2015 – 2019 წლებში პენსიას და სხვა სახელმწიფო გასაცემლებს კვლავ ლიბერთი ბანკი დაარიგებს

2015 – 2019 წლებში პენსიები და სხვა სახელმწიფო გასაცემლები კვლავ “ლიბერთი-ბანკის” ფილიალების მეშვეობით დარიგდება. აღნიშნულის თაობაზე დღეს სოციალური მომსახურების სააგენტოსა და „ლიბერთი ბანკს“ შორის ხელშკრულება გაფორმდა.
„ლიბერთი ბანკი“ მზადაა, ინფრასტრუქტურის გაუმჯობესებაზე წლის განმავლობაში 5 მილიონი ლარი დახარჯოს, რათა სერვისი უფრო ხელმისაწვდომი და კომფორტული გახდეს. ჯამში კი აღნიშნული მიზნებისთვის 5 წლის განმავლობაში 25 მლნ ლარი დაიხარჯება.
ამასთან, ბანკი იღებს ვალდებულებას, 5 წლის განმავლობაში დამატებით 4 მილიონი ლარი გაიღოს სხვადასხვა სახის აქტივობაში.
შეგახსენებთ, რომ „ლიბერთი“ ერთადერთი ბანკი იყო, რომელმაც სოციალური მომსახურების სააგენტოს მიერ გამოცხადებულ საბანკო კონკურსში მიიღო მონაწილეობა. კონკურსი 14 ნოემბერს შედგა და საკონკურსო კომისიამ „ლიბერთი ბანკის“ მიერ წარმოდგენილი წინადადებები დასაშვებად მიიჩნია.
ბანკი ბოლო 10 წლის განმავლობაშიც ახორციელებდა ამ მომსახურებას.

image_pdfimage_print

Comments

comments