ქართველმა მოსწავლეებმა საერთაშორისო ოლიმპიადაზე 4 ოქროს მედალი მოიპოვეს

მოსწავლეები10-15 იანვარს, ყაზახეთის ქალაქ ალმათიში ჟაუტიკოვის სახელობის მე-15 საერთაშორისო ოლიმპიადა გაიმართა.

განათლების, მეცნიერების, კულტურისა და სპორტის სამინისტროს ინფორმაციით ოლიმპიადაში 18 ქვეყნის 82-მა გუნდმა, მათ შორის თბილისიდან კომაროვის და ვეკუას სახელობის, ხოლო ქუთაისიდან რაზმაძის ფიზიკა-მათემატიკური სკოლის გუნდებმა მიიღეს მონაწილეობა.

საქართველოს წარმომადგენლებმა ინდივიდუალურ და გუნდურ შეჯიბრებებში 4 ოქროს, 3 ვერცხლის და 3 ბრინჯაოს მედალი მოიპოვეს.

მათ შორის კომაროველმა ოქროსმედალოსანმა ნიკა ბირკაძემ ინფორმატიკაში მაქსიმალური 600 ქულის მოპოვება შეძლო.

image_pdfimage_print

Comments

comments