მყინვარების დნობასთან ერთად თავისუფლდება მათში ჩაჭედილი ბირთვული ნალექი


Похожее изображениеგამთბარი მყინვარების კოლაფსი და ოკეანეში დნობა მათ ქვეშ დამარხული ბირთვული ნივთიერებების საათის მექანიზმიანი ბომბის წიკწიკია და სხვა არაფერი — ამის შესახებ ახალი კვლევა იუწყება.

17 მყინვარის ანალიზის შემდეგ, მეცნიერებმა ყველა მათგანში იპოვეს ყინულის ზედაპირის დანალექებში, ე. წ. რადიონუკლიდების ნალექები. ანალიზები ჩატარდა არქტიკის, ისლანდიის, ალპების, ანტარქტიდის და სხვა რეგიონთა მყინვარებზე. ზოგიერთ შემთხვევაში, რადიოაქტიურ ნივთიერებათა კონცენტრაცია გაცილებით აღემატება იმ ზონებისას, სადაც მყინვარები საერთოდ არ არის.

ეს აღმოჩენა აჩვენებს, რამდენად შორს შეიძლება წავიდეს ბირთვული კატასტროფის ადგილებიდან, მაგალითად ჩერნობილიდან ან ფუკუშიმადან ნალექები. რაც არ უნდა არასასიამოვნოდ ჟღერდეს, ამჟამად მიმდინარე კლიმატის ცვლილებას შეუძლია კიდევ ერთი არასასურველი შედეგი მოიტანოს — ხელახლა გამოათავისუფლოს რადიოაქტიური მასალები.

მკვლევართა ჯგუფის წევრის, კაროლინ კლეისონის განცხადებით, ბირთვულ ინციდენტთა ადგილების გავლენის შესახებ ჩატარებული წინა კვლევები ფოკუსირებული იყო მათ ეფექტებზე ადამიანებისა და ეკოსისტემების ჯანმრთელობაზე, მაგრამ ძირითადად იმ ზონებში, სადაც მყინვარები არ არის. თუმცა, სულ უფრო იზრდება მტკიცებულებები, რომ მყინვარებს კარგად შეუძლია სახიფათო ოდენობის რადიონუკლიდების აკუმულირება.

რადიოაქტიური ნალექები, რომლებიც თოვლისა და ყინულის სახით მოდის, უფრო მძიმე დანალექებს წარმოქმნის, ვიდრე მაშინ, როცა ჩვეულებრივ ცვივა. ასე მოსულ ნალექებს მყინვარები იჭერს და იქამდე ინახავს, ვიდრე დნობა დაიწყება.

მკვლევართა მიერ ნაპოვნ საშიშ რადიოაქტიურ ნივთიერებებს შორის იყო ცეზიუმი და ამეირციუმი. ცეზიუმ-137-ის ყველაზე მაღალი მაჩვენებელი მათ შვეიცარიაში, მორტერაჩის მყინვარზე დააფიქსირეს — 13,558 ბეკერელი კილოგრამზე. ხორცში, რომელსაც ჩვენ ვჭამთ, ცეზიუმ-137-ის დასაშვები ზღვარი კილოგრამში 1500 ბეკერლია. აღებულ ნიმუშებში ჯგუფმა აღმოაჩინა როგორც ჩერნობილის კატასტროფის, ისე 1950-1960-იანი წლების ბირთვული ტესტების რადიოაქტიური ნალექები. ყინულის დანალექებში ჩაჭედილი აღმოჩნდა რვა წლის წინ, ფუკუშიმას რეაქტორზე მომხდარი გაჟონვისას გამოსული ნალექებიც.

ის, რაც მეცნიერებმა ჯერ არ იციან და რის გარკვევასაც ცდილობენ, არის თუ რამდენად შეუძლია რადიონუკლიდების ნალექებებს ხელახლა გამოთავისუფლების შემდეგ გარემოსა და კვების ჯაჭვის დაბინძურება.

მომზადებულია plymouth.ac.uk-ისა და ScienceAlert-ის მიხედვი

.




მეცნიერებმა მამონტის უჯრედები "გააცოცხლეს"


იაპონაში, კინდაის უნივერსიტეტის მეცნიერებმა ნაწილობრივად „გააცოცხლეს“ მამონტის უჯრედები.

მათ მამონტის სპლიყვის ნეშტი გამოიყენეს, რომელიც  მარადი მზრალობის პირობებში 28 ათასი წელი იმყომეფოდა. კერძოდ, მეცნიერებმა მამონტის კუნთოვანი ქსოვილი და ძვლის ტვინი გამოიყენეს, უჯრედის ბირთვი თაგვის კვერცხუჯრედში მოათავსეს, რის შემდეგ  აქტიურობის ნიშნები დაფიქსირდა. უჯრედები გამოცოცხლდენენ, იკვებებოდნენ, ბიოოლოგიურ მასალაში უჯრედების გაყოფის წინა პროცესებიც დაიწყო, მაგრამ ვერ მოხერხდა. თუმცა გაყოფისთვის უჯრედები რამოდენიმე საკვანძო  ნაბიჯს ასრულებდნენ, მათ შორის ქრომოსომების სწორ განლაგებას შვილობილ უჯრედებში დანაწილებისთვის.

იაპონელი მეცნიერების ექსპერიმენტმა ცხადყო, რომ მამონტის კლონირება მისი დნმ–მასალის სპილოს კვერცხუჯრედში გადანერგვის გზით სავსებით დასაშვებია, თუმცა მანამდე მათ  დიდი შრომა აგქვთ გასაწევი. ამჟამად კი მეცნიერები  უჯრედების დაყოფის მისაღწევად ემზადებიან.

nature.com




ამ ღამეს წლის ყველაზე დიდი სუპერმთვარეობაა


აღსანიშნავია, რომ ამაღამინდელი სუპერმთვარე უდიდესი იქნება 2019 წლის სუპერმთვარეობის სხვა მოვლენებს შორის.

CNN-ის ინფორმაციით,სუპერმთვარე ცაზე სავსე მთვარეობის დროს ჩნდება, რადგან ამ დროს დედამიწის ბუნებრივი თანამგზავრი ორბიტაზე მოძრაობისას ჩვენს პლანეტასთან ყველაზე ახლოს არის. სუპერმთვარე თავის პიკს სამშაბათს, 19 თებერვალს თბილისის დროით 19:54 წუთზე (10:54 a.m. ET) მიაღწევს, თუმცა ამ დროს თვალისთვის ხილული არ იქნება. ამიტომ სფეროს სპეციალისტები გვირჩევენ, რომ სუპერმთვარეს თვალი ორშაბათიდან ვადევნოთ.  სავსე მთვარე ჩვეულებრივთან შედარებით 10%–ით დიდი გამოჩნდება, რადგან ამ მომენტში ის შედარებით ახლოს იმყოფება დედამიწასთან (356 761 კმ).

რა იწვევს სუპერმთვარეს? ცნობილია, რომ მთვარე დედამიწის გარშემო გაწელილ, ელიფსურ ორბიტაზე მოძრაობს. როცა ჩვენი ბუნებრივი თანამგზავრი ორბიტაზე მოძრაობისას ჩვენს პლანეტასთან ყველაზე ახლოს ექცევა და თან სავსეა, დედამიწიდან ის უფრო დიდი მოჩანს, ვიდრე სხვა დროს.

სავსე მთვარეს თებერვალში ძვლის ან მშიერი მთვარის სახელითაც მოიხსენიებენ, რადგან ზამთრის ეს პერიოდი საკვების სიმცირით გამოირჩევა.

 




აშშ–ში შემთხვევით "ბრტყელი დედამიწის" თეორიის დამამტკიცებელი ვიდეო გადაიღეს


Похожее изображениеროგორც წესი,  თანამედროვე სამეცნიერო საზოგადოებაში “ბრტყელი დედამიწის” თეორიის მიმდევრებს დასცინიან და მათ შეხედულებებს სერიოზულად არ განიხილავენ.

ჩრდილოეთ ამერიკის ქ. მანდევილის ერთერთი მკვიდრიც ასე უყურებდა ახალი თეორიის მიმდევრებს და მათი გადარწმუნება განიზრახა – საკმაოდ ძლიერი გარჩევადობის  ვიდეოკამერა შეიძინა და ახალი ორლეანის მოპირდაპირედ მდებარე  პონჩარტრეინის ტბის ნაპირზე  დაამონტაჟა. მას 45 კმ–ს მოშორებით მდებარე შენობების გადაღება სურდა, რათა დაემტკიცებინა, რომ დედამიწა მრგვალია, რომ დედამიწის წრიული მრუდი არსებობს და ამ შენობების გარჩევა შეუძლებელი იქნებოდა.  ოფიციალური  მეცნიერების თავლსაზრისით,  რადგან ჩვენი პლანეტა მრგვალია, შესაბამისად შორი მანძლიდან მთლიანი შენობები კი არა, მხოლოდ ზემო სათულები  უნდა გამოჩენილიყო.

თუმცა ამერიკელს იმედი გაუცრუვდა. ვიდეოჩანაწერის ნახვის შემდეგ მასაც ეჭვი შეეპარა, რომ დედამიწა მრგვალია. ვიდეოში მკაფიოთ ჩანდა ყველა მაღალი შენობა, თავიდან ბოლომდე, მათ შორის 212 მეტრიანი ცათამბჯენი.

ნანხმა ამერიკელი ვიდეომოყვარული შოკში ჩააგდო, მან ოპონენტებს, რომლებსაც აქამდე ცხარედ ეკამათებოდა და ამცირებდა, საჯაროდ  ბოდიში მოუხადა და აღნიშნული ვიდეორგოლი ინტერნტეში გამოაქვეყნა.

“ბრტყელი დედამიწის”  მიმდევარ საზოგადოებაში სხვადასხვა თეორიები არსებობს, მაგრამ ყველა მათგანი თანხმდება, რომ დედამიწა ბრტყელია. მათი ზოგადი მოდელის მიხედვით, დედამიწა ვრცელი დისკოა, რომელიც გარშემორტყმულია „ყინულის კედლის ბარიერით“ — ანტარქტიდით, ცენტრს კი ჩრდილოეთ პოლუსი წარმოადგენს.

https://www.youtube.com/watch?time_continue=1747&v=KwUZm-xHfGo

 

 

 




ასტრონომებმა დიდი აფეთქების ნარჩენი ხელუხლებელი ღრუბელი აღმოაჩინეს


ჰავაის კეკის ობსერვატორიის ასტრონომებმა გასაოცარი აღმოჩენა გააკეთეს. ეს გახლავთ უძველესი სამყაროს უიშვიათესი რელიკვია — გაზის „ნამარხი ღრუბელი“, რომელიც დაახლოებით დიდი აფეთქების დროს არის წარმოქმნილი.

ასტრონომებს იმედი აქვთ, რომ ეს წარმოუდგენელი აღმოჩენა მრავალ ახალ ინფორმაციას მოგვაწვდის სამყაროს წარმოშობისა და მისი ადრეული შეამდგენლობის შესახებ.

კვლევის ერთ-ერთი ავტორის, ფრედ რობერტის განცხადებით, სამყაროში ყველგან, სადაც გაიხედავ, გაზები დაბინძურებულია აფეთქებულ ვარსკვლავთა მიერ გამოტყორცნილი მძიმე ელემენტებით, მაგრამ ეს კონკრეტული ღრუბელი წარმოუდგენლად სუფთა, ვარსკვლავებისგან დაუბინძურებელია დიდი აფეთქებიდან 1,5 მილიარდი წლის შემდეგაც კი.

ჯგუფმა კეკის ობსერვატორიის ორი სპექტრომეტრი გამოიყენა, რომლებსაც წარსულში ეგზოპლანეტათა საძებნელად იყენებდნენ. ნამარხი ღრუბელი ასტრონომებმა უკიდურესად კაშკაშა კვაზარის წყალობით შენიშნეს. კვაზარი ციური სხეულია, რომელიც უზარმზარი ოდენობის ენერგიას გამოყოფს.

როგორც სპექტრომეტრის მიერ შეგროვებული მონაცემებიდან ირკვევა, ღრუბელუ უკიდურესად დაბალი სიმკვრივისაა, რამაც ასტრონომები დაარწმუნა, რომ ის „ნამდვილად დიდი აფეთქების რელიკვიაა“. ცნობილია, რომ ასეთი ნაშთები თითქმის ხელუხლებელია აფეთქებულ ვარსკვლავთა ნაწილაკებისგან, რომლებითაც სავსეა დანარჩენი გალაქტიკა.

ამ განსაკუთრებული აღმოჩენის წყალობით, მსგავსი ნამარხი ღრუბელი შესაძლოა, მომავალშიც ბევრი აღმოვაჩინოთ. აღსანიშნავია ისიც, რომ პირველი ორი ასეთი ღრუბელი 2011 წელს შემთხვევით აღმოაჩინეს. კვლევის კიდევ ერთი ავტორის, მაიკლ მერფის განცხადებით, დიდი აფეთქების ასეთი ნაშთები დაგვეხმარება უკეთ გავარკვიოთ, როგორ წარმოქმნა ადრეულ სამყაროში გაზის გარკვეულმა ნაწილმა ვარსკვლავები და გალაქტიკები, ნაწილმა კი არა.

მომზადებულია futurism.com-ის მიხედვით.

1tv.ge




წყლის ყინულით სავსე გიგანტური კრატერი მარსზე


წყლის ყინულით სავსე გიგანტური კრატერი მარსზე - ESA-ს ხომალდმა ახალი ფოტოები გამოგზავნამარსზე თხევადი წყლის არსებობის საკითხი სამეცნიერო საზოგადოებაში ძლიერი ინტერესის საგანია. თუმცა ცნობილია, რომ წითელ პლანეტაზე უხვად არის წყლის ყინული. ევროპის კოსმოსური სააგენტოს (ESA) ხომალდმა Mars Express-მა, რომელიც მარსის ორბიტაზე მოძრაობს, ახალი ფოტოები გამოგზავნა. სურათებში კარგად ჩანს დიდი ოდენობით წყლის ყინული.

ხომალდის კამერამ აღბეჭდა 81,4 კმ დიამეტრის კოროლიოვის კრატერი, რომელიც ჩრდილოეთ პოლუსის ცნობილი დიუნების სამხრეთით მდებარეობს. კრატერი პირამდე სავსეა წყლის ყინულით.

დედამიწის მსგავსად, სეზონები მარსსაც აქვს. თბილ სეზონებზე, ყინულის მოცულობა რა თქმა უნდა, იქაც მცირდება. თუმცა, კოროლიოვის კრატერი ამ მხრივ ცოტა უცნაურია. კრატერი წარმოქმნილია მარსის შორეულ წარსულში, დარტყმის შედეგად. სახელი ეწოდა საბჭოთა სარაკეტო ინჟინრის, სერგეი კოროლიოვის პატივსაცემად.

მიეკუთვნება გეოლოგიურ მახასიათებელთა ტიპს, რომელსაც „ცივ ხაფანგს“ უწოდებენ. კრატერის ფსკერი ძალიან ღრმაა, ივრცობა კიდეებიდან 2 კმ სიღრმეზე. ფსკერიდან აღმართულია წყლის ყინულის გუმბათი, რომლის სისქეც 1,8 კილომეტრია, დიამეტრი კი 60 კმ.

რაც შეეხება მოცულობას, კრატერი დაახლოებით 2 200 კუბურ კილომეტრ ყინულს შეიცავს.

როდესაც ყინულის თავზე ჰაერი მოძრაობს (დიახ, მარსს აქვს ჰაერი, მართალია, მისი სუნთქვა შეუძლებელია და საკმაოდ თხელია, მაგრამ მაინც არის), ის ცივდება და დაბლა ეშვება, რის შედეგადაც, ყინულის თავზე ცივი ჰაერის ფენა კონცენტრირდება. გამომდინარე იქიდან, რომ ჰაერი სითბოს ცუდი გამტარია, ეს ცივი ფენა იზოლატორივით მოქმედებს, რომელიც ყინულს თბილი ჰაერისგან და შესაბამისად, გადნობისგან იცავს.

იგივე დინამიკა მოქმედებს გაცილებით პატარა, 36 კილომეტრიან ლუთის კრატერზეც, რომელიც მარსის ასევე ჩრდილოეთ პოლარულ რეგიონში მდებარეობს.

ხომალდ Mars Express-ს 25 დეკემბერს წითელი პლანეტის ორბიტაზე ყოფნის 15 წელი შეუსრულდება. კოროლიოვის კრატერს შარშან მან რამდენჯერმე გადაუფრინა და ფრაგმენტული ფოტოებიც გადაუღო.

ფრაგმენტების აწყობის შემდეგ, მეცნიერთა წინაშე მართლაც საოცარი სანახაობა გადაიშალა — წყლის ყინულით მოკაშკაშე კრატერი მთელი თავისი დიდებულებით. ფოტოს რეზოლუცია 21 მეტრია პიქსელზე. ასევე აღსანიშნავია, რომ რამდენიმე თვის წინ, მარსის სამხრეთ პოლუსის ყინულოვანი საფარის ქვეშ მეცნიერებმა თხევადი წყლის უზარმაზარი ტბა აღმოაჩინეს. ტბა ზედაპირიდან 1,5 კილომეტრის სიღრმეში იმალება და გადაჭიმულია 20 კმ სიგრძეზე.

1tv.ge




მარჯნის კოლონიებს სმენის უნარი აღმოუჩნდათ


Картинки по запросу кораллыვუდს–ხოულსის ოკეანოგრაფიული ინსტიტუტის მეცნიერებმა დაადგინეს – მარჯნის უჯრედებს იმ ადგილში ურჩევნიათ დასახლება, სადაც რიფების ხმა ისმის. რამაც მეცნიერებში ვარაუდი დაბადა, რომ მარჯანს სმენის უნარი გააჩინა.

ბოლოდ დროს მსოფლიო მასშტაბით მარჯანის კოლონიების რაოდენობა მკვეთრად მცირდება და მეცნიერები იმის  დადგენას ცდილობენ,  თუ რა მიზეზით ირჩევენ საცხოვრებლად ამა თუ იმ  ადგილს.

უნივერსიტეტის კვლევამ ცხადყო, რომ მარჯანის პოლიპები  მგრძნობიარე არიან  ტემპერატურის, სინათლის და ქიმიური ნივთიერებების მიმართ, რომლებიც ოკეანეში წარმოიშობა.  ახლა კი დადგინდა, რომ მათ სმენის უნარიც გააჩნიათ. მეცნიერება აღმოაჩინეს, რომ მარჯნის უჯრედების უმეტესობა იქ სახლდება, სადაც კოლონიის ხმაური მეტად ისმი. ზოგადად, მარჯნის რიფები გამოირჩევიან მრავალფერი დაბალსიხშირიანი  ბგერების გამოცემით, ხოლო მათ უნაყოფო მონაკვეთებზე კი სრული სიჩუმე სუფევს.მეცნიერები იმედოვნებენ, რომ ხელოვნურად შექმნილი რიფების ხმის გამოყენებით მარჯანს უდაბურ ადგილებზე აიძულებენ დასახლებას.




ევროკავშირში მოგზაურობის მსურველებს სიცრუის დეტექტორის გავლა მოუწევთ


Картинки по запросу детектор лжиევროკავშირი საზღვრებზე ახალი დაცვის სისტემის ტესტირებას გეგმავს.

ახალი ინიციტივის მიხედვით, ევროკავშირის წევრ ქვეყნებში ჩასულ სტუმრებს საზღვარზე სიცრუის დეტექტორის გავლა მოუწევთ. საუბარია ახალ კომპიუტერულ პროგრამაზე. ანიმაციური კიბერ მესაზღვრე სტუმრებს პასპორტს, ვიზას და სხვა დოკუმენტებს შეუმოწმებს. ასევე, რამდენიმე შეკითხვას დაუსვამს და სპეციალური პროგრამის საშუალებით დაადგენს, იტყუება თუ არა მგზავრი. ამას პროგრამა ადამიანის სახის გამომეტყველების და მიმიკის ანალიზის საშუალებით გააკეთებს.

თუ მგზავრი სიცრუის დეტექტორს წარმატებით გაივლის, მაშინ მას სასაზღვრო სამსახური აღარ შეამოწმებს. წინააღმდეგ შემთხვევაში, მას სასაზღვრო და საბაჟო კონტროლის პროცედურის გავლა მოუწევს.

სასაზღვრო კონტროლის ახალი სისტემა 2019 წლიდან ლიეტუვის, უნგრეთისა და საბერძნეთის საზღვარზე ამოქმედდება.

commersant.ge




სამყაროს ყველაზე კაშკაშა გალაქტიკა დიდ საიდუმლოს მალავს


სამყაროს ყველაზე კაშკაშა გალაქტიკა დიდ საიდუმლოს მალავს - ახალი კვლევა
 შეუიარაღებელი თვალით მისი დანახვა შეუძლებელია, მაგრამ სამყაროს შორეულ მისადგომებში არსებობს ერთი უცნაური გალაქტიკა, რომელიც წარმოუდგენელი ოდენობის რადიაციას აფრქვევს.
მისი სახელია W2246-0526 და გამოყოფს იმდენ ინფრაწითელ რადიაციას, რამდენის გამომუშავებასაც 350 ტრილიონი მზე დასჭირდებოდა. შედეგად, იგი წარმოადგენს ყველაზე კაშკაშა გალაქტიკას ამ დრომდე აღმოჩენილთა შორის.

რაში მდგომარეობს მისი საიდუმლო? მეცნიერები ბოლომდე დარწმუნებული არ არიან, მაგრამ ახალმა აღმოჩენამ შესაძლოა, მას გარკვეულწილად ნათელი მოჰფინოს.

ჩილეში, ატაკამის უდაბნოში განთავსებულ ტელესკოპ ALMA-თი ჩატარებული დაკვირვებების შედეგად გაირკვა, რომ W2246-0526 ხარბად წოვს მატერიას ახლომდებარე სულ მცირე სამ სხვა გალაქტიკას, რათა თავის გაუმაძღარი სუპერმასიური შავი ხვრელი გამოკვებოს. ასტრონომები W2246-0526-ის მიერ მეზობელი გალაქტიკებიდან მოპარულ მატერიას დააკვირდნენ. აღმოჩნდა, რომ ეს სპირალური მორევები იმდენივე მატერიას შეიცავდნენ, რამდენსაც თავად გალაქტიკები.

ასტრონომ ტანიო დიას-სანტოსის განცხადებით, წინა მონაცემებიდან მათთვის ცნობილი იყო იქ არსებული სამი კომპანიონი გალაქტიკის შესახებ, მაგრამ არ არსებობდა მტკიცებულება, რომელიც ამ მეზობლებსა და ცენტრალურ გალაქტიკას შორის გაბმულ ურთიერთკავშირზე მიუთითებდა.

W2246-0526 მდებარეობს ჩვენგან 12,4 მილიარდი სინათლის წლის მანძილზე და არის გალაქტიკა, რომლის ცენტრშიც მოთავსებულია კვაზარი — უჩვეულოდ კაშკაშა აქტიური გალაქტიკური ბირთვი, ანუ მატერიის ჭამის პროცესში მყოფი სუპერმასიური შავი ხვრელი.

კვაზარები სამყაროს ერთ-ერთ ყველაზე კაშკაშა ობიექტთა რიცხვს მიეკუთვნება, გამოაფრქვევენ სინათლესა და რადიაციას. ამ გამონაფრქვევ მატერიას შავი ხვრელის გარშემო, აკრეციის დისკო ეწოდება. ეს დისკო შეიცავს მტვერსა და გაზს, რომელიც შავ ხვრელში წარმოუდგენელი სიჩქარით ჩაედინება, ზუსტად ისე, როგორც წყალი დრენაჟში. ცენტრში მოქცეული შავი ხვრელის მასიური გრავიტაციული ძალის გამო წარმოიქმნება უზარმაზარი ხახუნი, რასაც წარმოუდგენელი ოდენობის რადიაციის გამოყოფა მოსდევს,

რაც შეეხება გალაქტიკა W2246-0526-ს, იგი ისრუტავს გარშემო არსებულ მტვერს და ხელახლა გამოყოფილ ინფრაწითელ რადიაციას. შედეგად, ეს გალაქტიკა უიშვიათესია და მისი კვაზარი მიეკუთვნება იშვიათ ტიპს, რომელსაც Hot DOG-ს უწოდებენ (Hot, Dust-Obscured Galaxy). ყოველი 3000 გალაქტიკიდან მხოლოდ ერთია Hot DOG-ის ტიპის.

ამ გალაქტიკაში შემავალი მატერია მთლიანად შავი ხვრელის ულუფა როდი ხდება. მიუხედავად იმისა, რომ მისი შავი ხვრელი იმდენად გიგანტურია, რომ 4 მილიარდი მზის მასა აქვს, მაინც არსებობს ლიმიტი, თუ რამდენი მატერიის მოხმარება შეუძლია მას. მატერიის გარკვეული ნაწილი გალაქტიკას ერწყმის და სავარაუდოდ, წარმოქმნის ახალ ვარსკვლავებს.

მკვლევართა თქმით, ამ შავი ხვრელის აქტივობა იმდენად ძლიერია, რომ გაზს მთელ გალაქტიკაში აღვივებს, დაახლოებით ისე, როგორც წყლის რეზერვუარს აადუღებდა მის ცენტრში მოთავსებული ბირთვული რეაქტორი. ფოტონების იმპულსი და ენერგია იმდენად ძლიერია, რომ ის გაზს გარე მიმართულებით ფანტავს, რაც საბოლოოდ, გალაქტიკა W2246-0526-ს დაანაწევრებს. W2246-0526 ფრიად გასაოცარია. გაირკვა, რომ ის მართლაც ძალიან კაშკაშა და მშფოთვარეა. ახალი დაკვირვებების შედეგად ასევე ცხადი გახდა, რომ ის ჩვენთვის ცნობილი ყველაზე შორეული გალაქტიკაა, რომელიც სხვა გალაქტიკებს ჭამს.

ამოუხსნელი რჩება კიდევ ერთი დიდი საიდუმლო. მიუხედავად იმისა, რომ მისი შავი ხვრელი უზარმაზარია, ის კიდევ უფრო დიდი უნდა იყოს. W2246-0526-ის სიკაშკაშე დაახლოებით სამჯერ აღემატება იმ მაჩვენებელს, რაც მისი შავი ხვრელის მასიდან გამომდინარე უნდა იყოს.

მკვლევრებმა ჯერჯერობით არ იციან, რა ხდება იქ სინამდვილეში, მაგრამ იმედოვნებენ, რომ ყველაფერს მალე ამოხსნიან. ასტრონომთა განცხადებით, სავარაუდოა, რომ ეს შავი ხვრელი უკვე დიდი ხანია რაც ასე აქტიურად იკვებება და ეს პროცესი კიდევ რამდენიმე ასეულ მილიონ წელიწადს გაგრძელდება.

კვლევა ჟურნალ Science-ში გამოქვეყნდა.

მომზადებულია nasa.gov-ისა და ScienceAlert-ის მიხედვით  (1tv.ge)




თევზის ქონი ინსულტის და ინფარქტის საწინააღმდეგო საშუალებად ცნეს


Похожее изображениеამერიკელმა მეცნიერება დაადგინეს, რომ თეზვის ქონისგან მიღებული სამკურნალო პრეპარატები სისხლძარღვთა დაავადებებისგან, მათ შორის ინფარქტისა და ინსულტისგან სიკვდილიანობის რისკს ამცირებენ. 

მეცნიერებმა ორი კვლევა ჩაატარეს. პირველ კვლევაში 8 ათასამდე ადამიანი მონაწილოებდა. მათ  ომეგა–3–უჯერი ცხიმმჟავისგან გამოყოფილ ნივთიერებას, ეთილ– ეიკოზაპენტაენის მჟავას აძლევდნენ. ეს ნივთიერება თევზის ქონისგან მოიპოვება და მას ათეროსკლეროზის განვითარების საწინააღმდეგოდ იყენებენ, რადგან ტრიგლიცერიდის დონეს ამცირებს. კვლევის შედეგებმა ცხადყვეს, რომ სისხლძარღვთა სისტემის პრობლემის მქონე პირებში, რომლებიც ეთილ–ეიკოზაპენტაენის მჟავას იღებენ, ინფარქტისა და ინსულტისგან გარდაცვალების მაჩვენებელი გაცილებით დაბალია.

მეორე კვლევაში 26 ათასი ადამიანი იღებდა მონაწილეობას, მათგან ერთი ნაწილი ყოველდღიურად იღებდა ერთ გრამ პრეპარატს, რომელიც  როგორც ეიკოზაპენტაენის მჟავას, ასევე დოკოზაგეკსანის მჟავას შეიცავდა. შედეგად აღმოჩნდა, რომ  ომეგა–3–უჯერი ცხიმმჟავა გულის შეტევის რისკს 28% ამცირებს.

 Science Alert