საქართველო ელექტრო ენერგიის იმპორტიორი გახდა

პირველად საქართველოს ენერგეტიკის ისტორიაში, იმპორტის განხორციელება დაიწყო. – ამის შესახებ ენერგეტიკის მინისტრმა კახა კალაძემ ჟურნალისტებს მთავრობის სხდომის დასრულების შემდეგ რუსეთიდან თურქეთში, საქართველოს გავლით ელექტროენერგიის იმპორტის განხორციელების დაწყებასთან დაკავშირებით განუცხადა.
მისი თქმით, ამის შესაძლებლობას ახალციხეში აშენებული 500-კილოვოლტიანი ქვესადგური იძლევა.
„აზერბაიჯანის სახელმწიფოსთან საუბარი გვქონდა, რომ ეს შესაძლებლობა მათაც გამოეყენებინათ, თუმცა ამ ეტაპზე მხოლოდ რუსეთიდან დაახლოებით 300 მეგავატი სიმძლავრის ელექტროენერგიის ტრანზიტი ხდება, რაც, რა თქმა უნდა, ჩვენი ქვეყნისთვის დამატებითი შემოსავალია. ის იმ ვალის დაფარვას მოემსახურება, რომელიც ამ ახალციხის ქვესადგურის ასაშენებლად იყო აღებული“, — განაცხადა კახა კალაძემ.

image_pdfimage_print

Comments

comments