აბასთუმანში მოწესრიგდება ობსერვატორია, გაიხსნება თანამედროვე მეცნიერების მუზეუმი

დედამიწა, კოსმოსევგენი ხარაძის საქართველოს ეროვნული ასტროფიზიკის ობსერვატორიის რეაბილიტაციის დასრულებისთვის გაისად გამოიყოფა დამატებით 10 მილიონი ლარი, რაც უზრუნველყოფს ობსერვატორიის სრულ მოწესრიგებას, ტელესკოპების აღდგენასა და ახალი ტელესკოპის შეძენას. ამის შესახებ საქართველოს პრემიერ-მინისტრმა, ირაკლი ღარიბაშვილმა მთავრობის საქმიანობის 2021 წლის ანგარიშის წარდგენისას განაცხადა.

გაისად უკვე შეიცვლება უმაღლესი საგანმანათლებლო პროგრამების აკრედიტაციის მოქმედი სისტემაც.

„იგეგმება, რომ დაინერგოს სამინისტროს ინიციატივით შემუშავებული კლასტერული აკრედიტაცია, რომელიც მნიშვნელოვნად შეუწყობს ხელს საგანმანათლებლო პროგრამებზე განათლების ხარისხის განვითარებასა და საერთაშორისო დონეზე საქართველოში გაცემული კვალიფიკაციების აღიარებას. 7 დეკემბერს ბრიუსელში საზეიმოდ მოეწერა ხელი საქართველოს ევროკავშირის კვლევისა და ინოვაციის ახალ ჩარჩო პროგრამა Horizon Europe-ის შეთანხმებას, რაც ძალიან მნიშვნელოვანი მოვლენაა.

ასევე მინდა გითხრათ, რომ ევგენი ხარაძის საქართველოს ეროვნული სტროფიზიკის ობსერვატორიის რეაბილიტაციის დასრულებისთვის გაისად გამოიყოფა დამატებით 10 მილიონი ლარი, რაც უზრუნველყოფს ობსერვატორიის სრულ მოწესრიგებას, ტელესკოპების აღდგენასა და ახალი ტელესკოპის შეძენას. აბასთუმანში ასევე შეიქმნება თანამედროვე მეცნიერების მუზეუმი. ძალიან მალე ობსერვატორიაში საერთაშორისო სამეთვალყურეო საბჭო შეიქმნება, რომელიც ობსერვატორიას განვითარების ახალ ეტაპზე გადაიყვანს. 2022 წლის თებერვლიდან, მეგობრებო, შეგახსენებთ, რომ პირველად ჰარვარდის უნივერსიტეტის დევისის ცენტრში ქართველოლოგიის პროგრამა ამოქმედდება, რომელსაც ამერიკელი მეცნიერი და ქართველოლოგი პროფესორი სტივენ ჯონსი უხელმძღვანელებს“, – განაცხადა პრემიერ-მინისტრმა.

image_pdfimage_print

Comments

comments