შვრიის ფანტელებში საშიში ნივთიერება გლიფოსატი აღმოაჩინეს


Похожее изображениеრა გაეწყობა, თანამედროვე სამყაროში თითქმის აღარ არსებობს უსაფრთხო საკვები, რაც ჩვეულებრივი შვრიის ფანტელების მაგალითზე ჩანს.

ექსპერტიზით დადგინდა, რომ შვრია გლიფოსატს შეიცავს. ეს საშიში ჰერბეციდია, რომელსაც სარეველა ბალახთან საბრძოლველად იყენებენ. ექსპერიმენტის ფარგლებში სხვადსახვა სავაჭრო ნიშნის შვრიის პროდუქტის 45 სახეობა შემოწმდა, მათ შორის შვრიის ფანტელები,შოკოლადის ბატონები და ჯანსაღი ცხოვრების წესის მიმდევართათვის განკუთვნილი მზა პროდუქტები. შედეგად 42 ნიმუშში გლიფოსატი აღმოაჩინეს. მეცნიერები ამტკიცებენ, რომ ჯანმრთელობისთვის შხამიანი ქიმიკატის გამოყენების რისკი კომპანია „მონსანტო“–მ (Monsanto) განგებ მიჩქმალა. გლობალური კორპორაციები ადამიანებს წამლავაენ და დიდ სარგებელს იღებენ.

ჯერ კიდევ 2015 წელს გლიფოსატი კანცეროგენულ ჰერბეციდად ცნეს. ბოლო კვლევების თანახმად, მისი შემცველობა შვრიის ფანტელებსა და მარცვლეულ ბატონებში დასაშვებ ნორმებს აჭარბებს. წესით კი, ეს ნივთიერება საერთოდ არ უნდა იყოს საკვებ პროდუქტებში.

ამგვარად მოსაზრება, რომ შვრიის ფაფის მირთმევა ჯანსაღი კვების მაჩვენებელია, სამწუხაროდ, მცდარია.




იშვიათი მოვლენის მოლოდინში – მთვარის სრული დაბნელება


Похожее изображениеდღეს  თბილისის დროით 21:14 წუთზე დაიწყება მთვარის სრული დაბნელება.

მოვლენა საქართველოდანაც გამოჩნდება. მიუხედავად იმისა, რომ მთვარის სრული დაბნელებები ხშირად ხდება, ამაღამინდელი დაბნელება გამორჩეულია იმ მხრივ, რომ ყველაზე დიდხანს გასტანს 21-ე საუკუნის სხვა დაბნელებებს შორის.

ამავე დროს ,  მარსი ცაზე ბოლო 15 წლის სიკაშკაშის მაქსიმუმს მიაღწევს. წითელი პლანეტა ოპოზიციაში მოექცევა, ანუ მარსი და მზე ზუსტად დედამიწის აქეთ-იქით, საპირისპირო მხარეებზე მოექცევიან. მთვარე სრულად დაბნელდება, ანუ მთლიანად მოექცევა დედამიწის ჩრდილში. ამ დროს, დედამიწის ბუნებრივი თანამგზავრი მოწითალო შეფერილობას მიიღებს.

სრული დაბნელების პერიოდი 1 საათსა და 43 წუთს გასტანს. როგორც წესი, მსგავსი დაბნელებები ერთ საათზე მეტხანს არ გრძელდება. დაბნელება პიკს 28 ივლისის 00:21 საათზე მიაღწევს და 03:28 საათზე დასრულდება.

შემდეგი ხანგრძლივი დაბნელება 2025 წელს მოხდება, მაგრამ მხოლოდ 1 საათსა და 22 წუთს გაგრძელდება.

მთვარის დაბნელება ხილული იქნება აფრიკიდან, ავსტრალიიდან, სამხრეთ ამერიკიდან, აზიიდან, ევროპიდან, მათ შორის საქართველოდანაც. ამინდის პროგნოზის მიხედვით, მთვარის დაბნელების დროს საქართველოს ტერიტორიის დიდ ნაწილზე ცა მოწმენდილი იქნება.

 




ქართულ ქვევრს 3D ტექნოლოგიით დაამზადებენ


Картинки по запросу ქვევრიპროექტ qvevri.xyz – ის ავტორებმა იპოვნეს ტექნოლოგია, რომელიც ქვევრს 3D-ში აშენებს. მომავალში, პროექტის ავტორებს სურთ, საქართველოში  3D აპარატი ჩამოიტანონ და აქ დაიწყონ ქვევრების წარმოება. ავტორებმა 3D ტექნოლოგიით დაბეჭდილი პირველი ქვევრის პროტოტიპიც შექმნეს.

„ 8 000 წლიანი ტრადიციული კულტურა არ გვინდა რომ დაიკარგოს, ამიტომ ერთ-ერთი მსჯელობისას ვიფიქრეთ, რომ აუცილებლად იქნებოდა რაიმე ახალი გზა ქვევრის შენების და მივედით აზრამდე, რომ ხომ არ შევქმნათ პროტოტიპი 3D -ში. როგორც აღმოჩნდა რეალურია, რადგან 3D -ში შექმნილი საბოლოო ქვევრის ვარიანტი, დადებითი მახასიათებლებით იდენტურია ტრადიციულ ქვევრთან. რაც ყველაზე მთავარია, 3D-ში შექმნილ ქვევრს მოხსნილი აქვს ცუდი მახასიათებლები, რაც ტრადიციულს ახასიათებს, მაგალითად, ძველი ქვევრი 10 -დან 5 მაინც ტყდება. 3D-ში შექმნილი ყველა მყარია და ამის შანსი ნულამდეა დასული, რადგან გამოწვის პროცესი უზრუნველყოფილია ავტომატიზებული ღუმელით, პროცესის მაღალი სიზუსტითა და ტემპერატურის მკაცრი კონტროლით. ამიტომ ამ ტექნოლოგიით დაბეჭდილი ქვევრი უფრო მდგრადია.

ჩვენი მთავარი მიზანია ქვევრი იყოს ისეთივე მარტივი საყიდელი, როგორც ნებისმიერი სხვა პროდუქტი, რადგან კარგი ქვევრი გახდა დეფიციტური და ძნელად ხელმისაწვდომი, რის გამოც, ქვევრის შეძენის მსურველებს თვეობით უწევთ რიგში დგომა და ლოდინი. გვინდა, რომ ეს ტრადიცია არ დავკარგოთ და ამით ქვევრის გადარჩენის ახალი გზა მოვნახეთ“ – აცხადებს BM.GE -სთან პროექტ QVEVRI.XYZ-ის ერთ-ერთი ავტორი, ნიკა გუჯეჯიანი.

3D -ში ქვევრზე მუშაობა ამ ეტაპზეც მიმდინარეობს და პირველი პროტოტიპიც შექმნილია. ავტორებმა ჯერ არ იციან ახალი ტექნოლოგიით შექმნილ ქვევრს გაყიდვაში როდის ჩაუშვებენ.

bm.ge




საქართველო კოსმოსის ათვისების პროექტში ერთვება


150714125557_new_horizons_624x351_paსაქართველო, გლობალურ კომპანიებთან და ქართულ საგანმანათლებლო და კვლევით დაწესებულებებთან ერთად, ერთვება კოსმოსის ათვისების პროექტში. ინფორმაციას საქართველოს ეროვნული მუზეუმი ავრცელებს.

ბოლო პერიოდში, მსოფლიოს უმსხვილესი ორგანიზაციები კოსმოსის ათვისების მიმართულებით განხორციელებულ ქმედებებს ხშირად აანონსებენ. ამერიკის კოსმოსური სააგენტო (NASA) აქტიურად მუშაობს პლანეტა მარსის კოლონიზაციის პროექტზე.

NASA-ს ასტრონავტების მიერ კოსმოსურ სადგურზე საკვების მოყვანის რამდენიმე წარმატებული ექსპერიმენტი უკვე განხორციელდა, რაც სხვა მცენარეული კულტურის გამრავლებისთვის მნიშვნელოვანინაბიჯია. პოტენციალი, რომელიც საქართველოს ამ მიმართულებით მუშაობისთვის გააჩნია, მსოფლიოში უნიკალურია, რადგან იგი ვაზის კულტივაციის უძველეს კულტურას ეხება.

საქართველოში ინიცირებული პროექტის პირველ ეტაპზე, საინიციატივო ჯგუფი ფორმირდება შემდეგიშემადგენლობით: საქართველოს განათლებისა და მეციერების სამინისტრო, საქართველოს ეროვნულიმუზეუმი, ბიზნესისა და ტექნოლოგიების უნივერსიტეტი, კომპანია Mიცროსოფტ-ის წარმომადგენელინიკოლოზ დობორჯგინიძე და კომპანია Space Farms – მომავლის სათბურის წარმომადგენლები.

აღნიშნული პროექტის შექმნაში წვლილი შეიტანა, ქართულ ბაზარზე წამყვანმა კრეატიულმა სააგენტო Windfor’s – მა.

სასტუმრო სტამბაში მიმდინარეობს რეგიონში პირველი ურბანული ვერტიკალური სათბური-ლაბორატორიის შექმნა, რომლის ოპერირებასაც განახორციელებს კომპანია ,,SpaceFarms’’. აღნიშნული სათბური-ლაბორატორია 2018 წლის სექტემბრიდან დაიწყებს ფუნქციონირებას. ლაბორატორიაში ვაზის სპეციალური ჯიშების გამოყვანა, კვლევა და განვითარება მოხდება. აღნიშნული პროცესი BTU-ს ჩართულობით, HP-ს ტექნიკური მხარდაჭერითა და ევროპის კოსმოსური სააგენტოს სპეციალისტების მონაწილეობით წარიმართება.

პროექტის პირველ ეტაპზე ჩამოყალიბდება სამუშაო სტრატეგია, რომელიც მოიცავს შესასრულებელი სამუშაოების კონკრეტულ გეგმას და ვადებს.

მარსის კოლონიზაციის ფარგლებში NASA-ს მიერ გამოცხადებულ კონკურსში მონაწილეობის მისაღებად BTU-ს ბაზაზე კომპანია HP Inc.-მა შექმნა კვლევითი ლაბორატორია, რომელიც ხელმისაწვდომი იქნება აღნიშნულ პროექტზე მომუშავე ექსპერტებისთვისაც.

პროექტის განხორციელება მნიშვნელოვანია ქვეყნის პოზიციონირებისთვის, არამხოლოდ რეგიონის ტექნოლოგიურ ჰაბად ჩამოყალიბების პროცესში, არამედ საქართველოს უძველესი ისტორიული და კულტურული მემკვიდრეობის პოპულარიზაციისთვის. პროექტის გარშემო კვლევითი და საგანმანათლებლო პლატფორმის შექმნის პროცესში გამოყენებული იქნება ნივთების ინტერნეტი, ხელოვნური ინტელექტი, მეგამონაცემები და სხვა ტექნოლოგიური მიმართულებები.




საქართველოში პირველი სამოქალაქო "დრონი" დაარეგისტრირეს


Картинки по запросу дронსამოქალაქო ავიაციის სააგენტომ საქართველოს სამოქალაქო უპილოტო საჰაერო ხომალდების რეესტრში პირველი “დრონი” დაარეგისტრირა.

DJI Hexa Copter Matrice 600 ტიპის უპილოტო საჰაერო ხომალდის ექსპლუატანტი ფიზიკური პირია, რომელიც “დრონის” მეშვეობით საჰაერო ფოტოგადაღებას და სააგენტოს თანხმობით ცალკეულ შემთხვევებში სხვადასხვა სახის საგნების გადატანას ახორციელებს.

დისტანციურად მართვადი საჰაერო ხომალდი მრავალფუნქციური დანიშნულებისაა და პროფესიული საჰაერო ფოტოგადაღების გარდა, სხვადასხვა სახის ინდუსტრიაში გამოიყენება.  „დრონის“ მაქსიმალური ასაფრენი მასა საშუალოდ 15.5 კილოგრამია, რა დროსაც მას 6 კილოგრამი წონის სპეციალური სასარგებლო ტვირთის გადატანის უნარი გააჩნია.

 

პირველ რეგისტრირებულ უპილოტო საჰაერო ხომალდს სააგენტოს მიერ ამოსაცნობი ნიშანი –  GE-001 მიენიჭა.

უპილოტო საჰაერო ხომალდის ექსპლუატაცია, რომლის მაქსიმალური ასაფრენი მასა აღემატება 5 კილოგრამს ექვემდებარება რეგისტრაციას.

რეგისტრაციის მოწმობა ვარგისია უპილოტო საჰაერო ხომალდის არსებობის მანძილზე და არის უვადო (რეგისტრაცია შეიძლება გაუქმდეს უპილოტო საჰაერო ხომალდის სხვა პირზე საკუთრებაში გადაცემისას, უპილოტო საჰაერო ხომალდის დაკარგვისას და კანონმდებლობით გათვალისწინებულ სხვა შემთხვევაში).  მონაცემთა ბაზაში შეტანილ უპილოტო საჰაერო ხომალდს ენიჭება ამოსაცნობი 5 ციფრიანი ნიშანი.

„უპილოტო საჰაერო ხომალდების რეგისტრაციისა და ფრენის, აგრეთვე უპილოტო საჰაერო სისტემისა და უპილოტო საჰაერო ხომალდების ექსპლუატაციის, გამოყენებისა და შეზღუდვების წესები” 2017 წლის 1 სექტემბრიდან ამოქმედდა. სამოქალაქო ავიაციის სააგენტოში უპილოტო საჰაერო ხომალდების რეგისტრაციის, ასევე სპეციფიკურ კატეგორიაში ექსპლუატაციის მოთხოვნები 2017 წლის 1 ნოემბრიდან შევიდა ძალაში. რეგულაცია ადგენს უპილოტო საჰაერო ხომალდების ექსპლუატაციის ნორმებს და მისი მიზანია ფრენის უსაფრთხოების დაცვა საქართველოს საჰაერო სივრცეში.




საქართველოში ბირთვული და რადიაციული კონტროლის საკითხებზე სწავლება დაიწყო


ღონისძიებას მასპინძლობს საქართველოს სახელმწიფო უსაფრთხოების სამსახური. სწავლების პრაქტიკული ნაწილი სახელმწიფო უსაფრთხოების სამსახურის ოპერატიულ-ტექნიკური სააგენტოს ტექნოლოგიური ინოვაციების და სწავლების ცენტრში გაიმართება. განსაკუთრებული ყურადღება დაეთმობა მონაწილე სექტორებსა და სახელმწიფოებს შორის რეგიონულ თანამშრომლობას.

მონაწილე ქვეყნების წარმომადგენლებს შესაძლებლობა ექნებათ შეამოწმონ ბირთვული და რადიაციული მასალების გამოვლენის კუთხით არსებული რესურსები და რეგიონის ქვეყნებს შორის არსებული კოორდინაციის შესაძლებლობები. სწავლებას შეაფასებენ ქართველი და უცხოელი ექსპერტები, მათ შორის, ატომური ენერგიის საერთაშორისო სააგენტოს, ინტერპოლის, ნორვეგიის რადიაციული დაცულობის ორგანიზაციის, საქართველოში აშშ-ის თავდაცვის საფრთხის შემცირების სააგენტოსა და აშშ-ის ენერგეტიკის დეპარტამენტის წარმომადგენლები.

სწავლება ევროკავშირის ქიმიური, ბიოლოგიური, რადიაციული და ბირთვული საფრთხეების შემცირების გამოცდილების გაზიარების ინიციატივის ფარგლებში განხორციელდა საქართველოს სახელმწიფო უსაფრთხოების სამსახურის, გაეროს რეგიონთაშორისი დანაშაულისა და მართლმსაჯულების კვლევითი ინსტიტუტის და უკრაინის მეცნიერებისა და ტექნოლოგიების ცენტრის პარტნიორობით.




ამოუხსნელი თავსატეხი: რა იწვევს უეცარ დაბნელებას და დროში დაკარგვას?


Картинки по запросу тьма египетскаяეგვიპტის წყვდიადი, რომელმაც სამი დღე გასტანა, ძველ აღთქმაშია აღწერილი. ეს მოვლენა დღემდე მეორდება. ისტორიას რამოდენიმე შემთხვევა ახსოვს, როდესაც ყოველგვარი მიზეზის გარეშე დედამიწა სრულმა სიბნელემ დაფარა. წარსულში ამ მოვლენას ღვთის რისხვად აღიქვამდნენ, დღეს კი მას ანომალურ მოვლენას უწოდებენ. თუმცა თანამედროვე მეცნიერებამ  ამ მოვლენის მიზეზს ვერ მიაგნო.

ლონდონის წყვდიადი

1904 წლის 2 აპრილს ლონდონის მეტროპოლიტენის სადგური უიმბლდონი უეცრად უკუნითმა სიბნელემ მოიცვა, რამაც მგზავრებსა და პერსონალში პანიკა გამოიწვია. რამოდენიმე წუთში წყვდიადი გაქრა, საზოგადოებამ კი  ახსნა–განმარტება მთავრობას მოსთხოვა. ქალაქის მერიამ მეცნიერებს მიმართა, თუმცა ჩატარებულმა  ექსპერიმენტმა ამ კითხვაზე ზუსტი პასუხი ვერ გასცა. მათ ვერ შექმნეს სრული წყვდიადი, ამიტომაც ვარაუდი გამოთქვეს, რომ  მიწის წიაღიდან უცნობი აირები ამოიფქვრა, რომლებმაც  ადამიანებში დროებითი სიბრმავე გამოიწვია. თუმცა არც ეს ვერსია გამოდგა მართალი, რადგან სამედიცინო გამოკვლევამ ცხადყო, რომ მგზავრებსა და პერსონალს თვალის არანაირი დაზიანება არ აღენიშნებოდათ. ასე რომ ეს კითხვა უპასუხოდ დარჩა…

ამერიკული წყვდიადი

რამოდენიმე წლის შემდეგ „ეგვიპტურმა წყვდიადმა“ ამერიკული ქალაქი ლუისვილი (კენტუკის შტატი) დაფარა. 1911 წლის  7 მარტი იდგა. დღის 16:00 საათზე ქალაქში უკუნითი სიბნელე ჩამოწვა. იმ მომენტისთვის ქალაქში 50 000–ზე მეტი ადამიანი ცხოვრობდა, ამიტომ ჩვენებებში ფალსიფიკაციას ადგილი ნამდვილად არ ექნებოდა.

ლუისვილის მოქალაქეები ყვებოდნენ, რომ ფიზიკურად შეიგრძნობდნენ სიბნელეს – ჰაერი თითქოს გამკვრივდა და გადაადგილებას გარკვეული ძალისხმევა სჭირდებოდა, როგორც წყლისქვეშ. კიდევ ერთი დეტალი – თამბაქოს მწეველები დაბნელების დროს ასანთს ცეცხლს, რომ უკიდებდნენ – ესმოდათ ანთებული ასანთის ხმა, ალი თითებს უწვავდა, მაგრამ არ ანათებდა! მოქალაქეები სივრცის ცდომილებაზე საუბრობდნენ. ვინც სრულ სიბნელეში გადაადგილება გაბედა, დიდი მოშორების მანძილზე აღმოჩნდა. წყვდიადი ერთი საათის შემდეგ გაქრა, ქალაქი ნელ–ნელა ჩვეულ რიტმს დაუბრუნდა, მაგრამ მოქალაქეები კიდევ დიდ ხანს იხსენებდნენ ამ უჩვეულო მოვლენას.

ფრანგული წყვდიადი

სრული წყვდიადის კიდევ ერთი უჩვეულო თვისება  მკვეთრად გამოვლინდა საფრანგეთში, ქალაქ არპეში. 1957 წლის 16 ივლისს 54 წლის ქალბატონმა ჟენემ, რომელიც ძიძად მუშაობდა, ჩვეულებისამერ ბავშვი ქალაქის პარკში წაიყვანა. ეტლი ხის ჩდილში დადგა, თვითონაც გვერდით მიუჯდა. უეცრად ჩამობნელდა, თითქოს ყველგან შუქი ჩაქრაო. ბავშვი ატირდა, მადამ ჟენემ ხელით მოძებნა ეტლი, ბავშვი ამოიყვანა და ჩაიკრა…ასე დაახლოებით 15 წუთი იჯდა, მერე კი წყვდიადი უეცრად გაქრა, მაგრამ პარკში  შუადღის ნაცვლად რატომღაც საღამო ოყო! … ძიძამ ბავშვი ეტლში ჩააწვინა და სახლში დაბრუნდა, იქ კი ატირებული  მშობლები დახვდნენ. აღმოჩნდა, რომ ძიძა და ბავშვი სამი დღის განმავლობაში არ იმყოფებოდნენ სახლში! პოლიციას და მოხალისეებს მთელი ქალაქი თავდაყირა დაუყენებიათ, თუმცა მათ კვალს ვერსად მიაგნეს…

Похожее изображение

მადამ ჟენე ცნობილი იყო როგორც გამოცდილი, პასუხისმგებლიანი და სერიოზული ქალბატონი, ამიტომ მის მონათხრობს დაუჯერეს. მეტიც, ეტლში ბვაშვის საფენების მარაგი  ხელუხლებელი იყო, ხოლო სათადარიგო ბოთლი – რძით სავსე. მომხდარს ვერნაირი ახსნა მოუძებნეს, თუმცა გამოიკვეთა ერთი ფაქტი: უკუნითი წყვდიადი დროის ქრონომეტრაჟზე ახდენს გავლენას.

ტაჯიკეთის წყვდიადი

ბოლო შემთხვევა 1979 წელს ტაჯიკეთში დაფიქსირდა. ზაფხულის თბილ საღამოს გისარის ქედის მთისწინში ოთხი მთასვლელი დაბანაკდა. ის იყო, კოცონი უნდა დაენთოთ, რომ უეცრად იქაურობა სრულმა წყვდიადმა მოიცვა. საბედნიეროდ, ოთხივემ მოასწრეს ხელების ჩაკიდება, ყვიროდნენ, მაგრამ ერთმანეთის არ ესმოდათ. ისეთი შთაბეჭდილება ჰქონდათ, თითქოს სათითაოდ ხმაგაუმტარი ჩაფხუტები ჩამოაცვეს თავზე… მათი ვარაუდით, უცნაურმა მოვლენამ 5 წუთი გასტანა, რის შემდეგაც უეცრად განაათდა, მზე კაშკაშებდა, საათზე კი შუადღე იყო. ქვემოთ, მთავარ ბანაკში  ჩასულმა მთასვლელებმა შეიტყვეს, რომ თითქმის 2 დღე დაკარგულად ითვლებოდნენ და მათ მაშველები ეძებდნენ.

Похожее изображение

თანამედროვე მეცნიერება სრული დაბნელების ფენომენს დღემდე ვერ ხსნის, იკვეთება მხოლოდ რამოდენიმე კანონზომიერება – დროის და სივრცის ცდომილება.  ვარაუდობენ, რომ სინათლის ტალღები ანუ  ელექტრომაგნიტური რხევები გარკვეულ პერიოდში ისეთ მდგომარეობაში გადადიან, რომელსაც ადამიანის თვალი ვერ აღიქვამს. ამაზე კე დედამიწის მაგნიტური ველი ახდენს ზემოქმედებას, თუმცა მისი ამგვარი ცვლილების მიზეზი მეცნიერებისთვის ჯერჯერობით გაუგებარია, ისევე, როგორც აუხსნელია დროისა და სივრცის ცდომილება.

vitatrans.net




ფაროსანას წინააღმდეგ ქართული ბიოლოგიური პრეპარატი შეიქმნა


აზიური ფაროსანას წინააღმდეგ საბრძოლველად, სურსათის ეროვნულმა სააგენტომ, ქართული წარმოების ბიოლოგიური პრეპარატი „ბიოინსექტ 2“ დაარეგისტრირა, რომელსაც  დასავლეთ საქართველოში სიმინდისა და თხილის კულტურაზე გამოცდიან.

სურსათის ეროვნული სააგენტოს უფროსის მოადგილის ზურაბ ლიპარტის განცხადებით, ბიოლოგიური პრეპარატი ქიმიურთან შედარებით ნაკლებად ეფექტურია და ის ძირითადად ბიოლოგიურ მეურნეობებში ან მცირე რაოდენობის მავნებელთან გამოიყენება.

„აქამდე იყო და არის დარეგისტრირებული თურქული პრეპარატი. წელს დარეგისტრირდა ქართული პრეპარატი. შემადგენლობა ერთნაირია, თუმცა ბიოლოგიურ პრეპარატებს ქიმიურ პრეპარატებთან შედარებით ნაკლები ეფექტურობა აქვს. ის გამოიყენება მაშინ, როცა არის ბიო მეურნეობა და იქ არ შეიძლება ქიმიური პრეპარტების გამოყენება, ან კიდევ მავნებლის რაოდენობა მცირეა. ბიოლოგიური პრეპარატის გამოყენება უნდა მოხდეს საწყის ეტაპზე, როდესაც მავნებელი იმყოფება ნიმფის, ანუ მატლის ფაზაში და მეტი მიმღებლობა აქვს პრეპარატის მიმართ. თუ ადამიანი ბიოლოგიური პრეპარატით თავის საკარმიდამო ნაკვეთს რამდენჯერმე შეწამლავს, ალბათ სასურველ შედეგს მიაღწევს“, – აღნიშნა ზურაბ ლიპარტიამ.

აზიური ფაროსანას წინააღმდეგ რამდენიმე სახეობის ქართული ბუნებრივი პრეპარატია შექმნილი, თუმცა ამ დროისთვის რეგისტრაცია მხოლოდ ერთს აქვს გავლილი. პროცედურის თანახმად, რეგისტრაციისთვის საჭიროა საველე გამოცდები და ექსპერტიზის დადებითი პასუხი.

Reginfo




ქართველ მეცნიერს ”სილიკონ ველზე” საკუთარ ლაბორატორიას გაუხსნიან


ბაჩანა ლომსაძე პირველი ქართველია, რომელსაც ”სილიკონ ველზე” მდებარე სანტა-კლარას უნივერსიტეტში საკუთარ ლაბორატორიას (Lomsadze lab) გაუხსნიან. ახალგაზრდა მეცნიერი ცოტა ხნის წინ სანტა-კლარას უნივერსიტეტის პროფესორი გახდა, რაც გულისხმობს სავალდებულო სალექციო კურსების წაკითხვას, საკუთარი სამეცნიერო ლაბორატორიის შექმნას, სტუდენტების ხელმძღვანელობას, გრანტების მოძიებას, კოლაბორაციას სხვადასხვა სამეცნიერო ჯგუფებთან.

ლომსაძე გეგმავს, გაცვლითი პროგრამა სანტა-კლარას უნივერისტეტსა და თბილისის სახელმწიფო უნივერსიტეტს შორისაც ჩამოაყალიბოს.

სანტა-კლარას უნივერსიტეტის მიერ ჩემი პროფესორის თანამდებობაზე დანიშვნის შემოთავაზება საკმაოდ გრძელი და რთული კონკურსის გავლის შემდგომ მოხდა. უნივერსიტეტში იყო ერთი საკონკურსო ადგილი ფიზიკაში პროფესორის თანამდებობაზე. შერჩევაში 250-მდე აპლიკანტი მონაწილეობდა. პირველ ეტაპზე 20 ადამიანი შეირჩა ავტობიოგრაფიის, გამოქვეყნებული შრომების და სარეკომენდაციო წერილების მიხედვით. კიდევ უფრო „მოკლე სიაში“ მოხვედრა (4 კანდიდატი) გულისხმობდა „სკაიპით“ ზეპირ გასაუბრებას და შემდგომ ადგილზე, უნივერსიტეტში ჩასვლას და 2-დღიან გასაუბრებას. გასაუბრება მოიცავს თითოეულ ადგილობრივ პროფესორთან, დეკანთან და უნივერსიტეტის რექტორთან 1-საათიან ინტერვიუებს. ამის შემდგომ აპლიკანტს სამეცნიერო გეგმებზე მოხსენების და საუნივერსიტეტო კოლოქვიუმის გაკეთება მოეთხოვება.

მნიშვნელოვანია ლექციების ჩატარება სტუდენტებისთვისაც, ვინაიდან მათი აზრის გათვალისწინება შეფასებაში როგორც წესი, განმსაზღვრელია. ბედნიერი ვარ, რომ ასეთი ხანგრძლივი პროცესისა და მკაცრი კონკურენციის პირობებში უნივერსიტეტმა არჩევანი ჩემზე შეაჩერა. გარდა ამისა, აშშ-ის რამდენიმე უნივერსიტეტის „მოკლე სიაში“ ვარ მოხვედრილი, შემოთავაზებებიც მაქვს პროფესორის თანამდებობაზე. თუმცა სანტა-კლარას საგანმათლებლო ცენტრი ავირჩიე, რადგან ის ითვლება ერთ-ერთ უძველეს და პრესტიჟულ უნივერსიტეტად აშშ-ში, რომლის სტუდენტობაც საამაყოა, თუმცა მაღალი საფასურისა და დიდი კონკურენციის გამო საკმაოდ რთულია. უნივერსიტეტი მდებარეობს „სილიკონ ველზე“, რომელიც მსოფლიო ტექნოლოგიების ცენტრია. იგი ძალიან ახლოსაა სტენფორდისა და ბერკლის უნივერსიტეტებთან, სადაც კოლაბორაციები მაქვს დაგეგმილი”,– ამბობს ბაჩანა ლომსაძე.

accent.com.ge




ცხიმი ინფექციისგან გვიცავს?


აშშ–ს ჯანდაცვის ეროვნული ინსტიტუტების კვლევითმა ჯგუფმა იასმინ ბელკაიდის მეთაურობით უნიკალური იმუნური უჯრედები აღმოაჩინა. ცხიმოვან ქსოვილში არსებული ე.წ. მეხსიერების  T –უჯრედები ინფექციასთან ბრძოლის უნარს ფლობენ.

კერძოდ, პათოგენური ინფექციის შემოტევის შემდეგ უჯრედები უფრო ძლიერი დარტყმისთვის ემზადებიან, რაც თავის მხრივ,  ორგანიზმს მორიგი დაავადებისაგან იცავს. მკვლევარებმა ცდები თაგვებზე ჩაატარეს – პარაზიტები ან ბაქტერიები ხელოვნურად შეყავდათ მათ ორგანიზმში, რის შემდეგ ცხიმოვან მასაში T –უჯრედების დიდი ჯგუფები ყალიბდებოდა, რომლებიც უფრო ეფექტურად ებრძოდნენ ინფექციას, ვიდრე სხვა უჯრედები; ინფექციასთან საბრძოლველად ქიმიურ ნივთიერებას უკეთ გამოყოფთდნენ.ხლო ხელმეორედ დაავადებული თაქვების ორგანიზმში T –უჯრედები კვლავ უფრო სწრაფ რეაგირებას ავლენდნენ.

T –უჯრედების შემცველი ცხიმი ჯანმრთელ თაგვებს გადაუნერგეს და ისეთი ინფექცია შეიყვანეს, რომელიც აქამდე არ ჰქონიათ. შედეგი გასაოგნებელი იყო:  T –უჯრედების მეხსიერბამ მყისვე იჩინა თავი და „ნაცნობ“ ინფექციას წინააღმდეგობა გაუწია.

პროექტის ხელმძღვანელი იასმინ ბელკაიდი მიიჩნევს, რომ ცხიმოვანი ქსოვილი ჯადოსნურ ელექსირს ჰგავს, რომელსაც T –უჯრედების აქტივაცია შუძლია, ხოლო  ამ უჯრედების განსაკუთრებული ძალა იმაში მდგომარეობს, რომ ენერგეტიკულად მდიდარი ცხიმოვანი ქსოვილით „იკვებებიან“.

კოლუმბიის უნივერსიტეტის მკვლევარი ენტონი ფერანტე ამტკიცებს, რომ აღნიშნული ცდის შედეგებმა ჩვენი წარმოდგენა ცხიმოვან მასაზე უნდა შეცვალონ. „სახელმძღვანელოებში ჩამოთვლილია სხვადასხვა იმუნური ორგანო, მათ შორის ლიმფური კვანძეი. მაგრამ ახალი კვლევა სავსებით ცვლის ამ წარმოდგენას, რადგან ამიერიდან  ცხიმიც უნდა ვაღიაროთ იმუნურ ორგანოდ,“ – მიაჩნია ენტონი ფერანტეს.
თუმცა ყველა ცხიმი სასარგებლო როდია. ჭარბი წონა ადმიანის ორგანიზმში ცხიმოვანი ქსოვილისა და იმუნური უჯრედებს შორის ბალანს არღვევს, რასაც გარკვეული უარყოფითი შედეგი მოყვება. თუმცა, როგორც იასმინ ბელკაიდი ამტკიცებს, ორგანიზმში ცხიმის გარკვეული რაოდენობა აუცილებლად უნდა არსებობდეს.

 

Immunity