სადგურის მოედნის მიმდებარე ტერიტორიაზე ხანძარი ლიკვიდირებულია

თბილისში სადგურის მოედნის მიმდებარე ტერიტორიაზე ხანძარი ლიკვიდირებულია. საგანგებო სიტუაციების მართვის სამსახურის ინფორმაციით, თევდორე მღვდლის ქუჩაზე დაიწვა სასაწყობო ფართის 200 კვადრატული მეტრი ფართობი.

უწყების ცნობით, მეხანძრე-მაშველების დროული რეაგირების შედეგად ხანძარს შენობის მნიშვნელოვანი ნაწილი, დაახლოებით 1400 კვ.მ. ფართობი გადაურჩა. უწყებაში ხანძრის შესახებ შეტყობინება 11:22 საათზე შევიდა, ხანძრის ლიკვიდაცია კი 14:19 საათზე მოხდა.

შემთხვევის შედეგად არავინ დაშავებულა.

ცეცხლი დღეს დილით სადგურის მოედნის მიმდებარე ტერიტორიაზე შენობის მესამე სართულზე გაჩნდა, სადაც მეორადი ტანსაცმელი ინახებოდა.

„ფართი მთლიანობაში არის 1800 კვადრატული მეტრი. მეხანძრე-მაშველების ოპერატიული და დროული რეაგირების შედეგად მთლიანი სართული ხანძარს გადაურჩა. ხანძრის გამომწვევი მიზეზები ჯერ არ ვიცით. მიმდინარეობს ცალკეული კერების დამუშავება, რომ სადმე ცეცხლის კერა არ დარჩეს“, – განაცხადა საგანგებო სიტუაციების დეპარტამენტის დირექტორის მოადგილემ ანდრე გუჯაიძემ.

image_pdfimage_print

Comments

comments