ქვეყნის ფინანსურ და მაკროეკონომიკურ სტაბილურობას არანაირი საფრთხე არ ემუქრება–გიორგი ქადაგიძე

ეროვნული ბანკის პრეზიდენტის გიორგი ქადაგიძის განცხადებით, ქვეყნის ფინანსურ და მაკროეკონომიკურ სტაბილურობას არანაირი საფრთხე არ ემუქრება და ამის გარანტი ეროვნული ბანკია.
ამის შესახებ ქადაგიძემ ლარის რყევასთან დაკავშირებით, დღეს გამართულ სპეციალურ ბრიფინგზე განაცხადა. მისი განცხადებით, ეროვნული ბანკის მთავარი ამოცანა ფასების სტაბილურობის უზრუნველყოფაა.
,,ქვეყნის ფინანსურ და მაკროეკონომიკურ სტაბილურობას არანაირი საფრთხე არ ემუქრება. ამის გარანტი არის ეროვნული ბანკი. ჩვენ არაერთხელ გვითქვამს და დაგვიდასტურებია გაცილებით უფრო მნიშვნელოვანი შოკების დროს. ეროვნული ბანკის მთავარი ამოცანაა ფასების სტაბილურობის უზრუნველყოფა. როგორც წესი, ცენტრალური ბანკები არ აკეთებენ კომენტარს მოკლევადიანი ვალუტის ინფლაციის დროს, მაგრამ ვინაიდან სახეზეა მნიშვნელოვნად გაუარესებული ეკონომიკური მოლოდინები და არასტანდარტული ეროვნული ვალუტის პუნქტუაცია, მინდა განვმარტო. ეროვნული ვალუტის გაუფასურებას აქვს როგორც შიდა, ისე გარე ფაქტორებით გამოწვეული მიზეზები. ბოლო 7 წლის განმავლობაში ისტორიულად გამყარებულ დოლართან ერთად სახეზე გვაქვს შიდა სავალუტო შემოდინებების ძირითადი წყაროების შესუსტება, ან კლება. ამავე დროს, ჩვენი გათველებით ეს დისბალანსი აღმოფხვრილია და უკვე ასახული არის ლარის გაცვლით კურსში.
„ამის მიზეზი ორია: 1. მსოფლიო ბაზარზე, ყველა ძირითად სასაქონლო ჯგუფზე, მათ შორის ნავთობის, ხორბლის, შაქრის და ზეთის სასაქონლო ჯგუფებზე მნიშვნელოვანი ფასები კლებაა; 2.მონეტარული აგრეგატების ფაქტორი, კერძოდ კი ფულის მასა შარშანდელისგან განსხვავებით არ გაზრდილა და მთავრობასთან კონსულტაციის შედეგად, დეკემბერში ბიუჯეტის დეფიციტურ ხარჯვას ადგილი არ ექნება, რაც ინფლაციაზე ზეწოლას კიდევ ერთხელ შეასუსტებს“,-განაცხადა ეროვნული ბანკის პრეზიდენტმა. „ბაზრის ის მონაწილეები და მოქალაქეები, რომლებიც იმპულსურ გადაწყვეტილებებს იღებენ ან მიიღებენ კონვერტაციასთან დაკავშირებით, როგორც წესი ყოველთვის ზარალობენ, ვინაიდან ყველა გაუფასურებას გამყარება მოსდევს და ამას არაერთხელ ჰქონია ადგილი, როგორც დოლარი-ლარის გაუფასურების დროს, ასევე დოლარი-ევროს მნიშვნელოვანი ფლუქტუაციების დროს“,-განაცხადა ქადაგიძემ.
ქადაგიძის თქმით, სამწუხაროდ, ამ დროს ამ დროს ყველაზე მეტად ის მოქალაქეები ზარალდებიან, რომლებსაც სესხი დოლარში და ხოლო, შემოსავალი ლარში აქვთ.

image_pdfimage_print

Comments

comments