ფრანც შუბერტი "სერენადა"


კლასიკური მუსიკა  ჩამოყალიბდა დასავლურ ლიტურგიულ და საერო მუსიკაზე დაფუძნებით. მისი განვითარების პერიოდი მოიცავს დაახლოებით ცხრა საუკუნეს,  XI საუკუნიდან – დღემდე. მუსიკის ამ ტიპის ძირითადი ტრადიციები ჩამოყალიბდა 1550-1900 წლებში.

https://www.youtube.com/watch?v=hrpW2nPAk5M




შვრიის ფანტელებში საშიში ნივთიერება გლიფოსატი აღმოაჩინეს


Похожее изображениеრა გაეწყობა, თანამედროვე სამყაროში თითქმის აღარ არსებობს უსაფრთხო საკვები, რაც ჩვეულებრივი შვრიის ფანტელების მაგალითზე ჩანს.

ექსპერტიზით დადგინდა, რომ შვრია გლიფოსატს შეიცავს. ეს საშიში ჰერბეციდია, რომელსაც სარეველა ბალახთან საბრძოლველად იყენებენ. ექსპერიმენტის ფარგლებში სხვადსახვა სავაჭრო ნიშნის შვრიის პროდუქტის 45 სახეობა შემოწმდა, მათ შორის შვრიის ფანტელები,შოკოლადის ბატონები და ჯანსაღი ცხოვრების წესის მიმდევართათვის განკუთვნილი მზა პროდუქტები. შედეგად 42 ნიმუშში გლიფოსატი აღმოაჩინეს. მეცნიერები ამტკიცებენ, რომ ჯანმრთელობისთვის შხამიანი ქიმიკატის გამოყენების რისკი კომპანია „მონსანტო“–მ (Monsanto) განგებ მიჩქმალა. გლობალური კორპორაციები ადამიანებს წამლავაენ და დიდ სარგებელს იღებენ.

ჯერ კიდევ 2015 წელს გლიფოსატი კანცეროგენულ ჰერბეციდად ცნეს. ბოლო კვლევების თანახმად, მისი შემცველობა შვრიის ფანტელებსა და მარცვლეულ ბატონებში დასაშვებ ნორმებს აჭარბებს. წესით კი, ეს ნივთიერება საერთოდ არ უნდა იყოს საკვებ პროდუქტებში.

ამგვარად მოსაზრება, რომ შვრიის ფაფის მირთმევა ჯანსაღი კვების მაჩვენებელია, სამწუხაროდ, მცდარია.




თბილისში საქართველო-ჩეხეთის ბიზნეს ფორუმი მიმდინარეობს


„საპარტნიორო ფონდის“ საინვესტიციო დეპარტამენტის დირექტორმა გიორგი დანელიამ ჩეხ ბიზნესმენებს ფონდთან თანამრომლობის პერსპექტივები გააცნო„საპარტნიორო ფონდის“ საინვესტიციო დეპარტამენტის დირექტორმა გიორგი დანელიამ  საქართველო-ჩეხეთის ბიზნეს ფორუმის მონაწილეებს „საპარტნიორო ფონდთან“ თანამშრომლობის პერსპექტივები გააცნო.

საქართველოსა და ჩეხეთის  სავაჭრო-სამრეწველო პალატების  ორგანიზებით თბილისში გამართულ ბიზნეს ფორუმზე გიორგი დანელია პრეზენტაციით წარდგა და ჩეხ ბიზნესმენებს „საპარტნიორო ფონდის“ საქმიანობის შესახებ ინფორმაცია მიაწოდა.

„საპარტნიორო ფონდის“ საინვესტიციო დეპარტამენტის დირექტორმა თავის გამოსვლაში საქართველოსა და ჩეხეთის ბიზნეს წრეებს შორის საქმიანი ურთიერთობების გაღრმავების, ორ ქვეყანას შორის საინვესტიციო და სავაჭრო პოტენციალის გამოყენებისა და საინტერესო ბიზნეს პროექტების განხორციელების შესაძლებლობების შესახებ ისაუბრა.

საქართველო-ჩეხეთის ბიზნეს ფორუმი საქართველოს სავაჭრო-სამრეწველო პალატის პრეზიდენტმა ნინო ჩიქოვანმა, საქართველოს ეკონომიკისა და მდგრადი განვითარების მინისტრის მოადგილე   ეკატერინე მიქაბაძემ,  ჩეხეთის რესპუბლიკის ინდუსტრიის და ვაჭრობის მინისტრმა  მარტა ნოვაკოვამ და ჩეხეთის რესპუბლიკის სავაჭრო პალატის ვიცე-პრეზიდენტმა  ბორივოჟ მინარმა გახსნეს.

ბიზნეს ფორუმის მიზანი  ორი ქვეყნის ბიზნეს წრეებს შორის საქმიანი კომუნიკაციის დამყარება და საქართველოსა და ჩეხეთს შორის ეკონომიკური თანამშრომლობისა და ვაჭრობის გაღრმავება იყო. ღონისძიების  ფარგლებში, გაიმართა ბიზნესის ორმხრივი შეხვედრები ქართულ და ჩეხურ კომპანიებს შორის.

ჩეხური მხრიდან ბიზნეს ფორუმზე წარმოდგენილი იყო 21 კომპანია შემდეგი სექტორებიდან: ინფრასტრუქტურა, ლოგისტიკა, სამედიცინო ტურიზმი, მანქანათმშენებლობა.  ღონისძიების ფარგლებში, ქართულ ბიზნეს-სექტორთან საქმიანი კომუნიკაციის დასამყარებლად საქართველოში ჩამოვიდნენ ისეთი  მსხვილი მწარმოებლები, როგორებიც არიან ŠKODA TRANSPORTATION a.s, ŠKODA ELECTRIC a.s და სხვა.  ქართული და ჩეხური კომპანიების წარმომადგენლებს საშუალება ჰქონდათ გაემართათ მოლაპარაკებები პოტენციურ-ბიზნეს პარტნიორებთან.

commersant.ge




მუნიციპალური პარკირების ადგილებს გაანთავისუფლებენ


Похожее изображениеთბილისში 2019 წლიდან პარკირების ახალი მოდელი ამოქმედდება, რომელიც მერიამ სატრანსპორტო პოლიტიკის ფარგლებში შეიმუშავა. კახა კალაძის თქმით, ახალი მოდელი ზონალურ პარკირებას ითვალისწინებს, რაც კანონპროექტის სახით უკვე მომზადებულია და გადავუგზავნით პარლამენტს. კახა კალაძემ პარლამენტს კანონპროექტის მხარდაჭერა სთხოვა.

 

„ამ კონკრეტულ პროექტთან დაკავშირებით არსებობს პრობლემები. ხშირია შემთხვევები, როდესაც კერძო პირებს, ხშირ შემთხვევაში, ე.წ. სტაიანშიკებს, მიმდებარე ტერიტორიებზე მიზანმიმართულად აქვთ ჩაკეტილი საპარკინგე ადგილები. ეს  მუნიციპალური საპარკინგე ადგილებია, რომლითაც უნდა ისარგებლოს თითოეულმა ჩვენგანმა, ამ ქალაქში მცხოვრებმა ადამიანებმა, ვინც მართლა იხდის პარკინგის საფასურს. ამ კერძო პირებს მიზანმიმართულად  აქვთ ჩაკეტილი  საპარკინგე ადგილები და იყენებენ სათავისოდ. ეს მიდგომა კატეგორიულად მიუღებელია…

ადამიანებს, ვინც მართლა პატიოსნად იღებენ პარკირების წლიურ აბონიმენტს, ელემენტარულად იმის საშუალება არ აქვთ, რომ ავტომობილები გააჩერონ.  იმოქმედეთ კანონის ფარგლებში. კანონით, ეს არის ჩვეულებრივი სამართალდარღვევაა“, – განაცხადა თბილისის მერმა.




ცხოველების წამებისთვის სასჯელი შესაძლოა გამკაცრდეს


Картинки по запросу дворнягаთბილისის მერიამ შსს–თან ერთად  ცხოველებისადმი სასტიკი მოპყრობის ფაქტების გახშირების გამო, საკანონმდებლო პაკეტი მოამზადა. 

“ბოლო პერიოდში ცხოველებისადმი სასტიკი მოპყრობის რამდენიმე ფაქტი დაფიქსირდა, მათ შორის იყო როგორც ცივი იარაღით, ასევე კისტის თოფითა და ცეცხლსასროლი იარაღით ჩადენილი დანაშაულის შემთხვევები. ცხოველთა მონიტორინგის სააგენტოს ვეტერინარებმა შეძლეს არაერთი ცხოველის გადარჩენა, თუმცა, ზოგიერთი შემთხვევა მსხვერპლით დასრულდა და ვერც დამნაშავის დასჯა მოხერხდა.

სწორედ ასეთი შემთხვევების გამო, ცხოველთა მონიტორინგის სააგენტოს ინიცირებითა და შინაგან საქმეთა სამინისტროსთან თანამშრომლობით, მომზადდა საკანონმდებლო ცვლილებათა პაკეტი, რომელიც სრულებით ეხმიანება დღეს არსებულ გამოწვევებს და ითვალისწინებს სასჯელის გამკაცრებას ცხოველისადმი სასტიკი მოპყრობისა და მათი მოკვლის შემთხვევაში”, – განაცხადა კახა კალაძემ.

დაზუსტდა ქმედებათა ჩამონათვალი, რომელთაგან ნაწილი დაექვემდებარა სისხლისსამართლებრივ პასუხისმგებლობას, ხოლო ნაწილი – ადმინისტრაციულ-სამართლებრივ პასუხისმგებლობას.

ცვლილებათა პაკეტის მიხედვით, ცხოველის წამებისა და სასტიკი მოპყრობის შემთხვევაში გათვალისწინებული იქნება სასჯელის შემდეგი სახეები – საზოგადოებისთვის სასარგებლო შრომა, შინაპატიმრობა, ჯარიმა, თავისუფლების აღკვეთა, ვადით 1 წლამდე. არასრულწლოვანის მიერ ჩადენილი მსგავსი დანაშაულის შემთხვევაში, განისაზღვრა მშობლის ან კანონიერი წარმომადგენლის პასუხისმგებლობა.

“მივმართავ პარლამენტს, მხარი დაუჭიროს აღნიშნულ კანონპროექტს, რადგან მხოლოდ რეგულაციებით იქნება შესაძლებელი პირველ რიგში ცხოველების გადარჩენა და მეორეც – ადამიანების ქცევის შეცვლა. ჩვენ არ ვართ და არ უნდა ვიყოთ უმწეო ცხოველების მკვლელი საზოგადოება”, – განაცხადა კახა კალაძემ.




თბილისობა 6–7 ოქტომბერს გაიმართება


Картинки по запросу თბილისობათბილისობა წელს 6-7 ოქტომბერს გაიმართება. თბილისის მერიის გადაწყვეტილებით, თბილისობა სამომავლოდ ყოველი წლის ოქტომბრის პირველ შაბათ-კვირას გაიმართება. ამის  შესახებ თბილისის მერმა, კახა კალაძემ დედაქალაქის მთავრობის დღევანდელ სხდომაზე განაცხადა.

“არაერთხელ გამოითქვა მოსაზრება, რომ თბილისობის თარიღი იყოს ფიქსირებული, განსაკუთრებით გვთხოვენ ტურისტული კომპანიები და მინდა განვაცხადო, რომ ამიერიდან თბილისობის დღესასწაული ყოველთვის გაიმართება ოქტომბრის პირველ შაბათ-კვირას,” – განაცხადა კახა კალაძემ.

დედაქალაქის მერმა შემოდგომაზე დაგეგმილ სხვა ღონისძიებებზეც ისაუბრა. მისი თქმით, თბილისს ქეთი მელუა და Tiger Lillies-ი ესტუმრებიან. დედაქალაქში უკვე ჩამოვიდა მიხეილ ბარიშნიკოვი.




„ე.წ. ოთხოზორია-ტატუნაშვილის სიაში მოხვედრილ პირებს აშშ-მა შესაძლოა სანქციები დაუწესოს“


Похожее изображение
საქართველოს საგარეო საქმეთა მინისტრმა დავით ზალკალიანის თქმით .ე.წ. ოთხოზორია-ტატუნაშვილის სიაში მოხვედრილ პირებს ამერიკის შეერთებულმა შტატებმა შესაძლოა სანქციები დაუწესოს. 
როგორც ზალკალიანი აცხადებს, აღნიშნულის შესახებ საუბარია საქართველოს მხარდამჭერ აქტში, რომელიც უკვე ინიცირებული გახლავთ.

„ეს არის რეზოლუცია, რომელიც აშშ-ს კონგრესის წარმომადგენელთა მიერ არის ინიცირებული. მას უკვე აქვს რამდენიმე კონგრესმენის მხარდაჭერა და ეს მხარდაჭერა იმედია მომავალშიც გაგრძელდება. ეს კიდევ ერთი დასტურია, რომ აშშ-სთვის საქართველოს ტერიტორიული მთლიანობა და არაღიარების პოლიტიკა არის ძალიან მკაფიო და ფაქტობრივად გზავნილი ყველას მიმართ, ვინც კი შეეცდება ოკუპირებულ ტერიტორიებთან რაიმე სახის ურთიერთობა დაამყაროს. ამიტომ, ვფიქრობთ, რომ ეს ერთგვარად გაგრძელებაა იმის, რომ 2017-18 წლების ასიგნებათა აქტში, რომელიც საკანონმდებლო დოკუმენტია, არის მკაფიო ჩანაწერი არაღიარებასთან და ოკუპირებულ ტერიტორიებთან მიმართებაში.

ჩვენ გვაქვს აქტიური მხარდაჭერა და პრემიერის ვიზიტის ფარგლებში, ბუნებრივია საუბრის ერთ-ერთი მთავარი იქნება საქართველოს ტერიტორიებზე არსებული სიტუაცია. არსებობს ასევე საქართველოს მხარდამჭერი აქტი, რომელიც ინიცირებულია და ძლიერი რეზოლუციაა. გარკვეული პროცედურებია საჭირო ამ რეზოლუციის გასასვლელად, რომელშიც საუბარია „ოთხოზორია -ტატუნაშვილის სიაზე“ და შესაძლო ფინანსურ შეზღუდვებზე იმ ადამიანებთან დაკავშირებით, ვინც მოხვედრილი არიან ამ სიაში“, – განაცხადა ზალკალიანმა.




საქართველოში შიდსით 7220 ადამიანია ინფიცირებული


Похожее изображениеმიმდინარე წლის 12 სექტემბრის მონაცემებით, ინფექციური პათოლოგიის, შიდსის და კლინიკური იმუნოლოგიის ცენტრში რეგისტრირებულია 7220 აივ ინფიცირებული პირი.

ინფიცირებულთა 5401 მამაკაცია და 1819 ქალი. პაციენტთა უმრავლესობა 29-დან 39 წლამდეა. შიდსი 3786 პაციენტს განუვითარდა. მათ შორის 1477 გარდაიცვალა.

რეგისტრირებულ შემთხვევათა განაწილება გადაცემის გზების მიხედვით ასეთია: 40.6 % (2924) – ნარკოტიკების ინექციური მომხმარებელია; 45.9 % (3305) – დაინფიცირდა ჰეტეროსექსუალური კონტაქტის შედეგად; 10.9 % (781) – მამაკაცები რომელთაც სექსი აქვთ მამაკაცთან; 1.4 % (101) – დაინფიცირდა ვერტიკალური გადაცემის გზით; 0.5 % (36) – სისხლის რეციპიენტია; 0.7 % (48) – გადაცემის გზა დაუდგენელია.

აივ ინფიცირების ყველაზე მეტი შემთხვევა რეგისტრირებულია თბილისში (2630 შემთხვევა, მათგან 87 უცხოეთის მოქალაქეა 2 დაუდგენელი); სამეგრელოში 919 (აქედან ზუგდიდი – 605); შემდეგ იმერეთში 898 (ქუთაისი 436); აჭარაში 814 (ბათუმი – 512); აფხაზეთში (455); კახეთში (350) ქვემო ქართლში (375); შიდა ქართლში (271); გურიაში (153); ფოთში (110); სამცხე-ჯავახეთში (100) და ა.შ.

ბოლო წლებში აივ ინფექცია/შიდსის ახალ შემთხვევათა ანალიზი გვიჩვენებს, რომ აღინიშნება ახალ შემთხვევათა სტაბილური ზრდის ტენდენცია: 2008 წელს – 351; 2009 წელს – 385; 2010 წელს – 455, 2011 წელს – 424; 2012 წელს – 526; 2013 წელს – 490; 2014 წელს – 564; 2015 წელს – 717; 2016 წელს – 719; 2017 წელს – 631.

  • 2018 წლის 12 სექტემბრის მონაცემებით დაფიქსირებულია – 458 ახალი შემთხვევა. შარშან შესაბამის პერიოდში გამოვლინდა 433 ახალი შემთხვევა.
  • 2018 წელს გარდაიცვალა 97 აივ ინფიცირებული. ხოლო 2017 წელს გარდაიცვალა 127.
  • 2016 წელს – 168, 2015 წელს – 94, 2014 წელს – 84 პირი, 2013 წელს – 96 პირი, 2012 წელს – 109, 2011 წელს – 116.
  • 2018 წელს გარდაცვლილთაგან: 77 მამაკაცია 20 ქალი.

სულ საქართველოში გამოვლენილია 109 აივ ინფიცირებული ბავშვი. მათ შორის 68 ვაჟი და 40 გოგონა. 27 გარდაიცვალა. 3 ქვეყნიდან გავიდა. საქართველოს მოქალაქეებისთვის აივ ტესტირება და მკურნალობა უფასოა.




"ახალმა პრეზიდენტმა ყველა ქვეყანაში უნდა თქვას, რომ რუსეთი თავს დაესხა საქართველოს"


„მე პატივს ვცემ ინსტიტიტს, რომლისთვისაც 5 წელი ვიბრძოდი. ბევრი ბრძოლა წაგებული აღმოჩნდა, მათ შორის ეროვნულ საბჭოსთან დაკავშირებით. რთულია სიტუაცია სასამართლოებთან დაკავშირებით. მას მოუწევს ადვოკატირება საქართველოსი და უნდა თქვას ყველა ქვეყანაში, რომ რუსეთი თავს დაესხა საქართველოს. ეს არ უნდა გამართლდეს. ნებისმიერი, ვინც ამას გაამართლებს, არის ისტორიის ბნელ მხარეს, ის არის რუსეთის მხარეს. პრეზიდენტი არის უმაღლესი მთავარსარდალი და ჯარისკაცებმა უნდა იცოდნენ, რომ მათ იარაღი უჭირავთ და იცავენ მოქალაქეებს, როცა ისინი იბრძვიან, მათ ბრძოლას კითხვის ნიშნის ქვეშ არავინ დააყენებს”, – განაცხადა საერთაშორისო კონფერენციაზე “მსოფლიო თავდაყირა – 2018” სიტყვით გამოსვლისას.

 




"ჩვენი მიზანია არ მოხდეს კანაფის კულტივაცია ისე, რომ ამან რისკები შექმნას"


Картинки по запросу მამუკა ბახტაძე მარიხუანადღეს პრემიერ–მინისტრმა  ექსპორტის მიზნით კანაფის მოყვანა-წარმოების საკითხთან დაკავშირებით მთავრობის სხდომის დაწყებამდე გამართულ ბრიფინგზე ისაუბრა.

პრემიერ–მინისტრის განცხადებით, იმისთვის, რომ არ დაზარალდეს საზოგადოებრივი ინტერესი და უსაფრთხოება, მნიშვნელოვანია შსს-ს მიერ კანაფის მოხმარებაზე შემუშავებული კანონპროექტის დროული განხილვა, რათა სამართალდამცველებს კანაფის მოხმარების კონტროლის ეფექტური ბერკეტი ჰქონდეთ. მისი თქმით, რაც შეეხება ლიცენზიას და სხვა ნიუანსებს მთავრობის პოზიცია ამ მიმართულებითაც მკაცრი რეგლამენტირებაა.

“კანონპროექტის მიხედვით, მკაცრად დარეგულირდება და დაისჯება კანაფის მოხმარება საზოგადოებრივი თავშეყრის ადგილებში, საზოგადოებრივ ტრანსპორტში, არასრულწლოვანთა თანდასწრებით, სასწავლო დაწესებულებებისი სიახლოვეს, სამსახურებრივი მოვალეობის შესრულების დროს. ამავე დროს ეს რეგულაცია შეეხება საჯარო მოხელეებს, პედაგოგებს, ექიმებს და სხვადასხვა პროფესიის წარმომადგენლებს.  ასევე დაისჯებიან ის ადამიანები, რომლებიც შეეცდებიან, რომ მოახდინონ კანაფის მოხმარების პოპულარიზაცია 21 წლამდე პირებში. მინდა ხაზგასმით აღვნიშნო, რომ გამკაცრდება პასუხისმგებლობა მოხმარების პოპულარიზაციის და რეკლამირებისთვის.

შეგახსენებთ, რომ კანაფის გასაღება კვლავ სისხლის სამართლის დანაშაულად რჩება. რაც შეეხება კანაფის მოყვანას და წარმოებას სამედიცინო მიზნით ექსპორტზე გასატანად – ეს არის რეგულაციის ის ნაწილი, რომელიც მკაცრად რეგლამენტირებული იქნება, რათა მაქსიმალურად თავიდან იქნეს აცილებული ქაოტური და კანონსაწინააღმდეგო პროცესი” – განაცხადა პრემიერმინისტრმა მამუკა ბახტაძემ.

პრემიერმა დასძინა, რომ მთავრობის მიზანია, რომ არ მოხდეს კანაფის კულტივაცია ისე, რომ ამან რისკები შექმნას.

„მცენარე კანაფის კონტროლის შესახებ“ კანონპროექტსა და სხვა თანმდევ კანონებში ცვლილებების პროექტის დღეს მთავრობის სხდომაზე განიხილავენ.  როგორც პრემიერმა აღნიშნა, მარიხუანას მოხმარებასთან დაკავშირებით საკონსტიტუციო სასამართლოს გადაწყვეტილების შემდეგ ქვეყანა ახალი სამართლებრივი რეალობის წინაშე დადგა, მარიხუანას მოხმარება პირად სივრცეში აღარ ითვლება დანაშაულად და არც ადმინისტრაციულ სამართალდარღვევად.

როგორც გუშინ შსს-ში განმარტეს, მთავრობა განიხილავს ექსპორტზე გასატანად სამედიცინო და კოსმეტიკური მიზნით, კანაფის მოყვანა-წარმოების საკითხს. შსს-ს ცნობით, მთავრობის მიერ მარიხუანასთან დაკავშირებით ინიცირებული საკანონმდებლო ცვლილებები ითვალისწინებს მარიხუანის გასაღების მკაცრ შეზღუდვას.

კერძოდ, იმ შემთხვევაშიც კი, თუ საქართველო კანაფის ექსპორტიორი გახდება, მისი გასაღება ქვეყანაში ისევ სისხლის სამართლის დანაშაული იქნება და ამ მიმართულებით შსს მიერ მომზადებული პროექტი მკაცრ შეზღუდვებს აწესებს. განმარტება შსს–ში მას შემდეგ გაკეთდა, რაც ამ ახალმა ამბავმა საზოგადოებაში აზრთა სხვადასხვაობა გამოიწვია.

 

 

30 ივლისს საკონსტიტუციო სასამართლომ პარტია „გირჩის“ წევრების სარჩელი დააკმაყოფილა, რითაც კანაფის მოხმარებისთვის ადმინისტრაციული სასჯელი გააუქმა.საკონსტიტუციო სასამართლომ კანაფის მოხმარებაზე სისხლის სამართლის პასუხისმგებლობა 2017 წლის 30 ნოემბერს გააუქმა.

იმავდროულად საკონსტიტუციო სასამართლოს გადაწყვეტილების ფონზე შსს-მ კანაფის მავნე ზეგავლენის წინააღმდეგ ახალი რეგულაციები მოამზადა.