უნგრეთის პრემიერ-მინისტრი, ვიქტორ ორბანი ღია მხარდაჭერას უცხადებს ამერიკის ყოფილ პრეზიდენტ დონალდ ტრამპს.
ამის შესახებ ის საკუთარ „ტვიტერზე“ წერს და ერთობლივ ფოტოს აქვეყნებს.
„განაგრძე ბრძოლა, ბატონო პრეზიდენტო, ჩვენ თქვენ გვერდით ვართ“, – წერს ორბანი.
ფლორიდაში აშშ-ის ყოფილი პრეზიდენტის, დონალდ ტრამპის მხარდამჭერების აქცია გაიმართა. პალ ბიჩის სანაპიროზე შეკრებილი დემონსტრანტები აცხადებენ, რომ დონალდ ტრამპის წინააღმდეგ ბრალდება პოლიტიკურად არის მოტივირებული. შეგახსენებთ, რომ აშშ-ის ყოფილ პრეზიდენტს საარჩევნო კამპანიის სახსრებიდან პორნო ვარსკვლავის, სტორმი დენიელსისთვის 130 ათასი დოლარის გადახდაში ადანაშაულებენ. პარალელურად, თავად პორნოვარსკვლავი ამტკიცებს, რომ მას ტრამპთან ურთიერთობა ჰქონდა. აშშ-ს ყოფილი პრეზიდენტი სასამართლოს წინაშე სავარაუდოდ 4 აპრილს წარდგება.
Keep on fighting, Mr. President! We are with you, @realDonaldTrump pic.twitter.com/EZFMYHDRzl
— Orbán Viktor (@PM_ViktorOrban) April 3, 2023
