საქართველოში გასაშვილებელი სტატუსის მქონე 220 ბავშვია, შვილად აყვანის მსურველი – 2813


Картинки по запросу младенцыსაქართველოში გასაშვილებელი სტატუსის მქონე 220 ბავშვია, მათ შორის 153 შეზღუდული შესაძლებლობების მქონეა, 35-ს კი გაშვილება არ სურს (საუბარია 10 წლის და უფროსი ასაკის ბავშვებზე, რომელთა გაშვილება აკრძალულია მათი თანხმობის გარეშე).

სოციალური მომსახურების სააგენტოს  ინფორმაციით, ამ ეტაპზე მშვილებელთა რეესტრში 2813  მშვილებელია დარეგისტრირებული – ესენი არიან ადამიანები, რომლებიც აკმაყოფილებენ გასაშვილებელი ბავშვის შვილად აყვანისთვის  კანონმდებლობით დადგენილ მოთხოვნებს.

რაც შეეხება გაშვილებულთა სტატისტიკას, 2018 წელს ქვეყანაში გაშვილდა 85 ბავშვი, მათ შორის 8 განსხვავებული საჭიროების მქონეა. მათგან საერთაშორისო შვილად აყვანას დაექვემდებარა 5 შშმ ბავშვი.




"აუცილებელია გალში ინციდენტების პრევენციის მექანიზმი ამოქმედდეს"


Картинки по запросу დავით ზალკალიანისაქართველოს საგარეო საქმეთა მინისტრი დავით ზალკალიანი  საქართველოს მოქალაქის  საეჭვო პირობებში გარდაცვალებას ეხმაურება და აღნიშნავს, რომ ცხედრის ექსპერტიზის ოფიციალური დასკვნის მიღებისთანავე უწყება მაქსიმალურად აამოქმედებს  ყველა საერთაშორისო ბერკეტს.

მინისტრის თქმით, უწყებას კომუნიკაცია ჰქონდა ევროკავშირისა და გაერო-ს სპეციალურ წარმომადგენლებთან, ჟენევის ყველა თანათავმჯდომარესთან, ასევე  საელჩოებს მიეცათ ინსტრუქცია, რომ გალში გარდაცვლილი ირაკლი კვარაცხელიას შესახებ დაუყოვნებლივ აცნობონ საქართველოს საერთაშორისო პარტნიორებს.

„ექსპერტიზის შესახებ საბოლოო ინფორმაცია არ მაქვს. ექსპერტიზის დასკვნა ძალიან მნიშვნელოვანი იქნება. მიუხედავად იმისა, თუ როდის იქნება ეს დასკვნა, კომპეტენციის ფარგლებში საგარეო საქმეთა სამინისტრომ კონკრეტული ნაბიჯები გადადგა. მყისიერად გვქონდა კომუნიკაცია ყველა საერთაშორისო აქტორთან, მათ შორის ევროკავშირისა და გაერო-ს სპეციალურ წარმომადგენლებთან, ჟენევის ყველა თანათავმჯდომარესთან. ყველა ჩვენს საელჩოს მიეცა ინსტრუქცია, ამის შესახებ დაუყოვნებლივ აცნობონ ჩვენს საერთაშორისო პარტნიორებს.

ხვალ ჩანიშნული მაქვს შეხვედრა ევროკავშირის სპეციალურ წარმომადგენელთან, რომელიც სოხუმიდან დაბრუნდება და მოვისმენ, რა ინფორმაცია გააჩნია. ფაქტია, რომ ეს აღმაშფოთებელი შემთხვევაა. ეს კიდევ ერთხელ ამყარებს, რომ აუცილებელია ოკუპირებულ, უკონტროლო ტერიტორიებზე საერთაშორისო თანამეგობრობის წვდომა. ეს არის ის, რასაც ჩვენ მუდმივად ვითხოვთ საერთაშორისო თანამეგობრობისგან.

აუცილებელია, გალში ინციდენტების პრევენციის მექანიზმი ავამოქმედოთ, რომელიც ერთ-ერთი მთავარი ფორმატი უნდა იყოს, სადაც საუბარი ამ აღმაშფოთებელ ფაქტზე იქნება. ყველა საერთაშორისო აქტივთან ძალიან აქტიურ კომუნიკაციაში ვართ. ექსპერტიზის ოფიციალური დასკვნის მიღებისთანავე მაქსიმალურად ავამოქმედებთ ჩვენს ხელთ არსებულ ყველა საერთაშორისო ბერკეტს“, – განაცხადა დავით ზალკალიანმა.

ოკუპირებული გალის რაიონში გარდაცვლილი ირაკლი კვარაცხელიას ცხედარი ოკუპირებული ტერიტორიიდან გუშინ გადმოასვენეს. ენგურის ხიდზე იმყოფებოდნენ საქართველოს ცენტრალური ხელისუფლებისა და ევროკავშირის სადამკვირვებლო მისიის წარმომადგენლები. ცხედარს ექსპერტიზა თბილისში, ლევან სამხარაულის სახელობის სასამართლო ექსპერტიზის ეროვნულ ბიუროში  ჩაუტარდება.

 




38 მედალი – დაჭრილი და დაშავებული სამხედრო მოსამსახურეების გუნდის ტრიუმფი


პენდელტონის საზღვაო ქვეითთა ბაზაზე გამართულ შეჯიბრებებში დაჭრილი და დაშავებული სამხედრო მოსამსახურეებით დაკომპლექტებულმა 12-კაციანმა გუნდმა 38 მედალი მოიპოვა.

На данном изображении может находиться: 3 человека, люди стоят

24 თებერვლიდან 10 მარტის ჩათვლით ჩატარებულ ტურნირში, რომელშიც 7 ქვეყნის 200-მდე წარმომადგენელი იყო ჩართული, ქართველმა სამხედროებმა  სპორტის 8 სახეობაში წარმატებით იასპარეზეს, მათ შორის –  მჯდომარე კალათბურთში, ცურვაში, სროლაში, მშვილდოსნობაში, ნიჩბოსნობაში, ეტლით სირბილში და ველოსპორტში. პარასპორტსმენებმა 20 – ოქროს, 10 – ვერცხლის და 8 ბრინჯაოს მედალი აიღეს.

საქართველოს თავდაცვის ძალების წარმომადგენლებმა ამერიკის საზღვაო ქვეითების ყოველწლიურ სპორტულ ღონისძიებაში მონაწილეობა მეხუთედ მიიღეს. ქართველმა დაჭრილმა და დაშავებულმა სამხედროებმა „საზღვაო ქვეითთა“ თამაშებში გასულ წელსაც იასპარეზეს და საქართველოში 20 მედლით დაბრუნდნენ.




უცხო ქვეყნის მოქალაქეებს სასოფლო-სამეურნეო მიწის მემკვიდრეობით მიღების უფლება ექნებათ


Картинки по запросу მიწაუცხო ქვეყნის მოქალაქეებს სასოფლო-სამეურნეო მიწის მემკვიდრეობით მიღების უფლება ექნებათ. ამის შესახებ ჟურნალისტებს აგრარულ საკითხთა კომიტეტის თავმჯდომარემ ოთარ დანელიამ განუცხადა, რომელიც ახალი ორგანული კანონის პროექტს არასამთავრობო ორგანიზაციებს აცნობს.

„უცხო ქვეყნის მოქალაქეს – ფიზიკურ პირს არ ექნება უფლება, შეიძინოს სასოფლო-სამეურნეო დანიშნულების მიწა, თუმცა მას იჯარის უფლება შეუზღუდავად ექნება. იურიდიული პირების შემთხვევაში, აუცილებლად დომინანტი უნდა იყოს საქართველოს მოქალაქე ან ქართული სუბიექტი.

მემკვიდრეობის ნაწილში ჩვენ ვფიქრობთ, წავახალისოთ ეს მიმართულება და მთელი რიგი შეღავათებია დაწესებული. ასევე, მთავრობის დისკრეციის ნაწილში სახელმწიფო მნიშვნელობის პროექტების თვალსაზრისის რჩება ძალაში კანონპროექტი“, – აღნიშნა ოთარ დანელიამ.

შარშან საკონსტიტუციო სასამართლოს მიერ მიწის უცხოელებზე გაყიდვის მორატორიუმის გაუქმების ერთ-ერთი საფუძველი სწორედ მემკვიდრეობის საკითხი იყო.

„ახალი კანონით ამ სუბიექტებს ეს პრობლემა არ შეექმნებათ“, – განაცხადა ოთარ დანელიამ.

1tv.ge




სალომე ზურაბიშვილი საზოგადოებას ქართული პარლამენტარიზმის 100 წლის იუბილეს ულოცავს


Похожее изображениеსაქართველოს პრეზიდენტი  საზოგადოებას ქართული პარლამენტარიზმის ასი წლის იუბილეს ულოცავს.

„საქართველოს პრეზიდენტის სახელით, ვულოცავთ სრულიად საქართველოს ამ ღირსშესანიშნავ იუბილეს.

სალომე ზურაბიშვილის შეფასებით, მართლაც გამორჩეული თარიღია, დიდი ისტორიითა და მნიშვნელოვანი ფაქტორებით მათ შორის, საქართველო ერთ-ერთი პირველი ქვეყანაა ევროპაში, სადაც ქალები არა მხოლოდ მონაწილეობდნენ 100 წლის წინ არჩევნებში, ისინი მონაწილეობას იღებდნენ პირველი კონსტიტუციის შემუშავებაში და რაც მთავარია, თავად იყვნენ დამფუძნებელი კრების არჩეული წევრები.

კიდევ ერთხელ, ამ დარბაზიდან გვინდა დავასახელოთ დამფუძნებელი კრების წევრი ქალების სახელები: მინადორა ორჯონიკიძე-ტოროშელიძე, ქრისტინე შარაშიძე, ელისაბედ ბოლქვაძე, ანა სოლოღაშვილი, ელეონორა ტერ ბარსეგოვა-მახვილაძისა.

აქვე, აუცილებლად უნდა ვახსენოთ მარიამ ჩხეიძეც, სწორედ ის გახლავთ პირველი ქართველი ქალი, რომელიც პირველი ქართული კონსტიტუციის შემუშავებაში მონაწილეობდა“, – განაცხადა პრეზიდენტის პრესსპიკერმა ხატია მოისწრაფიშვილმა.




იყიდება საქართველო


Похожее изображениеიყიდება საქართველო. მინდორ-ველით, მთა-გორით, ტყით, ვენახით, სათესით; წარსულის ისტორიით, მომავალი სვე-ბედით; მშვენიერის ენით; ნაქარგი ფარჩა-ხავერდით; ვაჟკაცურის ხასიათით, სტუმართ-მოყვარეობით; დიდებულის სანახაობით, წმინდა ჰაერით; ნაამაგევი სახლით და კარით; ჩუქურთმიანი მონასტრებით და ეკლესიაბით; მჩქეფარე ნაკადულებით; ლურჯის ზღვით; მოწმენდილ-მოკაშკაშებული ცით; ერით, ბერით; თვალწარმტაც ბანოვანთა გუნდებით; გონებაგახსნილ ვაჟებით; მალხაზი ბავშვებით; ვერცხლისფერ თმით შემოსილ პატივსადებ მოხუცებით. იყიდება საქართველო დედით და მამით, შვილით და ძირით, ძმით, დით, ცოლით და ნათესავ-მოყვრებით.

ჰყიდის ყველა: თავადი, მღვდელი, ვაჭარი, ავაზაკი, დიდი და პატარა, ჭკვიანი და სულელი, ლოთი და პირაკრული.
იყიდება ყველგან: ქუჩაში და სახლში, თეატრში და სასამართლოში, სასწავლებელში, სატუსაღოში, ეტლში, მატარებელში, დილით და ღამით, სიცხეში და სიცივეში, დარში და ავდარში.

იყიდება ერთიანად: შავი ზღვიდან კასპიის ზღვამდე და ოსეთიდან სპარსეთამდე. იყიდება ნაწილ-ნაწილ: კახეთი და იმერეთი, ქართლი, სვანეთი და სამეგრელო, გურია და ლეჩხუმი, რაჭა და ჯავახეთი. იყიდება პატარ-პატარ ნაჭრებათ, ვისაც რამდენი სურს და როგორც უნდა: ნისიათ, უფასოდ, ნაღდად, დროებით და სამუდამოთ; ბანკის დახმარებით და ჩვენის საშუალებით.

იყიდეთ ბარემ მთლად, გაწეწეთ და გაგლიჯეთ, რასაც საქართველო ერქვა და რაც დღეს ოხრად დარჩენილი აძღებს ყორნებს და გულს უკლავს უძლურ ჭირისუფალს!

ნიკო ლრთქიფანიძე




ცირკიდან გაქცეულმა ენოტებმა სურსათის მაღაზია გაძარცვეს


Похожее изображениеუკრაინის ქ. სტოროჟინეცში საცირკო ენოტები გასტროლებიდან გაიქცნენ და ერთერთ სურსათის მაღაზიაში შეიპარნენ. დილით მისულ მეპატრონეს  მაღაზია დარბეული დახვდა, ხოლო ენოტები – შეზახორშებულები. ქალბატონმა მათი გაყრა სცადა,  ერთერთმა შემთვრალმა ენოტმა მას ფეხი გაუკაწრა.

როგორც გაირკვა, მაღაზიაში ოთხფეხა „მძარცველებმა“ დააგემოვნეს ყველის და ძეხვის რამოდენიმე სახეობა, ტკბილეული მიირთვეს და ალკოჰოლური სასმელებიც მიაყოლეს. ენოტებმა თაროდან არყის, ლუდის  და კონიაკის ბოთლები ჩამოყარეს და დაღვრილი სასმელით გვარიანად შეზახორშდნენ.

ცხოველები ცირკში დააბრუნეს, თუმცა სამი დღის განმავლობაში მათ ისეთი ძლიერი ნაბახუსევი ჰქონდათ, რომ მათ მაგივრად არენაზე დუბლიორი ენოტები გამოდიოდნენ. „ ენოტები 17 კილოგრამს იწონიან და მაინც ზედემტი სასმელი მოუვიდათ, მთელი ღამე არ დაგვაძინეს, ვერ ვაშოშმინებდით“, –აღნიშნა ცირკის ადმინისტრატორმა.

რაც შეეხება დარბეულ მაღაზიას,  მიყენებულმა ზარალმა 46 ათასი გრივნა შეადგინა.




ღამის ავტობუსი მუშაობას განაახლებს


Похожее изображениеთბილისის მერიის ინფორმაციით, „ღამის ეკონომიკის“ პროექტის ფარგლებში, 8 მარტიდან, ყოველ პარასკევსა და შაბათ ღამეს, 00:00-დან 06:00 საათამდე, მეტროსადგურ „ახმეტელის თეატრიდან“ მეტროსადგურ „ვარკეთილამდე“ ღამის ავტობუსი მუშაობას განაახლებს.

“ღამის ავტობუსი მოძრაობას მეტროსადგურ „ახმეტელიდან“ დაიწყებს და პირველი გაჩერება დიდ დიღომში, სუპერმარკეტ „გუდვილთან“ ექნება. შემდეგ გაივლის აღმაშენებლის ხეივანს, მარშალ გელოვანის გამზირს, მტკვრის მარჯვენა სანაპიროსა და სააკაძის I გასასვლელთან გაჩერდება. შემდეგ, „ღამის ავტობუსი“ მარჯვენა სანაპიროს პანდუსით გმირთა მოედანზე აუხვევს, თამარ მეფის გამზირისკენ მობრუნდება და წინამძღვრიშვილის ქუჩის გავლით სტადიონ „დინამო არენასთან“ მიიყვანს. იგი სტადიონიდან გზას აღმაშენებლის გამზირისკენ განაგრძობს და მეტროსადგურ „მარჯანიშვილის“ მიმდებარედ გაჩერდება. ამის შემდეგ, იგი გაივლის მარჯანიშვილისა და ჯავახიშვილის (ყოფილი ელბაქიძის დაღმართი) ქუჩებს და მგზავრებს ჯერ პირველი რესპუბლიკის მოედანზე გაუჩერებს, ხოლო შემდეგ – თავისუფლების მოედანსა და ბარათაშვილის ქუჩაზე – „კონკასთან“.

ავტობუსი გადაკვეთს ბარათაშვილის ხიდს და მგზავრებს ევროპის მოედანზე მიიყვანს. იგი გზას გორგასალისა და გულუას ქუჩებისკენ განაგრძობს და აბანოებთან გაჩერდება. ორთაჭალის გავლის შემდგომ, ავტობუსს მორიგი გაჩერებები ექნება დოდაშვილის მოედანზე და მეტროსადგურ „ისანთან“. ავტობუსი კახეთის გზატკეცილით ჯავახეთის ქუჩას დაუკავშირდება და მოძრაობას მეტრო „ვარკეთილთან“ დაასრულებს. ” – აღნიშნულია თბილისის მერიის მიერ გავრცელებულ ინფორმაციაში.

საპილოტე მარშრუტზე „მანის“ მარკის ავტობუსები ერთსაათიანი ინტერვალით და სტანდარტული – 50-თეთრიანი ტარიფით იმოძრავებენ. ამასთანავე, შეღავათიანი მგზავრობის ტარიფიც იმოქმედებს.

“ღამის ავტობუსს” შემდეგი გაჩერებები ექნება:

  • მეტროსადგური „ახმეტელის თეატრი“;
  • ფარნავაზ მეფის გამზირი (ჰიპერმარკეტი „გუდვილი“);
  • მტკვრის მარჯვენა სანაპიროს და გიორგი სააკაძის I გასასვლელის გადაკვეთა;
  • ვახუშტი ბაგრატიონისა და რაფაელ აგლაძის ქუჩების გადაკვეთა;
  • სტადიონი „დინამო არენა“;
  • დავით აღმაშენებლის გამზირი #106;
  • პირველი რესპუბლიკის მოედანი;
  • მეტროსადგური „თავისუფლების მოედანი“;
  • ნიკოლოზ ბარათაშვილის ქ. „კონკა“;
  • ევროპის მოედანი;
  • გორგასალის მოედინი – გორგასალის ქ. #1-თან
  • ვახტანგ გორგასალის ქ. #7 – აბანოებთან;
  • დოდაშვილის მოედანი;
  • მეტროსადგური „ისანი“;
  • მეტროსადგური „ვარკეთილი“



კახა კალაძე:"ქართულ ოცნებაში” ყოველთვის ხდება განახლება"


კალაძე კახათბილისის მერის, პარტია „ქართული ოცნების” გენერალური მდივნის  კახა კალაძის განცხადებით, პარტიაში ყოველთვის ხდება განახლება და ახალი სახეების მიღება, პარტიის კარი ღიაა ყველა იმ ადამიანისთვის, ვისი პროფესიონალიზმის გამოყენებაც შეიძლება ქვეყნის განვითარებაში.

„პარტიაში ყოველთვის ხდება განახლება, ყოველთვის ხდება ახალი სახეების შემოსვლა და მე, როგორც პარტიის გენერალური მდივანი, მივესალმები ყოველთვის პარტიაში ახალგაზრდების შემოსვლას, ახალი სისხლის შემოსვლას. ყოველთვის საჭიროა და ყველა განვითარებულ და ნორმალურ ქვეყანაში ასეა. ეს პროცესი დიდი ხანია მიდის, გუშინ არ დაწყებულა.  პირდაპირ გეტყვით, 2016 წლიდან ერთადერთი პოლიტიკური გუნდი არის „ქართული ოცნება”, რომელმაც რეალური განახლება მოახდინა და ახალი სახეები შემოიყვანა. ყველა ადამიანისთვის,  ვინც გამოადგება ჩვენს სამშობლოს, ვინც არის პროფესიონალი და მათი პროფესიონალიზმის გამოყენება შეიძლება ქვეყნის განვითარებაში, წინსვლაში, ასეთი ადამიანებისთვის პარტიის და ჩვენი გუნდის კარი ყოველთვის ღია იქნება”, – აღნიშნა  კალაძემ.




"ცეია ჰია" – რა საერთო აქვს ეტრუსკებს იბერიელებთან?


Похожее изображение

მალე ცეია ჰია  ეტნამ…

ციზ ვაკლ აისვალე, 

მალე ცეია ჰია ტრინთ

ეტნამ ციზ ალე.

მაოე ცეია ჰია ეტნამ,

ციზ ვაკლ ვიკლ ვალე,

ატაილე იტრიალე

ჰია ციზ ტრინთაშა…

ეს ეტრუსკული  ლოცვაა. მახვილ ყურს რატომ ესმის ქართული ხმები: ცელი ვლესე და ვერ გავლესე…

რატომ გვეცნობა  ეს “მალე”, “ცეია”, “აისვალე”,  “ალე”, “იტრიალე” – და რატომ გვოგნია, სვანს თუ მეგრელს, ქართლელს თუ ლაზს ვუსმენთ? რატომ ადევს ეტრუსკულ სიტყვებს ქართული ელფერი?

ეტრუსკები და იბერიელნი აპენინის მკვიდრნი იყვნენ…

…ფრესკაზე ტავერნაა, შემთვრალი ეტრუსკები ერთმანეთს გასძახიან:” ჰელლოუ, ლარგენა, დალიუს!”

–ეი, ლარგენა, დალიე!

ნუთუ, ასეა? შესაძლოა, ოცნებაც იყოს, რომელსაც საზღვარი არ აქვს… მაგრამ ვნახოთ, როგორია ეტრუსულ–ქართველური შეხვედრები:

ეტრ. teta – დიდედა – ქართ. დედა ( მეგრ. დიდა; სვან. დი, დიდელა; ჭან. დიდა)

nene – ძიძა – ქართ. ნანა, დედა, ნენე ( აჭარულად)

papa(l) – პაპა, ბაბაუა, – ქართ. პაპა (პაპალ)

cvil  –  ბავშვი, პირმშო – ქართ. ჩვილი

calu –– მკვდართ ღმეტღი – ქართ. კალ/კლ – მოკვლა

lupu – სიკვდილი – ქართ.  ლპ–ობ–ა

velta – მიწა, დედამიწა – ქართ. ველ –ველი

farfalio – პეპელა – ქართ.  ფარფალია (მეგრ.) – პეპელა, ფარფატი, ფარფალი.

Похожее изображение

ეტრუსკები თავის თავს რასენებს უწოდებდნენ, ძველი  ბერძნები კი  ტირენებად მოიხსენებდნენ. ეტრუსკებმა მაღალი ცივილიზაცია შქმნეს, დიდი წვლილი შიტანეს რომისა და იტალიის კულტურულ განვითარებაში. მცირერიცხოვანი  ერმი ლათინურ–რომაულ ეთნოსის ზეგავლენის შედეგად გაქრა. რომაელები აღიარებდნენ, რომ ეტრუსკებისგან მათ მემკვიდრეობად დარჩა მრავალი შენობა –ნაგებობა რომში, ასევე თეატრები,  სამთო საქმე, რკინის და კერამიკის დამუშავების დარგის  განვითარება,  ჭაობების გაშრობის ოსტატობა, ფერწერობისა და ძერწვის ხელოვნება.

ეტრუსკები ბრწყინვალედ ფლობდნენ მედიცინას, მათ განავითარეს თერმალუი წყლებით მკურნალობის ხერხები, ეწეოდნენ  კბილების  მკურნალობის და პროტეზირების პრაქტიკას.

www.premiumi.ge