“საკუთარ ქვეყანას აზიიდან ევროპაში ხიდად მივიჩნევთ”– პრემიერმა Deutsche Welle-ს ინტერვიუ მისცა

Похожее изображениеსაქართველოს პრემიერ–მინისტრმა მამუკა ბახტაძემ Deutsche Welle-ს ინტერვიუ მისცა. საქართველოს მთავრობის მეთაურმა წამყვანი გერმანული მედიასაშუალების კითხვებს დავოსის მსოფლიო ეკონომიკურ ფორუმზე ვიზიტის ფარგლებში უპასუხა.

მამუკა ბახტაძემ ყურადღება გაამახვილა საქართველოს როლზე, როგორც ევროპისა და აზიის დამაკავშირებელ უმოკლეს მარშრუტზე და აღნიშნა, რომ ქვეყანაში ინვესტირებით სულ უფრო მეტი კომპანია ინტერესდება.

“რუკას თუ შეხედავთ, საქართველო ბუნებრივად არის რეგიონის ცენტრად ქცევის კანდიდატი. ზღვაზე გასასვლელის არმქონე რვა ქვეყნისთვის ჩვენ კარიბჭეს წარმოვადგენთ. ამიტომ ჩემი მთავრობის სტრატეგიაა, საქართველო რეგიონის ცენტრად აქციოს ბიზნესის, ვაჭრობის, ფინანსების, ლოგისტიკის, ტურიზმისა და განათლების სფეროში. ვცდილობთ, კრეატიული რეფორმები განვახორციელოთ, რათა მეტი ინვესტიციები მოვიზიდოთ საქართველოში.

საკუთარ ქვეყანას აზიიდან ევროპაში ხიდად მივიჩნევთ, რადგან უმოკლესი გზა ვართ. გვინდა ხელი შევუწყოთ მზარდ სავაჭრო ტვირთბრუნვას აზიასა და ევროპას შორის. ამ მიზეზით ვახორციელებთ დიდი მოცულობის ინვესტიციებს ჩვენს ინფრასტრუქტურაში და ძალიან მახარებს დავოსში იმის ნახვა, რომ სულ უფრო მეტი კომპანიაა დაინტერესებული საქართველოში კაპიტალდაბანდებით, ამ მნიშვნელოვან პროგრამებსა და პროექტებში მონაწილეობით”, – განაცხადა მამუკა ბახტაძემ.

მსოფლიო ეკონომიკური ფორუმი შვეიცარიის ალპებში უკვე გაიხსნა.

image_pdfimage_print

Comments

comments