პროექტი"ფოტოკოლაჟი"


2133-640x640

ბრაზილიელma ილუსტრატორმა ლუკას ლევიტანმა სხვაგვარად შეხედა ინსტაგრამში გამოქვეყნებულ ზოგიერთ სურათს, ცოტაოდენი იუმორი შეჰმატა მათ და თავისებური ვერსია გამოაქვეყნა. გთავაზობთ ზოგიერთ ნამუშევარს.

2318-640x640

1822 (1)

1724-640x640

1527-640x640

1432

1042-640x640

644-640x640

1164-640x640

1333-640x640

1235-640x640




ირაკლი ღარიბაშვილი თავდაცვის მინისტრს ბოდიშის მოხდისკენ მოუწოდებს


პრემიერ-მინისტრი ირაკლი ღარიბაშვილი თავდაცვის სამინისტროს მიერ გუშინ გავრცელებულ განცხადებას შეცდომას უწოდებს.
ამის შესახებ ირაკლი ღარიბაშვილმა გუდაურში, ჟურნლისტებთან საუბარში განაცხადა.
,,მეც არ მომეწონა ეს განცხადება და მიმაჩნია, რომ ამ ტიპის პოლიტიკური შინაარსის განცხადება არ უნდა გაეკეთებინა თავდაცვის სამინისტროს. ვესაუბრე მინისტრს და თვითონაც ძალიან შეწუხებულია. მინდა, პირველ რიგში, მწუხარება გამოვთქვა და მივუსამძიმრო გარდაცვლილის ოჯახს. ქედს ვიხრი ამ ადამიანის ხსოვნის წინაშე.
რაც შეეხება განცხადებას, მე მას არ ვიზიარებ, მიმაჩნია, რომ თავდაცვის სამინისტრო არ უნდა აკეთებდეს მსგავს განცხადებას, მაგრამ მინდა გთხოვოთ, რომ ამ ფაქტის დრამატიზებას ნუ მოვახდენთ. შეცდომა ყველას მოსდის, არავინ ვართ შეცდომისგან დაზღვეული. მაგრამ, შეცდომას სჭირდება აღიარება და ბოდიშის მოხდა, რასაც ჩემი აზრით თავდაცვის მინისტრი გააკეთებს“,- განაცხადა ღარიბაშვილმა.
შეგახსენებთ, რომ თავდაცვის სამინისტრომ უკრაინაში დაღუპული ქართველის ალექსანდრე გრიგოლაშვილის დაღუპვის გამო, სრული პასუხისმგებლობა ყოფილი ხელისუფლების წარმომადგენლებს დააკისრა.




უკრაინის მთავრობას ჩვენ მხარს ვუჭერთ... მაგრამ მათი არჩევანი აზიანებს ჩვენს ურთიერთობებს – ღარიბაშვილი


უკრაინელი ხალხი საქართველოსთვის ძალიან ძვირფასია, მაგრამ უკრაინული მთავრობის მსგავსი ნაბიჯები აზიანებს ურთიერთობას ორ ქვეყანას შორის – ეს განცხადება ირაკლი ღაირბაშვილმა გააკეთა და ის ყოფილი მაღალჩინოსნების უკრაინის მთავრობაში დანიშვნას კიდევ ერთხელ გამოეხმაურა.
“ძალიან სამწუხაროა, რომ ჩვენს მიერ ძებნილი, ინტერპოლით ძებნილი ადამიანები კომფორტულად არიან მოკალათებული უკრაინის მთავრობაში. ეს საზიანოა უკრაინის მთავრობისთვის, მათი იმიჯისთვის. უკრაინის მთავრობას ჩვენ მხარს ვუჭერთ, პირადად ვესაუბრე პრეზიდენტ პოროშენკოს და პრემიერ იაცენიუკს, ვუთხარი, რომ ეს აზიანებს ჩვენს ურთიერთობებს და არ არის სასიამოვნო. მე ვერ ავუხსნი ქართველ ხალხს, რატომ შეიძლება დაინიშნოს ჩვენი მეგობარი უკრაინის მთავრობაში ინტერპოლის წითელი ცირკულარით ძებნილი ზურაბ ადეიშვილი, რომელიც დანაშაულებრივი რეჟიმის ერთ-ერთი მთავარი წევრი იყო, რომლის დროსაც 300 ათასი ადამიანი გასამართლდა, ან ვანო მერაბიშვილის მოადგილე, რომელიც იყო წლების განმავლობაში იმ დანაშაულებრივი რეჟიმის გამამართლებელი. ეს პირველ რიგში მათთვის არის დამაზიანებელი, რადგან რაც საქართველოში ხდებოდა, ეს იყო სასტიკი რეჟიმი. სამწუხაროა, მაგრამ ეს მათი არჩევანია, ეს არის მათი სუვერენული უფლება. როგორ შეიძლება, ალექსანდრე კვიტაშვილი, რომელმაც პრაქტიკულად დაანგრია ჯანდაცვის სისტემა საქართველოში, უკრაინის ჯანდაცვის მინისტრი გახდეს. ეს არის მათი არჩევანი. ჩვენ ყველაფერი გავაკეთეთ, რომ მაქსიმალურად დავეხმაროთ უკრაინის მთავრობას, მაგრამ მსგავსი ნაბიჯები არ იქნება სასარგებლო ჩვენს ურთიერთობებში”, – განაცხადა ირაკლი ღარიბაშვილმა.




Forbes-ის რეიტინგში საქართველოს პოზიცია სამი ადგილით გაუმჯობესდა


საქართველოს პოზიცია, Forbes-ის რეიტინგში „საუკეთესო ქვეყნები ბიზნესისთვის“ (Best Countries for Business) 2014 წელს, 2013 წელთან შედარებით 3 ადგილით გაუმჯობესდა და 146 ქვეყანას შორის 47-ე ადგილი დაიკავა, ხოლო რეგიონის მასშტაბით – პირველ ადგილზეა.
ამის თაობაზე დღეს ეკონომიკისა და მდგრადი განვითარების მინისტრის მოადგილემ, მიხეილ ჯანელიძემ პრესკონფერენცია გამართა და ჟურნალისტებს, გავლენიანი ჟურნალის მიერ გამოქვეყნებული შედეგები გააცნო. მიხეილ ჯანელიძის განცხადებით, „ფორბსის“ რეიტინგი ეფუძნება მსოფლიოში აღიარებული კვლევითი ინსტიტუტების მიერ შემუშავებულ მონაცემებსა და რეიტინგებს. მათ შორის ასეთი ინსტიტუტია ჰერიტიჯის ფონდი, რომელიც იკვლევს ქვეყნების ეკონომიკური თავისუფლების დონეს.
„როგორც მოგეხსენებათ, ამ კვლევის თანახმად, საქართველომ მკვეთრად გაიუმჯობესა მდგომარეობა 2013 წლის შემდეგ და იგი 22 ადგილს იკავებს მსოფლიოში ეკონომიკის თავისუფლების ინდექსის მიხედვით. 2014 წლის მაჩვენებელი არის ყველაზე მაღალი, რაც აქამდე საქართველოს ამ რეიტინგის მიხედვით ჰქონია. გარდა ამისა, „ფორბსი“ ითვალისწინებს გლობალური კონკურენტუნარიანობის ინდექს, რომელიც ქვეყნდება მსოფლიო ეკონომიკური ფორუმის მიერ. ამ რეიტინგშიც საქართველომ 2012 წლის შემდეგ გაიუმჯობესა მდგომარეობა და 77 ადგილის ნაცვლად 69 ადგილზე გადაინაცვლა. „ფორბსი“ ასევე ეყრდნობა ისეთ კვლევებს, როგორიცაა მსოფლიო ბანკის რეიტინგი ბიზნესის კეთების სიმარტივის კუთხით, „ტრანსფარენსი ინტერნეშენალის“ კორუფციის აღქმის ინდექსი, „ფრიდომ ჰაუსის“ თავისუფლების ინდექსი და საკუთრების უფლებების ალიანსის საკუთრების უფლებების დაცვის ინდექსი“ – განაცხადა მიხეილ ჯანელიძემ.
„ფორბსის“ რეიტინგში პირველ ადგილს დანია, ხოლო ბოლო ადგილს გვინეა იკავებს.




მიხეილ სააკაშვილი მზად არის პუტინს დასაქმებაში დაეხმაროს


საქართველოს ექსპრეზიდენტი მიხეილ საააკშვილი რუსეთის პრეზიდენტის განცახდებას ეხმაურება და ამბობს, რომ ვლადიმერ პუტინს შეუძლია არ ინერვიულოს მის დასაქმებაზე.
მისი თქმით, თუ პუტინი თავის დღევანდელ საქმიანობას დაანებებს თავს, მზად არის თავის უნივერსიტეტში დაასაქმოს.
,,ძალიან ბევრ წამყვან უნივერსიტეტში მიმიწვიეს ამ ბოლო დღეებში. შემომთავაზეს უკრაინის მთავრობის ერთ-ერთი მთავარი ხელმძღვანელის პოსტიც და ამ ეტაპზე თავი შევიკავე. ჩემი ხელმძღვანელობით ინსტიტუტიც შეიქმნა ნიუ-იორკში და აშშ-ს სახელმწიფო დეპარტამენტმა დიდი ხნის წინ მომცა სამუშაო ვიზაზე თანხმობა. ოღონდ პუტინმა თავი დაანებოს რასაც აკეთებს და შევაწევ სიტყვას, მასაც მისცემენ ვიზას. მზად ვართ ავიყვანოთ ჩვენ ინსტიტუტში და ჩავაბაროთ რამე მემუარების დაწერა, ოღონდ ჩამოშორდეს იმ საქმეს რითაც ახლა არის დაკავებული”, – განაცხადა სააკაშვილმა.




საახალწლო მორთულობა მამაკაცებისთვის


pic_503d72985b49b62d04868e6f5f1021b1

ბრიტანულმა სარეკლამო სააგენტომ Grey London მამაკაცებისთვის საახალწლო მორთულობა გამოუშვა. სპეციალური ნაკრები, რომელშიც 14 პატარა ბურთულა შედის, 7 ფუნტი სტერლინგი ღირს. იდეის მიხედვით, საახალწლო ბურთულები მამაკაცის წვერზე მაგრდება. სააგენტოში აცხადებენ, რომ უჩვეულო მორთულობამ მოსახლეობაში აჟოიტაჟი შექმნა და ამჟამად საწყობში არც ერთი ნაკრები აღარ დარჩა. ბრიტანელების გარდა, სიახლე ყველაზე ძალიან ამერიკელებს, გერმანელებს და ფრანგებს მოეწონათ. გაყიდვებისგან შემოსულ თანხას სარეკლამო სააგენტო ავთვისებიანი სიმსივნის – მელანომის შესწავლის ფონდს Beardseason-ს გადასცემს.
The Daily Mail




ვეუბნებოდი სააკაშვილს ომი არ დაიწყო-თქო, მაგრამ არ დამიჯერა და რეზულტატი სახეზეა – ვლადიმერ პუტინი


რუსეთის პრეზიდენტ ვლადიმერ პუტინის განცხადებით, ის საქართველოს ყოფილ პრეზიდენტ მიხეილ სააკაშვილს, რომ ეუბნებოდა, რომ ომი არ უნდა დაწყებულიყო.
ამის შესახებ პუტინმა, დღეს გამართულ ყოველწლიურ ტრადიციულ პრესკონფერენციაზე განაცხადა.
„ჩვენ მიხეილ სააკაშვილთან მოლაპარაკებები გვქონდა. ვეუბნებოდი, მიხეილ, არ არის საჭირო ამის გაკეთება. ომი არ უნდა დაიწყო, თუმცა მან არ დამიჯერა და რეზულტატი სახეზეა. მე მესმის რომ ეს ქართველი ხალხისთვის ძალიან დიდი ტკივილია. ზუსტად ასე მოხდა მაშინ, როცა 1989 წელს საბჭოთა კავშირი დაიშალა, საქართველო გამოეყო მას, აფხაზეთმა კი განაცხადა, რომ რუსეთთან სურდა, საქართველომ მაშინაც სადამსჯელო ოპერაციები დაიწყო. ჩვენ არაფერს არ ვპროვოცირებთ“, – განაცხადა ვლადიმერ პუტინმა.




მარგველაშვილის ბოროტი მამინაცვალი მშვიდად იყოს – მიხეილ სააკაშვილი


მარგველაშვილისთვის დრო არ მაქვს… იქ ისეთი ბოროტი მამინაცვალი ელოდება…. – სააკაშვილ
საქართველოს ყოფილი პრეზიდენტი მიხეილ სააკაშვილი მოქმედ პრეზიდენტთან საიდუმლო შეხვედრებს არ გეგმავს, – ამის შესახებ სააკაშვილმა სტრასბურგში ჟურნალისტებს განუცხადა.
,,იქ ისეთი ბოროტი დედინაცვალი და მამინაცვალი ელოდება და იმდენი ბოროტი თვალი და მეთვალყურე გამოატანეს, რომ ნამდვილად არ მინდა, ვინმე ჩავაყენო უხერხულ მდგომარეობაში. დღეს მარგველაშვილისთვის დრო არ მაქვს, ამდენად იყონ წყნარად, არანაირი საიდუმლო შეხვედრები არ შედგა“, – განაცხადა მიხეილ სააკაშილმა.




ევროპარლამენტმა საქართველოს შესახებ რეზოლუცია მიიღო


ევროპარლამენტმა საქართველოს შესახებ რეზოლუცია მიიღო. ანდრეი მამიკინსის ანგარიშის საფუძველზე მომზადებულ რეზოლუციას მხარი 638 დეპუტატიდან 491 –მა დაუჭირა, წინააღმდეგი კი – 84 დეპუტატი წავიდა, 63-მა თავი შეიკავა.
რეზოლუციაში სავარაუდოდ, რჩება მე-11 პუნქტი, რომელიც რუსეთთან დაკავშირებულ კრიტიკას ითვალისწინებს.
მე-11 პუნქტი რუსეთს მოუწოდებს, საქართველოს სუვერენიტეტსა და ტერიტორიულ მთლიანობას სრულად სცეს პატივი. ამავე პუნქტში შევიდა ცვლილება, რომლის მიხედვით ევროპარლამენტი გმობს რუსეთსა და აფხაზეთს შორის გაფორმებულ ე.წ. შეთანხმებას და მას რუსეთის მიერ აფხაზეთის სრული ანექსიისკენ გადადგმულ ნაბიჯად აფასებს.
ასევე უცვლელია რეზოლუციის პროექტის მე-15 პუნქტის ტექსტი, სადაც აღნიშნულია, რომ ევროპარლამენტი პოლიტიკური ოპონენტების წინააღმდეგ სასამართლო სისტემის პოტენციურ გამოყენებასთან დაკავშირებით შეშფოთებას გამოთქვამს.
ევროპარლამენმა ასევე, საქართველოს ევროკავშირთან ასოცირების ხელშეკრულების რატიფიცირება მოახდინა.




ვგმობთ ყოფილი მთავრობის წევრების წინააღმდეგ დაწყებულ სასამართლო პროცესებს - ჩარლზ ტანოკი


ვგმობთ ყოფილი მთავრობის წევრების წინააღმდეგ დაწყებულ სასამართლო პროცესებს – ჩარლზ ტანოკი
ევროპარლამენტარის, კონსერვატორებისა და რეფორმისტების ჯგუფის წევრის, ჩარლზ ტანოკის განცხადებით, მათ საქართველოს ყოფილ პრეზიდენტთან დაკავშირებით, შერჩევით სამართალზე აქვთ ეჭვი.
ამის შესახებ ჩარლზ ტანოკმა ევროპარლანეტში სხდომაზე, რეზოლუციის საკითხზე გამართული დებატებისას განაცხადა.
,,ვგმობთ ყოფილი მთავრობის წევრების წინააღმდეგ დაწყებულ სასამართლო პროცესებს. გვაქვს ეჭვი შერჩევით სამართალზე ყოფილ პრეზიდენტთან დაკავშირებით.ზოგადად კი საქართველოსა და ევროკავშირს შორის ახლო პარტნიორობის კუთხით ძალიან კარგი წელი იყო“, – განაცხადა ჩარლზ ტანოკმა.