ეროვნული არქივის რესტავრირებული ფილმები იტალიურ ფესტივალზე წარადგინეს

ქართული კინო, ჩაი, ჭრიჭინასაქართველოს იუსტიციის სამინისტროს ეროვნულ არქივში რესტავრირებული ქართულ ფილმები იტალიაში მიმდინარე მოკლემეტრაჟიანი ფილმების ფესტივალზე „Lago Film Fest“ არის წარდგენილი.

ქართველმა კინორეჟისორმა ალექსანდრე კობერიძემ საქართველოს ეროვნულ კინოცენტრსა და საქართველოს ეროვნულ არქივთან თანამშრომლობით რეტროსპექტივაზე წარადგინა ფილმები: კოტე მარჯანიშვილის „გოგი რატიანი“ (1927), სოსო ჩხაიძის „კოლხიდა“ (1967), ბიძინა რაჭველიშვილის „ხაბაზები“ (1970, დაცულია საქართველოს ეროვნულ არქივში), ბაადურ წულაძის „ფეოლა“ (1970), გოდერძი ჩოხელის „მეკვლე“ (1981, დაცულია საქართველოს ეროვნულ არქივში).

„ხაბაზებისა“ და „მეკვლეს“ ციფრული რესტავრაცია საქართველოს ეროვნულ არქივში ბოლო წლებში განხორციელდა.

„Lago Film Fest“ 22-30 ივლისს იტალიაში იმართება. ქართული ფილმების რეტროსტექტივის ნაწილს „სასიყვარულო წერილი ქართულ კინოს ალექსანდრე კობერიძის კურატორობით“ ჰქვია.

ინფორმაციას ეროვნული არქივის პრესსამსახური ავრცელებს.

image_pdfimage_print

Comments

comments