის მხოლოდ დისტანციური სწავლება და შესაძლოა, ძალიან საინტერესო ფორმა აღმოჩნდეს სამომავლო თანამშრომლობისთვისაც.

„ვფიქრობ, საქართველოს პოტენციალი ძალიან ბევრი მიმართულებით წარმოჩინდა. ჩვენი მთავარი ძალა არის ინტელექტუალურ სფეროში და ეს მიმართულება უნდა განვავითაროთ განსაკუთრებულად“, – აღნიშნა ვასილ მაღლაფერიძემ.




Georgian Airways: აღდგომის დღესასწაულზე ისრაელიდან ცეცხლს ჩამოვიტანთ


Откуда берется благодатный огонь? Мнения верующих и скептиковაღდგომის დღესასწაულზე ისრაელიდან ცეცხლს ჩამოვიტანთ და დავაბრუნებთ იქ დარჩენილ საქართველოს მოქალაქეებსაც – ამის შესახებ imedinews-ს Georgian Airways-ის დირექტორიმა, რომან ბოკერიამ განუცხადა.

მისი თქმით, ხვალიდან თვითმფრინავი, რომელიც კორონავირუსის გამო ევროპაში ჩარჩენილ მგზავრებს ქვეყანაში დააბრუნებს, პატრიარქის ნაჩუქარი ხატით შეასრულებს რეისებს.

„დღეს პატრიარქმა Georgian Airways-ის სახელზე ნაკურთხი ხატი გვაჩუქა. ხვალ, 7 აპრილს ხატი უკვე აბრძანდება ჩვენს ბორტზე და იფრენს ყოველ იმ რეისთან ერთად, რომლითაც ჩამოგვყავს საქართველოს მოქალაქეები. 19 აპრილს, აღდგომის ცეცხლის ჩამოსატანად, ჩვენთან ერთად იქნება ორი საულიერო პირი, ჩამოვიტანთ ცეცხლს და ასევე დავაბრუნებთ ისრაელში დარჩენილ ჩვენს მოქალაქეებს“, – განაცხადა ბოკერიამ.

imedinews.ge




"თუ დავიცავთ ტაძრის ეზოში დისტანციას, წესები არ დაირღვევა"


 მამა ანდრია ჯაღმაიძე: გემიდან ...საქართველოს საპატრიარქოს პრესმდივნის მამა ანდრია ჯაღმაიძის განცხადებით, ტაძრის ეზოში დისტანციის დაცვით 3 პირზე მეტის შეკრება წესების დარღვევად ვერ ჩაითვლება.

„როდესაც მაღაზიებთან რიგებს ვხედავთ, იქ ხომ არის 3 პირზე მეტი? ისინი იცავენ დისტანციას. დროში ხომ არაა შეზღუდული, რამდენ ხანს იდგებიან ისინი რიგში? ჩვენ თუ შენობაში არ ვიქნებით და დავიცავთ ტაძრის ეზოში დისტანციას, წესები არ დაირღვევა“, – აღნიშნა მამა ანდრია ჯაღმაიძემ.

მისი  თქმით, ტაძრების წინამძღვრებს სამი რეკომენდაცია მიეცათ.

„გეძლევათ სამი რეკომენდაცია: პატრიარქის კურთხევაა, რომ კომენდანტის საათის გათვალისწინებით, ხვალიდან ლოცვები დაიწყოს შუა დღის 4.00 საათზე, ხოლო ყოველ დღე ეკლესია დაიკეტოს საღამოს 8 საათისთვის.

შეგახსენებთ, რომ აუცილებელია ტაძრის ეზოში 1,5 მ-ის დაშორებით დროულად გაკეთდეს ნიშნულები. ამისთვის შეგიძლიათ დაუკავშირდეთ სამების ტაძარში მამა იოანეს (ტელ: 591000600).

გთხოვთ, ყოველდღიურად მოახდინოთ ხატების და სიწმინდეების ხშირად გაწმენდა (სპირტის და ვარდის წყლით), ასევე იატაკის დამუშავება და ეკლესიაში მუდმივი მეთვალყურეობისთვის გამოყოთ პასუხისმგებელი პირები“, – წერია  დეკანოზ ანდრია ჯაღმაიძის მიერ სოციალურ ქსელში გავრცელებულ ინფორმაციაში.

 

 




„გუგლი“ საქართველოში მოქალაქეების გადაადგილების შესახებ მონაცემებს აქვეყნებს


How to add a restaurant to Google Maps | TheFork Manager„გუგლმა“ საქართველოში მოქალაქეების გადაადგილების შესახებ მონაცემები გამოაქვეყნა.

როგორც კომპანიაში აცხადებენ, კვლევა ეფუძნება მობილური ტელეფონებიდან მიღებულ ინფორმაციას და ის დაეხმარება ჯანდაცვის სექტორს, უკეთ გააანალიზოს, თუ რამდენად ემორჩილებიან მოქალაქეები სოციალური დისტანციის შესანარჩუნებლად დაწესებულ შეზღუდვებს.

„გუგლის“ მონაცემებით, საქართველოს შემთხვევაში 16 თებერვლიდან 29 მარტამდე პერიოდში მოქალაქეთა გადაადგილება მაღაზიებში, კინოთეატრებში, რესტორნებში, კაფეებში, მუზეუმებში და ბიბლიოთეკებში 67 პროცენტით შემცირდა.

ამავე პერიოდში 36 პროცენტით ნაკლები მოქალაქე გადაადგილდებოდა სურსათის მაღაზიებში, ბაზრებსა და აფთიაქებში. 24 პროცენტით ნაკლები მოქალაქე სტუმრობდა ეროვნულ პარკებსა და ბაღებს.

დროის იმავე პერიოდში 53 პროცენტით არის შემცირებული საქართველოს იმ მოქალაქეთა რაოდენობა, რომლებმაც საზოგადოებრივი ტრანსპორტით და რკინიგზით ისარგებლეს. სამუშაო ადგილებზე გადაადგილების მაჩვენებელი 38-ით არის შემცირებული.

ამასთან, როგორც „გუგლის“ კვლევაშია აღნიშნული, მოქალაქეების გადაადგილება 12 პროცენტით არის გაზრდილი მათ საცხოვრებელ უბნებში. „გუგლის“ კვლევა 131 ქვეყანას მოიცავს. როგორც კომპანიაში განმარტავენ, მათ მიერ გავრცელებული მონაცემების სხვადასხვა ქვეყნებში არსებული სიტუაციის შესადარებლად გამოყენება, რეკომენდებული არ არის.

1tv.ge




"ზიარება მრევლის ქრისტესთან და ერთმანეთთან ერთობის დადასტურებაა"–საპატრირქოს განცხადება


Картинки по запросу "причастие св. Тайн"საქართველოს საპატრიარქო კორონავირუსთან დაკავშირებით განცხადებას ავრცელებს.

“ახალ კორონავირუსთან დაკავშირებით ამჟამად არსებული სიტუაცია, როგორც ამბობენ, უფრო გამწვავდება. ზოგიერთი საინფორმაციო საშუალება კი ვითარებას ისე წარმოაჩენს, რომ გვიჩნდება განცდა, ხელოვნურად მზადდება საზოგადოებრივი აზრი, რათა მომავალში შექმნილ შესაძლო პრობლემების მიზეზად ეკლესია გამოცხადდეს იმის მიუხედავად, რომ სწორედ ეკლესია ცდილობს, მაქსიმალურად დაიცვას სახელმწიფოს და, მათ შორის, დაავადებათა კონტროლის ეროვნული ცენტრის მიერ დადგენილი უსაფრთხოების ზომები.

ჩვენ კვლავაც მოვუწოდებთ, რომ:

ვისაც ჯანმრთელობა არ უწყობს ხელს, დარჩნენ სახლში სრულ განკურნებამდე, ხოლო ტაძრებში ადამიანებს შორის მანძილი დაცულ იქნას 2 მეტრით, ეზოში კი,- 1,5 მეტრით (ამისთვის მიმდინარეობს დასადგომი ადგილების მონიშვნა და ტაძრების რადიოფიცირება).

დიდი ხალხმრავლობის თავიდან ასაცილებლად მოძღვრებს ლოცვა-კურთხევა ეძლევათ, წირვა-ლოცვაზე და 7-გზის ზეთისცხებისთვის მრევლი გადაანაწილონ კვირის სხვადასხვა დღეებში.  ტაძრებში (განსაკუთრებით მცირე ზომისაში) მსახურებები, შესაძლებლობისამებრ, უნდა შესრულდეს ღია ცის ქვეშ.

ვირუსის გავრცელებაზე საუბრისას, ჩვენთვის გაუგებარია, რატომ კეთდება დიდი აქცენტი სულიერი საზრდოს მისაღებად კვირაში ერთხელ საეკლესიო მსახურებაზე მყოფ მორწმუნეებზე მაშინ, როდესაც ტაძარში მრევლის რაოდენობა ბევრად ნაკლებია, ვიდრე, მაგალითად, გადაუდებელი აუცილებლობის გამო საზოგადოებრივ ტრანსპორტში (ავტობუსი, მეტროპოლიტენი), სააფთიაქო ქსელში ან სურსათის მაღაზიებში ყოველდღიურად მისულ მოქალაქეებთან შედარებით.

განსაკუთრებულად უპირისპირდებიან ზიარების ათასწლოვან პრაქტიკას მაშინ, როდესაც ასეთი პოზიციის მქონეთა უმრავლესობას არა აქვს სათანადო ცოდნა ან რწმენა აღნიშნული საიდუმლოს სულიერი მნიშვნელობისა.
ერთი ბარძიმიდან ზიარება მრევლის ქრისტესთან და ერთმანეთთან ერთობის და სიყვარულის უმაღლესი დადასტურებაა, ხოლო ვინც ამაზე ამბობს უარს, უარს ამბობს მაცხოვარზე!

გვესმის, რომ ზოგიერთი შეიძლება რწმენაში დაბრკოლდეს იმ პროპაგანდით, რაც დღეს მსოფლიოში და ჩვენს ქვეყანაშიც მიმდინარეობს; არიან სასულიერო პირებიც, რომლებიც ტაძარში ხალხის დასწრებაში პრობლემას ხედავენ, პრობლემას ხედავენ მრევლის ზიარებაშიც….. (არ ვგულისხმობთ უცხოეთში მკაცრ საგანგებო რეჟიმში მყოფ მოძღვრებს).

გვინდა, ყველას ვუთხრათ, რომ, მსგავსად სნეულებაში მყოფი ადამიანებისა, ისინიც, ვინც ვირუსით დაავადების საფრთხეს ეკლესიაში მისვლას უკავშირებენ, დარჩნენ სახლში და თავისი მოძღვარი, სურვილის შემთხვევაში, ადგილზე მიაკითხავს.

ტაძარში მსახურებაზე დასწრების აკრძალვა კი მათთვის, ვისთვისაც ეს სასიცოცხლოდ აუცილებელია, არის გაუმართლებელი და დანაშაული ღვთის წინაშე.

2020 წლის 20 მარტის წმინდა სინოდის განჩინებისამებრ, კვლავაც ყველას (ეკლესიაში მოსულთ და სახლში დარჩენილთ) მოვუწოდებთ ლოცვისკენ, საკუთარ თავში ჩაღრმავებისა და ცოდვათა გაცნობიერებისაკენ, გულწრფელი სინანულის, აღსარებისა და ზიარებისკენ, რათა წმინდა სისხლი და ხორცი ქრისტესი გვექმნას საკურნებლად სულისა და ხორცისა.
ყველას გილოცავთ საქართველოს მართლმადიდებელი ეკლესიის ავტოკეფალიის აღდგენის დღეს!
ჩვენთან არს ღმერთი!

იყავნ ნება შენი, უფალო, ამინ!“, – წერია განცხადებაში.




სპორტსმენთა კომისიის განცხადება ტოკიოს ოლიმპიური თამაშების გადავადების შესახებ


Картинки по запросу "საქართველოს ეროვნული ოლიმპიური კომიტეტი"

 სეოკ-ის სპორტსმენთა კომისიის წევრები მხარს ვუჭერთ საერთაშორისო ოლიმპიური კომიტეტის გადაწყვეტილებას ტოკიოს ოლიმპიური თამაშების ერთი წლით გადავადების შესახებ.

მსოფლიოში შექმნილი რთული ვითარების გათვალისწინებით, ეს იყო სწორი და დროული ნაბიჯი, რომელიც, პირველ რიგში, გადადგმულია სწორედ სპორტსმენთა უსაფრთხოებისთვის. ამით დასრულდა ერთგვარი გაურკვევლობის პერიოდი, როცა არ გვქონდა პასუხი ძირითად კითხვაზე, არ ვიცოდით, რა ბედი ეწეოდა ოლიმპიურ თამაშებს – ყველაზე მნიშვნელოვან, თითოეული ჩვენგანისთვის საოცნებო შეჯიბრებას, რომლისთვისაც ვემზადებოდით მთელი ჩვენი სპორტული კარიერის განმავლობაში.

დღეისათვის მთავარი ამბავი გარკვეულია – ოლიმპიური თამაშები აუცილებლად ჩატარდება და ეს მოხდება გაისად, არაუგვიანეს ზაფხულისა. როგორც კი ამის საშუალება მოგვეცემა, მთელი ძალით და შემართებით უნდა გავაგრძელოთ ვარჯიში უკვე სპორტულ დარბაზებში და მოედნებზე, ვეცადოთ მაქსიმალურად გამოვიყენოთ ეს ახალი შესაძლებლობა, რათა უფრო მეტი ოლიმპიური ლიცენზია მოვიპოვოთ, შემდეგ კი წარმატებით გამოვიდეთ ტოკიოში.

ჩვენ გვჯერა, რომ საქართველო, მთელ მსოფლიოსთან ერთად, დაძლევს ამ უპრეცედენტო კრიზისს და დაუბრუნდება ცხოვრების ჩვეულ რიტმს, მათ შორის – სპორტის სფეროში. ჩვენ დიდად ვაფასებთ ჯანდაცვის ორგანიზაციების, ჩვენი მამაცი ექიმების და მთელი სამედიცინო პერსონალის გმირულ თავდადებას კორონავირუსთან ბრძოლაში.

ჩვენ ასევე ვაცნობიერებთ, რომ ბევრი რამ არის დამოკიდებული თითოეული ჩვენგანის კეთილგონიერებაზე და მაღალ სამოქალაქო პასუხისმგებლობაზე. მოგიწოდებთ, ზედმიწევნით დავიცვათ დღეს მოქმედი საგანგებო რეგულაციები და მოთხოვნები, პიროვნული მაგალითი მივცეთ ჩვენს ახალგაზრდებს და მთელ საზოგადოებას.

გისურვებთ მტკიცე ჯანმრთელობას, სიმხნევეს და ოპტიმიზმს.

სეოკ-ის სპორტსმენთა კომისიის წევრების სახელით –

ვარლამ ლიპარტელიანი (კომისიის თავმჯდომარე).




საპატრიარქოს სინოდის სხდომის ოქმი


Image result for საპატრიარქოსაქართველოს საპატრიარქომ  წმინდა სინოდის გუშინდელი სხდომის ოქმი გამოაქვეყნა, რომელშიც  მოცემულია  სინოდის განჩინება და რეკომენდაციები კორონავირუსთან დაკავშირებით:

„წმინდა სინოდის სხდომა გახსნა სრულიად საქართველოს კათოლიკოს-პატრიარქმა ილია II. მისალმების შემდეგ, მისმა უწმინდესობამ ისაუბრა მსოფლიოში კორონავირუსის (COVID 19) პანდემიასთან დაკავშირებულ პრობლემაზე. მან ბრძანა, რომ ღმერთის გარეშე არაფერი ხდება, რომ შექმნილ სიტუაციაში ხელისუფლებამ მიიღო სათანადო ზომები, რითაც ვირუსულ ინფექციას სწრაფად გავრცელების საშუალება არ მიეცა; და დასძინა: ჩვენზე არის დიდი პასუხისმგებლობა, რათა ჩვენი მხრიდან მივიღოთ სწორი გადაწყვეტილება; გვწამს, რომ სულიწმინდის შეწევნით ეს მოხერხდება.

 

წმ. სინოდმა განაჩინა:

დღევანდელი მსოფლიო მრავალი სირთულისა და გამოწვევის წინაშე დგას. ახალმა ვირუსმა ადამიანები მორიგი დიდი გამოცდის წინაშე დააყენა, რაც პასუხის გაცემას მოითხოვს. პირველ რიგში კი გვმართებს გავაცნობიეროთ ამ მოვლენის სულიერი მიზეზები.

მთავარი მიზეზი კი ადამიანის ღვთისგან დაშორებაა.

განსაცდელები არ არის შემთხვევითი, არამედ ღმერთის დაშვებით მოევლინება ადამიანს, რათა უფრო მეტად შეიცნოს საკუთარი თავი, სინანულისა და ეკლესიური ცხოვრების საშუალებით აღმოფხვრას ცოდვები, რომელიც ანადგურებს პიროვნებას სულიერად და ხორციელად. ჩვენ, ეკლესიის წევრები, არ ვუშინდებით და არ გავურბივართ განსაცდელს, არამედ ვიღებთ თავმდაბლობით და ვეძიებთ მისი დაძლევის გზებს. ასეთ დროს მორწმუნეები, განსაკუთრებით კი წმინდა და დიდი მარხვის პერიოდში, აძლიერებდნენ მარხვასა და ლოცვას.

შექმნილი ვითარებიდან გამომდინარე, საზოგადოებაში გაჩნდა კითხვები, თუ რამდენად საფრთხის შემცველი შეიძლება იყოს ტაძარში მორწმუნეთა სიმრავლე და ღვთისმსახურებაში მონაწილეობა.

ეკლესიის ყველა საიდუმლოება სული წმინდის მოქმედების სფეროა, სადაც აღესრულება ღვთაებრივი სასწაული, რომელიც განაღმრთობს და მარადიულ ცხოვრებასთან თანაზიარყოფს ადამიანს. ადგილი სულიწმინდის განსაკუთრებული მოქმედებისა არის ტაძარი.

ევქარისტია არის ქრისტიანული ცხოვრების მთავარი არსი; ევქარისტიული კავშირი გვაერთიანებს უფალ იესო ქრისტესთან და ერთმანეთთან; წმინდა ზიარება არის საკურნებელი სულისა და ხორცისა მათთვის, ვინც რწმენითა და საეკლესიო წესების დაცვით ეზიარება.

ამიტომაც, ეკლესიის წევრებისათვის ზიარების საიდუმლოების არსში დაეჭვება და მოქმედებით ამის გამოხატვა, – მაგალითად, საზიარებელ საერთო კოვზზე უარის თქმა, როგორც ინფექციის გადამტან წყაროზე, – ყოვლად მიუღებელია.

Image result for საპატრიარქო

ამ კრიტიკულ პერიოდში წმინდა სინოდი მიზანშეწონილად მიიჩნევს შემდეგ რეკომენდაციებს:

1. ყველა ეკლესიასა და მონასტერში ღვთისმსახურება ჩატარდება მარხვის ტიპიკონისა და ეკლესიის წეს-განგების სრული დაცვით.

2. სასურველია, ყველა მოქმედ ტაძარში და მის გარეთ დამონტაჟდეს გახმოვანების საშუალებები, რათა მრევლმა ღია სივრცეშიც შეძლოს საეკლესიო მსახურებაში მონაწილეობა.

3. ზიარების შემდგომ მცირე რაოდენობით დასაყოლებელი სასმელის (წყლიანი ღვინის) მიღება დასაშვებია სხვადასხვა ჭურჭლით.

4. რისკის ჯგუფში მყოფ ადამიანებს – ხანდაზმულებს, ინფექციური დაავადების სიმპტომებისა და დაქვეითებული იმუნიტეტის მქონე პირებს, ასევე თვითიზოლაციაში ან კარანტინში მყოფთ, ან ვირუსით დაავადებულებს, სურვილის შემთხვევაში სამღვდელოება ადგილზე მოემსახურება. ამ შემთხვევაში სასულიერო პირებს მიეცემათ დამატებითი რეკომენდაციები.

5. დასაფასებელია საქართველოს მთავრობის ყველა სტრუქტურის, განსაკუთრებით კი ჯანდაცვის მუშაკების, თანმიმდევრული ნაბიჯები, რომელიც გადაიდგა მაღალი პროფესიონალიზმით.

წმინდა სინოდი მორწმუნეებს მოუწოდებს, გაითვალისწინონ სახელმწიფოსა და ექიმების რეკომენდაცეები და სიფრთხლით მოეკიდონ ერთმანეთის ჯანმრთელობასა და სიცოცხლეს. ეს არის მოყვასზე ზრუნვის გამოვლინება. ამით დავიცავთ ერთმანეთის ჯანმრთელობას და მოვერიდებით, გავხდეთ სხვათა დასნებოვნების მიზეზი.

არსებულ სიტუაციაში განსაკუთრებული მნიშვნელობა აქვს ადამიანურ სიკეთეს და ურთიერთმხარდაჭერას. ეს იქნება ჩვენი რწმენისა და ღირსების მაჩვენებელი.

6. ვიდრე ქვეყანაში რთული მდგომარეობაა, ყველამ წავიკითხოთ თითო თავი სახარებიდან, ყოველდღე ვთქვათ ლოცვები: „მამაო ჩვენო“, „ღვთისმშობელო ქალწულო, გიხაროდენ“ და “მოწყალებისა კარი განგვიღე“, რათა ერთობით შევავედროთ უფალს საქართველო და მთელი მსოფლიო.

7. საქართველოს ეკლესია მზად არის, გასწიოს სულიერი მზრუნველობა ოკუპირებულ ტერიტორიებზე და საქართველოს ფარგლებს გარეთ მცხოვრებ ჩვენს თანამემამულეებზე.

ასევე საქართველოს საპატრიარქოს სამედიცინო დაწესებულებები მზად არის, ითანამშრომლოს სახელმწიფოსთან, რათა არსებულ სიტუაციაში მიიღოს შესაბამისი პაციენტები.

არაერთი განსაცდელი გადავიტანეთ საუკუნეების მანძილზე: სტიქიური უბედურებები, ომები, სხვადასხვა სახის ეპიდემია.

ღრმად გვწამს, რომ ღვთის წყალობით და ყოვლადწმინდა ღვთისმშობლის შეწევნით, ჩვენ ერთად, – ერი და ბერი, გადავიტანთ ამ განსაცდელსაც და ურთიერთსიყვარულით შევეგებებით ქრისტეს აღდგომის ბრწყინვალე დღესასწაულს.

„უფალი ნათელ ჩემდა და მაცხოვარ ჩემდა; ვისა მეშინოდის? უფალი შესავედერებელ არს ცხოვრებისა ჩემისა, ვისგან შევძრწუნდე?“ (ფსალ.26-1).

ღმერთმა დალოცოს საქართველო და მთელი მსოფლიო!“ – აღნიშნულია ოქმში.




კიბერდანაშაულის და თანხის მითვისების ბრალდებით დაკავებულია 4 პირი


Картинки по запросу "internet bank"შინაგან საქმეთა სამინისტროს თბილისის პოლიციის დეპარტამენტის საგამოძიებო და დეტექტივების სამმართველოების თანამშრომლებმა, ჩატარებული ოპერატიულ-სამძებრო და საგამოძიებო მოქმედებების შედეგად, თბილისსა და ბათუმში, კიბერდანაშაულისთვის ოთხი პირი დააკავეს.

შსს-ს ინფორმაციით, ბრალდებულებმა 13 სხვადასხვა მოქალაქის პერსონალური მონაცემების უკანონო გამოყენებით, უნებართვოდ შეაღწიეს მათ კუთვნილ ინტერნეტ-ბანკისა და ონლაინ-აზარტული თამაშების ელექტრონულ ანგარიშებზე, რის შემდეგაც, ამ სისტემის მეშვეობით, სხვადასხვა ხერხით დაეუფლნენ, ჯამში, 42 000 ლარს.

„სამართალდამცველებმა 1989 წელს დაბადებული ორი პირი – ე.ვ. და დ.ჭ., მოსამართლის განჩინების საფუძველზე, თბილისში დააკავეს. გამოძიებით დადგინდა, რომ ბრალდებულებმა ორ მოქალაქეს მოტყუებით გამოართვეს პერსონალური მონაცემები და საბანკო პლასტიკური ბარათების ნომრები, რომელთა გამოყენებითაც მათ სახელზე ერთ-ერთი ბანკიდან სესხები აიღეს, შემდეგ აღნიშნული თანხები სხვა ანგარიშებზე გადარიცხეს და ფულს უკანონოდ დაეუფლნენ. დაკავებულების მიერ თაღლითური გზით, მართლსაწინააღმდეგოდ მოპოვებული თანხა, ჯამში, 20 000 ლარს შეადგენს.

გარდა ამისა, თბილისის პოლიციის დეპარტამენტის თანამშრომლებმა, ქურდობისა და კომპიუტერულ სისტემაში უნებართვო შეღწევის ბრალდებით, კიდევ ორი პირი – 1999 წელს დაბადებული – გ.ბ. მოსამართლის განჩინების საფუძველზე, ხოლო 1996 წელს დაბადებული რ.კ. – ოპერატიულ-სამძებრო და საგამოძიებო მოქმედებების შედეგად დააკავეს“, – აცხადებენ შსს-ში.

გამოძიების ამ ეტაპზე დადგენილია, რომ ერთ-ერთმა ბრალდებულმა – რ.კ-მ, 2019 წლის 4 დეკემბრიდან 2020 წლის 21 იანვრის ჩათვლით, ბათუმში მდებარე ინტერნეტ-კაფეებში არსებული კომპიუტერული ტექნიკით ისარგებლა, სხვადასხვა დროს მოპოვებული, 11 მოქალაქის კუთვნილი, ონლაინ ტოტალიზატორების მომხმარებლის სახელებისა და პაროლების გამოყენებით, ონლაინ-ტოტალიზატორების ანგარიშებზე დაფიქსირებული პლასტიკური ბარათების ანგარიშებიდან ფული აზარტული თამაშების ინტერნეტსაიტების ანგარიშებზე გადმოიტანა, შემდეგ აღნიშნული თანხები გ.ბ.-ს მიერ მიწოდებული პლასტიკური ბარათების ანგარიშებზე ჩარიცხა. ბრალდებულებმა ჩარიცხული თანხები ბანკომატებიდან გაანაღდეს და ნაქურდალი ფული გაინაწილეს.

„დაკავებულებმა დანაშაულებრივი გზით, ჯამში, 22 000 ლარს დაეუფლნენ. სამართალდამცველებმა რ.კ.-ს საცხოვრებელი სახლის ჩხრეკისას, მის მიერ უკანონოდ მოპოვებული ონლაინ ტოტალიზატორების 1000-მდე მომხმარებლის სახელი და პაროლი, ასევე, სხვადასხვა სახის პერსონალური მონაცემები ნივთმტკიცებად ამოიღეს.

გრძელდება ინტენსიური საგამოძიებო მოქმედებები ბრალდებულების მიერ ჩადენილი დანაშაულებრივი ქმედებების შედეგად სხვა შესაძლო დაზარალებული პირების გამოკვეთა-დადგენის მიზნით.

გამოძიება ანგარებით ჩადენილ პერსონალური მონაცემების ხელყოფის, ქურდობის, თაღლითობისა და კომპიუტერულ სისტემაში უნებართვოდ შეღწევის ფაქტებზე, საქართველოს სსკ-ის 284-ე მუხლის მე-2 ნაწილის “დ” ქვეპუნქტით, 177-ე მუხლის მე-2 ნაწილის „ა“ ქვეპუნქტით, 180-ე მუხლის მე-2 ნაწილის “ა” და “ბ” ქვეპუნქტებით, ასევე, ამავე მუხლის მე-3 ნაწილის “ბ” ქვეპუნქტით და 157-ე მუხლის მე-3 ნაწილის “ა” ქვეპუნქტით მიმდინარეობს.

სამინისტრო მომავალშიც აქტიურად განაგრძობს ბრძოლას მსგავსი სახის დანაშაულების წინააღმდეგ, რათა მოქალაქეების კუთვნილი სხვადასხვა სახის პერსონალური მონაცემები, ასევე, ქვეყნის საბანკო სექტორი და მისი მომხმარებელ მაქსიმალურად იყოს დაცული“, – აცხადებენ შსს-ში.




განცხადება იტალიაში მყოფი საქართველოს მოქალაქეების საყურადღებოდ


Картинки по запросу "sagareo saqmeta saministro"საქართველოს საგარეო საქმეთა სამინისტრო იტალიის რესპუბლიკაში მყოფი საქართველოს მოქალაქეების საყურადღებოდ განცხადებას ავრცელებს.

უწყების ცნობით, 2020 წლის 6 მარტს საქართველოს მთავრობამ მიიღო გადაწყვეტილება იტალიის რესპუბლიკასთან პირდაპირი ფრენების დროებით შეჩერების შესახებ.

„მთავრობისვე გადაწყვეტილებით, სახელმწიფო უზრუნველყოფს საქართველოს იმ მოქალაქეების გამომგზავრებას საქართველოში, რომლებსაც უახლოესი ორი კვირის განმავლობაში შეძენილი ჰქონდათ დასაბრუნებელი ბილეთი და ფრენების გაუქმების გამო ვერ შეძლეს საქართველოში დაბრუნება.

კიდევ ერთხელ ვაზუსტებთ, რომ ეს გადაწყვეტილება არ ეხებათ იტალიაში მუდმივად საცხოვრებლად მყოფ, ხანგრძლივი სამსახურებრივი ან სასწავლო მიზნით მყოფ საქართველოს სხვა მოქალაქეებს, თუ ისინი არ გეგმავდნენ საქართველოში დაბრუნებას ფრენების გაუქმებიდან მომდევნო ორი კვირის პერიოდში.

საქართველოს მოქალაქეებმა, რომლებიც რჩებიან იტალიის რესპუბლიკაში, მაქსიმალურად დაიცვან ვირუსის გავრცელების პრევენციის მიზნით იტალიის მთავრობის მიერ შემუშავებული პროტოკოლი, იყვნენ თვითიზოლაციაში, მოერიდონ მასობრივი თავშეყრის ადგილებს და დაიცვან ჰიგიენის დადგენილი წესები.

საქართველოს იმ მოქალაქეებს, რომლებიც ბრუნდებიან, როგორც იტალიის, ასევე სხვა მაღალი რისკის ზონის ქვეყნებიდან (ჩინეთი, ირანი, სამხრეთ კორეა) და ასევე ყველა იმ ქვეყნიდან, სადაც მსოფლიო ჯანდაცვის ორგანიზაციის მონაცემებით, მაღალია დაინფიცირების შემთხვევები, მოვუწოდებთ, დაიცვან დადგენილი პროცედურები“, – აცხადებენ საქართველოს საგარეო საქმეთა სამინისტროში.




დღეს ჟიული შარტავას 76 წელი შეუსრულდებოდა


Картинки по запросу "ჟიული შარტავა"დღეს  საქართველოს ეროვნული გმირის, ჟიული შარტავას დაბადების დღეა. მას 76 წელი შეუსრულდებოდა.

„ჟიული შარტავას ვაჟკაცობა და ღირსება ჩემში განსაკუთრებულ ემოციას იწვევს. ის ჩემთვის არის სახელმწიფო მოღვაწის მაგალითი, უდიდესი პასუხისმგებლობის გრძნობით და საკუთარი ხალხისადმი ერთგულებით, რომელმაც როგორც ერთმა რიგითმა ჯარისკაცმა, თავი გასწირა სამშობლოსათვის. პატივს მივაგებ მის ხსოვნას. ქართველი ხალხი არასოდეს დაივიწყებს მას“, – აღნიშნა პრემიაერმა “ფეისბუკის” საკუთარ გვერდზე.

1992 წელს ჟიული შარტავა აირჩიეს საქართველოს პარლამენტის წევრად რუსთავის მაჟორიტარული ოლქიდან. მალე მას მოუწია უმნიშვნელოვანესი სახელმწიფო დავალების შესრულება — 1993 წლის 18 ივლისს აფხაზეთში გახურებული სამხედრო მოქმედებების დროს საქართველოს სახელმწიფოს მეთაურმა და უმაღლესმა მთავარსარდალმა ედუარდ შევარდნაძემ ჟიული შარტავა სრულიად მოულოდნელად ფრონტის წინა ხაზზე გააგზავნა და აფხაზეთის მინისტრთა საბჭოსა და თავდაცვის საბჭოს თავმჯდომარედ დანიშნა.

ჟიული შარტავა 1993 წლის 27 სექტემბერს – სოხუმის დაცემის დღეს, აფხაზეთის ავტონომიური რესპუბლიკის მთავრობის სხვა წევრებთან ერთად (გურამ გაბესკირია, რაულ ეშბა, ვახტანგ გეგელაშვილი, მამია ალასანია, ალექსანდრე ბერულავა და სხვები) დახვრიტეს სეპარატისტებმა. სიკვდილის შემდეგ მას საქართველოს ეროვნული გმირის წოდება მიენიჭა.