"23 ნოემბერი მოდის და ქართველი ხალხი უნდა დაირაზმოს"


Картинки по запросу სააკაშვილისაქართველოს ექს–პრეზიდენტი მიხეილ სააკაშვილი „ფეისბუქლაივში“ პროპორციულ საარჩევნო სისტემაზე გადასვლასთან დაკავშირებით საპარლამენტო უმრავლესობის მიერ მომზადებული საკონსტიტუციო ცვლილებების კენჭისყრაზე ჩავარდნას გამოეხმაურა.

„როგორც მოსალოდნელი იყო, ივანიშვილმა ყველა გადააგდო და გააცუცურაკა. ერთი რამე ვიცი, მოდის გიორგობის დღესასწაული, 23 ნოემბერი და ქართველი ხალხი უნდა დაირაზმოს, გააკეთოს მშვიდობიანი მობილიზაცია. ამ რეჟიმს აღარანაირი ლეგიტიმაცია არ აქვს, ასე რომ, ყველაფერი ჩვენზეა დამოკიდებული. ძალა ერთობაშია, ყველაფერი გამოგვივა“, – აღნიშნა სააკაშვილმა.

 




საპენსიო ასაკს მიღწეული პედაგოგების პენსიაზე გასვლის მეორე ეტაპი იწყება


Похожее изображениеსაპენსიო ასაკს მიღწეული პედაგოგების პენსიაზე გასვლის მეორე ეტაპი იწყება.

მთავრობის მეთაურის თქმით, მეორე ეტაპის სრული დაფინანსება უკვე არსებობს. პრემიერ–მინისტრმა ხაზი გაუსვა, რომ პროექტის პირველი ეტაპი იყო წარმატებული და მასში 6 450-მა მასწავლებელმა მიიღო მონაწილეობა.

„პროექტის მეორე ეტაპი 2019 წლის ბოლომდე დასრულდება. რამაც, რა თქმა უნდა, ხელი უნდა შეუწყოს განათლების სისტემაში როგორც ახალგაზრდა პედაგოგების გამოჩენას, ასევე ჩვენი ღირსეული და ღვაწლმოსილი მასწავლებლების შემდგომ პენსიაზე ღირსეულად გაშვებას. ეს ძალიან მნიშვნელოვანი პროექტია და დარწმუნებული ვარ, რომ ის, რაც დაწყებული იყო ასევე იმ ძალზედ ეფექტურ, ღირსეულ და  წარმატებულ გუნდთან ერთად, გაგრძელდება უახლოესი თვეებისა და წლების განმავლობაში“, – განაცხადა გიორგი გახარიამ.

რას სთავაზობს სახელმწიფო პენსიონერ პედაგოგებს, უფრო ვრცლად შეგიძლიათ ამ ბმულზე წაიკითხოთ.




2020 წლის არჩევნები 3%-იანი ბარიერით, ბლოკებითა და შერეული სისტემით ჩტარდება


Картинки по запросу თალაკვაძე არჩილპარლამენტის თავმჯდომარის  არჩილ თალაკვაძის  განაცხადებით 2020 წლის არჩევნები ჩატარდება 3%-იანი ბარიერით, ბლოკებითა და შერეული სისტემით.

არჩევნების პროპორციული წესით ჩატარებაზე დეპუტატების ხმები არ აღმოჩნდა საკმარისი.

„2020 წლის არჩევნების პროპორციული წესით ჩატარებაზე დღეს შედგა პარლამენტში კენჭისყრა და მიუხედავად იმისა, რომ უმრავლესობის ბევრმა დეპუტატმა მხარი დავუჭირეთ, ასევე ოპოზიციის წევრებმა მხარი დაუჭირეს, ხმები არ აღმოჩნდა საკმარისი. შესაბამისად, ეს გადაწყვეტილება პარლამენტის მიერ არ არის მიღებული რაც ნიშნავს იმას, რომ 2020 წლის არჩევნები ჩატარდება 3%-იანი ბარიერით, ბლოკებითა და შერეული სისტემით, რაც ნიშნავს პროპორციულ და მაჟორიტარული მექანიზმის გამოყენებას 2020 წლის არჩევნებში. ეს გადაწყვეტილება მიიღო პარლამენტმა, კენჭისყრის შედეგები არის ხელმისაწვდომი საზოგადოებისთვის“,- განაცხადა თალკვაძემ.

პარლამენტის თავმჯდომარის თქმით, მიუხედავად იმისა, რომ მმართველი პარტიის თავმჯდომარემ ორი სხდომა გამართა და მოუწოდა დეპუტატებს, მხარი დაეჭირათ პროპორციული სისტემის გადაწყვეტილებისთვის, საკმარის ხმების მობილიზება სხდომაზე ვერ მოხერხდა.

„ბიძინა ივანიშვილი გამოვიდა ამ ინიციატივით. მან ყველაფერი გააკეთა, რომ ყოფილიყო ხმების მობილიზება უმრავლესობაში, როდესაც ჩვენ გვქონდა საკონსტიტუციო უმრავლესობა, ამ გადაწყვეტილებას მხარი დავუჭირეთ და შევძელით ამის მიღება. ამჯერად, მიუხედავად იმისა, რომ პარტიის თავმჯდომარემ უმრავლესობის ორი სხდომა ჩაატარა და მოუწოდა დეპუტატებს, მხარი დაეჭირათ პროპორციული სისტემის გადაწყვეტილებისთვის, საკმარის ხმების მობილიზება სხდომაზე ვერ მოხერხდა. ეს ხმები არ აღმოჩნდა საკმარისი გადაწყვეტილების მისაღებად“,- აღნიშნა არჩილ თალაკვაძემ.

პროპორციულ საარჩევნო სისტემაზე გადასვლასთან დაკავშირებით საპარლამენტო უმრავლესობის მიერ მომზადებულმა საკონსტიტუციო ცვლილებებმა პარლამენტში პირველი მოსმენით კენჭისყრაზე ხმების საკმარისი რაოდენობა ვერ მიიღო. საკითხზე თავისუფალი კენჭისყრა ჩატარდა. საკონსტიტუციო ცვლილების მისაღებად 113 დეპუტატის მხარდაჭერა იყო საჭირო. მმართველი გუნდის მიერ მომზადებულ კონსტიტუციურ პროექტს კი, 101 დეპუტატმა დაუჭირა მხარი, სამი წინააღმდეგი იყო.




ვიეტნამში უიშვიათესი „თაგვირემი“ დააფიქსირეს


პირველად ბოლო 30 წლის განმავლობაში, ჩრდილო-დასავლეთ ვიეტნამის ჯუნგლებში უიშვიათესი სახეობის, ირმის მსგავსი პატარა ცხოველი შენიშნეს, რომელიც გადაშენების პირას არის მისული.

ვერცხლისფერზურგა ირმულა, იგივე ვიეტნამური თაგვირემი ბოლოს 1990 წელს არის დაფიქსირებული.

ეს სახეობა, Tragulus versicolor-ი, პირველად 1910 წელს აღწერეს ვიეტნამის ქალაქ ნიაჩანგის სიახლოვეს გამოჩენილი რამდენიმე ეგზემპლარის საფუძველზე. 1990 წლის შემდეგ ეს ცხოველი აღარავის უნახავს და ექსპერტების აზრით, ნადირობის გამო ის გადაშენების პირას არის მისული.

თუმცა, ვიეტნამელი ბიოლოგი, ველური ბუნების გლობალური კონსერვაციის ფონდის წარმომადგენელი ან ნუიენი ვერცხლისფერზურგა ირმულას წლების განმავლობაში ეძებდა და სჯეროდა, რომ სადმე წააწყდებოდა.

ორ კოლეგასთან და სოფლის ადგილობრივ მცხოვრებლებთან ერთად, ის იმ ადგილებისკენ გაეშურა, სადაც ხალხი ამ ცხოველის ნახვის შესახებ იუწყებოდა. ტყეში მათ 30 ფოტოხაფანგი დაამონტაჟეს.

„შედეგი უბრალოდ გასაოცარი აღმოჩნდა. თვალებს არ ვუჯერებდი, როდესაც კამერები გავხსენით და დავინახე ირმულები ვერცხლისფერი ზურგით“, — ამბობს ნუიენი.

მკვლევართა თქმით, ის ფაქტი, რომ მათ ირმულები ასე ადვილად დააფიქსირეს, სულაც არ ნიშნავს იმას, რომ ისინი მომრავლდნენ და საფრთხის ქვეშ აღარ არიან. მოსახლეობის ზრდის გამო, სამხრეთ-აღმოსავლეთ აზიაში ტყეების მდგომარეობა სავალალოა, რაც უდიდეს საფრთხეს უქმნის იქ გავრცელებულ ცხოველებსაც.

2019 წლის მაისში, გაერო-ს ბიომრავალფეროვნების მთავრობათშორისი პლატფორმის ექსპერტებმა გამოსცეს გარდამტეხი მოხსენება, რომელშიც იუწყებიან, რომ ადამიანთა საქმიანობის გამო, პლანეტაზე დაახლოებით მილიონ სახეობას გადაშენების საფრთხე ემუქრება.

კვლევა ჟურნალ Nature Ecology and Evolution-ში გამოქვეყნდა.

მომზადებულია Agence France-Presse-ის მიხედვით

1tv.ge




"გირჩის" წევრისთვის წესის აგების საკითხს სინოდის სხდომაზე განვიხილავენ


Картинки по запросу кадилоსამტრედიაში, ავტოავარიისას გარდაცვლილი  24 წლის შაკო ბარამიძე წესის აგების გარეშე დაკრძალეს.

როგორც მისმა ოჯახმა დღეს განაცხადა, ისინი კატეგორიულად ემიჯნებიან პოლიტიკური ორგანიზაცია “გირჩის” მიერ გავრცელებულ ინფორმაციას, თითქოს ოჯახმა დაკრძალვის თარიღი გადადო იმის მოლოდინში, რომ იპოვიდა სხვა მოძღვარს, რომელიც თანხმობას განაცხადებდა მიცვალებულისათვის წესის აგებაზე.

ხონისა და სამტრედიის მიტროპოლიტი საბა აცხადებს, რომ შაკო ბარამიძისთვის წესის აგებასთან დაკავშირებით სინოდზე იმსჯელებენ, წესის აგება კი დასაფლავების დღესაც, მეორმოცე დღეს და წლისთავზეც შეიძლება.

მეუფე საბას განმარტებით, „გირჩსა“ და სხვა რელიგიურ ორგანიზაციებში გაწევრიანება ეკლესიის სივრციდან ავტომატურად გასვლას ნიშნავს. 

„როგორც „გირჩმა“ გასცა ბრძანება შემდგომ, რომ ახალგაზრდა უკვე არ არის ჩვენი წევრი და ეკლესიამ წესი აუგოს, ეს უკუპროცესი ასე არ ხდება. საბუთის გაცემა, რომ ის აღარ არის ჩვენი წევრი, ავტომატურად არ ნიშნავს, რომ ის ეკლესიაში დაბრუნდა. ეკლესიაში დაბრუნებას თავისი წესი აქვს – ან სინანულით, სხვა ლოცვების წაკითხვით და ასე შემდეგ, ხდება ადამიანის ეკლესიის წიაღში მიღება. თუ ადამიანი ეკლესიის სივრციდან არის გასული, მისთვის ეკლესია ვერნაირ მსახურებას ვერ ასრულებს ეკლესიაში. რადგან დადასტურდა, რომ ახალგაზრდა ამ ორგანიზაციაში იყო გაწევრიანებული და მას ქონდა საბუთი, რომ ის არის გირჩის წევრი და მღვდელმთავარი, ამან შემიზღუდა შესაძლებლობა მისთვის წესი ამეგო”- განაცხადა მეუფე საბამ.

მისი თქმით, მან სიტუაცია ოჯახს აუხსნა და შეპირდა, რომ ამ საკითხს სინოდზე დააყენებდა.

უფრო ადრე „გირჩმა“ განაცხადა, რომ წინა კვირის სამშაბათს, ავტოავარიაში დაიღუპა სამტრედიის რაიონში მცხოვრები, “ბიბლიური თავისუფლების” მღვდელმსახური, 24 წლის შაკო ბარამიძე. მათი მტკიცებით, ოჯახს სურს შაკოს მართლმადიდებლური წესით დაკრძალვა. მიცვალებულისთვის წესის ასაგებად ოჯახმა რამდენიმე ადგილობრივ სასულიერო პირს მიმართა, მაგრამ უარი მიიღო.




ახალგორისა და პერევის გამშვები პუნქტების საკითხი კვლავ ღია რჩება


Картинки по запросу შეხვედრა ერგნეთშიერგნეთში მე-7 ტექნიკური შეხვედრა დასრულდა. ჩორჩანასთან განვითარებულ მოვლენებსა და გამშვები პუნქტების გახსნის აუცილებლობაზე მხარეები 3 საათის განმავლობაში მსჯელობდნენ.

მხარეების პოზიციები კვლავ უცვლელია: დეფაქტო ცხინვალი საპოლიციო საგუშაგოს აღებას ითხოვს, ქართული მხარე კი აცხადებს, რომ მისი დემონტაჟი არ განიხილება. კვლავ ღია რჩება ახალგორისა და პერევის გამშვები პუნქტების საკითხი,ისევე როგორც წინა შეხვედრაზე, მხარები მხოლოდ დიალოგის გაგრძელების აუცილებლობაზე თანხმდებიან.

„პოზიციები უცვლელი იყო. ჩვენ ველოდებოდით ცხინვალელი მონაწილეებისგან მეტად კონსტრუქციულ პოზიციას. კიდევ ერთხელ განვაცხადეთ ის შეთავაზებები, რომლებიც აუცილებელად ხელს შეუწყობს ადგილზე სიტუაციის ნორმალიზებას. სამწუხაროდ, ჩვენი პოზიციები კვლავ არ დაემთხვა ერთმანეთს. ვისაუბრეთ ჩორჩანას მიმდებარე ტერიტორიასთან განვითარებულ მოვლენებზე. მათ გადასასვლელების ჩაკეტვა პირდაპირ დაუკავშირეს ჩორჩანას მოვლენებს. კვლავ დავაყენეთ საკითხი გადასასვლელების დაუყოვნებლივ აღდგენის შესახებ. პასუხი ამჯერადაც  უცნობია.

ასევე გვქონდა საუბარი დაკავებულების მდგომარეობის შესახებ. გვითხრეს, რომ ჯანმრთელობის მდგომარეობა არის დამაკმაყოფილებელი. უკანონო პატიმრობიდან გათავისუფლებაზე განაცხადეს, რომ გადიან ე.წ. პროცედურებს და ზუსტ დროს გვეტყვიან მოგვიანებით. ჩვენ შევთანხმდით ერთ რამეზე, აუცილებელია, დიალოგი გაგრძელდეს“, – განაცხადა სუს-ის ანალიტიკური დეპარტამენტის დირექტორის მოადგილემ ირაკლი ანთაძემ.

რაც შეეხება კოდისწყაროდან გატაცებულებს, ანთაძის ინფორმაციით, მათი ჯანმრთელობის მდგომარეობა დამაკმაყოფილებელია და ე.წ. პროცედურების დასრულების შემდეგ, მათი გათავისუფლების დრო დაზუსტდება.

მომდევნო შეხვედრა ერგნეთში დეკემბერში გაიმართება, ზუსტ თარიღზე მხარეები ცხელი ხაზის მეშვეობით შეთანხმდებიან. პარალელურად გაგრძელდება მოლაპარაკებები ინცინდენტების პრევენციისა და მათზე რეაგირების მექანიზმის ფარგლებში სამუშაო შეხვედრების ფორმატის აღდგენაზე, რადგან უკვე სამი თვეა მხარეები ვერ მსჯელობენ ვერც უსაფრთხოების და ვერც ჰუმანიტარულ საკითხებზე, რაც მოსახლეობისთვის უდიდეს მნიშვნელობას წარმოადგენს.




"არავის მივცემთ უფლებას, რომ გეიპროპაგანდა იყოს საქართველოში"–სანდრო ბრეგაძე


Похожее изображение„ქართული მარში“ ფილარმონიასთან 16:00 საათზე ფილმის „და ჩვენ ვიცეკვეთ“ პრემიერის ჩაშლის მიზნით შეიკრიბება.

ორგანიზაციის ლიდერმა აღნიშნა , რომ ყველა კინოთეატრის ბლოკირებას გეგმავენ, თუმცა გამორიცხავენ ძალადობრივ დაპირისპირებას.

სანდრო ბრეგაძე საქართველოს მოსახლეობას ჰპირდება, რომ ფილმის პრემიერა არ შედგება.

„ამ ფილის ჩვენება არ მოხდება. ვიმოქმედებთ მშვიდობიანად. გვაქვს ინფორმაცია, რომ აპირებენ პროვოკაციების შემოგდებას და ძალადობრივი ქმედებების განხორციელებას. ადამიანები, რომლებიც ამას აპირებენ, დარჩნენ სახლში. ჩვენ ვართ შიშველი ხელებით, მაგრამ გვაქვს მეთოდები, რომლითაც ჩავშლით ამ გარყვნილი ფილმის ჩვენებას. არ მივცემთ კინოს ადმინისტრაციას ფილმის ჩვენების საშუალებას. გავაკეთებთ ბლოკირებას, არ შევუშვებთ შენობაში. ეს არ იქნება ძალადობრივი გზით.

ვიქნებით ძალიან ბევრი. საპატრულო პოლიციას და არც ერთ უწყებას არ აქვს უფლება, მშვიდობიან დემონსტრანტს აუკრძალოს გამოხატვის ფორმა.  არავის მივცემთ უფლებას, რომ გეიპროპაგანდა იყოს საქართველოში. მივდივართ შიშველი ხელებით, ყოველგვარი ძალადობის გარეშე.  ვიქნებით კინოთეატრის მიმდებარე ტერიტორიაზე, გავაკეთებთ ჯაჭვს და სირცხვილის კორიდორს, რომლის გავლაც მოუწევს ფილმის მესვეურებს. მცირე ჯგუფი წავა სხვადასხვა კინოთეატრებსა და ბათუმშიც მოხდება ამ ფილმის ჩაშლა“, – განაცხადა სანდრო ბრეგაძემ.

„ქართული მარშის“ გარდა, ბავშვთა უფლებების დაცვის საზოგადოების თავმჯდომარე გურამ ფალავანდიშვილი 8 ნოემბერს ყველა იმ კინოთეატრთან მობილიზებას გეგმავს, სადაც ფილმის „და ჩვენ ვიცეკვეთ“ პრემიერა უნდა გაიმართოს.

მთავარი პროტესტის ობიექტად კი აქტივისტი კინოთეატრ „ამირანს“ ასახელებს. ფილმის ჩვენებას კიდევ ერთი ჯგუფი გააპროტესტებს. ბიზნესმენ ვასაძის მხარდამჭერები, რომლებიც ასევე პრემიერის ჩაშლით იმუქრებიან, ვერის ბაღში 16:00 საათზე, ბათუმში კი 17:00 საათზე შეიკრიბებიან.




ხაზარაძე ივანიშვილს:"ეს ქვეყანა არ არის თქვენნაირი მმართველობის ღირსი"


Картинки по запросу მამაუკა ხაზარაძე„თიბისი ბანკის“ დამფუძნებელის მამუკა ხაზარაძის თქმით, „ქართული ოცნება-დემოკრატიული საქართველოს“ თავმჯდომარე ბიძინა ივანიშვილს ძალაუფლების დაკარგვის ეშინია.

„ბიძინა ივანიშვილს ეშინია პირადად ჩვენი, იმ ადამიანებისა და ამომრჩევლის, რომელსაც ამოუვიდა ყელში მდგომარეობა, რაც დღეს არის შექმნილი. ყველანაირი მეთოდით ცდილობს, შეგვაჩეროს, დაგვაშინოს ან რამე ზომები მიიღოს. მინდა, მას პირდაპირ ვუთხრა, ვერც შეგვაშინებ ვერაფრით ვერ გაგვაჩერებ. ვერაფრით გააჩერებ იმ ნებას, რომელიც საქართველოს შეცვლის უკეთესობისკენ, ვერ შეაჩერებ იმ ნებას, რომლითაც ეს მახინჯი სისტემა, რომელიც მარიხუანას ბიზნესგეგმებზეა, ახლა კიდევ სხვა რაღაც ბიზნესგეგმებზე გაქვთ თავში ჩადებული.

ეს ქვეყანა არ არის თქვენი ღირსი და თქვენნაირი მმართველობის ღირსი. გპირდებით, ამას ყოველთვის გავიმეორებ იმ ათასობით ადამიანთან ერთად, რომელიც გვიერთდება. ამ რეალობას ჩვენ შევცვლით უკეთესობისკენ. თქვენ გაგიშვებთ პოლიტიკურ, ძალიან დიდ, გრძელვადიან შვებულებაში თქვენს თანამოაზრეებთან ერთად.

კიდევ ერთხელ მინდა, მივმართო „ოცნების“ ე.წ. უცხოეთში განათლებულ ახალგაზრდებს – გრცხვენოდეთ, ასეთ რეჟიმს რომ ემსახურებით, გრცხვენოდეთ იმ რეფორმების, რომელიც ვერ ჩაატარეთ და ვერც ჩაატარებთ, გრცხვენოდეთ იმ სიცარიელის, რომელიც არ გაგაჩნიათ. თქვენ არ გაგაჩნიათ მიზანი, გეგმა, თავმოყვარეობაც კი, რადგან ასეთ უსამართლობას თქვენ ეგუებით. მაკო გომურის დაზარალებულად არ გამოცხადება არის საბოლოო წერტილი თქვენი ადამიანობისა და თქვენი დამოკიდებულების საერთოდ სამართალსა და სამართლიანობაზე“, – განაცხადა მამუკა ხაზარაძემ.

„თიბისი ბანკის“ ბრალდებული დამფუძნებლების, მამუკა ხაზარაძისა და ბადრი ჯაფარიძის საქმის არსებითი განხილვა 2 დეკემბრისთვის გადაიდო.

როგორც საქართველოს პირველი არხის ჟურნალისტი ადგილიდან იუწყება, მიზეზი თბილისის საქალაქო სასამართლოს მოსამართლის, გიორგი არევაძის სამუშაო განრიგი გახდა. მოსამართლის თქმით, სამუშაო გრაფიკი მასთან შეთანხმებული არ ყოფილა და დღეს სხვა სასამართლო პროცესები აქვს ჩანიშნული.

მამუკა ხაზარაძესა და ბადრი ჯაფარიძეს ბრალი 24 ივლისს წარედგინათ ჯგუფურად 16 664 000 ამერიკული დოლარის უკანონო შემოსავლის ლეგალიზაციის ფაქტზე, რასაც ახლდა განსაკუთრებით დიდი ოდენობით შემოსავლის მიღება – დანაშაული, გათვალისწინებული საქართველოს სისხლის სამართლის კოდექსის 194 მუხლის მე-2 ნაწილის „ა“ და მე-3 ნაწილის „გ“ ქვეპუნქტით.

თბილისის საქალაქო სასამართლომ „თიბისი ბანკის“ დამფუძნებლებს, მამუკა ხაზარაძესა და ბადრი ჯაფარიძეს აღკვეთის ღონისძიების სახით გირაო 26 ივლისს შეუფარდა, თითოეულს 700 000 ლარის ოდენობით. გარდა ამისა, მათ აეკრძალათ საზღვრის დატოვება საგამოძიებო უწყების გაფრთხილება-თანხმობის გარეშე.




შსს:"მოვუწოდებთ ყველას, დაიცვან კანონის მოთხოვნები"


პოლიციაშსს ფილმის „და ჩვენ ვიცეკვეთ“ ჩვენებასა და დაგეგმილ აქციებთან დაკავშირებით მორიგ განცხადებას ავრცელებს.

განცხადებაში ნათქვამია, რომ შინაგან საქმეთა სამინისტროს ერთ-ერთი ამოცანაა ადამიანის უფლებების და თავისუფლებების დაცვა, განურჩევლად ადამიანის სქესის, რელიგიური კუთვნილების, სექსუალური ორიენტაციის, გენდერული იდენტობის, პოლიტიკური შეხედულების ან სხვა ნიშნისა.

შსს კიდევ ერთხელ მოუწოდებს ყველას, დაიცვან კანონის მოთხოვნები, წინააღმდეგ შემთხვევაში, პოლიცია სამართალდარღვევის თითოეულ ფაქტს დაუყოვნებლივ აღკვეთს.

„საქართველოს შინაგან საქმეთა სამინისტრო წარმოადგენს საზოგადოების უსაფრთხოებასა და მართლწესრიგის დაცვაზე პასუხისმგებელ უწყებას, რომლისთვისაც პრიორიტეტულია ქვეყანაში უსაფრთხო და ტოლერანტული გარემოს შექმნა. შინაგან საქმეთა სამინისტროს ერთ-ერთი ამოცანაა ადამიანის უფლებების და თავისუფლებების დაცვა, განურჩევლად ადამიანის სქესის, რელიგიური კუთვნილების, სექსუალური ორიენტაციის, გენდერული იდენტობის, პოლიტიკური შეხედულების ან სხვა ნიშნისა. შინაგან საქმეთა სამინისტროს პოლიტიკა სიძულვილის მოტივით დანაშაულის ჩამდენი პირების მიმართ არის მკაცრი და სამართლიანი, რაც, უპირველეს ყოვლისა, ნებისმიერი ფორმის დისკრიმინაციის აღმოფხვრასა და ნებისმიერი ფიზიკური და იურიდიული პირისათვის საქართველოს კანონმდებლობით დადგენილი უფლებებით თანასწორად სარგებლობის უზრუნველყოფის მიზანს ემსახურება.

სიძულვილით მოტივირებული დანაშაულების გამოძიების ეფექტიანობის გაზრდის პარალელურად, სამინისტროსთვის ერთ-ერთი პრიორიტეტია გამოხატვის თავისუფლების უზრუნველყოფა. გავრცელებული ინფორმაციით, 2019 წლის 8, 9 და 10 ნოემბერს თბილისსა და ბათუმში მდებარე რამდენიმე კინოთეატრში მხატვრული ფილმის პრემიერა იმართება.

ასევე, საზოგადოების გარკვეული ჯგუფების მხრიდან კეთდება განცხადებები კინოჩვენების ხელშემშლელი ღონისძიებების შესახებ. შინაგან საქმეთა სამინისტრო უზრუნველყოფს როგორც საზოგადოებრივი უსაფრთხოებისა და მართლწესრიგის დაცვას, ასევე, თითოეული ადამიანის გამოხატვის თავისუფლებას, რომელიც არ სცდება კანონით დასაშვებ ფარგლებს. კიდევ ერთხელ მოვუწოდებთ ყველას, დაიცვან კანონის მოთხოვნები. წინააღმდეგ შემთხვევაში, პოლიცია იმოქმედებს საკუთარი მანდატის ფარგლებში და სამართალდარღვევის თითოეული ფაქტი დაუყოვნებლივ იქნება აღკვეთილი“, – აღნიშნულია შსს-ს განცხადებაში.




რატომ არ ხსნის ხელისუფლება გურამ შარაძის მკვლელობას?


გურამ შარაძე-ის სურათის შედეგი 2012 –16 წლების საპარლამენტო არჩევნების წინ, ,,ქართული ოცნების” მხრიდან მსუყე სოციალური დაპირებებთან ერთად საზოგადოების ერთ–ერთი და უმთავრესი მოთხოვნა ე. წ. სამართლიანობის აღდგენა იყო. გახმაურებული მკვლელობები, რომლებიც ,,ნაციონალური მოძრაობის” დროს მოხდა და მათი გახსნა სუბიექტური მიზეზების გამო არ მოხდა, მოქმედი ხელისუფლების პირობებშიც გამოსაძიებელია. ერთ–ერთი ასეთი 2007 წლის 20 მაისს მომხდარი აკადემიკოს გურამ შარაძის მკვლელობაა, რომელიც საქმეში არსებული უამრავი მტკიცებულების მიუხედავად კვლავ გამოუძიებელია…

      2020 წლის შემოდგომაზე ჩვენი ქვეყანა კიდევ ერთი დაძაბული და შეიძლება ითქვას საბედისწერო არჩევნების მოლოდინშია. სასწორზე კვლავ ქვეყნის მომავალი და არჩევანი ,,ქართულ ოცნებასა” და ,,ნაციონალურ მოძრაობას” შორისაა გასაკეთებელი. დიახ, მოქმედ ხელისუფლებასა და იმ რეჟიმს შორის, რომელიც ქართველმა ხალხმა დიდი ძალისმევის შედეგად გაისტუმრა, მაგრამ საბოლოოდ მაინც ვერ გაისტუმრა პოლიტიკურ სანაგვეზე. მიზეზი კი ავად სახსენებელი კოჰაბიტაციაა, რომელიც ისევ და ისევ ხელისუფლებაში მოკალათებული წინა ხელისუფლების მაღალჩინოსნების და მოქმედი მთავრობის წევრების წისქვილზე ასხამს წყალს, რადგან ის 110  დისკი 181 საათიანი ჩანაწერით, რომელზეც  უამრავი ადამიანის პირადი ცხოვრება იყო ასახული, მათ კვლავ  შიშის ზარს სცემთ.

წერილის დასაწყისში უამრავი ქუჩაში დახვრეტილი ადამიანიდან გამოვარჩიეთ გურამ შარაძე, რადგან ზვიად გამსახურდიას და მერაბ კოსტავას შემდეგ საქართველოს არ ჰყოლია ისეთი ეროვნული სულიკვეთების ადამიანი, როგორიც ის იყო. გურამ შარაძე, რომ ,,ნაციონალური მოძრაობისთვის”დიდ თავის ტკივილს წარმოადგენდა ყველამ კარგათ ვიცით.  იმ პერიოდში ,,ავი” ენები ბევრს საუბრობდნენ იმაზე, რომ იგეგმებოდა ლევილის მამულის ინვესტორისთვის გადაცემა. სააკაშვილის ენაზე ,,ინვესტორისთვის” გადაცემა რასაც ნიშნავდა ყველამ კარგათ ვიცით. გურამ შარაძე არავითარ შემთხვევაში არ დაუშვებდა იმის გასხვისებას რაც ქართველ ერს  ეკუთვნოდა, ასევე არ დაუშვებდა ე.წ. მაჰმადიანი – მესხების საქართველოში ჩამოსახლებას, რადგან 1995–99 წლის პარლამენტში მიგრაციისა და უცხოეთში მცხოვრებ თანამემამულეთა საქმეების კომიტეტის თავმჯდომარე იყო და მისთვის პრობლემას არ გურამ შარაძე-ის სურათის შედეგიწარმოადგენდა, იმის დამტკიცება რომ ე.წ. მაჰმადიან – მესხებს ქართველებთან და მესხებთან არანაირი კავშირი არ ჰქონდათ. ეს და კიდევ უამრავი ფაქტი, რომელსაც აქ არ შევეხებით მეტყველებს იმაზე, რომ მაშინდელმა რეჟიმმა მის მოსაშორებლად მკვლელობა შეუკვეთა.

არ არის სწორი  მტკიცებით ფორმაში საუბარი, მაგრამ თუნდაც ის ფაქტი რაზე მეტყველებს, რომ მკვლელობის დღეს, როდესაც გურამ შარაძე ჯერ კიდევ ცოცხალი იყო პოლიციაში შეტყობინება მისი ცხედრის აღმოჩენის შესახებ 20 საათსა 27 წუთზე შევიდა, მაშინ როდესაც ,,ალდაგის”კამერების მიხედვით მკვლელობის ოფიციალურ დროდ დადგენილია 20 საათი და 31 წუთი. უფრო მეტიც გურამ შარაძის მკვლელობამდე 20.30 წუთზე ტელეკომპანია ,,აჭარის საინფორმაციო” გამოშვება პირდაპირ ეთერში ამცნობდა მთელ ქვეყანას აღნიშნული პიროვნების მკვლელობას. ამის შემდეგ ყველამ ვნახეთ თუ როგორ მოიხადა სასჯელი მკვლელობაში ,,ეჭვმიტანილმა” ერთადერთმა პიროვნებამ გიორგი ბარათელმა, რომელმაც საპატიმრო 2017 წელს დატოვა. ოჯახს თავიდანვე არ სჯეროდა გამოძიების ვერსიის, რომ გურამ შარაძის მკვლელი, მისი შვილის მეგობარი და თანამშრომელი გიორგი ბარათელი იყი. შემთხვევის ადგილიდან ამოღებული ფირის მიხედვით, კი რომელიც ყველამ ვნახეთ მკვლელი, რომელიც მსხვერპლს ესვრის, ნამდვილად არაა გიორგი ბარათელი.

მას შემდეგ რაც ხელისუფლება შეიცვალა და ხელისუფლებაში “ქართული ოცნება” მოვიდა, გურამ შარაძის შვილმა რუსუდან შარაძემ საგამოძიებო ორგანოს მის ხელთ არსებული ყველა სახის მტკიცებულება გადასცა, მაგრამ საქმის გასახსნელად ხელისუფლებას კეთილი ნება არ გამოუჩენია. რუსუდან შარაძის თქმით, სახელმწიფო უსაფრთხოების სამსახურმა იცის, თუ  ვინ მოკლა გურამ შარაძე და აღნიშნულ საქმეზე საკმარისზე მეტი მკიცებულებებიც აქვთ, თუმცა საქმეს მაინც არ ხსნიან.

,,ცხოვრებაში რა არ შემხვედრია, რა არ გადამიტანია, მაგრამ იმედი და ბრძოლისუნარიანობა არასდროს დამიკარგავს. არც ენერგია შემომლევია და არც მკვლელების მხილების სურვილი გამქარწყლებია…

Похожее изображениеარ დავღილვარ! ახლა?  ახლა ყველაფერი სულერთია!

კაცი რომელიც ლამის ღმერთკაცი მეგონა, ჩვეულებრივი მატყუარა აღმოჩნდა.

მე მეტი აღარაფერი შემიძლია. ყველამ ყველაფერი იცის, პროკურატურაში – მოწმეთა ჩვენებები, სხვა მტკიცებულებები – ყველაფერი დევს. უშიშროების სამსახურმა დეტალურად იცის, ვინ მოკლა გურამ შარაძე და ვინ იყო დამკვეთი. ამის დამადასტურებელი უტყუარი მტკიცებულებებიც სუს-ს აქვს. იმ სუს-ს, მამაჩემის ერთ-ერთი მკვლელის – დათა ახალაიას ზონდერები რომ ხელმძღვანელობენ.

ერთი ადამიანის – ბიძინა ივანიშვილის ერთ სიტყვაზეა დამოკიდებული ჩემი ცხოვრება და მომავალი. ერთ კაცს – ბიძინა ივანიშვილს უნდა წამოსცდეს ერთი სიტყვა – გახსენით! და გახსნიან! ყველაფერთან ერთად, რა შეურაცხმყოფელია!”- აცხადებს რუსუდან შარაძე.

ყოველივე ზემოთ აღნიშნული იმაზე მეტყველებს, რომ 2012 წელს  ხელისუფლება ფორმალურად  შეიცვალა. ქვეყანაში არსებულ მნიშვნელოვან საკითხებს კი ძალოვან უწყებებში მოკალათებული ,,ნაციონალური მოძრაობის” დროინდელი მაღალჩინოსნები და ,,კოჰაბიტირებული” ,,ქართული ოცნების” წევრები წყვეტენ.

უცხო არაა ის ფაქტი, რომ ,,ქართულ ოცნებას” ყოველი არჩევნების წინ ,,ნაციონალური მოძრაობა” ჰაერივით სჭირდება, ამ უკანასკნელს კი რეaნიმაციისთვის მოქმედი ხელისუფლება. ხალხი კი, რომელიც გახმაურებული საქმეების გახსნას ითხოვდა სანახაობის ნაცვლად პურს – 20 ლარით გაზრდილ პენსიას მიიღებს. საარჩევნო ყუთთან კი ,,ნაციონალური მოძრაობის” მობრუნების შიშით, კვლავ კოჰაბიტირებულ ,,ქართულ ოცნებას” შემოხაზავს, შედეგად კი ე.წ. სამართლიანობის აღდგენის მოთხოვნა, მხოლოდ მოთხოვნად დარჩება, თანაც დიდი ხნით!…

 ალექსანდრე მგალობლიშვილი

www.premiumi.ge