საგანგებო სიტუაციების კოორდინაციისა და გადაუდებელი დახმარების ცენტრმა შემაჯამებელი ანგარიში


medecinaსაგანგებო სიტუაციების კოორდინაციისა და გადაუდებელი დახმარების ცენტრმა უწყების შემაჯამებელი ანგარიში წარადგინა. ღონისძიება საქართველოს ჯანდაცვის მინისტრმა, ეკატერინე ტიკარაძემ გახსნა.

მინისტრმა საკუთარი გამოსვლა მადლობით დაიწყო და აღნიშნა, რომ ექიმების როლი პანდემიის პერიოდში განსაკუთრებულია. უწყების ხელმძღვანელმა ყურადღება გადაუდებელი დახმარების ცენტრის მიერ უკვე განხორციელებულ და დაგეგმილ პროექტებზე გაამახვილა.

ჯანდაცვის უწყების ცნობით, 2021 წელს სასწრაფო დახმარების ავტოპარკს 33 ერთეული მაღალი გამავლობის სასწრაფოს ავტომობილი და ცხრა რეანიმობილი შეემატა.

„2021 წლის პირველი იანვრიდან „კოვიდ-19“-ის პანდემიის პერიოდში სასწრაფო-სამედიცინო ბრიგადებსა და სადისპეტჩეროს თანამშრომლებზე ყოველთვიურად ხელფასის 50 პროცენტის ოდენობის დანამატი გაიცემა.

მიმდინარე წელს დასრულდა 341 სოფლის ამბულატორიის მშენებლობა-რეაბილიტაცია და 50 სოფლის ამბულატორია ტელემედიცინის მოწყობილობით აღიჭურვა, რაც დისტანციური კვალიფიციურ სამედიცინო მომსახურების ხარისხს მნიშვნელოვნად გაზრდის.

შეიქმნა კოვიდსაწოლების საინფორმაციო პორტალი, სადაც მიმდინარე რეჟიმში კლინიკები მონაცემების განახლებას ახორციელებენ. აღნიშნულმა შესაძლებელი გახადა თავისუფალი საწოლფონდის შესახებ ინფორმაციის ოპერატიულად მოძიება, რამაც გამოძახებების დროულად შესრულება განაპირობა და მოლოდინის რეჟიმი შეამცირა.

გარდა ამისა, სოფლის ექიმებისთვის შეიქმნა ონლაინპლატფორმა, რომლის საშუალებითაც სოფლის ექიმებს ყოველდღიურად უტარდებათ ტრენინგები. ექიმებს შეუძლიათ, მიიღონ განახლებული ინფორმაცია სამედიცინო პროტოკოლებსა და გაიდლაინებზე“, – აღნიშნულია ჯანდაცვის სამინისტროს მიერ გავრცელებულ ინფორმაციაში.

მათივე ცნობით, შეხვედრაზე ყურადღება სამომავლო გეგმებზეც გამახვილდა.

„კერძოდ, 2022 წელს დაგეგმილია საგანგებო სიტუაციების კოორდინაციისა და გადაუდებელი დახმარების ცენტრის თბილისის რაიონული სამსახურების მშენებლობა-რეაბილიტაცია. ყველა ფილიალი იქნება საერთაშორისო სტანდარტების შესაბამისი, რომელიც სასწრაფო სამედიცინო დახმარების სპეციფიკით დაკომპლექტდება და ადგილზე პერსონალისთვის სამუშაო ყველა პირობა იქნება შექმნილი.

აშენდება საგანგებო სიტუაციების კოორდინაციისა და გადაუდებელი დახმარების ცენტრის ახალი, ადმინისტრაციული შენობა, სადაც ერთიანი რეაგირების ცენტრი განთავსდება.

დაგეგმილია თბილისისა და რეგიონების სასწრაფო სამედიცინო დახმარების პერსონალის ანაზღაურების გათანაბრება.

გაგრძელდება სასწრაფო სამედიცინო დახმარების ავტოპარკის განახლების პროცესი. საგანგებო სიტუაციების კოორდინაციისა და გადაუდებელი დახმარების ცენტრი ყოველწლიურად 60-80 ერთეული სასწრაფო სამედიცინო დახმარების ავტომობილის განახლებას გეგმავს.

2022 წლიდან დაგეგმილია სამედიცინო მოტოციკლეტების შემოყვანა, რომლის საშუალებითაც მოტოპარამედიკოსები დაიწყებენ გადაადგილებას და სწრაფ და ეფექტურ სამედიცინო დახმარებას განახორციელებენ.

2022 წელს ცენტრი დაიწყებს ჟანგბადის გამომმუშავებელი პორტატული გენერატორის POGS (Portable Oxygen Generator System) გამოყენებას. სისტემა ცენტრს ჟანგბადის შესყიდვასთან დაკავშირებული დანახარჯების შემცირებაში დაეხმარება და ის ხელს შეუწყობს ლოჯისტიკური პროცესების გამარტივებას“, – ნათქვამია ჯანდაცვის სამინისტროს ინფორმაციაში.

შეხვედრის დასასრულს ალექსანდრე კალანდიამ მოწვეულ სტუმრებს ცენტრის განახლებული ევროსტანდარტების შესაბამისი ავტოპარკი და სასწრაფო დახმარების მანქანაში არსებული უახლესი სამედიცინო აღჭურვილობა დაათვალიერებინა.

შეხვედრას მინისტრის მოადგილეები, სამინისტროს სსიპ-ებისა და დეპარტამენტების ხელმძღვანელები და სხვა მოწვეული სტუმრები ესწრებოდნენ.




1-23 დეკემბერს, შემოსავლების სამსახურის მიკროავტობუსი გადასახადის გადამხდელებს 25 ლოკაციაზე მოემსახურება


სტატისტიკა ფინანსები კალკულატორი საგადასახადო1-23 დეკემბერს, ფინანსთა სამინისტროს შემოსავლების სამსახურის მოძრავი სერვისცენტრი – RS CAR – გადასახადის გადამხდელებს 25 ლოკაციაზე, იმ რეგიონებში მოემსახურება, რომლებშიც შემოსავლების სამსახურის სერვისცენტრები არ არის განთავსებული.

RS CAR (მიკროავტობუსი) აღჭურვილია შემოსავლების სამსახურის სერვისცენტრებში არსებული ტექნიკური საშუალებებით. შესაბამისად, გადასახადების გადამხდელებს შესაძლებლობა აქვთ, მათთვის ხელსაყრელ დროსა და სივრცეში, დასახლებული პუნქტიდან გაუსვლელად, დროულად მიიღონ სასურველი მომსახურება.

კერძოდ: კონსულტაცია საქართველოს საგადასახადო კოდექსისა და შესაბამისი ნორმატიული აქტების გამოყენებასთან დაკავშირებით, შემოსავლების სამსახურის ელექტრონული გვერდის სარგებლობის მიზნით, ავტორიზაციის შემდგომ განცხადებების მიღება და რეაგირება, მიკრო/მცირე ბიზნესისა და ფიქსირებული გადასახადის გადამხდელის სტატუსის მინიჭება/გაუქმება. ასევე, მაღალმთიანი დასახლების საწარმოს სტატუსის მინიჭება/შეჩერება/შეწყვეტის განცხადებების მიღება. აგრეთვე, შესაძლებელია შემოსავლების სამსახურის კომპეტენციის ფარგლებში შესაბამისი ცნობების გაცემა (საგადასახადო დავალიანების, გადამხდელის რეგისტრაციის, დღგ-ის რეგისტრაციის, შემოსავლების შესახებ და სხვა) და ა.შ.




ექს–პრეზიდენტი სასამართლო სხდომაზე:"არ მოგენატრათ ტემპი და დრაივი...მაშინ დავასრულოთ ის, რაც ახლა ხდება"


საქართველოს ყოფილმა პრეზიდენტმა, მიხეილ სააკაშვილმა 7 ნოემბრის საქმეზე სასამართლო პროცესის დაწყებამდე განაცხადა, რომ  არ აღიარებს პროკურატურას და ქართულ მართლმსაჯულებას და  აქ იმისთვის არ არის, რომ წინასწარ დაწერილი კომედიის ნაწილი იყოს.

პროცესის დაწყებისას დამსწრეებმა საქართველოს ჰიმნი ჩართეს, რასაც მოსამართლეების მხრიდან შენიშვნა მოჰყვა.

„ჰიმნის აკრძალვა? საქართველოს ჰიმნის ქვეშ, მე, რომელმაც შევქმენი ეს ჰიმნი, მე არ მინდა ახლა კამათი“, – განაცხადა მიხეილ სააკაშვილმა.

ადვოკატმა ბექა ბასილაიამ მოსამართლეებს შუამდგომლობით მიმართა, პროცესის გაშუქების შესაძლებლობა ყველა ტელევიზიას მიეცეს.

„დღეს სამარცხვინო, მაგრამ ისტორიული პროცესის მომსწრე ვართ. მესამე პრეზიდენტი ესწრება და პირველად აქვს შესაძლებლობა. შუამდგომლობა გვაქვს, მაუწყებლებს, ვინც მოითხოვეს გაშუქების უფლება, შემოვიდნენ და გააშუქონ და ცოცხალ რეჟიმში“, – განაცხადა ბექა ბასილაიამ.

ამასთან, მოსამართლე ნინო ელიეშვილმა ადვოკატებს მიმართა, შეეწყვიტათ სხდომის სოციალურ ქსელში ტრანსლირება.

„გამორთეთ ტრანსლირება. წინააღმდეგ შემთხვევაში, დატოვეთ დარბაზი. მანდატურებს ვთხოვ, მოახდინონ რეაგირება ამაზე“, – განაცხადა მოსამართლემ, რის შემდეგაც ადვოკატებმა ტრანსლირება შეწყვიტეს.

დღევანდელი სასამართლო პროცესი 7 ნოემბრის საქმეს ეხებოდა. 7 ნოემბრის აქციის დარბევის, „ტელეიმედში“ შეჭრისა და მთაწმინდის პარკის ჩამორთმევის საქმეზე უფლებამოსილების გადამეტების ბრალდება წარდგენილი აქვთ მიხეილ სააკაშვილს, დავით კეზერაშვილს, ზურაბ ადეიშვილს, გიგი უგულავასა და ვანო მერაბიშვილს.

მიხეილ სააკაშვილის თქმით, არანაირი გირგვლიანის საქმე არ არსებობს და მას ასე მხოლოდ პიარისთვის უწოდებენ.

„რაც შეეხება იმას, რაზეც ვარ გასამართლებული. მე უკვე ორ საქმეზე ვარ გასამართლებული, რომ არ გამომეხედა საქართველოსკენ. ერთი საქმე ეხება გაუგონარ რაღაცას – პრეზიდენტის მიერ შეწყალებას ე.წ. გირგვლიანის საქმეზე, რომელიც არანაირი გირგვლიანის საქმე არ არის. ასე დაარქვეს პიარისთვის. ტრაგედია იყო სანდრო გირგვლიანის სიკვდილი, ის ოფიცრები იყვნენ დაკავებულები, 2008 წლის ომის შემდეგ მოხდა ამნისტია სამხედროების, 280 სამხედროსი, მათ შორის ერთი თმით დამათრევდა გლდანის დაწესებულებაში, ჩემ მიერ ამნისტირებული. ოღონდ ამნისტია კი არ მოხდა, ორჯერ მოხდა საპატიმრო ვადის შემცირება, განახევრება. იქიდან გავიდა კიდევ ექვსი თვე და ორმა სხვადასხვა მოსამართლემ გამოუშვა ესენი „უდოთი“ და აქედან ერთი მე მასამართლებს პიჯაკების საქმეზე. მართლა ხომ არ ბნელა, ხალხო? ჩალით ხომ არ არის ეს ქვეყანა დახურული“, – განაცხადა სააკაშვილმა.

 

საქართველოს ყოფილმა პრეზიდენტმა მიხეილ სააკაშვილმა 7 ნოემბრის საქმეზე მიმდინარე პროცესზე სიტყვით გამოსვლისას ქართველ ხალხს მიმართა.

„მინდა, პირველ რიგში მივესალმო გარეთ მდგარ ადამიანებს, მივესალმო საქართველოს საზოგადოებას. რამდენიმე დღე ვიარე თავისუფლად საქართველოში, მქონდა ადამიანებთან ურთიერთობის საშუალება ტყვედ აყვანის წინ და მე ვნახე, რომ ხალხი არის ძალიან დაღვრემილი, ხალხი არის ძალიან მოღუშული, ხალხი პრაქტიკულად არ იღიმება, ხალხი არის ძალიან გაუბედურებული.

მინდა, გითხრათ, ჩემო საყვარელო ქართველო ხალხო, მინდა, გკითხოთ, არ მოგენატრათ თქვენი ქვეყნის სიამაყის განცდა, არ მოგენატრათ ტემპი და დრაივი განვითარების, არ მოგენატრათ სიახლე და აღმშენებლობა, სიყვარული და სითბო, გამარჯვების ზეიმი? თუ ეს ყველაფერი მოგენატრათ, მაშინ ის, რაც ახლა ხდება, ეს ყველაფერი ერთად უნდა დავასრულოთ“, – განაცხადა მიხეილ სააკაშვილმა.

1tv.ge




დეკემბრიდან მკაცრდება სანქციები სურსათის უვნებლობის, ვეტერინარიისა და მცენარეთა დაცვის კუთხით გამოვლენილ დარღვევებზე


ნარგავი,rasadaსურსათის უვნებლობის, ვეტერინარიისა და მცენარეთა დაცვის კუთხით გამოვლენილ დარღვევებზე სანქციები მკაცრდება.

სანქციების გამკაცრება გათვალისწინებულია „სურსათის/ცხოველის საკვების უვნებლობის, ვეტერინარიისა და მცენარეთა დაცვის კოდექსში“ შესულ ცვლილებებში, რომელიც საქართველოს პარლამენტმა მიიღო და რომლის მიზანიც სურსათის უვნებლობის, ვეტერინარიისა და მცენარეთა დაცვის სფეროებში სამართალდარღვევების ზუსტად იდენტიფიცირება და მათზე შესაბამისი რეაგირებაა.

პასუხისმგებლობის ზომები გამკაცრდა სურსათის უვნებლობის სფეროში ისეთ სამართალდარღვევებზე, როგორიც არის: კრიტიკული შეუსაბამობის (შეუსაბამობა, რომელიც მაღალ რისკს უქმნის ადამიანისა და ცხოველის სიცოცხლესა და ჯანმრთელობას) განმეორებით ჩადენა და ჯარიმა განისაზღვრა 5 000 ლარის ოდენობით; ვადაგასული სურსათის ბაზარზე განთავსება და ჯარიმა განისაზღვრა 3 000 ლარის ოდენობით.

დაწესდა პასუხისმგებლობა მომხმარებლისთვის განსაკუთრებული კვებითი დანიშნულების სურსათის ან ჩვილ ბავშვთა კვების პროდუქტებისა და ბავშვთა კვების პროდუქტების შესახებ ისეთი ინფორმაციის მიწოდებისთვის, რომელმაც შეიძლება მომხმარებელი შეცდომაში შეიყვანოს. აღნიშნული სამართალდარღვევისთვის ჯარიმის ოდენობა განისაზღვრა მცირე ბიზნესის სტატუსის მქონე ბიზნესოპერატორისთვის 1 000 ლარის ოდენობით, სხვა ბიზნესოპერატორისთვის 3 000 ლარის ოდენობით. ქმედების განმეორებით ჩადენა გამოიწვევს ბიზნესოპერატორის დაჯარიმებას 5 000 ლარის ოდენობით და საქმიანობის შეჩერებას.

პასუხისმგებლობის ზომები განისაზღვრა ვეტერინარიის სფეროში ისეთ სამართალდარღვევებზე, როგორიც არის: ვეტერინარულ კლინიკებში, ვეტერინარულ აფთიაქებში, ზოომაღაზიებსა და სხვა ვეტერინარულ კონტროლქვემდებარე ობიექტებში კრიტიკული შეუსაბამობის (ისეთი შეუსაბამობა, რომელიც მაღალ რისკს უქმნის ადამიანის ან/და ცხოველის სიცოცხლესა და ჯანმრთელობას და რომლის სათანადო დონემდე შემცირება ან აღმოფხვრა შეუძლებელია აღმოჩენილ შეუსაბამობასთან დაკავშირებული საქმიანობის დროებით შეჩერების გარეშე) და არაკრიტიკული შეუსაბამობისთვის (ისეთი შეუსაბამობა, რომელიც მაღალ რისკს არ უქმნის ადამიანის ან/და ცხოველის სიცოცხლესა და ჯანმრთელობას და რომლის სათანადო დონემდე შემცირება ან აღმოფხვრა შესაძლებელია აღმოჩენილ შეუსაბამობასთან დაკავშირებული საქმიანობის დროებით შეჩერების გარეშე), ასევე მათი განმეორებით ჩადენისთვის; აგრეთვე, დაავადებული ცხოველის გადაადგილების აკრძალვასთან დაკავშირებული მითითებების შეუსრულებლობისთვის.

მკაცრდება სანქციები არარეგისტრირებული, ვადაგასული პრეპარატების ბაზარზე განთავსების აღკვეთასა და ამოღებასთან დაკავშირებული მითითებების შეუსრულებლობისთვის.

ცვლილებების ძირითადი ნაწილი ძალაში მიმდინარე წლის 4 დეკემბრიდან შედის.




თბილისის რამოდენიმე უბანს ავტობუსის ახალი მარშრუტები ემატება


84A70EB1-501E-4BD9-9725-49BF52D59E43_mw1024_s_n20 ნოემბრიდან მგზავრებს მიკროავტობუსების ახალი მარშრუტები მოემსახურება. 

N421 მარშრუტი მეტროსადგურ „გურამიშვილს“ ურეკის ქუჩის გავლით, ზღვისუბნის XI-III-IV მიკრორაიონებთან დააკავშირებს.

N441 მარშრუტი გადაადგილდება სოფელი დიღმის ცენტრიდან ამავე სოფელში, რუსთაველის, ყაზბეგისა და ფიროსმანის ქუჩების მიმართულებით.

N443 მარშრუტი სოფელი დიღმის ცენტრიდან მოემსახურება სოფელ დიდგორსა და სოფელ თელოვანს.

N446 მარშრუტი მეტროსადგურ „ახმეტელის თეატრიდან“ ხიზანიშვილისა და ვეკუას ქუჩების გავლით გადაადგილდება მაისურაძისა და ინგუშეთის ქუჩების მიმართულებით.

N454 მარშრუტი მოემსახურება ვარკეთილის III ა მიკრორაიონს მეტროსადგურ „ვარკეთილამდე“ და ჩაანაცვლებს მარშრუტს – N54.

N494 მარშრუტი მოემსახურება მუხიანის აგარაკებში ვარდისუბნის ქუჩას მეტროსადგურ „ახმეტელის თეატრამდე“, ამავდროულად, ჩაანაცვლებს მარშრუტს – N104.

აღნიშნულ მარშრუტებზე ახალი, ლურჯი მიკროავტობუსები იმოძრავებენ.




სტრასბურგის სასამართლომ 2014 წელს სოფელ მოხეს საქმეზე სახელმწიფო დაადანაშაულა


STRAATSBURG-VLAGGENადამიანის უფლებათა ევროპულმა სასამართლომ 2014 წლის ოქტომბერში სოფელ მოხეში პოლიციის მიერ ადგილობრივი მუსლიმების დაკავებისა და ღირსების შემლახავი მოპყრობის გარემოებებთან დაკავშირებულ საქმეზე სახელმწიფო ევროპული კონვენციის მე-3 და მე-14 მუხლების დარღვევაში დაადანაშაულა. აღნიშნული მუხლები გულისხმობს წამების, არაადამიანური და ღირსების შემლახავი მოპყრობისა და დისკრიმინაციის აკრძალვას. გადაწყვეტილება საქმეზე „მიქელაძე და სხვები საქართველოს წინააღმდეგ“ ევროპული სასამართლოს ვებგვერდზე გამოქვეყნდა.

სარჩელის მიხედვით, მომჩივანთა დაკავების დროს პოლიცია მათ ფიზიკურად და ვერბალურად დაესხა თავს, გამოიყენა დისკრიმინაციული შეურაცხყოფა და მათ საჩივარზე გამოძიება არაეფექტურად ჩატარდა, რაც კონვენციის მე-3 და მე-14 მუხლების დარღვევას წარმოადგენდა.

როგორც გადაწყვეტილებაშია ნათქვამი, ოთხივე მომჩივანის მიმართ დადგინდა მე-3 მუხლის პროცედურული ასპექტის დარღვევა როგორც დამოუკიდებლად, ასევე მე-14 მუხლთან მიმართებით. ამასთან, სასამართლო ადგენს, რომ თეიმურაზ მიქელაძის მიმართ ადგილი ჰქონდა მე-3 მუხლის არსებითი ასპექტის დარღვევას. სხვა სამი აპლიკანტის მიმართ მე-3 მუხლის არსებითი ასპექტის დარღვევა არ დადგენილა.

სასამართლომ ასევე განაცხადა, რომ არ არის საჭიროება, არსებითად განიხილოს მომჩივანთა საჩივრები მე-8 (პირადი და ოჯახური ცხოვრების დაცულობა), მე-11 (შეკრებისა და გაერთიანების თავისუფლება) და მე-13 (სამართლებრივი დაცვის ქმედითი საშუალების უფლება) მუხლებთან მიმართებით. სტრასბურგის სასამართლომ დაავალდებულა საქართველოს მთავრობა, გადაუხადოს 3 900 ევრო მიქელაძეს, ხოლო დანარჩენ სამ მოსარჩელეს სათითაოდ 1 800 ევრო.

აღნიშნულ საქმეზე დაზარალებულების ინტერესებს ევროპული სასამართლოს წინაშე, ისევე როგორც ადგილობრივ დონეზე, „სოციალური სამართლიანობის ცენტრი“ იცავდა.




სოზარ სუბარი:"კოალიცია გამოიფიტა, სასაცილო გახდა"


სოაზრ სუბარიპარლამენტის თვითმმართველობის კომიტეტის თავმჯდომარე სოზარ სუბარი ოპოზიციის დაანონსებულ აქციას ეხმაურება და აღნიშნავს, რომ კოალიცია სასაცილო გახდა,  მეტიც, არანაირი კოალიცია არ არსებობს.

„რაც შეეხება აქციებს, პარლამენტში ეს ხალხი არ გამოდგა, არჩევნებს აგებენ, საგარეო ფრონტზე სრული წარუმატებლობა აქვთ და მხოლოდ აქციები დარჩათ. როგორც მელიამ თქვა, ამ აქციებზე თუ არ ივლიან და ირბენენ, იმდენად ცოტა არიან, რომ მათი დანახვა უკვე შეუიარაღებელი თვალით ჭირს. მგონი, მალე მიხვდებიან, რომ ამ აქციებით საკუთარი თავი სრულიად გამოიფიტეს, რადგან ხალხი ხედავს ამ პოლიტიკური ძალების უპერსპექტივობას და დესტრუქციულობას“, – განუცხადა სოზარ სუბარმა საქართველოს პირველ არხს.

შეგახსენებთ,  ნიკა მელიას განცხადებით, „ქართული ოცნების“ რეჟიმი საქართველოს მოქალაქეებს ართმევს ისტორიულ არჩევანს, რაც გულისხმობს კანონის უზენაესობაზე, ადამიანის უფლებათა დაცვაზე მდგომ სახელმწიფოს და რომელიც უნდა იყოს ინტეგრირებული ცივილიზებულ, დემოკრატიულ სამყაროზე.

„რუსული ტიპის ავტოკრატიამ საქართველოში ფესვები ვერ უნდა გაიდგას. ჩვენ ვაგრძელებთ საპროტესტო, მძლავრ, უწყვეტ, არაძალადობრივ მოძრაობას. მივიღეთ გადაწყვეტილება ერთობლივად ამ შემთხვევაში უკვე პარტია „ლელო“, „ნაციონალური მოძრაობა“, „გირჩი-მეტი თავისუფლება“ და პარტია „დროამ“, რომ გაიმართოს პარასკევს 15:00 საათზე თბილისში სამ განსხვავებულ გეოგრაფიული ლოკაციიდან მსვლელობა. ვისთვისაც მართლაც არ არის უმნიშვნელო, ვიცხოვრებთ იმ სახელმწიფო, სადაც უბრალოდ აღარც მართლმსაჯულება იქნება, ნიშანწყალიც არ იქნება და აღარ მომკითხავი იქნება, რატომ გიჭერენ, რისთვის გიჭერენ… ყველა ამ ადამიანს ველოდებით პარასკევს 15:00 საათზე სამ განსხვავებულ ადგილზე“, – განაცხადა ნიკა მელიამ.




ერაყი პოლონეთ-ბელარუსის საზღვარზე მყოფ მიგრანტებს სამშობლოში დააბრუნებს


პოლონეთი, მიგრაციაერაყი პოლონეთ-ბელარუსის საზღვარზე მყოფი საკუთარი მოქალაქეების სამშობლოში დასაბრუნებლად ავიარეისების განხორციელებას გეგმავს. ინფორმაციას „ალ ჯაზირა“ ავრცელებს.

ერაყის საგარეო საქმეთა სამინისტროს პრეს-სპიკერის აჰმედ ალ-საჰაფის განცხადებით, პირველი ავიარეისი ხუთშაბათს არის დაგეგმილი და იმ მოქალაქეებისთვის განხორციელდება, ვისაც ნებაყოფლობით სურს ერაყში დაბრუნება.

მედიის ცნობით, ალ-საჰაფს არ დაუკონკრეტებია, რამდენ მოქალაქეს ექნება პირველ რეისზე მოხვედრის შესაძლებლობა. ხელისუფლების ინფორმაციით, ბელარუს-პოლონეთის საზღვარზე მყოფმა ერაყის 571-მა მოქალაქემ გამოთქვა სამშობლოში დაბრუნების სურვილი.

პოლონეთ-ბელარუსის საზღვარზე ათასობით არალეგალი მიგრანტია შეკრებილი. მიგრანტები ახლო აღმოსავლეთიდან ბელარუსში ევროკავშირის საზღვრის გადაკვეთის იმედით ჩადიან. ევროკავშირი ბელარუსის ხელისუფლებას არალეგალი მიგრანტების გამოყენების გზით „ჰიბრიდულ თავდასხმაში“ სდებს ბრალს. დღეს ევროკავშირის საგარეო საქმეთა მინისტრები შეხვედრას გამართავენ ბრიუსელში, რომელზედაც ბალარუსის წინააღმდეგ დამატებითი სანქციების დაწესება იგეგმება.




საქართველო ევროკავშირის კოვიდ-სერტიფიკატის სისტემას შეუერთდა


загружено (1)საქართველო ევროკავშირის კოვიდ-სერტიფიკატის სისტემას შეუერთდა, რითიც კიდევ ერთი დიდი ნაბიჯი გადადგა პანდემიასთან ბრძოლის პროცესში, – ამის შესახებ საქართველოს ვიცე-პრემიერი, საგარეო საქმეთა მინისტრი დავით ზალკალიანი სოციალურ ქსელში წერს.

„შესანიშნავი სიახლე! საქართველო ევროკავშირის კოვიდ-სერტიფიკატის სისტემას შეუერთდა, რითიც კიდევ ერთი დიდი ნაბიჯი გადადგა პანდემიასთან ბრძოლის პროცესში. საქართველო რჩება თავისი დასავლური ღირებულებებისა და პრინციპების ერთგული და მზადაა გააგრძელოს მუშაობა ევროპელ პარტნიორებთან ერთად,” – წერს მინისტრი „ტვიტერის“ პირად გვერდზე.

აღსანიშნავია, რომ ევროკომისიის მიერ მიღებული გადაწყვეტილების თანახმად, საქართველოს მოქალაქეები, რომლებიც ფლობენ ვაქცინაციის სრული კურსის ჩატარების დამადასტურებელ სერტიფიკატს, შეძლებენ ევროკავშირის ტერიტორიაზე გადაადგილებას.

„ევროკომისიამ მიიღო გადაწყვეტილება საქართველოს კოვიდ-პასპორტების აღიარების შესახებ. შესაბამისი დოკუმენტი კომისიის ვებგვერდზე ცოტა ხნის წინ გამოქვეყნდა. საქართველოს მიერ გაცემული კოვიდ-სერტიფიკატი ვაქცინაციის, ტესტებისა და კოვიდისგან გამოჯანმრთელების შესახებ აღიარებულია ევროკავშირის მიერ და გათანაბრებულია ევროკავშირის შესაბამისი რეგულაციით გაცემულ სერტიფიკატებთან, რომლის მიზანიცაა ადამიანთა თავისუფალი გადაადგილების ხელშეწყობა ევროკავშირის ტერიტორიაზე. ევროკომისიის გადაწყვეტილება ძალაშია გამოქვეყნებისთანავე და ასევე ასკვნის, რომ საქართველო უერთდება ევროკავშირის ციფრული კოვიდ-სერტიფიკატის სისტემას“,- აღნიშნულია საგარეო უწყების ინფორმაციაში.

ევროკომისიის გადაწყვეტილება, რომლითაც საქართველო ევროკავშირის კოვიდ-სერტიფიკატების ციფრულ სისტემას შეუერთდა, 16 ნოემბრიდან შევა ძალაში.



სალომე ზურაბიშვილმა იუნესკო-ს კავკასიური ენების საერთაშორისო დღის დაწესების ინიციატივით მიმართა


salomeსაქართველოს პრეზიდენტმა საფრანგეთის რესპუბლიკაში სამუშაო ვიზიტის ფარგლებში მონაწილეობა მიიღო იუნესკო-ს 75 წლისთავისადმი მიძღვნილ ფორუმში, რომელზეც მსოფლიოს სხვადასხვა ქვეყნის პირველი პირები შეიკრიბნენ და მსოფლიოს თანამედროვე გამოწვევებთან გამკლავების მიმართულებით, ორგანიზაციის მნიშვნელობასა და როლზე ისაუბრეს.

„75 წელი გავიდა იუნესკო-ს დაფუძნებიდან, მას შემდეგ რაც ყველაფერი გაკეთდა, რომ ჩვენ დავახლოვებოდით და დაგვეცვა კაცობრიობის ყველა მემკვიდრეობა, რათა მშვიდობიან სამყაროში შეგვძლებოდა საკუთარი თავი მიგვეძღვნა იმ ყველაფრისთვის, რაც კაცობრიობის სიმდიდრეს ქმნის. ჩვენ კვლავ ახალი და უფრო და უფრო ძლიერი გამოწვევების წინაშე ვდგავართ.

ჩვენი ერთობლივი კულტურული მემკვიდრეობა, აგრესიის ობიექტად რჩება, აგრესიისა, რომლის მიზანიც ერთნის ისტორიის, მეორენის იდენტობისა და ყველას კულტურის წაშლაა.

განათლებაზე წვდომა, ის სიკეთე, რომელიც ყველაზე მეტად უნდა იყოს გაზიარებული, არათანაბრად გადანაწილებულ უფლებად რჩება, იმ უფლებად, რომელიც დღესაც კი მრავალი ქალისა და ბავშვისათვის აკრძალულია.

დღეს ჩვენი პლანეტის სხვადასხვა ადგილზე არსებული კონფლიქტები, რომელთა გადაჭრაც გვსურს, არა მხოლოდ მონუმენტებს, არამედ კულტურას, ისტორიას და, რა თქმა უნდა, სოლიდარობას ანადგურებს. ავღანეთი, სირია, ეს ყველაზე აქტუალური ორი შემთხვევა რომ ვახსენოთ, მტკივნეული მაგალითებია იმ რეალობისა, რომლებიც არსებობას არ წყვეტენ“, – განაცხადა სალომე ზურაბიშვილმა.

სალომე ზურაბიშვილის თქმით, საქართველო თავად არის ამ გამოწვევის წინაშე.

„აფხაზეთში, რუსეთის მიერ ოკუპირებულ ტერიტორიაზე, ისევე, როგორც სამხრეთ ოსეთში, მრავალი შუასაუკუნეების ეკლესია, კათედრალი და მონასტერი განადგურების პირასაა და დამახინჯების წინაშე დგას. ეს მხოლოდ ერთ რამეს ემსახურება, წაშალოს საქართველოს კვალი ჩვენი ტერიტორიებიდან. ახლა ქართულ ენასა და ქართულ ენაზე განათლებაზე წვდომა აკრძალულია. არცერთი სკოლა აღარ ასწავლის ენას, ქართულენოვანი კლასები დაიხურა. დღეს საფრთხის ქვეშაა თავად აფხაზური ენა, კულტურულ უფლებებთან ერთად რეპრესირებულია ადამიანის უფლებები.

ყველა შემთხვევაში, ძალადობა ანადგურებს ინდივიდს, მის იდენტობას და საზოგადოებას. მნიშვნელოვანია, რომ იუნესკო-მ პასუხი გასცეს თანამედროვე დროის ამ გამოწვევებს, გარკვეულწილად თანამედროვე ხელსაწყოებითაც. შესაძლებელია იმაზე ფიქრი, რომ გაციფრულებას შეუძლია ხელი შეუწყოს იმის კონსერვაციას, რის გაქრობასაც ზოგიერთები ლამობენ, იმ მონუმენტების კონსერვაციას, რომლის გაქრობასაც აგრესორები ცდილობენ.

მსურს, ყურადღება შევაჩერო სხვა ძირითად გამოწვევაზე, რომელიც დღეს ჩვენი და ყველა საზოგადოების სიმსივნეა. ეს არის სიძულვილის ენა, რომელიც თავს ესხმის განათლებასა და ინტელექტს და გვიკრძალავს ერთმანეთის გაგებას. ეს არის ის, რაც ჩვენ გვყოფს და პოლარიზებას ახდენს – ეს სიძულვილის ენაა, რომელსაც თან ახლავს ცრუ, ფეიკინფორმაცია და რომელსაც სოციალური ქსელები ასე ხალისიანად ავრცელებენ. მას სურს დაყოფით, ფრაგმენტაციით და პოლარიზებით გაანადგუროს ის, რაც კაცობრიობის საერთო საფუძველია, სწორედ ის, რის კონსოლიდაციას და დაცვასაც ეს ორგანიზაცია ახდენს.

დოკუმენტი, რომელიც იუნესკო-მ ახლახან მიიღო, რათა გაუმკლავდეს სოციალურ ქსელში სიძულვილის ენის მოზღვავებას, პირველი და მნიშვნელოვანი ნაბიჯია, რომელსაც მხარი უნდა დავუჭიროთ და გავაზიაროთ ყველამ ჩვენს ქვეყანებში. ჩვენ უნდა გავერთიანდეთ, რათა სიძულვილის ენაზე გავიმარჯვოთ. ჩვენ უნდა გავერთიანდეთ, რათა შევინარჩუნოთ ენები, რომლებიც ერთმანეთის გაგებაში გვეხმარებიან და რომლებიც თავად გაქრობის ობიექტები არიან.

დასასრულს, მინდა თქვენი ყურადღება მივაპყრო კავკასიურ ენათა ოჯახზე, რომელიც ყველაზე პატარა ლინგვისტური ოჯახია ევრაზიის კონტინენტზე, თუმცა ათეულ ენას მოიცავს. აფხაზური ენა ერთ-ერთია იმ მრავალ ენათა შორის, რომლებიც კავკასიას უძველესი დროიდან წარმოაჩენდნენ და რომელსაც არაბები ენების მთას უწოდებდნენ. კავკასიური ოჯახის ენები, ყველა, ქართული ენის გარდა, გაქრობის საფრთხის წინაშე მდგომი ენების სიაშია.

მსურს თქვენ და ამ ორგანიზაციას, მოგმართოთ ინიციატივით, რომელიც მიზნად ისახავს საერთაშორისო საზოგადოების ყურადღების მოპყრობასა და მის ჩართულობას, რათა დაწესდეს კავკასიური ენების საერთაშორისო დღე. ჩვენ ეს ენები უნდა გადავარჩინოთ, ისევე, როგორც უნდა ავკრძალოთ სიძულვილის ენა“, – განაცხადა საქართველოს პრეზიდენტმა.