სემეკ–ი: მომხმარებელთა უფლებების დარღვევის ფაქტები გამოვლინდა

სემეკ-მა ”მისტიური მომხმარებლის” პროექტის კვლევის შედეგად, კომპანიების მიერ მომხმარებელთა უფლებების დარღვევის რამოდენიმე ფაქტი გამოავლინა. კერძოდ, შემოწმდა სამი კომპანიის, ”თელასის”, ”ყაზტრანსგაზ თბილისისა” და ”ჯორჯიან უოთერ ენდ ფაუერის” მიერ მოქალაქეებისთვის გაწეული მომსახურება.

კვლევა მოიცავდა ახალი მომხმარებლის ქსელზე მიერთების განაცხადის ჩაბარებას და 5 დღის განმავლობაში კომპანიების მიერ რეაგირებას. დაფიქსირდა სხვადასხვა სახის დარღვევები. კერძოდ: მოქალაქეს ”თელასის” მომსახურების ცენტრში უარი ეთქვა განაცხადის ჩაბარებაზე იმ მიზეზით, რომ განაცხადი ბარდება მხოლოდ კომპანიის სათაო ოფისში. მიუხედავად იმისა, რომ ”თელასის” სათაო ოფისი 09:00-დან 18:00-მდე მუშაობს, ქსელზე მიერთების ახალ განაცხადებს მხოლოდ 16:00 საათამდე იღებენ.

მოქალაქე მიერთების განაცხადის ჩაბარებისას არ ითხოვდა შიდა ქსელის მოწყობას და განმარტა, რომ შიდა ქსელი უკვე გააჩნდა. მიუხედავად ამისა, ”ყაზტრანსგაზ თბილისმა” მას მაინც მოთხოვა შიდა ქსელის აზომვითი ნახაზი, – როგორც განაცხადის ჩაბარების აუცილებელი პირობა. მოქალაქემ წინასწარ გადაიხადა მიერთების საფასური, რის შემდეგაც ”ჯორჯიან უოთერ ენდ ფაუერმა” მას უარი უთხრა თანხის დაბრუნების თაობაზე განაცხადის ჩაბარებაზე და მოსთხოვეს ბეჭდით დამოწმებული ამონაწერი ბანკიდან, საბანკო რეკვიზიტების მითითებით. მიუხედავად იმისა, რომ მას განაცხადში მითითებული ჰქონდა საბანკო რეკვიზიტები, სადაც შესაძლო უარის შემთხვევაში, მოხდებოდა თანხის დაბრუნება, მომხმარებელმა მაინც ვერ ჩააბარა განაცხადი.  დარღვევების შესახებ უკვე ეცნობათ კომპანიებს. სემეკ-მა მათ რეკომენდაციები და დარღვევების აღმოსაფხვრელად განსაზღვრული ვადა მისცა.

image_pdfimage_print

Comments

comments